VESTNES KOMMUNE Saksframlegg Arkiv: 210 Arkivsaksnr.: 2015/215 Saksbehandlar: Magne Værholm/del 2: Tone Roaldsnes Dato: 03.11.2015 Driftsrapport pr. oktober 2015 Utval Møtedato Utvalssak Kommunestyret Administrasjonssjefen si innstilling 1. Vestnes kommunestyre tek driftsrapport pr. oktober 2015 til orientering. 2. Vestnes kommunestyre vedtek at midlane som er plassert i kraftfondet, ca. 145,0 mill. kr vert innløyst og brukt til å nedbetale kassekredittlån og andre lån kommunen har. 3. Vestnes kommunestyre godkjenner oppfølging av politiske vedtak som skissert i saksutgreiinga del 2. SAKSUTGREIING:
1. Innleiing Budsjettvedtak Driftsbudsjett for 2015 vart godkjent av kommunestyret i sak KST 97/2014, investeringsbudsjett i sak KST 96/2014 og økonomiplan i sak 64/2014. Viser elles til driftsrapport pr. 1. kvartal som vart behandla av kommunestyret i møte 29.04.15, sak KST 32/15, og driftsrapport pr. 1. halvår, sak KST 71/15. 2. Oppsummering pr. oktober 2015 Drifta i 2015 er økonomisk vanskeleg og krevjande. I budsjettet måtte det innarbeidast mange og vanskelege sparetiltak for å få balanse. Dette er delvis grunna i at vi vart trekt i rammeoverføringane for innsparinga vi fekk når kommunen gjekk ned i arbeidsgjevaravgiftssone. Dette hadde vi ikkje fått noko signal om før statsbudsjettet vart lagt fram, og vi hadde heller ikkje rekna med slik reduksjon når økonomiplanen vart vedtatt. Skatteinngangen på landsbasis var svak første del av året, men har teke seg opp frå juni. Vi vurderer no at skatteinngangen vert som budsjettert, kanskje noko høgare. Inntektene samla ser ut til å bli noko lågare enn budsjettert. Det skuldast m.a. at avkastning av kraftfond vert betydeleg lågare enn budsjettert. Det var føresett ei inntekt på 8,0 mill. kr, kanskje vert det ikkje avkastning i det heile. Renteutgiftene vert 2,5 mill. kr høgre enn budsjettert, mykje grunna kassakreditten. Slik vi vurderer det pr. i dag kan det bli eit meirforbruk på sjølve drifta (eks. renter) på 5,0 7,0 mill. Fleire sektorar har fått nye og ekstra kostnader, og vi klarer ikkje å få full effekt av alle sparetiltak. Ut frå vår vurdering pr. oktober ligg det an til eit underskott på mellom 7,0 og 10,0 mill. kr i år. Det er enno ein del forhold som er usikre, m.a. kor stor effekt sparetiltaka som vart iverksett no i haust vert, og kor mykje vi må utgiftsføre i pensjon. Dette kan være med å påverke resultatet. 3. Tiltak Då vi fekk vite at kommunen vart trekt i rammeoverføringa for det vi sparer ved lågare arbeidsgjevaravgift måtte vi innarbeide fleire og nye sparetiltak i budsjettet for 2015. Tiltak som ikkje var med i økonomiplanen. Dette var både å auke inntektene og redusere i drifta.
Av tiltak som vart vedtatt nemner ein m.a.: Sparetiltak Tiltak 2015 Merknad 1 Vestnes sjukeheim, redusert løyving 2 000 000 Klarer truleg ikkje alt 2 Tresfjord trygdeheim, stenge dagsenter 100 000 ok 3 Heimetenestene, redusere heimevaktmester 175 000 gjennomført 4 Heimetenestene, red. fysioterapi 125 000 ok 5 Hellandtunet, red.1,1 årsverk Mariebo/Oppig. 330 000 ok 6 Hellandtunet, red. 0,3 årsverk Ivartun 90 000 ok 7 But, reduksjon overtid, juridisk bistand, vakansar 850 000 Klarer ikkje tiltaket 8 Bu- og hab- reduksjon i tilsette/vikarinntak 1 000 000 Klarer truleg ikkje alt 11 Barnehage, nedlegging av 1 avdeling 625 000 klarer mykje, men nye ut. er komme 12 Sentraladm., vakanse 250 000 klarer tiltaket 13 Sentraladm. folkehelsekoordinator stilling 100 000 gjennomført 14 Vestnes næringsforum, redusert tilskott 100 000 ok 15 20 % reduksjon i løyving til inventar og utstyr 600 000 budsjetta redusert Berekna innsparing 6 345 000 I tillegg var det allereie føreslått at Bu- og habiliteringstenestene skulle legge ned bueining Brugata innan 01.07.15., spareeffekt ca. 3,0 mill. kr i 2015 Andre sparetiltak I tillegg til dei tiltaka som er nemnt ovanfor vurderer administrasjonssjefen heile tida om det er andre tiltak som kan gjennomførast for å redusere kostnadene. Det vert m.a. holdt vakant stillingar der det er mogeleg. Administrasjonssjefen sende tidleg på året skriv til driftsleiarane med signal om at dette året blir svært krevjande og m.a. ba om følgjande: Overtid skal reduserast så langt det let seg gjere. Vikarinntaket skal haldast på eit forsvarleg minstenivå. Innkjøp av inventar og utstyr over kr 5000,- skal godkjennast av kommunalsjef for økonomi. Alle vakante stillingar skal vurderast av administrasjonssjefen (v/leiargruppa) når dei blir meldte til utlysing til personalkontoret. Her vil det bli vurdert om vi har behov for omflyttingar grunna nedbemanning. Administrasjonssjefen vurderer saman med driftsleiar om stillinga kan stå vakant. Brev til alle tilsette i Vestnes kommune økonomiske sparetiltak I byrjinga av oktober vart vi kjent med at avkastninga av kraftfondet vert langt mindre enn budsjettert og at vi får ekstra pensjonsutgifter. Administrasjonssjefen sende 12.10.15 difor eit brev til alle tilsette i Vestnes kommune der ho ba om at det vart iverksatt økonomiske strakstiltak. Dette for å begrense meirforbruk i år, men også for å forberede budsjettarbeidet for 2016. Av tiltak som skulle iverksettast nemner ein tilsettingsstopp, stopp i overtid, ikkje inntak av vikar første og andre fråværsdag, innkjøpsstopp på forbruksmateriell og inventar utan at det er nødvendig for drifta.
4. Driftsbudsjett 2015 Eksterne inntekter Rekneskap Budsjett Prognose Alle tal i 1000 kr 2014 2015 2015 Avvik Driftsinntekter eksterne Skatt og inntektsutjamning 157 873 166 000 167 000 1 000 Rammeoverføring 156 810 143 900 142 300-1 600 Ekstra skjønnstilskott 3 305 0 2 400 2 400 Vertskommunetilskott 100 787 101 800 102 000 200 Ressurskr. brukarar 24 633 24 000 24 000 0 Integreringstilskott 7 114 7 000 9 000 2 000 Eigedomsskatt 8 989 9 000 9 100 100 Oppdrettskons. kommuneandel 3 568 Komp eldreutb/skule m.m. 3 034 3 200 3 200 0 Bruk av overskott 2014 3 600 4 700 1 100 Driftsinntekter 466 113 458 500 463 700 5 200 Finansinntekter Avkastning "kraftfondet" 5 829 8 000 0-8 000 Utbytte VEAS 7 300 4 000 4 800 800 Finansinntekter 13 129 12 000 4 800-7 200 Sum eksterne inntekter 479 242 470 500 468 500-2 000 Rammeoverføring I administrasjonssjefens framlegg til driftsbudsjett 2015 hadde ho sett rammeoverføringane lik det som var lagt opp til i statsbudsjettet. Kommunestyret auka dette med 2,4 mill. kr og føresette at det ville komme ekstra overføringar. I revidert budsjett i vår styrka regjeringa overføringane til kommunane for delvis å kompensere for svak skatteinngang. Vestnes får vel 1,0 mill. kr meir enn vedtatt i statsbudsjettet. Vestnes får (korrigert for siste innbyggjartal) 142,2 mill. kr, 1,6 mill. kr mindre enn budsjettert. Skatt og inntektsutjamning Var budsjettert som oppgitt i statsbudsjettet, føresett auke på over 5 %. Første del av året, fram til juni, var det svak auke i skatteinngangen og lågare enn det som var føresett i statsbudsjettet. Frå juni har skatteinngangen auka mykje, meir enn i Vestnes enn på landsbasis. Under føresetnad av auke også i 4. kvartal så kan skatteinngangen bli 1,0 mill. kr høgre enn budsjettert.
Tala for Vestnes har vore som følgjer: Totalt 1. kvartal 2. kvartal 3. kvartal Sum Rekneskap 2015 166 000 49 270 34 565 51 262 135 097 Rekneskap 2014 157 873 47 266 32 897 47 492 127 655 Diff. 8 127 2 004 1 668 3 770 7 442 Auke i % 5,1 4,2 5,1 7,9 5,8 Ekstra skjønnsmidlar I 2013 fekk vi 5,4 mill. kr i ekstra skjønnsmidlar og i 2014 3,3 mill. kr frå Fylkesmannen. Mykje av grunnen til dette var at kommunen har svært mange ressurskrevjande brukarar, fleire enn gjennomsnitt for samanliknbare kommunar. No har vi fått melding om at vi i år vil få 2,4 mill. kr i ekstra skjønnsmidlar grunna at vi har mange ressurskrevjande brukarar. Det var ikkje budsjettert med dette. Asyl- og integreringstilskott Statleg tilskott vi får som grunntilskott for dei plassane som er ved Vestnes mottak og tilskott til dei flyktningane som vart busett i Vestnes kommune i 2013, 2014 og no i 2015. Tilskottet skal dekke dei utgiftene kommunen har. Så langt ein kjenner til vert det ca 20 nye busettingar i 2015. Det gjeld dei 10 som kommunestyret har vedtatt og resten familegjenforening. Det er noko meir enn vi la inn då budsjett vart laga. Tilskottet vert høgre enn budsjettert, avhengig av kor mange som vert busett i 2015. Antyder 2,0 mill. kr høgre enn korrigert budsjettert. Bruk av overskott 2014 Vestnes kommune hadde overskott på 4,9 mill. kr i 2014. Dette vart avsatt til disposisjonsfond. Kommunestyret vedtok i sak KST 60/15 å bruke kr 220.000,- av dette til å gje tilskott til flytting av Vike gamle skule. Administrasjonssjefen føreset at resten, kr 4,7 mill. kr vert brukt til å dekke drifta i 2015. Avkastning kraftfondet Vestnes kommune solgte for mange år sidan aksjane sine i Tafjord kraft AS. Summen, ca. 145,0 mill. kr, er plassert hjå 3 forvaltarar som skal plassere midlane slik at kommunen får best mogeleg avkastning. Lenge var inntill 40 % av midlane plassert i aksjefond. Grunna svært ustabil avkastning vedtok kommunestyret for nokre år sidan, gjennom finansreglementet, at ein ikkje skal ha midlar plassert i aksjar. No er det rentefond, obligasjonar m.m.. Etter at vi gjekk ut frå plassering av midlar i aksjefond har vi budsjettert med ei avkastning på 6,0 mill. kr som tilsvarar vel 4,0 %. For 2013 og 2014 stemte dette akkurat. I år er det budsjettert med ei inntekt på 8,0 mill. kr, tilsvarer ei avkastning på 5,5 %. Avkastning pr. 1. halvår var 1,7 mill. kr.
Siste månadane har det vore tap på plasseringa slik at det ved utgangen av september berre var opptent ei avkasting på kr 50.000,- Det er pr. i dag helt umogeleg å spå kva økonomisk resultat det vert her ved årets sluttt. Administrasjonssjefen har i prognosen ovanfor rekna med at det ikkje vert avkastning i år, dvs. 8,0 mill. kr mindre enn budsjettert. Driftsutgifter Forbruk Budsjett Formål Pr. okt. 2015 2015 Forbruk i % Politisk verksemd 4 903 5 426 90,4 Sentraladm/servicektr/fellesutg 22 098 23 933 92,3 Grunnskule 60 663 72 351 83,8 Barnehage 33 530 37 322 89,8 Kulturskulen, almen kultur og fritid 10 244 13 374 76,6 Barne- og ungd.ten/vaksenoppl/flyk 27 357 26 600 102,8 Helse, omsorg og velferd 107 939 131 912 81,8 Bu- og habiliteringstenestene 92 468 110 947 83,3 Eigedomsdrift 17 322 27 086 64,0 Teknisk sektor 7 057 13 349 52,9 Kjøp tenester tremek 2 720 2 700 100,7 Sum driftsutgifter 386 301 465 000 83,1 Netto driftsutgifter pr. oktober er 386,3 mill. kr, tilsvarande 83,1 % av totalbudsjettet. Dette er noko høgre enn det bør være på dette tidspunkt. Ut frå vår vurdering kan det bli eit meirforbruk på mellom 5,0 og 7,0 mill. kr på sjølve drifta (eks. renter og avdrag og evt. mindreinntekt). Nokre kommentarar til drifta Grunnskule Forbruket pr. oktober er noko høgre enn det burde være. Vi antyder eit meirforbruk på grunnskule på 1,2 mill. kr, det er spesielt Tomrefjord skule som får meirforbruk. Barnehage Eit av sparetiltaka var at barnehagane skulle redusere med ca. 3 årsverk. Det ser ut til at vi klarer. Men utgiftene til ekstra spes. ped. tiltak og ekstra bemanning for barn med helseproblem aukar mykje, meir enn nemnde innsparing.
I tillegg kan det sjå ut som om det er meir personale med fagutdanning i barnehagane no enn tidlegare. Dette er svært positivt og eit mål ein arbeider mot, men økonomisk gjev det ein ekstrakostnad som det ikkje er budsjettert med. Det er frå 1. mai også innført ordning der familiar med låg inntekt får redusert foreldrebetaling, likedan vert det frå 1. august innført at alle fire- og femåringar frå familiar med låg inntekt skal ha gratis barnehage i kjernetida. Dette vil gje mindre inntekt til barnehagane, pr. i dag vurderer vi det vert rundt kr 300.000,- i 2015 (på årsbasis kr 600.000,-). Sjølv om barnehagesektoren klarer å gjennomføre vedtatt sparetiltak i år vil det likevel bli meirforbruk. Dette grunna ovannemnde ekstra kostnadar og mindre foreldrebetaling. Vi antyder meirforbruk på 1,5 2,0 mill. kr. Bu- og habiliteringstenestene Eit av sparetiltaka innanfor Bu- og habiliteringstenestene var nedlegging av bueining Brugata frå 1. juli i år. Dette har dei greidd, bebuarane her er flytta til andre ledige husvære. Forventa spareeffekt var vel 3,0 mill. kr. Ein klarte ikkje å få så stor innsparing grunna at det ikkje var nok ledige husvære, og ein måtte bemanne ekstra på nokre bueiningar. Men tiltaket gjev likevel spareeffekt. I tillegg var det føresett ei generell innsparing på 1,0 mill. kr, føresett mindre brukarar som skal ha teneste. Fleire av dei ressurskrevjande brukarane som Bu- og habiliteringstenestene gjev tilbod til krev meir ressurs enn før. I tillegg er det nye brukarar som har behov for tenester og butilbud, dette er spesielt brukarar som har budd heime, men no er vorten så gamle at det er behov for å flytte i eigne husvære. I sak KST 71/15 - rekneskapsrapport pr. 1. halvår fekk Bu- og habiliteringstenestene auka budsjettet med 2,0 mill. kr for å dekke auka utgifter til ressurskrevjande brukarar. Med denne løyvinga vurderer vi at sektoren vil holde budsjettet. Heimetenestene Vurderer eit meirforbruk på 0,5 1,0 mill. kr. Sjukeheim/trygdeheim Driftseininga fekk grunna sparetiltak redusert ramma si med 2,0 mill. kr i år. For å klare dette må bruken av ant. institusjonsplassar reduserast. Dette vert det arbeidd for å gjennomføre. Driftseininga vil truleg klare å holde budsjettramma. Barne- og ungdomstenestene Grunna seine statlege utbetalingar til voksenopplæring i år viser det forbruket på denne driftseininga svært høgt, og gjev feil bilete av situasjonen. BUT fekk, som eit sparetiltak i år, ein reduksjon i ramma på 1,0 mill. kr, føresett då redusert overtid, bruk av juridisk bistand og vakanse i stillingar.
Ein vil ikkje klare denne innsparinga, det var nok i utgangspunktet eit urealistisk sparetiltak. Driftseininga arbeider for å redusere utgiftene, spesielt innanfor barnevern, og det er sett i verk fleire tiltak som etterkvart vil gje reduserte kostnadar. Pr. i dag vurderer ein at det vert meirforbruk, usikkert kor mykje. Eigedomsdrift, tekniske tenester og Hellandtunet Vurderer at dei vil holde drifta innanfor budsjettet, kanskje noko innsparing. Pensjonskostnadane Det har variert kor stor auken har vore, avhengig av løns- og trygdeoppgjer og kor mykje som vert ført som premieavvik (overført til seinare års inndekning). Utviklinga siste åra har vore som følgjer: År Sum Auke i % 2010 31 500 000 6,4 2011 32 500 000 3,2 2012 34 800 000 7,1 2013 40 000 000 14,9 2014 43 700 000 10,8 2015 50 300 000 15,1 Vi har enno ikkje oversikt over kor mykje som skal utgiftsførast i år. Det er lagt inn ein auke på 15,1 % i pensjonsutgiftene i 2015 og vi reknar med at det skal holde. Avhengig av kor stort premieavviket (det som vert overført til seinare års utgiftsføring) vert kan vi håpe at bokførte pensjonsutgifter vert noko mindre enn budsjettert. Ut frå rekneskapstal pr. oktober vurderer vi at det vert eit meirforbruk på sektorane sin drift på mellom 5,0 og 7,0 mill. kr. Størrelsen på kva som må utgiftsførast i pensjonskostnader er avgjerande for resultatet. 5. Renter og avdrag Vert 2,5 mill. kr høgre enn budsjettert. Årsak er at vi bruker meir kassekreditt enn tidlegare rekna med, og dermed auka rentekostnad. Renter og avdag nok var nok også noko underbudsjettert.
6. Framlegg innløysing av fondsplassering Det er budsjettert med 8,0 mill. kr i avkastning frå kraftfondet i år, truleg i beste fall 3,0 5,0 mill. kr. Med det rentenivå som er i dag, og utsikter for i åra som kjem, er det helt urealistisk med høg avkastning med den sikre plasseringar vi har no. Administrasjonssjefen vil difor rå til at vi ikkje lenger har plassert desse midlane i fond. I staden rår ein til at summen vert nytta til å nedbetale kassekreditt og ein del av låna. Vi kan då spare rente og avdrag, anslått til om lag 8,0 mill. kr. Dette er også eit av tiltaka administrasjonssjefen rår til få å få budsjett 2016 i balanse. Det må nemnast at motførestillinga mot dette tiltaket er at vi over ein del år vil bruke opp kraftfondet. Det kan også være godt å ha pengane ståande på fond og bruke av dei seinare år når vi skal gjere store investeringar innan pleie-/omsorg og grunnskule. Skulle vi komme på ROBEK lista att kan vi få problem med å få godkjent låneopptak til dei investeringane vi skal gjere. Skal vi unngå ei slik omplassering av midlane i kraftfondet må det til større reduksjonar i drifta i 2016. Vi kan ikkje budsjettere med 8,0 mill. kr i avkastning. 7. Investeringsbudsjett Kommunestyret vedtok i sak KST 96/14 eit investeringsbudsjett på 31,9 mill.kr for 2015, fordelt på 42 prosjekt. Det er i år allereie teke opp eit lån på 29,5 mill. kr for å dekke investeringane. I år er det gjort ytterlegare vedtak om investeringstiltak på 33,0 mill. kr. Her er 1. byggjetrinn av Sjøfronten på Helland største prosjekt med 27,0 mill. kr, av dette skal Vestnes kommune dekkje 12,6 mill. kr. Pr. oktober er det utgiftsført 28,1 mill. kr i investeringstiltak. Dei fleste prosjekt det er gitt løyving til i år er starta opp, men ikkje alle vert ferdig før nyttår.
Driftsrapport del 2 Oppfølging av politiske vedtak Kommunestyret gjorde den 22.mai 2014, i sak 33/14, følgande vedtak: Rapportering som gjeld oppfølging av politiske vedtak blir heretter lagt til driftsrapportane til kommunestyret. Siste driftsrapport i 2015 hadde følgjande restanse for perioden til og med mars 2015: Utval Saksnr KST 11/2015 KST 19/2015 Kva saka gjeld Status Vidare framdrift Oppretting av ad hoc utval økonomi Plan for kvalitetsutvikling i grunnskulen KST utsette saka. FSK fekk fullmakt til å vurdere dette hausten 2015 Oversendingsframlegg: Utval som skal følgje opp planen Adm.sjefen rår til at ein ventar med saka til nytt inntektssystem vert lagt fram. Blir lagt fram sak til KST i januar 2016 Nye saker sidan sist driftsrapport. KST 42/2015 KST 57/2015 KST 68/2015 KST 76/2015 Oppfølging Omsorgsplan 2020 ny institusjon Kommunal eigedomsmasse KST bad om å få lagt fram eiga sak om bruken av Myraområdet Reserveløysing oppvarming av kommunale bygg Arealplan Legge fram sak om naust Skulle legge fram ny sak hausten 2015. Ikkje kome så langt. Må arbeide med grunnlaget for ein så stor anskaffelse. Ei stor og omfattande sak som vil krevje mykje saksførebuing. Ikkje ferdig Arbeider med saka. 6 mnd frist frå KST Sak for kommunestyret våren 2016 Usikker på om denne kan leggast fram i 2016. Vert lagt fram våren 2016
Tilsyn I denne saka blir ikkje saksområde der kommunen sjølv har tilsynsmynde omtala. Administrasjonssjefen omtalar eksterne tilsyn overfor kommunen der kommuneorganisasjonen er tilsynsobjekt. Arbeidstilsynet Har mange tilsyn på mange delområde som fell inn under deira mynde. Sidan førre driftsrapport vart lagt fram har Arbeidstilsynet hatt 2 tilsyn: Tilsyn med Tekniske tenester: Bakgrunnen for tilsynet var eit pågåande prosjekt retta mot bygge- og anleggsbransjen. Arbeidstilsynet ønsker også å føre tilsyn med anleggsavdelingane i kommunane. Tema under tilsynet: Opplæring av arbeidstakarar Oppfølging av forskrift om sikkerheit, helse og arbeidsmiljø på bygge- eller anleggsplassar Forhold rundt handtering av asbestholdig materiale Bedriftshelsetenesta, plan og rapportering Det vart gitt 1 pålegg: arbeidsgjevar skal gå gjennom opplæring i HMS og sende dokumentasjon. Pålegget vart lukka i oktober etter at Tekniske tenester hadde sendt dokumentasjon på gjennomført opplæring. Tilsyn med Kariplassen (nokre utvalte bustader) Arbeidstilsynet skreiv følgande : Hensikten er å føre tilsyn med utvalgte organisatoriske arbeidsbetingelser og virksomhetens arbeidsmiljøarbeid. Under tilsynet ønsker vi informasjon om hvordan virksomheten er organisert, hva virksomheten ser som de største arbeidsmiljøutfordringene og eksempler på hvordan de jobber med disse. Dessuten: arbeidsavtaler og registrering av arbeidstid verneombudsordning/samarbeid om arbeidsmiljøet arbeidsmiljøopplæring for leder, verneombud og eventuelt andre eventuell tilknytning og samarbeid med godkjent bedriftshelsetjeneste Pålegg: 1. Korrigering av standardiserte arbeidsavtalar, jf arbeidsmiljølova 14-2 2. Arbeidsgiver skal iverksette tiltak og/eller utarbeide plan for å redusere risikoforholda i verksemda. Tiltaka skal bygge på ei gjennomført kartlegging og risikovurdering. Bu- og habiliteringstenestene oppfylte pålegg 19.oktober. Fylkesmannen: Førre driftsrapport ga følgande bilete: Tilsyn med Bu- og habiliteringstenestene - eit stort tilsyn med internkontrollsystem for begrensing av tvang og makt for utviklingshemma. Eit stort arbeid å lukke avviket. Vedtak om tvang og makt kan gjerast for periodar på 3, 6 eller 12 mnd. Vedtaka skal overprøvast av Fylkesmannen, og fornyast innan fastsett frist. Det føreligg formelle systemkrav på området som vi førebels ikkje oppfyller fullt ut. Vi har også
utfordringar med å fylle stillingar med formalkrav til høgskuleutdanning. Vi har system for opplæring av ufaglærte, men Fylkesmannen ønskjer klargjering og eit auka opplæringopplegg. Det blir arbeidd kontinuerleg med dette. Fylkesmannen har endå ikkje lukka avviket. Tilsyn med Helland skule og Tomrefjord skule Fylkesmannen vil gjennomføre tilsyn ved desse skulane i desember 2014. Dette er ledd i eit landsomfattande tilsyn. Temaet for tilsynet er: Skulen sitt arbeid med elevane sitt utbytte av opplæringa. Området for tilsynet gjeld: Skulen sitt arbeid med elevane sitt utbytte av opplæringa, forvaltningskompetanse og skulebasert vurdering. Ved førre tilsyn førelåg ikkje endeleg tilsynsrapport. Fylkesmannen meldte følgjande den 22.mai 2015: Fylkesmannen i Møre og Romsdal har på bakgrunn av dette ikkje avdekt lovbrot i tilsynet med Vestnes kommune ved Helland skule og Tomrefjord skule. Revisjonen sine forvaltningsrevisjonar: Det har gjennomført ein brei forvaltningsrevisjon på Vestnes kommune si gjennomføring av samhandlingsreforma. Revisjonsrapporten vart lagt fram for kommunestyret som eiga sak. Kontrollutvalet følgjer opp saka. Rapportering av sjukefråver: Rapportering og oppfølging av sjukefråver blir lagt til Arbeidsmiljøutvalet og Administrasjonsutvalet. Her blir det rapportert berre på hovudtal. Det blir rapportert i 3 termin og for året som eit heile i årsmeldinga. Sjukefråver 1.termin: 11,1 % Sjukefråver 2.termin: 9,1 % Saksframstilling og protokoll for behandling av sjukefråver finn ein her: http://81.26.40.252/einnsyn/utvalg/utvalgmoetedetail?umoeteid=579 Arbeidsmiljøutvalet sitt møte den 10.november 2015. Særutskrift til: