Informasjon frå Bore skule skuleåret Nr 5 - April

Transkript

1 Bore Nytt Informasjon frå Bore skule skuleåret Nr 5 - April Me har for lengst kome til våren Med ein mild «vinter» som me har hatt, så har krokus og andre blomar lenge pryda hagane våre. Som vanleg på denne tida har me sterkt fokus på neste skuleår. Det skal tilsetjast nye medarbeidarar, det skal leggjast planar, det skal lagast timeplan. og samstundes må me sjølvsagt ha fokus på skuledagen her og no. Me er framleis midt inne i eit skuleår med mange planar og ting som skal gjennomførast. Me har mykje informasjon som me ønskjer gje før påske. Dette gjer me med eit nytt nummer av Bore Nytt denne gongen berre på heimesida ikkje på papir.

2 Kommentaren: Digitalisering Bore Nytt s.2 Me lever i ei tid som er midt inne i ei stor omlegging for den enkelte innbyggjar. I svært mange samanhenger er det data og det digitale som tek over for gamle ordninger og måter å gjera ting på og kommunisera på. Dette viser att i mange ting posten har ikkje mange brev å bringa, telefonar er allemannseie heilt frå borna er små, snart går ingen i banken lenger, og informasjon «flyg gjennom lufta» både på facebook og andre nettløysinger. Dette er svært bra i mange samanhenger (sjølv om me alle ser negative utslag av nettbruk) og det gir store moglegheiter til nye måtar å kommunisera på, samarbeida på og undervisa på. Eit utslag av dette er at me no får læringsbrett til alle elevane i løpet av neste skuleår. Dette vil føra til nye måtar å arbeida på for elevane og nye måtar å undervisa på for lærarane. Eit anna utslag av «digitalisering» er at me frå og med dette nummer av Bore Nytt ikkje vil trykka det på papir. Me trur at alle har høve til å lesa dette heime på PC eller anna utstyr. Likevel vil me framleis laga eit hefte slik som før slik at me samlar ein del informasjon nokre gonger i året. Me håper at heimane framleis vil finna nyttig informasjon her og lesa dette «på nettet». Innbrot på skulen Ja, om lag som på bildet såg det ut på fleire kontor då tjuvar hadde vore inne og herja på skulane. Hos oss dro dei med seg safen og opna denne. Derfor fekk dei med seg ein del penger. Det verste er eigentleg det dei øydelegg.

3 FAU Bore Nytt s.3 FAU, elevrådet og skulen har i mange år engasjert seg for å få ein betre veg ned til skulen frå Sporafjellet. «Skulebakken» som den er blitt heitande, blei bygd då skulen var ny, men er no i dårleg stand. Det har og vore utfordrande å bruke den om vinteren. Det er den mest naturlege vegen ned til skulen for svært mange av elevane og det er derfor viktig at bakken er i slik stand at det er trygt å bruke den året rundt. FAU har på nytt teke opp saka og fekk Jærbladet til å fokusera på dette. Korleis denne saka blir løyst er framleis litt usikkert. Men FAU sette fokus på Skulebakken også når dei hadde loppemarknad 1. april. Og det var ingen aprilspøk. FAU la ned eit stort arbeid og fekk inn mykje varer. Mange var også innom og fekk med seg ting dei kunne sjå nytte i. Årsmøtet FAU kalla inn til årsmøtet 28. april. Utanom sjølve årsmøtesakene var det «nye Bore skule» som var tema for møtet. Prosjektleiar for nybygget Arne Ove Teigen orienterte om planane for nytt bygg på skulen. Løysinga som no er bestemt vil gje skulen eit fint bygg med gode lokaler som vil gje heilt nye tilhøve for elevar og tilsette. Både elevane og bygda vil og få eit godt bygg i den nye hallen som skal byggast på Bore ungdomsskule. Sjå meir informasjon på heimesida/om oss/nybygg.

4 Partnerskap I det siste nummeret av Bore Nytt nemnde me ein del av det som har vore gjort i Bore-krinsen i forhold til satsinga «Partnerskap mot mobbing». Det siste som er gjort er møtet me haldt der alle som arbeider med barn og unge i bygda var kalla inn. Dessverre var det liten oppslutning, men dei som var til stades hadde ein god samtale om temaet. Konklusjonen var blant anna slik: Det kan vera nyttig i barnehage, skule og ulike lag å drøfta mobbebegrepet blant dei «tilsette» men også blant foreldra. Framfor alt er det viktig med «framsnakking» og «gleding». Positiv involvering i forhold til barn er noko me kan gjera kvar dag før negative hendinger skjer. FAU har invitert Stine Sofie-stiftelsen til skulen til hausten. Då vil dei ha samling for elevane i skuletida, dei tilsette på skulen etterpå og til slutt foreldremøte om kvelden (5. sept). Dette kjem det meir informasjon om seinare. 5-åringane har enno litt tid att før dei skal starta på skulen. Men våren er tida for besøk på skulen både med barnehagen og til slutt på besøksdagen i juni. Det er registrert 73 nye 1.klassingar til hausten. Me har også fått inn søknadane til bokmål. Det er kome ca. 40 søknadar. Altså blir det som vanleg fire klassar 2 nynorsk og 2 bokmål. Me ser fram til å bli kjende med dei nye elevane.

5 LÆRINGSBRETT Som me har informert om før, så er det vedteke at halvparten av elevane skal få læringsbrett i år og resten får i MEN så var det rett og slett ikkje mogleg å få tak i nok brett. Heile prosjektet har derfor blitt forsinka. Dei tilsette har fått sine læringsbrett og er kome i gang med bruk og opplæring. 1. klasse har og vore gjennom dei første opplæringsdagane. Det er imponerande å sjå kor fort dei lærer nye ting. Så er det viktig som me heile tida har understreka at dette er læringsbrett og ikkje til anna bruk. Det er og svært viktig at dei passer godt på dei heime og til og frå skulen. Bruk eska til å frakta dei i og ha ikkje drikkeflaske med vatn eller anna i ranselen (dei kan ha tom flaske som dei fyller på skulen). 6. klassingane står no på vent til å få læringsbrett når det kjem fleire frå leverandøren. DKS Det siste innslaget dette skuleåret i den kulturelle skulesekken er ein symfonikonsert i Stavanger. Det er andre året at elevane i 5. og 6. klasse får dette tilbodet. Dei får læra litt om orkester og instrument og får samstundes ei «live» musikkoppleving med orkesteret. Dato for dette er onsdag 24. mai.

6 Personalnytt Det vil til vanleg vera ein del endring i personalet frå år til år. Her er litt informasjon: Vibeke Sola skal overta stillinga som rektor på Tu skule frå mai i år.ho har vore lærar ved skulen vår frå 2000 og blei ass. rektor i Me takkar for den gode jobben ho har utført og ønskjer henne lukke til vidare. Me takkar også vikarane som slutter i juni. Kari Brekke Susanne Åsen-Grøssereid Anne M. Tørressen Det er tilsett desse nye lærarane: Sebastian Nordvall (har vore vikar dette året) Elise Vinsevik Bente Johnsen Nicholas Ein lærar kjem att etter permisjon Kirsten Marie Oma Me held framleis på med tilsettinger av dei siste stillingane.

7 ELEVSAMLING Det har i fleire år vore eit fast innslag at elevrådet har ei samling for alle elevane om våren. Dette er ein del av arbeidet vårt for eit positivt læringsmiljø. Dei gjer ein god innsats i kvardagen med ulike tiltak, men også denne samlinga er eit flott innslag. Dei hadde øvd inn dramatisering og songar og hadde også dans og diktlesing. Temaet var om å sjå den enkelte og ta vare på kvarandre. Denne gongen deltok også SFO-koret. Trinn-samlinger for foreldre Alle trinna skal ha eit kveldsarrangement der dei viser noko av det dei arbeider med på skulen. Sist nemnde me 4. trinn sitt oppsett Mexico Lexico. 5. trinn hadde dette året musikal fordi dei hadde musikkundervisninga konsentrert som eit prosjekt etter jul. Den siste samlinga som har vore no er 2. trinn sin Jærfest. Det var ulike songar og rim som var på programmet. Det var eit fint program dei hadde sett opp. Me likte spesielt godt at elevar fekk delta med song på sitt morsmål. Det var mange ulike språk å høyra når dei song Fader Jakob. Me takkar både elevane og dei vaksne for ei fin forestilling.

8 Viktige notat Fridagar: Påskeferien er frå 10. april til og med tysdag 18. april. Bore Nytt s.8 Så blir det ein del fridagar i mai: 1. mai 17. mai 25. og 26. mai Elevane har kort dag 24. mai (til 11.45). Dei avspaserer då for Open skule 15/6 der elevane må møta kl Matematikkdag Onsdag 26. april er det tid for matematikkdag igjen. Denne har me markert i fleire år saman med elevane. Det blir planlagt mange ulike oppgåver og aktivitetar. Poenget denne dagen er å visa korleis matematikk blir brukt i alle slags praktiske samanhenger. Derfor blir det lagt opp til at «matteoppgåvene» skal vera praktiske og mykje vil føregå ute. School-link Skulane i Klepp har no fått eit nytt program som skal vera til hjelp for kommunikasjon mellom heim og skule. Her kan føresette senda meldingar til lærar og melding om fråvær for elevane. Sjå meir informasjon på skulen si heimeside. Me ønskjer alle elevar og foreldre God påske!