Acos Sak 16/237-4 17.06.2016 SUNN KOMMUNEØKONOMI - OPPVEKST Sluttdokument Audun Mo, Ap, leiar Anders Elthun, Sp Lene Lysne, fagforbundet Målfrid Aspeseter, utdanningsforbundet Anita Karlsen Bentås, adm. Torunn Liltved, adm., sekretær [E-postadresse] Vara: Kåre Mentz Lysne, Ap Frode Myklebust, V Heidi Austheim, styrar LØB
Innhald 1. Innleiing... 2 2. Fire alternativ... 2 3. Avtalte avgangar og naturlege avgangar i oppvekst 2016-2019:... 5 4. Planlagde investeringar og innspel, ev nye investeringar i oppvekst 2016-2019:... 5 5. Oppsummering... 7 1
1. Innleiing Arbeidsgruppa har hatt tre møte, der dei faste medlemmane har møtt. Gruppa har vurdert ulike innsparingsmoglegheitar i sektoren med gjeldande struktur, men har konkludert med at endra skulestruktur er avgjerande for å få til innsparingar som verkeleg monnar. Under alternativ 4 i skjemaet under ligg konsekvensvurderingar ved å oppretthalde den strukturen vi har. I tillegg til innsparingskrava som er definerte i ØHP, kjem naudsynte reduksjonar grunna løns- og prisvekst. I økonomiplanlegginga er det derfor naudsynt å ta høgde for innsparingar som rommar dette tillegget. 2. Fire alternativ Alternativ Innsparingspotensiale Kommentarar 1 - Legge ned Ljøsne skule 4,88 mill Dette alternativet er greidd ut i skulebruksplanen. Planen reknar eit innsparingspotensiale på 7,8 mill., inkludert rentekostnad. 2,2 mill er stipulert som rentekostnader ved ombygging. I eiga utrekning, der vi føreset at 2,5 årsverk (spesialundervisning og styrking av klassar ved LØS) følgjer elevane, får vi eit innsparingspotensiale på 4 881 000. Her er ikkje rentekostnad lagt inn. Vidareføring av 100% spes.ped assistent, 50% spes.ped lærar, 100% ped er med i reknestykket. Utgifter til PPT, auka bemanning i SFO på LØS og ekstra skysskostnadar ved flytting av elevar er også med. 2
Innsparing ved reduserte FDV-kostnadar er teke med. Konsekvensar er vurderte i skulebruksplanen. 2 - Legge ned Borgund skule 2,9 mill Inkludert vidareføring av ca 100% spes.ped assistent, ca 80% spes.ped lærar, 50% ped, PPT og SFO får vi eit innsparingspotensiale på 2.903.500. Inkludert er også ekstra skysskostnadar ved flytting av elevar. Innsparing ved reduserte FDV-kostnadar er og teke med. Ein konsekvens er lang reisetid, viser elles til drøftingar i skulebruksplanen. 3 - Legge ned Ljøsne og Borgund skule 7,78 mill Som kommentarane på alternativ 1 og 2. 4 - Nedskjæringar fordelt på 3 skular og 2 barnehagar 4 mill Konsekvensar av dette er greidd ut i eit notat frå einingsleiarane som ligg som vedlegg. Kort oppsummert vil nedskjæringane mellom anna ha desse konsekvensane: Borgund barnehage: Dersom barnetalet vert sterkt redusert, vil ein kunne kutte nok i årsverk. Viss ikkje, vert reduksjonane umoglege med lovleg drift. Kutte over to årsverk i LØB, drifte 4-5 avdelingar. Berre hovudopptak, venteliste. I tillegg kjem pedagogiske og sosiale konsekvensar av å drive med minimumsbemanning. Vanskeleg å gje lovpålagd spes.ped.hjelp. 3
Borgund skule: Kutte deling i kjernefag, 1. -7. samla i praktiskestetiske fag. Under minstenorm for pedagogar. Ljøsne skule: Gå frå firedelt til tredelt skule. Under minstenorm. LØS: Redusere med om lag 3,4 årsverk. Vil gje mindre deling/tolærarressursar, valfag, førebyggande arbeid og tidleg innsats. Kutte turar og trivselsskapande tiltak ytterlegare. Alle einingane må redusere tilrettelegging og hjelp til framandspråklege barn og redusere hjelpa til barn med spesielle behov. Det vil verte svært krevjande å gje desse gruppene det tilbodet dei har rett på etter lova. Utstyr og materiell må ligge på minimumsnivå. Praktiske aktivitetar i ulike fag vert vanskelegare å gjennomføre grunna mangel på personale og utstyr. Handlingsplan mot mobbing vil ikkje kunne følgjast når det gjeld ein rekke førebyggande tiltak. Viser til eige notat om reduksjonar som er gjennomførte allereie ved LØS. Ulike konsekvensar av skulenedlegging er drøfta i skulebruksplanen. Kort oppsummert blir nokre av konsekvensane slik: Ved eventuell nedlegging av Borgund skule, vil ein konsekvens i tillegg vere at elevane frå Borgund vil få lang reiseveg. For elevar som mistar nærskulen vil det vere ein uheldig konsekvens at dei mistar moglegheita for å gå eller sykle til skulen. Både Borgund og Ljøsne skule har gode resultat når det gjeld fag og skulemiljø (elevundersøkinga), og kan reknast som gode nærskular. Positive verknader av eventuell skulenedlegging vil vere ein meir effektiv bruk av bygningar og lærarressursar, og meir føreseieleg og romsleg økonomi. Frå 2025 gjeld strenge kompetansekrav for lærarar, og det vil vere lettare å ha rett kompetanse med ein meir sentralisert skulestruktur. 4
3. Avtalte avgangar og naturlege avgangar i oppvekst 2016-2019: Borgund barnehage: 1 går av med pensjon i 2016 1 har signalisert pensjonisttilvere i 2017 Borgund skule: Ingen som fyller 67 år i perioden Ljøsne skule: Ingen som fyller 67 år i perioden Lærdalsøyri skule: 1 som fyller 67 år i perioden (2018) Lærdalsøyri barnehage: 1 som går av med pensjon i 2016 (ved fylte 62) 1 som fyller 67 år i perioden (2019) 4. Planlagde investeringar og innspel, ev nye investeringar i oppvekst 2016-2019: Formannsskapet har gjort følgjande vedtak: Formannsskapet ynskjer å sette inn desse investeringane i tillegg til prioriterte investeringar: Investering 8 Garderobe LØS og 13 Basseng på Borgund og ber om at konsekvens og framdrift vert vurdert til handsaminga i kommunestyret. Dersom investeringane blir gjort, vil det auke årlege kostnader for kommunen med om lag 340 000 (garderobe LØS) og 320 000 (bassenget på 5
Borgund) per år i ØHP-perioden. I kommunestyret 26.05. vart desse investeringssakene utsett. Sitat frå ACOS 16/293 - Oppstart og innleiande drøfting - økonomi og handlingsplan 2017-2020: «Alle investeringar har langsiktige verknader på driftsøkonomien til kommunen. Drøftingane av kva som skal gjennomførast eller ikkje, må difor ha eit langsiktig perspektiv. Før innstrammingstiltaka er gjennomførte og kommunen har fått den driftsøkonomien og handlingsrommet me ønsker, har me ikkje rygg til å bere tunge investeringar.» Investeringsbehov oppvekst (frå same sak i ACOS): Avtale om kjøp av eigedom (grøn hekk Lærdalsøyri barnehage Einemomarki) Garderobe våtrom Lærdalsøyri skule Lærarfløy Lærdalsøyri skule bygetrinn 4 Opprusting uteområde m/leikeapparat Lærdalsøyri skule Utomhusplan for Lærdalsøyri skule Oppgradering Ljøsne skule (som i alternativ 0 i skulebruksplan) Badebasseng Borgund oppgradering Klatrepark ved Lærdalsøyri skule Solskjerming Lærdalsøyri skule Uteområde Ljøsne skule Korleis dekke inn investeringar som har eit negativt bidrag på drifta? (ACOS 16/293): 1. Prosjektfinansiering om mogleg (søknader til ulike instansar) 2. Auke i lånegjeld konsekvensar for dei økonomiske måla 3. Effektivisering/innsparing i same sektor 4. Omfordeling bruke strukturelle innsparingar på andre ansvarsområde 5. (Intern)fakturering - flytting av kostnader over på brukaren 6
5. Oppsummering Gruppa meiner at for å få økonomisk berekraft i oppvekstområdet må ein ha ei endring i skulestrukturen. Gruppa set opp ulike alternativ for dette, der også nedlegging av Borgund skule er teke med. Gruppa vil ikkje prioritere alternativa som er sette opp, eller ta stilling til framlegga i skulebruksplanen, da konklusjonane bør vere eit resultat av handsaminga av skulebruksplanen. Skulebruksplanen vert lagt ut til høyring i veke 25, med høyringsfrist 09.09. Handsaming i formannsskapet 29.09. og kommunestyret 20.10. 7