Same ordlyd som oppsummeringa i saksframlegget på s , med unntak av kulepunkt 4 på s. 20.

Transkript

1 Behandling i fylkesutvalet Toril Melheim Strand (Ap) fremma følgjande forslag: Med forventning om en raskere finansiering enn det som det er gitt signaler om i dag, og der Helse Midt-Norge tidligst mulig og senest i 2017 finansierer nytt sykehus for Nordmøre og Romsdal, vil Møre og Romsdal Fylkesting uttale følgende: Etter faglige vurderinger framlagt av Helse Møre og Romsdal HF vil Møre og Romsdal Fylkesting anbefale alternativ 3B med et felles akuttsykehus inkludert sykehuspsykiatrien for Nordmøre og Romsdal plassert mellom byene Molde og Kristiansund. Molde sykehus Lundavang og Kristiansund sykehus blir avviklet. Møre og Romsdal Fylkesting forventer at Helse Midt-Norge definerer dette som første prioritert og innarbeider finansieringen snarest mulig i investeringsplanen. Helseforetaket må legge fram en faglig vurdering av tomtealternativene som skal legges til grunn for politisk behandling av endelig plassering av ett felles sykehus. Møre og Romsdal Fylkesting krever statlig økonomisk medvirkning for å få realisert bygging av nytt sykehus snarest mulig. Dette av hensyn til at ansatte så raskt som mulig kan innstille seg på nye gode arbeidsplasser og at innbyggerne raskt kan oppleve ro i forhold til sykehusstrukturen. Møre og Romsdal Fylkesting krever videre at staten stiller økonomiske midler til disposisjon for utbedring/utbygging av nødvendig infrastruktur som gjør det nye sykehuset raskest mulig tilgjengelig for innbyggerne. Steinar Reiten (Krf) fremma følgjande forslag: Innleiing: Same ordlyd som oppsummeringa i saksframlegget på s , med unntak av kulepunkt 4 på s. 20. Konklusjon: Fylkestinget viser til vedtak i sak T-17/10 og saksutgreinga i sak T 64/12, og held fast ved tilrådinga om at det skal vere 4 sjukehus i Møre og Romsdal, lokalisert til Volda, Ålesund, Molde og Kristiansund. Alternativ 3B i høyringsdokumentet (felles sjukehus mellom byane og nedlegging av sjukehusa i Molde og Kristiansund) er etter fylkestinget si meining ei uakseptabel løysing. Dette alternativet tek ikkje i tilstrekkeleg grad omsyn til utfordringar med rekruttering av kompetanse. Auka kostnader ved transport og andre samfunnsøkonomiske kostnader synest heller ikkje tilstrekkeleg utgreidd når det gjeld alternativ 3B. Fylkestinget meiner at ein sjukehusstruktur med 4 sjukehus må basere seg på ordningar med delt vakt for akuttberedskap så langt dette er mogeleg. Tilstrekkeleg nærleik til fødsels- og barselsomsorg må tilleggast stor vekt ved utforming av den framtidige sjukehusstrukturen i fylket. Smale

2 greinspesialitetar som finst ved fleire av sjukehusa bør i størst mogeleg grad leggast til sjukehuset i Ålesund. Fylkestinget meiner at alternativ 2A og 2B i høyringsdokumentet samsvarar best med styringssignal gjevne av Stortinget og Regjeringa, og ber om at styret i Helse Møre og Romsdal HF tilrår eitt av desse to alternativa overfor Helse Midt-Norge RHF. Frank Sve (Frp) fremma følgjande forslag: Det er positivt at utviklingsplanen tek opp ei rekkje problemstillingar som er viktig for framtidig sjukehusstruktur. Rapporten viser kompleksiteten i problemstillingane. Helseføretaket er stilt ovanfor store utfordringar på kort tid; fusjon, sikre budsjett i balanse og tenkje langsiktig i forhold til sjukehusstruktur. Dette er svært store og komplekse oppgåver å leggje til eit helseføretak på så kort tid. Når det gjeld sjukehusstruktur, må ein til slutt trekkje fram det ein meiner er dei sentrale elementa og gjere ei samla vurdering der ein også dokumenterer betre korleis og kvifor ulike kriterium er vekta. Det er vanskeleg å sjå at det finst berre ei god fagleg løysing. Vi vil trekkje fram følgjande: Det er positivt at utviklingsplanen for Helse Møre og Romsdal HF tek utgangspunkt i dei overordna måla for spesialisthelsetenesta. Det er viktig at befolkninga i Møre og Romsdal får eit tilbod på nivå med andre fylke. Det hadde vore ein fordel om det vart utarbeidd ein samla plan for alle sjukehusa i samsvar med oppdraget. Det er uheldig at sjukehusa på Sunnmøre ikkje blir vurdert samstundes. Vi er samd i at ein må bruke dei same overordna prinsipp kva gjeld struktur og funksjonsfordeling på Sunnmøre som det som blir vedteke for Nordmøre og Romsdal. Ålesund sjukehus er tiltenkt ei særskilt rolle i fylket. Det er ei utfordring at det gjennom delplanar blir lagt føringar der ein ikkje ser det samla resultatet for utviklinga av sjukehusa. Det hadde vore ønskeleg å sjå samla på kva sjukehustilbod ein skal gi både i fylket og regionen. Det blir lagt til grunn at utviklinga av Ålesund sjukehus vil vere avhengig av val av løysingsmodell i Nordmøre og Romsdal. Det er noko uklart kva som ligg i dette. I utgangspunktet har ikkje Helse Møre og Romsdal ansvaret for befolkninga i Nordfjord derfor er det noko problematisk om pasientstraumen frå Nordfjord blir avgjerande for det framtidige tilbodet ved Volda sjukehus. Det er også eit spørsmål om fjordkryssinga set Volda sjukehus i ei særstilling og at ein må avvente ei avklaring her. Det er ikkje klargjort kva framtidig spesialisthelsetenestetilbod som skal bli gitt i Nordmøre og Romsdal. Vi legg til grunn at dagens samansetting av fagtilbodet i Nordmøre og Romsdal blir vidareført og helst styrka. Det er

3 viktig at tilbodet i Nordmøre og Romsdal blir dimensjonert robust av omsyn til rekruttering. I denne fasen burde eit realistisk alternativ med to sjukehus i Nordmøre og Romsdal basert på overordna føringar, som også er fagleg forankra, vore med i vurderinga. Vi viser også til at fylkestinget tidlegare har slutta opp om ein modell med to sjukehus i Nordmøre og Romsdal. Det vil truleg vere muleg å finne fagleg gode nok tilbod både for ulike alternativ med to sjukehus og ulike alternativ med eitt sjukehus. Utviklingsplanen har ikkje i stor nok grad lagt vekt på samarbeid mellom sjukehusa og dei gevinstar det kan gi. Vidare er heller ikkje samarbeid med kommunane og andre aktørar vektlagt i tilstrekkeleg grad. Utviklingsplanen må ta omsyn til fleire usikre faktorar når det gjeld Samhandlingsreforma. Her blir det viktig å ta omsyn til kommunane sine høyringssvar. Spørsmålet om kva tilbod som bør sentraliserast og kva som bør desentraliserast er særs viktig, og utgjer kanskje sjølve kjernen i diskusjonen om framtidig sjukehusstruktur. Dette burde fått meir merksemd. Det kan vere vanskeleg å vurdere modellane i forhold til avstand ved akutt sjukdom, før ein ser samla på dei prehospitale tenestene inklusiv legevakt. Vi er samde i at felles bynære sjukehus nok vil kunne rekruttere best. Robuste fagmiljø er rekrutterande og det må vektleggjast ved plassering av sjukehusea. Vi stiller spørsmålsteikn ved om eit alternativ midt mellom byane (3A og 3B), vil rekruttere godt nok til å gi eit robust fagmiljø. Som regional utviklingsaktør vil fylkeskommunen gjere merksam på at plassering av eit fellessjukehus vil kunne påverke den demografiske utviklinga i heile fylket. Vi er svært avhengige av at byane våre er sterke nok til å skape attraktive regionar, og dermed også sikre rekrutteringa til sjukehusa. Det er viktig at avgjerda om framtidig sjukehusstruktur og lokalisering av sjukehus i Nordmøre og Romsdal ikkje blir teke på mangelfult grunnlag. Vi har vist til fleire område der avgjerdsgrunnlaget er usikkert, m.a. kva tilbod som skal bli ved eit ev. fellessjukehus, kva oppgåver som skal desentraliserast, betydninga av samhandlingsreforma, tilbodet av prehospitale tenester og dei økonomiske rammevilkåra. På noverande tidspunkt ligg heller ikkje noka samfunnsmessig konsekvensanalyse føre. For å kunne ta omsyn til desse forholda, meiner vi at fleire løysingsmodellar er aktuelle å ha med i den vidare vurderinga. Det er viktig at saka er godt utgreidd, m.a. er det behov for grundigare utgreiingar av økonomiske rammevilkår og samfunnsmessige konsekvensar/konsekvensanalyse. Alle relevante forhold bør vere kjent før vedtak. Helge Orten (H) fremma følgjande forslag til tillegg: Som forslaget frå Frank Sve (Frp), men med følgjande tillegg: Utviklingsplanen peikar på at eit akuttsjukehus med dei skisserte basisfunksjonane er sterkt ønskeleg i sjukehus som skal ha akuttilbod.

4 Vi sluttar oss til at befolkninga i Nordmøre og Romsdal er best tent med å ha eitt felles akuttsjukehus der ein samlar dei sokalla basisfaga. Men dette treng ikkje bety at det berre skal vere eitt sjukehus i området. I tillegg kan ein ha eit sjukehus med ei anna fagleg samansetting for å gi eit mest muleg desentralisert tilbod til befolkninga. Dess meir bynært eit felles akuttsjukehus blir lagt, med dei fordelar det gir, dess meir aktuelt vil dette vere. Oddbjørn Vatne (Sp) fremma følgjande forslag: Det er positivt at utviklingsplanen for Helse Møre og Romsdal HF tek utgangspunkt i dei overordna måla for spesialisthelsetenesta. Det er viktig at befolkninga i Møre og Romsdal får eit tilbod på nivå med andre fylke. Fylkestinget i Møre og Romsdal sendte i juni 2011 ein uttale knytt til ny finansieringsmodell til Helse Midt-Norge RFH. Vi har oppfatta at det forslaget til modell vi hadde til høyring vart vedtatt utan å ta omsyn til synspunkta frå Møre og Romsdal. Vi er framleis sterkt bekymra for den omfordelingseffekten som den nye finansieringsmodellen legg opp til og meiner at denne må vurderast på nytt, ikkje minst for å sikre finansiering av nytt sjukehus i Romsdal og Nordmøre. Ålesund sjukehus er tiltenkt ei særskilt rolle i fylket, og fylkestinget støttar dette. Det er ei utfordring at det gjennom delplanar blir lagt føringar der ein ikkje ser det samla resultatet for utviklinga av sjukehusa. Det er ikkje klargjort kva framtidig spesialisthelsetenestetilbod som skal bli gitt i Nordmøre og Romsdal. Vi legg til grunn at dagens samansetting av fagtilbodet i Nordmøre og Romsdal blir vidareført og helst styrka. Det er viktig at tilbodet i Nordmøre og Romsdal blir dimensjonert robust av omsyn til rekruttering. Utviklingsplanen må ta omsyn til fleire usikre faktorar når det gjeld Samhandlingsreforma. Her blir det viktig å ta omsyn til kommunane sine høyringssvar. Spørsmålet om kva tilbod som bør sentraliserast og kva som bør desentraliserast er særs viktig, og utgjer kanskje sjølve kjernen i diskusjonen om framtidig sjukehusstruktur. Dette burde fått meir merksemd. Det kan vere vanskeleg å vurdere modellane i forhold til avstand ved akutt sjukdom, før ein ser samla på dei prehospitale tenestene inklusiv legevakt. Det er viktig at avgjerda om framtidig sjukehusstruktur og lokalisering av sjukehus i Nordmøre og Romsdal ikkje blir teke på mangelfult grunnlag. Alle relevante forhold bør vere kjent før vedtak. Fylkestinget tilrår følgjande løysingsmodell for sjukehusstruktur i Romsdal og Nordmøre:

5 3B. Nytt akuttsjukehus inkludert sjukehuspsykiatrien for Nordmøre og Romsdal plassert mellom byane Molde og Kristiansund. Molde sjukehus Lundavang og Kristiansund sjukehus vert avvikla. Mellom byane i alternativ 3B betyr ein stad på aksen Hjelset-Frei. Iver Nordseth (V) og Gunn Berit Gjerde (V) fremma følgjande forslag: Med bakgrunn i saksutgreiinga, går fylkestinget inn for alternativ 3B som løysningsmodell for sjukehusstrukturen i Nordmøre og Romsdal: Nytt akuttsjukehus inkludert sjukehuspsykiatrien for Nordmøre og Romsdal plassert mellom byane Molde og Kristiansund. Molde sjukehus Lundavang og Kristiansund sjukehus vert avvikla. Mellom byane betyr ein stad imellom punkta 20 minutt utanfor Molde og 20 minutt utanfor Kristiansund. Votering: Forslaget frå Toril Melheim Strand fekk 2 røyster (Ap) Forslaget frå Steinar Reiten fekk 2 røyster (Krf og 1 Sml) Forslaget frå Frank Sve fekk 6 røyster (H, Frp og 1 Sml) Forslaget frå Helge Orten til tillegg fekk 3 røyster (H) Forslaget frå Oddbjørn Vatne fekk 1 røyst (Sp) Forslaget frå Iver Nordseth og Gunn Berit Gjerde fekk 2 røyster (V) Tilråding frå fylkesutvalet Fylkesutvalet har inga fleirtalstilråding.