Gloppen kommune. Møteinnkalling. Sakliste. Utval: Oppvekstutvalet Møtestad: På Søreide Dato: Tid: Kl. 09:00

Transkript

1 Møteinnkalling Utval: Oppvekstutvalet Møtestad: På Søreide Dato: Tid: Kl. 09:00 Den som har lovleg forfall eller er ugild i nokon av sakene, må melde frå så snart råd er til tlf eller til servicetorget@gloppen.kommune.no slik at varamedlem kan bli kalla inn. Varamedlem møter etter nærare innkalling. Sakliste Sak nr. Sakstittel 010/17 Godkjenning av møteprotokoll, innkalling og sakliste 011/17 Referat og orienteringssaker 012/17 Barnehageopptak - orientering og eventuell justering av plassar Sandane, 7. mars 2017 Bernt Reed utvalsleiar Per Arne Strand oppvekstsjef

2 Arkiv: FE JournalpostID: 17/3645 Saksbehandlar: Anvor Hauge Saksnr. Utval Møtedato 010/17 Oppvekstutvalet Godkjenning av møteprotokoll, innkalling og sakliste Utvalsleiar si tilråding: 1. Oppvekstutvalet godkjenner møteprotokollen frå sitt møte den 15. februar Oppvekstutvalet godkjenner innkallinga og saklista til møtet den 8. mars Møteprotokollen frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet.

3 Arkiv: FE JournalpostID: 17/3680 Saksbehandlar: Jan Kåre Fure Saksnr. Utval Møtedato 011/17 Oppvekstutvalet Referat og orienteringssaker Rådmannen legg ikkje fram tilråding i saka. Referatsaker Avsendar/mottakar Gunnvor Sunde Janne Helen Myklebust Merete Hamre Odd Kronheim Siv Egge Tittel Referat møte Orienteringssaker: Ordet fritt...

4 Arkiv: JournalpostID: 17/3642 Saksbehandlar: Per Arne Strand Saksnr. Utval Møtedato 012/17 Oppvekstutvalet Barnehageopptak - orientering og eventuell justering av plassar Kort samandrag av saka Lag eit samandrag viss saka er på tre sider eller meir. Rådmannen si tilråding Oppvekstutvalet gjev dispensasjon til Nygård barnehage AS til 3 ekstra småbarnsplassar og Rygg barnehage 3 ekstra småbarnsplassar. Dispensasjonen gjeld for barnehageåret 17/18. Oppvekstutvalet vil kome tilbake til i eiga sak om Nygård barnehage skal få varig godkjenning for fleire småbarnsplassar etter at barnehage- og skulebruksplanen er vedteken. Saksutgreiing Bakgrunn for saka Søknadsfrist for opptak til barnehageåret 17/18 er 1. mars. 6. mars var det opptaksmøte med styrarane i barnehagane, servicetorget og oppvekstsjef tilstades. I møte i oppvekstutvalet den 15. februar var det semje om at eventuelle justeringar av plassar skulle takast opp i eit ekstraordinært møte den 8. mars om det skulle syne seg å vere behov for justeringar av plassar. Opptakstmøte ser behov for å justere plassane. Fakta i saka Barnehageopptaket er delt i tre opptaksområde. Breim, Hyen og Gloppefjorden. Dei som har rett på barnehageplass er barn som er født seinast innan utgangen av august det året det vert søkt om barnehageplass og har då rett til å få plass i barnehagen frå august. Barn som fyller eitt år i september eller oktober det året det vert søkt om barnehageplass har rett til å få plass i barnehagen frå den månaden barnet fyller eitt år. Det nye no er at barn født i november 2016 vil ha rett til barnehageplass frå november Frå Utdanningsdirektoratet sine sider: «I behandlingen av statsbudsjettet for 2017 har Stortinget fattet vedtak om at barn født i november skal få rett til barnehageplass. Retten skal tre i kraft i Det betyr at barn født i november 2016 vil ha rett til barnehageplass i løpet av november Utvidelsen av retten til barnehageplass forutsetter at Stortinget fatter et endelig vedtak om lovendring. Stortinget vil mest sannsynligvis fatte et slikt vedtak i løpet av våren Selv om retten til plass først vil inntre i november, kan barnehagene og kommunene velge å tilby barna plass tidligere.» Det vert oppmoda om at kommunane skal vere fleksible i høve inntak, då dette har vore lite informert om utad og truleg ikkje alle har fått det med seg i høve søknadsfristar. Vi har to barn som har søkt og som er født i november. Dei har opptaksmøte rekna inn i opptaket.

5 For Hyen var det to søkjarar, med behov på 1,6 plassar. Det er for komande år ingen barn som går over i skulen, slik at barnehagen er full med den bemanning som er der no og det er ikkje rom for å ta inn fleire barn utan auka bemanning. I opptaksområde Hyen er det òg 3 barn som bur i område som får høve til å søkje i nabokommunane og som har gjort det. Det gjeld eitt barn i Flora og to barn i Naustdal. Dette er barn som Gloppen kommune må betale for. Dette er i tråd med tidlegare vedtak i oppvekstutvalet. For Breim er det 9 barn som har søkt om plass og får tilbod om det, samt nokre justeringar på størrelse på plassen. Breim har eit stort kull som går over i skulen og vil difor ha 3-6 ledige plassar komande barnehageår alt etter om ein reknar små eller store barn For Gloppefjorden er det 58 søknader innanfor fristen for barnehagesøknad. Gjennom NAV og Mona barnehage kjenner vi til 4 barn til som skal/vil søkje barnehageplass. Då har vi 62 søkjarar. Av desse er det 5 barn som er fødde i 2017 som ikkje får tilbod om plass i denne omgang, men som må søkje til suppleringsopptaket til hausten. Vi veit at det i januar 2017 var 12 nyfødde i Gloppen og relativt mange fødslar i februar også. Opptaket går ikkje saumlaust i hop med søknader og tilgjengelege plassar. Då tek oppvekstsjefen utgangspunkt i at den 7. avdelinga i Mona framleis er stengt og at dei private barnehagane har plassar slik som dei er godkjende for. Det er småbarnsplassar det er knappheit på, i dette ligg det at nokre storbarnsplassar vert gjort om til småbarnsplassar. Alternativt 1 er at kommunen ikkje opprettar plassar utover det som er tilgjengeleg i dag. Det betyr at dei som ikkje har søkt ikkje vert rekna med inn i opptaket og vi vil heller ikkje få plass til barn født i november. Då vil det og vere mange foreldre som ikkje får sine førsteval oppfylte og det vert mange søsken som må gå i forskjellige barnehagar. Då vil alle barnehagane ha fylt opp alle sine plassar. Alternativ 2 er å opprette ekstra plassar i to av dei private barnehagane. Rygg og Nygård. Opprettar vi 3 småbarnsplassar i både Rygg og Nygård så kan vi ta inn alle som har søkt og dei som ikkje har søkt, men som vi veit er der og som etter alder har rett på plass. Det vil også vere fleire foreldre som får sin ynskjer oppfylt og søsken som får gå i same barnehage. For Nygård sin del har dei ei småbarnsavdeling med 6 plassar per i dag og har søkt om og få utvide til 9 plassar tidlegare, utan å få det. Nygård ynskjer å få permanent godkjenning for 9 småbarnsplassar. Normal størrelse på ei småbarnsavdelng er 9 barn med 3 tilsette. For Rygg vil det vere snakk om 3 ekstra plassar utover ordinær avdeling. Alternativ 3 er å tilby plassar i Breim til dei som ikkje får plass i barnehagane rundt Gloppefjorden. Då vil ein få plass til alle som har søkt og kanskje nokre av dei som ikkje har søkt. Det vil skape utfordringar for nokre av flyktningane våre som ikkje har bil. Det vil også bety at vi ikkje har ledige barnehageplassar i kommunen. Økonomiske konsekvensar for kommunen Dette vil koste kommunen pengar utover det som er lagt inn i budsjettet. Rådmannen vil kome tilbake til eit justert budsjett for barnehagane i samband med første tertialrapport. Det fordi rådmannen alt no ser at budsjettet ikkje er realistisk, både utifrå rekneskapen for 2016 og føresetnadane for budsjetteringa i 2017 er endra. Rådmannen si vurdering

6 Det vil alltid vere ein kabal å få eit barnehageopptak til å gå i hop for flest mogeleg sine ynskjer og prioriteringar. Det er 8 barnehagar og 6 ulike opptaksprioriteringar som skal flettast saman med foreldre sine ynskjer og søsken som alt går i barnehage. Det er eit forhold mellom store barn og småbarn. Det er gledeleg at det etter eit år som 2016 med få fødslar i Gloppen, likevel er rift om barnehageplassane. Det er eit dilemma om kommunen skal prioritere dei kommunale barnehagane framfor dei private barnehagane når det vert snakk om å opprette fleire plassar. Økonomisk skal det i teorien ikkje vere noko forskjell på det for kommunen sin del. Vi har ei avdeling i Mona som no står tom, men som må bemannast opp om den skal takast ibruk. Det er ikkje budjsettert og vil truleg koste meir enn det vil gjere å kjøpe nokre plassar hjå dei private for eit tidsrom. Transport mellom opptaksområde og innanfor eit opptaksområde er tema som stadig dukkar opp. Det gjeld spesielt flyktningane våre som ikkje er like mobile som andre. Barnehageåret 16/17 så har Bakkelidgrenda laga ei privat skyssordning for eiga rekning for å transportere barn frå Søreideområdet ut til barnehagen. Oppvekssjefen tykkjer det er eit flott initiativ, men det bør vere slik at om det er naudsynt så er det dekka av kommunen og at det kan gjelde fleire barnehagar. I lys av å ville vere ein tilflyttarkommune, så veg tilgjengelege barnehageplassar tungt i dei vurderingane som småbarnsfamiliar gjer før dei bestemmer seg for flytting. Går vi for å seie nei til å opprette nokre ekstra plassar vil alle barnehagane vere heilt fulle og det vil vere lite rom for flyktningbarn, og andre tilflyttarar å få seg barnehageplass i løpet av året og i suppleringsopptaket til hausten. Då må vi ha med oss dei relativt mange fødslane tidleg på året i 2017 i den vurdeinga. Det vil nok vere mange som søkjer plass i suppleringsopptaket. Om vi skal ta omsyn til dei som vi veit ikkje har søkt, men som gjerne vil og bør ha barnehageplass er ei anna sak. I prinsippet så er eit barn ikkje med i vurderinga om søknaden ikkje er sendt innanfor fristen, så er neste mogelegheit suppleringsopptaket. Her er det likevel snakk om flyktningar og foreldre som kan dårleg norsk og det kan vere mistydingar med NAV. Oppvekstsjefen meiner at vi i denne samanheng skal rekne dei med. Den løysinga som løyser flest sine behov vil vere å gje dispensasjon til Rygg og Nygård med 3 plassar kvar. Då får flest foreldre oppfylt sine ynskjer og søsken får gå i same barnehage. Oppvekstsjefen meiner at då gjev vi plass til alle som har søkt, samstundes som vi har noko ledig kapasitet, først og fremst i Breim, men og nokre småprosentar rundt Gloppefjorden som gjer at det er noko meir rom til å ta imot tilflyttingar og mogelegeheiter i suppleringsopptaket.