Det vert ikkje etablert busshaldeplass på ny veg over Indre Øyrane og Løken

Transkript

1 Førde kommune Arkiv: FA - L12 JournalpostID: 16/18152 Sakshandsamar: Holme, Berit Dato: Saksframlegg Saksnr. utval Utval Møtedato 061/16 Planutvalet /16 Planutvalet /16 Eldrerådet /16 Kom. råd for menneske med nedsett funksjonsevne Områderegulering Indre Øyrane - val av prinsipp for utbyggingsform og trafikkløysing Vedlegg i saka: Vedlegg 1 Utbyggingsform Vedlegg 2 Indre Øyrane trafikk Vedlegg 3 Innspel Vegvesen Førdepakken Vedlegg 4 Innspel Fylkeskommunen Vedlegg 4b Mulighetsstudie Øyrane skule Vedlegg 5 Innspel Berqvam Rådmannen sitt framlegg til vedtak: Planutvalet legg følgjande alternativ i Multiconsult sine skisser til utbyggingsformer for Indre Øyrane til grunn for den vidare planlegginga av området: Prinsippskisse «urban blågrøn utbygging» Alternativ 2 for trafikkutvikling Alternativ 3 for plassering av bru over Løken Det vert ikkje etablert busshaldeplass på ny veg over Indre Øyrane og Løken Plassering av dei ulike funksjonane, byggegrense, maksimal byggehøgde og tettleik i dei ulike områda må vurderast i det vidare arbeidet med planframlegget Eldrerådet Handsaming: Eldrerådet vil fremje slikt framlegg i saka: 1. Brualternativ over Løken: For å ta omsyn til bebuarane på Helsetunet er det for Eldrerådet berre alt. 1 som er aktuelt. Dette fordi vegen kjem så nær bebuarane, og trafikken vert truleg for sjenerande. 2. For Eldrerådet er det viktig at ein tek vare på Løken området, her er det særs viktig

2 at ein tek omsyn til både fugleliv, friluftsområde og historie. Eldrerådet meiner det bør settast av eit belte på om lag m. langs heile Løken. Då vil det vere plass til ein gang og sykkelveg på heile Løken området utan å forstyrre fuglelivet. 3. Skal Fylkeskommunen slå saman dei vidaregåande skulane er det då meir nærliggande å flytte Øyrane til Hafstad vidaregåande. Dette fordi det vil vere i nærleiken til Hafstadparken og Førdehuset, og ein vil då sleppe transportutfordringar. Det vil vere utvidingsmuligheiter på Hafstad. 4. Viktig å avsette nok areal på Indre Øyrane til helse og omsorg i framtida. 5. Eldrerådet ser det som viktig at det vert nedtrapping på høgder inn mot Løken. Ved kommunesamanslåing vil storkommunen få tilgang til meir areal som kan dekka mykje av behovet for framtidig vekst. 6. Viktig at Førdepakken har som prinsipp å ha adskilt gang og sykkelveg i planarbeid. ELDR-019/16 Vedtak: Samrøystes vedtak Kom. råd for menneske med nedsett funksjonsevne Handsaming: Samrøystes vedtak KRNF-017/16 Vedtak: KRMNF legg følgjande alternativ i Multiconsult sine skisser til utbyggingsformer for Indre Øyrane til grunn for den vidare planlegginga av området: Prinsippskisse «urban blågrøn utbygging» Alternativ 2 for trafikkutvikling Alternativ 3 for plassering av bru over Løken Det vert ikkje etablert busshaldeplass på ny veg over Indre Øyrane og Løken Plassering av dei ulike funksjonane, byggegrense, maksimal byggehøgde og tettleik i dei ulike områda må vurderast i det vidare arbeidet med planframlegget Planutvalet Handsaming: Det vart gjort framlegg om at saka vert utsett. Samrøystes vedteke PLAN-061/16 Vedtak: Saka vert utsett Planutvalet Handsaming: Ivar Svensøy la på vegne av AP fram slikt framlegg: 1. Området må byggjast ut med mål om mest mogeleg rasjonell utnytting, god estetisk og tilpassa arkitektur og byform, med eit moderne uttrykk. Eit viktig mål for

3 utbygginga må vere å leggje til rette for bustader til ein rimeleg kostnad, for unge og eldre, også for skuleelevar og pensjonistar. 2. Bru over Løken blir løyst etter alternativ 3, slik den er omtala i kommentar frå Statens vegvesen. Andre løysingar, for eksempel over Firda Billag, skal vurderast opp i mot brualternativ 3 før dette vert landa. 3. Det skal snarast mogeleg lagast ei skisse til løysing av parkering og trafikk i området kring Sjukeheimen, pensjonistheimen og Røde Kors-bygget fram til krysset ved Coop Mega. 4. Vidare utbygging av Indre Øyrane bør skje etter "prinsippet for urban utvikling" med områda langs Naustdalsvegen, medrekna området aust for Øyrane vgs og det som er tiltenkt offentleg/helse. Området avsett til låg utbygging langs Løken skal ein vente med for seinare utbygging. 5. Vi føreset at utbygginga vert "rulla ut" frå Naustdalsvegen og austover. 6. Den breie kanalen gjennom byggeområdet må bli særskilt vurdert med omsyn til kostnad og funksjonalitet. 7. Planane for utbygging av Indre Øyrane må bli samordna med Sentrumsplanen, slik at ein kan få ei heilskapleg utbygging av Sentrum og dei sentrumsnære områda. Det vart gjennomført gruppemøte. Etter gruppemøtet vart det lagt fram fylgjande framlegg: Gunn Merete Paulsen (V): Endra pkt 7: Planane for utbygging av Indre Øyrane må ta omsyn til Sentrumsplanen og dei føringane som blir lagt der, slik at ein kan få ei heilskapleg utbygging av sentrum og dei sentrumsnære område. Endra pkt. 4: Vidare utbygging av Indre Øyrane bør skje etter prinsippskisse "urban blågrøn utbygging" men med høgare utnyttingsgrad Turid Vallestad (SV): Vidare utbyggingsform for indre Øyrane må jobbast vidare med. Førde kommune bør knyte til seg ressursar innafor samfunnsplanlegging for å avklare korleis området kan utnyttast til beste for Førde. Ein samfunnsplanleggar bør også arbeide med sentrumsplanen for Førde. Bjørn Harald Haugsvær (Krf) Endra pkt. 3: I samband med reguleringsarbeidet for Langebruvegen skal det lagast ei skisse til løysing i området kring Sjukeheimen, Pensjonistheimen og Røde Kors-bygget fram til krysset ved Coop Mega. Det vart først røysta alternativt over Vallestad sitt framlegg og nytt pkt. 4 (Paulsen) Turid Vallestad sitt framlegg: 1 røyst Gunn Merete Paulsen sitt framlegg: 8 røyster Framlegget frå Ivar Svensøy: Pkt. 1: Samrøystes Pkt. 2: Samrøystes (2. setning i framlegget vart trekt) Pkt. 3: Samrøystes (Haugsvær sitt framlegg) Pkt. 5: Samrøystes Pkt. 6. Samrøystes Pkt. 7: Samrøystes (Paulsen sitt framlegg) Det vart deretter røysta over rådmannen sitt framlegg utan strekpunkt 1 og 3 samt 2. setning om busshaldeplass. Dette vart samrøystes vedteke.

4 PLAN-063/16 Vedtak: Planutvalet legg følgjande alternativ i Multiconsult sine skisser til utbyggingsformer for Indre Øyrane til grunn for den vidare planlegginga av området: Alternativ 2 for trafikkavvikling Plassering av dei ulike funksjonane, byggegrense, maksimal byggehøgde og tettleik i dei ulike områda må vurderast i det vidare arbeidet med planframlegget 1. Området må byggjast ut med mål om mest mogeleg rasjonell utnytting, god estetisk og tilpassa arkitektur og byform, med eit moderne uttrykk. Eit viktig mål for utbygginga må vere å leggje til rette for bustader til ein rimeleg kostnad, for unge og eldre, også for skuleelevar og pensjonistar. 2. Bru over Løken blir løyst etter alternativ 3, slik den er omtala i kommentar frå Statens Vegvesen. 3. I samband med reguleringsarbeidet for Langebruvegen skal det lagast ei skisse til løysing i området kring Sjukeheimen, Pensjonistheimen og Røde Kors-bygget fram til krysset ved Coop Mega 4. Vidare utbygging av Indre Øyrane bør skje etter prinsippskisse "urban blågrøn utbygging" men med høgare utnyttingsgrad 5. Vi føreset at utbygginga vert "rulla ut" frå Naustdalsvegen og austover. 6. Den breie kanalen gjennom byggeområdet må bli særskilt vurdert med omsyn til kostnad og funksjonalitet. 7. Planane for utbygging av Indre Øyrane må ta omsyn til Sentrumsplanen og dei føringane som blir lagt der, slik at ein kan få ei heilskapleg utbygging av sentrum og dei sentrumsnære område. Saka gjeld: Det er varsla start av områderegulering Indre Øyrane, og bystyret fastsette planprogrammet for Indre Øyrane den Den gjorde Planutvalet følgjande vedtak: «Notat dagsett frå Multiconsult vert teke til vitande. Planutvalet rår til at ein kombinasjon av naturområde og tilrettelegging for enkel bruk av delar av området vert ført vidare i planarbeidet med indre Øyrane.» Det er framlegg om at våtmarksområdet vert skild ved ny bru over Løken slik at nordleg og austleg del av Løken vert eit naturområde og sørleg del vert meir tilrettelagd som t.d. park. Multiconsult (MC) har utarbeidd 3 alternative utbyggingsformer av Indre Øyrane, urbant, blå-grønt, og eit fritt utbyggingsalternativ illustrert i 3D, sjå vedlegg 1. Desse alternativa vert no lagt fram for planutvalet med tilråding til kva alternativ som skal arbeidast vidare med. Prinsippa i det valde alternativet vil vere førande for utarbeiding av planframlegget. Saksutgreiing:

5 Multiconsult har utarbeidd to alternative trafikkløysingar, alternative plasseringar av bru og tre alternative utbyggingsformer. Alle løysingane er vurdert etter ulike tilhøve, og er presentert grunneigarar, Førdepakken, fylkeskommunen v/bygg og eigedomstenesta på eit møte. Det er kome tre innspel. Multiconsult har gjeve ei tilråding, men kommunen avgjer kva alternativ som skal arbeidast vidare med. Arealbruken knytt til det valde alternativet skal konsekvensutgreiast før framlegg til områdeplan vert handsama politisk for høyring og offentleg ettersyn. Vurdering: Trafikkløysing: Vegstandard, vegstruktur og lokalisering av ny bru over Løken vil vere viktige element for byutvikling på Indre Øyrane. Vegstandarden er sett til gateutforming etter Statens vegvesen si handbok N100. Planutvalet har i møte den lagt til grunn korleis vegnett for gåande og syklande skal formast i Førde. Det betyr m.a. at det skal etablerast sykkelveg på eine sida av gatenettet. Tal kryss og plassering av desse vil avgjere gatebreidde på strekninga. Gata over Indre Øyrane til Langebrua i aust er vurdert som lite aktuell for busstransport. Årsak til dette er krysset Storehagen/ Langebruvegen. Svingeradius i krysset er i dag for knapp i høve bussar. Busslinjene vert difor rådd til å følgje Rv. 5, Storehagen/ Angedalsvegen frå/ til rutebilstasjonen. I Førdepakken er vegen over Indre Øyrane føresett som ein avlastningsveg for trafikkmengda på Rv 5 og Storehagen. Når denne intensjonen vert etterfølgd, vil avlastingsvegen kunne løyse ut utbyggingspotensiale i Førde sentrum. Det er vurdert to alternativ for gatestruktur. Fleire tilhøve som vegstandard, avlastningsveg, trafikkavvikling, tryggleik, g/s vegnett, veguttrykk og byform, er vurdert for begge alternativa, sjå vedlegg 2. Alt 2 får flest beste skår, medan alt. 1 får best skår på intern trafikkutvikling. Alt. 1 viser gatenett frå ei hovudgate, medan alt. 2 viser separat løysing for biltrafikk med fullstendig gatenett for gåande og syklande. Alternativ 1

6 Alternativ 2

7 Multiconsult gjev følgjande tilråding: «Begge alternativa er bra for Indre Øyrane, mens den nye vegen vil ha fordel av færrast mogleg kryssingar av bilvegar. Alternativ 2 skårar klart best, og vil gje gode tilhøve både for gjennomgangstrafikken på ny veg og intern byutvikling på Indre Øyrane. Begge alternativa kan utviklast til tradisjonell kvartalsstruktur, men og andre formar for lineære eller mjukare formar for bystruktur. Alternativ 2 gjev spennande høve til ny og miljøvennleg bystruktur for sykkelbyen Førde, og alternativ 2 vert tilrådd.» Rådmannen meiner at det er viktig med god intern trafikkavvikling. Gjennomgåande gater mellom områda nord og sør vil gje korte avstandar for køyretøy til Øyranevegen, men mange kryss kan føre til større trafikk og kødanning i retning aust-vest på Øyranevegen. Tilhøva for gåande og syklande vil vere betre med kortare avstandar og fleire g/s vegar slik

8 det er i det 2. alternativet. Førdepakken og Sykkelbyen har signalisert at det 2. alternativet er å føretrekke av omsyn til avlastning på Rv. 5 og for gåande og syklande. Linja nord-sør frå Firda Billag over Løken og vidare over Øyrane ligg inne i alle alternativa, men er ikkje vurdert i høve bru for køyreveg. Dette må vurderast nærare i planarbeidet. Bru over Løken Det er vurdert fire plasseringar for bru over Løken. Tilhøve som trafikkflyt, sjukeheim, aksar, Løken m.m. er vurdert, sjå vedlegg 2. Når det gjeld tilhøve til Helsetunet vurderer Multiconsult at alt. 1 ikkje vil legge føringar for helsetunet si utvikling, medan alt 2 vil legge føringar for helsetunet si tilkomstsone, og alt 3 og 4 vil legge føringar for Helsetunet si utvikling. Multiconsult rår til følgjande: «Alternativ 1, 2 og 3 er alle gode alternativ med ulike fordelar og ulemper, og for mange av dei vurderte tema er skilnadane små. Alternativ 1 er best på trafikk og dårleg for Løken, mens 2 og 3 er best på bystruktur og utnytting. Alternativ 4 kjem klart dårlegast ut, og vert ikkje tilrådd. Byutvikling av Indre Øyrane og ivaretaking av Løken er prioriterte mål og alternativ 3 vert tilrådd.» Statens vegvesen har skissert førebels plasseringar av brua over Løken.

9 Statens vegvesen si skisse for bruplassering alt. 1 nordre del av brua trekt noko mot aust. Statens vegvesen si skisse for bruplassering alt. 3 der vegen er flytta ut frå Helsetunet.

10 SVV; Alt. 3 samle tilkomsten til hovudinngangen Rådmannen legg vekt på at brua skal vere ei god løysing for utbygging av Indre Øyrane, samtidig som tilhøva ved Helsetunet skal takast omsyn til. Ny veg med bru over Løken vil føre til auka trafikk forbi Helsetunet. Alt. 1 vil vere det beste med omsyn til Helsetunet, men av omsyn til Løken, bystruktur og lengde på brua, vurderer rådmannen alt. 1 som uaktuelt. Både alt. 2 og 3 vil føre trafikk forbi Helsetunet. Støysituasjonen vil vere mykje lik for begge alternativa. Alt 3 vert vurdert best for utvikling av Løken, og avvikling av interntrafikk med mindre svingrørsle ved Helsetunet enn alt. 2. Trafikken på alt. 2 vil svinge vestover ca. 35 meter før alt. 3. Det vil vere viktig for Helsetunet at konsekvensane ved dei ulike plasseringane av brua vert utgreidd i det vidare arbeidet. Rådmannen vurderer under tvil å rå til alt. 3. Utbyggingsform: Multiconsult har fått i oppdrag å lage tre alternative skisser for utbygging av Indre Øyrane. Innspela frå ideverkstaden den , og vurdering av bruk av Løken, skal danne grunnlag for utarbeiding av dei 3 alternativa. Skissene skal vise løysingar for urban, blågrøn og eit fritt utbyggingsalternativ. Dette er ein kreativ fase der det er arbeidd breitt med naturomgjevnadane, veg-, volum-, planskisser, m.m. Skissene vert illustrert i 3D format, sjå vedlegg 1. Alternativ 1 Urban utbyggingsform

11 Alternativ 2 Blågrøn utbyggingsform Alternativ 3 Urban blågrøn utbyggingsform

12 Den urbane løysinga viser ein tilnærma tradisjonell kvartalsstruktur med aksar aust-vest skrådd mot kyrkja, og forlenga aksar nord-sør frå sentrum. Den blågrøne løysinga har ein oppløyst struktur med kanalar og elvar gjennom området, samt meir grøntareal i nord og aust. Den urbane blågrøne løysinga viser ein kombinasjon av dei to første. Alle alternativa viser same prinsipp i høve: - Høgare bygg i vest mot Naustdalsvegen, og lågare bygg mot Løken - Ein køyreveg gjennom området med bru over Løken - Gang-/sykkelveg og ny kanal i nord og aust er ny grense mot Løken - Naturområde i nord og aust - Park i sør Den blågrøne løysinga skil seg ut ved ein oppløyst og mjukare struktur. Den nordlege gata bryt noko med siktlinjer mot kyrkja, men rådmannen vektlegg ikkje dette vesentleg då siktlinjene mot kyrkja skal haldast i det vidare arbeidet. Elles held skissa fast på nord-sør akse frå sentrum. Det er fleire nye kanalar og elvar, meir grøntareal i nord og aust. Multiconsult rår til følgjande: Alternativ 3 (urban blågrøn utbygging) vert tilrådd fordi: - Kvartalsstrukturen i sør koplar seg på dagens bystruktur i Førde sentrum. - Kvartala langs Naustdalsvegen byggjer vidare på dagens næringsstruktur. - Hovudvegane aust-vest er aksar mot- og markerer kyrkja og det gamle Førde - Dei skrå hovudaksane endrar litt på kvartalsstrukturen og markerer at Indre Øyrane er eit viktig naturområde med sterke landskapsformar grunna Løken og åssidene. Gjev Indre Øyrane ein eigen karakter. - Ein oppløyst og meir organisk struktur i aust tydeleggjer Løken og vatnet si sterke identitet for Indre Øyrane - Nye kanalar kan skjerme våtmarka og gje byggjeområda ein unik kvalitet; nærast som ei merkevare. Grøne areal vil verte ein buffer mot Løken. - Skulen kan utvidast mot aust på eigen tomt og på andre sida av internvegen. Kanal

13 skaper skilje mot bustad. - Parken i sør bind nytt og eksisterande saman og gjev eit blikk inn i bydelen frå folksame Naustdalsvegen. Byparken kan óg gje kvalitetar til næringsbygga. Rådmannen legg vekt på at området sin karakter, som naturtypen våtmarksområde med Løken, skal takast vare på, samtidig som det skal leggast til rette for høg utnytting av området. Rådmannen meiner at ei forlenging av urbant sentrum i Indre Øyrane er aktuelt langs Rv. 5, medan områda langs Løken vert tilpassa ei blågrøn utbygging med m.a. lågare tettleik. Rådmannen er såleis samd i at ei urban blågrøn utbygging vil ta vare på området sin karakter, og legg til rette for ei høg utnytting. Plassering av dei ulike funksjonane, byggegrense, maksimal byggehøgde og tettleik i dei ulike områda er ikkje drøfta i arbeidsgruppa. I arealdelen sin volumstudie 3 for sentrum heiter det m.a.: «Mogelege byggehøgder på alle tomter er opptil 6/7 høgder på maks 30 % av grunnflata.» I tillegg er det rådd til nedtrapping av etasjar og grad utnytting mot vassdrag. Rådmannen meiner at funksjonar, byggegrense, tettleik, byggehøgder, plassering av bekk/ elv, voll m.m. må drøftast vidare i arbeidet med planframlegget. Kjøpesenter Rikspolitiske retningslinjer for kjøpesenter og fylkesdelplan for arealbruk vedteke i 2000 legg føringar for plassering av kjøpesenter. Ei avgrensa revidering av fylkesdelplan arealbruk retningslinjer for lokalisering av handel og kjøpesentra er sendt på høyring. Planutvalet gjorde følgjande vedtak den : «Førde kommune sluttar seg til Fylkesutvalet sitt framlegg til nye retningsliner for lokalisering av handel og kjøpesentra i samband med rullering av Fylkesdelplan for arealbruk, jf. vedtak med følgjande atterhald: For å kunne realisere storhandelspark på Brulandsvellene samt kjøpesenter på eit avgrensa område på Indre Øyrane, må andre avsnitt i kap. 3.4 i forslag til retningsliner (vedlegg 3) endrast til: I tillegg kan det i Førde, som er definert som fylkessenter, etablerast handelspark utanfor område avsett til sentrumsområde, men då innanfor det området som er definert som Førde tettstad i kommuneplanen for Førde kommune sin arealdel vedteken » Saka skal handsamast i fylkesutvalet den 17. oktober, med framlegg om ny høyring med frist Det er framleis eit mål om vedtak i Fylkestinget i desember. Etablering av kjøpesenter med samla bruksareal over 3000 m2 i sørleg del av Indre Øyrane, føreset at fylkestinget vedtek at retningslinjene for lokalisering av handel og hkjøpesenter i fylket vert i samsvar med innspel frå Førde kommune, eller vert i samsvar med framlegget frå fylkesrådmannen om at grensa for sentrum kan fastsettast i reguleringsplan. Samlokalisering av vidaregåande skular og fagskule på Indre Øyrane I juni blei det kjent at det kan bli aktuelt å samle to vidaregåande skular og fagskulen i Førde på Øyrane. Førde kommune har etterlyst innspel, og har hatt fleire møter med fylkeskommunen. Det er ikkje gjort vedtak om samlokalisering, men fylkeskommunen har starta ei utgreiing. I møte med fylkeskommunen er det vist til m.a. rammer sett i arealdelen til kommuneplanen i høve utvidingsareal, aksar nord-sør, utbyggingsvolum og tettleik. Rådmannen meiner det er viktig å legge til rette for utviding av skulen på Indre Øyrane i samsvar med føringar i arealdelen, men det er også viktig at fylkeskommunen legg til grunn høg grad av utnytting. Park i sør Arealet ved sørleg del av Løken er vist som parkområde i alle utbyggingsalternativa. Det er

14 ulike meiningar om grad av inngrep og utbygging i området. Ei utbygging som forlenger eksisterande næringsareal vil gje høg utnytting og meir bygningsmasse, men kan også oppfattast massivt og dominerande. Ein park kan også binde saman næringsareal, og opne opp for ein interessant og attraktiv kvalitet for næringsområda. Etablering av park vil truleg føre til at hettemåke-bestanden (raudlistekategori sårbar) vil bli borte, men rådmannen meiner at ein park vil halde på den verdfulle naturtypen og den blågrøne karakteren, og vil vere attraktiv for innbyggarane i Førde. Planområde i vest vert å vurdere i arbeidet vidare med planframlegget. Innspel - merknad Statens vegvesen v/førdepakken opplyser at det er viktig å få avklart vegtrase med bruplassering, nye kryss, normalprofil og kollektivtrafikk innan utgangen av oktober 2016, dersom framdrifta for byggestart av vegen over Indre Øyrane (tiltak 12) skal halde. Endringar etter 1. nov fører til at prosjektet ikkje kan halde planlagd framdrift. Dei rår til einsidig sykkelveg over Indre Øyrane som vil høve best med systemet i Langebru-vegen. Dei ber om tilbakemelding på om møbleringssone i gata skal vere breiare enn 1,5 m. Fleire kryss på Indre Øyrane vil føre til at trafikkavviklinga langs den nye vegen vert dårlegare, og den vil i mindre grad avlaste Rv. 5 og Storehagen. Plassering av bru som synt i alt. 3, er den beste som gjev kortaste kryssing. Brua er plassert noko lenger frå Helsetunet enn skisse frå Multiconsult. Alt 3 gjev betre tilkomst nord for Helsetunet enn alt. 2. Fylkesmannen sine signal tyder på aksept for alt. 3. Førdepakken må sørge for at kollektivløysinga til dagens skule på Indre Øyrane fungerer når ny veg opnar, og før resten av Indre Øyrane er bygd ut. Eksisterande busslomme ved Rv. 5 kan truleg forlengast til å ta imot 2 bussar samtidig. I dag er det trong for 3-4 bussopp-stillingsplassar samstundes i følgje fylkeskommunen. Statens vegvesen ynskjer ikkje 4 buss-oppstillingsplassar etter kvarandre langs Rv. 5. Truleg vil dei føreslå ei kombinasjon av 1-2 bussar langs Rv. 5 og dagens snuplass for bussane (ligg i søraustleg hjørne av eigedomen til fylkeskommunen). Ei ev. løysing for bussar kan vere veg frå nordleg rundkøyring på Rv. 5. Rådmannen sin kommentar: Innspela fell i hovudsak saman med rådmannen si vurdering. Løysing i høve eksisterande rutebilstasjonen er ikkje omtala av SVV, men rådmannen meiner at dette er ei aktuell løysing som må vurderast i det vidare planarbeidet. Sogn og Fjordane fylkeskommune v/bygge- og eigedomstenesta opplyser at det er sett i gang vurderingar om at skulestrukturen for dei vidaregåande skulane i Førde skal samlast. Det er ikkje gjort vedtak om samlokalisering. Samlokalisering vil gje betre arealutnytting, fleire stordriftsføremoner og god ressursutnytting (kompetanse, utstyr og areal). I tillegg kjem positive effektar for den fagleg - pedagogiske drifta, og det positive med å samle elevgruppa i eit miljø. Det kan bli ca elevar og ca. 200 tilsette. Det er viktig for dei at område-reguleringa legg rammer som gjer det mogleg å utvikle den vidaregåande skulen i høve løysingar som gjev forsvarleg økonomi i prosjektet. Dei opplyser at førebelse vurderingar viser at dei kan få eit samla arealbehov på Indre Øyrane på litt over det doble av det som er i dag. Områdereguleringa må ta omsyn til dette. Det er ein føresetnad at dei får bygge vidare med omsyn og respekt for eksisterande utbyggingsprinsipp, jf. moglegheitsstudie med m.a. utviding i nord og aust. Dei ynskjer primært ei vidare utbygging mot aust. Dei føreset at utbygging av Øyranevegen (Førdepakken) vidarefører dagens løysing for buss og tilkomst til dagens parkering for den vidaregåande skulen. Ei langsiktig løysing er etablering i vest og aust. Løysing på rutebilstasjon føreset ny gangveg i direktelinje (m.a. gangbru over Løken) mot skulen. Moglegheitsstudien peikar på at det er viktig å sikre gode, effektive, miljømessige og trafikk-trygge løysingar. Det er ynskje om at parkeringskravet vert sett som for sone 1, og

15 at krav til sykkelparkering synest høgt med 1000 syklar. Det er vist ei løysing med utviding av bygge-areal med fleire bygg i ei etasje i nord og eitt bygg i fire etasjar i søraust. I tillegg er det skissert eit idretts-/samlingsbygg i nordaust. Det er skissert ny køyreveg i nord og aust. Busshaldeplass er vist i aust og vest. Dei føreset at aksen i nord ikkje skal gå gjennom eksisterande bygningsmasse. Rådmannen sin kommentar: Eigedomen er i dag ca dekar, og bruksarealet (BRA) er på ca m2. Hovudbygget er på tre etasjar medan dei andre bygga er ein og to etasjar. Det vert opplyst at det kan bli trong for nytt BRA m2, dvs. bygningsmassen må doblast. Utbygging av jordbruksareal krev høg utnytting av Indre Øyrane. Arealplanen sin volumstudie for sentrum viser at det er aktuelt med bygg på opptil 6/7 etasjar i sentrum. Aksane nord-sør frå sentrum var lagt inn i reguleringsplan vedteke i 1988 (no utgått), og er fastsett i arealdelen. Rådmannen legg vekt på at utvikling av skulen på Øyrane er ynskjeleg. Ei fortetting og utviding av skulen må ta omsyn til prinsippa om høg utnytting, og aksen nord-sør som er fastsett i arealdelen. Rådmannen er positiv til utviding av skulen austover så lenge aksen nord-sør vert etablert. Likeeins er aksen i nord retta mot kyrkja ein viktig premiss. Løysingar for busshaldeplass må vurderast i det vidare arbeidet. Torbjørn Berqvam, grunneigar gbnr. 21/25 ynskjer høg utnytting. Han viser til at området nord for Firda Billag har mista mykje av tidlegare kvalitetar. Utbygging av arealet nord for kanalen vil knyte det planlagde næringsarealet på Øyrane saman med sentrum langt betre enn om det vert lagt park mellom. Han viser til at skissene viser breitt fri-/grøntareal mot Løken og i tillegg til gang-/sykkelveg i byggeområde, noko som reduserer byggeareal. Han viser til at våtmarksområdet er ca. 60 dekar med ei gjennomsnittleg breidde på 70 m. Dette er tilstrekkeleg stort til at omsynet til fuglelivet vil vere teke god i vare utan ekstra krav til breidde på grøntareal mot våtmarksområde. Han meiner det vil vere nokså meiningslaust å opparbeide Løken som eit attraktivt område med rikt fugleliv, og hindre folk i å gå langs Løken og sjå det. Han meiner at plassering av park på austre del vil vere vesentleg betre enn nord for Firda Billag. Han viser til at hettemåke, fiskemåke og gråmåke greier seg godt i indre byområde og parkar. Rådmannen sin kommentar: Plassering av dei ulike funksjonane, byggegrense, maksimal byggehøgde og tettleik i dei ulike områda må vurderast i det vidare arbeidet med planframlegget. Oppsummering: Rådmannen vurder at ei urban blågrøn utbyggingsform vil i hovudsak ta vare på våtmarksområdet Løken, samtidig som det vert ei forlenging av ei urban byform frå sentrum langs Rv. 5. Prinsippa med skild biltrafikk i nord og sør, og lokalisering av bru nord for Helsetunet vert arbeidd vidare med i planframlegget. Rådmannen legg vekt på at utvikling av skulen på Øyrane er ynskjeleg. Ei fortetting og utviding av skulen må ta omsyn til prinsippa om høg utnytting, og aksen nord-sør som er fastsett i arealdelen. Løysing for kollektivtrafikk må det arbeidast vidare med, men det vil ikkje bli busshaldeplass på ny veg over Indre Øyrane (Øyranevegen) og Løken. Plassering av dei ulike funksjonane, byggegrense, maksimal byggehøgde og tettleik i dei ulike områda må vurderast i det vidare arbeidet med planframlegget. Statens vegvesen ved Førdepakken har planar om byggestart av vegen og brua hausten 2018 dersom tidsramma vert fylgd. Når denne vegen og brua er klar, kan utbygging av området starte. Området er stort, og det er uvisst kor lang tid det vil ta å bygge ut heile området. Truleg vil det bli utbygd etappevis.

16 Førde, den Ole John Østenstad rådmann Odd Harry Strømsli plan- og byggesjef