Side 1 av 6 SAMLA SAKSFRAMSTILLING Arkivsak: 99/00308-067 Saksbeh.: Olav Bjørke Arkivkode: L12 Saksnr.: Utval Møtedato 0102/99 Formannskap/ plan og økonomi 16.09.99 0059/99 Kommunestyret 30.09.99 Saka gjeld: REGULERINGSPLAN FOR BJØRKEMOEN 1. INNSTILLING: Administrasjonen si innstilling: 1. I medhald av 27-2 i plan og bygningslova vedtek Voss kommunestyre forslag til reguleringsplan for Bjørkemoen med tilhøyrande føresegner dat 24.11.98, sist endra den 29.08.99 og signert Olav Bjørke. Kommunestyret finn at vilkåra for kommunel eigengodkjenning er oppfylte. 2. Voss kommunestyre tilrår at sand og grusressursane i området vert nærare kartlagt og at det vert utarbeidd driftsplanar i samråd med Bergvesenet. Kommunen må kunna delta i dette arbeidet med å tilretteleggja aktuelt kartmateriale. Formannskap/ plan og økonomi 16.09.99 Sak 0102/99 Behandling i møte: Repr. E.J. Bolstad kom med slikt framlegg: Området til fleire føremål (pbl 25,2. ledd) skal endrast til: Byggeområde off. føremål, avfallsdeponi og avfallgjenvinning (pbl 25, 1. ledd nr. 1) Byggeområde off. føremål, avfalldeponi (pbl 25, 1. ledd nr. 1) Landbruksområde (pbl 25, 1. ledd nr. 2) Med desse endringane vedtek Voss kommunestyre forslag til reguleringsplan for Bjørkemoen med tilhøyrande føresegner dat 24.11.98, sist endra den 29.08.99 og signert Olav Bjørke. Framlegget frå repr. E. J. Bolstad vart tilrådd med 5 røyster mot 4 røyster for administrasjonen si innstilling. Saksordførarar til kommunestyret: Edvard Jarle Bolstad og Ander O. Rio.
Side 2 av 6 Tilråding: Området til fleire føremål (pbl 25,2. ledd) skal endrast til: Byggeområde off. føremål, avfallsdeponi og avfallgjenvinning (pbl 25, 1. ledd nr. 1) Byggeområde off. føremål, avfalldeponi (pbl 25, 1. ledd nr. 1) Landbruksområde (pbl 25, 1. ledd nr. 2) Med desse endringane vedtek Voss kommunestyre forslag til reguleringsplan for Bjørkemoen med tilhøyrande føresegner dat 24.11.98, sist endra den 29.08.99 og signert Olav Bjørke. Kommunestyret 30.09.99 Sak 0059/99 Behandling i møte: Repr. E. J. Bolstad og A. O. Rio la fram saka på vegne av utval for formannskap/plan og økonomi. Repr. A. O. Rio kom med slikt framlegg: 2. I medhald av 27-2 i plan og bygningslova vedtek Voss kommunestyre forslag til reguleringsplan for Bjørkemoen med tilhøyrande føresegner dat 24.11.98, sist endra den 29.08.99 og signert Olav Bjørke. Kommunestyret finn at vilkåra for kommunel eigengodkjenning er oppfylte. 2. Voss Voss kommunestyre tilrår at sand og grusressursane i området vert nærare kartlagt og at det vert utarbeidd driftsplanar i samråd med Bergvesenet. Kommunen må kunna delta i dette arbeidet med å tilretteleggja aktuelt kartmateriale. Repr. K. Opheim kom med slikt framlegg: Den innregulerte tråvbanen vert teken ut av reguleringsplanen for Bjørkemoen. Repr. S. Lien kom med slikt framlegg: Tråvbanen bør takast ut av reguleringsplanen. Administrasjonen bør prøva å finna egna plass til utstillingsplass (stemneplass) meir sentrumsnært t.d. Palmafossen Bømoområde. Repr. E. J. Bolstad kom med slikt tilleggsframlegg: 1. Kommunestyret finn at vilkåra for kommunal eigengodkjenning er oppfylte. 2. Voss kommunestyre tilrår at sand og grusressursane i området vert nærare kartlagt og at det vert utarbeidd driftsplanar i samråd med Bergvesenet. Kommunen må kunna delta i dette arbeidet med å tilretteleggja aktuelt kartmateriale. Repr. S. Lien trekte siste del av framlegget sitt.
Side 3 av 6 Røysting: Tilleggsframlegget frå repr. E. J. Bolstad Framlegget frå repr. S. Lien /K. Opheim FPL si tilråding mot framlegget frå repr. A. O. Rio samrøystes samrøystes 24 røyster 19 røyster Vedtak: Området til fleire føremål (pbl 25,2. ledd) skal endrast til: Byggeområde off. føremål, avfallsdeponi og avfallgjenvinning (pbl 25, 1. ledd nr. 1) Byggeområde off. føremål, avfalldeponi (pbl 25, 1. ledd nr. 1) Landbruksområde (pbl 25, 1. ledd nr. 2) Tråvbanen vert teken ut av reguleringsplanen. Voss Voss kommunestyre tilrår at sand og grusressursane i området vert nærare kartlagt og at det vert utarbeidd driftsplanar i samråd med Bergvesenet. Kommunen må kunna delta i dette arbeidet med å tilretteleggja aktuelt kartmateriale. Med desse endringane vedtek Voss kommunestyre forslag til reguleringsplan for Bjørkemoen med tilhøyrande føresegner dat 24.11.98, sist endra den 29.08.99 og signert Olav Bjørke. Kommunestyret finn at vilkåra for kommunal eigengodkjenning er oppfylte. 2. DOKUMENT SOM BAKGRUNN FOR SAKA: Dokument merka med * ligg ved. *Forslag til reguleringsplan for Bjørkemoen dat 24.11.98, sist endra den 29.08.99 *Forslag til føresegner dat 24.11.98, sist endra den 29.08.99 *Utgreiing til planforslaget dat 24.11.98, sist endra den 29.08.99 Saksframlegg med vedlegg og vedtak i FPL den 03.12.98 sak 0167/98 Saksframlegg med merknader som vedlegg og vedtak i FPL den 17.06.99, sak 0073/99 *Kopi av brev dat 30.06.99 til intresserte *Kopi av brev dat 02.07.99 til Hordaland Fylkeskommune *Kunngjering i bladet Hordaland den 03.07.99 om offentleg utlegging *Brev dat 09.07.99 frå Voss Jordbruksskule *Brev dat 30.07.99 frå Indre Hordaland Miljøverk *Brev dat 31.07.99 frå Knut Melve og Lars Melve *Brev dat 02.08.99 frå adv Stig J. Harris * Brev dat 04.08.99 frå adv. Sjur Vinje *Brev dat 05.08.99 frå grunneigar Guro Bjørke og Bjørke Sandtak AS *Møtebok dat 13.08.99 frå Jordbrukssjefen. *Kopi av brev dat 13.08.99 til Bjørke Sandtak, Guro Bjørke og Indre Hordaland Miljøverk *Kopi av brev dat 18.08.99 til Bergvesenet *Brev dat 24.08.99 frå Fylkesmannen i Hordaland, Miljøvernavdelinga
Side 4 av 6 *Brev dat 24.08.99 frå Hordaland Fylkeskommune *Brev dat 27.08.99 frå Indre Hordaland Miljøverk *Brev dat 30.08.99 frå grunneigar Guro Bjørke og Bjørke Sandtak AS *Brev dat 03.09.99 frå Bergvesenet 3. SAMANDRAG AV SAKA: Reguleringsområdet er på om lag 865 dekar og avgrensa av Raundalselvi, Kvisli, Horjolo og Bygdavegen forbi Bjørke. Planføresetnader og aktuelle plandisponeringar m.v. framgår av utgreiinga til planforslaget. Planen viser løysingar for følgjande føremål: Byggeområde for noverande og framtidig næringsverksemd, landbruksområde også som etterbruk etter masseuttak og avfallsdeponering, offentleg tilkomstveg, fareområde langs høgspentline, spesialområde naturvern langs det varig verna vassdraget og felles tilkomstveg og parkering. I tillegg viser planen areal som kan ha fleire føremål: Det er områder der sand og grusmassar først skal takast ut og seinar brukast andre føremål som: avfallsdeponi og avfallsgjennvinning, øvingsbane / motorsport, tråvbane og areal som skal avsluttast med landbruk etter masseuttaket eller etter at arealet er brukt til avfallsdeponi. Dette er nærare fastlagt i forslag til føresegner til planen. Det vert gjennom planen lagt til rette for utvikling av både noverande og framtidig verksemd i området. Samtidig vil kommunen ha nødvendig styring med arealbruken i området Dette er viktige oppgåver for kommunen og reguleringsplanen med føresegner vil no gje rammene for utviklinga i området.. Planforslaget vil gje høve til utbygging utan at ulike føremål i særleg grad er avhenginge av kvarandre. Men det krev likevel samarbeid og evne til tilpassing for å få gode løysingar som kan gjennomførast etter avtalar mellom interesserte partar. Planen gjev høve til utttak av sand- og grusressursane i området innanfor gjeldande regelverk. For å tilretteleggja for avfallsdeponering er det sett tidsfristar for uttak av massane for dei aktuelle areala. 4. FAKTA OM SAKA: Forslag til reguleringsplan er utarbeidd av teknisk etat og dat 24.11.98, med endringar sist den 29.08.99. FPL gjorde vedtak om offentleg utlegging i møte den 03.12.99. Gjennomgang av innkomne merknader gav grunnlag for å tilrå ein del endringar på planen for å imøtekoma mykje av det som kom fram som synspunkt. Etter vedtak i FPL den 17.06.99 sak 0073/99 vart endra forslag til reguleringsplan kunngjort på nytt, lagt ut til offentleg ettersyn og sendt til dei som hadde sendt inn merknader til det første forslaget. Det vart skrive at synspunkt måtte framhaldast på nytt dersom dei framleis var aktuelle. Etter at FPL i møte den 12.08.99 sak 088/99 gav uttale til Fylkesmannen om søknad om overtaking av konsesjon for Bjørkemoen avfalls- og gjenvinningsanlegg vart det sendt brev til Guro Bjørke som grunneigar, Bjørke Sandtak AS og Indre Hordaland Miljøverk. Det vart stilt
Side 5 av 6 spørsmål om merknader til eit planalternativ der området til avfallsanlegg vert regulert til offentleg føremål. Kopi av innkomne merknader etter dette er vedlagt saka. 5. ADMINISTRASJONEN SI VURDERING: Etter dei merknadene som framleis står ved lag vil administrasjonen merka følgjande. Forslaget til reguleringsplan viser alternativ til Tvildemoen for plassering av framtidig tråvbane. Grunneigarane sine ønskje om å utnytta sand og grusmassane er imøtekomne innanfor dei grenser som gjeldande regelverk set og i samsvar med fråsegner frå Bergvesenet, Fylkeskommunen og Fylkesmannen. Reguleringsforslaget med føresegner og planprosessen har avklara at det ikkje er krav om konsekvensutgreiing med dei avgrensingar som no er lagt inn i planforslaget. Vidare masseuttak må evt. klarleggjast på grunnlag av konsekvensutgreiing. Grunneigarane og dei som driv ut ressursane bør sjøl stå for ei slik konsekvensutgreiing dersom dei ynskjer å ta ut massar fram til 50 m frå vassdraget, evt. heilt fram til elvekanten dersom det kan forsvarast. Voss kommune og Bergvesenet kan medverka til kartlegging av ressursane og gje råd om utarbeiding av driftsplanar, men interessentane bør sjøl stå for dette. Fylkeskommunen, Fylkesmannen ved miljøavdelinga og landbruksavdelinga kan gje råd og vil ha forvaltningsansvar i ei slik sak. Eit viktig føremål med reguleringsarbeidet er å sikra areal til framtidig avfalls- og gjenvinningsanlegg medrekna avfallsdeponi. Gjennom planarbeidet og i merknader frå Guro Bjørke som grunneigar, Bjørke Sandtak AS og Indre Hordaland Miljøverk (IHM) har det kome fram ulike syn på kven som bør driva desse anlegga. Administrasjonen meiner det er nok å fastleggja at arealet skal brukast til dei aktuelle føremål som er avfallsanlegg med gjenvinning og avfallsdeponi. Planforslaget viser kombinerte føremål med masseuttak, avfallsdeponi i tidsrekkefølgje og med avfallsgjenvinning eller landbruk som aktuell etterbruk. Dette er fastlagt i føresegnene og tidsfristane er tilpassa etter IHM si vurdering av kva tid arealet må vera tilgjengeleg for avfallsdeponering. Massetaket er i privat drift, avfallsdeponiet har det offentlege stått for ved Voss kommune og IHM. Avfallsgjenvinning har både Bjørke Sandtak AS og IHM drive etter eigne løyver som er gjevne av Fylkesmannen. Føresetnadene har vore at det må sikrast areal for framtidig avfallsdeponi og til avfallsanlegg med gjenvinning og mellomlagring, og det må kunna byggjast renseanlegg for sigevatn etter krav i løyve. Tildeling av eit slikt løyve skal gjerast av Fylkesmannen og bør kunna vera uavhengig av reguleringsplanen. Saksframstilling og vedtak med uttale til spørsmålet om konsesjon framgår av sak 0088/99 frå møte i FPL den 12.08.99. Framtidig drift krev tilgang til nødvendige areal. Skal IHM som interkommunalt avfallselskap sjøl stå for avfallshandtering og deponering må selskapet i tillegg til løyve ha avtale om areal eller løyve til oreigning dersom det vert nødvendig. Sidan avtalen med grunneigaren går ut
Side 6 av 6 ved årsskiftet 31.12.99 må det ved mangel av avtale også gjevast samtykke til førehandstiltreding i påvente av eit oreigningsskjøn. Dette er også Fylkesmannen sitt forvaltningsansvar. I planforslaget med føresegner er det i samsvar med 25 i plan- bygningslova fastlagt områder der eit reguleringsføremål etter ei tid skal gå over til eit anna føremål. Etter lova kan det avsetjast areal til kommunaltekniske anlegg som eit spesialområde til for eksempel avfallsanlegg. I dette ligg det ikkje at det må vera offentleg. Under byggeområder i 25 er det spesielt nevnt områder for effentlige ( statens, fylkets og kommunens ) bygninger med angitt formål. Det er ikkje noko i vegen for å regulera til kombinasjonsføremål med massetak, offentleg avfallsdeponi med etterbruk til ogffentleg avfallsgjenvinning eller til landbruk. Vi reknar då med at masseuttak og landbruk ikkje skal vera i offentleg regi. Kommunestytrevedtaket må då innehalda eit krav om slik endring. Administrasjonen har trekt den konklusjon at det ikkje er rett å fastleggja at arealet til avfallsanlegg på Bjørkemoen skal vera offentleg, men reknar med at dersom IHM får løyve til drift av avfalls- og gjenvinningsanlegg må nødvendig grunn kunna sikrast ved avtale eller ved oreigning slik at krav i eit slikt løyve kan oppfyllast, ved eige drift eller etter avtale. Guro Bjørke og Bjørke Sandtak A/S legg i fråsegn datert 30.08.99 også ein del vekt på høyringsutkast frå miljøverndep til endring av ureiningslova. Til dette skal administrasjonen merke: Det er i denne omgang tale om eit høyringsnotat. Om det vidare vil verte fremja og vedtatt ein Ot.prp er i dag uråd å vite, heller ikkje kor nær denne i tilfelle vil ligge opp til høyringnotatet. For det tilfelle at lova skulle verte endra i samsvar med høyringsnotatet, vurderare administrasjonen saka slik: Forslaget til reg.plan, slik dette er fremja frå admininistrasjonen si side, kjem på ingen måte i strid hverken med teksta eller intensjonane i slik endring av lova. Skulle kommunen velje å regulere dei omtvista areala til offentlege føremål, ville planforslaget berre i svært liten grad kunne kome i direkte konflikt med intensjonane i høyringsnotatet. Dette fordi lovforslaget først og fremst vil ha innverknad på innsamlinga av avfallet. Administrasjonen vil derimot ikkje sjå bort frå at slik utforming av reguleringsplanen også vil kunne forståast som synspunkt på kva ansvar kommunane i framtida bør ha for avfallbehandlinga totalt sett. Sett i slik samanheng kan det difor gjerne seiast å vere ein viss motsetnad til intensjonane i høyringnotatet.