MED ecampus PÅ NETT I LÆRARUTDANNINGANE

Transkript

1 Postboks 74 Sandviken 5812 Bergen Telefon: Telefaks: E-post: Org. nr TEKNISK NOTAT KNYTT TIL LÆRARUNDERSØKING VÅREN 2016 Til: Høgskulen Sogn og Fjordane v/ dosent Jan Olav Fretland Kopi: NLA Høgskolen Frå: NLA Høgskolen Dato: 3. april 2016 Prosjekt: MED ecampus PÅ NETT I LÆRARUTDANNINGANE Utarbeidd av: Robert M. Flatås (NLA) Prosjektleiar: Bente Sollid (HISF) MED ecampus PÅ NETT I LÆRARUTDANNINGANE Innhald Innleiing... 2 Metodologiske utfordringar... 2 Samandrag av lærarundersøkinga... 3 Oppsummering og kommentar... 4 Vedlegg: Spørjeundersøkinga (sjå eige dokument)... 5 Besøksadresser: Sandviken: Amalie Skrams vei 3, Bergen Breistein: Olav Bjordals veg 41, Breistein Bankkonto: (drift) (gave)

2 Innleiing Prosjektet MED ecampus PÅ NETT I LÆRARUTDANNINGANE har som hovudmål å utvikle eit IKT-støtta opplærings- og undervisningstilbod for ei samla, deltids BLUutdanning." Som ein del av prosessevalueringa av prosjektet om MED ecampus PÅ NETT I LÆRARUTDANNINGANE har NLA Høgskolen teke på seg oppdraget med prosessevaluering av dette prosjektet. Institusjonane har dei siste to åra samarbeidd om GLU 1-7 der Adobe Connect har vore prøvd ut som verktøy for nettundervisning. I dette notatet presenterast resultat frå ei elektronisk spørjeundersøking blant 20 BLU-tilsette ved Høgskulen i Sogn og Fjordane (HISF) som underviser i nettverktøyet Adobe Connect ved barnehagelærarutdanningane 3BLU Deltid Kvam, 3BLU Deltid Sogndal, 1BLU Deltid Førde og 1BLU Deltid Sogndal. Desse fire utdanningane erihovudsak nettbaserte med fysiske nokre fysiske samlingar kvart studieår. I undersøkinga får lærarane spørsmål knytt til deira opplevingar og erfaringar i bruken av Adobe Connect, og spørsmåla i spørjeundersøkinga har fått tilbakemeldingar og blitt korrigert av fleire tilsette ved Høgskulen i Sogn og Fjordane før den vart sendt ut. Vidare har dei spurte lærarane fått spørsmål knytt til tilrettelegging, evaluering og eiga læringsutbytte knytt til nettstudia. Spørjeundersøkinga vart utført i mars 2016 med lenkje sendt på e-post. Metodologiske utfordringar Den metodiske tilnærminga i denne studien er i hovudsak kvantitativt orientert, men inneheld også nokre få opne spørsmål. Eit føremon ved bruk av kvantitativ metode er moglegheitene for å gjere generaliserbare funn. Utvalet av lærarar i denne undersøkinga er derimot relativt lite, noko som avgrensar moglegheitene for analyser av denne gruppa. 7 av 20 lærarar har svart på denne undersøkinga, noko som gjev ein svarprosent på 35 %. Det er jamn kjønnsfordeling blant respondentane; 57 % menn og 43 % kvinner. Aldersmessig er det god spreiing blant lærarane frå 20 åra til over 60 år der dei fleste respodentane er i alderen 30-39

3 år og år (utgjev 28,6 % kvar). Vidare fordelar respondentane seg jamt på dei ulike utdanningane, slik at det i undersøkinga er lærarar frå alle dei fire utdanningane, og ein høg andel av dei spurde lærarane har gjennomført undervisning i Adobe Connect over 6 gongar. Samandrag av lærarundersøkinga Lærarane er relativt fornøgde med nettundervisninga som dei utfører. Ein høg andel av lærarane er fornøgde med nettundervisninga som dei har gjennomført med studentar i Adobe Connect (heretter forkorta til AC). Her viser og tal frå undersøkinga at 71, 4 % av respondentane ynskjer at opplæringa skal gjennomførast i AC. På ei anna side ser alle respondentane på samlingar på studiestaden som nødvendige for å gjennomføre utdanninga. Ein av lærarane peiker på at ein blanding av nettundervisning og undervisning på studiestaden er viktig i BLU-undervisning. Her vert det vidare kommentert at nettundervisning ikkje kan erstatte dei praktiske faga då kommunikasjonen blir uansett forskjellig på nett og i klasserom. Den same respondenten tykkjer at det bør forskast på skilnadane på desse to kommunikasjonsformene. Ein annan respondent peikar på at BLUutdanninga består av fleire praktiske fag der det er vanskeleg å følgje opp studentane på nettet ved å vite at dei faktisk er der, kunne sjå at dei faktisk forstår det du har sagt/skrive og utfordringar knytt til behovet for å bli kjend med sine medstudentar og skape eit sosialt miljø. Ein høg andel av lærarane har brukt nettundervisning til studentpresentasjonar, og undersøkinga viser at nettundervisninga består ofte av ein presentasjon av lærestoffet gjennom ein PowerPoint eller ein PDF-presentasjon. Dei fleste respondentane oppgjer at studentane ikkje har på web-kamera når dei underviser. Alle respondentane har oppgjeve at dei nyttar chatten til å kommunisere med studentane. Det er noko variasjon i kva for grad det har blitt gjeve opplæring i bruken av AC, men ein høg andel viser likevel til at det dei har lært om korleis ein skal undervise på nett har dei lært av seg sjølve. Vidare oppgjev ein høg andel at dei har hatt behov for opplæring og ynskjer

4 opplæring, og at det dei har lært om korleis dei skal undervise på nett, har dei i hovudsak lært av sine kollegaer. Her kjem det og fram i undersøkinga at det varierer om lærarane har brukt instruksjonsfilmar om AC til eiga opplæring. Lærarane i undersøkinga kjenner seg trygge på elementære tekniske ting (f. eks å laste opp dokument) for slik å kunne gjennomføre nettundervisning i AC, men nokre respondentar føler seg utrygge på sjølve opptaksfunksjonen i nettverktøyet (å ta opptak av nettundervisninga). Det er ikkje alle lærarane som tykkjer det er viktig at opptak av undervisning i AC skal være tilgjengeleg for studentane. Når vi undersøker om korleis lærarane opplever at studentane har tekniske problem under undersøkinga, så kjem det fram at studentane særleg har problem med lyd, nettverkstilkopling og sitt eige web-kamera. Vidare har 85 % av lærarane opplevd at studentane har hatt tekniske problem som dei ikkje kunne hjelpe til med medan dei har hatt nettundervisning. Oppsummering og kommentar Resultata tyder på at våre respondentar er relativt fornøgde med nettundervisninga som dei utfører i Adobe Connect, og ein stor andel av desse lærarane ynskjer at opplæringa på deltidsstudia skal gjennomførast i AC. Opplæringa i AC kunne vore noko betre frå arbeidsgjevar si side, for slik at lærarane lettare kan ta i bruk og bli tryggare innanfor fleire funksjonar i verktøyet. Dette har vore en ny måte å undervise på ved å ha nettbaserte samlingar som er utan fysiske møter med studentar. Dette kjem og fram i undersøkinga der nettundervisninga ofte består av presentasjon av lærstoffet gjennom ein PowerPoint eller ein PDF-presentasjon, og det tyder på at lyd, chat og PowerPoint-framsyningar er grunnlaget for mykje av nettundervisninga på dei fire deltidsutdanningane. Det er likevel verdt å merke seg at ein høg andel av lærarane har brukt nettundervisning til studentpresentasjonar. Ein kan difor ikkje då hevde at AC-bruken på

5 BLU-utdanninga deltid berre er ein monolog kjelde til informasjon frå forelesar. Kommunikasjon og ulike måtar å kommunisere på ser ut til å bli viktige stikkord her, og ein av lærarane er tydeleg på at nettundervisning ikkje kan erstatte dei praktiske faga då kommunikasjonen blir uansett forskjellig på nett og i klasserom. Dette kjem og fram i undersøkinga då samtlege respondentar ser på samlingar på studiestaden som nødvendige for å gjennomføre utdanninga. Det er vidare verdt å merke seg at ein høg andel av respondentane oppgjer at studentane ikkje har på web-kamera når dei underviser, samstundes som det vert peika indirekte på problem knytt til eit redusert forhald i relasjonen student-førelesar sidan dei ikkje har ansikt til ansikt kontakt i kommunikasjonen. Til slutt må det presiserast at ein svarprosent på 35 % er noko skuffande, og at ein låg svarprosent kan produsere meir usikkerheit i resultata enn eit lite utval som vi har med å gjere innanfor prosjektet «MED ecampus PÅ NETT I LÆRARUTDANNINGANE». Vedlegg: Spørjeundersøkinga (sjå eige dokument)