Hå kommune Møtestad: Hå rådhus Dato: 24.08.2010 Tidspunkt: Kl 09:00 Utval for tekniske saker og næring Eventuelt forfall må meldast til telefon 51793028 / 51793012 / 41532690. Vararepresentantar får eiga innkalling (pr.telefon, sms eller e-post) dersom dei skal møte. TILLEGGSAKSLISTE Sak nr. 147/10 Sakstittel Plan 1101 - Reguleringssak - Forslag til reguleringsplan for del av Ogna sentrum - Motseiing frå Rogaland fylkeskommune Varhaug, 17.08.2010 Tor Henrik Søiland leiar i utval for tekniske saker og næring Side 1 av1
Hå kommune Saksnummer Utval Vedtaksdato 147/10 Utval for tekniske saker og næring 24.08.2010 Saksbehandlar: Rolf Einar Ree Sak - journalpost: 09/377-10/15659 Plan 1101 - Reguleringssak - Forslag til reguleringsplan for del av Ogna sentrum - Motseiing frå Rogaland fylkeskommune Rådmannen si innstilling: Utval for tekniske saker og næring godkjenner i medhald av plan- og bygningslova 12-12 reguleringsplan for del av Ogna sentrum, plan 1101, datert 01.02.08, sist revidert 30.11.09, med tilhøyrande føresegner med følgjande endringar: Ny ordlyd 18: Før utbygging av enkeltprosjekt kan skje, skal det dokumenteres at gjeldende krav til søynivå er ivaretatt. Ny 22: Ved utbygging av boliger i B/F/K2 og B/F/K3 skal det tilrettelegges lekerareal i samsvar med kommunens generelle normer. Lekearealene skal være ferdigstilt før nye boliger kan tas i bruk. Planforslaget blir sendt Rogaland fylkeskommune med oppmoding om å trekkja varsla motseiing, jf brev datert 29.05.09. Utvalet viser i den samanhang til fylkesmannens referat frå meklingsmøtet avhalde den 30.06.2010. Bakgrunn for saka: Arbeidet med ny reguleringsplan for del av Ogna sentrum vart påbegynt hausten 2007. Føremålet med reguleringa var først og fremst ønsket om å flytte bensinstasjon og butikk frå vestsida av fv 44 ved jernbanestasjonen til austsida av hovudvegen kor handlande slapp å kryssa hovudvegen for å kome til butikken og kor tomta var større og opna for ein vesentleg forbetra trafikksituasjon samanlikna med eksisterande lokalisering. Etter ein lang behandlingsprosess var situasjonen den hausten 2009 at det framleis førelåg motseiing på planforslaget frå Rogaland fylkeskommune. Saka vart lagt fram for utval for tekniske saker og næring i møtet den 15.12.2009 som i sak 199/09 gjorde følgjande vedtak: Utval for tekniske saker og næring godkjenner i medhald av plan- og bygningslova 12-12 reguleringsplan for del av Ogna sentrum, plan nr 1101, datert 01.02.08, sist revidert 30.11.09, med tilhøyrande føresegner på følgjande vilkår: Merknad frå Statens vegvesen må rettast opp, jfr kommentar pkt a-e.
Etter utvalets vurdering gir planen nå ei tilfredsstillande løysing på kombinasjonen butikk/bensinstasjon og bustadar, med ei god løysing for leike- og opphaldsareala for bustadane. Planforslaget blir sendt Rogaland fylkeskommune med oppmoding om å trekkja varsla motseiing, jfr. Brev datert 29.05.09. Saka vart etter dette den 07.01.2010 sendt fylkeskommunen til ny vurdering. I svar derfrå datert 24.02.2010 opprettheldt dei motsegna. Med dette som bakgrunn bad kommunen i brev datert 04.05.2010 fylkesmannen gjennomføre mekling i saka. Slik mekling vart halden den 30.06.2010. Referat frå meklinga følgjer vedlagt, og saka blir med bakgrunn i dette lagt fram for utval for tekniske saker og næring til ny vurdering. Vurdering: Som det går fram av referatet frå meklingsmøtet, er motseiinga frå fylkeskommunen basert på tre hovudpunkt: 1. Støysituasjonen for dei planlagde bustadane. 2. Tilgang på leikeareal. 3. Korleis resultata av ROS-analysen er følgd opp. 1. Støysituasjonen Med bakgrunn i meklinga har tiltakshavar engasjert Multiconsult til å utarbeide ein ny støyvurdering av planområdet. I denne er både jernbanestøy, støy frå vegtrafikken og støy frå andre støykjelder tatt med i vurderinga. Som det går fram av rapporten vil støynivået utan særskilde tiltak ligg over akseptabelt nivå. Aktuelle tiltak for å oppnå tilfredsstillande støynivå er m.a.: Planlagt støyskjerm må forlengast 25 m langs plangrensa i sør og må ha ei høgd på 3 m over markplan. Dette er nå teikna inn på plankartet. Soverom i fasadar mot vest må ha balansert ventilasjon. Dette kravet vil verte sikra ved behandlinga av byggesøknadar. Tilfredsstillande støynivå på terassane kan etter rapporten oppnåast ved at den planlagde terasseskjermen på butikktaket blir bygd 2 m høg. Det må vidare vere 1,5 m høge balkongrekkverk og balkongtaka må ha lydabosorberande materiale. Endeleg utforming og godkjenning av desse tiltaka må skje i byggesaksbehandlinga. Det må leggast vekt på å oppnå estetisk tilfredstillande løysingar med t.d. glasfelt som sikrar lys og utsikt. Elles kan det også vere aktuelt å vurdere innglasing av balkongar. Slik innglasing har i mange tilfeller vist seg også å kome opp av klimatiske grunnar. Planbeskrivelsen er oppdatert med bakgrunn i den nye støyrapporten. Rådmannen vil også føreslå at 18 blir justert slik at den får følgjande ordlyd: Før utbygging av enkeltprosjekt kan skje, skal det dokumenteres at gjeldende krav til søynivå er ivaretatt. 2. Leikeareal I brev datert 24.02.2010 krev fylkeskommunen at det må vere minst 5,1 da leikeareal for bustadane innafor planområdet. Dette er etter rådmannens vurdering eit heilt urimeleg krav for eit planområde på vel 20 da med vesentlege innslag av kontor/forretning og trafikkanlegg. Kravet må etter rådmannens vurdering bygge på ei feilrekning. I meklinga etterlyste fylkeskommunen leikeareal i områda B/F/K2 og B/F/K3. Dette er område som i dag er utbygde, men kor det eventuelt kan fortettast eller sanerast og byggast
nytt. Rådmannen er einig i at det i slike høve bør stillast krav om tilrettelegging av leikeareal i tilknyting til prosjektet. Rådmannen vil derfor gjere framlegg om følgjande ny paragraf i føresegnene: 22: Ved utbygging av boliger i B/F/K2 og B/F/K3 skal det tilrettelegges lekerareal i samsvar med kommunens generelle normer. Lekearealene skal være ferdigstilt før nye boliger kan tas i bruk. 3. ROS-analysen I ROS-analysen er det i pkt 8.1 påpeika tiltak som må gjennomførast. Rådmannen har følgjande merknader til dei enkelte punkta i denne: Veganlegget fv 44 må utformast i samsvar med Statens vegvesen sine handbøker. Dette er følgd opp med innteikning av frisiktsoner og krav om at tiltak i og langs fylkesvegen skal føreleggjast og godkjennast av vegvesenet, jf ma 5 og 25 i føresegnene. Frisikt i kryss mm Jf kommentaren til forrige punkt. Bruk av nedsenka kantstein ma ved vaskehall. Krav om dette er inntatt i 12 i føresegnene. Atkomst vaskehall Jf kommentar til forrige punkt og 12 i føresegnene. Den detaljerte utforminga av dette må fastleggjast i utomhusplanen som skal godkjennast av kommunen som del av byggjesaksbehandlinga. Fysisk skilje mellom parkeringsplass Ks2 og varelevering for forretning. I 21 er det stilt krav om slikt skilje. Sikre kryss gang- og sykkelveg/olsvollvegen. Dette er eit tiltak som må innarbeidast i detaljplanen for opparbeiding av dette veganlegget. Utføring og drift av bensinstasjonen, godkjenning av tankanlegget, sløkkeutstyr og oppstillingsplass for tankbil samt utarbeiding av div rutinar for bensinstasjonen. Alle desse tilhøva blir handtert gjennom anna lovverk med eigne godkjenningsordningar. Det er likevel tatt inn ein eigen passus i 5 om at nødvendig godkjenning i DSB skal innhentast. I punkt 8.2 er det lista 8 punkt som bør vurderast nærare. Rådmannen har følgjande kommentar til desse punkta (jf s 14 pkt 8.2 i Risiko- og sårbarhetsanalysen): Pkt 1: Jf 6. Allereie gjennomført av vegvesenet med anlegg av tettstadsportalar. Pkt 2: Må tas som ein del av detaljplanen/opparbeidingsplanen for veganlegget. Pkt 3: Også ei sak for opparbeidingsplanen. Pkt 4: Som forrige punkt. Pkt 5: 16 har krav om stenging av avkøyring til gml bensinstasjon ved opning av ny. Pkt 6: Krav sikra i 19.
Pkt 7: I føreliggjande planforslag er køyreatkomsten frå Olsvollvegen og Ks1 stengt. Pkt 8: Materialbruk i gang- og sykkelvegen må inngå i detaljplan/opparbeidingsplanen for området. Konklusjon Med bakgrunn i meklingsmøtet avhalde den 30.06.2010 hos fylkesmannen vil rådmannen gjere framlegg om at det vert gjort to endringar i reguleringsføresegnene. Den eine gjeld krav om leikeareal ved eventuell utbygging i kvartala B/F/K2 og B/F/K3. Den andre gjeld ei presisering av at krav om akseptabelt støynivå for bustadane skal sikrast på ein tilfredsstillande måte. Elles meiner rådmannen at føreliggjande planforslag har følgt opp og tatt omsyn til konklusjonane i ROS-analysen. Rådmannen vil tilrå at utvalet gjer desse endringane i føresegnene og sender saka over til fylkesmannen og ber dei om å vurdere å tekke motsegna mot planen. Vedlegg: 1 Reguleringsplankart 2 Bestemmelser til reguleringsplan for del av Ogna sentrum 3 Reguleringsplan for del av Ogna sentrum, saksframstilling og planforklaring 4 Rapport risiko og sårbærhetsanalyse, revidert 17.08.09 5 Brev frå Rogaland fylkeskommune dat. 24.02.2010 -Svar på oppmoding om å trekkja motsegn 6 Referat fra meklingsmøte den 30. juni 2010 7 Støyrapport