Gloppen kommune. Møtebok. Sakliste. Utval Administrasjonsutvalet Møtestad På Søreide Dato Tid Kl. 09:00-10:30. Følgjande medlemar møtte

Transkript

1 Utval Administrasjonsutvalet Møtestad På Søreide Dato Tid Kl. 09:00-10:30 Møtebok Følgjande medlemar møtte Bjarte Gangeskar Kristin Sælen Leidulf Rygg Bogstad Magni Aa Berge Marie Gjengedal Per Rune Vereide Tone Morken Frå V Dei tilsette KRF SP Dei tilsette SP Dei tilsette Møteleiar: Bjarte Gangeskar Underskrift: Bjarte Gangeskar Sakliste Sak nr. Sakstittel 006/17 Godkjenning av møteprotokoll, innkalling og sakliste 007/17 Referat og orienteringssaker 008/17 Orientering om tariffoppgjeret /17 Status og resultat medarbeiderundersøking/arbeidsmiljøkartlegging 010/17 Forslag til endring i permisjonsreglementet for Gloppen kommune

2 Arkiv: FE JournalpostID: 17/5596 Saksbehandlar: Anvor Hauge Saksnr. Utval Møtedato 006/17 Administrasjonsutvalet Godkjenning av møteprotokoll, innkalling og sakliste Vedlegg i saka: Protokoll - Administrasjonsutvalet Utvalsleiar si tilråding: 1. Administrasjonsutvalet godkjenner møteprotokollen frå sitt møte den 16. februar Administrasjonsutvalet godkjenner innkallinga og saklista til møtet den 11. mai Møteprotokollen frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Administrasjonsutvalet Behandling ADM- 006/17 Vedtak 1. Administrasjonsutvalet godkjenner møteprotokollen frå sitt møte den 16. februar Administrasjonsutvalet godkjenner innkallinga og saklista til møtet den 11. mai Vedtaket var samrøystes. Side 2

3 Arkiv: FE JournalpostID: 17/6383 Saksbehandlar: Rita Arlen Lilletvedt Saksnr. Utval Møtedato 007/17 Administrasjonsutvalet Referat og orienteringssaker Rådmannen legg ikkje fram tilråding i saka. Orienteringssaker: Ingen referatsaker. Ordet fritt... Administrasjonsutvalet Behandling ADM- 007/17 Vedtak Det vart ikkje gjort vedtak i saka. Side 3

4 Arkiv: FE - 512, HIST - 16/1245 JournalpostID: 17/6325 Saksbehandlar: Rita Arlen Lilletvedt Saksnr. Utval Møtedato 008/17 Administrasjonsutvalet Orientering om tariffoppgjeret 2017 Rådmannen si tilråding Administrasjonsutvalet tar saka til orientering. Saksutgreiing Bakgrunn for saka Årets tariffoppgjer er eit mellomoppgjer. Det betyr at det kun er lønn det skal forhandlast om. KS og forhandlingssamanslutningane LO Kommune, Unio, YS K og Akademikerne har etter forhandlingar kome fram til ei løysing i årets tariffoppgjer. Resultatet vart at lønnstillegga som vart avtalt i fjor skal utbetalast ein månad tidlegare. Det anbefalte forslaget skal behandlast i partane sine styrande organ innan 1.juni. Innhaldet i forslag til løysing: Ved hovedtariffoppgjeret i 2016 vart partane einige om sentrale lønnstillegg og midlar til lokale forhandlingar for 2017, med ei økonomisk ramme på 2,2%. Partane er no einige om at dei sentrale lønnstillegga skal utbetalast frå 1. juli, ein månad tidlegare enn tidlegare avtalt. Det er i tillegg avsett 0,9% til lokale forhandlingar. Dei lokale lønnstillegga har verknadsdato 1. august Resultatet har etter framskundinga av sentrale tillegg ei økonomisk ramme på 2,4%, som er på linje med resultatet for frontfaga. Lokale forhandlingar: I tillegg til forhandlingar om fordelinga av den lokale potten på 0,9% for kapittel 4, skal det gjennomførast lokale forhandlingar for leiarar og andre arbeidstakarar som får fastsett lønna lokalt, dvs kapittel 3 og kapittel 5. Lønnspolitisk plan var til liten nytte under lokale forhandlingar i 2016, og ein såg difor behov for ein revidering av planen på vesentlege punkt. Og med bakgrunn i utfordringane knytt til leiarlønnene er det ved revidering behov for å sjå nærare på kva kommunen må gjere med leiarlønningane for å tilpasse seg nivået i samanliknbare kommunar. Dette vart også tatt inn i nokre av forhandlingsprotokollane. Arbeidet med revidering av lønnspolitisk plan er tatt inn i arbeidet med ein overordna arbeidsgjevarstrategi for kommunen. Delen som omfattar lønnspolitikken er påbegynt, men ikkje ferdig pr no. Det er forventa at eit forslag til den lønnspolitiske delen vil vere klar i løpet av sommaren, slik at den kan vere med å gi retning for årets lokale forhandlingar. Lokale forhandlingar vil difor bli gjennomført etter sommarferien. Side 4

5 Administrasjonsutvalet Behandling ADM- 008/17 Vedtak Administrasjonsutvalet tar saka til orientering. Side 5

6 Arkiv: FE - 431, HIST - 16/173 JournalpostID: 17/5981 Saksbehandlar: Rita Arlen Lilletvedt Saksnr. Utval Møtedato 009/17 Administrasjonsutvalet Status og resultat medarbeiderundersøking/arbeidsmiljøkartlegging Rådmannen si tilråding Administrasjonsutvalet tek saka til orientering. Saksutgreiing Bakgrunn for saka Arbeidsmiljøutvalet vedtok i sak 007/16 å gjennomføre medarbeiderundersøking/ arbeidsmiljøkartlegging i løpet av 1.halvår HMS-gruppa fekk ansvaret for gjennomføringa og oppfølginga av undersøkinga/kartlegginga. Pga brannen ved heradshuset vedtok arbeidsmiljøutvalet å utsette undersøkinga fram til våren 2017 for å sikre eit godt oppfølgingsarbeid i etterkant. Undersøkinga vart gjennomført i perioden 20. mars 2.april. 480 tilsette har svart på undersøkinga, dette gir ein svarprosent på 76% som vi må seie oss svært godt fornøgd med. Til samanlikning var svarprosenten i 2012 og 2013 på hhv 74% og 67%. Resultatet for kommunen totalt syner at våre tilsette jamt over er godt fornøgd med sin eigen arbeidssituasjon og med kommunen som arbeidsgjevar. Resultatet er tilsvarande eller betre på alle dimensjonar samanlikna med resultatet for Samanlikna med 2013 er det framgang på dimensjonane organisering av arbeidet, overordna leiing, fagleg og personleg utvikling og stoltheit over eigen arbeidsplass. Samtidig ser vi ein liten nedgang i dimensjonane næraste leiar, medarbeidarsamtalar og system for lønns- og arbeidstidsordningar. Side 6

7 Vidare plan for oppfølging: Einingsleiarane hadde frist til 30. april for oppfølging i personalmøter, med gjennomgang av resultat og definere forbetringsområde med konkrete tiltak. Deretter skal sektorleiarane og rådmannen si leiargruppe ha ein gjennomgang og definere tiltak på kommunenivå/sektornivå. Saka skal deretter leggast fram for arbeidsmiljøutvalet i juni-møte, med orientering om prosess, resultat og tiltak. Administrasjonsutvalet Behandling ADM- 009/17 Vedtak Administrasjonsutvalet tek saka til orientering. Administrasjonen sender ut spesifisert rapport til medlemmane i etterkant av møtet. Vedtaket var samrøystes. Side 7

8 Arkiv: FE JournalpostID: 17/6269 Saksbehandlar: Rita Arlen Lilletvedt Saksnr. Utval Møtedato 010/17 Administrasjonsutvalet Forslag til endring i permisjonsreglementet for Gloppen kommune Rådmannen si tilråding Administrasjonsutvalet vedtek å endre permisjonsreglementet 2-6, 4. ledd frå: Undersøking og behandling hos lege, tannlege og fysioterapeut eller liknande må så langt det er mogeleg bli lagt til fritida. til: Undersøking og behandling hos lege, tannlege, fysioterapeut eller liknande skal vere permisjon utan lønn. Leiar skal legge til rette for at det ikkje blir trekk i lønn ved at den tilsette får høve til å byte vakt/arbeidsdag, bruke opparbeidd avspasering/fleksitid, eller få høve til å innarbeide timane i form av ekstravakter/vikartimar. Endringa blir gjort gjeldande frå vedtaksdato. Saksutgreiing Bakgrunn for saka Saka gjeld permisjon til undersøking og behandling av lege, tannlege, fysioterapeut og liknande. Permisjonsreglementet vart revidert i april I forslaget som vart lagt fram til behandling var undersøking og behandling av lege, tannlege, fysioterapeut og liknande definert som ulønna permisjon. Med 4 mot 3 røyster vedtok administrasjonsutvalet å endre dette punktet tilbake til at «undersøking og behandling av lege, tannlege, fysioterapeut eller liknande må så langt det er mogeleg bli lagt til fritid». Administrasjonen har fått mange tilbakemeldingar frå leiarar og tilsette på at punktet er uklart og det blir ulikt praktisert. Dette gjeld tolkning og praktisering av «så langt det er mogeleg» Fakta i saka Både i gjeldande og tidlegare permisjonsreglement har det stått at undersøking og behandling av lege, tannlege, fysioterapeut eller liknande så langt det er mogeleg skal bli lagt til fritid. Det var mykje diskusjon rundt dette punktet under behandlinga av permisjonsreglementet i april i 2016, og administrasjonsutvalet var delt i synet på om det skulle definerast som ulønna permisjon eller om det skulle stå «.så langt det er mogeleg bli lagt til fritid». Når endringsforslaget vart endra tilbake til «.så langt det er mogeleg bli lagt til fritid», så vart det av medlemmane i administrasjonsutvalet lagt til grunn at tilsette skulle prøve å byte time, byte vakt, nytte fleksitid eller nytte avspasering. Om ikkje det er mogeleg vil det vere velferdspermisjon med lønn. Denne tolkninga er ikkje presisert i reglementet. Men sjølv med ei presisering av dette vil reglementet bli oppfatta som urettferdig for mange tilsette: Side 8

9 Byte av time/vakt: Heiltidstilsette dagarbeidarar får permisjon med lønn, medan deltidstilsette må prøve å byte time Enkelte klarar alltid å byte time/vakt, medan enkelte andre aldri eller sjeldan får dette til. Nytte fleksitid: Sjølv om avdelinga har anledning til å nytte fleksitid kan det vere vanskeleg for enkelte pga privat livssituasjon. Kva om ein har brukt opp fleksitida til andre føremål, skal det då gå som minustid som må innarbeidast seinare? Fleksitid er gjerne opparbeidd pga tidsfristar. For andre grupper som ikkje har fleksitid ville denne typen arbeid bli utbetalt som meirtid/overtid, og dei vil då få permisjon med lønn Nytte opparbeidd avspasering: Avspasering må avtalast individuelt. Tilsette som ikkje ynskjer avspasering har krav på å få utbetalt meirtida, og vil då få permisjon med lønn. Saka er drøfta på nytt i møte med organisasjonane 2. mars i år, og forslag til endring jfr rådmannen si tilråding er sendt ut på høyring. Det er kome inn 2 merknader: Fagforbundet og Utdanningsforbundet v/tone Kristin Morken og Kristin Sælen: «Fagforbundet og Utdanningsforbundet støttar ikkje administrasjonen sitt framlegg til endring av punktet som gjeld undersøking og behandling hos lege, tannlege og fysioterapeut eller liknande. Vi held fast på tidlegare argumentasjon om at dette er ei velferdsordning som vi meiner vi skal halde på slik ho står. Ordninga baserer seg på eit tillitsforhold mellom arbeidsgjevar og arbeidstakar som er ein styrke for kommunen. Vi trur at arbeidstakarar som har behov for fri til legebesøk og liknande, så langt råd er, legg det utanfor arbeidstida. Vi meiner at det vert ei urimeleg ulempe for dei som går i full stilling, dersom dei skal måtte ta att brukt arbeidstid. Framlegget om at ein skal avspasere, eller arbeide inn att tida, vil og gje uheldige utslag sidan det er stor forskjell på kor lang tid ein brukar på å reise til og frå konsultasjonen. Det kan vere opptil ein time forskjell på tidsbruk på den sama konsultasjonen, alt etter kvar i kommunen ein har arbeidet sitt. Det ser vi på som svært uheldig, og vert nok ikkje forstått av arbeidstakarar som vert ramma. Vi kjem derfor til å stemme for å halde på dagens formulering.» Norsk sjukepleierforbund v/hildegunn Tviberg: «Ser helt ok ut dette» Økonomiske konsekvensar for kommunen Endringsforslaget vil medføre noko reduserte kostnader for kommunen, men kor mykje er uråd å fastslå då fråværet i varierande grad er registrert. Rådmannen si vurdering Gjeldande regelverk slik det er formulert gjev rom for ulik tolkning og ulik praktisering, og blir opplevd som urettferdig av mange. Kommunen må også sikre ei fornuftig bruk av sine økonomiske rammer. Samfunnsutviklinga har gått i retning av meir konsultasjonar og behandlingar enn før. Det er ein lågare terskel enn før for å oppsøke lege og andre helsetenester. Nokre går til lege når dei faktisk Side 9

10 føler seg friske, og vil forsikre seg om at dei er det, og nokre går til lege for meir kosmetiske plager. Og mange alternative behandlingsformer er komt på markedet. I endringsforslaget vil alle bli behandla likt, samtidig legg kommunen vekt på at leiar har ansvar for å legge til rette slik at tilsette ikkje skal få trekk i lønn. Administrasjonsutvalet Behandling Framlegg frå Tone Kristin Morken, Kristin Sælen og Marie Gjengedal: Undersøking og behandling hos lege/spesialisthelseteneste og tannlege skal vere permisjon med lønn. Ved alternativ avrøysting fekk - rådmannen si tilråding 4 røyster og - framlegget frå Tone Kristin Morken, Kristin Sælen og Marie Gjengedal 3 røyster. ADM- 010/17 Vedtak Administrasjonsutvalet vedtek å endre permisjonsreglementet 2-6, 4. ledd frå: Undersøking og behandling hos lege, tannlege og fysioterapeut eller liknande må så langt det er mogeleg bli lagt til fritida. til: Undersøking og behandling hos lege, tannlege, fysioterapeut eller liknande skal vere permisjon utan lønn. Leiar skal legge til rette for at det ikkje blir trekk i lønn ved at den tilsette får høve til å byte vakt/arbeidsdag, bruke opparbeidd avspasering/fleksitid, eller få høve til å innarbeide timane i form av ekstravakter/vikartimar. Endringa blir gjort gjeldande frå vedtaksdato. Vedtaket vart gjort med 4 røyster. Side 10