LØNNSPOLITISK DRØFTINGSMØTE MØTEREFERAT 22.05.12 KL 10.00-15.00 CAROLUS, MOLDE MØTE INNKALT AV: MØTETYPE MØTELEDER REFERENTAR Dag Lervik Lønnspolitisk drøftingsmøte Dag Lervik Iver Kåre Mjelve og Bjørn Are Hjelle DELTAKERE Arbeidsgivar: Dag Lervik, Sverre Hollen, Morten Larsen, Gunnar Malme, Iver Kåre Mjelve, Bjørn Are Hjelle, Berit Dahl, Arbeidstakarorganisasjon: Utdanningsforbundet v/einar Skjegstad, Ole Bjørn Helberg, Gunnar Rutle, Fagforbundet v/viggo Jordahl Delta v/finn Marstrander Akademikerne v/tove Kolberg NITO v/jan Magne Kvernstad Skolelederforbundet v/ Jon Hjortdal, Bibliotekarforbundet v/vidar Kursetgjerde Tannlegeforeningen v/hege Myklebust Vartdal Parat v/ Laila Aas Dyrøy Tekna skole v/ Arne Yksnøy Tekna v/ Arne-Dag Gjærde Akademikerforbundet v/ Tove Kolberg Naturviterne v/arve Slettvåg AFAG v/ Anders Smith-Øvland Lektorlaget v/dagfinn Paus Agenda for dagen: 1. Informasjon tariffoppgjeret 2012 - konfliktberedskap 2. Evaluering av lønnsoppgjeret 2011 3. Framlegging av talmateriale på lønnsutvikling i tariffperioden 01.05.2010 til 30.04.12 4. Oppdatering av lønnspolitisk plan i lys av ny arbeidsgivarpolitikk, jf. ref. lønnspolitisk drøftingsmøte 09.05.2011 5. Forhandlingar etter HTA kap. 4.A.1 organisering av prosessen 6. Forslag til framdriftsplan for lokale forhandlingar 2012 7. Oppfølging av protokolltilførsel - nytt kriteriesett for lønnsvurdering av skoleleiarar I samband med gjennomføring av møtet vart det nytta ein eigen Power Point-presentasjon. Alt stoff om lokale forhandlingar samt Power Point-presentasjon blir lagt på intranettet under: http://mrfylke.no/intranett/arbeidsgivar-hr/arbeidsgivarpolitikk/loenntariff/lokale-loennsforhandlingar 1. Informasjon tariffoppgjeret 2012 - konfliktberedskap INNLEIAR IVER KÅRE MJELVE Sjå eige referat frå denne delen av møtet: http://mrfylke.no/intranett/arbeidsgivar- HR/Arbeidsgivarpolitikk/Loenn-tariff/Sentralt-tariffoppgjer: Vi viser også til Power Point frå møtet som også er lagt ut.
2. Evaluering av lønnsoppgjeret 2011 DISKUSJON Dag Lervik gjekk igjennom talmateriale som viser analyse av forhandlingsresultatet for lokale forhandlingar i kap. 3 og 5 i 2011. Dag Lervik kommenterte elles at ein bør sjå rydding mellom kap. 5 og 3 når det gjeld innplassering av leiarar. Eventuell overføring av leiarar frå kap. 5 til 3 må skje etter same kriterium som når skoleleiarane vart overført frå kap. 4 til 3. Tekna/Akademikerne: Når det gjeld likelønn og kvinner så er det positivt av føringane vart følgt på makronivå. Vi hadde nokre vanskar med å få gjennomslag for nokre av våre eigne likelønnskrav på enkeltpersonar under forhandlingane. UF: Minner om vårt syn i høve tillegg til seniorar som har sagt opp sin stilling eller har slutta. UF meiner at desse bør få utteljing minst på snittet og ikkje vere avgrensa til det generelle tillegget. Dag Lervik: Viste til brev utforma til organisasjonane i samband med forhandlingane i fjor. Vi meiner at lønnspolitikken gjennom seniortillegg skal stimulere til utsetting av pensjonsalder. UF: Ueinig med fylkeskommunen her. Det er redeleg å gjere opp for seg. Lønna vert fastsett frå 1.5. og tilsette lyt få ny lønn som tek opp i seg oppgjeret fullt ut heilt fram til sluttdato. Dag Lervik: Registrerer at dette er eit punkt som må drøftast vidare i samband med føringar for dei føreståande forhandlingane. Tekna/Akademikerne: Lærerikt og gode prosesser. Vi blir stadig betre på sjølve gjennomføringa av forhandlingane. Kanskje behov for å sjå på oppfølging av dette med faglege karriereløp, jf. tidlegare utviklingsprosessar. Tannlegeforeningen: Positivt med tilpassa verkty og skjema for tannhelse. Tilsette treng meir trening i bruk. Parat: I og med at klinikkleiartillegget for tannlegane vart justert i fjor bør også tillegg til andre som innehar denne funksjonen justerast tilsvarande. Morten Larsen/Dag Lervik: Vi vil ta opp igjen klinikkleiarfunksjonen no i haust sidan fjoråret var eit mellomoppgjer då tilsette i kap. 4 ikkje var omfatta av lokale forhandlingar. Tannlegeforeningen: Når det gjeld klinikkleiartillegget må ein ta høgde for at innhaldet i funksjonen ikkje nødvendigvis er den same for tannlegar som for anna personell som innehar funksjonen. Oppsummering: Partane var elles samde opplegget for gjennomføring av forhandlingane i kap. 3 og 5 har funne ei god form. Arbeidsform og verkty frå 2011 blir også lagt til grunn for dei føreståande forhandlingane per 01.05.2012, jf. likevel eigen sak om
leiarlønnskriterium for skoleleiarar. 3. Framlegging av talmateriale på lønnsutvikling i tariffperioden 01.05.2010 til 30.04.12 Dag Lervik gjekk i gjennom tal for lønnsutvikling for perioden 30.04.2010 til 01.05.2011. Det vart vist lønnsutvikling på st.kode nivå i dei ulike forhandlingskapitla samt samanstilling av lønnsutvikling mellom kapitla. DISKUSJON Dag Lervik : Vi vil legge inn eit eige lysark i Power Point presentasjonen med definisjon av sentrale tariffomgrep i etterkant av møtet. UF: Kap. 4.: Statistikksøylene du viser fram betyr at ansiennitetsopprykk ligg inne. Derfor gir dette ikkje eit bilde av lønnsutviklinga som følgje av forhandlingar. Dag Lervik: Ueinig. Ansiennitetsstigen er også en del av tariffavtalen. Vi ønskjer ikkje her å vise lønnsutvikling avgrensa til lokale forhandlingar, men ei samla lønnsutvikling (både sentrale og lokale tillegg) for tilsette som har vore lønnsmottakarar i heile perioden. Fagforbundet: Viktig å synliggjøre lønnsveksten over tid for uorganiserte og organiserte som grupper. Dette vil vi helst ha oversikt over. Vi er opptatt av at størst mogleg del skal tilfalle organiserte arbeidstakarar. Dag Lervik: Arbeidsgivar ønskjer å ivareta lønnsutvikling for alle tilsette. Dei uorganiserte inngår i lønnsmassen. I samband med forhandlingane og utlevering av tilbod synleggjer vi overfor organisasjonane lønnsutvikling for uorganiserte. Uorganiserte har ingen som sit og forhandlar opp lønna for seg. Dette er heilt og fullt arbeidsgivar sitt ansvar, men vår lønnspolitikk må femne alle tilsette uavhengig av organisasjonstilknyting. Vi har ingen proratafordeling ut i frå kor stor del kvar enkelt gruppe eller organisasjonane sin medlemsmasse utgjer av den samla lønnsmassen. Vi har oversikt over fordeling/lønnsutvikling mellom stillingsgrupper og organisasjonstilknyting på tvers av forhandlingskapitla. UF: Vi når ikkje heilt fram med våre medlemmer i kap. 5 forhandlingane. Vi ligg under snittet kvar gong. Ser at vi særleg kjem dårleg ut samanlikna med tannlegane. Dag Lervik: Vi tek til vitande dykkar oppleving av situasjonen. Vi er på generelt grunnlag merksam på problemstillinga. Det er riktig at tannlegane har hatt gode oppgjer grunna særlege utfordringar med tanke på rekruttering og stabilisering av denne gruppa.
4. Oppdatering av lønnspolitisk plan i lys av ny arbeidsgivarpolitikk, jf. ref. lønnspolitisk drøftingsmøte 09.05.2011 Sjå Power Point. Dag Lervik: Lønnspolitisk plan ligg fast, jf. drøftingsmøte 09.05.2011. I lys av det utviklingsarbeidet som no pågår vil vi ikkje sjå bort i frå at det kan bli aktuelt med ein samla revisjon av lønnspolitisk plan. Oppsummering: Partane var samde om at lønnspolitisk plan med dei tilpassingar som er gjort i høve tannhelse og undervisningspersonale kan leggast til grunn for dei føreståande lønnsforhandlingane hausten 2012. 5. Forhandlingar etter HTA kap. 4.A.1 organisering av prosessen SLF og UF ga her uttrykk for at prosessen er profesjonell og materiellet fungerer bra! Dag Lervik: Påminning: Gjer vel og bruk berre fylkeskommunale skjema i høve tariff 2012. Med bakgrunn i førre forhandlingsrunde og dei særkilte kompetanselønnsforhandlingane vil vi minne om at kompetansemodulen i Visma må nyttast og vere oppdatert i høve all dokumentasjon av kompetansebehaldning. Oppsummering: Kriteriesett og opplegget for gjennomføring av forhandlingane frå 2010, inklusiv felles skolering med lønnspolitisk dagsamling, blir lagt til grunn for lokale forhandlingar etter kap. 4 hausten 2012. Kriteriesettet for undervisningspersonale er oppdatert i høve ny kvalitetsplan. 6. Forslag til framdriftsplan for lokale forhandlingar 2012 Sjå eige dokument: http://mrfylke.no/intranett/arbeidsgivar- HR/Arbeidsgivarpolitikk/Loenn-tariff/Sentralt-tariffoppgjer Framdriftsplana vart godkjend. NB! Flytting av lønnspolitisk drøftingsmøte frå 20.06. til 19.06. er klargjort i etterkant. Oppdatert framdriftsplan følgjer som vedlegg til referatet.
7. Oppfølging av protokolltilførsel - nytt kriteriesett for lønnsvurdering av skoleleiarar INNLEIAR BJØRN ARE HJELLE Sjå utdelt framlegg i møtet og Power Point UF: Det meste er veldig positivt og vi ser at vi har fått inn mange av våre tankar rundt dette. Vil uttrykke skepsis til bruk av PULS som vurderingsgrunnlag sjølv om arbeidsgivar seier at dette berre skal brukast som referansegrunnlag samanstilt med anna informasjon. Har sans for den kollektive tilnærminga. Lurer elles litt på kvifor marknadslønn og likelønn er lagt inn i persondelen i det nye kriterieforslaget? DISKUSJON Dag Lervik: marknadslønn meiner vi er relevant her då dette er knyta til personen som personlege tillegg, men vi ser at likelønnsaspektet kanskje bør flyttast ut og stå som sjølvstendig kriterium. SLF: positivt at dette no ser ut til å henge meir saman med arbeidsgivarpolitikken og kvalitetsplana. Ser at det no blir meir fokus på kvalitet og prosess framfor berre resultat. Avgjerande at styringssignala, arbeidsgivarpolitikken, kvalitetsplana og lønnsdanninga heng saman. Elles er kanskje såpass stor vekt på stillingsdelen hemmande i høve til utvikling og kollektiv belønning? Dag Lervik: leiarstillingane er så tunge stillingar at differensieringa må komme som eit tillegg på toppen til ei stillingsbasert lønn. Iver Kåre Mjelve: viktig å sjå på våre framlegg som bidrag til strukturkvalitet. SLF: bra med kollektiv vinkling for leiargruppa, men kvifor stoppe der, utan å sjå på kollektivet under leiarnivået? Dag Lervik: vi opnar også for dette i det kriteriesettet som alt er er utvikla for undervisningspersonale der tillegg båd kan gis individuelt og til team. Sverre Hollen: forventningane til skoleleiarane er uttrykt gjennom Kvalitetsplana. Der er det også uttrykt kvalitetskjenneteikn som kanskje kan nyttast opp mot kritereiesettet. Dag Lervik: oppsummert vil vi ved årets oppgjer legge vekt på punkt 1-4 i føringane til leiarlønnskriterium. Dokumentet vil bli gjennomgått og kvalitetssikra i høve språkleg innhald på bakgrunn av drøftingane i møtet. Ved framtidige oppgjer vil vi dreie innretninga frå noverande
punkt 4 til framlegget i punkt 5, med kollektiv innretning. Utkastet til nytt kriteriesett vil bli utsendt og drøfta med rektorkolligiet. UF og SLF vil også gå interne runder på dette. Dokumentet vil bli tatt opp igjen til drøfting den 19.06. og endeleg godkjenning i samband med lønnspolitisk drøftingsmøte 31.08.2012.