Side 1 SAMLA SAKSFRAMSTILLING Arkivsak: 14/208-4122/14 Saksbeh.: Arkivkode: Saksnr.: Utval Møtedato 19/14 Formannskap/ plan og økonomi 27.02.2014 Jørgen Steensæth PLAN soneinndeling SAMLA SAK - DETALJREGULERINGSPLAN- GANGKULVERT OG GANGVEG I RINGHEIMSVEGEN VEDTAK OM AT PLANEN LEGGJAST UT TIL OFFENTLEG ETTERSYN Administrasjonen si innstilling: 1 I medhald av plan- og bygningsloven 12-10 vert framlegg til detaljreguleringsplan med tilhøyrande dokument for gangkulvert Ringheimsvegen, plan-id 2014003, alle dokument dagsett 15.02.2014, lagt ut til offentleg ettersyn. 2 Offentlege etatar, interesseorganisasjoner og partar vert tilskriven direkte. Formannskap/ plan og økonomi den 27.02.2014 sak 19/14 Behandling i møte: Administrasjonen si innstilling vart samrøystes vedteken. Vedtak: 1 I medhald av plan- og bygningsloven 12-10 vert framlegg til detaljreguleringsplan med tilhøyrande dokument for gangkulvert Ringheimsvegen, plan-id 2014003, alle dokument dagsett 15.02.2014, lagt ut til offentleg ettersyn. 2 Offentlege etatar, interesseorganisasjoner og partar vert tilskriven direkte. Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. *Framlegg til detaljreguleringsplan for gangkulvert Ringheimsvegen, planteikning med føresegner samt planomtale og ROSanalyse, alle dokument dagsett 15.02.2014 *Skriv frå Kari og Åsgeir Brunborg dagsett 12. november 2013 der dei kjem med innspel i samband med oppstart av planarbeidet *Skriv frå Sameige Olavs Park dagsett 1. november 2013 i samband med oppstart av planarbeidet der dei ber om at tiltaket vertgjennomført straks Trafikksikringplan for Voss kommune 2012-2015, dagsett november 2011. Notat etter møte mellom representantar frå kommunen og Åsgeir og Kari Brunborg, dagsett 15.10.2013 Skriv frå Kari og Åsgeir Brunborg dagsett 21.03.2012 der dei tar opp spørmål om mogeleg kulvert
Side 2 Brev frå Fylkeskommunen til Jernbaneverket, dagsett 8. august 2012 der dei ber om at Jernbaneverket og vegvesenet samordner tiltaka sine slik at ein samstundes kan heve jernbanebrua. Brev frå ordføraren i Voss kommune, Hans Erik Ringkjøb tiil Jernbaneverket, dagsett 03.07.2012, der det vert peikt på at ein bør heve jernbanebrua over Ringheimsvegen samstundes som ein etablerar gangkulvert. 3. SAMANDRAG AV SAKA: Saka gjeld vedtak om utlegging av Detaljreguleringsplan for gangkulvert Ringheimsvegen med tilhøyrande dokument til offentleg ettersyn. Gangkulvert under jernbane i Ringheimsvegen har lenge vore eit høgt prioritert tiltak innanfor trafikksikring i Voss kommune. Dei siste 10 åra har dette prosjektet vore høgst prioritert tiltak i planen for tiltak langs fylkesvegar. Det er no løyvd midlar over fylkesvegbudsjettet til å gjennomføre tiltaket. For at ein skal ha rettsleg grunnlag for å gjennomføre tiltaket, treng ein plan som ikkje er eldre enn 10 år gamal. Siste godkjende plan over område er reguleringsplan for Vossevangen frå august 2003. 4. FAKTA OM SAKA: Statens vegvesen, Region Vest, hadde sommar og haust 2013 sondering om å gjennomføre tiltaket i tråd med reguleringsplan for Vossevangen som vart godkjend i kommunen i 2003. Det viste seg at revidert plan for kryssing av jernbanen vart noko endra i høve til denne planen og ein var avhengig av aksept for mindre endringar med partar i planområdet. Vegvesenet makta ikkje å kome til minneleg avtale med eigar av gnr 48, bnr 66 om mindre justeringar av planen. Voss kommune vart boden om å utarbeide ny reguleringsplan der ny situasjon vart teikna inn. Voss kommune har teke på seg arbeidet med å utarbeide ny reguleringsplan for gangkulvert under jernbanen med tilstøytande gangveg og fortausareal. Det vart varsla oppstart av reguleringsplanarbeidet den 6. oktober 2013 og partar og offentlege etatar vart varsla særskild. Det er no løyvd midlar til å gjennomføre tiltaket med gangkulvert under jernbanespora i Ringheimsvegen. Statens vegvesen planlegg å etablere denne i togfri helg i perioden 26. til 28. september. Før tiltaket med å etablere kulvert med meir kan gjennomførast, føreset vegvesenet at grunnspørsmål i området er avklart. Det er derfor nødvendig med godkjend reguleringsplan for området. Føremål i planen: I framlegg til detaljreguleringsplan har ein regulert til følgjande føremål: Boligbebyggelse-frittliggende småhusbebyggelse BF Køyreveg KV Fortau FTA
Side 3 Gangveg / Gangareal / Gågate GG Anna vegareal, grøntareal VG Trase for jernbane JB Bestemmelsesområde Anlegg- og riggområde #11, #12 og #13 Boligbebyggelse-frittliggende småhusbebyggelse BF Gjelder areal for eksisterande bustad, Ringheimsvegen nr 1, gnr 48, bnr 66. Areal av eksisterande tomt er ca 656 m2. Inngrep i denne eigedommen for å sikre areal for gangveg/fortau, er ca 51 m2. Restareal på eigedommen vert då ca 605 m2. I øvre del av eigedommen er det etablert eit stort parkeringsområde framom eit garasjeanlegg med tre garasjar. Huset ligg i dag tett inntil eksisterande fortau, og med ny løysing vil det vere lite rom mellom murkant mot fortau og inn til husvegg. Eigedommen si vestre grense vert flytt mellom 0,2 og 1 meter inn mot eigedommen. I sørvestre hjørne av tomta vert det teke ein trekant for å gje plass til gangvegen mellom gangkulvert og fortauet langs Ringheimsvegen. Denne tomta har uterom på austsida og på sørsida av huset. Mellombels i byggjeperioden vil mesteparten av hageområdet på sørsida av bustaden bli gravd opp under arbeid med å etablere mur langs gangvegen. Dette er i planen vist med bestemmelsesområde, rigg- og anleggsområde med betegnelse #12. Etter at tiltaket er gjennomført vil hage bli opparbeidd med vegetasjon i samråd med eigar. Grunnflate av eksisterande bustad er registrert til 116 m2 i vårt GAB-register. Garasjebygg er målt til ca 85 m2 frå kart. Kjøyreveg KV I planen er det vist KV1, KV2 og KV3. Alle vegane er offentlege køyrevegar. KV1: Dette er Ringheimsvegen, fylkesveg 315. Denne beheld same breidd slik den er opparbeidd i dag. KV2: Dette er Tjørnavegen som er kommunal veg. Denne går i dag frå X med Ringheimsvegen og er ein bakgate som går i austleg retning parallelt med Vangsgata. Denne er innanfor planområdet opparbeidd i tråd med miljøgateplanen og vist i kart slik den no er opparbeidd. KV3: Dette er nordre ende av Skulegata som ligg tett inn mot torget. Denne del av gata er opparbeidd i tråd med gatebruksplanen og er vist i planen slik den er opparbeidd i dag.
Side 4 Fortau FTA Det er vist 3 fortausareal i planen FTA1, FTA2 og FTA3. FTA1 er fortau langs Skulegata. Dette er opparbeidd i dag i tråd med plan for miljøgata og er vist i planen slik dette ligg i dag. FTA2 og FTA3 er fortau langs Ringheimsvegen. FTA2 vil bli etablert i tråd med denne planen. Eksisterande fortau vert utvida inn mot eigedommen gnr 48, bnr 1. Eksisterande fortau er smalt og vil bli utvida til ein breidd på ca 2,2 til 2,6 meter. Gangveg / Gangareal / Gågate GG Dette er gangareal i kulvert og gangveg i i tilknytting til denne. Gangarealet i kulvert er regulert på nivå 1, under bakken. Gangareal på sørsida av kulvert skal opparbeidast i tråd med miljøgateplanen. Anna vegareal, grøntareal VG Oppside kulvert er vist to grøntareal. Dette er areal mellom gangareal og Ringheimsvegen ved brukar for jernbanen. Det andre er eit siktareal mellom mur mot eigedommen gnr 48, bnr 66 og gangvegen. Trase for jernbane JB Trase for jernbane er vist i planen og følgjer yttergrenser for jernbanen sitt eigedomsareal med justeringar som skuldast arealbruk slik den framgår i planen. Bestemmelsesområde Anlegg- og riggområde #11, #12 og #13 Områda vist som #11, #12 og #13 i planen er område der ein må grave for å kunne installere kulvert og etablere murar. Området er med i planen då ein i byggjefasen må gjennomføre omfattande gravearbeid. Områder som vert gravd opp skal tilbakeførast til same eller betre tilstand enn før inngrepet. 5. ADMINISTRASJONEN SI VURDERING: Innhald i planen byggjer i stor grad på Statens vegvesen sine detaljplanar for å gjennomføre tiltaket med å etablere ny gangkulvert under jernbanen. I høve til planavgrensinga som vart teikna ved varsla oppstart av planen, så er denne i planframlegget justert noko. Dette skuldast i hovudsak at dei tiltak som vegvesenet no skal gjennomføre ikkje strekte seg så langt nord som vist ved oppstart og at ein difor ikkje ønska å ta meir med i planen enn nødvendig. I søre ende av planen er planen utvida mot sør slik at ein femnar om eit naturleg avgrensa gateområde som er opparbeidd i tråd med miljøgateplanane.
Side 5 I samband med at det vart varsla oppstart av planarbeidet er det kome inn merknader frå Sameige Olavs Park og frå ekteparet Kari og Åsgeir Brunborg (eigar av Ringheimsvegen 1). Uttale frå Sameige Olavs Park går i hovudsak på at tiltaket med å etablere gangkulvert må gjennomførast straks og dei peiker vidare på dei vanskelege tilhøva som er med dagens situasjon. Brunborg peiker på at tiltaket vil ta mykje av hagen hans og legg fram skisse på ei justering av gangvegen, slik at den tar mindre areal av Brunborg sin eigedom. Dei legg fram skisser på endra geometri på gangvegen, samt at dei ønskjer å flytte inngang/utgang til kulvertens nedre ende nokre meter inn i Tjørnavegen. Løysinga, slik Brunborg har føreslått har kommunen diskutert med Statens vegvesen sin planleggjar, som ikkje kan akseptere flytting av kulvert og foreta dei justeringar på horisontalkurva slik Brunborg ønskjer. Ein vil kome tilbake til merknader ved oppstart når planen skal behandlast etter utlegging. Konklusjon Administrasjonen vil tilrå at planen med tilhøyrande plandokument, alle dagsett 15.02.2014, vert lagt ut til offentleg ettersyn i tråd med plan- og bygningslova 12-10.