Reguleringsføresegner - Solvang og Fredheim Gudbrandsdalen AS Side 1 av 7

Transkript

1 Reguleringsføresegner - Solvang og Fredheim Gudbrandsdalen AS Side 1 av 7 REGULERINGSFØRESEGNER FOR OMRÅDET VED JUVASSHYTTA OG KLIMAPARK 2469 (Gjeve med heimel i LOV Plan- og bygningslova 12-7) Godkjent av Lom kommunestyre Mål med reguleringsplanen Formålet med planarbeidet er å legge til rette for: sikre verneverdiar knytt til kvartærgeologi, biologi, kulturminne og områdets verdi som randsone til Jotunheimen nasjonalpark gjennomføring av Klimapark2469, eit område for formidling og forsking omkring globale klimautfordringar sett i samanheng med lokale klimaprossessar og funn av kulturminne. tilrettelegging for næringsdrift knytt til Juvasshytta turisthytte spesielt og til reiselivet i området generelt tilrettelegging for friluftsliv innafor planområdet 1. Felles føresegner: 1.1. I planen er areala utlagt til følgjande reguleringsføremål (PBL 12-5): Bygg og anlegg (PBL 12-5, nr. 1): Anna offentleg eller privat tenesteyting Hotell/overnatting Samferdselsanlegg og teknisk infrastruktur (PBL 12-5, nr. 2): Køyreveg Gangveg/gangareal Anna veggrunn tekniske anlegg Parkeringsplassar Vassforsyningsnett Avlaupsnett Grønstruktur (PBL 12-5, nr. 3): Turveg Landbruks- natur og friluftsområde samt reindrift LNFR (PBL 12-5, nr. 5): Naturvern Vern av kulturmiljø eller kulturminne 1.2. I planen er det lagt ut følgjande omsynssoner (PBL 12-6, jamfør 11-8 a og d): Faresone a): Høgspenningsanlegg (inkl. høgspentkablar) Sikringssone a): Nedslagsfelt for drikkevatn Bandleggingssone d): Bandlegging etter lov om kulturminne Automatisk freda kulturminne. Dersom det ved tiltak i marka blir funne automatisk freda kulturminne, skal arbeidet straks stansast i den grad det rører ved kulturminna eller sikringssona kring dei på fem meter, jf. lov om kulturminne 8, 2. ledd. Melding skal snarast sendast til kulturminnestyresmaktene i Oppland fylkeskommune slik at vernestyresmaktene kan kome på synfaring og ta stilling til om tiltaket kan halde fram og eventuelt vilkåra for dette. Dette gjeld ikkje tiltak som blir gjennomført i tråd med skjøtselplan for kulturminne/ kulturmiljø, utarbeidd av Oppland Fylkeskommune med heimel i kulturminnelova 11a).

2 Reguleringsføresegner - Solvang og Fredheim Gudbrandsdalen AS Side 2 av 7 2. Føresegner knytt til område for Bygg og anlegg (PBL 12-5 nr.1) Anna offentleg og privat tenesteyting (AT1, AT2, AT3 og AT4) Område for bygg og anlegg knytt til Klimapark2469 og installasjonar/anlegg knytt til klima- og verobservasjonar Område for forskings- og informasjonssenter AT1. A. Innafor området skal ein kunne drive forskings- og informasjonssenter knytt til Klimapark2469 med tilhøyrande aktivitetar, likeeins drive informasjon om verneområde, Jotunheimen nasjonalpark m.m. Ved eventuelt ønske om endra bruk av bygg i høve til arealformålet (forskings- og informasjonssenter) skal dette vurderast gjennom ei ordinær reguleringsendring. B. Oppføring av bygningar og anlegg som er naudsynt for slik drift er tillete. Største tillate grad av utnytting er %-BYA = 10 % (tillate bygd areal i % etter NS 3940). C. Bygg kan oppførast i ein etasje. I tråd med konseptet for Klimapark2469, kan ein tillate å oppføre bygg som bryt med den tradisjonelle byggestilen i området. Bygg kan i tråd med dette, få ein arkitektonisk utforming som signaliserar tankane bak klimaparken som er nedfelt i konseptet for prosjekt Klimapark2469. Sjølv om bygg kan framstå som tydelege, skal dei likevel vere tilpassa landskap, terreng og omgivnad på ein god måte. D. Mønehøgde/største høgde på bygg skal ikkje overstige 7 meter rekna frå ferdig planert terreng. Grunnmur/pilarar skal ikkje på noko punkt ha større høgde over terreng enn 1 meter. Taktekking skal utførast i ikkje-reflekterande materiale. E. Bygg skal påførast farge som harmonerar med omgivnaden. Sterke og uvanlege farger skal ikkje nyttast. Takflater skal ha mørk og matt farge. Kvitt skal ikkje nyttast på grunnmur/pilarar eller andre murflater ved måling av murflater skal det nyttast gråtonar som harmonerer med omgivnaden. F. Søknad om løyve for oppføring av bygg skal innehalde situasjonsplan i målestokk 1:500 der det er gjort greie for plassering og høgde av bygg, grunnmur støttemurar og eventuelle parkeringsplassar for tilsette. Det skal også gjerast greie for arrondering av massar. Det skal og utarbeidast profilar som viser plassering av bygg og ferdig planert terreng. Kommunen kan stille krav om at bygg skal visualiserast med terrengmodell som viser korleis bygget blir plassert og tilpassa landskapet og omgivnaden. G. Terrenginngrep skal utførast slik at skadeverknadene blir så små som mogeleg. Alle skjeringar og fyllingar skal avsluttast inn mot terreng slik at overgangen mot eksisterande terreng blir så naturleg som mogeleg. Vegetasjonsdekt stein bør leggast slik at vegetasjonsdekket ligg opp i dagen. Plassering/ bruk av eventuelle overskotsmassar utanfor byggjeområda er ikkje tillate. H. I området kan ikkje utbygging skje før vatn-/ avlaupsanlegg og energiforsyning er etablert og sikra tilfredsstillande kapasitet. Det kan alternativt tillatast etablert bygg utan at det vert lagt inn vatn, med følgje at det ikkje stillast krav om avlaupsløysing. Det skal da vere på plass avtaler som sikrar bruk av toalettanlegg hjå nabobedrift. I. Innafor området kan det opparbeidast parkeringsplassar for dei som jobbar ved forskings- og informasjonssenteret. J. Drivstoff og andre farlege kjemikaliar må lagrast i tank på tett plate med opphøgda kant tilsvarande volumet på tanken. (Jf Lov om brannfarlege væsker og gass) Område for anlegg av forskings- og formidlingsstasjon i Juvfonne AT2. A. Innafor området skal ein kunne drive forsking og formidling knytt til Klimapark2469 med utgangspunkt i tunell inne i isen i Juvfonna. Det kan gjennomførast tiltak for skjøtsel og tilrettelegging av kulturminne i regi av kulturminnestyresmaktene i Oppland fylkeskommune, jamfør kulturminnelova 11 a. B. Anlegg og hogging av tunnel inn i Juvfonna for dette føremålet, vil vere tillete. Anlegg av istunnel skal skje ved bruk av handreiskap. Forutan hogging av tunell inne i sjølve isen, er det tillete å oppføre sluse ved inngangspartiet til tunellen. Slusa skal sikre tilkomsten og skal fungere som temperatursperre inn mot sjølve isen. Ved eventuell

3 Reguleringsføresegner - Solvang og Fredheim Gudbrandsdalen AS Side 3 av 7 påføring av fargar på denne konstruksjonen, skal desse ha harmonere mest mogeleg med omgjevnaden rundt. Det er og tillete å føre opp/montere enkle anlegg som er naudsynt for drifta av forskings- og informasjonsverksemda som til dømes solcellepanel, enkle gjerde for å ivareta sikkerheita rundt tunellopning og eventuelle anlegg av trapp eller rekkverk for tilkomst dette inkluderar også anlegg for å gjere tilkomst til og ferdsel i tunell universelt utforma. C. Søknad eller melding om tiltak skal innehalde situasjonsplan i målestokk 1:500 der det er gjort greie for plassering av anlegg og utforming. D. Tilkomsten til området skjer via gangveg/stig. Det kan ikkje anleggast køyreveg inn i området. E. I området er det er forbod mot lagring av drivstoff og andre farlige kjemikaliar Område formidlingsstasjon for observasjon mot brefall i Kjelen AT3. A. Innafor området skal ein i tilknyting til Klimapark2469, kunne leggje tilrette for forsking og formidling knytt til brefallet i Kjelen og landskapet rundt m.a. ved anlegg av sitteplassar for grupper i eit amfi eller liknande, utsiktspunkt med kikkert og liknande. B. Anlegg skal ha ein enkel utforming og utførast i naturmateriale som stein og tre. Ved eventuell påføring av fargar skal desse ha harmonere mest mogeleg med omgjevnaden rundt. Melding om tiltak skal innehalde situasjonsplan i målestokk 1:500 der det er gjort greie for plassering av anlegg og utforming. C. Innafor området er det elles forbod mot byggje- og anleggstiltak og flytting av D. Tilkomsten til området skjer via gangveg/stig. Det kan ikkje anleggast køyreveg inn i området. E. I området er det er forbod mot lagring av drivstoff og andre farlige kjemikaliar Område for observasjonar av ver, klima og permafrost på Juvvasshø AT4. A. Innafor område er det tillete med anlegg og drift av forskingsstasjonar og målestasjonar for målingar av permafrost, klima og ver, samt anlegg for å sende observasjonsdata via telenettet - i samsvar med tidlegare gjevne dispensasjonar. B. Om prosjekta vert avslutta, skal alle tekniske installasjonar fjernast og området førast attende til mest mogeleg naturleg tilstand. C. Innafor området er det elles forbod mot byggje- og anleggstiltak og flytting av D. Det kan ikkje anleggast køyreveg til området, og eventuell motorisert transport til anlegget må behandlast etter reglane for motorferdsel i utmark. E. I området er det er forbod mot lagring av drivstoff og andre farlige kjemikaliar Hotell med tilhøyrande anlegg Juvasshytta (H1). A. Innafor området kan ein drive turisthytte med overnattings- og serveringsverksemd. B. Oppføring av bygningar, tilbygg, påbygg og vedlikehald som er naudsynt for drifta av turisthytta er tillete. Største tillate grad av utnytting er %-BYA = 20 % (tillate bygd areal i % etter NS 3940). C. Innafor området kan det opparbeidast parkeringsplassar for personbilar og bussar. I området kan ikkje utbygging skje før vatn-/avlaupsanlegg og energiforsyning er etablert og sikra tilfredsstillande kapasitet. D. Ved byggjetiltak som medfører utviding av kapasiteten ved turisthytta, skal det opparbeidast nye parkeringsplassar tilsvarande kapasitetsauken. E. Nybygg og tilbygg/påbygg skal tilpasse seg landskap og eksisterande bygg på ein god måte. Dvs. seie innordne seg i terreng, og til eksisterande bygg rundt når det gjeld volum, form og materialar. Nybygg skal ha saltak med takvinkel 22-30º. Fasadane skal ha oppdelte vindauge, og store glasflater bør unngåast.

4 Reguleringsføresegner - Solvang og Fredheim Gudbrandsdalen AS Side 4 av 7 F. Bygg skal påførast farge frå den varme og mørkaste del av fargeskalaen. Sterke og uvanlege farger skal ikkje nyttast. Takflater skal ha mørk og matt farge. Kvitt skal ikkje nyttast på grunnmur/pilarar eller andre murflater ved måling av murflater skal det nyttast gråtonar som harmonerer med omgivnaden. Eventuelle gjerde må ha god estetisk utforming. G. Søknad om løyve for oppføring av bygg og andre søknadspliktige installasjonar skal innehalde situasjonsplan i målestokk 1:1000 der det er gjort greie for plassering av bygningar, vegtilkomst, parkeringsplassar og eventuelle støttemurar og gjerde. Det skal og utarbeidast profilar som viser plassering av bygg og ferdig planert terreng. H. Terrenginngrep skal utførast slik at skadeverknadene blir så små som mogeleg. Deponering/plassering av eventuelle overskotsmasser kan ikkje skje utanom byggjeområda. I. Drivstoff og andre farlege kjemikaliar må lagrast i tank på tett plate med opphøgda kant tilsvarande volumet på tanken (jf Lov om brannfarlege væsker og gass). 3. Føresegner knytt til område for Samferdselsanlegg og teknisk infrastruktur (PBL 12-5 nr. 2) 3.1. Felles føresegner A. Internt fordelingsnett for vatn, avlaup, straum- og telekablar kan leggast i grunnen innanfor areal avsett til samferdselsanlegg og teknisk infrastruktur Køyreveg. A. Vegen er del av Galdhøpiggvegen som vert bygd og halde vedlike av eit vegselskap, jf kap VII i Veglova. Vegselskapet kan krevje inn bompengar, jf 56 i Veglova. B. Det er ikkje tillete å opparbeide parkeringsplassar langs vegen utanom område som er avsett for dette i planen Gangveg/gangareal. A. Gangvegen frå parkeringsplassen inn til forskings- og informasjonssenter til Klimapark2469 skal ha universell utforming Anna veggrunn tekniske anlegg. A. Arealet omfattar vegskulder, møteplassar, fylling/skjering og grøfter Parkeringsplassar P1, P2. A. Område kan opparbeidast og drivast som parkeringsplass for allmenta med tilkomst frå den private Galdhøpiggvegen. B. Søknad om løyve for opparbeiding skal innehalde situasjonsplan i målestokk 1:1000 der det er gjort greie utforming, eventuelle støttemurar, skjering/fylling og grøfter. Det skal utarbeidast tverrprofil med plassering av anlegget og ferdig planert terreng. Terrenginngrep skal utførast slik at skadeverknadene blir så små som mogeleg Vassforsyningsnett. A. I området kan det leggast vassleidningar frå Juvvatnet til område H1, eventuelt som fellesanlegg for område H1 og AT1. Leidningar skal vere skjult i bakken eller dekka til med stein Avlaupsnett. A. I området kan det leggast ein avlaupsleidning for avlaupsvatn frå slamavskiljar i område H1, eventuelt som fellesanlegg for område H1 og AT1. Anlegget skal vere skjult i bakken eller dekka til med stein, og det skal nyttast strekkfaste avlaupsledningar som motstår dei påkjenningar som kan bli påført anlegget pga. permafrost. Utslepp må skje etter løyve gjeve av forureiningsmynde.

5 Reguleringsføresegner - Solvang og Fredheim Gudbrandsdalen AS Side 5 av 7 4. Føresegner knytt til område for Grønstruktur (PBL 12-5 nr. 3) Turveg T1. A. Reguleringsføremålet omfattar merka turistløype og område inntil denne. B. Innafor området kan ein merke turstig. Merkinga skal vere sikker, men ikkje få dominere i landskapsbiletet. Utanom retningsskilt kan merkinga skje ved bruk av enkle steinvardar Klimaløype KL1 A. Reguleringsføremålet omfattar trase for gangvegnett og stasjoner for formidling og forsking i samband med Klimapark2469 (klimaløype). B. Innan området kan det anleggast gangvegar om mogeleg med universell utforming. For å skåne terrenget og dei geologiske formasjonane/andre verneverdiar mest mogeleg, skal gangbanane byggast slik at dei ligg oppå bakken for å redusere inngrepa i terrenget. Det skal ikkje nyttast tekniske løysingar som medfører irreversible inngrep i dei kvartærgeologiske verneverdiane. C. Anlegg av formidlingsstasjonar kan skje i form av oppbygging av mindre plattformar i tilknyting til gangbanene, der det kan setjast opp temporære telt som le for besøkande og for å huse måleutstyr og liknande. For strømforsyning kan det setjast opp solcellepanel. D. Byggemelding skal innehalde situasjonsplan i målestokk 1:1000 eller 1:2000 der det er gjort greie for plassering, utforming og materialval Klimaløype KL2 A. Reguleringsføremålet omfattar trase for stig/gangvegnett og stasjoner for formidling og forsking i samband med Klimapark2469 (klimaløype). Tiltaka er mellom anna skjøtsel og tilrettelegging av kulturminne i regi av kulturminnestyresmaktene i Oppland fylkeskommune, jamfør kulturminnelova 11 a B. Innan området kan det anleggast gangvegar om mogeleg med universell utforming. For å skåne terrenget og dei geologiske formasjonane/andre verneverdiar mest mogeleg, skal gangbanane byggast slik at dei ligg oppå bakken for å redusere inngrepa i terrenget. Det skal ikkje nyttast tekniske løysingar som medfører irreversible inngrep i dei kvartærgeologiske verneverdiane. C. Anlegg av formidlingsstasjonar kan skje i form av oppbygging av mindre plattformar i tilknyting til gangbanene, der det kan setjast opp temporære telt som le for besøkande og for å huse måleutstyr og liknande. For strømforsyning kan det setjast opp solcellepanel. D. Byggemelding skal innehalde situasjonsplan i målestokk 1:1000 eller 1:2000 der det er gjort greie for plassering, utforming og materialval. E. Eksisterande stig mellom bilvegen og Juva kan nyttast som alternativ til oppbygde gangbaner. Stigen kan merkast med retningsskilt og enkle steinvardar Klimaløype KL3 A. Reguleringsføremålet omfattar trase for stig/gangvegnett og stasjoner for formidling og forsking i samband med Klimapark2469 (klimaløype). Tiltaka er mellom anna skjøtsel og tilrettelegging av kulturminne i regi av kulturminnestyresmaktene i Oppland fylkeskommune, jamfør kulturminnelova 11 a B. Innan området kan det anleggast gangvegar om mogeleg med universell utforming. For å skåne terrenget og dei geologiske formasjonane/andre verneverdiar mest mogeleg, skal ein fortrinnsvis bygge gangbanane slik at dei ligg oppå bakken for å redusere inngrepa i terrenget. Der det med grunnlag i stigningsforhold og terreng ikkje let seg gjere å bygge gangbanar med universell utforming oppå bakken, kan enklare gangbanar/stigar etablerast i terrenget, fortrinnsvis ved bruk av handreiskap. C. Anlegg av formidlingsstasjonar kan skje i form av oppbygging av mindre plattformar i tilknyting til gangbanene, der det kan setjast opp temporære telt som le for besøkande

6 Reguleringsføresegner - Solvang og Fredheim Gudbrandsdalen AS Side 6 av 7 og for å huse måleutstyr og liknande. For strømforsyning kan det setjast opp solcellepanel. D. Byggemelding skal innehalde situasjonsplan i målestokk 1:1000 eller 1:2000 der det er gjort greie for plassering, utforming og materialval. E. Terrenginngrep skal utførast slik at skadeverknadene blir så små som mogeleg. 5. Føresegner knytt til Landbruks- natur og friluftsområde samt reindrift LNFR (PBL 12-5 nr. 5) LNFR Vern av kulturmiljø eller kulturminne Innafor område for LNFR Vern av kulturmiljø eller kulturminne skal ein sikre kulturmiljøet knytt til fangstlokaliteten for villrein med faste kulturminne som bågåstelle og lausfunn av oldsaker LNFR Kulturvern A. Innafor området er det forbod mot byggje- og anleggstiltak og flytting av 5.2. LNFR Naturvern Innafor område for LNFR Naturvern skal ein sikre verneverdiar knytt til kvartærgeologiske hovudformer/ enkeltelement og verneverdiar knytt til biologi/ botanikk LNFR Naturvern 1 A. I området kan det leggast tele- og/ eller straumkabel frå Juvasshytta til Område for observasjonar av ver, klima og permafrost på Juvvasshø (AT4). Tele- og/ eller straumkabel skal vere skjult i bakken eller dekka til med stein. Kabel skal leggast utanom frostpolygonar eller andre verneverdige kvartærgeologiske formasjonar. B. Innafor området er det elles forbod mot byggje- og anleggstiltak og flytting av LNFR naturvern 2 A. Innafor området er det tillate å opparbeide og leggje tilrette natur- og kulturstigar. Dei fysiske inngrepa skal avgrensast til merking av stig, oppsetting av stadtilpassa, mindre informasjonsskilt og enkel tilrettelegging av turstigar. Tilrettelegging skal skje ved bruk av handreiskap. Utanom retningsskilt kan merking skje ved bruk av enkle steinvardar. Som alternativ til tilrettelegging av stig er det tillate å bygge gangbaner/-bruer oppå bakken der dette er meir formålstenleg. B. Innafor området er det elles forbod mot byggje- og anleggstiltak og flytting av 6. Føresegner knytt til omsynssoner (PBL 12-6, jamfør 11-8 a) og d) Bandleggingssone: Bandlegging etter Lov om kulturminne. A. Innafor bandleggingssona ligg førreformatorisk fangstlokalitet ID med ca 50 kjente bågåstelle, og i tillegg eit stort tal lausfunn av oldsaker. Fangstlokaliteten er automatisk freda etter kulturminnelova 4 c), og 6. Tiltak er berre tillete i samband med naudsynt skjøtsel og tilrettelegging av kulturminne i regi av kulturminnestyresmaktene i Oppland fylkeskommune, jamfør kulturminnelova 11a). Tiltaka skal gjennomførast i medhald av skjøtselplan utarbeidd av Oppland fylkeskommune. B. Det skal ikkje gjevast løyve til motorisert transport som medførerer risiko for terreng-/ sporskader. Annan motorisert ferdsel innanfor omsynssona skal behandlast etter reglane for motorferdsel i utmark.

7 Reguleringsføresegner - Solvang og Fredheim Gudbrandsdalen AS Side 7 av Faresone: Høgspenningsanlegg (inkl. høgspentkablar). A. Utanom tiltak i samband med eigars drift av høgspenningsanlegget er det i ikkje tillete med nye bygge- og anleggstiltak i område vist som fareområde høgspenningsanlegg. Restriksjonsgrensa for fareområdet strekker seg 7,5 meter til kvar side frå høgspentlinjas senterlinje. B. Anleggseigar kan gi likevel godkjenne bygge- og anleggstiltak/plassering av midlertidige installasjonar ut frå eigars eigen vurdering av sikkerheit for tiltaket. Byggeog anleggstiltak krev i tilfelle også godkjenning frå kommunen Sikringssone: Nedslagsfelt for drikkevatn. A. Innafor restriksjonsområdet som omfattar nedslagsfeltet for Juvvatnet som er drikkevasskjelde, er det forbod mot all telting eller anna overnatting i bubil, campingvogn eller liknande. B. Utanom byggeområda er likeeins forbod mot lagring av drivstoff og andre farlige kjemikaliar. I byggeområda er det gjeve særskilte reglar om slik lagring.