Gloppen kommune. Møteinnkalling. Sakliste. Utval: Administrasjonsutvalet Møtestad: På søreide Dato: Tid: Kl. 14:00

Transkript

1 Møteinnkalling Utval: Administrasjonsutvalet Møtestad: På søreide Dato: Tid: Kl. 14:00 Den som har lovleg forfall eller er ugild i nokon av sakene, må melde frå så snart råd er til tlf eller til servicetorget@gloppen.kommune.no slik at varamedlem kan bli kalla inn. Varamedlem møter etter nærare innkalling. Sakliste Sak nr. Sakstittel 001/17 Godkjenning av møteprotokoll, innkalling og sakliste 002/17 Referat og orienteringssaker 003/17 Tilsetting av faste vikarar i helse og omsorg og oppvekst 004/17 Endra organisering i helse og omsorg - miljøarbeiderteneste Sandane, 9. februar 2017 Bjarte Gangeskar leiar Rita Arlen Lilletvedt personalsjef

2 Arkiv: FE JournalpostID: 17/2500 Saksbehandlar: Jan Kåre Fure 001/17 Administrasjonsutvalet Godkjenning av møteprotokoll, innkalling og sakliste Utvalsleiar si tilråding: 1. Administrasjonsutvalet godkjenner møteprotokollen frå sitt møte den 8. desember Administrasjonsutvalet godkjenner innkallinga og saklista til møtet den 16. februar Møteprotokollen frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet.

3 Arkiv: FE JournalpostID: 17/2501 Saksbehandlar: Jan Kåre Fure 002/17 Administrasjonsutvalet Referat og orienteringssaker Rådmannen legg ikkje fram tilråding i saka. Orienteringssaker: Det er så langt ingen orienteringssaker. Ordet fritt...

4 Arkiv: JournalpostID: 17/2399 Saksbehandlar: Rita Arlen Lilletvedt 008/17 Helse- og omsorgsutvalet /17 Oppvekstutvalet /17 Administrasjonsutvalet Kommunestyret Tilsetting av faste vikarar i helse og omsorg og oppvekst Kort samandrag av saka Rådmannen si tilråding Kommunestyret viser til rådmannen si saksutgreiing og godkjenner etablering av ordning med faste vikarar innanfor faggruppene som er omtala i saka. Saksutgreiing Bakgrunn for saka Innan helse og omsorg vart det i 2015 vedteke å starte eit prosjekt med tilsetting av 3 faste sjukepleievikarar i heimetenestene Sandane, Breim og Hyen. Bakgrunn for prosjektet var å sikre stabilitet, kontinuitet og fagleg kompetanse i einingane. Det var også eit viktig tiltak for å lette arbeidspress, redusere sjukefråvær og gjere det enklare for dei tilsette å stå lengre i stillingane sine. Stillingane vart finansiert ved omdisponering av vikarbudsjettet. Det er no eit ynskje om å få etablere ei tilsvarande ordning for helsefagarbeidarar, barne- og ungdomsarbeidarar, lærarar og barnehagelærarar, samt sjukepleiarar i andre einingar som ikkje var med i prosjektet. Fakta i saka Kommunen har eit kontinuerlig behov for vikarar innanfor dei store faggruppene som er nemnde innleiingsvis. Samtidig er det vanskeleg å få rekruttert inn personar med rett fagkompetanse til vikarstillingar då det generelt er kamp om arbeidskrafta inanfor desse faggruppene og også fordi det gjerne oppstår eit akutt behov som krev tilsetting straks. Vi må då ofte tilsette ufaglært arbeidskraft i desse mellombelse vikarstillingane. Vikariata blir gjerne forlenga, og det dukkar opp andre akutte vikariat som den mellombels tilsette går inn i. Dette får etter kvart konsekvensar i form av krav om fast tilsetting. Regelverket med omsyn til krav om fast stilling er innskjerpa, slik at tidlegare 4-års regel no i praksis er blitt ein 3-års regel. Dette betyr at dei fleste mellombels tilsette i kommunen har krav på fast tilsetting etter 3 år.

5 I tillegg til krav etter 3- og 4-årsreglane har kommunen også fått mange krav om auka fast stilling tilsvarande faktisk arbeidstid dei siste 12 månadene etter nye reglear i arbeidsmiljølova. Med bakgrunn i desse regelane er det mange ufaglærte som får fast tilsetting og går inn i stillingar der det i utgangspunktet er krav om fagkompetanse. Akutte kortsiktige bemanningsbehov i samband med fråvær vil også i stor grad medføre meirarbeid, overtid og forskyvd arbeidstid for faste tilsette. Dette gir ein belastande og uforutsigbar arbeidssituasjon som har konsekvensar for både sjukefråvær, moglegheit for forlenga yrkesaktivitet og for arbeidsmiljøet generelt. Oversikt over kostnadar til vikarbruk 2016: Som det framgår av tabellen er det eit betydeleg omfang av vikarbruk i einingane det her er snakk om, og det vil såleis vere liten risiko med å tilsette nokre faste vikarar som kan brukast på tvers av einingane. Økonomiske konsekvensar for kommunen Faste vikarstillingar vil bli finansiert gjennom omdisponering av vikarbudsjetta, slik at det totalt sett ikkje skal medføre ekstra kostnader for kommunen. Rådmannen si vurdering Tilbakemeldingane frå prosjektet i helse og omsorg har vore udelt positive. Leiarane har fått ein betydeleg betre kvardag, det har vorte mindre belastning på andre faste tilsette, det har sikra tilstrekkeleg fagleg kompetanse og det har også gitt betre kvalitet og kontinuitet for brukarane. Prosjektet har ikkje medført auka kostnader totalt sett for kommunen. Med å etablere ei tilsvarande ordning også for nemnde faggrupper vil vi i større grad sikre tilsetting av riktig fagleg kompetanse sidan vi då kan lyse ut faste stillingar. Vi vil også ha betre kontroll med stillingsheimlane og kven som blir tilsett i faste stillingar. Slik regelverket er no vil mellombels tilsette som går utover fristane i regelverket vere å sjå på som fast tilsette. Med bakgrunn i erfaringane som er gjort i prosektet i helse og omsorg tilråd rådmannen å etablere ei tilsvarande ordnining for faggruppene som er omtala i saka.

6 Arkiv: HIST - 16/461 JournalpostID: 17/2431 Saksbehandlar: Rita Arlen Lilletvedt 004/17 Administrasjonsutvalet Endra organisering i helse og omsorg - miljøarbeiderteneste Rådmannen si tilråding Administrasjonsutvalet tar saka til orientering Saksutgreiing Bakgrunn for saka Gloppen kommune har vedteke å omorganisere tenestene til menneske med utviklingshemming til ei ny miljøarbeidarteneste. Målet med omorganiseringa er betre tenester til brukarane, gode fagmiljø for dei tilsette, betre ressursutnytting og meir fleksible tenester. Brukarane skal fortsatt motta tenestene dei har vedtak på og faste tilsette skal ikkje misse arbeidet. Arbeidet med å vurdere ei ny organisering har vore ein prosess der tillitsvalde, brukarrepresentantar, helse- og omsorgssjef og einingsleiarar har vore med. Det har også vore halde informasjonsmøte for tilsette og brukarar/pårørande. Det har ikkje komt fram innvendingar mot forslaget til ny organisering. Forslag til ny organisering er ei eining med tre avdelingar: Åsavegen/Nordåsen/heimebuande, Åsateigen, Solsikka, med ein einingsleiar og tre avdelingsleiarar. Desse vil vere eit leiarteam med felles ansvar for tenestene. Einingsleiar skal ha overordna ansvar for budsjett, økonomi, ressursfordeling mellom einingane, oppfølging av sjukemelde, personalmøte, personalsaker, saksbehandling og fagleg ansvar for tenesta. Avdelingsleiarane skal ha ansvar for den daglege drifta, turnus, dagleg personalansvar, fagleg ansvar og ressursbruk i avdelingane. Figuren under illustrerer ny organisering.

7 Prosessen med utlysing av leiarstillingane har starta. Ny einingsleiar og avdelingsleiarar må vere på plass før planlegging av ei ny miljøarbeiderteneste kan starte. Dato for når omorganiseringa kan vere ferdig er difor uviss, men truleg i løpet av hausten 2017.