Februar har vore ein innhaldsrik månad. I byrjinga med fokus retta mot samefolkets dag, for så å gå over til fokus retta mot karneval. Mange opplevingar, mykje kreativitet og læring. Tema elles denne månaden har vore kjensler og empati. Barna skal få høve til å kjenne på ulike kjensler, verta møtt med forståing, men også få byrjande forståing for andre sine kjensler og behov. Typisk for februar er at omgangssjuka, augekatarr og influensa kjem over oss. Dette har også vore tilfelle dette året. Me vonar dette snart går over og at me snart får dagar der alle er på plass til nye spanande aktivitetar som ventar oss. Dagane våre vert i stor grad styrt av barna og deira behov, men fire dagar i veka har me også tilrettelagte aktivitetar. Me går tur, har samlingar, småprosjekt, relasjonsgrupper og diverse formings- og sanse- aktivitetar der barna får prøve ut ulike teknikkar og material m.m. Me undrar oss saman om kvardagslege ting og ting me møter på vegen i løpet av dagen, me utforskar og prøver ut. No kan snart samlege av barna i gruppa vår gå sjølve, og dette bidreg i stor grad til å utvide horisonten og mogleikane for nye aktivitetar. I mars månad er me klar for påskeaktiviterar, nye turar, opplevingar og barnehagedagen 1 mars med tema «les for meg». Nyttar høve til å minna om at de ringer barnehagen dersom barnet dykkar har fri, er sjuk eller kjem seint i barnehagen. Ring då seinast kl. 8.45. 53 40 33 88
Samisk veke: I samband med samefolkets dag, har me på marihøno arbeida med utgangspunkt i fargane i det samiske flagget. Me har lytta til samisk Joik og barnesongar. Fredag 5. februar avslutta me med felles samling på Kråkereiret. Der fekk me oppleve dramatisering, joik og høyre samisk eventyr. Sansing og utprøving Nye element i miljøet tilfører kvardagen vår noko å undre seg kring og teste ut. Her har me fått maling i plastlommer på vindauga, og dei er morosame å teikne, og kjenne på med fingrane. Rive og lime.. Me kan laga flotte bilde Felles samling Male i snøen Gjennom arbeid med nærmiljø og samfunn skal barnehagen bidra til at barna blir kjent med at samene er Norges urbefolkning og får kjennskap til samiske fortellinger, sagn og andre deler av samisk kultur og hverdagsliv (Rammeplan for barnehagen, 2011) Eit kummelokk kan skape stor undring. Spanande å høyre steinar lage pluppelydar når du slepp dei ned gjennom håla.
Måkebesøk i vindauga Ein dag etter kviletid sat me ved bordet og spiste nista vår. Plutseleg dukka det opp ein «måke» i vindauga. Den gjekk fram og tilbake i vindauga, og den banka på med nebbet sitt. «Eg er så svolten», sa den heile tida, men like plutseleg som den dukka opp, så forsvann den. Så dukka Else Jorunn opp utaføre vindauga; «såg de fuglen?» spurte ho. Ja, det gjorde me jo, men kvar vart den av? Else Jorunn fekk nokre av skorpene våre og kasta dei bort på bakken utanføre vindauga. Me speida og venta, og så..! Det kom plutseleg mange fuglar! Det vart så spanande at me nesten skalv der me stod å såg på, og det var litt vanskeleg å halda seg stille så me ikkje skremde fuglane Eg er så svolten! Smøremat kvar fredag Kvar fredag har me smøremat i barnehagen. Barna får då vera med å gjera val i høve til kva dei vil ha på skjeva og kva dei vil ha av tilbehør til varme måltid. Det er stas å få smake litt undervegs, og å få velja sjølv! Det er alltid triveleg å ha smøremat, og barna ser fram til desse måltida, og dei kosar seg å sit lenge ved bordet. Barna skal blant anna få oppleve naturen og undring over naturens mangfoldighet, få erfaringer med og kunnskaper om dyr og vekster, lærer å iaktta, undre seg, eksperimentere, systematisere, beskrive og samtale om fenomener i den fysiske verdenen (frå Rammeplanen for barnehagen) Her består lunsjen av wraps, med salat, agurk, annanas, tomater, avokado, dressing og kalkunskinke
Turar og uteleik Tur er noko me på Marihøno prioriterer, og barna stortrivest når det er turtid. Målet er at barna skal få bruka kroppen sin mest mogleg sjølv når me er på turar, men for dei små kan dette vera utfordrande både i høve til utvikling og værforhold. Likevel er det eit kjærkome avbrekk å komme seg ut på tur i mindre gruppe og få nye opplevingar og gjere nye oppdagingar i fellesskap. Barna har faste turdagar, men får ofte også spontane turar i mindre grupper. Me er også ute i barnehagen minst ein gong til dagen. Vente på nokon Eg fann, eg fann.. Kva fann du no då? Ein gaffel. Tur til butikken Hoppe i dammar!!! Barna skal blant anna få en positiv selvoppfatning gjennom kroppslig mestring, skaffe seg gode erfaringer med variert og allsidig bevegelse og utfordringer, få gode erfaringer med friluftsliv og uteliv til ulike årstider, utvikle glede ved å bruke naturen til utforskning og kroppslige utfordringer (frå Rammeplanen for barnehagen, 2011)
Sanserommet D A N S Barna kosar seg på sanserommet, her har me hatt samlingar for å førebu og trygge barna i høve til karneval denne månaden. Då har me kledd oss ut, brukt litt ansiktsmaling, sunge og gått tog. Barna sjølve får prøve utkledningsklede og ansiktsmaling når dei har vore klar for det. Fleire av barna har funne det litt skummelt å prøve sjølv, men dei fleste synst det er morosamt når me vaksne kler oss ut og malar oss. Barna tek ofte initiativ til å bruke dette rommet sjølve, då vil dei gjerne ha musikk og danse litt og. Det er spanande med spegelen, der kan barna observere seg sjølve i aktivitet. Det er også morosamt når dei vaksne legg seg på golvet. Musikkleik med rytmeinstrument