SENTRALADMINISTRASJONEN Postadresse: Klepp kommune Postboks 25 4358 Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling 31.05.2016 36/16 Kommunestyret 20.06.2016 29/16 Saksbehandler: Nina Bjørke Arkiv: L12 Arkivsak: 13/1629-53 REGULERINGSPLAN - NY GANG- OG SYKKELVEG LANGS FV 252 LALANDSVEGEN Nordre del av reguleringsplan Søre del av reguleringsplan Saka gjeld www.klepp.kommune.no E-post: postmottak@klepp.kommune.no Sentralbord: 51 42 98 00 Organisasjonsnummer: 00864969682 Barna vår framtid
Hovudmålet med planarbeidet er å sikra ein tryggare framkomstveg for gåande og syklande med gang- og sykkelveg langs fv. 252 Lalandsvegen, mellom Tu i sør og Klepp Stasjon i nord. Strekninga er 2,9 km lang. Ny hovudvassleidning frå høgdebassenget på Særheim skal og liggje i gang- og sykkelvegen. Tidlegare behandlingar Hovudutval for lokal utvikling vedtok samrøystes i møte 21.04.2015, sak 40/15: Hovudutval for lokal utvikling vedtek i samsvar med plan- og bygningslova 12-10 å leggja «PlanID 8200 reguleringsplan NY g/s langs Fv 252 Lalandsvegen», med tilhøyrande bestemmelsar og planomtale, alle datert 27.03.2015, ut til offentleg ettersyn. Utlegging til offentleg ettersyn Reguleringsplanen med planbestemmelsar og planomtale var lagt ut til offentleg ettersyn i tida 1.6.2015 til 3.8.2015. Høyringa vart varsla i annonse i Jærbladet 1.6.2015, i brev til offentlege instansar, grunneigarar og naboar, datert 1.6.2015, og publisert på kommunen si nettside. Kommunen inviterte og til ope informasjonsmøte 22.6.2015. Innkomne merknader Det kom inn 7 merknadar til planforslaget. Merknadane er samanfatta og kommentert under. Merknadane kan og lesast i full versjon på innsynsløysinga ebyggweb som fins her: https://geoinnsyn.nois.no/smart/?project=klepp&zoom=13&lat=6517893.29498&lon=306587.640 01&srs=EPSG:32632 Eller gå inn på kommunen si heimeside: klepp.kommune.no, klikk: «BYGG, MILJØ OG NÆRING», klikk «Kart- og Smart-portal», finn «ebyggweb» og opne denne. Skriv «8200» i feltet Søk. «8200» er planid- en til reguleringsplanen. Klikk på søkeresultatet «8200 Gang- og sykkelveg langs Lalandsvegen Fv 252 (Arealplan)» og klikk på fana «Plan- og byggesak». Klikk på «Reguleringsplaner under arbeid». Klikk så inne i det merka planområdet og vel «Vis detaljer». Under «Uttalelse til planforslag» finn du alle innkomne merknader som du hentar ved å klikke på «+», og «+» ved «Dokumenter» og opnar ved å klikke på dokumentnamnet. 1 - Fylkesmannen i Rogaland skriv i brev datert 08.07.2015: Fylkesmannen legg til grunn at arealrekneskapet blir meir presist til 2. gongs behandling slik at kommunen har korrekte tal for Kostra-rapportering til SSB for nedbygging av dyrka jord. Fylkesmannen meiner føreslått plan er eit viktig tiltak for trafikktryggleik, barn og unge, auka bruk av gange og sykling, og fysisk aktivitet. Planforslaget gir eit balansert og trafikksikker løysing kor det og er teke omsyn til jordvern. Fylkesmannen har elles ikkje andre merknader til planen. Arealrekneskap er utarbeida, sjå kapittel om omtale av planforslaget lenger ute i saka. 2 - Rogaland fylkeskommune ved regionalplanavdelinga skriv i brev datert 10.07.2015: Fylkesrådmannen støttar opp om plan for gang- og sykkelveg frå Klepp til Tu. Fylkesrådmannen er einig i kommunens forslag om å bruke ein tverrprofil som tar nødvendig omsyn til omkringliggande bygningar og kulturminne i området. Forslaget tar nødvendig omsyn til jordverninteressene ved valte traséutforming. Fylkesrådmannen ser, ut frå lokal tilpassing, at det er nødvendig med skifte av side for gang- og sykkelvegen. Dette vil ikkje være ei optimal løysing for brukarane. Fylkesrådmannen ber om at det vert lagt til rette for ei sikker krysning på dette punktet. Dette blir ivaretatt i planforslaget. 3 - Jernbaneverket skriv i brev datert 20.07.2015: 2
Jernbaneverket skriv i sin uttale at planforslaget ikkje vil få konsekvensar for stasjonsområdet verken i dag eller i framtida. Ingen konsekvens for denne planen. 4 Statens vegvesen skriv i brev datert 24.07.2015: Vegvesenet har ein del merknader angåande trafikksikkerheita ved kryssingspunkt og siktsonar ved avkjørsler. Dei skriv elles at talet på jordbruksavkjørsler bør avgrensas og slås saman med avkjørsel frå bustad der dette er mogleg. Merknader om kryssingspunkt og sikt er innarbeidd i plankartet. Jordbruksavkjørslane langs trasèen har blitt vurderte slik at dei som ligg i planen no er dei som bør behaldas. 5 Rogaland fylkeskommune ved seksjon for kulturarv skriv i brev datert 28.07.2015: Ber om at det vert gjennomført arkeologiske registreringar for å avklare planarbeidets innverknad på automatisk freda kulturminne. Arkeologisk registrering vart gjennomført i mars 2016 utan at det blei gjort funn av automatisk freda kulturminne. Innsigelsen er trekt i brev frå fylkeskommunen datert 31.3.2016. 6 Klepp senterparti ved Roar L. Grødeland skriv i brev datert 29.07.2015: Ber om at ein nyttar rekkverk i staden for rabatt mellom vegen og gang- og sykkelvegen, for å spara landbruksjord. Viser og til at det då kan sparas årlege utgifter til vedlikehald av rabatten, som i det lange løp vil gi ein lågare kostnad sjølv om investeringskosten for rekkverk er høgare. Sjå punkt om jordvern lenger ute i saka. 7 Ole Øveraas, Lalandsvegen 201, skriv i brev datert 3.8.2015: Ønsker at g/s-vegen vert lagt til austsida av vegen, og har fleire argument for dette. Mellom anna at eksisterande gang- og sykkelveg ligg på austsida og at det er fleire eigedomar som får til dels store inngrep om ein går for forslaget på vestsida. Har og merknad om at det er rart at planen stopper før ein når eksisterande g/s-veg på Klepp Stasjon. Rådmannen er klar over problemstillingane Øveraas viser til, og har tatt desse med i vurderinga når det er valt å fremje planen med g/s-vegen lagt på vestsida. Når det gjeld avslutninga på planen før ein når fram til eksisterande gang- og sykkelveg på Klepp Stasjon så er dette gjort slik fordi Lalandsvegen er planlagt lagt om i forbindelse med regulering av felt 32 Anda, som ventes starta opp i nær framtid. Gang- og sykkelvegen skal følgje tilkomstvegen ned til feltet og koplas med Brekkevegen. Omtale av planforslaget Planforslaget er nærare utgreidd i saksframlegg til 1. gongs behandling i hovudutval for lokal utvikling i møte den 21.4.2015, sak 40/15, vedlagt saka. Plantema som blei utgreidd til 1. gongs behandling blir ikkje gjenteke her. I saksbehandlinga til 2. gongs behandling skal vi berre vurdere innspel frå offentleg ettersyn og eventuelle endringar av planforslaget som følgje av merknadene. Planomtalen skal vere oppdatert slik at endringar i planen etter at den låg ute til offentleg ettersyn første gong er omtalt. Endringar på plankart, i planbestemmelsane og i planomtalen er lista opp lenger ute i saka. 3
Skuleveg til Engelsvoll skule I kommuneplandrøftinga dukka det opp som alternativ å leggje om Lalandsvegen i ny trasé via område 32 til Stasjonsvegen. For at gang- og sykkelvegen ikkje må vente til denne planen er klar, vart det vedteke i 1. gongs behandlinga at gang- og sykkelvegen skal regulerast frå Tu til ca. 150 meter før ein når busetnaden på Klepp Stasjon. Skulevegen mot Engelsvoll skule er planlagt å følgje ny Lalandsvegtrasé via Brekkevegen til eksisterande gang- og sykkelveg langs vestsida av Engelsvollvegen, gjennom undergangen og vidare på gang- og sykkelvegen langs austsida av Engelsvollvegen fram til skulen. Planarbeidet for område 32 er venta å starte opp i nær framtid. Eventuelt må ein vurdere andre løysingar på kort sikt som sikrar tryggare tilkomst til Klepp stasjon for mjuke trafikantar. Skuleveg til Engelsvoll skule Skuleveg til Tu skule Skulevegen til Tu skule frå Laland vil gå langs vestsida av Lalandsvegen fram til kryssing over til eksisterande gang- og sykkelveg ca. 200 meter før Postvegen, og vidare fram til skulen på eksisterande gang- og sykkelveg. Den nye gang- og sykkelvegen må liggje på austsida av Lalandsvegen desse 200 metrane då det ligg kulturminne nært Lalandsvegen på vestsida. Skuleveg til Tu skule Jordvern Planforslaget er utforma i tråd med Statens Vegvesen sine vegnormalar. Statens vegvesen har gitt innspel om at det fortrinnsvis bør reguleras rabatt med breidde 3 meter for å sikra dei mjuke trafikantane gode forhold på gang- og sykkelvegen. Gang- og sykkelvegen ligg i eit LNF-område. Med tanke på jordbruksvern er det forsøkt redusere arealavgangen mest mogleg, mellom anna ved å bruke 2 meter med tillegg for vegskuler og skulder langs gang- og sykkelvegen. Av handboka går det og fram at det ikkje er ynskjeleg med rekkverk mellom veg og gang- og sykkelveg. Dette er forklart ut frå fleire grunnar: Bilar som treff rekkverket kan bli kasta tilbake i vegen og inn i frontkollisjon. Rekkverk kan gjera det vanskeleg å setja bil ut av køyrebanen ved naudstopp. Rekkverk kan hindra sikt i kryss og høgrekurvar. Rekkverk er farlege for MC-førarar, uansett utforming. Smal trafikkdelar og rekkverk kan gje meir vindtrykk og sølesprut for gåande/syklande. 4
Smal trafikkdelar og rekkverk kostar meir å byggja og drifta og vert ein stad for ugras og søppel. Arealoversikt Formål Areal (daa) Gang- og sykkelveg 8,1 Kjøreveg 11,8 Annan veggrunn 9,8 Landbruk 12,6 Totalt 42,3 Totalt areal som blir omdisponert frå landbruk til gang- og sykkelveg og annan veggrunn er nærare 18 daa. Kulturminne Tiltaket ligg i eit område med mange kjente kulturminne. Arkeologisk registrering vart gjennomført i mars 2016 utan at det blei gjort funn av automatisk freda kulturminne. Endringar i forkant av 2. gongs behandling Endringar i plankart: Plankartet er endra i samsvar med innspel frå SVV om siktsoner og det er vist passasjar der ein kan kryssa vegen for å koma til g/s-vegen. Plankartet er og tilpassa på ein eigedom der ein bygning står så nært vegen at det ikkje er plass til å ha rabatt mellom g/sveg og køyreveg. ENDRINGAR I BESTEMMELSANE: BESTEMMELSANE ER IKKJE ENDRA. ENDRINGAR I PLANOMTALEN: TILPASSINGAR TIL ENDRA PLANKART. Vurdering av det endra planforslaget PLANFORSLAGET ER IKKJE VESENTLEG ENDRA ETTER 1. GONGSBEHANDLING. Konsekvensar for kommunen Etter endringar i tilskotsordningane frå Fylkeskommunen vil ikkje gang- og sykkelvegtiltak få tilskot til bygging. Kostnaden for bygging av gang- og sykkelvegen må kommunen stå for sjølv. Det er sett av 18 mill. kroner til tiltaket i langtidsbudsjettet for perioden 2016 og 2017. Vidare trasé mot Engelsvoll skule må løysast. Konklusjon Kommunalsjefen fremjar med dette PlanID 8200 - Reguleringsplan gang- og sykkelveg langs Fv 252 Lalandsvegen, med tilhøyrande bestemmelsar og planomtale, alle datert 10.5.2016, til 2. gongs behandling. Vedlegg: 1. Plankart 1 til 5 for gang- og sykkelveg langs Fv 252 Lalandsvegen, datert 10.5.2016 2. Bestemmelsar til gang- og sykkelveg langs Fv 252 Lalandsvegen, datert 10.5.2016 3. Planomtale for gang- og sykkelveg langs Fv 252 Lalandsvegen datert 10.5.2016 4. Kopi av 1. gongs behandling i hovudutval for lokal utvikling 21.4.2015, sak 40/15 5
Innstilling: Rådmannen tilrår at saka går til hovudutval for lokal utvikling og kommunestyret med slik tilråding: Klepp kommunestyre vedtek i medhald av plan- og bygningslova 12-12, detaljregulering for ny gang- og sykkelveg langs Fv 252 Lalandsvegen med tilhøyrande bestemmelsar og planomtale, alle datert 10.5.2016. Hovudutval for lokal utvikling den 31.05.2016 sak 36/16 Einstemmig TILRÅDING: Klepp kommunestyre vedtek i medhald av plan- og bygningslova 12-12, detaljregulering for ny gang- og sykkelveg langs Fv 252 Lalandsvegen med tilhøyrande bestemmelsar og planomtale, alle datert 10.5.2016. Kommunestyret den 20.06.2016 sak 29/16 KOMMUNESTYREVEDTAK: Med alle stemmer blei vedtatt: Klepp kommunestyre vedtok i medhald av plan- og bygningslova 12-12, detaljregulering for ny gang- og sykkelveg langs Fv 252 Lalandsvegen med tilhøyrande bestemmelsar og planomtale, alle datert 10.5.2016. Rett utskrift, 27.06.2016 Wigdis B. Detlie formannskapssekr. 6