Side 1 av 5 REGULERINGSFØRESEGNER PLANOMRÅDET GJUVASSHØ - JUVASSHYTTA - GALDHØPIGGEN SOMMERSKISENTER. (Gjeve med heimel i Plan- og bygningslova 26) 1. Mål med reguleringsplanen. Planen skal regulere arealbruken i planområdet som ligg i randsonen mot Jotunheimen nasjonalpark, og som dannar ein av dei viktigaste innfallsportane til parken. Planen skal avklare forholdet mellom bruk og vern slik at ein i størst mogleg grad sikrar verneverdiar i området, samstundes som det vert lagt til rette for friluftsliv og for utvikling av turistverksemdene innafor planområdet. 2. Planavgrensing. Planområdet er vist med reguleringsgrense på plankartet. Reguleringsføresegnene gjeld innafor dette området. 3. Automatisk freda kulturminne. Dersom det ved tiltak i marka blir funne automatisk freda kulturminne, skal arbeidet straks stansast i den grad det rører ved kulturminna eller sikringssona kring dei på fem meter, jfr. lov om kulturminne 8. Melding skal snarast sendast til kulturminnestyresmaktene i Oppland fylkeskommune slik at vernestyresmaktene kan kome på synfaring og ta stilling til om tiltaket kan halde fram og eventuelt vilkåra for dette. 4. Reguleringsføremål. Området vert regulert til følgjande føremål: Byggjeområde - Plan- og bygningslova 25, pkt. 1: Hotell med tilhøyrande anlegg - H (Juvasshytta) Anna byggjeområde - Ab (Galdhøpiggen Sommerskisenter) Fareområde - Plan- og bygningslova 25, pkt. 5: Høgspenningsanlegg - Fh Spesialområde - Plan- og bygningslova 25, pkt. 6: Spesialområde naturvern - Sn1 og Sn2 Spesialområde friluftsområde - Sf Spesialområde særskilte anlegg - Alpinanlegg - S Spesialområdet privat veg - Spv Anna spesialområde - parkeringsplass - Sp Spesialområde magasin for drikkevatn (Juvvatnet) Spesialområde nedslagsfelt for drikkevatn Spesialområdet vatn- og avlaupsanlegg - Sv og Sa
Side 2 av 5 5. Reglar knytt til dei ulike arealbruksformåla. 5.1 Byggjeområde plan- og bygningslova 25, pkt. 1: 5.1.1. Hotell med tilhøyrande anlegg - Juvvasshytta turisthytte Innafor området kan ein drive turisthytte med overnattings- og serveringsverksemd. Oppføring av bygningar, tilbygg, påbygg og vedlikehald som er naudsynt for drifta av turisthytta skal vere tillete. Innafor området kan det opparbeidast parkeringsplassar for personbilar og bussar. I området kan ikkje utbygging skje før vatn-/avlaupsanlegg og energiforsyning er etablert og sikra tilfredsstillande kapasitet. Ved byggjetiltak som medfører utviding av kapasiteten ved turisthytta, skal det innafor bedriftsområdet opparbeidast nye parkeringsplassar tilsvarande kapasitetsauken. Nybygg og tilbygg/påbygg skal tilpasse seg landskap og eksisterande bygg på ein god måte. Dvs. seie innordne seg i terreng, og til eksisterande bygg rundt når det gjeld volum, form og materialar. Nybygg skal ha saltak med takvinkel 22-30º. Fasadane skal ha oppdelte vindauge, og store glasflater bør unngåast. Fargene skal vere avdempa og tilpassa nabobygg og omgjevnadene. Eventuelle gjerde må ha god estetisk utforming. Søknad om løyve for oppføring av bygg og andre søknadspliktige installasjonar skal innehalde situasjonsplan i målestokk 1:1000 der det er gjort greie for plassering av bygningar, vegtilkomst, parkeringsplassar og eventuelle støttemurar og gjerde. Det skal og utarbeidast profilar som viser plassering av bygg og ferdig planert terreng. Deponering/plassering av eventuelle overskottsmasser kan ikkje skje utanom byggjeområda. Drivstoff og andre farlege kjemikaliar må lagrast i tank på tett plate med opphøgda kant tilsvarande volumet på tanken (jf Lov om brannfarlege væsker og gass). 5.1.2. Anna byggeområde - Galdhøpiggen sommarskisenter - B1: Innafor området kan ein drive alpinanlegg og serverings- og serviceverksemd for dei som nyttar alpinanlegget. Oppføring av bygningar, tilbygg, påbygg og vedlikehald som er naudsynt for drifta av alpinanlegget, med heisanlegg og serverings-/serviceverksemd knytt til dette, er lov. Innafor området kan det opparbeidast parkeringsplassar for personbilar og bussar. I området kan ikkje utbygging skje før vatn-/avlaupsanlegg og energiforsyning er etablert og sikra tilfredsstillande kapasitet. Ved byggjetiltak som medfører utviding av kapasiteten ved anlegget, skal det innafor bedriftsområdet opparbeidast nye parkeringsplassar tilsvarande kapasitetsauken. Nybygg og tilbygg/påbygg skal tilpasse seg landskap og eksisterande bygg på ein god måte. Dvs. innordne seg i terreng og til eksisterande bygg rundt når det gjeld volum, form og materialar. Nybygg skal ha saltak med takvinkel 22-30º. Fasadane skal ha oppdelte vindauge, og store glasflater bør unngåast. Farger skal vere avdempa og tilpassa nabobygg. Eventuelle gjerde må ha god estetisk utforming. Søknad om løyve for oppføring av bygg og andre søknadspliktige installasjonar skal innehalde situasjonsplan i målestokk 1:1000 der det er gjort greie for plassering av bygningar, vegtilkomst, parkeringsplass og eventuelle støttemurar og gjerde. Det skal
Side 3 av 5 og utarbeidast profilar som viser plassering av bygg og ferdig planert terreng. Deponering/plassering av eventuelle overskottsmasser kan ikkje skje utanom byggjeområda. Drivstoff og andre farlege kjemikalier må lagrast i tank på tett plate med opphøgda kant tilsvarande volumet på tanken (jf Lov om brannfarlege væsker og gass). 5.2. Fareområde - Plan- og bygningslova 25, pkt. 5: 5.2.1. Fareområde, høgspent (Fh) 22 kv straumforsyning til Juvasshytta og Galdhøpiggen Sommerskisenter 5.3. Spesialområde - Plan- og bygningslova 25, pkt. 6: 5.3.1. Spesialområde naturvern - Felles reglar for områda Sn1 og Sn2: Innafor område skal ein ta vare på kvartærgeologiske hovudformer og enkeltelement. Særleg verdifull er førekomsten av frostpolygonar. Innafor område skal ein ivareta området sin funksjon som randsone og innfallsport til Jotunheimen nasjonalpark. 5.3.1.1. Spesialområde naturvern - Område Sn1: Innafor området er det forbod mot byggje- og anleggstiltak, medrekna bygging av vardar og anna flytting av lausmateriale og etablering av nye merka råk. 5.3.1.2. Spesialområde naturvern - Område Sn2: Innafor område er det tillate å opparbeide og leggje tilrette natur- og kulturstigar. Dei fysiske inngrepa skal avgrensast til merking av stig, oppsetting av stadtilpassa, mindre informasjonsskilt og enkel tilrettelegging av turstigar. Tilrettelegging skal skje ved bruk av handreiskap. Utanom retningsskilt skal merkinga skje ved bruk av steinvardar. Innafor område på Juvvasshø har Geografisk Institutt ved Universitetet i Oslo etablert borehol for temperaturmåling av permafrost med tilhøyrande klimastasjon. Desse installasjonane og drift av desse er tillate på permanent basis, i samsvar med tidlegare gjeve dispensasjon. Om prosjektet vert avslutta, skal alle tekniske installasjonar fjernast og området førast attende til mest mogeleg naturleg tilstand. Eventuell motorisert transport til anlegget, må behandlast etter reglane for motorferdsel i utmark. Innafor området er det elles forbod mot byggje- og anleggstiltak og flytting av lausmassar. 5.3.2. Spesialområde friluftsområde Sf: Spesialområdet omfattar merka turistløyper og område inntil desse. Innafor området kan ein merke turstigar. Merkinga skal vere sikker, men ikkje få dominere i landskapsbiletet. Utanom retningsskilt skal merkinga skje ved bruk av steinvardar. 5.3.3. Spesialområde særskilte anlegg - Alpinanlegg - S: Område nyttast til alpinanlegg.
Side 4 av 5 I området tillatast oppført dei heisanlegg og installasjonar som er naudsynte for drifta av alpinanlegget, med unntak av området nordøst for Galdehøe, i forlenginga av området avsett til spesialområde naturvern (buffersona). Her blir ikkje nye tekniske inngrep tillatt. Endring av heisanlegg og installasjonar ut over dette, skal avklarast med kommunen gjennom søknad med situasjonsplan. Motorferdsel i skibakken skal vere avgrensa til preparering av underlaget, drift av skiheisen og redning. Bruk av motorkøyrety til persontransport er ikkje lov. Til kjemisk preparering av skibakken på breen kan det berre nyttast vegsalt (CaCl). 5.3.4. Spesialområde privat veg - Galdhøpiggvegen - Spv: Vegen vert bygd og halde vedlike av eit vegselskap, jf kap VII i Veglova. Vegselskapet kan krevje inn bompengar, jf 56 i Veglova. Regulert vegbane er 6,0 meter, men noko større i skarpe kurver. I vegarealet kjem i tillegg vegskulder, møteplassar, fylling/skjering og grøfter. På grunn av målestokken på plankartet er det ikkje mogleg å vise desse. Dette er derfor vist meir detaljert i eit vedlegg til Reguleringsplan for Galdhøpiggvegen (vedtak i Lom kommunestyre 05.04.2001.). Det er ikkje tillete å opparbeide parkeringsplassar langs vegen utanom område som er avsett for dette i planen. 5.3.5. Spesialområde parkeringsplass (Sp1 og Sp2). Område kan opparbeidast og drivast som parkeringsplass for allmenta med tilkomst frå den private Galdhøpiggvegen. Søknad om løyve for opparbeiding skal innehalde situasjonsplan i målestokk 1:1000 der det er gjort greie utforming, eventuelle støttemurar, skjering/fylling og grøfter. Det skal utarbeidast tverrprofil med plassering av anlegget og ferdig planert terreng. 5.3.6. Spesialområde magasin for drikkevatn (Juvvatnet) Juvvatnet er drikkevasskjelde for Juvasshytta turisthytte og Galdhøpiggen Sommerskisenter. 5.3.7. Spesialområde nedslagsfelt for drikkevatn Innafor restriksjonsområdet er det forbod mot all telting eller annan overnatting i bubil, campingvogn eller liknande. 5.3.8. Spesialområde vatn- og avlaupsanlegg - Sv, Sa1 og Sa2. 5.3.8.1. Spesialområde avlaupsanlegg - Sa1: I området kan det leggast ein avlaupsleidning for avlaupsvatn frå slamavskiljar ved Juvvasshytta turishytte. Anlegget skal vere skjult i bakken eller dekka til med stein. Utslepp må skje etter løyve gjeve av forureiningsmynde.
Side 5 av 5 5.3.8.2. Spesialområde avlaupsanlegg 2 - Sa2: I området kan det leggast ein avlaupsleidning for gråvatn frå Galdhøpiggen sommarskisenter. Anlegget skal vere skjult i bakken eller dekka til med stein. Utslepp må skje etter løyve gjeve av forureiningsmynde. 5.3.8.3. Spesialområde anlegg for vassforsyning - Sv: I området kan det leggjast vassleidningar frå Juvvatnet til Juvasshytta. Leidningar skal vere skjult i bakken eller dekka til med stein.