Sakspapir Sakshandsamar Arkiv ArkivsakID Rune Roalkvam K2 - L12 14/356 Saksnr Utval Type Dato 053/15 Utval for landbruk, miljø og teknikk (LMT-utvalet) PS 30.04.2015 033/15 Kommunestyret PS 19.05.2015 PLANID 200906 GULLINGEN-/MOSVATNOMRÅDET - REGULERINGSENDRING Vedlegg: gullingen lmt 300415 Saksopplysningar: Samandrag Ein går inn for nokre mindre endringar for ein del hyttepunkt i Stavastøldalen, og meir presise føresegner for gangstiar i planområdet. Fakta LMT-utvalet i Suldal gjorde i møte 08.01.2015 følgjande vedtak (den del av vedtak som gjeld storleik og byggeskikk er utelaten, då dette er ferdig handsama tidlegare): Framlegg til endring av reguleringsplan for Mosvatn-området blir lagt ut til offentleg ettersyn. Endringane gjeld: Endring av hyttetomtene 2-5 i Eldåsen til to ordinære hyttetomter; tomtene 28-30 ved Stavastøl til to ordinære hytteteomter: flytting/justering av tomtene 25, 26 og 27 i Stavastøldalen; tilkomstveg i samband med alle desse endringane, jfr. kart datert 05.01.2015. For desse hyttetomtene gjeld same føresegner som for øvrige hytter. Føresegner for etablering av gangstiar: Det kan etter søknad etablerast gangstiar til hyttene, der dette kan gjerast utan at det fører til vesentlege negative konsekvensar for natur, landskap eller friluftsliv. Det skal helst skje etter samla plan for fleire hytter. Gangstiane kan grusast opp i ei maksimal bredde på 1,5 meter. Gangstiane kan ikkje nyttast til motorisert ferdsle, med unnatak av transport av anleggsmaskinar i samband med opparbeiding av hyttetomt, der dette elles måtte skje i terrenget. Kommunen kan krevja at gangstien blir fysisk stengd for motorisert ferdsel. LMT-utvalet har tidlegare handsama den delen av denne reguleringsendringa som gjeld hyttestorleik og byggeskikk. Øvrige tema som har vore til høyring er kort oppsummert: Hyttetomter
Gullingen Utviklingselskap as har søkt om to byggeområde med innregulerte hytter i rekke blir omgjort til ordinære hyttetomter (to i kvart område) med tilhøyrande bilveg. Vidare at byggegrensene innan tomt 27 vert endra for å unngå det brattaste terrenget. Dessutan flytting av to hyttetomter, nr 25 og 23 (feilaktig kalt 26 i søknad og tidlegare saksdokument). Nr 25 skal flyttast til nedsida av vegen, nr 23 nokre meter mot SV. Søknadskartet er skissemessig utforma og har ikkje byggegrenser. Særleg nr 25 vil koma vesentleg nærmare vassdraget enn nåverande plassering. Gangvegar Det er behov for meir spesifikke førsegner for gangvegar som vert bygde innan spesialområde friluftsområde (ikkje innteikna på plankart). Innkomne uttalar (Uttaler som går på storleik og byggeskikk er utelatne) Fylkesmannen i Rogaland (samordna med NVE) rår til at hyttetomter ikkje blir flytta nærare vassdraget (Stavastøldalen). NVE viser både til flaum- og erosjonsfare og til randsona langs vassdrag som landskapselement og biotop. «NVE ser det difor som svært uheldig at det er foreslått å flytte/justere to hyttetomter nærare vassdraget». Det bør innarbeidast omsynssoner der eksisterande hyttetomter ligg i aktsomhetsområde for skredfare. Statens Vegvesen har ingen merknader. Fylkesrådmannen (Kulturavdelinga) forutset at planen vert oppdatert etter ny planlov når det gjeld kulturminna. I Eldåsen rår dei til at snuplassen blir lagt annleis, bort frå kullgropa der. Det bør settast krav om at gropa med buffersone skal gjerdast inn med stålnett før oppstart av anleggsarbeid. Gullingen Utviklingsselskap as går inn for «opning for forsiktig bruk av traktor på gangsti i samband med næringsverksemd». Prosjektgruppa Gullingen (innspel til planvarsel, feilarkivert) ønskjer følgjande: - Lysløype i Breiastøldalen - Fast dekke i eksisterande lysløype - Stiar kan grusast opp - Knyta saman lysløypene i Fjellbergskaret og Mostølen med lyspunkt. Thor Henning Auestad ser det som viktig at gangstiar forblir reelle gangstiar og viser til at anleggsperidane kan bli langvarige og at utbyggingsfirma ikkje nødvendigvis kjenner til føresegnene og vil bruka stiane til motorisert ferdsle dersom dei ligg opne og kjørbare. Eit minstekrav må vera at dei er skilta, men dei bør helst vera fysisk stengde med mulighet for dispensasjon frå dette. Bjørn Egil Nerheim foreslår følgjande regel for gangstiar (tillegg i kursiv): «Gangstiane kan ikkje nyttast til motorisert ferdsle, med unnatak av transport av anleggsmaskinar i samband med opparbeiding av hyttetomt, der dette elles måtte skje i terrenget, og for grunneigarar i samband med gardsdrifta og skjødsel av skogen.» Marianne og Tor Eskeland finn det uakseptabelt at tomt 25 blir flytta til nedsida av vegen, foran Eskeland si hytte. Dei syner m.a. til prosessen då reguleringsplanen vart laga første gong, der fleire
hyttepunkt på nedsida av vegen vart tekne ut. Dei ønsker også at veg ned til hyttene blir teken bort. Dei lanserer ei alternativ plassering for tomt 25, noko lenger ned langs vassdraget Vurdering og konklusjon 1. Gangvegar, lysløype Dei innkomne merknadene kring gangvegar går i to retningar: a) frå grunneigarhald som ønsker at det skal opnast for meir bruk av motorisert ferdsel i samband med næring (transport til hytter, landbruk); b) frå hytteeigarhald som ønsker fysisk stenging av stiar for å unngå motorisert ferdsle. Under varslinga kom det fram at einskilde hytteeigarar også kunne tenka seg mulighet for transport av varer til hyttene, t.d. to gonger i året. Rådmannen sitt framlegg var eit slags kompromiss mellom ytterpunkta. Det er vanskeleg å handheva ei delvis opning for motorisert ferdsle utover det som alt ligg inne i framlegget (i samband med utgraving av tomt). Ein har som utgangspunkt at brukarane av området held seg til gjeldande reglar, men ser at det kan vera eit informasjonsbehov dersom køyrbare gangstiar ligg utan fysisk stengsel. Difor er det i rådmannen sitt framlegg teke høgde for at gangvegar kan krevjast fysisk stengd dersom situasjonen tilseier det. Rådmannen vel difor å halda på sitt kompromiss og sjå korleis det vil fungera. Motorisert ferdsel i samband med landbruksdrift er tillatt i landbruksområda. Dei største delane av utmarksareala er regulerte til friluftsområde. Her er «vanleg skogskjøtsel» tillatt. Ein tolkar dette slik at evt. bruk av t.d. traktor til hogst dermed er tillatt også her i medhald av gjeldande føresegner. Etablering av lysløype i Breiastøldalen på eksisterande bilveg krev etter rådmannen sitt syn ikkje reguleringsendring. Dersom det skal gjerast terrenginngrep utover eksisterande må ein ta stilling til det i ein konkret søknad. Fast dekke i lysløypa er det alt opna for, men ikkje asfaltering. Det er heller ikkje opna for asfaltering i løypa rundt Mosvatnet, og rådmannen ønskjer ikkje å gå inn for så sterk tilrettelegging i dette naturområdet. Det vil vera råd å etablera stiar/gangvegar med grusdekke, som t.d. kan nyttast til sykling, innan nåverande regelverk. 2. Omgjering av «rekkehytter» til frittliggande hytter. Det er ingen merknader til endring til frittliggande hytter i Eldåsen og ved Stavastølen. Ein går difor inn for at dette blir gjort. Når det gjeld etablering av køyreveg til hyttene i Eldåsen viser ein til Fylkesrådmannen sin merknad og rår til at snuhammar blir etablert i god avstand frå kolgropa i området. Detaljane får ein ta i byggesaka. 3. Flytting av hyttetomter. Det er ingen merknader til endring av byggegrenser innan tomt 27 øvst i Stavastøldalen, og ein rår til at dette blir gjort. Fylkesmannen og NVE er sterkt i mot (men utan å fremja motsegn) til at hyttepunkta 25 og 23 skal flyttast nærare vassdraget. Hyttenabo Eskeland går mot flytting av tomt 25 og foreslår ei alternativ plassering. Dette blir ikkje vurdert her, då dette ville krevja ei ny høyring. Frå Gullingen Utviklingselskap har det vore framført at flytting av tomt 25 delvis er gjort av omsyn til Eskeland, ettersom den ligg nær hans hytte. Når Eskeland sjølv er i mot det, vel ein å tillegga dette vekt saman med argumenta frå Fylkesmannen/NVE, og halda på opphavleg plassering av tomt 25. Når det gjeld tomt 23 vil ikkje dette nødvendigvis føra til at hytta blir bygd nærare vassdraget,
ettersom søknadskartet ikkje viser byggegrenser. Det er her bare eit smalt parti mellom vegen og elva, og det er to hytter like ved. Ein ser det som heller ein føremon at tomt 23 blir flytta litt nærare desse to, slik at det blir eit større samanhengande urørt område oppover langs elva. Pr i dag ligg byggegrensa for tomt 23 45 m frå elva, næraste nabohytte ligg 40 m frå elva. Ein vil setta krav om at det er minimum 40 m avstand frå hytteveggen til elva ved ein byggesak. Me har justert noko på avgrensinga i høve til søknaden slik at ikkje tomta skal koma for nær elva og gangstien som går der. Ein finn ikkje grunnlag for å regulera inn ein eigen bilvegtilkomst til tomt 23. Ein bør heller sjå på muligheten for felles parkering for alle hyttene i denne klynga. Ein vil minna om at det under den opphavlege planhandsaminga vart teke ut fleire hyttetomter i dette området av omsyn til vassdraget og natur/friluftsomsyn, og at ein vil vera restriktiv til å lempa på dette. Ein rår til at dei endringane som følgjer av dette, og som går fram av innstillinga, blir vedteke. Rådmannen si innstilling Reguleringsplan for Gullingen/Mosvatn-området, plan-id 200906, vert endra slik (jf. kartvedlegg datert 16.04.2015: 1. Hyttetomter i rekke, nr 2-5, vert gjort om til to ordinære hyttetomter, som omsøkt. Ved søknad om køyreveg til dette området skal framlegget frå Fylkesrådmannen leggast til grunn, av omsyn til fornminnet i området. 2. Hyttetomter i rekke, nr 28-30, vert gjort om til to ordinære hyttetomter med tilhøyrande tilkomstveg. 3. Føresegnene for hyttene i punkt 1 og 2 vert dei same som for øvrige hytter i området. Tidlegare føresegner særleg for desse hyttene vert tekne ut av planen. 4. Hyttetomt 23 vert flytta noko mot sørvest, som vist i kartvedlegg. Det skal vera minimum 40 m mellom vassdraget og hytta. 5. Hyttetomt 25 vert ikkje flytta. 6. Hyttetomt 27 vert endra ved at byggegrensene innan tomta vert flytta som omsøkt. 7. Det blir innført følgjande endring i føresegnene for «Spesialområde friluftsområde»: «Det kan etter søknad etablerast gangstiar til hyttene, der dette kan gjerast utan at det fører til vesentlege negative konsekvensar for natur, landskap eller friluftsliv. Det skal helst skje etter samla plan for fleire hytter. Gangstiane kan grusast opp i ei maksimal bredde på 1,5 meter. Gangstiane kan ikkje nyttast til motorisert ferdsle, med unnatak av transport av anleggsmaskinar i samband med opparbeiding av hyttetomt, der dette elles måtte skje i terrenget. Kommunen kan krevja at gangstien blir fysisk stengd for motorisert ferdsel. Utval for landbruk, miljø og teknikk (LMT-utvalet) - 053/15 LMT - handsaming: Bjørn Egil Nerheim, Krf og Henrik Halsne, Ap er juridisk ugilde Samrøystes vedtak i samsvar med innstillinga.
LMT: vedtak Reguleringsplan for Gullingen/Mosvatn-området, plan-id 200906, vert endra slik (jf. kartvedlegg datert 16.04.2015: 1. Hyttetomter i rekke, nr 2-5, vert gjort om til to ordinære hyttetomter, som omsøkt. Ved søknad om køyreveg til dette området skal framlegget frå Fylkesrådmannen leggast til grunn, av omsyn til fornminnet i området. 2. Hyttetomter i rekke, nr 28-30, vert gjort om til to ordinære hyttetomter med tilhøyrande tilkomstveg. 3. Føresegnene for hyttene i punkt 1 og 2 vert dei same som for øvrige hytter i området. Tidlegare føresegner særleg for desse hyttene vert tekne ut av planen. 4. Hyttetomt 23 vert flytta noko mot sørvest, som vist i kartvedlegg. Det skal vera minimum 40 m mellom vassdraget og hytta. 5. Hyttetomt 25 vert ikkje flytta. 6. Hyttetomt 27 vert endra ved at byggegrensene innan tomta vert flytta som omsøkt. 7. Det blir innført følgjande endring i føresegnene for «Spesialområde friluftsområde»: «Det kan etter søknad etablerast gangstiar til hyttene, der dette kan gjerast utan at det fører til vesentlege negative konsekvensar for natur, landskap eller friluftsliv. Det skal helst skje etter samla plan for fleire hytter. Gangstiane kan grusast opp i ei maksimal bredde på 1,5 meter. Gangstiane kan ikkje nyttast til motorisert ferdsle, med unnatak av transport av anleggsmaskinar i samband med opparbeiding av hyttetomt, der dette elles måtte skje i terrenget. Kommunen kan krevja at gangstien blir fysisk stengd for motorisert ferdsel. Kommunestyret - 033/15 K - handsaming: Klara Holmestad Nerheim, Ap, Bjørn Egil Nerheim, Ap og Endre Kvæstad, Sp vart kjent ugilde Samrøystes i samsvar med innstillinga K: vedtak Reguleringsplan for Gullingen/Mosvatn-området, plan-id 200906, vert endra slik (jf. kartvedlegg datert 16.04.2015: 1. Hyttetomter i rekke, nr 2-5, vert gjort om til to ordinære hyttetomter, som omsøkt. Ved søknad om køyreveg til dette området skal framlegget frå Fylkesrådmannen leggast til grunn, av omsyn til fornminnet i området. 2. Hyttetomter i rekke, nr 28-30, vert gjort om til to ordinære hyttetomter med tilhøyrande tilkomstveg. 3. Føresegnene for hyttene i punkt 1 og 2 vert dei same som for øvrige hytter i området. Tidlegare føresegner særleg for desse hyttene vert tekne ut av planen. 4. Hyttetomt 23 vert flytta noko mot sørvest, som vist i kartvedlegg. Det skal vera minimum
40 m mellom vassdraget og hytta. 5. Hyttetomt 25 vert ikkje flytta. 6. Hyttetomt 27 vert endra ved at byggegrensene innan tomta vert flytta som omsøkt. 7. Det blir innført følgjande endring i føresegnene for «Spesialområde friluftsområde»: «Det kan etter søknad etablerast gangstiar til hyttene, der dette kan gjerast utan at det fører til vesentlege negative konsekvensar for natur, landskap eller friluftsliv. Det skal helst skje etter samla plan for fleire hytter. Gangstiane kan grusast opp i ei maksimal bredde på 1,5 meter. Gangstiane kan ikkje nyttast til motorisert ferdsle, med unnatak av transport av anleggsmaskinar i samband med opparbeiding av hyttetomt, der dette elles måtte skje i terrenget. Kommunen kan krevja at gangstien blir fysisk stengd for motorisert ferdsel. Sand, 19.05.2015 Øyvind Valen Rådmann Oppfølging: Rune Roalkvam, sakshandsamar Endre Gjil, einingsleiar