REFERAT FRÅ MØTE I ARBEIDSUTVALET(FAU) Møte på personalromet på ungdomsskulen onsdag 02.10.13 klokka 19.00-21.00. Til stades: Eve Lis Eikrem (10a), Pål Sindre Myklebust (10a), Bente Åmbakk (9a), Else Karin Hoggen, Jeanett Yksnøy (8a), Odd Staurset (8c). Første sak på kvart møte skal vere godkjenning av innkalling og sakliste. Dette vart gløymt no, men det skal kome inn neste gong. Innkallinga vart sendt i posten til alle, men 8. klassingane hadde ikkje fått vidare innkalling til fau-møtet. Dei to representantane frå 8. klasse kunne heldigvis bli med vidare på fau-møtet likevel. Eg beklagar dette. 1. Konstituering av arbeidsutvalet Val av leiar/nestleiar FAU-leiar: Pål Sindre Myklebust 10a (vara: Cathrine Yksnøy 10d) Nestleiar: Odd Staurset, 8c (vara: Randi Brekken Vatne 8c) Medlemar: Bente Åmbakk, 9a (vara: Arve Hovdenakk 9c) Eve Lis Eikrem, 10a (vara: Leif Atle Strand 10d) Else Karin Hoggen, 9b (vara: Sveinung Myklebust) Jeanett Yksnøy, 8a (vara: Idar Vatne 8c) Pål Sindre og Odd møter i SMU/SU. Ved forfall til SMU/SU møter Bente for Pål Sindre og Jeanett for Odd. Else Karin Hoggen går ut av FAU. Sveinung Myklebust vert kalla inn på neste møte i november. 2. Kva skal utvalet arbeide med? Sjå sak 5. Kven har ansvar for å kalle inn? Rektor i samråd med FAU-leiar kallar inn til desse møta.
3. Informasjon Mål for ØUS: Læring og trivsel. Vi skal møte presis og kaste bosset på rett plass. Du bestemmer over deg sjølv, men også over andre gjennom korleis du oppførar deg. Vi har stor påverknad på andre. Elevråd: Leiar: Kristoffer Myklebust Egset (10a) Nestleiar: Karen Johanne Hovde Vollsund Representantar til ungdomsråd: Kristianne Farstad Berge (vara: Mathilde Opsal Barstad) Sigve Strand (vara: Magnus Westre Velle) Representantar til SMU/SU: Kristoffer Myklebust Egset og Karen J. H. Vollsund. Vurdering for læring: Ørsta kommune er med i prosjektet Vurdering for læring, som har som mål å gje elevane betre undervegsvurdering og større medverknad. Ved ØUS har vi fokus på desse hovuområda i år: Klasseleiing, lokal læreplan, konkrete læringsmål og undervegsvurdering. For å få til dette må vi ha felles strategi og løysingar. Vi har arbeidd med vurderingspraksis og målet er å ha mest vurdering retta mot prosess og ikkje sluttvurdering. Heftet Undervegsvurdering i fag vart delt ut til alle. Bibliotekprosjekt- vidare arbeid -Prosjektet går over tre år. Skulen har fått eksterne midlar (120 000kr) til innføringa. Lesekurs, styrking av elevane sin kompetanse i bruk av IKT og læringsstrategiar er integrert i prosjektet. Det var særleg fokus på 8.årssteg i skuleåret 12/13. -For skuleåret 13/14 vert det ikkje utdelt midlar, men vi har framleis ein liten pott å bruke. Vi har laga ein tre-årsplan der hovudmålet er å skape eit aktivit mediatek, samtidig som ein har fokus på lesing og lesestrategiar i alle fag på trinna. -Elevane vert kartlagde for å finne ut kven som kan ha nytte av lesekurs hausten 9. klasse eller våren i 8. klasse. Lektor 2: Lektor 2 er også integrert i bibliotekprosjektet. Prosjektet er eit samarbeid med Tussa der målet er å vise elevane samanhengen mellom teori og praksis i realfaga. Ekskursjon til kraftverk og praktisk elevarbeid med bruk av teori er ein del av prosjektet. Årets 9.klassingar får nytte av røynslene frå dei som gjekk i 9.klasse i fjor.
Skulevandring: Skulevandring er ei arbeidsmetode som er utvikla for at skuleleiarane skal kunne støtte læraren i å lage god undervisning. Skulevandring er systematisk observasjon av undervisninga. Fokus på kjerneverksemda skulen sine satsingsområde. Lærarane kjem i lag fram til kva ein skal ha fokus på under observasjonen og kriterium for/ kjenneteikn på god praksis. I verksemdsplanen har vi særleg fokus på å utvikle eit tverrfagleg miljø som fremjar kunnskapssøking og samarbeid som sikrar ei heilskapleg forståing av lærings- og oppvekstmiljøet. Skulevandring skal vere ei støtte og rettleiing til lærarane. Systematisk og tidsinnsparande. Det gir leiinga naudsynt innsikt i skulekvardagen. Rettleiing: 18 tilsette ved ØUS og 60 tilsette i Ørsta kommmune frå skulesektoren er med på vidareutdanning i rettleiing. Dette er eit svært nyttig studium og gjer oss til betre rettleiarar for alle. Vi tek også sikte på å vere praksisskule i framtida, og då må vi ha dette studiet. 4. Rutinar kring utsending av innkalling og referat Rektor skriv referat og sender referata på e-post. Leiar i FAU les referata før dei vert sendt ut. Rektor sender innkallinga på e-post til alle representantane. 5. Møteplan FAU/SU/ Skulemiljøutval Onsdag 13.11: FAU og SMU-møte kl. 18.00 og 19.30. Vi satsar på to FAU-møte pr halvår, eit SMU-møte i haust og to til våren. SMU kan uttale seg om skulemiljøet til elevane. Dersom det er naudsynt med SU, må ein endre brukarorganet. I utgangspunktet er dette forum for saker på systemnivå til beste for elevane si læring, utvikling og trivsel. Av den grunn er SMU mest aktuelt. Lenke til fug: http://www.fug.no/foreldrerepresentanter.141855.no.html
6. Aktuelle saker framover: Elevmiljø, mobilbruk, natteramn, venners venner-fest. FAU vert einige om aktuelle saker på møtet. Eventuelle saker kan meldast på møtet. Desse sakene vart diskuterte: -bruk av mobil: FAU var ikkje einige om at ein bør setje eit forbod mot bruk av mobil ved ØUS. Det var einigheit på møtet om at ein skulle ha fokus på bruk/misbruk av mobiltelefonen på skulen og i fritida. Til neste møte så skal ein orientere seg litt i kva som finnest av ulike saker. FAU ønskjer å sjå eksempel på skular som har forbod, spesielle reglar osv. Dei føresette ønskte ikkje at elevane skulle høyre på musikk på øyret. Mobiltelefonen skal vere pakka ned i timane. Saka vert teken opp att seinare og ho går også vidare til elevrådet og SMU. Saka skal og diskuterast internt på skulen. -natteramn: Bente Åmbakk orienterte om kva som var gjort i fjor. Det er ønskje om å engasjere faste føresette, slik at ein kan ha natteramnar ute kvar helg. Tiltaket er viktig og dei føresette bør kunne gjere dette for bygda si og ungdomane der. Forslag: Rektor gjev namnet til Odd Staurset til frivilligsentralen, slik at dei saman kan bestemme kva som bør gjerast. FAU ønskjer at 8.trinn tek denne oppgåva og får det inn i faste former. -venners venner-fest: Det er ønskje om ein slik fest ein gong til. 10e og Hjørdis Almelid Vikenes arrangerte i fjor. Det var om lag 50 elevar som møtte opp. Det er viktig med god informasjon i forkant. Elevane har sjølv med mat og så er det aktivitetar og fellesmåltid på skulen på kvelden. I utgangspunktet har ikkje lærarane arbeidstid, men skulen stiller med hjelp. Aktuell møtedag: I perioden frå jul til vinterferien. Det er ønskje om å ha festen tidlegare enn i fjor. Forslag: Saka vert presentert for elevrådet og SMU og vert teken opp att på neste FAU-møte. -mat i skulen:
I vår diskuterte FAU om ein skulle prøve å få til eit varmt måltid for elevane ved ungdomsskulen. Mange elevar går heile dagen utan mat, og FAU ønskjer å motarbeide denne trenden. Mat må vi ha og fellesskap rundt maten skapar mykje positivt. Rektor meiner dette er eit godt tiltak, men det må organiserast på ein god måte. Det krev mykje å servere mat til over 300 elevar. Det vart diskutert om dette skulle vere gratis, om alle skulle ha tiltaket samtidig, om det skulle koste noko, kva type mat, kven skal lage? Det var mange spørsmål og ikkje så lett å oppsummere. Forslag: Saka vert presentert for elevråd og SMU i første omgang. Ein må også bestemme internt kva rammer som er aktuelle. -tjuveri frå butikkane: Nokre få ungdomar stel frå butikkane i Ørsta. Det er vanskeleg å finne ut kven som gjer det, og av og til så avtalar ungdomane med kvarandre om kva dei skal stele og korleis. Nokre vert også pressa til å stele. Det var eit ønskje frå FAU om at denne problemstillinga må takast opp i rett forum ved skulen. Korleis forklare for elevane at dette får store konsekvensar for dei seinare, både i samband med arbeidsveke og anna jobbsøking. Forslag til tiltak: Samarbeid med politi og konfliktråd. Besøk på skulane og bevisstgjering på det som skjer og konsekvensar. Dette bør vere del av eit fast opplegg kvart år. Rektor høyrer med politiet og høyrer kva som er aktuelt vidare. Ein må vurdere nøye kva som ver lagt fram. Det gjeld berre eit fåtal av elevane. -elevmiljø: Elevmiljøet er bra. Skulen har dei siste åra arbeidd mykje med klasseleiing. Dette ser ein gode resultat av i klassene. Lærarane som tydelege leiarar er trygt og godt for alle. Vi har kjennskap til at nokre få ikkje føler seg inkludert. Det vert teke tak i dette frå skulen si side, og vi har nulltoleranse for mobbing. Oppfordringa frå FAU er at både lærarar og føresette må følgje med på kva som skjer både på skulen og i fritida. Rådgjevar har ein viktig funksjon i dette arbeidet. Ørsta Ungdomsskule 09.10.13 Marianne Solbjørg Ose - ref-