Til: Voss kommune Frå: Johannes-Henrik Myrmel Dato: 2014-03-01 Detaljreguleringsplan for Lundhaugen - Rogne Vurdering i høve virkeområdet til forskrift om konsekvensutgreiing 1 INNLEIING I samsvar med forskrift om konsekvensutgreiingar av juni 2009, 1 skal forslagsstillar til ein reguleringsplan sjølv vurdere om planen fell innanfor forskrifta sitt saklege verkeområde, omtalt i kapittel II i forskrifta. Forslagsstillar for dette planarbeidet er Voss kommune. Vurderinga er utarbeidd av Norconsult as for oppdragsgjevar/forslagsstillar. 1.1 Tiltaket Formålet med planarbeidet er å legge til rette for etablering av ny barnehage og tilrettelagde bustader samtidig som det vert teke vare på viktige område for nærmiljøet, som t.d. uteopphaldsareal og «grøne» samband. Gjennom det førebuande arbeidet er det avklart at kommunen ønskjer å legge til rette for etablering av ny barnehage på eit offentleg friområde som ligg like ved dagens barnehage, og å omregulere dagens barnehage til offentleg friområde og omsorgsbustader. Fastsetting storleik på ny barnehage vil skje etter ei nærmare vurdering av arealbruk i det vidare arbeidet med reguleringsplanen. På tomta Klausabakken har kommunen intensjon om å legge til rette for: - Barnehage med til saman 4 store grupper a 18 barn over 3 år og 14 barn under 3 år med om lag 1250 m 2 bruksareal og tilhøyrande ute- og leikeareal på om lag 3,6 daa - Ballbane med eit areal på om lag 1,5 daa og akebakke Innanfor området Lundhaugen er det ønskje om å legge til rette for 2 x 8 tilrettelagde bustader. Det er ønskjeleg at einingane vert organisert i to fellesskap med tilhøyrande personaleining og fellesareal. Einingane skal vere på 55 60 m 2 og vere utforma med livsløpsstandard/universell utforming. 2014-03-19 Side 1 av 5
1.2 Tilhøve til overordna plan - kommuneplanen I kommuneplanen for Voss sentrum er området som er omfatta av planen sett av til tenesteyting (Lundhaugen), friområde (Klausabakken) og elles til bustadar. Omreguleringa legg opp til ei omdisponering av områda for tenesteyting og friområde, der ein vil byta om på (deler av) desse to områda. Det er krav til universell utforming for nye tiltak. Det skal sikrast tilstrekkeleg opphaldsareal i tråd med til ei kvar tid gjeldande norm. Kommunen kan fastsetja ei øvre og nedre grense for parkeringsdekning i føresegner til reguleringsplanar. I sentrumsområdet er det mogleg å kjøpa seg fri frå parkeringskravet. 1.3 Tilhøve til gjennomføringsplan - reguleringsplan Gjeldande reguleringsplan for området er Reguleringsplan for Rogne, med plan-id 85011. I denne planen er området Lundhaugen regulert til offentlege føremål (barnehage) og Klausabakken regulert til friområde. Dei øvrige areala innanfor det nye planområdet er regulerte til bustad og veg. Det vil bli gjort ei reguleringsendring i høve den eksisterande planen. På kartet til venstre er det nye reguleringsområdet merkt med raud stipla strek. I føresegnene til eksisterande plan står det at det i området regulert til barnehage kan oppførast ein bygning på inntil 2 etasjar + loft. Parkeringsplass til barnehagen skal skje på eigen eller felles grunn, og at kommunen avgjer krav til parkeringsareal etter vurdering av behov. Området avsett til friområde kan nyttast til gjennomgåande gangvegar, anlegg for leik og park. Opparbeiding skal skje etter plan godkjend av kommunen. Kommunen kan også godkjenna oppføring av mindre bygg som er naudsynte for utnytting av området og trafokiosk i området. 2 VEGTILTAKET OG VIRKEOMRÅDET TIL FORSKRIFTA OM KONSEKVENSUTGREIINGAR Forskrifta om konsekvensutgreiingar skil mellom planer og tiltak som alltid skal konsekvensutgreiast ( 2), og planer og tiltak som skal konsekvensutgreiast dersom planen eller tiltaket kjem i konflikt med eit eller fleire av kriteria i 4 i forskrifta ( 3). 2014-03-19 Side 2 av 5
Planarbeidet fell sidan det skal utarbeidast detaljreguleringsplan ikkje innafor virkeområdet til 2 i forskrifta. Detaljreguleringsplaner som inneberer endring av kommuneplanen og/eller områdereguleringsplan skal, jf. 3 fyrste leidd bokstav d, handsamast etter forskrifta dersom planen kan få vesentlege verknader i høve miljø og samfunn. Detaljreguleringsplanen for barnehagen og bustadområde fører til endring av kommuneplanen. I høve denne vurderinga er det uvesentleg at areal ev. «byter» plass. Planarbeidet vert vidare vurdert i høve kriteria i 4 i forskrifta. 2.1 Vurdering i høve kriteria i 4 i forskrifta om konsekvensutgreiingar Kriteria i høve kor vesentlege verknaden vil verte, er gitt i 4 i forskrifta. Føresegna sine underpunkt gjev i liten grad presise kriterier, og det er dermed trong for omfattande bruk av skjønn. I vurderinga reknar vi med at terskelen for å regne slike følgjer som er nemnt i forskrifta som «vesentleg» er forholdsvis høge, og at reguleringsplaner med «normal» konflikt- og kompleksitetsnivå ikkje fell inn under det saklege virkeområdet for utgreiings- og handsamingsreglane i forskrifta om konsekvensutgreiingar. Fleire av underpunkta i 4 i forskrifta kan vere relevante. I den påfølgjande vurderinga av planarbeidet sitt tilhøve til kriteria, er det gjennomgåande nytta «planområdet». Det betyr heile området i kommuneplanen som skal regulerast. I 4 står det at planer og tiltak skal handsamast etter forskrifta dersom dei (forskrifta sin ordlyd er rykka inn og angitt med kursiv skrift). pkt a) er lokalisert i eller kommer i konflikt med områder med særlig verdifulle landskap, naturmiljø, kulturminner eller kulturmiljø som er vernet eller fredet, midlertidig vernet eller fredet eller foreslått vernet eller fredet, eller hvor det finnes eller er stor sannsynlighet for å finne automatisk fredete kulturminner som inngår i et kulturmiljø med stor tidsdybde Ein må rekne med at «særleg verdfulle» landskap m.v. vil ha kvalitetar og eigenskapar ut over vanleg norsk natur, sjølv om den som regel ålment er verdfull. Det er ikkje registrert spesielle naturmiljø eller kulturminne/kulturmiljø i planområdet. Omsynet til ev. automatisk freda kulturminne er føresett ivareteke gjennom dei ordinære handsamingsrutinane for utarbeiding av arealplan i kulturminnelova og plan- og bygningslova. pkt c) er lokalisert i større naturområder som er særlig viktige for utøvelse av friluftsliv, herunder markaområder, eller i viktige vassdragsnære områder som ikke er avsatt til utbyggingsformål eller i overordnede grønnstrukturer og viktige friområder i byer og tettsteder, og hvor planen eller tiltaket kommer i konflikt med friluftslivsinteresser Planområdet/Klausabakken har grusa fotballbane som vert nytta til ulike aktivitetar. I tillegg er det ein bratt bakke som vert nytta som akebakke om vinteren. Gjennom området går det fleire snarvegar. Dessutan har området ein viktig funksjon som leikeområde for tilgrensande bustader. Kring området er det fleire offentlege funksjonar. Avstanden til sentrum er om lag 400 meter. Ut frå lokalisering av området, funksjonen og kvalitetane som er etablert, er neppe området «særleg» viktig for utøving av friluftsliv i forskrifta si tyding. pkt d) 2014-03-19 Side 3 av 5
kommer i konflikt med gjeldende rikspolitiske bestemmelser eller rikspolitiske retningslinjer gitt i medhold plan- og bygningsloven av 14. juni 1985 nr. 77 eller statlige planretningslinjer, statlige planbestemmelser eller regionale planbestemmelser gitt i medhold av lov 27. juni 2008 nr. 71 Rikspolitiske retningslinje for barn og unge har som formål å trygge at areal og anlegg som skal nyttast er sikra mot forureining, støy, trafikkfare og anna helsefare. Det er lagt til grun at det gjennom planen vert utvikla løysingar som ivaretek desse krava. I tillegg skal dei trygge at det i nærmiljøet er store nok og eigna areal for leik og opphald som innbyr til ulike typar leik til ulike årstider samtidig som dei kan nyttast av ulke aldersgrupper og gje moglegheit for samhandling mellom barn, unge og vaksne. Gjennom dei utvikla konsepta er uteopphaldsareala redusert, men det er lagt til grunn at utareal til barnehagen kan nyttast som ein del av det samla arealet for leik og opphald. Vidare heiter det i forskrifta at det ved omdisponering av areal som er sett av til fellesareal eller friområde som er i bruk eller eigna for leik, skal fullverdig erstatning skaffast. Sjølv om intensjonen er å ivareta omsynet om fullverdig erstatningsareal enten ved nytt areal, eller gjennom at friområde vert tilført kvalitetar, kan det ikkje utelukkast at kravet om fullverdig erstatningsareal ikkje vert ivareteke. Det meste av planområdet er lokalisert innanfor det verna vassdraget Vossavassdraget. Rikspolitiske retningsliner (RPR) for verna vassdrag, (T-1082) gjeld for hovudelvar, sideelvar, større bekkar, sjøar og tjern med eit område på inntil 100 meters breidd frå verneobjektet, samt andre delar av nedbørsfeltet som det er fagleg dokumentert har innverknad på verneverdien til vassdraget. Planområdet er lokalisert utanfor 100 metersbeltet. Det ligg ikkje føre informasjon om naturmiljø som vert rørt av planarbeidet. Det ligg ikkje føre informasjon om at planarbeidet vil påverke verneverdien i vassdraget pkt g) gir vesentlig økning i antall personer som utsettes for høy belastning av luftforurensning, støy eller lukt, eller kan føre til vesentlig forurensning til jord, vann eller sedimenter, eller kan føre til vesentlig økning av utslipp av klimagasser, eller kan føre til vesentlig stråling, Det er gjennomført støyvurderingar der det er lagt til grunn fylkestal for framskriving av trafikk på vegen til 2024. Tala syner venta auke frå ÅDT (2012) =3600 til ÅDT (2024) =4100. Støykartet syner at sona mellom fasadane ligg i raud støysone. Den generelle trafikken vil påverke støybildet. I tillegg vil truleg ein større barnehage føre til noko auka trafikk, men denne auken vert neppe så stor at den vert karakterisert som vesentleg i forskrifta si tyding. pkt h) medfører risiko for alvorlige ulykker, ras, skred og flom Deler av området er lokalisert like innanfor marin grense. Det er gjennomført utgravingar på Klausabakken i 2 prøvepunkt. Begge punkta syner fjellstein frå 50 til 60 cm djupn. Utgravinga vart avslutta og det er konkludert med at det i området ikkje er utfordringar knytt til verken grunntilhøva eller anna naturbasert risiko. pkt j) kan få vesentlige konsekvenser for befolkningens tilgjengelighet til uteområder, bygninger og tjenester, Temaet er vurdert i vurderinga til punkt c og d. Dei andre punkta i 4 i forskrifta gjeld kriterie som ikkje er vurdert til å vere relevante for planområdet. 2014-03-19 Side 4 av 5
3 KONKLUSJON Vår samla vurdering vert ut frå ovannemnde, at planområdet er eit område der dei særskilde utgreiings og handsamingsreglane for konsekvensutgreiingar gjer seg gjeldande. Dette kjem av at reguleringa fører til at friområde vert vurdert omdisponert til barnehage samtidig som det er usikkert om måla i RPR for barn og unge om fullverdig erstatningsareal ikkje vert ivareteke. Planarbeidet er vurdert til å verte fanga opp av 4 fyrste leidd, bokstavane d i forskrifta om konsekvensutgreiingar. Førde, 2014-03-01 Johannes-Henrik Myrmel 2014-03-19 Side 5 av 5