Nissedal kommune Arkiv: Saksmappe: Sakshandsamar: Dato: L12 2008/1927-22 Sveinung Seljås 01.09.2009 Saksframlegg Utval Utvalssak Møtedato Formannskapet 116/09 10.09.2009 Kommunestyret 71/09 24.09.2009 N - 38/5 - Reguleringsplan Bjønntjønn Familiepark - godkjenning. Søkar: Madi Utvikling AS v/ landskapsarkitekt John Lie Porsgrunnsveien 190 3735 SKIEN Vedlegg: - Planframlegg, (omtale, kart og føresegner + illustrasjonsplan), justert etter 1. gongs behandling, dat. 11.05.09. - Høyringsuttale Statens vegvesen, dat. 15.06.09. - Høyringssvar, Fylkesmannen i Telemark, dat. 17.06.09. - Resultat av kulturhistorisk registrering, Telemark fylkeskommune, dat. 09.06.09. - Resultat av dateringsprøve, Telemark fylkeskommune, dat. 24.07.09. - E-post-korrespondanse, planleggar, fylkeskommune,nissedal kommune, dat. 27.08.- 01.09.09. - Høyringssvar, Telemark fylkeskommune, dat. 01.09.09. Fakta i saka: Det framlagte reguleringsplanforslaget omfattar eit areal på ca 76 dekar. Det meste av dette arealer ligg som framtidig byggeområde for fritidsbustader i gjeldande kommunedelplan for Gautefallheia. Areal som ikkje fell i denne kategorien, men som er med i reguleringsplanforslaget, er lagt ut til friluftsområde. Arealfordelinga i planområdet er: byggeområde, (ervervsområde campingplass,48,5 dekar), offentlege trafikkområde, friområde, (skiløype og støyvoll), spesialområde (privat veg, friluftsområde 12,9 dekar og kommunalteknisk anlegg) og fellesområde (leikeområde 6,7 dekar). Føresegnene i kommunedelplanen krev utarbeiding av reguleringsplan før nye byggetiltak i framtidige byggeområde kan iverksetjast. Kommunedelplanen krev og tilkopling til godkjent (kommunalt) vatn- og avlaupsnett for nye byggetiltak i desse områda. Reguleringsplanforslaget er ikkje i samsvar med overordna plan (kommunedelplanen) då det her er lagt opp til ervervsformål campingplass på delar av området. Innanfor dette området er det planen å plassere 80-100 mobile husvogner og vanlege campinghytter. Husvognene vil få eit maks bebygd areal (BYA) på 50 m2, campinghyttene maks 70 m2, og for begge maks mønehøgde 4,5 m. Det skal lagast bilveg fram til og med to biloppstillingsplassar for kvar eining. Alle bueiningane skal vere tilkolpa felles vass- og avlaupsnett etter eigen avlaupsplan for området. - 2 -
Det er også utarbeidd ein ikkje-juridisk bindande illustrasjonsplan, der det er synt korleis utbygginga vil skje i detalj. Illustrasjonsplanen er ikkje ei endeleg løysing, men synleggjer det som også ligg i planføresegnene, særleg fyrste del av punkt 2.5. Det er lagt inn to område for kommunalteknisk anlegg, eitt spesifisert som brønn, eitt som område for avfallsbu. Det er lagt inn skiløyper i samsvar med kravet i kommunedelplanen om at desse skal visast i plankartet, og korleis dei heng saman med det øvrige løypenettet i kommunedelplanområdet (kopla saman med trasèar vist i reguleringsplanen Øverlandsheia I). Oppstart av planprosessen er varsla ved annonsering i lokalpressa 14.10.08, og ved brev til offentlege faginstansar og eigarar av naboeigedomar/tomter 17.01.09. Frist for å kome med innspel var sett til 25.02.09. Det kom inn fire innspel/merknader til planvarselet. Innspela er attgjevne og kommenterte i planomtalen. Det går fram under vurderinga dersom det frå kommunens side er grunn for å fråvike det som ligg i konklusjonen frå planleggar. Planen er drøfta med bornas representant i plansaker. Ho har ikkje hatt særskilde synspunkt på planen frå sin ståstad. Planen blei lagt fram for formannskapet som planutval 05.05.09 (sak 051/09). Her blei det bestemt å legge planen ut til offentleg ettersyn/sende han på høyring straks plankart og planføresegner var retta i samsvar med saksutgreiinga. Rådmannen fekk fullmakt til å avgjere ettersynsperiode/høyringsfrist. Kommunen mottok justert plan, kart og føresegner 11.05 slik vedtaket i f-sak 051/09 la opp til. Planen blei straks lagt ut til offentleg ettersyn, ettersynsperiode 15.05. 15.06.09, annonsert i VTB og på heimesida til kommunen. Planen blei også sendt på høyring til offentlege faginstansar og naboar, høyringsfrist 15.06.09. Etter utsett frist grunna manglande kulturminneregistrering, kom det inn tre uttalar; frå Statens vegvesen, frå Fylkesmannen i Telemark og frå Telemark fylkeskommune. Statens vegvesen minner om at den generelle byggegrensa mot riksvegen er 50 m. Planen legg opp til bygging nærare vegen enn dette, men kompensert med ein støyvoll. Statens vegvesen aksepterer denne løysinga for dette feltet (jf likebehandling av Øverlandsheia I -planen), men gir klar melding om at dette ikkje kan påreknast for andre felt i området. Vegvesenet minner om at støyvollen ikkje må hindre fri sikt i avkøyringa til feltet. Fylkesmannen i Telemark har ingen merknader til planen. Telemark fylkeskommune viser til resultatet av den gjennomførte kulturminneregistreringa. Det er gjort funn av ei kolgrop (Askeladden-id 127580), aldersbestemt til 460 +/-60 år. Denne kan regulerast til spesialområde bevaring, med nemning R1 i plankartet (sirkel med r=5m), eller søkast frigitt. Ved val av det fyrste alternativet skal dette også gå fram av planføresegnene ved at desse får eit nytt punkt under 6 Spesialområder: Saksbehandlar har etter samråd med utbyggar/planleggar vald å tilrå ein planprosess etter alternativ 1. - 3 -
I samsvar med overgangsordningar mellom gammal og ny planlov, blir denne planen ført fram til eventuell godkjenning etter gammal lov. Vurdering: Avvik mellom overordna planverk og planforslaget (arealbruken fritidsbustader kontra erverv - campingplass), krev ei grunngjeving. Planleggar har eit stykke på veg gitt dette. I hovudsak er dette ut frå kva det er registrert ein marknad for. Det blir også peika på at store delar av nabofeltet, Øverlandsheia I, tidlegare hadde reguleringsføremålet erverv (campingplass/ caravan). At feltet blir liggande i utkanten av byggeområda på Gautefallheia, men nær trafikkert hovudveg (rv358), er eit argument som kommunen bør tillegge større vekt. Det blir her inga direkte blanding mellom eksisterande fritidsbustader, samstundes som det karakteristiske for utbygginga blir ei utnyttingsgrad som neppe appellerer til andre menneske enn dei som i mindre grad let seg sjenere av støy. Slik sett er forslaget spenstig, og plassert der det truleg gir minst ulemper for den øvrige utviklinga av kommunedelplanområdet. Det er likevel uheldig at dette kjem opp som nytt ønskje nå, knappe to år etter rulleringa av kommunedelplanen for Gautefallheia. Samfunnstryggleik er ikkje kommentert særskild i planomtalen. Som for resten av Gautefallområdet, er det ikkje grunnlag for å påstå samfunnsrisiko av noko slag i samband med ei utbygging her. Vegvesenets haldning til 50m byggegrensa mot riksvegen er klar. I den grad dette ikkje er kommunisert tydeleg nok til nye utbyggarar, må kommunen ta eit større ansvar her. Det er likevel positivt at vegvesenet tillet ei mindre avstandsgrense her, etter ei konkret vurdering. Dette vil sikre likebehandling av to tilnærma like planområde trafikkmessig. Vilkåret Telemark fylkeskommune set for godkjenning må oppfyllast ved at plankartet og planføresegnene sikrar bevaring av den registrerte kolgropa på den måten fylkeskommunen krev. Nissedal kommune krev at all fritidsbustad-utbygging innom planområdet Gautefallheia skal utbyggast med høg sanitærteknisk standard. Vilkåret for å få dette godkjent, vil vere ei samordning med tilkopling til kommunalt v/a-nett der dette er mogeleg. Det same vil gjelde for denne type utbygging av området. Rådmannen si tilråding: - 4 -
Saksprotokoll i Formannskapet - 10.09.2009 Votering: samrøystes for tilråding. Vedtak Saksprotokoll i Kommunestyret - 24.09.2009 Votering: Samrøystes som tilråding. Vedtak - 5 -
Rett utskrift Treungen 10.11.09 Sveinung Seljås -plansjef - 6 -