MELAND KOMMUNE SAKSPAPIR Styre, komite, utval Møtedato Sbh. Saknr Formannskapet 08.12.2010 ALM 176/10 Kommunestyret 15.12.2010 ALM 118/10 Formannskapet 23.02.2011 ALM 022/11 Kommunestyret 30.03.2011 ALM 039/11 Avgjerd av: Kommunestyret Saksbeh.: Anne Lise Molvik Ansv. ALM Arkiv: N-102.1, N-132.7, N- Arkivsaknr 10/1972 UTLEIGE KOMMUNALE BYGG - REVIDERING AV BETALINGSSATSAR. Dokumentliste: Nr T Dok.dato Avsendar/Mottakar Tittel 2 I 25.11.2010. BETALINGSSATSAR UTLÅN KOMMUNALE BYGG FRÅ 01.11.1999. GODKJEND I KOMMUNESTYRET 13.10.1999. 3 U 19.01.2011 Rektor ved skulane; Styrar kommunale barnehagar; Komm.sjef Stein Flataker INTERN HØYRING - UTLEIGE AV KOMMUNALE BYGG. Saksutgreiing: Regelverket for utlån av kommunale bygg med betalingssatsar vart sist revidert i 1999, jf. vedtak i KS sak 093/99. Det er behov for ein gjennomgang av prisane for utleige generelt og særleg med tanke på Eldresenteret. I tillegg må det fastsetjast betalingssatsar for utleige av møterom, kantine og formannskapssal i den nye delen av rådhuset. Ei revidering av betalingssatsane må også sjåast i samanheng med Agenda-rapporten og arbeidet med Meland i balanse. Det er budsjettert med leigeinntekter på kr 30 000,- for kommunale bygg for 2011. Omfanget av utleige av Eldresenteret har endra seg sidan betalingssatsane sist var revidert. Den gongen vart Eldresenteret i hovudsak utleigd til bebuarane på sjukeheimen i samband med feiring av fødselsdagar. Leigesummen gjenspeilar også dette. I dag vert lokalet leigd ut til feiring av fødselsdagar, barnedåpar og konfirmasjonar m.m. til innbyggjarane generelt.
Det er inngått eigen samarbeidsavtale mellom Meland kommune og Meland Helselag om bruk av Eldresenter. Leigetakarane betalar leige til Meland kommune for lokala og til Meland Helselag for bruk av inventar og utstyr. Leiga til Meland kommune skal m.a. dekka utgifter til vask av lokalet, straum og forsikring av bygget. I gjeldande betalingssatsar står det at leiga skal samsvara med dei prisane som lagshusa nyttar. Møterom 1 og 3, kantina og formannskapssalen i rådhuset er tenkt nytta til utleige. Lokala har moderne utstyr til møteaktivitet og kantina har dekketøy til 80 personar. Tilkomsten til lokala er også tilrettelagt med tanke på at lokala skal kunne leigast ut. Vurdering: I samsvar med ordlyden i gjeldande betalingssatsar vil dei reviderte betalingssatsane i større grad samsvara med prisane for utleige av lagshus og andre utleigelokale. Ei revidering av satsane vil gje eit prisnivå ved leige av kommunale bygg som i større grad gjenspeilar utgiftene kommunen har til drift av lokala og som er mindre konkurransevridande i høve til utleige av lagshus og andre utleigelokale i nærområdet. Administrasjonen har gått gjennom gjeldande betalingssatsar og har følgjande forslag til endring: Pkt. 1: Inga endring. Pkt. 2: Inga endring av innhald, berre ei redigering. Første setning vert ståande. Andre setning som gjeld inntektsgjevande aktivitet vert teke med under første punktum, jf. punkt 8 b) som no går ut. Nytt punkt 2 vert då: Lag/organisasjonar får nytta skulebygga gratis til eigen aktivitet og inntektsbringande aktivitetar. Pkt 3. Inga endring, vert regulert gjennom lovverket. Pkt 4: Politiske parti har lånt lokale i kommunale bygg gratis til møter. Det er rimeleg at dei politiske partia får låna lokale i kommunale bygg gratis til medlems- og gruppemøter, men at dei betalar leige for anna bruk. Nytt punkt 4 vert: Politiske parti får låna kommunale bygg gratis til medlems- og gruppemøter. For øvrig partipolitisk aktivitet skal det betalast leige. Pkt 5: Ordlyden vert endra noko og justert i høve til dagens situasjon. Setningen om at leiga skal samsvara med dei prisane som lagshusa nyttar vert fjerna. Prisen vert no justert i samsvar med dette, jf. punkt 8. Samarbeidsavtale med Meland Helselag ligg føre og teksten vert redigert i høve til dette. Nytt punkt 5 vert For bruk av Meland Eldresenter til privat/kommersiell aktivitet skal det betalast leige. Det ligg føre eigen samarbeidsavtale mellom Meland kommune og Meland Helselag om bruk av Eldresenteret.
Pkt 6 gjeld kulturhistoriske bygningar. Inga endring. Pkt 7 Er ikkje aktuell og går ut. Nytt punkt 7 vil gjelda lokale for utleige i rådhuset. Ny ordlyd vert: Det skal betalast leige for bruk av møterom 1 og 3, kantina og formannskapssalen i rådhuset. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokale i rådhuset. Pkt 8 Prisar: Næringsverksemd/kommersiell verksemd: Endring av punktet som gjeld Eldresenteret: kr 3 000,- per arrangement. Nytt punkt Rådhuset: Møterom 1 og 3: kr 750,- Formannskapssal: kr 1 000,- Kantine kr 3 000,- Kantine m/ kjøkken: kr 4 000,- Private arrangement: Endring av punktet som gjeld Eldresenteret: kr 3 000,- per arrangement. Bebuarane på sjukeheimen og i omsorgsbustadane rundt får leiga Eldresenteret for kr 1 000,-. Rådhuset: Prisar som for næringsverksemd/kommersiell aktivitet. Partipolitisk aktivitet (ikkje medlems- og gruppemøter): For anna partipolitisk aktivitet enn medlems- og gruppemøter skal det betalast leige med ein sats av 50 % av prisane for næringsverksemd/kommersiell aktivitet. Andre: Fagforeiningar med tilknyting til Meland kommune skal betala leige på same vilkår som for anna partipolitisk aktivitet enn medlems- og gruppemøter. Pkt. 9 og 10: Ingen endringar, berre oppdateringar. ADMINISTRASJONEN - FRAMLEGG TIL VEDTAK: Kommunestyret godkjenner følgjande reviderte betalingssatsar for bruk av kommunale bygg: 1) Utleige/lån av skulebygg/barnehagar til private arrangement vert ikkje tillate. 2) Lag/organisasjonar får nytta skulebygga gratis til eigen aktivitet og til inntektsbringande aktivitet.
3) Bruk av skulebygg etter Lov om vaksenopplæring skal vera gratis. 4) Politiske parti får låna kommunale bygg gratis til medlem- og gruppemøter. For øvrig partipolitisk aktivitet skal det betalast leige. 5) For bruk av Meland Eldresenter til privat/kommersiell aktivitet skal det betalast leige. Det ligg føre eigen samarbeidsavtale mellom Meland kommune og Meland Helselag om bruk av Eldresenteret. 6) Inntektsbringande aktivitet ved bruk av kulturhistoriske bygningar vert fastsett ut frå bruk og utvikling. Inntekt frå denne bygningsmassen skal gå til vidareutvikling av tiltak knytt til dei kulturhistoriske områda. 7) Det skal betalast leige for bruk av møterom 1 og 3, kantina og formannskapssalen i rådhuset. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokale i rådhuset. 8) Næringsverksemd/kommersiell aktivitet: Gymsalar: Klasserom: kr 200,- per time, maksimum kr 800,- per dag. kr 100,- per time, maksimum kr 400,- per dag. Eldresenteret: kr 3000,- Rådhuset: Møterom 1 og 3: kr 750,- Formannskapssal: kr 1 000,- Kantine: kr 3 000,- Kantine m/ kjøkken kr 4 000,- Kulturhistoriske bygningar: Prisar vert fastsett av kulturkonsulent/drift-/vedlikhaldsleiar ut frå bruk/utvikling. Private arrangement: Eldresenteret: kr 3000,- Bebuarane på sjukeheimen og omsorgsbustadane rundt: kr 1 000,- Rådhuset: Møterom 1 og 3: kr 750,- Formannskapssal: kr 1 000,- Kantine: kr 3 000,- Kantine m/ kjøkken kr 4 000,-
Partipolitisk aktivitet (ikkje medlem- og gruppemøte): For anna partipolitisk aktivitet enn medlems- og gruppemøte, skal det betalast leige med ein sats av 50 % av prisane for næringsverksemd/kommersiell aktivitet. Andre med særlege reglar: Fagforeiningar med tilknyting til Meland kommune skal betala leige i samsvar med prisane for anna partipolitisk aktivitet enn medlems- og gruppemøte. 9) Innkrevjingsrutinar: Meland kommune ved økonomikontoret sender rekning til alle brukargrupper etter bestillingslister frå drift/vedlikehaldsavdelinga. a) Korttidsleige: Rekning vert send kvar gong. b) Langtidsleige: Rekning vert send kvar gong. Budsjettkonto: Alle leigeinntekter vert inntektsført på budsjettpost 16300.610. Leigeinntektene vert tilbakeført til vedlikehald av kommunale bygg. Skule: post 16300.610.2220 Eldresenteret: post 16300.610.2610 Rådhuset: post 16300.610.1300 10) Verknadstidspunkt: Betalingssatsane vert gjort gjeldande frå 01.01.2011. 08.12.2010 FORMANNSKAPET Framlegg til vedtak frå Lars Barstad, V: Saka vert utsett, og sendt tilbake til administrasjonen for ny gjennomgang. Utsetjingsframlegget vart samrøystes vedteke. FS-176/10 SAMRØYSTES VEDTAK: Saka vert utsett, og sendt tilbake til administrasjonen for ny gjennomgang.
15.12.2010 KOMMUNESTYRET Saka vert trekt. KS-118/10: FORMANNSKAPET 23.02.11: Administrasjonen har hatt ny gjennomgang av betalingssatsane for utlån av kommunale bygg med utgangspunkt i diskusjonen rundt saka i formannskapsmøtet 08.12.2010. Det var merknader i møtet til punkt 1 og 4 i administrasjonen sitt framlegg til vedtak og saka vart send tilbake til administrasjonen for ny gjennomgang. I punkt 1 i framlegget til reviderte betalingssatsar står det: Utleige/utlån av skulebygg/barnehagar til private arrangement vert ikkje tillate. Det kom forslag i møtet om at skulebygg/barnehagar skal kunne leigast ut til private arrangement som feiring av dagar og liknande arrangement. Reglane under punkt 7 i framlegget til betalingssatsar skal gjelda. Det vil seia at desse lokala ikkje skal leigast ut til festarrangement på kveldstid og at skjenkeløyve ikkje vil verta gjeve. Punkt 1 i betalingssatsane har ikkje vore endra sidan reglementet vart innført og administrasjonen fann ikkje grunn til å endra betalingssatsane på dette punktet ved revideringa. Då formannskapet sitt forslag til endring ikkje berre gjeld betalingssatsane, men også rører ved prinsippa for utleige av kommunale bygg, har saka vore på ei intern høyring. Det er kome munnleg tilbakemelding frå administrasjonen ved kommunalavdeling for kultur og oppvekst som meiner det er rimeleg at klasserom/opphaldsrom for barn/unge ikkje vert nytta til utleige til private, men at det er greitt at frivillige lag og organisasjonar låner slike rom etter avtale. Vidare meiner dei at nøytrale lokale som gym.salar, kantine, allrom og liknande kan leigast ut til private, men at slikt utlån må skje gjennom klare avtalar og til prisar som samsvarar med dei prisane som lagshus nyttar. Rektorane har også kome med tilbakemelding om at ein bør unngå utleige av klasserom til private arrangement, men at utleige til frivillige lag og organisasjonar, slik som no, er greitt. Vidare er tilbakemeldinga at nøytrale fellesareal kan leigast ut til private arrangement. Dei peikar i denne samanheng på at dei fleste skulane har reinhald om morgonen og at leigetakar kan koma til eit lokale som ikkje er reingjort ved utlån i helga. Eventuell avtale om reinhald fredag ettermiddag må vurderast i desse høva. Det har ikkje vore inngått faste avtalar om utlån av skulebygg i helgane med unnatak av utlån til lag som har hatt kampoppsett på helgedagar. Men kommunen har lånt ut skulebygg til enkeltarrangement som seminar, basarar, messer og liknande for lag og organisasjonar i helgene. Det er ikkje kravd betaling for desse arrangementa.
Det har kome førespurnader om feiring av barnebursdagar i kommunale bygg og førespurnader frå vennegjengar, nabolag m.m. om både tilfeldig og fast lån av skulebygg til ulike uorganiserte aktivitetar i vekene og i helgene. Desse førespurnadane har vore avvist med bakgrunn i punkt 1 i betalingssatsane. Dersom punkt 1 vert endra til også å gjelda utlån til private arrangement må dette gjelda nøytrale fellesareal og det må betalast leige. Prisane skal samsvara med den prisen lagshus nyttar og dekka meirutgifter med utlånet. Ved å opna for utleige til private arrangement må også førespurnader om lån til uorganiserte aktivitetar slik nemnd over takast med. Presset på lokala vil då auka. Det vil i denne samanheng vera viktig at prinsippet om at utlån til frivillige lag og organisasjonar skal prioriterast ligg fast. Reinhald skjer vanlegvis om morgonen og på dagtid. Med denne ordninga vil ikkje bygga vera klargjort mht reinhald til ei kvar tid. Dette må leigetakar gjerast merksam på. Ei utviding av ordninga med utleige av kommunale bygg vil gje ekstra kostnader til administrasjon og tilrettelegging for utlån, reinhald- og vaktmeisterteneste. Det kan bli mange enkeltsøknader og kvar leigetakar skal ha rettleiing mht. utstyr, nøklar, alarm, brannverntiltak m.m. Ekstraarbeid for reinhalds- og vaktmeistertenesta må dekkast innanfor eksisterande ressursar. Det er ikkje ressursar til å få utført ekstra reinhald fredag ettermiddag ved utlån i helga. Det har ikkje vore handsama søknader om å låna barnehagar. Desse lokala har heller ikkje tenleg utstyr for utleige og må, slik administrasjonen ser det, vurderast som ueigna for utlån. Administrasjonen kjem med framlegg om at nytt punkt 1 vert slik: Utleige/lån av nøytrale fellesareal i skulebygg til private arrangement vert tillate. Det skal betalast leige for slikt lån. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokala. Prisar for utleige av skulebygg til private arrangement vert å ta inn under punkt 8 i betalingssatsane. Pris for leige av klasserom går ut og punktet som gjeld leige av gym.salar vert endra til gym.salar og andre nøytrale fellesareal. Administrasjonen vil utarbeida oversikt over kva lokale som er aktuelle å låna ut til private arrangement på den enkelte skule og laga enkle rutinar for utlånet. I møtet 08.12.2010 var det også merknader til punkt 4 i betalingssatsane der administrasjonen kom med framlegg om at politiske parti skal betala for lån av lokale i kommunale bygg til anna partipolitisk aktivitet enn medlems- og gruppemøte. I punkt 4 i framlegg til reviderte betalingssatsar står det: Politiske parti får låna kommunale bygg gratis til medlems- og gruppemøte. For øvrig partipolitisk aktivitet skal det betalast leige. Bakgrunnen for å endra dette punktet er arbeidet som er begynt med å sjå på korleis ein kan dekka ein del av utgiftene ein har med drift av kommunale bygg og då særskild med tanke på moderne tilrettelagte bygg med mykje teknisk utstyr. I gjeldande betalingssatsar er ordlyden i punkt 4 følgjande:
Bruk av skulebygg til partipolitisk verksemd skal vera gratis. Kommunen har no fått fleire utleigelokale på rådhuset i tillegg til dei utleigelokala ein har hatt på skulane. Administrasjonen kjem med framlegg om at nytt punkt 4 vert behalde slik det i utgangspunktet var fastsett i betalingssatsane, men at skulebygg vert endra til kommunale bygg. Nytt punkt 4 vert då: Bruk av kommunale bygg til partipolitisk aktivitet skal vera gratis. Punktet som gjeld prisar for partipolitisk aktivitet under punkt 8 går ut. Punkt 8 som gjeld prisar for utlån må endrast som følgje av forslag til endringar over. I tillegg ser ein at todelinga av prisar med ein kategori for næringsverksemd/kommersiell verksemd og ein for private kan verka noko unaturleg då betalingssatsane er dei same. Administrasjonen kjem difor med forslag om å slå saman desse punkta. Prinsippet rundt prisfastsetjinga for utlån til fagforeiningar med tilknyting til Meland kommune vert behalde, men ordlyden vert endra då referansen til punktet partipolitisk aktivitet fell vekk. Elles er det gjort følgjande redigeringar i teksten - Punkt 5: I første setning er til privat/kommersiell aktivitet teke ut. Ny tekst vert då: For bruk av Meland Eldresenter skal det betalast leige. - Punkt 9: feil avskrift retta opp, dvs. at faktura vert send per halvår for langtidsleige. I tillegg er verknadstidspunkt, jf. punkt 10, foreslått endra til 01.04.2011. I framlegg til vedtak er endringane etter førre møte 08.12.2010 markert. ADMINISTRASJONEN - FRAMLEGG TIL VEDTAK: Kommunestyret godkjenner følgjande reviderte betalingssatsar for bruk av kommunale bygg: 1) Utleige/lån av nøytrale fellesareal i skulebygg til private arrangement vert tillate. Det skal betalast leige for slikt lån. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokala. 2) Lag/organisasjonar får nytta skulebygga gratis til eigen aktivitet og til inntektsbringande aktivitet.
3) Bruk av skulebygg etter Lov om vaksenopplæring skal vera gratis. 4) Bruk av kommunale bygg til partipolitisk aktivitet skal vera gratis. 5) For bruk av Meland Eldresenter til privat/kommersiell aktivitet skal det betalast leige. Det ligg føre eigen samarbeidsavtale mellom Meland kommune og Meland Helselag om bruk av Eldresenteret. 6) Inntektsbringande aktivitet ved bruk av kulturhistoriske bygningar vert fastsett ut frå bruk og utvikling. Inntekt frå denne bygningsmassen skal gå til vidareutvikling av tiltak knytt til dei kulturhistoriske områda. 7) Det skal betalast leige for bruk av møterom 1 og 3, kantina og formannskapssalen i rådhuset. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokale i rådhuset. 8) Prisar Lokale i skulebygg: Gymsalar og andre nøytrale fellesareal: kr 200,- per time, maksimum kr 800,- per dag. Eldresenteret: kr 3000,- Bebuarane på sjukeheimen og omsorgsbustadane rundt: kr 1 000,- Rådhuset: Møterom 1 og 3: kr 750,- Formannskapssal: kr 1 000,- Kantine: kr 3 000,- Kantine m/ kjøkken kr 4 000,- Kulturhistoriske bygningar: Prisar vert fastsett av kulturkonsulent/drift-/vedlikhaldsleiar ut frå bruk/utvikling. Særlege reglar: Fagforeiningar med tilknyting til Meland kommune skal betala leige for lån av lokale med ein sats av 50 % av prisane.
9) Innkrevjingsrutinar: Meland kommune ved økonomikontoret sender rekning til alle brukargrupper etter bestillingslister frå drift/vedlikehaldsavdelinga. a) Korttidsleige: Rekning vert send kvar gong. b) Langtidsleige: Rekning vert send kvart halvår. Budsjettkonto: Alle leigeinntekter vert inntektsført på budsjettpost 16300.610. Leigeinntektene vert tilbakeført til vedlikehald av kommunale bygg. Skule: post 16300.610.2220 Eldresenteret: post 16300.610.2610 Rådhuset: post 16300.610.1300 10) Verknadstidspunkt: Betalingssatsane vert gjort gjeldande frå 01.04.2011. 23.02.2011 FORMANNSKAPET Framlegg til nytt pkt. 4 frå Solbjørg Åmdal Sandvik: Kommunale bygg skal vera gratis for bruk til møteverksemd for politiske parti/grupperingar, fagforeningar med tilknytning til Meland kommune og for Soknerådet/Meland kyrkjelyd. Framlegg til endring frå Marie Morken: Private arrangement: Eldresenteret: kr 3000,- Bebuarane på sjukeheim og omsorgsbustader kr 1000,-. Framlegg til endring frå Sigmund Larsen: Private arrangement: Ta vekk setning: Bebuarane på sjukeheim og omsorgsbustadane rundt kr 1000,-.
Avrøysting: Framlegget frå Solbjørg Åmdal Sandvik vart samrøystes vedteke. Framlegget frå Marie Morken vart samrøystes vedteke. Framlegget frå Sigmund Larsen fekk 2 røyster for (FrP, SAM), 5 røyster mot, (H,AP,SP,V, FrP), og fall. FS-022/11 SAMRØYSTES FRAMLEGG TIL VEDTAK: Kommunestyret godkjenner følgjande reviderte betalingssatsar for bruk av kommunale bygg: 1) Utleige/lån av nøytrale fellesareal i skulebygg til private arrangement vert tillate. Det skal betalast leige for slikt lån. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokala. 2) Lag/organisasjonar får nytta skulebygga gratis til eigen aktivitet og til inntektsbringande aktivitet. 3) Bruk av skulebygg etter Lov om vaksenopplæring skal vera gratis. 4) Kommunale bygg skal vera gratis for bruk til møteverksemd for politiske parti/grupperingar, fagforeningar med tilknytning til Meland kommune og for Soknerådet/Meland kyrkjelyd. 5) For bruk av Meland Eldresenter til privat/kommersiell aktivitet skal det betalast leige. Det ligg føre eigen samarbeidsavtale mellom Meland kommune og Meland Helselag om bruk av Eldresenteret. 6) Inntektsbringande aktivitet ved bruk av kulturhistoriske bygningar vert fastsett ut frå bruk og utvikling. Inntekt frå denne bygningsmassen skal gå til vidareutvikling av tiltak knytt til dei kulturhistoriske områda. 7) Det skal betalast leige for bruk av møterom 1 og 3, kantina og formannskapssalen i rådhuset. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokale i rådhuset. 8) Prisar Lokale i skulebygg: Gymsalar og andre nøytrale fellesareal: Private arrangement kr 200,- per time, maksimum kr 800,- per dag. kr 2000,- per arrangement.
Eldresenteret: kr 3 000,- Bebuarane på sjukeheimen og omsorgsbustader: kr 1 000,- Rådhuset: Møterom 1 og 3: kr 750,- Formannskapssal: kr 1 000,- Kantine: kr 3 000,- Kantine m/ kjøkken kr 4 000,- Kulturhistoriske bygningar: Prisar vert fastsett av kulturkonsulent/drift-/vedlikhaldsleiar ut frå bruk/utvikling. 9) Innkrevjingsrutinar: Meland kommune ved økonomikontoret sender rekning til alle brukargrupper etter bestillingslister frå drift/vedlikehaldsavdelinga. a) Korttidsleige: Rekning vert send kvar gong. b) Langtidsleige: Rekning vert send kvart halvår. Budsjettkonto: Alle leigeinntekter vert inntektsført på budsjettpost 16300.610. Leigeinntektene vert tilbakeført til vedlikehald av kommunale bygg. Skule: post 16300.610.2220 Eldresenteret: post 16300.610.2610 Rådhuset: post 16300.610.1300 10) Verknadstidspunkt: Betalingssatsane vert gjort gjeldande frå 01.04.2011.
30.03.2011 KOMMUNESTYRET KS-039/11 SAMRØYSTES VEDTAK: Kommunestyret godkjenner følgjande reviderte betalingssatsar for bruk av kommunale bygg: 1) Utleige/lån av nøytrale fellesareal i skulebygg til private arrangement vert tillate. Det skal betalast leige for slikt lån. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokala. 2) Lag/organisasjonar får nytta skulebygga gratis til eigen aktivitet og til inntektsbringande aktivitet. 3) Bruk av skulebygg etter Lov om vaksenopplæring skal vera gratis. 4) Kommunale bygg skal vera gratis for bruk til møteverksemd for politiske parti/grupperingar, fagforeningar med tilknytning til Meland kommune og for Soknerådet/Meland kyrkjelyd. 5) For bruk av Meland Eldresenter til privat/kommersiell aktivitet skal det betalast leige. Det ligg føre eigen samarbeidsavtale mellom Meland kommune og Meland Helselag om bruk av Eldresenteret. 6) Inntektsbringande aktivitet ved bruk av kulturhistoriske bygningar vert fastsett ut frå bruk og utvikling. Inntekt frå denne bygningsmassen skal gå til vidareutvikling av tiltak knytt til dei kulturhistoriske områda. 7) Det skal betalast leige for bruk av møterom 1 og 3, kantina og formannskapssalen i rådhuset. Lokala vert ikkje leigd ut til festarrangement på kveldstid. Det vil ikkje verta gjeve skjenkeløyve i samband med utleige av lokale i rådhuset. 8) Prisar Lokale i skulebygg: Gymsalar og andre nøytrale fellesareal: Private arrangement kr 200,- per time, maksimum kr 800,- per dag. kr 2000,- per arrangement. Eldresenteret: kr 3 000,- Bebuarane på sjukeheimen og omsorgsbustader: kr 1 000,-
Rådhuset: Møterom 1 og 3: kr 750,- Formannskapssal: kr 1 000,- Kantine: kr 3 000,- Kantine m/ kjøkken kr 4 000,- Kulturhistoriske bygningar: Prisar vert fastsett av kulturkonsulent/drift-/vedlikhaldsleiar ut frå bruk/utvikling. 9) Innkrevjingsrutinar: Meland kommune ved økonomikontoret sender rekning til alle brukargrupper etter bestillingslister frå drift/vedlikehaldsavdelinga. a) Korttidsleige: Rekning vert send kvar gong. b) Langtidsleige: Rekning vert send kvart halvår. Budsjettkonto: Alle leigeinntekter vert inntektsført på budsjettpost 16300.610. Leigeinntektene vert tilbakeført til vedlikehald av kommunale bygg. Skule: post 16300.610.2220 Eldresenteret: post 16300.610.2610 Rådhuset: post 16300.610.1300 10) Verknadstidspunkt: Betalingssatsane vert gjort gjeldande frå 01.04.2011.