Plan- og samfunn Sakshandsamar: Torbjørn Hasund E-post: torbjorn.hasund@sfj.no Tlf: 57 65 62 73 Vår ref. Møtereferat - Regionalt planforum tysdag 25. oktober. Referent: Torbjørn Hasund Gje alltid opp vår ref. ved kontakt Internt l.nr. Dykkar ref. Områderegulering for Indre Øyrane Til stades: Berit Holme, Odd Harry Strømsli og Arve Seger - Førde kommune, Magna Vangsnes, Bjarte Sandal og Asgeir Furnes Statens vegvesen, Mari Severinsen, Tore Larsen, Gunn Tove Nyheim og Oddgeir Aardal FM SF, Terje Systad NVE, Annlaug Kjelstad og Torbjørn Hasund Sogn og Fjordane fylkeskommune. Bygg- og eigedomsavdelinga hjå FK ved Jan Tore Rosenlund var invitert. Dei hadde ikkje høve til å møte. Dei har sjølve bestilt og fått utarbeidd ei moglegheitsstudie som viser skulen sine behov, også for areal utover det dei har i dag. Dette materialet er Førde kommune kjend med. Møterom: Videomøte Storehagen Atrium Førde og fylkeshuset Leikanger. Annlaug introduserte. Presentasjonsrunde. Strømsli presenterte planarbeidet. Indre Øyrane har vore inne med utbyggingsføremål i overordna planar sidan 80-talet. Riksveg 5 Naustdalsvegen vert liggande slik den ligg. Tilkomst til Førdslia vert ikkje frå Indre Øyrane. Alle partar er einige om at Løken skal takast vare på, men ueinigheit om i kor stor grad ein legg inn tiltak som ikkje er foreinleg med Løken som naturområde. Samlokalisering av skulane til Indre Øyrane. Bustadbygging, sentrumsutvikling med kjøpesenter. Veg Vegen gjennom området skal vere ein (tiltak 12 i Førdepakken) skal vere ein avlastingsveg. Vegsnitt på 17 meter (vegbane, møbleringssone, fortau og sykkelveg). Dei ulike alternativa for avlastingsveg med sidevegar over området vart presenterte. Ein har enno ikkje gode nok trafikktal til å seie noko om behov for forbikøyringsfil i kryss. Alternativ 2 har fått dei beste skåra, og det er det alternativet kommunen går for. Bru over Løken Førde kommune og FM har vore i kontakt om dette før. For FM er alternativ 3 av kryssløysing det beste (1 og 4 dei minst ønskelege). Alternativa har vore opp i
eldrerådet, dei går for alternativ 1, av omsyn til eldrebustadane i området (nærføring og støy). Ved oppsummering av kriteria kjem alternativ 3 best ut, og det er det administrasjonen i Førde ser på som det beste. Politiakarane er einige. Førdepakken har eit litt anna alternativ, av omsyn til aldersheimen. Tilkomstmessig er alternativ 3 bra for aldersheimen. Vangsnes sa litt om dei ulike løysingane i høve ønska til Førdepakken. Larsen om dei ulike løysingane sine konsekvensar i høve fuglelivet. Konsekvensane av dei ulike alternativa er avhengige av kvarandre (mykje dersom atte viss). Om det parkområdet i vest kjem vert ikkje det å trekke bruløysinga lenger vest så skadeleg (då er det parken som er negativ for verdiane. Alternativet vegvesenet har lagt fram det beste i høve det biologiske mangfaldet. Om ikkje parkområdet kjem er det beste å trekkje det kryssinga lenger øst. Furnes - ein kombinasjon av 2 og 3 er det beste i høve estetikk, kortast og teknisk enklast og billegast. Lenger vest derifrå vert det vanskelegare. Vangsnes - vassgjennomstrøyming. Korleis dokumentere det? For vegvesenet sin del er det aktuelt å flytte djupålen for å få nok areal til fundamentering av bru. Systad det må gjerast slik at ein unngår problem med erosjon. Må og tenke på gjenmudring og at Løken vil endre seg over tid. Larsen i utgangspunktet så mykje opent rom under brua som mogleg. Ønskjer så kort spenn og inngrep som mogleg. Trekk ein brua lenger vest må ein sørge for at vatnet kan bevege seg, då vert det lenger bru. Strømsli - Multiconsult har også oppgåve å lage forvaltningsplan for Løken. Løken er på veg mot ei gjengroing på lang sikt. Larsen fordel med å få inn meir ferskvatn frå elva, ved ei evt. parkutvikling må vatnet ikkje hindrast. Djupål i vest er godt mogleg å få til. Seger flatt her, skal ein få til ei viss lysopning og avstand mellom bru og vatn vert ein avhengig av tjukkelsen på brukonstruksjonen. Og kort spenn gir ein tynnare brukonstruksjon enn eit langt spenn. Utbyggingsløysingar. Strømsli gjekk gjennom dei tre moglegheitsstudia Link arkitekter har gjort for utbygging og utnytting av området. Tettheita skal løysast på detaljreguleringsnivå, områdeplanen skal i høve dette avklare prinsippa. Vidaregåande skule og bygg- og eigedomsavdelinga hjå FK sitt syn i høve vidaregåande skule, jf over vart nemnd. Om utbyggingsplanane, og behov for trafikkavvikling, og tilhøvet mot Firda billag. Med ei gangbru over parken i vest vert gangavstand mellom skulen og billaget 300 350 meter, noko som er ei akseptabel avstand i høve dagleg transport til skulen. Kjelstad klargjorde FK samferdsleavdelinga sitt syn i høve dette, ei løysing med innkorta veg til Firda billag er akseptabel. Det er og busshaldeplassar langs rv 5, og det kan verte mogleg med nye (maks 2 bussar ståande i lengda per busshaldeplass).
Strømsli - valet mellom dei ulike alternativa vil vi vite meir om etter førstkomande møte i planutvalet. torsdag 3. november (?). Men det kan og verte aktuelt med å gå vidare med begge. Multiconsult vil raskt etter møtet i planutvalet, med avklaring av prinsippløysing, jobbe med å få fram konkrete tal på mengd bustader, og anna aktivitet her. Førdepakken treng slike tal i høve vidare planlegging av Naustdalsvegen. I Løken, sjølve våtmarksområdet, i aust og nord, tenkjer ein ikkje å leggje til rette for rekreasjon og vil avgrense tilkomst gjennom voll og kanal. Strømsli ønskte NVE på bana i høve høgde på området, flaumfare og havnivåstigning. Dei har fram til no tenkt at byggegrunnen skal leggast på 2,5 meter. Systad om havnivåstigning og grunnlagsdata. 2.50 meter er innafor krava som er sett i lov og forskrift. Når det gjeld sjukeheim kan det havne i ein høgare sikkerheitsklasse (F3) for flaum. Kommunen må difor sjekke opp om 2.50 er tilstrekkeleg høgd for den typen bygg dersom det blir aktuelt å bygge på Indre Øyrane. Severinsen viste til ny rettleiar, «Havnivåstigning og stormflo samfunnssikkerhet i kommunal planlegging (2016)». Høgda for tryggleiksklasse 2 og 3 i TEK 10 knytt til flaum og stormflo vil vere rundt 2,20 og 2,30. Kotehøgde for tryggleiksklasse F3 ligg rett over 2,30 (kva var namnet?); høgda for sikkerheitsklasse 2 og 3 i TEK10 vert rundt 2.20, noko lavare enn dei tala NVE operer med. Strømsli oppmoda fylkesmannen om innspel i høve løysingar av voll og kanal. Området er tenkt som ein buffer. FM - ikkje sterke meiningar om konkrete løysingar, men ideen om buffersone der ein heller ikkje aktivt legg til rette for ferdsel er god i høve omsyna til fuglelivet i Løken. Holme vil liten kanal ved voll ta vatn frå hovudkanalen? Larsen - kanalen er påverka mest av flo og fjøre. Det betyr at ein ikkje «stel» vatn frå hovudkanalen, men for å få vatn inn i kanalen må den gravast så djupt at vatn kjem inn. Diskusjon om biologisk tilhøve og om dette vert ein sump med problem knytt til lukt og insekt. Å få til dette på ein god måte krev mykje meir planlegging. Sunnfjord energi har ein trafostasjon nord i området inntil Løken. Trafoen må oppdimensjonerast, slik at arealet dei treng er det tredoble av det dei har i dag. I tillegg sikkerheitsområde (strålings- og eksplosjonsfare). Severinsen viste til dei attendemeldinga dei (Orheim) hadde gitt tidlegare, og tilbaud seg å vere kontakt ledd mot direktorat (DSB og Statens strålevern) vidare i prosessen. Kjøpesenter Gjennom endring av retningslinene for FDP arealbruk er det tenkt lagt til rette for å kunne bygge kjøpesenter i området. Det må gjerast ei heilskapleg vurdering gjennom revisjon av kommuneplanen. Innspel og skildring av syn på dette frå Kjelstad og Nyheim. I hovudsak er det tenkt kjøpesenter langs etter Naustdalsvegen, særleg i sør. Kjøpesenterinteressene vil ha kjøpesenter så langt sør i området som mogleg for å få tett tilknyting til eksisterande kjøpesenter i sentrum.
Strømsli Brulandsvellene vert lagt til rette for storhandel, og at ei utbygging her er tenkt å balansere dette, dra småhandelen inn mot sentrum. Om program for strategisk utvikling av sentrum. Premissane er ikkje lagde for dette arbeidet enno. Målet for strategien er å halde eit fokus på sentrum i høve bustadbygging og utvikling. Runden Severinsen om overvasshandtering. Viste til klimamodellering. Må gjerast gode vurderingar. Om kanalen - prinsippskissene ser bra ut, men ein må kome attende til det konkrete. Det særskilt spennandee er i kva det grad det er realistisk med desse kanalane. Nyheim grei gjennomgang, viste til at det er god løysing med at ein legg til rette med vidare detaljregulering. Strømsli det er lagt opp til at det for område med føremål kjøpesenter og føremål park vest i Løken skal vere ei god nok detaljering til at ein kan gå direkte på byggesak. Aardal landbruksareal sett av til annan arealbruk for lenge sidan, slik at det landbruket er opptatt av no her er høg utnyttingsgrad for å få utløyst behovet her og ikkje måtte ta i bruk andre landbruksareal. Difor var rådet mest mogleg urbant og fortetta, og ikkje så mykje blågrønt. Seger om at det er viktig for framdrift i Førdepakken at Naustdalsvegen vert ferdig regulert. For det treng ein avklaringar og tal knytt til utbygginga på Indre Øyrane som vil ha betydning for kva løysingar ein vel i reguleringsplanen. Kjelstad om kulturminne og standard prosedyre i høve det. Også om medverknad og optimalisering av kryssing av Løken. Saknar heilskaplege verdiar i høve utvikling av Førde vidare, inviterte seg inn i vidare prosessar med Førde kommune. Nemnde også at vi må ha tettare dialog mot bygg og eigedom. Sandal om at alternativ 2 for avlastingsveg / gate gjennom området er det beste. Også problemstillingar knytt til kryssing av Naustdalsvegen og samanhengen mellom Ytre og Indre Øyrane. Dette er tatt med i innspel til planprosess for Ytre Øyrane. Diskusjon om korleis dette skal løysast, det vil etter framtidig utvikling og fortetting på Ytre Øyrane verte generert meir trafikk som skal inn og ut på Naustdalsvegen. Strømsli - er det nokon som ser ei motsegn inn i framtida? Larsen utfordringa med å gje konkrete signal på det er at skissene er førebelse, og i dette tilfellet der det er verdfullt område opp mot utbygging må ein inn på detaljnivå for å sjå endeleg konfliktnivå. Sandal - dei attendemeldingane SVV har gitt tidlegare i prosessen må på plass, det kan verte aktuelt å bruk motsegn dersom ikkje. Strømsli viste plansje på framdrift. Ligg stort sett etter skissert framdrift, litt bak. Komplett leveranse av planframlegg frå konsulent er sett til medio februar. Ligg litt bak dette, truleg lagt ut til høyring før påske. Men og avhengig av vedtaket i fylkesutvalet om kjøpesenterforskrifta.