TERTIALRAPPORT 1/2011 SOGNDAL KOMMUNE

TERTIALRAPPORT 1/2011 SOGNDAL KOMMUNE 1

Tertialrapport 1/2011 1.0 INNLEIING...3 2.0 STATUS PÅ PRIORITERTE OMRÅDE...3 3.0 HOVUDTAL ØKONOMI...6 4.0 ØKONOMISKE AVVIK - TENESTE- OG STØTTEEININGAR...8 4.1 KULTUR... 8 4.2 PLAN OG NÆRING... 8 4.3 KOMMUNALTEKNIKK...8 4.6 PLEIE OG OMSORG... 10 4.7 BARNEHAGAR... 11 4.8 FJÆRLAND OPPVEKSTSENTER...11 4.9 NORANE OPPVEKSTSENTER...12 4.10 KAUPANGER SKULE...12 4.11 TRUDVANG SKULE...13 4.12 KVÅLE SKULE... 13 4.13.1 STØTTEEINING ØKONOMI...13 4.13.2 STØTTEEINING IKT/TENESTETORG...14 4.13.3 FAG OG UTVIKLING...14 4.13.4 POLITISK VERKSEMD...14 5 OPPSUMMERING BUDSJETTAVVIK...15 6 INVESTERINGSREKNESKAPEN...16 2

1.0 INNLEIING. Sogndal kommune har vedteke at administrasjonen skal utarbeide tertialrapportar. Føremålet med rapportane er å gi informasjon om oppfølging av budsjett gjennom året, med status for prioritert områder (10 på topp) og ressursbruken samanlikna med budsjett. 2.0 STATUS PÅ PRIORITERTE OMRÅDE 1. Vi skal vidareføre fornyingsarbeidet i kommunen ved m.a. å utarbeide ei eigarskapsmelding, evaluere og vidareutvikle vår flate struktur både politisk og administrativt, invitere nabokommunar til i fellesskap å greie ut konsekvensar av kommunesamanslåing mellom Leikanger, Luster og Sogndal kommune, etablere eit kvalitetssikringsystem for alle tenester og forvalting i kommunen, innføre nytt løns-, økonomi og personalsystem og etablere ei felles ordning for kompetanseplanlegging. Ein sakskomite er i ferd med å gjere ferdig eigarskapsmeldinga, og leggje denne fram for kommunestyret. Formannskapet har kome til at det ikkje skal setjast ned noko sakskomite for evaluering og vidareutvikling av vår flate struktur, men at ordførar skal leggja fram eit drøftingsnotat om dette. Nabokommunane Leikanger kommune og Luster kommune er invitert til greie ut konsekvensar av ei kommunesamanslåing. Luster kommune har meldt tilbake at dei ikkje ønskjer å ta del i eit slikt utgreiingsarbeid. Formannskapa i Leikanger kommune og Sogndal kommune har drøfta utkast til eit mandat for utgreiing av konsekvensar for samanslåing av kommunane Leikanger og Sogndal. Mandatet vil bli langt fram for handsaming i nytt kommunestyre etter valet. Arbeidet med å etablere eit kvalitetssikringssystem er sett i gang i alle delar av kommunen og omfattar oversyn over tenesteomtalar, prosedyrar, relevante planar og lover og system for avviksmelding, ROSanalyse og internkontroll. Arbeidet med innføring av nytt økonomi-, løns- og personalsystem er i rute. Hovudsystema for rekneskap og løn vart tekne i bruk frå 1 april. Det vidare arbeidet med å ta i bruk nytt personalsystem, ulike forsystem og modular vil halde fram ut året. Felles ordning for kompetanseplanlegging vil verta innført etter at personalsystemet er teke i bruk. 2. Vi skal følgje opp samhandlingsreforma ved å planlegge utbygging av helse- og omsorgstenestene i kommunen, slik at kommunen sjølv kan levere tenester som vi skal ta over frå spesialisthelsetenesta, m.a. ved å styrkje det førebyggjande helsearbeidet og auke kompetansen innan helse- og omsorgstenestene. Vi har etablert ei administrativ helse- og omsorgsgruppe som har faste møte. Gruppa har eigen verksemdsplan som har resultatmål direkte knytt opp mot samhandlingsreforma. Stikkordmessig kan måla skildrast slik: helsedata/styringsinformasjon utvikling av tenestene utbygging av Sogndal omsorgssenter kompetanseutvikling helse i plan. Andre viktige samhandlingsarena i denne fasen er tverrfagleg samarbeidsgruppe og demensteamet, som begge er sentrale for samarbeidet i helse- og omsorgstenesta, inkl. legetenesta. Vidare har deltaking i KS sitt program Flink med folk i første rekke som mål å setja brukaren i fokus, tenkja heilskapleg og arbeida tverrfagleg. Staten legg opp til at kommunane skal førebu seg til samhandlingsreforma m.a. ved gjennomføring av prosjekt og utprøving av nye tiltak. Kommunen har søkt om støtte frå Helsedirektoratet til to samhandlingsprosjekt, eitt om å styrkja det førebyggjande helsearbeidet/frisklivsentralen i samarbeid med Luster kommune og Leikanger kommune og eitt prosjekt i samarbeid med Helse Førde om utvikling av korttidsavdelinga ved SOS. I tillegg er kommunen medsøkjar til fleire andre samhandlingsprosjekt. 3

For å auke kapasiteten og gjere oss i stand til å løyse dei oppgåvene kommunen får som følgje av samhandlingsreforma, er det starta eit arbeid for utbygging av SOS. Med bakgrunn i eit romprogram har vi engasjert arkitekt i eit skisseprosjekt. Konklusjonar frå skisseprosjektet vil bli lagd til grunn for reguleringsplanarbeid og for økonomiplanarbeidet. Regjeringa legg opp til 20 prosent kommunal medfinansiering av konsultasjonar og medisinske opphald for somatiske pasientar frå 2012. Det vert også betalingsplikt for utskrivingsklare pasientar i sjukehus frå fyrste dag. Betalingssatsen er satt til 4000 kroner per døgnopphald. For oss er det viktig å få fram eit godt faktagrunnlag som basis for å vurdera konsekvensar for vår økonomi. Arbeidet er starta opp. Kommunane får vidare plikt til å etablera tilbod om døgnopphald for personar med behov for strakshjelp som har behov for behandling eller observasjon. Plikta skal fasast inn i perioden 2012-2015 og skal fullfinansierast. 3. Vi skal følgje opp strategisk skuleplan og Sats på skulen snu Sogn programmet og gjennomføre eit utviklingsprogram for barnehageleiarar. Dei ulike satsingsområda i strategisk skuleplan er konkretisert i skulane sine verksemdsplanar, og det er utarbeidd konkrete resultatmål for læringsresultat og trivsel. I Sats på skulen snu Sogn programmet er områda regionale fagnettverk og skuleeigarrolla prioriterte. Skulane deltek i relevante fagnettverk. Prioritering av skuleeigarrolla omfattar mellom anna utarbeiding av eiga pedagogisk årsmelding, gjennomføring av dialogmøte, opplæring som tema på kommunestyremøta og skulebesøk frå administrasjonen. Dei to siste punkta vert gjennomført til hausten. 8 barnehagestyrarar deltek på styraropplæring i programmet. Det vert sett i gang eit nytt kull til hausten, der fleire av pedagogane i barnehagane vil delta. Dette året deltek 9 leiarar frå Sogndal på studiet; Leiing i framtidas barnehage, som gir 30 studiepoeng. Alle barnehagestyrarane i Sogndal, både kommunale og ikkje-kommunale deltek. Til hausten startar nytt kull. Det er påmeldt minimum ein pedagog frå kvar barnehage. Dette inneber ei kompetanseheving på eit nivå som barnehagesektoren ikkje har hatt høve til nokon gong tidlegare, og er eit vesentleg bidrag til å operasjonaliserer to av tre hovudmål som regjeringa har for barnehagane i St.meld.nr.41; Kvalitet i barnehagen: 1. Sikre likeverdig og høg kvalitet i alle barnehagar, 2. Styrke barnehagen som læringsarena. 4. Vi skal leggje til rette for utbygginga av Sogndal vidaregåande skule og sentralbygget til Høgskulen i Sogn og Fjordane, inkl. overføring av Gymnaset frå fylkeskommunen til Statsbygg og gjennomføre utbygging av Kvåle stadion, slik at Fosshaugane Campus står fram som eit fylkessenter for utdanning, forsking og idrett. Vi skal og bidra til auka samhandling mellom partane på Fosshaugane Campus for å løyse ut potensialet for innovasjon og nyskaping. Utbygging av Sogndal vidaregåande skule (SVS) og sentralbygget til HSF går etter planen med ferdigstilling av vidaregåande skule sommaren 2011 (uteområdet i nov. 2011) og sentralbygget sommaren 2012. Fylkeskommunen og Statsbygg har klargjort grunnlaget for overføring av Gymnaset, og drøftar ein intensjonsavtale for å konkretisere rammene for denne overføringa. Overføring av Gymnaset og bygging av ny allmenfagdel for SVS bør takast stilling til i samband med investeringsprogrammet til fylkeskommunen som skal vedtakast i desember 2011. Utbygginga av Kvåle stadion går etter planen, og vil vera ferdig til skulestart i august i år. Det er gjennomførd kreativ campusseminar for å generere idear for innovasjon og nyskaping. Seminaret munna m.a. ut i tilrådingar for styrka profil knytt til fjellsport, klarting og andre former for ungdommeleg friluftsliv. 5. Vi skal gjere strandsona i Sogndal sentrum tilgjengeleg for allmenta ved å leggje til rette for allmenn bruk av friluftsområda på Hagelinnesa, leggje til rette for næringsutvikling og auka sjønær aktivitet, byggje ny bru over Sogndalselva og fullføre fjordstien frå Hagelinneset til næringsområdet på Nestangen. Arbeidet med tilrettelegging av allemen bruk av friluftsområda på Hagelinnesa vil bli følgt opp etter at klage over skjønnet i området er ferdig handsama. Reguleringsplan for ytre Øyane er handsama i kommunestyret. Planen legg til rette for næringsutvikling og auka sjønær aktivitet. Det er gjort avtale om prosjektering av fjordstien med tilhøyrande friområde/badeområde/småbåthamn. Prosjekteringa skal etter planen vera ferdig i oktober. Etter det kan utbygginga leggjast ut på anbod. Det er søkt om midlar til tiltaket både frå tettstadmidlar frå fylkeskommunen og frå INU. Fylkeskommunen har gitt ei 4

første løyving på 0,5 mill. kroner til tiltaket, og INU har for perioden 2010 til 2013 løyva 5,5 mill. til dette tiltaket. Planlegging av ny bru over Sogndalselva til ta til etter at utbygging av fjordsti og elvepark er starta. 6. Vi skal anlegge ny gravplass på Kaupanger. Vi skal lage ein plan for utviding av industriområdet med ein framtidsretta infrastruktur, og utvikle ein langsiktig strategi for eit konkurransedyktig og bærekraftig næringsliv på Kaupanger. Førebuande arbeid for ny gravplass på Kaupanger er gjennomførd og reguleringsplanarbeidet er annonsert med sikte på utlegging av reguleringsplan til hausten. Vi har motteke førespurnad frå Kaupanger Næringsselskap om planlegging av ny undergang under rv. 5, for å betre kommunikasjonen internt i industriområdet. Denne førespurnaden og utviding av industriområdet vil bli følgt opp over sommaren i samband med administrativ oppstart av revisjon av arealdelen av kommuneplanen. Det er engasjert ein høgskulekandidat for å utarbeide rapport om det biologiske mangfaldet i området. 7. Vi skal gjennomføre plan for opprusting av Mundal sentrum i samarbeid med Bygdeutvalet i Fjærland og arbeide for gode vegløysingar i Fjærland etter at bomstasjonen vert lagd ned. Plan for opprusting av Mundal sentrum vert gjennomførd i samråd med Bygdeutvalet i Fjærland. Ønskjer frå Bygdeutvalet om ny plan for parkeringsløysingar og behov for grunnundersøkingar i sjø, har gjort at prosjektering og innhenting av pris på utbygginga ikkje har kome i gang. Det vil bli engasjert ekstern konsulent for arbeid med reguleringsplan for nytt kryss med ny bru over Storeelvi i løpet av juni. 8. Vi skal leggje til rette for å bygge ny Loftesnesbru med tilhøyrande gangvegar og grøntanlegg. Vi skal leggje til rette for betre avvikling av interntrafikken i sentrum, og lage ein plan for mjuke trafikantar i sentrum som eit grunnlag for ein reguleringsplan med miljøprofil for Gravensteinsgata. Eit langsiktige mål er å få etablert eit miljølok i Gravensteinsgata Statens vegvesen arbeider med prosjekterting av ny Loftesnesbru. Utbygginga ligg ikkje inne i budsjettframlegget for 2012. Vi har arbeidd for at fylkeskommunen skal tilrår at det vert lagd inn ei startløyving i 2012 til utbygginga, og vil følgje dette opp også overfor departementet. Plan for betre avvikling av interntrafikken og plan for mjuke trafikantar vil bli kopla mot revisjon av arealdelen av kommuneplanen. 9. Vi skal medverke til å vidareutvikle Sogndalsdalen til eit velfungerande rekreasjons- og turområde for allmenta og eit attraktivt reiselivsmål basert på området sine unike natur- og kulturkvalitetar, med auka hyttebygging, og utbygging av Sogndal skisenter. Vi har i samråd med Kunnskapsparken og Bratt Moro AS sett behov for å samordne prosessar knytt til utvikling av Sogndalsdalen betre, og vil vurdere å søkje om eit Arena-prosjekt som ramme for dette arbeidet. Vi har vore i kontakt med aktuelle eigedomsutviklarar for Hodlekveområdet. Om og ev. når ei slik utbygging vil ta til er framleis usikkert. Vi vil i god tid før neste skissesong drøfte korleis løyvinga frå kommunen til Sogndals skisenteret bør nyttast for å utvikle skisenteret vidare. 10. Vi skal medverke til å vidareutvikle Fjellsportfestivalen til å bli ein leiande og levedyktig festival innafor sitt område, med fokus på kunnskap, opplevingar og kultur, og med lokal forankring og arbeide for at festivalen får knutepunktstatus. Vi har bidrege med råd og oppfølging av ein søknad frå Bratt Moro inn mot bulyst-midla for m.a etablering av Norsk Fjellsportsenter, inkl ein årleg fjellsportfestival. Søknaden er tilrådd støtta av fylkeskommunen, og vil bli handsama av departementet i løpet av kort tid. Det vert ikkje gjennomførd Fjellsportfestival i 2011. 3.0 HOVUDTAL ØKONOMI Skatt og rammetilskot Skatt og rammetilskot er budsjettert etter prognose frå KS. Siste prognose vart lagd ut 16 mai og byggjer på kommuneproposisjonen for 2012. Prognosen er oppdatert etter nytt folketal pr 1 januar 2011 knytt til berekning av inntektsutjevning for 2011. Rammetilskotet er budsjettert med 156,38 mill og er berekna til 157,12 i den nye 5

prognosen. Dette utgjer ein auke i rammetilskotet på kr.740 000. Skatteinntektene er budsjettert med 136,28 mill og er berekna til 137,59 mill i den nye prognosen. Dette utgjer ein auke i skatteinntektene på 1 310 000. Løn og pensjon Løn Det er sett av 2,9 mill til lønsoppgjeret i 2011. Dette er rekna ut frå eit lønsoppgjer med ramme på 3,25 %. Tarifforhandlingane om regulering mellomoppgjeret vart sluttført den 30. april. Siste tilbod frå KS er anbefalt av partane. Forhandlingsresultatet inneber eit generelt lønstillegg og justering av minstelønssatsane. Det vert gitt eit generelt tillegg på 1,72%, minimum kr. 7000. Utrekningar viser at det er budsjettert med om lag kr. 900 000 for lite for å dekke årets lønsoppgjer. Pensjon Det er ikkje innhenta ny prognose for pensjon for 2011. Dette kjem vi attende til i 2 tertial. Eigedomsskatt Inntekter på eigedomsskatt for 1 halvår 2011 er 9,6 mill. På årsbasis vert inntektene på 19,2 mill. Dette gir ei meirinntekt i høve til budsjett med om lag kr. 300 000. Renter Renteutgifter Det er budsjettert med ein gjennomsnittleg rentesats på 3,25% på lån som utgjer om lag 10,1 mill i renteutgifter. Kommunen har hovudtyngda av lån i Kommunalbanken. Renta for 1 kvartal har vore 2,6%. Det betyr at kommunen har ei innsparing på renteutgifter for 1 kvartal med omlag 500 000. Frå slutten av april auka renta til 2,77%. Det er forventa ytterlegare auke i rentenivået i løpet av året. Renteinntekter Renter på bankinnskot er budsjettert med i underkant av kr. 3,6 mill. Av dette renter av fondsmidlar som skal avsetjast med 1,3 mill. Hovudtyngda av bankinnskot er plassert i Sparebanken Sogn og Fjordane. 29,4 mill er plassert i Sparebanken Vest. Renter på utlån er budsjettert med 990 000 som fordeler seg på formidlingslån med 70 000, lån Sil-tribuna med 480 000 og ansvarleg lån Sognekraft med 440 000. For renteinntekter er det budsjettert med same rentesats som for lån i Kommunalbanken. Renteinntekter er difor forventa å bli mindre enn budsjettert som følgje av lågare rente. Ut frå renteutviklinga så langt i år kan vi forvente ei innsparing på netto renter med om lag 1 mill for heile året. Avdrag Det er budsjettert med 18,1 mill i avdrag. Avdragsutgiftene vil bli 135 000 høgare som følgje av nytt låneopptak på 5,5 mill. Avkastning verdipapirfond Det er budsjettert med ei gjennomsnittleg avkastning på 6%. Rekna ut frå ein balanseførd verdi på portefølje på 13 mill utgjer dette kr. 780 000. Avkastninga pr. 30 april er på 1,2% og utgjer omlag 134 000. Første kvartal var prega av store svingingar på børsane. Avkastninga så langt er difor lågare enn forventa. Det er likevel forventa at 2011 skal bli eit godt år. Utbyte og eigaruttak Budsjettert utbyte frå Sognekraft er kr. 3 623 400. Dette er budsjettert med ein føresetnad om eit samla utbyte på 33 mill. Utbytte for 2010 frå Sognekraft er på 30 mill. kroner, noko som gjev 330 000 lågare utbetaling enn budsjettert. Utbyte frå Sentrumsbygg AS er budsjettert med kr. 200 000. Andre tilskot og overføringar Mva kompensasjon investering Det er budsjettert med kr. 2 355 000 i mva-kompensasjon frå investeringar. Pr 1 tertial viser rekneskapen kr. 664000. Mva-kompensasjon frå investeringar vert inntektsførd i driftsrekneskapen og vidare overførd til investeringsrekneskapen for finansiering av investeringar. Reduserte inntekter mva-kompensasjon investeringar vil såleis tilsvarande føre til reduserte overføringar til investeringsrekneskapen. Framdrifta på dei ulike investeringane er avgjerande for desse postane. Konsesjonskraft 6

Det er budsjettert med inntekter frå konsesjonskraft på kr. 1,4 mill. Konsesjonskraft vert betalt av Sognekraft med 4 terminar i året og frå Balestrand kommune (Mel kraftverk i desember). Inntektene til kommunen er avhengig av prisen på kraft. Pga høge straumprisar ser det ut for at inntekter på konsesjonskraft blir ein god del høgare enn budsjettert. For 1 kvartal er det innbetalt kr. 700 000 som er 150 000 høgare enn for same kvartal i fjor. Det er grunn til å tru at inntektene på årsbasis vert om lag kr. 600 000 høgare enn budsjettert. Statstilskot flyktningar Statstilskot flyktningar er budsjettert med 9 mill. Dette under føresetnad av planlagd busetjing. For statstilskot asylantar er det budsjettert med kr. 1 1 mill. Inntektene her vil bli kr. 123 000 høgare enn budsjettert. Kompensasjon investeringskostnadar omsorgsbustader og aldersheimar Det er budsjettert med inntekter på 2,7 mill. Inntektene for heile året er avhengig av rentenivået. Så langt i året har rentenivået vore lågare enn forventa og vi må difor rekne med lågare inntekter. Kompensasjon investeringskostnadar skule Det er budsjettert med 1,7 mill i kompensasjon. Som ovanfor har rentenivået innverknad på kor høge inntektene vert. Avkastning Kraftfond II Det er budsjettert med ei samla avkastning kraftfond II på 1,9 mill fordelt på avkastning verdipapirfond med kr. 780 000, utlån SIL-tribuna med kr. 480 000 og renter av bankinnskot med kr. 647 000. Lågare rentenivå enn budsjettert vil gi ei lågare avkastning enn budsjettert. 7

4.0 ØKONOMISKE AVVIK - TENESTE- OG STØTTEEININGAR. 4.1 KULTUR Det er forventa eit meirforbruk på kr. 22 000 for eininga. Kultur ansvar 100 Det er forventa eit meirforbruk på 22 000. Sogn kulturskule hadde vidare i utgangspunktet budsjettertet med høgare aktivitet enn det som låg i Sogndal kommune sitt budsjett, om lag kr. 92 000. Det vil difor ikkje vere mogleg innanfor budsjettet å gjennomføre planlagde tiltak innan biletkunst og teater i 2011. Dette utgjer om lag kr. 70 000. I tillegg kan det verte aktuelt å redusere elevtalet noko frå hausten av for å halde drifta innafor budsjettramma. 4.2 PLAN OG NÆRING Tenesteeininga har eit samla forventa meirforbruk på kr. 600 000. 290 Brann og ulykkesvern Det er forventa eit meirforbruk på om lag 600 000. Meirforbruket skuldast i hovudsak for lite budsjett på løn med kr. 400 000. Dette er ei vidareføring av fjoråret der meirforbruket på løn var i underkant av 700 000. I tillegg er det forventa eit meirforbruk på varer og tenester med om lag 200 000. Budsjettet på dette området vil bli nærare vurdert når vi har full oversikt over dei budsjettmessige følgjene av etablering av Sogn brann og redning. 4.3 KOMMUNALTEKNIKK Kommunalteknikk er ei eining med mange ulike ansvarsområde. Dei fleste har kostnadar som ikkje er fordelt likt over året. Dette, i tillegg til at det ikkje er sett opp periodevis budsjett, gjer at det er vanskeleg å framskrive tertialsresultata til å gjelde heile året. Framskrive på årsbasis er det forventa at eininga har eit meirforbruk på 2,1 millionar. FDV-ansvara Det er forventa eit avvik på i overkant av 1,5 mill framskrive på årsbasis. Dette skuldast høgare straumkostnadar enn budsjettert med om lag kr. 855 000. I samband med utarbeiding av budsjettet for 2011 vart auka FDV-kostnad knytt til utvidinga av Kvåle skule og friluftsbarnehagen på Kjørnes utegløymd. Areala er henholdsvis 770 og 75 kvadratmeter. Driftskostnad per kvadratmeter er kr. 1000 som fører til ein kostnadsauke på kr 845 000. Til fråtrekk kjem areal for brakkene på Trudvang med kr. 200 000. Ansvar 340 Kommunale vegar Det er forventa eit avvik på om lag 0,6 mill framskrive på årsbasis. Dette skuldast eit arbeidskrevjande vær i vinter. 4.4 BARN OG UNGE Framskrive på årsbasis forventar vi at tenesteeining Barn og Unge vil få eit meirforbruk på kr. 310 000. Ansvar 472 Sogn Barnevern Distrikt Sogndal Tiltak i og utafor heimen. 8

Det er forventa eit meirforbruk på ca.kr. 400 000. Meirforbruket skuldast auka utgifter med kr. 1 120 000 som følgje av fleire saker med forsterka fosterheimar. Av dette vert kr. 600 000 refundert frå Bufetat. I tillegg er det forventa reduksjon i kjøp av tenester frå Bufetat med 120 000. Ansvar 490 Helsestasjonen. Den generelle drifta syner at vi kan forvente ei innsparing på 40 000 knytt til vakansar. Ansvar 491 Jordmortenesta: Jordmortenesta kan forvente ei samla innsparing på kr. 50 000. Oppsummering: Ansvar Tekst Meirforbruk Mindreforbruk 472 Sogn Barnevern Distrikt Sogndal 400 000 490 Helsestasjon 40 000 491 Jordmortenesta 50 000 4.5 HELSE OG SOSIAL : Tertialrapport for tenesteeining helse- og sosial syner eit samla meirforbruk på kr. 358 000 framskrive på årsbasis. Ansvar 401 Legetenesta. Drift av legetenesta syner at vi kan forvente eit meirforbruk på kr. 250 000. Auka utgifter til leige av vikarlegar (husleige/formidlingshonorar). Avrekning frå legane for drift i 2010 er utgiftsført i 2011. Dette skuldast at kravet kom inn etter fristen for årsrekneskapen. Praksiskompensasjon til legane har auka utover det som ligg i den generelle prisauken. Ansvar 411 Fysioterapitenesta. Drifta syner at vi kan vente eit mindreforbruk på kr. 120 000. Dette skuldast innsparing av lønsutgifter og reduksjon i driftstilskot til privat praktiserande fysioterapeutar som følgje av vakansar. Ansvar 420 Miljøretta helsevern. Drift av miljøretta helsevern kan vente eit mindreforbruk på kr. 70 000 som skuldast generell innsparing på lønn. Ansvar 430 Administrasjon sosialkontoret. Drift av tenesteområdet syner at vi kan forvente eit mindreforbruk på kr. 40 000. Dette skuldast ei generell innsparing. Ansvar 439 Ymse stønadsordningar. Kostnader med drift av Krisensenteret i Sogn og Fjordane i 2011 fører til ei meirutgift på kr.28 000. Ansvar 450 Støttekontakt/avlastning funksjonshemma. Drift av tenesteområdet syner at vi så langt kan rekne med eit meirforbruk på kr.130 000. Årsak til dette er auka utgifter til støttekontakt, og at NAV reduserar sine tiltaksplassar innan VTA (varig tilrettelagt arbeidsplass) og AB (arbeid med bistand). Brukarar som ikkje lenger får arbeidstrening/aktivisering gjennom NAV, vil truleg gjere krav om dette til kommunen. Kva som vert resultatet av dette er noko usikker. Ansvar 451 PU tenesta: Vi vil truleg ikkje oppnå budsjettet for tilskot frå staten til tunge ressurskrevjande brukarar. Forventa mindreinntekt er rekna til ca. kr. 180 000. Då har vi teke omsyn til meirinntekt frå 2010 som vert inntektsført i 2011. Drifta hittil syner at vi gjennom innsparing på lønsutgifter kan få redusert det samla meirforbruket slik at samla drift av tenesta vert i samsvar med vedteke budsjett. Ansvar 452 Psykisk helsearbeid. Vi kan rekne med å få ei innsparing på kr. 150 000 p.g.a. vakante stillingar. Ansvar 453 Støttekontakt PU. Vi kan rekne med ein auke i utgifter på kr. 100 000 til støttekontakt for brukarar i PU. 9

Ansvar 454 Støttekontakt psykisk helsearbeid. Det er forventa eit meirforbruk på kr. 110 000 som skuldast auke i støttekontakttimar til denne brukargruppa. Ansvar 456 Personleg assistent. Tenesteområdet vil få ei meirutgift på kr. 150 000. Det er lagt i budsjett ei forventa inntekt frå RO-senteret på kr. 100 000. Denne inntektsposten vil falle bort i 2011 Vi har ingen brukarar som i 2011 vil kvalifisere til å motta tilskot frå RO-senteret. Ansvar 459 Omsorgsløn. Forbruket hittil i år syner ei innsparing på kr. 30 000. Oppsummering: Ansvar Tekst Meirforbruk Mindreforbruk 401 Legetenesta 250 000 411 Fysioterapitenesta 120 000 420 Miljøretta helsevern 70 000 430 Administrasjonen Helse- og sosial 40 000 439 Ymse stønadsordningar 28 000 450 Støttekontakt/avlastning funksjonshemma 130 000 452 Psykisk helsearbeid 150 000 453 Støttekontakt PU 100 000 454 Støttekontakt psykisk helsearbeid 110 000 456 Personleg assistent 150 000 459 Omsorgsløn 30 000 4.6 PLEIE OG OMSORG Det er forventa eit meirforbruk på eininga med kr. 2 643 000. Det vil bli gjennomførd ei rekkje tiltak for å forsøke å få betre samsvar mellom forbruk og budsjettramme. Tenesta er tilført midlar for å redusere differansen mellom økonomisk ramme og faktisk drift. Prisauken for kjøp av tenester, medisinar, medisinske forbruksvarer og leigevask, har hatt ein vesentleg større prisvekst enn det som er budsjettert. Drifta er lagd mest mogleg rasjonell iht rehabilitering, førebygging og for å tilpasse driftsendringane i 2.linjetenestene. Pleietyngda i dei heimebaserte tenestene har auka mykje. Dette gjeld både vekst i hjelpa til den einskilde og vekst i talet på brukarar. Institusjonsdelen av tenesta har frå 1.januar hatt 32 plassar i drift. 9 av desse plassane har vore nytta til tidsavgrensa opphald. 5 av plassane har vore nytta til avlastning og har soleis ikkje gitt inntekt, medan dei resterande korttidsplassane gir kr 6.500 pr. plass pr. månad mindre i inntekt i høve til langtidsopphald. Totalt gjev dette eit inntektstap på om lag kr 282.000 på fire månader. Institusjonen har brukarar med eit personalbehov som er sett til 1:1. Institusjonen har 8 plassar over driftsramma. Pleiefaktor er sett til 0.8. Funksjon 234: Aktivitetsavdeling. Vi vil truleg få ei overskriding på årsbasis på kr 68 000. Funksjon 253: Sjukeheim. Forbruk på lønn og sosiale utgifter vil på årsbasis gje ei overskriding stipulert til kr 1.500.000. Utgifter til ferievikarar og høgtidsdagar i påske og mai er ikkje belasta. Varer og tenester har eit underforbruk iht budsjettet. Avdelinga har eit gjennomsnittleg pasienttal på 32 dei fire fyrste månadane. Samanlikna med 2010 har institusjonsdelen hatt 14 færre innskrivingar dei fire fyrste månadane, men vi har hatt vesentleg meir ressurskrevjande brukarar. Inntektene, momskompensasjon, salsinntekter og refusjonar vil framskrive etter tre månader gje auka inntekt på 842 000. Funksjon 254: Heimesjukepleie / heimehjelp. Forbruket på løn og sosiale utgifter har eit overforbruk. Dette skuldast høgare faktisk driftsnivå enn det som ligg i budsjettet. På årsbasis vil dette gje ei overskriding på 3,8 mill. kr. inklusivt utgifter til ferievikarar. Varer og tenester har eit overforbruk som på årsbasis vil gje ei overskriding på kr 400.000. Salsinntekter som er 10

eigenbetaling for heimehjelp, sal av mat vil gje mindre inntekt enn budsjettert på kr 280.000. Refusjon av sjukepengar og momskompensasjon vil gje ei meirinntekt på kr 2.734.000 Funksjon 265: Omsorgsbustader. Ansvaret vil gje ein inntektsreduksjon iht budsjettet på kr 171.000. Oppsummering, eks. F-kostnader: Funksjon Innsparing / meirinntekter Overskriding / tapte inntekter 234- løn og sosiale utgifter 68.000 253- løn og sosiale utgifter 253- varer og tenester 253- salsinntekter 253- refusjonar 842.000 1.500.000 254- løn og sosiale utgifter 254- varer og tenester 254- salsinntekter 254- refusjonar 2.734.000 3.800.000 400.000 280.000 265- varer og tenester 265- salsinntekter 171.000 Sum 3.576.000 6.219.000 2.643.000 4.7 BARNEHAGAR Det er forventa eit meirforbruk på eininga på totalt kr. 2 362 000. Ikkje-kommunale barnehagar. Det kom nytt regelverk for likeverdig behandling av kommunale og ikkje-kommunale barnehagar frå 01.01.11. Opplæring i dette vart gitt etter at budsjettet vart vedteke. Budsjettramma for dei ikkje-kommunale barnehagar er ikkje i samsvar med dei betalingspliktene kommunen har i høve desse barnehagane. Samla utgjer dette ein meirkostnad på kr 1 762 000. Rett til barnehageplass; full barnehagedekning Av dei som har rett til barnehageplass frå nytt barnehageåret 2011/12 er det 10 barn under 3 år som enno ikkje har plass, 6 søkjer 100%, 4 søkjer 60%. I tillegg er det 22 barn under 1 år (ikkje rett) på venteliste. 16 er fødde i 2010. Opptaket er ikkje avslutta enno, og nokre av dei som har fått tildelt plass kan seie frå seg plassen heilt fram til 15. juli. Vi arbeider med naudsynte tiltak for å fylle kommunen si plikt til å gi barnehageplass. Dei økonomiske konsekvensane av dette vil fullt ut først vera klart i samband med 2. tertialrapport, men det er grunn til å rekne med behov for ei tilleggsløyving på om lag kr. 600 000. Spesialpedagogisk arbeid Eit tiltak for å redusere kostnadene til kommunen 2011 var å redusere bemanning til spesialpedagogiske tenester. Barnehagen har fått fleire søknader med tilråding om nye tiltak enn det som låg til grunn i tidspunktet for budsjettarbeidet. Nivået på søknader ser ut til å vere større enn på same tidspunkt 2010. Desse søknadene er rettar etter Opplæringslova, og kommunen har avgrensa høve til å avslå søknadene utan å dokumentere at behovet er mindre enn tilrådinga. Søknadene for neste barnehageår er ikkje behandla, men det kan bli vanskeleg å unngå eit meirforbruk i høve budsjettet. 4.8 FJÆRLAND OPPVEKSTSENTER Det er forventa at eininga totalt går i balanse Fjærland skule, ansvar 520 Framskriving av løn, sosiale utgifter og drift viser eit positivt resultat på om lag kr 200 000 i høve budsjettet. 11

Fjærland barnehage, ansvar 525 Det er forventa eit meirforbruk på 150 000. Dette skuldast at barnegruppa vert auka frå 16,2 plassar til 18,8 plassar frå nytt barnehageår. Foreldrebetalinga vil ikkje dekke inn auka lønskostnad. Fjærland skulefritidsordning, ansvar 521 Oppvekstsenteret har ei eiga SFO-gruppe 2 dagar i veka, i tillegg til ein elev tilbod i barnehagen dei tre andre dagane i veka. Frå hausten 2011 vert det ikkje plass til SFO i barnehagen, og inntektsgrunnlaget vert difor redusert. Framskriving av løn, sosiale utgifter og drift viser eit meirforbruk på kr 50 000. 4.9 NORANE OPPVEKSTSENTER : Framskrive for budsjettåret 2011 vil Norane oppvekstsenter ha eit mindreforbruk på om lag kr. 40 000. Norane skule, ansvar 530. Norane skule har pr. 1. kvartal 2011 eit positivt avvik på løn og sosiale utgifter på kr. 100 000. Ansvaret har også eit positivt avvik på om lag kr. 90 000 i refusjon av sjukepengar. Mindreforbruket pr. 1. kvartal er planlagt og retta mot skulestart haust 2011. Gruppa som skal starte i skulen er stor og har mange utfordringar. Vi planlegg å nytte dei oppsparte midlane hausten 2011, men legg inn ein buffer som framskrive for 2011 vil gje eit positivt avvik på om lag kr. 50 000. Norane skulefritidsordning, ansvar 531. Norane skulefritidsordning har pr. 1. kvartal 2011 eit positivt avvik på løn og sosiale utgifter på kr. 30 000. Grunnen til avviket er effektivisering og samarbeid med Ylvisåker barnehage i tilknyting til ferie og sjukmeldingar. Ansvaret har i same periode eit negativt avvik på salsinntekter på kr. 16 000. Sfo-opptaket for hausten 2011 er ikkje klart enno. Med same driftsnivå som i dag vil ansvaret framskrive ha eit positivt avvik på om lag kr. 50 000 for 2011. Ylvisåker barnehage, ansvar 535. Ylvisåker barnehage har pr. 1. kvartal 2011 eit negativt avvik på kr. 64 000. Refusjon sjukepengar i same periode utgjer kr 43 000 og refusjon lengre fråvær ca kr. 10 000. Vikarbudsjettet er pr. 01.04.11 brukt opp. Framskrive 2011 vi ansvaret få eit negativt avvik på om lag kr. 60 000. 4.10 KAUPANGER SKULE 1.kvartalsrapport for tenesteeining Kaupanger skule viser eit framskrive positivt resultat på kr 100.000. 540 Kaupanger skule Lønnsutlogene viser eit meirforbruk på kr 106.000. Dette vert utlikna ved refusjonar knytt til permisjonar og sjukmeldingar. 544 Kaupanger SFO Ansvarsområdet vil få eit mindreforbruk på kr 100.000. Dette skuldast auke i tal brukarar utan at vi har auka tal tilsette. 4.10 TRUDVANG SKULE : Framskrive for budsjettåret 2011 vil Trudvang skule ha eit resultat som er i balanse. Trudvang skule, ansvar 550. Trudvang skule har pr. 1. kvartal 2011 eit negativt avvik på løn og sosiale utgifter på kr. 770.000. Ansvaret har eit positivt avvik på om lag kr. 190.000 i refusjon av sjukepengar og 67.500 i refusjon fødselspengar. Vi har ikkje teke inn refusjonar frå gjesteelevar og sal av tilsette, dette utgjer 150.000. 12

Avviket pr. 1. kvartal er planlagt og retta mot skulestart haust 2011. Gruppa som skal starte i skulen er mindre krevjande enn dei som har gått over til Kvåle skule. Ressursuttaket vert derfor mindre, slik at årsresultatet er venta å gå i balanse. Trudvang skulefritidsordning, ansvar 551. Trudvang skulefritidsordning har pr. 1. kvartal 2011 eit negativt avvik på løn og sosiale utgifter på kr. 14.000. Ansvaret har i same periode eit positivt avvik på salsinntekter. Sfo inntaket for hausten 2011 er ikkje klart enno, men det ser ut til at det vert fleire brukarar. Med same driftsnivå som i dag vil ansvaret framskrive ha eit budsjett i balanse. Opplæring for vaksne i institusjon, ansvar 571. Opplæring for vaksne i institusjon har pr. 1. kvartal 2011 eit positivt avvik på løn og sosiale utgifter på kr. 160.000. Grunnen til avviket er sjukmeldingsperiode der opplæringa er løyst på anna måte. Inntaket for hausten 2011 er ikkje klart enno, men det ser ut til at det vert fleire brukarar. Med same driftsnivå som i dag vil ansvaret framskrive ha eit budsjett i balanse 4.12 KVÅLE SKULE Samla sett har eining eit forventa mindreforbruk på om lag kr. 240 000. Alle driftspostar for tenesteområdet Kvåle skule ligg godt innanfor gjeldande budsjett. Naudsynte ombyggingar ved skulen som del av ny organisering 6.-10. trinn vil bli løyst innanfor fastsette rammer for tenesteeininga. Også for løn og sosiale utgifter balanserer rekneskapstala godt. Vi har ikkje full oversikt over eventuelle spesialpedagogiske tiltak som kan koma med elevar som flytter til kommunen i perioden fram til nytt skuleår tek til. Melding om dette kan ein først gi ved rapportering av 2. tertial 2011. Ansvar 560 Kvåle skule: Her viser framskriving på om lag kr 115 000 under budsjett. Ansvar 571 Vaksenopplæring i institusjon Framskrivinga av rekneskapstala viser eit forbruk som ligg under budsjettet. Det er då lagt inn drift av inntil 3 nye brukarar med 15 t/v. Samla vil ansvaret ha eit positivt resultat på kr 125 000. 4.13.1 STØTTEEINING ØKONOMI Det er forventa eit meirforbruk på om lag kr. 120 000. 640 Økonomiavdelinga Det er forventa eit meirforbruk med om lag 100 000. Dette skuldast ekstra utgifter i samband med nytt løns-, økonomi- og personalsystem. Det har vore behov for auka bemanning på eininga og alle ledige stillingar har vorte nytta. I tillegg til dette har det vore noko bruk av ekstrahjelp og overtid samt auka reiseutgifter som følgje av mange møter og opplæringsdagar på Leikanger. 641 Kontroll og revisjon Det er forventa eit meirforbruk på om lag 20 000 som følgje av auka revisjonskostnader. 4.13.2 STØTTEEINING IKT/TENESTETORG Det er forventa at eininga går i balanse 4.13.3 FAG OG UTVIKLING For støtteeining fag og utvikling er det forventa eit samla mindreforbruk på kr. 2 166 000. Fag og utvikling ansvar 700 Festeinntekter og festeutgifter 13

Ei rekkje festekontraktar er løyst inn dei seinare åra, m.a. eit stort område på Fosshaugane. Her ligg det inne ein budsjettføresetnad om at festeutgifter for perioden fram til 1.4 2010 vert etterskotsbetalt i 2011. Desse kostnadene vert utgiftsførd i 2010. Dette gjev både reduserte utgifter og reduserte refusjonar, med nettoverknad på eit forventa mindreforbruk på 900 000 kroner. Norskopplæring ansvar 730 Mindreforbruk 1 266 492. Utgiftene er i samsvar med budsjettet. Med dei deltakarane vi no har, vil vi få om lag 300 000 meir i statstilskot enn budsjettert. Med auke i tal busette flyktningar i nabokommunane og inntekter frå betalingselevar, vil vi få ei inntekt på om lag 1 800 000 som ikkje er budsjettert i år. Talet er noko usikkert og er avhengig av busetjing i nabokommunane. Med auke i tal elevar og ei omlegging av undervisninga for å møte kravet til god nok kvalifisering til arbeid, kan det verte behov for noko auka driftsutgifter. Vi har budsjettert med at vi skal nytte 1 266 492 av generaløkonomien på dette tenesteområdet. Norskopplæringa skal dekkast av statstilskot og refusjon frå andre kommunar. Meir-/mindreforbruk vert utlikna ved avsetjing/bruk av norskopplæringsfondet. Felleskonto skule ansvar 710 Forbruk på skuleskyss pr. 1. kvartal er om lag 90 000 meir enn budsjettert. Her vil vi ofte få endringar ved nytt skuleår, og utgiftene kan gå både opp og ned. Dette vil vi ha betre oversyn over ved 2. tertialrapport. Vi har fått munnleg melding om at driftsutgiftene av PPT kontoret kan auke noko når dei flyttar inn i nye lokale, men kor mykje er ikkje klart i dag. Dei andre postane er i samsvar med budsjettet. Frivilligsentralen ansvar 735 Her har vi hatt noko auka inntekter (statstilskot) og noko auka utgifter i samband med avvikling av stiftinga. Dei andre budsjettpostane er tilpassa dette, slik at samla sett er det ikkje avvik i høve til budsjettet. Flyktningtenesta Samla sett er forbruk i samsvar med budsjettet. Det kan verte noko innsparingar i høve til løn grunna mellombels vakant stilling og langstidssjukefråvær. Andre stillingar er justert opp, slik at fult oversyn over dette har vi først ved 2. tertial. Inntektene (integreringstilskot) og utgifter til introduksjonsløn er knytt til busetjing av flyktningar og tidspunkt for busetjing. Budsjettet tek utgangspunkt i vedtak om at vi skal busetje 25 personar i 2011, og så langt har vi busett 8 personar. Vidare busetjing vil vere avhengig av at vi klarer å skaffe bustader. Dette vil vi ha betre oversyn over ved 2. tertial. 4.13.4 POLITISK VERKSEMD Det er forventa eit totalt meirforbruk på totalt 90 000. Overformynderiet ansvar 760 Ansvarsområdet vil ha eit meirforbruk på om lag 90 000. Dette skuldast manglande budsjett. 14

5 OPPSUMMERING BUDSJETTAVVIK Prognose framskriving budsjettavvik basert på 1. kvartal (1000 kr): OMRÅDE / TENESTEEINING Mindreforbruk meirforbruk Kultur 22 Plan og næring 600 Kommunalteknikk 2 100 Barn og unge 310 Helse og sosial 358 Pleie og omsorg 2 643 Barnehagar 2 362 Fjærland oppvekstsenter Norane oppvekstsenter 40 Kaupanger skule 100 Kvåle skule 240 Trudvang skule Tenestetorg/IKT Støtte økonomi 120 Fag og utvikling 2 166 Politisk verksemd 90 Til fordeling på einingane* 660 3 206 8 605 SUM 5 399 Skatt 1310 Rammetilskot/inntektsutjamning 740 Eigedomsskatt 300 Netto renter 1 000 Avdrag 135 Avkastning/tap verdipapirfond Utbyte og eigaruttak 330 Mva-kompensasjon investering Andre tilskot og overføringar** 723 Overføring til investeringsrekneskapen Lønsoppgjer 2010 800 Avsetjingar (avkastning verdipapirfond) Bruk av avsetjingar 4 073 1 265 SUM 2 808 UBALANSE 2 591 *Fordeling lærlingar 540, auka bruk av bil i tenesten 120 **Konsesjonskraft 600, statstilskot asylantar 123 15

6. INVESTERINGSREKNESKAPEN Nedafor vert det orientert om investeringsprosjekt der føresetnaden som ligg i økonomiplanen er endra eller der det er venta avvik i høve trong for endringar i rammene. Prosjekt 0721 Utvikling Mundal sentrum Prosjektet er eit samarbeid mellom Bygdautvalet i Fjærland og kommunen. Bygdautvalet har utvikla ei eiga skissa for prosjektet, og fått tilbod på grunnundersøkingar. Vi er i kontakt med Fylkesmannen for å avklare kva krav som dei stiller til undersøkingane. Bygdautvalet ønskjer å gjennomføre prosjektet med god kvalitet, og det har vi akseptert så lenge alle partar er innforstått med at når finansieringa er slutt, må Bygdautvalet fortsette prosjektet på eigehand. Det er 1,4 millionar til rådvelde i prosjektet, og av desse er 975 000 i tettstadmidlar frå fylkeskommunen. Vi håpar å kunne komme i gang med bygging i løpet av sommaren eller hausten 2011. Prosjekt 0940: Aabergevegen Framdrifta på prosjektet er som planlagt, og anlegget vil bli ferdigstilt i juni 2011. På grunn av meir omfattande prosjektering og bygging av VA-anlegget på prosjektet, er det eit meirforbruk på 700 000 i prosjektet. Dette blir dekka av VA-midlane for 2010. Prosjekt 1062: Leidningskart VA Prosjektet er avslutta. Resultatet frå prosjektet er kart som visar kapasiteten i dei kommunale vassleidningane samt brannvasskapasiteten. Det er avdekke nokon avvik i brannvasskapasitet, og dette vil bli teke med ved rullering av hovudplan for vatn i 2013. Prosjekt 1120: Investering maskinpark Prosjektet gjeld kjøp av ny lastebil. Anbodsrunde er gjennomførd og ny lastebil er bestilt. Prisen for lastebilen vart 1 330 000 ekls. moms, og den gamle er seld for 135 000. Totalt manglar det ca. 50 000 i finansiering, og det vert dekka over driftsbudsjettet til ansvar 345 Parkering. Prosjekt 1121: Nytt arkivrom Første fase med røyrleggjar er gjennomførd. I løpet av summaren/hausten vil resten av arbeidet verta gjennomførast. Reolar til arkivet vil mest sannsynleg kosta meir enn budsjettert. Det er henta inn foreløpige prisar, og dei visar ein differanse i høve budsjett på om lag 100 000. Avfuktar er ikkje ein planlagt montert i arkivet som ein del av prosjektet. Om det blir nødvendig, vil det krevje investeringar på om lag 100 000. Det er krav i forskrifta om ein luftråme på 45-55 %. Prosjekt 1150: Trafikktryggingstiltak Tildeling av trafikktryggingsmidlar for 2011 er for følgjande prosjekt: - Gangveg Ingafossen Kvåle skule 400 000 - Trafikktryggingstiltak skuleområdet Trudvang/Skulevegen/Dalavegen 6000 - Gangsti utanom rekkverket Nornes til busstoppen 33 000 - Skilting Rones barnehage 6000 - Fjerning av hekk/siktsone avkjørsel ved Mundal sentrum 6000 For prosjektet Gangveg Ingafossen Kvåle skule er prosjekteringa ferdig, og tilbodsfristen er 20.mai. Tilbodet ligg over ramma på 800 000. Vi ser på finansieringsløysingar og reduksjon i utbygginga for å få samsvar mellom utbygging og ramme. Prosjekt 1170: Strandsoneprosjektet Kontrakt for prosjektering av strandsona er skrevet med Multiconsult AS i Bergen. Prosjekteringsarbeidet vil være ferdig i løpet av hausten 2011. Kontrakten gjeld for området frå Loftesnesbrua i aust til Fjord1-kaia i vest, samt friområdet aust for Sogdalselva. Budsjettet for prosjekteringsoppdraget er 2 400 000, og finansierast av fond og støtte frå INU og fylkeskommunen. Prosjekt 1171: Uteområde Trudvang skule Prosjektet vil gjennomførast i samarbeid med Trudvang skule. Tilbod for riving av brakkane er motteke, og rivinga vil verte gjennomførd i løpet av juni. Endeleg skisse for uteområdet vil verte ferdig medio mai, og oppbygginga av uteområdet vil starte tidleg hausten. Prosjektet har ei ramme på 1,5 millionar. 16