Klepp kommune Postboks 25 4358 Kleppe Tlf 51 42 98 00 SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling 24.05.2011 73/11 Kommunestyret 20.06.2011 36/11 Saksbehandler: Rannfrid Stubhaug Braut Arkiv: L12 Arkivsak: 10/1179-27 REGULERINGSPLAN - COOP KLEPP - AVDELING ORRE Saka gjeld Saka gjeld riving av eksisterande landbruksavdeling på Pollestad og oppføring av nytt bustadog forretningsbygg med landbruksavdeling i underetasjen, daglegvarebutikk i 1. etasje samt 16 leilegheiter. Eksisterande forretningstomt på sørsida av fv 216 Pollestadvegen samt tilleggsarealet vestover skal omregulerast frå (dagens) forretningsareal til bustadføremål. Forslag til reguleringsplan for Coop Klepp, Orre 1
Tidlegare behandlingar Hovudutval for lokal utvikling vedtok samrøystes i møte 25.01.11, sak 16/11: Hovudutval for lokal utvikling vedtar i samsvar med plan- og bygningslova 12-10 å leggja forslag til reguleringsplan for Coop Klepp, avdeling Orre, med tilhøyrande bestemmelsar, begge datert 10.01.2011, ut til offentleg ettersyn. Utlegging til offentleg ettersyn Reguleringsplanen med føresegner var lagt ut til offentleg ettersyn i tida 23.02.11 til 06.04.11. Høyringa vart varsla i annonse i Jærbladet 23.02.11 og i brev til offentlege instansar, grunneigarar og naboar, datert 21.02.11. Innkomne merknader Det kom inn 5 merknader til planforslaget. Klepp Energi i brev datert 28.02.11: Klepp Energi vurderer i samarbeid med Coop Klepp å fjerne dagens trafokiosk i det nordvestre hjørnet av tomta, mot at ny trafokiosk får plass i nybygget. Kommentar: Klepp energi treng god tilkomst til trafokiosken. Reguleringsplanen gir opning for alternativ plassering av trafokiosken innanfor planområdet dersom det gir ei betre løysing. Statens vegvesen i brev datert 29.03.11: Fartsdempande tiltak i Roslandsvegen og heva gangfelt i tilknyting til rundkøyringa er ikkje tema som skal behandlast etter Plan- og bygningsloven, men etter Skiltforskriften. Det blir slik ikkje formelt riktig å gå i detalj på dette i planarbeidet. Det er heller ikkje gitt at kryssingspunktet i tilknyting til rundkøyringa skal hevast. Dette er tilhøve som må avklarast på eit seinare tidspunkt. I denne omgang må kryssingspunkt i tilknyting til rundkøyring visast som opningar i rabatt. Det må takast med i bestemmelsane at tekniske planar som har med fylkesvegenettet å gjere skal godkjennast av Statens vegvesen. Kommentar: Fartsdempande tiltak og heva gangfelt innanfor planområdet vil bli behandla etter Skiltforskriften. Kryssingspunkta i tilknyting til rundkøyringa er vist som opningar i rabatt. I bestemmelsane er det teke med at tekniske planar som har med fylkesvegenettet å gjere skal godkjennast av Statens vegvesen. Klepp seniorråd, møtedato 21.03.11, sak 7/11: Seniorrådet ser positivt på den nye reguleringsplanen for Orre sentrum. For å gi betre livd og auka trivsel i sentrum, meiner ein at arealet i nåverande reguleringsplan Roslandsvegen/Pollestadvegen vert omregulert frå veg til grøntområde. Kommentar: Det aktuelle området blir vist som vegetasjonsskjerm i tråd med merknad frå Klepp seniorråd. Tilplanting i dette området vil kunne dempe terrengskilnad og fasadehøgda på underetasjen med landbruksavdeling. 2
Rogaland fylkeskommune i brev datert 15.04.22: Fylkesrådmannen stiller stort spørsmål med om lokalisering av leikeareal nær bilveg er godt nok tilpassa rikspolitiske retingsliner til barn og unge i planlegging og krava i desse til lokalisering av leikeareal. Fylkesrådmannen oppmodar kommunen om å vurdere ein annan lokalisering av areal til leik. Leikeareal fungerer og som sosiale møteplassar for folk i alle aldrar. Kommentar: Ein leikeplass skal ha gode soltilhøve og vere skjerma for biltrafikk. Administrasjonen har vore med i prosessen med utforming av område for leik. Leikeplassen ligg i plan med området på sørsida av bustad- og forretningsbygget. Område for leik er maksimalt utnytta og forsøkt skjerma best mogleg frå trafikken til og frå butikken. Leikeplassen ligg noko over Roslandsvegen og om lag ein etasje over parkeringsplassen nordaust for bygget. Administrasjonen kan ikkje sjå at det er andre betre plasseringar av leikeområde innanfor planområdet. Fylkesmannen i Rogaland i brev datert 27.04.11: Det er ikkje sett ei maks grense for samla bruksareal til forretning i planen. I høve til fylkesdelplan for langsiktig byutvikling på Jæren er det ikkje tillate med etablering av kjøpesenter (over 3000 m² bruksareal, jf. dei rikspolitiske føresegna) utanfor vedteken senterstruktur. Det må difor leggjast inn ei føresegn som seier at det ikkje er tillete med samla forretningsareal på over 3000 m² BRA. Dersom dette ikkje blir gjort, har vi ei motsegn til reguleringsplanen. Kommentar: I eit eige punkt i bestemmelsane er det teke med bestemmelse om at det ikkje er tillete med samla forretningsareal på over 3000 m² BRA. Omtale av planforslaget Vi viser til kopi av 1. gongs behandling i hovudutval for lokal utvikling 25.01.11, sak 16/11, for ei nærare utgreiing av desse tilhøva: universell utforming, estetikk, vegtrafikkstøy, energibruk, politisk mål om å halde folketalsveksten på 1,5 %, mjuke trafikantar/konsekvensar for barn og unge, aktiv og trygg, identitet, risiko- og sårbarhetsvurdering og konsekvensar for kommunen. Endringar i planforslag etter offentleg ettersyn Endringar i plankart: Plankartet viser gang- og sykkelveg med rabatt på forretningssida med opning for kryssing av køyreveg i samsvar med merknad frå Statens vegvesen. Det er lagt inn vegetasjonsskjerm langs planområdet i nord, endra frå landbruk. Endringar i bestemmelsane Nytt punkt om at tekniske planar som har med fylkesvegnettet å gjere skal godkjennast av Statens vegvesen. Nytt punkt om at det ikkje er tillete med samla forretningsareal på over 3000 m² BRA. Nytt punkt om at ny trafokiosk kan førast opp innanfor planområdet. 3
Konklusjon Rådmannen fremjar med dette reguleringsplan for Coop Klepp, avdeling Orre med tilhøyrande bestemmelsar, begge datert 10.01.11, justert 02.05.11 til 2. gongs behandling. Vedlegg: 1. Plankart, datert 10.01.11, justert 02.05.11 2. Bestemmelsar, datert 10.01.11, justert 02.05.11 3. Illustrasjonsplan 4. Kopi av 1. gongs behandling i hovudutval for lokal utvikling, sak 16/11 Innstilling: Rådmannen tilrår at saka går til kommunestyret med slik tilråding: Coop Klepp, avdeling Orre, med tilhøyrande bestemmelsar, begge datert 10.01.11, justert 02.05.11. Hovudutval for lokal utvikling den 24.05.2011 sak 73/11 Einstemmig TILRÅDING: Coop Klepp, avdeling Orre, med tilhøyrande bestemmelsar, begge datert 10.01.11, justert 02.05.11. Kommunestyret den 20.06.2011 sak 36/11 Kommunestyret si behandling: Utdelt i møtet: Bestemmelsar justert 20.06.2011. Forslag frå Elfin Lea -h Coop Klepp, avdeling Orre, datert 10.01.11, justert 02.05.11 og bestemmelsar datert 10.01.11, justert 20.06.11, med følgjande endringar i bestemmelsane: 3.5.5 Myke trafikanter må kunne nå butikk og boliger på hevet kryssingspunkt over butikkens parkeringsareal eller via uavbrutt fortau fra tilgrensende gang- og sykkelveger. Det skal settes opp et fysisk skille mellom inngangsparti til leilighetene og trafikkarealet/parkeringsarealet for butikken og leilighetene. 4
5 Rekkefølgekrav Sikre kryssingspunkt til område for bolig/forretning over fylkesvegene skal være avklart med Statens vegvesen før brukstillatelse kan bli gitt. Felles uteareal/lek på bakkeplan skal være opparbeidet før brukstillatelsen for leiligheten kan gis. Votering: Forslaget frå Elfin Lea fekk 31 stemmer. KOMMUNESTYREVEDTAK: Med alle stemmer blei vedtatt: Klepp kommunestyre vedtok i medhald av plan- og bygningslova 12-12, reguleringsplan for Coop Klepp, avdeling Orre, datert 10.01.11, justert 02.05.11 og bestemmelsar datert 10.01.11, justert 20.06.11, med følgjande endringar i bestemmelsane: 3.5.5 Myke trafikanter må kunne nå butikk og boliger på hevet kryssingspunkt over butikkens parkeringsareal eller via uavbrutt fortau fra tilgrensende gang- og sykkelveger. Det skal settes opp et fysisk skille mellom inngangsparti til leilighetene og trafikkarealet/parkeringsarealet for butikken og leilighetene. 5 Rekkefølgekrav Sikre kryssingspunkt til område for bolig/forretning over fylkesvegene skal være avklart med Statens vegvesen før brukstillatelse kan bli gitt. Felles uteareal/lek på bakkeplan skal være opparbeidet før brukstillatelsen for leiligheten kan gis. Rett utskrift, 21.06.2011 Wigdis B. Detlie formannskapssekr. Kopi til: Etat for lokal utvikling 5