Arkivsaknr.: Arkiv Sakshandsamar Dato 15/ K1-150,

Transkript

1 Lærdal kommune Kultur- og oppvekst Notat Til: Arkivsaknr.: Arkiv Sakshandsamar Dato 15/ K1-150, Notat om: ØHP : Vurdering av innsparing på 4 mill i oppvekst utan strukturendring Formannsskapet har bede om ei fagleg vurdering av konsekvensane av å spare to millionar i 2017, og to nye i 2018 i oppvekst, utan å endre skule- eller barnehagestrukturen. Dersom ein bruker dagens ramme som utgangspunkt, og fordeler denne summen på alle einingane, vil reduksjonane på kvar eining bli som vist under. Skuleskyss og sentraladministrasjon er trekte ut av reknestykket. Ytterlegare realnedgang grunna løns- og prisvekst er ikkje teke med. Funksjon Råme 2016 Budsjettsum % Del av ,- Lærdalsøyri barnehage ,07 % Borgund barnehage og SFO ,27 % Lærdalsøyri skule inkl.miljøarb ,41 % Ljøsne skule ,50 % Borgund skule ,30 % SFO Lærdalsøyri ,63 % SFO Ljøsne ,82 % % Etter som budsjetta allereie er skore til beinet på forbruksvarer og vikarmidlar, vil dette måtte bety færre stillingar. For den enkelte skule og barnehage vil det ha desse konsekvensane: Borgund barnehage ved styrar: Barnehagen / SFO har pr i dag totalt ca 3,5 årsverk. Me skal drifta og ha eit forsvarleg og godt tilbod til alle og det klarar me ikkje oppfylla med meir reduksjon av stillingar. Tilsette er åleine saman med barna både om morgonen og om ettermiddagen. Slik må det vera i ein ein-avdelings barnehage, men viss ein skal redusera stillingar vil åleinetida auka, noko som ikkje er forsvarleg. Me har barn med enkeltvedtak som skal ha spesialpedagogisk hjelp, samt tett oppfølging elles. I tillegg har me barn som er framandspråkleg. Adresse: Postboks 83, 6886 Lærdal Telefon: Giro: Besøksadresse: Øyraplassen 7 Telefax: Org.nr. :

2 Resten av dette barnehageåret (fram til august 2016) og neste barnehageår 2016/2017 har me ikkje høve til å redusera bemanninga. Ved å sjå eitt år fram, når det er skulestart hausten 2017 vil 7 barn starta på skulen. Då blir det få barn att i barnehagen viss ikkje det blir fødd barn i 2016, eller eventuelt tilflytting. Det vil tida vise, men slik stoda er pr i dag og neste barnehageår har me ikkje høve til å ta bort personalressurs. Lærdalsøyri barnehage ved styrar: Eit nytt innsparingskrav på kr vil få store konsekvensar for Lærdalsøyri barnehage. Me har allereie over to år no hatt store nedskjeringar på faste personalressursar og ressursar til vikarar og utstyr. For å klare ei slik innsparing vil det vere naudsynt å kutte over 2 årsverk i barnehagen. Dette medfører at me ikkje kan drifte meir enn 4-5 avdelingar. Etter at barnehagen i 2016 har redusert bemanninga med ytterlegare 110% (1,1 årsverk) er me nede på det som vert kalla grunnbemanning. I forskrift om pedagogisk bemanning er det stilt krav om at det skal vere minimum ein pedagogisk leiar per born over tre år og ein pedagogisk leiar per 7-9 born under tre år. Dersom barnehagen har 19 born over tre år eller 10 born under tre år på heiltid, er det krav om to pedagogiske leiarar i full stilling for at forskrifta sin bestemmelse skal være oppfylt. (Kunnskapsdepartementet, Forskrift om pedagogisk bemanning 2006). Elles er det ei rettleiande norm som seier at minimum grunnbemanning skal vere 3 vaksne (1 ped.leiar og 2 assistentar/fagarbeidarar) på 18 barn over tre år og 3 vaksne tilvarande på barnegruppe med 9 barn under tre år. Eit nytt innsparingskrav vil kunne medføre at barnehagen kun kan gi eit tilbod til born som har rett til plass ved hovudopptaket jf. barnehagelova 12a. I dag kan barnehagen tilby plass til nytilflytte og til flyktningar. I tillegg har me suppleringsopptak i november der me tilbyr plass til mange eittåringar frå januar, som elles ikkje hadde krav på plass før august. Ved nye kutt vil me måtte setje born på venteliste. Dette inneber at foreldra ikkje kjem seg ut att i arbeid etter endt permisjon slik dei ynskjer, eller dei må søkje til nabokommunane for ledige barnehageplassar. Kommunen ynskjer tilflytting, og LØB har siste åra teke inn mange utanlandske born grunna arbeidsinnvandring. Talet framandspråklege born i LØB auka frå sju i 2014 til tolv i Dette krev ekstra ressursar ved tilvenjing og til språkstimulering og læring i kvardagen. Det er utfordrande å få dette til i dag med den innskrenkinga me allereie har hatt. Vidare reduksjon av personalressursar vil gå ut over gode, stabile barnegrupper og ekstra oppfølging av framanspråklege born. Barnehagen er og byrja å ta inn flyktningeborn som har rett på plass. Når me tek inn eit flyktningborn følgjer det med eit statleg eingongstilskot til barnehagen på kr Desse midlane held knapt nok til å få tilvent borna til barnehage. Me ser at flyktningeborna som kjem krev ein mykje meir omfattande tilvenjingsperiode enn andre born. Noko som medfører trong for ekstra personalressursar. Språklege barrierar er ei utfordring både ovafor borna og foreldra. Det er ikkje så lett å verte trygg når du ikkje kan forstå. Barnehagen har årleg fleire born som har enkeltvedtak og trong for spesisalpedagogisk hjelp etter opplæringslova 5-7. Desse borna har rett på ekstra personalressursar og avsett tid til oppfølging og trening. Me har utfordringar med tanke på å yte denne hjelpa per i dag, og me vil ikkje klare det om bemanninga går ytterlegare ned. Me har og fleire born som krev ekstra

3 oppfølging utan rett til spesialpedagogisk hjelp, men der me ser at tidleg innsats med tett oppfølging av barn og familiar er naudsynt.her samarbeidar me nært med helsestasjon, PPT, BUP og Barnevernet. Regjeringa ynskjer at barnehagen skal bli betre til å fange opp og hjelpe born ved å ha fokus på tidleg innsats. All ny forsking viser at ved å styrke born i språk og sosial kompetanse frå barnehagealder kan ein førebyggje større atferdsproblem seinare i livet. Det vil og gi dei utsette borna betre vilkår for læring og møte med skulen. Dette krev at me har nok vaksne til å ta oss av borna. LØB har dei to siste åra jobba hardt for å få ned sjukefråveret. Tal for sjukefråveret ved utgangen av 2015 syner at me har klart å reduserer fråveret betydeleg. Ved å gjennomføre dei nye innsparingskrava for 2016 er me komme ned på ei smertegrense med tanke på personalressursar det er trong for å ha i barnehagen. Vert personalet pressa til å yte meir med mindre ressursar no vil det kunne føre til auka stress og auka sjukefråver. Då vil det gode arbeidet me har fått til, vere fånyttes. Det har dei siste åra komme mange nasjonale, faglege krav om at barnehagen skal yte tenester med høg kvalitet. Barnehagen skal vere ei god pedagogisk verksemd der borna opplever tryggleik, medverknad, trivsel, leik og læring. Dersom kravet til ytterlegare reduksjon i ressursane våre vert ståande, vil me sitje att med ein barnehage som driv med oppbevaring og tilsyn av borna. Me ser ikkje at vidare reduksjonar i ressursar hjå oss er fagleg forsvarleg utifrå lov om barnehagar og rammeplan for barnehagen. Borgund skule ved rektor: Verknad i 2017: Reduksjon med 60% pedagog eller assistentstilling frå Borgund skule har i dag 370 % pedagogstillingar, 80% av desse er einskildvedtak (spes.ped.). Skulen har 127 % assistentstillingar, 97 % av desse er einskildvedtak (spes.ped.) I møte med BUP og PPT har me fått signal om at det vil kome nye tilrådingar om einskildvedtak på til saman ca. 50 % pedagogressurs frå hausten 2016, slik at denne ressursen dekkar opp det behovet som pr i dag er dekka av assistentar. Dette vert sjølvsagt ei dyrare løysing. Borgund skule vil då ha 290 % pedagogressurs til å dekke ordinær undervisning, og ca.130 % som dekkar spesialundervisning. Assistentressurs til ordinær undervisning vert 30%, medan assistentressurs knytt til einskildvedtak vert redusert til 47%. Av desse ressursane skal det ytterlegare reduserast 60 %. Dersom ein reduserar høvesvis mellom assistent- og pedagogressurs vil me stå att med ca. 260 % pedagog til ordinær undervisning og 110 % til spes.ped. Assistentressurs til ordiner undervisning vert ytterlegare redusert til 25 %, medan assistentressurs knytt til einskildvedtak vert redusert til 42 %. Borgund skule er ein fådelt skule med to aldersblanda klassar, der undervisninga foregår på ulike nivå. Dette krev meir ressursar enn i ein fulldelt skule, der ein har eit årssteg i kvar klasse. Eit slikt innsparingskrav inneber at delingstimar i kjernefag må kuttast, det må gjerast nye enkeltvedtak som går imot faglege tilrådingar, klasse må vera samla i alle praktiskestetiske fag. Språkopplæring og støtte til framandspråklege barn må kuttast. Det seier seg sjølv at med slike reduksjonar vert det ikkje forsvarleg undervisning. Skulen har allereie no så knappe ressursar at den ligg under minstenormen. Til slutt vil eg for ordens skuld gjera merksam på kommunen sitt ansvar som skuleeigar etter 13.1 i Opplæringslova.

4 Ljøsne skule ved rektor: Vurdering av innsparingar Ljøsne skule sin del av innsparingane er sett til kr, der halvparten av summen vert tatt i 2017 og heile summen frå Frå fire-delt til tre-delt skule Ljøsne skule er i dag ein firedelt skule. Her er 42 elevar. 1. og 2.årstrinn dannar èin klasse, 3. og 4.årstrinn èin, 5. og 6.èin og 7.årstrinn ein klasse. Det er delingstimar i nokre av basisfagtimane. Elevtal Årstrinn Elevtal Samla Årstrinn Elevtal Samla I rettleiaren Info Consensus står følgjande: «Sjølv om klassedelingstala er fjerna i opplæringslova, skal kommunane fortsatt berekne enkelte ressursar i forhold til det tal klassar ein ville hatt etter tidlegare klassedelingstal» Det same gjeld tal elevar samla i klassar i fådelte skular. Tala der var : Ikkje meir enn 12 elevar når det er fire årskull el.meir i klassen 18 elevar når det er tre årskull i klassen 24 elevar når det er to årskull i klassen Skal skulen bli ein tredelt skule, er det naturleg å dele småskulesteget i to klassar og samle mellomsteget i ein klasse. Nyttar vi dei gamle tala, ser vi at det i vert 20 barn på mellomsteget. Då er elevtalet høgre enn det som skal nyttast som delingstal. Påfølgande år er talet 18. Ein fådelt skule nyttar andre årsplanar enn ein fulldelt skule, og det må då lagast 2- og 3-årige emnebyteplanar. Dersom ein eitt år set 3. og 4. saman i ein klasse og i ein klasse, kan ein ikkje neste år dele på ein annan måte. Skal ein sikre at alle årstrinn skal få gjennomgått alle års fagplanar, må ein ha ei fast inndeling av klassane. Behov for tilsette

5 Administrasjonsressurs: I følgje utrekning tilsendt frå Utdanningsforbundet datert 21.januar 2016, tilseier elevtalet at det skal vere 60,5% administrasjonsressurs. Merkantil hjelp kjem i tillegg. Spesialpedagogisk ressurs: Spesialpedagogisk ressurs etter sakkunnige tilrådingar utgjer i inneverande skuleår, etter endringar frå februar, om lag 132% pedagogstilling og 118 % assistentstilling. Dette behovet er det same eller høgre også kommande skuleår. Pedagogressurs undervisning tredelt skule : I følgje utrekning tilsendt frå Utdanningsforbundet datert 21.januar 2016, er samla ramme for pedagogressurs 112 t. Det har i etterkant komme inn ei auke i spes.ped på 3 t. 115 t utgjer 590 % i stillingsressurs. Utrekna ramme ligg på eit minstenivå. Her er t.d. ikkje teke med ressurs til dataansvarleg. Ved omlegging frå 4-delt til 3-delt skule må det i overgangen leggast inn noko deling for å sikre at alle årsstega får timetalet sitt i alle fag. Vi kjøper 20% stilling hjå kulturskulen til musikkfaget i inneverande år. Framtidig løysing må drøftast. Andre oppgåver som kan utførast av andre enn pedagogar: Ein vaksen med i bassenget Bibliotekansvar Leksehjelp (1,5 t /v av dette har miljøarbeidar i inneverande år) Følgjande er fast tilsett: 51% assistent (+ 100% assistent på SFO) 588,3 % pedagog (inkl dei 40% rektor underviser) 60% rektor SFO ved Ljøsne skule Vi kjenner så langt ikkje søkartalet for kommande skuleår og seinare år. Talet går truleg litt ned utan vi kan redusere i årsverk før tidlegast hausten Konklusjon: Ved Ljøsne skule er det alt teke ned 50% pedagogstilling frå juni Ljøsne skule er då nede på ei minstenorm for ein tredelt skule. Pedagogressursen på 590 % stilling stemmer overeins med det tal fast tilsette vi har ved skulen og som må til for å vere tredelt skule med noko deling og for å ivareta den spesialpedagogiske opplæringa. Assistentressursen for hausthalvåret 2016 må aukast med om lag 25 % samanlikna med inneverande skuleår. Denne auken varer ut skuleåret Det vert redusert behov for spesialpedagogisk ressurs ved skulen dei kommande åra, men denne ressursen vil følgje enkeltelevar over til Lærdalsøyri skule. Reduksjonen ved Ljøsne skule vert såleis ikkje ei innsparing for Lærdal kommune, men ramma til Ljøsne skule vert lægre. Lærdalsøyri skule ved rektor Fagleg vurdering Dei føreslegne innsparingane for Lærdalsøyri skule med SFO er som vist nedanfor: Lærdalsøyri skule (inkl. stilling som miljøarbeidar) Kr SFO Kr Totalt Kr

6 Ved Lærdalsøyri skule med SFO er det pr. i dag årsverk. Av desse er: Stillingstype Årsverk Undervisning 21,10 Administrasjon 1,75 Miljøarbeidar 1,00 Kontorfunksjon 0,85 Assistent skule 1,99 SFO 1,30 Elevtal og : Årstrinn Elevtal Årstrinn Elevtal Totalt 183 Totalt 176 For inneverande skuleår er det 35 barn i SFO. Talet for neste år vil ligga om lag som for inneverande år, kanskje noko høgare. Eventuell auke kan kome som fylgje av ein større 1. klasse neste år. Direkte konsekvensar av innsparingane -Delingstimar Den oppsette innsparinga vil måtte få direkte konsekvensar for både elevar og personalet. Det er ikkje mogleg å kutte nesten 1,9 millionar kroner utan å fjerne delingstimar i praktiskestetiske fag, som kunst og handverk, og KRØ, samt musikk. Gruppestorleiken på ungdomstrinnet er slik at deling i desse faga er naudsynt for å kunne gjennomføre ei forsvarleg undervisning. Det vil også gå ut over moglegheitene våre til å dele i valfaggrupper. Dette er me i stand til inneverande år. -Styrking i klassane og «tidleg innsats» Det er ei målsetting at elevane i størst mogleg grad skal få opplæringsbehova sine tilfredstilt i klassen, og ikkje utanfor. Einskildvedtak om styrking og spesialpedagogisk hjelp for neste år er ikkje gjort i skrivande stund, men me ser allereie konturane av behova. Det me veit er at me har klare utfordringar med å yta den hjelpa me skal i dag. Slitasjen på personalet har gjennom dette skuleåret vore merkbar. Sjukefråveret er, som for andre delar av den kommunale organisasjonen, på veg ned. Det er me alle glad for. Men me veit at me er sårbare for auke. Ytterlegare press på personalet vil fort gi store utslag. -Arbeid mot mobbing

7 Ved Lærdalsøyri skule har personalet over fleire år arbeidd for å betra elevane si velferd og å førebygga mot mobbing. Eit vesentleg bidrag til dette er den jobben som ligg til stillinga som miljøarbeidar ved skulen. Frå sentrale styresmakter er meldinga klar: Skulen skal i større grad fanga opp og motverke mobbing og mistrivnad. Me vurderer det slik at dei føreslegne innsparingane må takast på fleire funksjonar for å koma i mål. Som nemnt ovanfor er den totale bemanningssituasjonen slik, dersom dei føreslegne kutta vert gjennomført, at me ikkje vil kunne gje det tilbodet me i dag gir. Det er også eit stort spørsmål om me vert i stand til å oppretthalde stillinga som miljøarbeidar, eller om me må prioritera ressursar direkte knytt til undervisning. Me greier ikkje innsparing i dette omfanget utan å redusera i talet på pedagogar og assistentar, samt ev. fjerning av stillinga som miljøarbeidar. Dette kan sjå slik ut: Pedagogar og/eller miljøarbeidar, 240% kr Assistent, 100% kr Totalt kr Løns- og prisvekst: Dei føreslegne innsparingane ikkje tek høgde for årleg løns- og prisvekst. Dette utgjer ein stor kostnad som må reduserast i tillegg til den definerte innsparingssummen.