REGIONALAVDELINGA Planseksjonen - REG AVD Omega Areal AS Kvassanesvegen 4 5582 Ølensvåg Dato: 30.10.2015 Vår ref.: 2015/9805-5 Saksbehandlar: livsund Dykkar ref.: B55015 Varsel om oppstart av detaljregulering for ny Skare barnehage - Odda kommune - fråsegn Vi viser til brev datert 24.09.2015 om oppstart av arbeid med detaljregulering for Skare barnehage. Hovudføremålet med reguleringa er ny barnehage. Området er i gjeldande reguleringsplan avsett til bustad og parkering. Kommunen har vurdert at planen ikkje utløyser krav om konsekvensutgreiing. Hordaland fylkeskommune vurderer oppstartsmeldinga ut i frå fylkeskommunens sektoransvar og målsettingar i regionale planar. Vurdering og innspel Barn og unges interesser Vi oppmodar om å ivareta eksisterande terrengformer og naturområde i størst mogleg grad for å skape attraktive leikeområde som innbyr til fysisk aktivitet i naturlege omgjevnader. Kulturminne og kulturmiljø Fylkeskonservatoren viser til at tilhøvet for automatisk freda kulturminne er avklart i godkjent plan. Vi gjer merksam på at det er fleire Sefrak registreringar i nærområdet til føreslått barnehage. Vi vil oppmoda planleggar og kommune til å finna gode løysingar for tilpassing og utforming av nytt bygg. Samferdsel Planområdet vil bli eit målpunkt for barn og unge. Det er heilt sentralt at mjuke trafikantar prioriterast høgt i planarbeidet framover. Alt arbeid i samband med fylkesveg 100, til dømes avkøyringar, skal følgje Statens vegvesen sine vegnormar. Det er viktig at Odda kommune er i tett dialog med Statens vegvesen for å syte for at trafikktryggleik og mjuke trafikantar vert ivaretatt. Vi kjem tilbake med nærare uttale seinare i planprosessen. Meir informasjon Meir informasjon om plantema, rettleiarar og statistikk/kart kan ein finne på nettsidene våre www.hordaland.no/plan/startpakke. Oppsummering Hordaland fylkeskommune ber om at planarbeidet legg særleg vekt på uteområde, byggkvalitet og trafikktryggleik og ønskjer lukke til med det vidare arbeidet.
Side 2/2 Marit Rødseth plansjef Liv Sundheim seniorrådgjevar Brevet er godkjent elektronisk og har derfor inga underskrift. Saksbehandlarar: Liv Sundheim, Planseksjonen, regionalavdelinga Jostein Aksdal, Fylkeskonservatoren Kjetil Sigvaldsen, Samferdselsavdelinga Kopi til: Statens vegvesen - Region Vest Hordaland fylkeskommune Agnes Mowinckels gate 5 PB 7900 5020 Bergen Tlf: 55 23 90 00 e-post: hfk@hfk.no www.hordaland.no Foretaksnr. NO 938 626 367 mva. Kontonr. [5201 06 74239]
Omega Areal AS Kvassen 5582 ØLENSVÅG Vår dato: 15.10.2015 Vår ref.: 201505626-2 Arkiv: 323 Dykkar dato: 24.09.2015 Dykkar ref.: Elisabeth Silde Sakshandsamar: Toralf Otnes 1 Innspel til varsel om oppstart av arbeid med detaljreguleringsplan for ny Skare barnehage - Odda kommune Vi syner til brev datert 24.09.2015. Saka gjeld varsel om oppstart av arbeid med detaljreguleringsplan for ny Skare barnehage. Føremålet med planarbeidet er å legge til rette for oppføring av ny barnehage. Flaumfare frå bekken som renn over tomta må vere eit tema i ROS analysen. Bekken bør få renne mest mogeleg naturleg utan inngrep. Dersom det er vanskeleg å få ei god arrondering på tomta rår vi til at bekken vert flytta og får renne open framfor å legge den i kulvert. Tilstopping av bruer og kulvertar kan føre til at flaumvatn tek nye vegar på overflata langt unna naturlege bekkelaup, og gi store skadar på bygningar nedanfor. Hyppigare episodar med ekstremnedbør har ført, og vil ytterlegare føre til, auka skadar som følgje av overvassflaumar. For alle vassdrag med nedslagsfelt mindre enn ca. 100 km² må ein rekne med minst 20 % auka flaumvassføring i løpet av dei neste 50 100 år. Bekken må sikrast tilstrekkeleg kapasitet. NVE retningsline 2/2011, Flaum- og skredfare i arealplanar kan lastast ned frå NVE sine nettsider på www.nve.no. Retningslinene seier korleis erosjons- flaum- og skredfare bør greiast ut, takast omsyn til og innarbeidast i kommunale arealplanar etter PBL. Med helsing Brigt Samdal regionsjef Toralf Otnes senioringeniør Dokumentet vert sendt utan underskrift. Det er godkjent etter interne rutinar. E-post: nve@nve.no, Postboks 5091, Majorstuen, 0301 OSLO, Telefon: 09575, Internett: www.nve.no Org.nr.: NO 970 205 039 MVA Bankkonto: 7694 05 08971 Hovedkontor Region Midt-Norge Region Nord Region Sør Region Vest Region Øst Middelthunsgate 29 Vestre Rosten 81 Kongens gate 14-18 Anton Jenssensgate 7 Naustdalsvn. 1B Vangsveien 73 Postboks 5091, Majorstuen 7075 TILLER 8514 NARVIK Postboks 2124 Postboks 53 Postboks 4223 0301 OSLO 3103 TØNSBERG 6801 FØRDE 2307 HAMAR
Eileen P Selland From: fmhopostmottak@fylkesmannen.no Sent: 12. oktober 2015 07:50 To: Omega Areal Cc: epost@odda.kommune.no Subject: Odda - Bnr 38 bnr 212 - Detaljreguleringsplan for ny Skare Barnehage - Uttale til melding om oppstart Vi viser til brev dagsett 24.09.2015 med uttalefrist 02.11.2015. Saka gjeld melding om oppstart av detaljreguleringsplan for ny barnehage på Skare, gnr. 38 bnr. 212 i Odda kommune. Planområdet er på om lag 3,38 dekar. Tilkomst vil vere frå fylkesvegen. Vi minner om at planavgrensinga må sikre tilstrekkeleg med areal til kryssutforming. Fylkesmannen legg til grunn at planarbeidet ikkje er i strid med nasjonale føringar for arealpolitikken. Vi vil likevel gjere merksam på følgjande lovkrav: ROS-analyse Kommunane skal fremje samfunnstryggleik i si planlegging, jf plan- og bygningslova (pbl) 3-1 bokstav h. Pbl 4-3 set difor krav om utarbeiding av ROS-analyse i alle plansaker, samt krav til handtering av risiko i plan. ROS-analysen skal vise risiko og sårbarheit som har verknad for spørsmålet om arealet er eigna til utbygging, og eventuelle endringar i slike forhold som følgje av planlagt utbygging. Teknisk forskrift (TEK10) definerer kva som er akseptabel risiko for flaum og skred. Akseptkriteria for anna type risiko må definerast av kommunen. Fylkesmannen legg til grunn at akseptkriteria må vere minst like strenge som for flaum og skred. Alle risikohøve skal merkast på plankartet med omsynssone. Krav til risikoreduserande tiltak skal gå fram av planføresegnene. Barn og unge Rundskriv T-2/08 stiller krav til ivaretaking av barn og unge sine interesser i planprosessen: Kommunen skal organisere planprosessen slik at ulike grupper av barn og unge får høve til å delta, og slik at synspunkt som gjeld barn kjem fram og vert ein del av prosessen. Areal og anlegg som skal brukast av barn og unge skal vere sikra mot ureining, støy, trafikkfare og anna helsefare. Folkehelse Alle planar skal fremje befolkninga si helse og motverka sosiale helseforskjellar, jf pbl. 3-1 bokstav f. Planlegginga skal vere helsefremjande gjennom å fremje faktorar som styrkjer helsa og livskvaliteten, og som bidreg til å verne mot negative faktorar, jf folkehelselova 4. Eit sentralt element i folkehelsesatsinga er å sikre barn og unge gode oppveksttilhøve, jf pbl 3-1 bokstav e og Regional plan for folkehelse 2014-2025. Naturmangfald Vi minner vidare om at dei konsekvensane reguleringsplanen har for endra arealbruk skal vurderast i høve til naturmangfaldet, og at dette må kome tydeleg fram i planarbeidet, jf. naturmangfaldlova 7 til 12. På kommunal- og moderniseringsdepartementet si nettside www.planlegging.no kan ein hente nyttige tips til planlegging. Fylkesmannen tek atterhald om å komme med tilbakemelding seinare i planprosessen når ein har utarbeidd framlegg til reguleringsplan. Vi ønskjer lykke til vidare med planarbeidet! 1