Referat fra møte i Studentparlamentet 25. november 2015 Tid: 15.00 2100 (ink. reisetid) Stad: Balchen, Campus Førde Tid Sak 17:04 37/15 Val av møteleiar og referent 17:05 38/15 Opprop og utdeling av stemmeskilt 17:08 39/15 Godkjenning av referat, innkalling og saksliste 17:15 40/15 Kvalitet i utdanning 17:30 41/15 Resolusjon om fusjon 17:40 Pause 18:00 31/15 Val av fagleg komité 18:10 42/15 Forskrift om Høyring 18:30 43/15 Resolusjon om Søppelhandtering 18:35 44/15 Resolusjon om Demokratitid 18:40 45/15 Resolusjon om Tilsettingar 18:50 46/15 Rapport frå styret 18:55 47/15 Orienteringar 19:00 48/15 Ymse Stemmeberettiga (11 var kravet ). 15 av stemmeberettiga til stades. Medlemmer av Studentparlamentet til stede: Ingrid Moe Albrigtsen, Sverre Enitch, Arlene Henneli, Knut Almås Anfinset, Henrik Halleraker, Asbjørn Forland, Karoline Piro, Marianne Caspari, Felix Sieling, Mats Jahn, Torill Gilje Oppistov, Jon Martin Bjørkedal, Marcus Stenby Johansen, Elin Seljeset, Øystein Dimmen og Stine Lise Vedøy. Torill Gilje Oppistov var vara for Siri Engeskau og Asbjørn Forland var vara for Markus Thorstensen. Andre til stede: Andres Sæbø (studentrådsleiar ALI), Morten Tryti (SiSOF), Trine L. Rygg (HiSF styret) Magnus Brøste (HiSF styret), Oda Myklebust (ordstyrer), Christian Vik (referent/organisasjonskonsulent). Gjester: Fredrik Bødtker, HIB, Trond Ødegård HSH 3 personar som stiller til fagleg komite: Skage Schei, Daniel Siqveland, Christopher Berger. Fråfall: Markus Thorstensen, Jofrid Austheim, Trude Mari Christensen, Tord Arne Holmen, Kristoffer Presthaug. Magnus Norman Jacobsen (stiller til fagleg komite).
Kontrollkomité: Vetle Iversen, Thor Andre Iversen Totalt 16 stemmeberettiga medlemmer til stades til slutt. Torill Gilje Oppistov var vara for Siri Engeskau. Opning av Henrik, nestleiar i Førde som ynskte velkomen til alle. Leiar informerte så om kveldens møte, og om at ein under gjennomgongen måtte nytte linjeringa for å henvise til ynska endringar. Mange saker og dokument så ho bad om tydelegheit. Ho presenterte også gjestene frå HIB og HSH, og nevnte at dei deltok for at dei skal følgje kvarandre ifbm utgreiingsarbeidet den komande tida. Det vart føreslege at dei skulle få talerett og til det kom det ingen innvendingar. 37/15 Val av møteleiar og referent Til referent var det gjort forslag om Christian Vik. Til møteleder var det gjort forslag om Oda Myklebust. Handsaming: Studentparlamentet godkjenner forslag til referent. Studentparlamentet godkjenner forslag til møteleder. 38/15 Opprop og utdeling av stemmeskilt For at Studentparlamentet skal være stemmeberettiga må 2/3 av medlemmane være tilstade. Det vil seie 11 av 17 må vere tilstade for å vere vedtaksdyktige jf. 5.7 i vedtektene. Dei stemmeberettiga fekk utdelt raude stemmeskilt og tosidig skilt innlegg(gult), replikk (blått). 15 personar var til stades og StP var vedtaksdyktige. 39/15 Godkjenning av referat, innkalling og saksliste Godkjenning av referat fra møte 28.10.15. Godkjenning av innkalling til møte 18.10.15 Godkjenning av saksliste til møte 18.10.15. Studentparlamentet godkjenner referat, innkalling og saksliste.
40/15 Kvalitet i utdanning Vedlegg: 251115 Pol.dok kvalitet Styret har utarbeida eit dokument på vegne av tilbakemeldingane frå førre møte som gjer rede for kva Studentparlamentet meiner er kvalitet i utdanninga. Det tek utgongspunkt i synspunkt frå førre møte i Studentparlamentet 28.10. Studentparlamentet har og har hatt høve komme med eigne innspel, eigne avsnitt, forslag til endringar, tillegg og kutting. Det vart ikkje brukt tid på redaksjonelle endringar, som å kommentere skrivefeil m.m i møtet. Dette tek styret seg av i ettertid. Styret bad om innspel også til struktur. Spørsmål frå styrerepresentantne i høgskulestyret, Magnus Brøste og Trine Rygg til linjene 170-175: Dei undra seg over kva rollespel og reise har med eksamen å gjere. Leiar argumenterte med at rollespel og reiser kunne vere idear ift å vidareutvikle eksamen til dømes innan eigedomsmekling og reiseliv. Handsaming: Sakene vert lese opp ei og ei, så vert desse stemt over til slutt samla. Handsaminga leia til at ein voterte over kvart av innspela i dei høva det kom eit innspel, og om det skulle inn i teksten når ein hadde landa på eit forslag. Til slutt vart det votert over kor vidt Studentparlamentet godkjenner dokumentet som eit utsagt på kva StP meiner kvalitet er. Mentorordning: Spm om kva dette gjeld. Forklaring på at det er studentar som kan følgje ein klasse, og ein kan kontakte ift fag, og også andre ting. Spørsmål angåande krav til mentorane korvidt det er karakterkrav. Det har tradisjonelt vore A og B studentar blant studentassistentane. av leiar Ingrid Moe Albrigtsen 1. Innspel til open access: HiSF har ein eigen økonomisk post til dette, der kunnskap skal kunne leggjast ut, som vert gratis å lese. Det bør seiast noko om dette under forsking og utvikling i tillegg til å stå meir om inkubator/kunnskapsparken. Einstemmig vedteke at desse to tema kan takast med i teksten. Styret fekk mandat til å leggje inn tekst under kapittelet forsking og utvikling.
Linje 27 Ordlyd kan bli endra. Det vil også gjelde Førde. Einstemmig vedteke. Ny tekst: «Fleire studentar har også born og treng derfor ei sikring når det gjeld barnehageplass ved begge studiestadar.» Linje 65: av leiar Ingrid Moe Albrigtsen 1. Stryke følgjande tekst: «som mellom anna» eller 2. Erstatte linje 65 med følgjande tekst: «frå undersøkingar som mellom anna Studiebarometeret og Studentenes helse og trivselsundersøkelse (SHoT) skal.» Handsaming: StP stemmer over kven ein ynskjer av desse to. Einstemmig vedteke forslag to Ny tekst vert då: «Resultat frå undersøkjingar som mellom anna Studiebarometeret og Studentenes helse og trivselsundersøkelse (SHoT) skal leggje føringar for prioritering av naudsynte tiltak i kvalitetsarbeidet ved det enkelte studie. Høgskulen og StP skal samarbeide om å sjå til at Studiebarometeret årleg vert prioritert.» Linje 106: av leiar Ingrid Moe Albrigtsen Opprinneleg tekst «Fagtilsette som undervisar i profesjonsfaga skal vere i jamnleg kontakt med praksisfeltet dei underviser i.» 1. Endre til følgjande tekst, med tillegg:
«i profesjonsfaga skal ha vore aktiv yrkesutøvar i sin profesjon og skal vere i jamnleg kontakt» Ein avhaldande, resten stemde for. Ny tekst vart: «Fagtilsette som undervisar i profesjonsfaga skal ha vore aktiv yrkesutøvar i sin profesjon og skal vere i jamnleg kontakt med praksisfeltet dei underviser i.» Linje 116: Diskusjon rundt to formuleringar (Klarheit eller klare forventingar) og rundt bruken av begrepet skikka, og om dette burde takast vekk. Kun eit skriftleg forslag kom inn. Klarheit i kva studenten skal ha vore igjennom i praksis slik at alle får sin praksis godkjend. Klargjering ift å bli forløpande skikka og at setninga her handlar ikkje om skikkaheit eller ikkje, men om at det skal vere opplyst kva krav som er. fremja etter diskusjonen, og ført i pennen av Morten Tryti, SiSOF styret Opprinneleg tekst: «Derfor må det være klårheit i kva studentane skal ha vore igjennom etter endt praksisperiode slik at alle som er skikka får praksisperioden sin godkjend.» 1. Stryke «skikka», og endre til følgjande tekst: «Derfor må det vere klare retningslinjer i kva studentane skal ha vert igjennom etter endt praksisperiode for å få praksisperioden godkjent». Einsteming vedteke. Ny tekst vert som føreslege ovanfor. Linje 159: av leiar Ingrid Moe Albrigtsen Opprinneleg tekst: «Det må og vere tydelege og lett tilgjengelege opphaldsrom for å slappe av i pausane mellom førelesingar.» 1. Endre til følgjande tekst, med tillegg:
«..opphaldsrom for uformelle møter og å kunne slappe av». Einstemmig vedteke Ny tekst: «Det må og vere tydelege og lett tilgjengelege opphaldsrom for uformelle møter og å kunne slappe av i pausane mellom førelesingar.» Linje 182: av leiar Ingrid Moe Albrigtsen Opprinneleg tekst: «Forskinga vert såleis betrakta som eit naudsynt supplement som set rammene for undervisninga.» Endre frå følgjande tekst (1), til følgjande tekst (2) ved å stryke «som set rammene for: 1. «naudsynt supplement som set rammene for» til 2. «naudsynt supplement til undervisninga». Einstemmig vedteke å stryke. Ny tekst: «Forskinga vert såleis betrakta som eit naudsynt supplement til undervisninga.» LinjeX: av Karoline Piro, ALI Styret fekk mandat til å leggje inn der det verkar naturleg i etterkant av møtet. 1. Setje inn følgjande tekst: Det er viktig for studentene at Høgskulen legg til rette for at studentene også kan delta på sosiale tilstelninger som under Fadderuker eller Vekao tilstelninger slik at studentene slipper å velje»
Ny tekst: Einstemmig vedteke at det skal inn. «Det er viktig for studentane at Høgskulen legg til rette for aktivitet i studentmiljøet på sosiale tilstelningar, særleg under faddervekene og Vekao.» Det vart votert over dokumentet slik det ligg føre, med ovanfornevnte endringar som er stemde inn: Einstemmig vedteke. Konklusjon: Studentparlamentet vedtek politisk dokumentet med eventuelle endringane som vart voterte for i møtet. 41/15 Resolusjon om fusjon Vedlegg: 251115 Resolusjon om Fusjon Etter drøfting og vedtak i førre møte i Studentparlamentet har styret utarbeida ein resolusjon om fusjon, og prosessen med utgreiinga som Høgskulen no har gått inn i. Studentparlamentet stod fritt til å kome med innspel, tilbakemeldingar og endre dokumentet. Handsaming: Parlamentsmedlemmane kom med følgjande skriftlege innspel til resolusjonen. av leiar Ingrid Moe Albrigtsen 1. Stryke heile setning 3 i dokumentet «Me er den same som i fjor». Einstemmig vedteke. Overskrifta vert ståande åleine før brødteksten. fremja etter diskusjonen og ført i pennen av Morten Tryti, SiSOF etter drøfting.
«Det er stor usikkerheit når det gjeld målet med samanslåinga, fordi KD endå ikkje har definert kva slik kvalitet i utdanning faktisk er. StP meinar at HiSF kan stille krav til sin eigar, KD, om å definere kvalitet først før ein sett inn ulike tiltak for å nå eit mål vi meiner ikkje er tydeleggjort kva er.» 1. Endring frå setning 36 til følgjande: «Studentparlamentet meiner at Høgskulen skal stille krav til sin eigar, Kunnskapsdepartementet. Dette fordi ein ynskjer å setje igong tiltak for å nå eit mål vi enno ikkje veit kva er og Kunnskapsdepartementet jobbar framleis med å definere kva kvalitet i utdanninga er». Votering To mot, ein avhaldande, 12 for. Studentparlamentet vedtek resolusjon om fusjon med endringane som vart votert inn i møtet. Styret vart gjeve redaksjonelt ansvar for å reinskrive tekstane for skrivefeil og endringar som ikkje endrar det meiningsinnhaldet innspelet prøver å få fram. Einstemmig vedteke. 31/15 Val av fagleg komité Studentparlamentet vedtok i førre møte å utsette denne saka til neste møte for å få med seg fleire folk. Bakgrunnen for å opprette faglig komité kjem av styret sitt inntrykk av det er fleire studentar som ynskjer å bidra. Handsaming: Leiar presenterte kort kva fagleg komite er tenkt å vere, og at styret tek på seg ansvaret å klargjere oppgåvene til komiteen ved eit seinare høve. Under presentasjonane skulle dei som stilte presentere saker dei brann for. Ordstyrarane trekte om rekkefølgja på presentasjonar av kandidatane. 3 av dei var møtte opp og den som ikkje var tilstades, vart presentert av ein annan, Knut Anfinset. Skage Schei Daniel Siqveland Christopher Berger Magnus Norman Jacobsen Rekkefølgja på presentasjonane vart: Daniel Siqveland: studerar jus, ynskjer å stille i fagleg komité, ynskje om å gjere ein liten forskjel. Christopher Berger: studerar jus, er interessert i det ein gjer i parlamentet. Skage Schei: ynskjer å sitje i komiten, og gjere nybrotsarbeid, vi er pionerane på området
Magnus Norman Jacobsen: er interessert i fleire av punkta i sakspapira, men kunne også ta ting/saker på bestilling. Studentparlamentet vel studentrepresentantar inn i fagleg komité. Alle 4 vart stemde inn ved akklamasjon 42/15 Forskrift på Høyring Vedlegg: Framlegg til revidert forskrift Høyring revisjon av Forskrift om opptak, studium og eksamen ved HiSF Kommentarar til endeleg forskrift Kort introduksjon: av leiar Ingrid Moe Albrigtsen (for meir informasjon, sjå vedlegga i møteinnkallinga og ettersending) Høgskulen er underlagt Universitets- og Høgskulelova, men har også ei eiga forskrift som detaljert tek føre seg studentar sine rettar og plikter kva gjeld opptak, studium og eksamen ved Høgskulen i Sogn og Fjordane. Forskrifta er Høgskulen si lov, og betyr mykje for korleis Høgskulen driv si daglege drift. Forskrifta har vore revidert, og ligg no på høyring. Det betyr at vi har mulegheit til å kome med innspel og kommentarar innan 20.desember. Endringar i forskrifta kan få alvorlege følgjer for studentane. Det er derfor viktig at StP tek denne høyringa seriøst. Handsaming Forklarte korleis prosessen vert for å kunne påverke som innleiing til drøftingssaka. StP kom med spørsmål som styret tek med i prosessen vidare. Innspel og spørsmål kan også kome på Facebook i etterkant av møtet framover mot fristen og styret lagar til eit høyringssvar til høgskulen før 20.desember. Leiar forklara at understreka tekst er det som er føreslege lagt til, og det som er streka over er det ein skal slette, for dei som ikkje har vore med på denne typen høyringsinnspel tidlegare. Leiar forsikra seg også om StP medlemmane fann fram, og kunne rettleie forsamlinga til rett paragraf og ledd i dokumentet. Voteringar kan ein gjere, men det er også rom etter møtet å kome med innspel til dokumentet som StP vil sende som svar til Høgskulen. Snakka om 8.6.1 Om mulegheit til å forbetre karakterar. Leiar ynskjer å utfordre på om summen høgskulen sparar på å endre dette er høgare enn den summen dei får for å få igjennom studentar på normert tid. Dette vil bli teke med vidare i arbeidet med eit høyringssvar. Det kom ei opplysning om at ein skal kunne ta opp eksamen, men lyt vente eit år. 9.3.4 Informasjon om paragrafen og om at den er lovpålagd. Det vart også informert om at ei rekkje paragrafar er lovpålagde, og at dette står i vedlegget med kommentarar til endringane.
Grunna kort tid til handsaming ber styret om at alle les seg opp på forskrifta og endringsforslaga og kjem med spørsmål og innspel på Facebook i etterkant av møtet framover mot fristen. Styret tek dette vidare i arbeidet med høyringssvar innan 20.desember 43/15 Resolusjon om Søppelsortering I Høgskulebygget ved kantina i Sogndal er søppelbøttene ofte så fulle at studentar ikkje får høve å resirkulere. For meir info sjå resolusjon om søppelhandtering. Vedlegg: 251115 Resolusjon om Søppelhandtering Studentparlamentet vedtek resolusjonen med endringar som kom fram i møtet, styret vert gjeve mandat til redaksjonelle endringar. Einstemmig vedteke. 44/15 Resolusjon om Demokratitid Høgskulen har set ikkje av tid til møter, administrativt arbeid, og demokratitid for studentane etter klokka 12 på onsdagane. Vedlegg: 251115 Resolusjon om Demokratitid Studentparlamentet vedtek resolusjonen med endringar som kom fram i møtet Einstemmig vedteke. 45/15 Resolusjon om Tilsettingar Høgskulen bør vere bevisste at studentane skal ha medverknad i alle tilsettingar ved HiSF, og lytte til korleis slike skal gjennomførast for å sikre god undervisning. Vedlegg: 251115 Resolusjon om Tilsettingar Føreslege å stemme over korvidt setninga under skal med i resolusjonen: «Studentane skal ha mulegheit til å stille faglege spørsmål undervegs i prøveforelesninga, som i ein reel situasjon.»
Einstemmig vedteke for å ta tillegget med. Studentparlamentet vedtek resolusjonen med tillegg som kom fram i møtet. Handsaming: Einstemmig vedteke. 46/15 Rapport frå styret Visar til vedlegg. Kort gjennomgong der leiaren viste til vedlegg, for at vi skulle rekke gjennomgong av SiSOF og Høgskulestyremedlemmane før bussavgong. Struktursaka/fusjon: Vi klarte å mobilisere ei mengde studentar før jul. Det same må vi få til etter jul. For informasjonen vi no bestem oss for. Ny avstemming etter jul. Leiar føreslo same ordning som i haust fordi det funka. Styret om at dato for økonomikurs vert halde ope. Og det ser ut til at vi lyt flytte det. Styret kjem attende med ny dato til studentorganisasjonane og til linjeforeiningane. Vedlegg: Rapport frå Styret Det vert ikkje gjort vedtak i orienteringssaker. 47/15 Orienteringar Info av SiSOF v/morten Andre Tryti Spørsmål til SiSOF: Styreleiar la opp til ei orientering først, med spørsmålsrunde etterpå. Kontrakta med meieriet går ut i 2024. Slit med lite vedlikehald. Meieriet er 18 år i dag. Ein ynskjer å få det opp på campus mellom campus og den vidaregåande skulen. Meieriet vil då ha det det har i dag, pluss kafé på toppen og konsertanlegg. Førde: Det kom spørsmål på førre møteangåande helsetilbod i Førde og at dette ikkje er like godt som i Sogndal. Det er det, når ein tek i betraktning at det bur 600 studentar i Førde mot 2000 i Sogndal. Når ein samanliknar har Førde eit omfang på 3 timar, medan ein har 5 timar i Sogndal. Ingen kø i Førde, Margit tek imot alle. Førde har i tillegg avtale med privat psykolog. Sogndal har mista avtale med psykolog og dei jobbar med avtale om dette.
Statsbudsjett for 2016: KD har sett av 5 mill til studenthelse nasjonalt. Det gjenstår å sjå kor mykje og kva dette får å seie for studentane ved HiSF. Ligg inne forslag om 11 månadars studiestøtte frå 2017 med opptrapping mot 2020. Utover dette er det føreslege 20% rabatt på billettar på NSB. Ift spørsmålet StP kom med sist om ølprisar og kven som set prisen på denne: SiSOF avgjer dette. Ein gjekk i fjor 800.000 i underskot, og leiga for Meieriet har stege. 0,4 kostar 52 kroner i dag, ein vil ikkje tilbake dit at ein går i underskot. Rapport frå Høgskulestyremøtet v/ Magnus Brøste og Trine Ludvigsen Rygg: Kun tid tid kort orientering: Sidan sist har vi hatt eit møte, og skal ha møte imorgon. Budsjett: Mykje til lønn, 260, av ca 345. Dersom det vert vedteke i morgon, får ein nytt årstudie personleg trenar (PT). Ta kontakt dersom det er noko. Det vert ikkje gjort vedtak i orienteringssaker. 48/15 Ymse