Impulskonferansen 2014 - pedagogisk bruk av IKT Impulskonferansen 2014 blir i år arrangert i Ålesund. Dette er ein konferanse som omhandlar pedagogisk bruk av IKT og er for og av lærarar i Møre og Romsdal og Sogn og Fjordane. IKT-forumTysdag 21.oktober: kl.09.00-10.00 Registrering kl. 10.00-10.20 Kulturelt innslag og opning kl.10.20-11.20 Fellesforedrag ved Tone Anett Dahlsrud, Senter for IKT i utdanninga kl.11.20-11.35 Pause kl.11.35-12.35 Parallellar 1 kl.12.35-13.35 Lunsj kl. 13.35-14.35 Parallellar 2 kl. 14.35-15.10 Pause kl.15.10-16.10 Fellesforedrag: Jean-Baptiste Huynh - utviklar av Dragonbox kl. 16.10-17.10 Utstillarseminar/Workshop kl.19.30 Middag
Parallellar dag 1 kl. 11.35-12.35: 1.Kikora 2.NDLA 3.Nytt frå Fronter 4.Kahoot ved Hilde Mjelva 5.Norsk på nett v/tor-egil Furevikstrand Kursa Kikora vil halde på Impulskonferansen vil være introduksjonskurs i bruk av Kikora og i sertifisering i GeoGebra (ved bruk av det interaktive GeoGebra-kurset som er inkludert i Kikora-pakken). Samtidig vil det bli gitt eksempel på korleis lærarane enkelt kan integrere bruk av Kikora metodisk i undervisnina si. Kikora vil halde 2 kurs på Impulskonferansen, eitt introduksjonskurs med grunnleggjande informasjon om korleis ein tek systemet i bruk, sett frå eleven og læraren si side, samt eit vidaregåande kurs, der det blir lagt større vekt på korleis Kikora kan integrerast metodisk i undervisninga, samt ein introduksjon til sertifiseringskurset i GeoGebra. Parallellane er uavhengig av kvarandre så du har også utbytte av det om du berre går på ein av dei. Nytt i NDLA Nytt frå Fronter. Gjennomgang av kva som er nytt og kva som kjem i Fronter. Eit sosialt læringsspel i klasserommet som aktiviserer og motiverer elevar, mellom anna til repetisjon, testar, eigenvurdering og evaluering. I denne økta får du ei innføring i verktøyet og vist eksempel på korleis det er brukt i fag, mellom anna i vurderingsarbeidet Dale vidaregåande skule tilbyr påbyggingselevar «heimekontor» ein dag i veka. Her syner eg korleis OneNote, Lync og Office Mix kan fungere som ein læringsarena for nettundervising i norsk.
Parallellar dag 1 kl. 13.35-14.35: 1. Kikora Del 2 av kurset. Sjå omtale i del 1. Merk at du vil ha utbytte av kurset sjølv om du ikkje deltok på del 1. 2. NDLA Historieprosjektet. Nye måtar å levere fag på i NDLA. 3. Den digitale skulesekken 4. Framtidas klasserom v/charlottenlund vgs 5. Bruk av sosiale media v/merete Brasberg Aa Digital innovatør, Terje Torsheim, presenterer ulike verktøy som kan nyttast til digital kommunikasjon og samhandling med elevane. Ordsky, polls, quiz, samskriving, gruppesamtalar og undersøkingar. Verktøy som td ClassFlow, Socrative, Skype og Office 365 vert demonstrert. Fint om deltakarane tek med seg eigen pc/nettbrett/mobil. Framtidas klasserom er eit prosjekt i regi av Sør- Trøndelag fylkeskommune. Prosjektet tek sikte på å prøve ut og legge til rette for bruk av framtidsretta teknologi i undervisninga På denne parallellen får du sjå eksempel på undervisningsopplegg som inneber bruk av fellesblogg i to fag. Du vil få vite litt om fordelar det gir og kva utfordringar ein må rekne med å få. I tillegg får du tips til korleis du gjer det teknisk. Du vil også få meir kunnskap om korleis du kan bruke Facebookgrupper til meir enn informasjon. Ha med eigen PC.
Onsdag 22.oktober: kl. 09.00-10.00 Fellesforedrag Anne Cathrine Gotaas om omvendt undervisning kl. 10.00-10.15 Pause kl. 10.15-11.15 Parallellar kl. 11.15-11.30 Pause kl. 11.30-12.30 Fellesforedrag Ingunn Kjøll Wiig kl. 12.30-13.30 Lunsj og avreise
Parallellar dag 2 kl. 10.15-11.15: 1. Microsoft Microsoft presenterer nye verktøy for flipped classroom + brukartips for god bruk 2. Digital smartness på timeplanen - med elevar som lærarar! 3. Omvendt undervisning v/anne Cathrine Gotaas Kva finst om meg på nettet? Kva konsekvensar kan mine bevegelsar på nettet eigentleg få? Kan nokon sjå kva eg lastar ned? Og kva skjer eigentleg når eg trykker slett? Forsvinn det pinlege biletet av meg frå nettet? Eller..? Dette, og mykje meir, har VG2-elevene på Programfag for Medier og kommunikasjon på Molde videregående skole fått undervise andre ungdommar i. Alle VG1-elevar ved skulen pluss alle 10. klassingar i Molde kommune har fått eit to timars opplegg i nettvett, også kalla digital dømmekraft. Undervisningsopplegget vart planlagt og gjennomført av VG2-elevane ut frå kva dei meiner er relevant for ungdom i deira digitale kvardag. Sentrale tema i timane har vore digital mobbing, digitale spor, personopplysningar, opphavsrett og diskusjon av etiske val mange unge vil kjenne seg igjen i. Erfaringene med å la ungdom lære opp ungdom i korleis ein opptrer smart på nett og mobil, har vore svært gode. Faglærar i prosjektet, Anne Midtsæter, og to av elevane som har vore nettvett-lærarar, vil fortelle om korleis digital smartness vart satt på timeplanen - og korleis 40 elevar vart lærarar for ein dag. I løpet av sesjonen vil du få idear til kvifor og korleis du kan bruke omvendt undervisning i faget ditt. Eg vil vise produksjon og bruk av video som blir lagt på nett. Til videoen knyttar eg alltid videoen til enkle innlæringsoppgåver og tilbakemelding frå elevane via ei digital undersøking. Omvendt undervisning frigjer tid i undervisninga til å kunne følgje opp enkelt elevar og målet om å tilpassa undervisning blir i større grad oppfyllt enn eg har moglegheit til ved tradisjonell tavleundervisning. 4. Gaming i alle fag Øystein Imsen frå lærarkollektivet PedSmia viser fleire eksempel på korleis dataspel kan brukast i undervisninga.
Deltakarane får eksempel frå ulike skuleprosjekt med mellom anna Minecraft, KODU, FIFA og Civilization. Kva er eigentleg dataspel? Kva læringsteoriar og metodar kan vi ta i bruk? Er det farleg? Dette blir ein laus og ledig sesjon med rom for diskusjon. 5. Kikora Dette blir ein del 3 av kurset frå dag 1 på konferansen. Her viser Cathrine Gløersen Hole ( lærar ved Sykkylven v)gs praktiske eksempel frå undervisninga si med bruk av Kikora.. I sesjonen blir det lagt opp til erfaringsdeling rundt praktisk bruk av dette læremiddelet. Meir om KIKORA-tilbodet: Kikora er det mest brukte digitale læremiddelet for oppgaveløysing i matematikk i Noreg. Elevar over heile landet løyste i førre skuleår 11 millionar oppgåver i Kikora. Det unike med programmet er at elevane får tilbakemelding for kvar enkel utrekningslinje, om dei har tenkt matematisk rett eller gale. Dette gjer at Kikora, jf eit forskninsprosjekt på Universitetet i Oslo, fører til ei brattare læringskurve hos elevane. I tillegg får lærarane eit godt verktøy for å kunne gi tilpassa opplæring. Møre og Romsdal Fylkeskommune og Sogn og Fjordane fylkeskommune har inngått ein avtale med Kikora for skuleåret 2014/15 som gir alle elevar på vidaregåande skuler i fylket ubegrensa tilgang til Kikora med totalt ca. 11.000 oppgåver, mellom anna ein digital versjon av Cappelen si Sinus-oppgåvesamling. Oppgåvene adresserer først og fremst behovet hos elevar på VG1 og VG2 med P-matte. I tillegg er alle oppgåver for ungdomstrinnet tilgjengeleg, slik at det er mogleg å "hente opp" svake elevgrupper ved å gi lekser i enklare matematikk. Gjennom oppgåvesamlinga "én opp" gir Kikora karaktergaranti. Alle elevar som løyser oppgåvene i denne samlinga (totalt 1.000 oppgåver), og ligg lågare enn 4 i karakter, skal opp ein heil karakter i løpet av skuleåret. Elles gir Kikora pengane for lisensen tilbake.