SAMLA SAKSFRAMSTILLING

Side 1 SAMLA SAKSFRAMSTILLING Arkivsak: 11/358-2747/13 Saksbeh.: Torbjørg Austrud Arkivkode: PLAN 2011002 Saksnr.: Utval Møtedato 8/13 Formannskap/ plan og økonomi 07.02.2013 10/13 Kommunestyret 14.02.2013 SAMLA SAK - OMRÅDEPLAN FOR VOSS KNUTEPUNKT. 2. GONGS HANDSAMING Administrasjonen si innstilling: I medhald av plan-og bygningslova 12-12 godkjenner Kommunestyret offentleg områdereguleringsplan for Voss knutepunkt, P-id 2011002, plankart, føresegner og planomtale, sist revidert 31.01.2013, signert Asplsn Viak. Formannskap/ plan og økonomi den 07.02.2013 sak 8/13 Behandling i møte: Administrasjonen la fram notat frå jernbaneverket v/ Regiondirektør av 05.02.13 Repr. A. Gjeråker la fram fylgjande oversendingsframlegg Formannskapet ber om at MKU snarast sett ned ei arbeidsgruppe for Voss gamle kino. Vidare ønskjer FPL at organisering av arbeidsgruppa og arbeidet med å utvikla Voss gamle kino skjer i eit tett samarbeid med kulturrådet/kulturlivet på Voss. Tilleggsframlegg frå T. Gunnarsson: 2. Dette likevel slik at utviding av parkeringsområdet på nordsida av banen skal skje ved fjellhall, ikkje parkeringshus. Planen blir tilpassa slik at Fraktgodsen blir ståande. Røysting: Aministrasjonen si innstilling vart samrøystes tilrådd. Framlegget frå repr. T. Gunnarson fall med 8 mot 1 røyst. Framlegget frå repr. A. Gjerdåker vert oversendt MKU. Tilråding: I medhald av plan-og bygningslova 12-12 godkjenner Kommunestyret offentleg områdereguleringsplan for Voss knutepunkt, P-id 2011002, plankart, føresegner og planomtale, sist revidert 31.01.2013, signert Asplsn Viak. Kommunestyret den 14.02.2013 sak 10/13 Behandling i møte: Møtet kjende repr. M. Wæhle ugild (Samrøystes. Fvl. 6.b) Vararepr. Ø. Myrmæl tok sete.

Side 2 Repr. Arnfinn Gjerdåker la fram saka på vegne av utval for formannskap/plan og økonomi. Repr. S. Hauge kom med slikt tilleggsframlegg: "Dersom det let seg kombinera med parkeringsløysingar er det ynskjeleg at Fraktgodsen får stå. Fraktgodsen bør ikkje rivast før det ev. er naudsynt." Rep. A. J. R. Møen kom med slikt tilleggsframlegg: "Redusere overflateparkering til eit minimum og fjellhall alternativet må utgreiast på nytt." I samarbeide med Ordførar vart framlegg frå Møen omarbeidd til følgjande ordlyd: "Fjellhallalternativet må vera med i vidare vurderast av parkeringsløysing". Røysting: Tilleggsframlegget frå repr. S. Hauge vart samrøystes vedteke. Omarbeidd tilleggsframlegget frå repr. A. J. R. Møen vart samrøystes vedteke. Tilrådinga frå utval for formannskap/plan og økonomi med tillegga vart samrøystes vedtekne. Vedtak: I medhald av plan- og bygningslova 12-12 godkjenner Kommunestyret offentleg områdereguleringsplan for Voss knutepunkt, P-id 2011002, plankart, føresegner og planomtale, sist revidert 31.01.2013, signert Asplan Viak. Dersom det let seg kombinera med parkeringsløysingar er det ynskjeleg at Fraktgodsen får stå. Fraktgodsen bør ikkje rivast før det ev. er naudsynt. Fjellhallalternativet må vera med i vidare vurderast av parkeringsløysing. Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. *Planframlegg, planføresegner og plankart, sist revidert 31.01.2013 *Illustrasjonsplan datert 31.01.2013 *Illustrasjonsmateriale frå Nordic datert 31.01.2013 *vedlegg med merknader til/ innspel til planframlegget ved offentelg ettersyn med kommentarar *Innspel offentleg ettersyn: 02.11.2011 Voss Energi 05.11.2011 Jernbaneverket 23.11.2012 NVE 27.11.2011 Hordaland fylkeskommune; Voss gymnas 30.11.2012 Statens vegvesen 14.02.2012 Hordaland fylkeskommune, Kultur- og ressursutvalet 13.10.2011 Stiftinga Bergsliminne 18.11.2011 Destinasjon Voss 22.11.2011 KRF v/gunnvor sønnesyn 25.11.2011 ABO for opplysningsvesenets fond; Kappelansgården gnr/bnr 45/4 27.11.2011 Arbeidsgruppa for nytt liv i Fraktgodsen 09.02.2011 Arbeidsgruppa for nytt liv i Fraktgodsen 27.11.2011 Lag, organisasjonar, einskiltpersonar v/margit Mørkve m fl 28.11.2011 Fleischers Eigedom AS 28.01.2012 Destinasjon Voss og FjordNorgeAS Merknader til avgrensa høyring parkeringshus 09.09.2012 Kjell Arne Bergstrøm 26.09.2012 NVE 28.09.2012 Jernbaneverket 05.10.2012 ABO for Opplysningsvesenets fond, Kappelansgården gnr/bnr 45/4 08.10.2012 Fylkesmannen i Hordaland, KOmm. Og samfunnsavdelinga

Side 3 15.10.2012 Fleischers Eigedom AS 15.10.2012 Arbeidsgruppa for Fraktgodsen 15.10.2012 Hordaland fylkeskommune, Regionalavdelinga 25.10.2012 Statens vegvesen 17.01.2013 Hordaland fylkeskommune, fylkeskonservatoren (trekkjer motsegn) 25.01.2013 Statens vegvesen trekkjer motsegn *Kostnadsvurdering parkeringsanlegg, dagsett 21.11.2012 *Parkeringsnotat 2 oppsummering av prosessen knytt til parkeringskapasitet fram til nov 2012, dagsett 21.11.2012.. Planprogram vedteke 17082011, FPL-sak 83/11 FPL-sak 102/11 Utlegging av områdeplan for Voss knutepunkt til offentleg ettersyn FPL-sak 80/12 avgrensa høyring parkeringsanlegg. Plandokument og vedlegg til saka ligg på Voss kommune si heimeside under kunngjeringar; http://www.voss.kommune.no Får de problem med å opne dokument på heimesida, ta kontakt med planavdelinga på tlf 56519626, eller send e-post til zehra.causevic@voss.kommune.no 3. SAMANDRAG AV SAKA: Offentleg områdereguleringsplan for Voss knutepunkt har vore ute til offentleg ettersyn. Eit avgrensa område for parkeringshus nord for jernbanelina, var ute på ekstra offentleg høyring Tilsaman kom det inn 21 fråsegner til planframlegget. Voss kommune legg no planen fram til 2. gongs handsaming og endeleg godkjenning. Føremålet med planarbeidet er å leggje til rette for samordna utbygging av jernbanestasjon, busshaldeplass,drosjestasjon, parkeringsanlegg (for bil og sykkel) og gondolbane til Hanguren, med mest mogleg saumlause overgangar mellom dei ulike transportmidla. Publikumsretta funksjonar skal, saman med høg kvalitet i material- og vegetasjonsbruk, skape attraktive, offentlege rom som skal ta vare på gangsamband, sikre nok areal til effektiv passasjerhandtering og vera eit tilskot til bygningsmiljøet på Vestre Vangen. Planen skal vidare leggja til rette for ny utbygging med næring og bustad. Gjennom effektiv sambruk av parkeringsareal, effektive gang- og sykkelsamband og godt kollektivreisetilbod, er det målsetjinga at planen ikkje skal gje auka biltrafikk i området. Planarbeidet har vore eit samarbeid mellom Voss kommune, Hordaland fylkeskommune, Statens vegvesen, Jernbaneverket, NSB og Rom Eigedom. Administrasjonen rår til at offentleg områdereguleringsplan for Voss knutepunkt slik den ligg føre datert 31.1.2013, vert godkjent. 4. FAKTA OM SAKA: Planforslaget er utarbeidd som ein offentleg områdereguleringsplan. Deler av arealet kan byggjast ut direkte med heimel i planen, medan andre areal må gjennom vidare detaljregulering før utbygging. Planarbeidet er gjennomført i samarbeid mellom Hordaland fylkeskommune/skyss, Statens vegvesen, Jernbaneverket, NSB, ROM Eigedom og Voss kommune, organisert gjennom styringsgruppe og prosjektgruppe. ROM Eigedom har hatt prosjektleiinga. Planen byggjer på ei mogleheitsstudie utført av Nordconsult AS, medan områdeplanen er utarbeidd av Asplan Viak i samarbeid med Nordic (tidlegare Narud, Stokke Wiig Arkitekter) Overordna plan

Side 4 Reguleringsplanarbeidet er i tråd med overordna plan. Tilgrensande og eldre planar i området Planen overlappar eller grenser mot følgjande planar: Reguleringsplan Svartenakken Aust (02.07.87) Reguleringsplan Park hotell, (27.08.71) Reguleringsplan Vossevangen (28.08.03) Reguleringsplan Vangstunnelen (24.04.03) Reguleringsplan Gullfjordungsvegen (27.09.07) Områdereguleringsplan for Strandareal ved Vangsvatnet (16.04.12) Vidare er det starta opp planarbeid for ny trase for gondolbane til Hangurstoppen i regi av Voss Resort AS. Det er meldt oppstart av plan for Fleischers Eiendom vest for knutepunktet. Planprosess. Det vart teke initiativ til eit møte mellom alle involverte partar på Voss 29.jan 2010. Hordaland fylkeskommune/samferdsel, Statens vegvesen, Jernbaneverket, NSB, ROM Eigedom AS og Voss kommune oppretta formelt samarbeidsprosjekt med styringsgruppe og prosjektgruppe. ROM Eigedom vart prosjektleiar. Eit forprosjekt i form av ei moglegheitsstudie vart utarbeidd i samarbeid med Norconsult juni 2010 mars 2011. Oppstartsvedtak om offentelg områdeplan vart gjort 17.03.2011 av FPL sak 31/11. Planproggram vart lagt ut til offentleg ettersyn i perioden 30.mai til 11.juni 2011 og godkjent i FPL 18.08.2011, sak 83/11. Planprogrammet peikar på viktige tema og problemstillingar som skulle utgreiast: o Planavgrensning o Visuelle og arkitektoniske kvalitetar o Trafikktilhøve og parkering o Taubane/gondolbane o Universell utforming o Kulturminne o Eksisterande bygningsmasse o Grunnforhold o Støy o VA rammeplan o Energi o Regionale verknader o ROS-analyse Særlege utgreiingsbehov som følgje av forskrift om konsekvensutgreiing o Visuelle og arkitektoniske kvalitetar o Trafikktilhøve og parkering o Kulturminne o ROS i høve sikkerheit for jernbanedrifta Planframlegg vart utarbeidd på grunnlag av hovudprinsippa i moglegheitsstudien. Vedtak om offentleg ettersyn i FPL møte 30.09.11, sak 102/11. Planframlegget låg ute til høyring i tida 15.10. 28.11.2011

Side 5 På bakgrunn av høyringsrunden og spesielt merknad frå m a Jernbaneverket, valde styringsgruppa å leggja ut den delen av planen som omhandla parkering på nordsida av Jernbanelina, til ny offentleg høyring. Føremålet med denne høyringa var å få synspunkt på å auke tal parkeringsplassar frå 100 til 200 gjennom å byggje parkeringshus. Denne delen låg ute i perioden 1.9. - 15.10.2012. I dette vedtaket i FPL vart prosjektet pålagt å greie ut om parkeringstrongen kunne løysast gjennom fjellhall, parkeringshuset kunne skuvast vestover for om mogleg å hindra rivinga av Fraktgodsen Det kom inn 14 fråsegner i samband med offentleg ettersyn. Avgrensa høyring i høve parkeringsanlegg utløyste 9 høyringsfråsegner. Motsegnene til planen er imøtekomne og desse er trekte. Planområdet Planområdet omfattar i hovudsak dagens jernbanestasjon med parkeringsareal, del av Evangervegen og naudsynt areal for omlegging kring jernbanestasjonen, samt Fraktgodsen og areal mellom Gullfjorungsvegen og jernbanelina. Det har vore essensielt å få med eit stort nok areal til å løyse knutepunktfunksjonane, hovudsakleg areal som er i offentleg eiga. Planforslaget som no vert fremja viser område for: Bygg og anlegg (PBL 12-5, nr 1) kombinerte bygg og anleggsformål i kombinasjon med andre gitte hovudføremål Samferdselsanlegg og teknisk infrastruktur (PBL 12-5, nr 2) veg, bane, kollektivknutepunkt, innfartsparkering Grøntstruktur (PBL 12-5, nr 3) Sone med særlege omsyn (PBL 12-6, jf 11-8c) Bevaring av kulturmiljø For utbygging på Fengselstomta skal det utarbeidast detaljreguleringsplan før bygging. Det same gjeld for svevebanen. For resterande område gir føresegnene føringar for utarbeiding av situasjonsplan som skal dokumentere at tiltaket tilfredstiller krava i områdeplanen. Illustrasjonsplanen datert 20.12.2012, skal vera rettleiande for situasjonsplan. Rapportar/vedlegg som er lagt til grunn for planarbeidet: Mogleheitsstudien frå mars 2011 ROS analyse 16.09.2011 Kulturminnedokumentasjon29.08.2011 Notat Parkering 16.09.2011 Jernbanesikkerheit 16.09.2011Støyvurdering 27.04.2011 Trafikkanalyse sept.2011 Kommentarer til innspel - oppstart Kommentarar til innspel - planprogram Nye dokument etter høyring og offentleg ettersyn Kostnadsvurdering parkeringsanlegg, dagsett 21.11.2012 Parkeringsnotat 2 oppsummering av prosessen knytt til parkeringskapasitet fram til nov 2012, dagsett 21.11.2012.. Kommentarar til innspel-offentleg ettersyn Nytt illustrasjonsmateriale frå Nordic datert 20.12.12

Side 6 Nye dokument i høve avgrensa høyring parkering nord for jernbanelina. Planskildring datert 04.07.12. Omtalar ei planendring frå 100 parkeringsplassar i plan nord fro jernbanelina til parkeringshus i tre etasjar på same området for å auke kapasiteten til 220 parkeringsplassar. Suplerande trafikkvurdering datert juni 2012 Plankart. Illustrasjonskart og framlegg til føresegner for delområdet datert 04.07.12. Merknadene til denne avgensa 2.gongs høyring, er referert og kommentert i notatet Kommentarar til innspel offentleg ettersyn. Motsegner Følgjande tre høyringspartar har kome med motsegn: Jernbaneverket kom med motsegn til planen i høve tryggleik og jernbanedrift ved utbygging av område AB1; Svevebanen var i planframlegget i strid med Jernbaneverkets tekniske regelverk. Avstanden mellom parkeringsarealet nord for jernbanespora og jernbanesporet var for liten. Hordaland fylkeskommune fremja motsegn grunna reduksjon i oppleving av dei einskilde kulturminne og samla kulturminne på Vangen, samt storleik og utforming av bebyggelse på AB1. Statens vegvesen krevde at søknad vart sendt Fråviksnemda i Vegdirektoratet for handsaming og godkjenning før kommunen vedtok områdereguleringsplanen. Alle motsegnene er gjennomgått og det er gjort direkte endringar i planen i samsvar med krava. Hordaland fylkeskomune og Statens vegvesen har skriftleg stadfesta at motsegnene er trekt. Jernbaneverket har munnleg i møte stadfesta at dei endringar som er gjennomført i planen er tilstrekkjeleg til at planen kan eigengodkjennast. 5. ADMINISTRASJONEN SI VURDERING: Etter offentleg ettersyn har det vore fokus på desse punkta: Tryggleik i høve jernbanedrift Tryggleik i høve vegtrafikk Kulturhistoriske interesser på Vangen Parkeringtrong; spesielt trong for auka pendlarparkering i høve framtidig togtrafikk Organisering av parkeringsbehovet sett opp imot ynskje om å behalda Fraktgodsen Innspel/merknader: Det kom inn totalt 23 merknader/ innspel i høyrinsperioden til full høyring og avgrensa høyring. I planprosessen har ein kontinuerleg jobba med innspel til oppstart og planprogram. Desse innspela vart vurdert og innarbeidd der det har vore mogleg. Alle merknadene som kom inn under høyringsperioden, er vurdert. Sjå oppsummering og kommentarar på kvart innspel i eige vedlegg. Merknader som har ført til endringsforslag i planen; Voss Energi peikar på at ny nettstasjonen for eksisterande nettsatsjon NS Stasjonsvegen må byggjast og vera i drift før dagens stasjon vert riven. Dette er lagt inn som rekkefølgjekrav.

Side 7 Jernbaneverket har i alt vesentleg hatt merknader som går på sikkerheit. Det vart fremja motsegn i høve sikkerheit. Dette er ivareteken gjennom reguleringsføresegnene og eigen ROSanalyse. Vidare har Jernbaneverket hatt merknader som går på at det er lagt opp til for liten auke i tal parkeringsplassar for pendlarar. For å imøtekome krav om auke i tal parkeringsplassar, vart det teikna inn parkeringshus og denne delen av planen vart lagt ut på ein avgrensa, ekstra høyringsrunde. Det er gjort endringar i høve storleik på AB1 og det er sett inn eit punkt i føresegnene om at hovudinngangar ikkje kan førast direkte ut på perrongen. Vidare er svevebanebygget plasseringsmessig justert i tråd med Jernbaneverket sine føringar. Det er lagt inn i føresegnene at alle tiltak i planen skal godkjenast særskilt av Jernbaneverket i høve sikkerheit. Statens vegvesen peika på at det måtte søkjast fråviksnemnda for dei punkt i planen der krava i vegnormalen ikkje var oppfylt. Fråviksnemnda handsama søknaden i møte 21.08.2012. Planen er endra m o t turistbusslommer langsmed Evangervegen der fråviksnemnda ikkje godkjende avvik i høve lengden på busslomma. Dette medfører at tal turisbussplassar vert redusert frå 8 til 6 langsmed Evangervegen. Statens vegvesen har stadfesta at planen kan eigengodkjennast av Voss kommune i brev av 25.1.2013. Hordaland fylkeskommune Kultur- og ressursutvvalet vedtok i møte 7.2.2012: å fremja motsegn mot planen på grunnlag av reduksjon i oppleving av det enkelte kulturminne og det samla kulturmiljøet på Vangen. Volum og byggjehøgder må reduserast slik at ein sikrar betre balanse mellom eksisterande og ny bygningsmasse. I møte mellom fylkeskommunen og kommunen i mars vart ein samde om å vurdera ein del punkt i planen på nytt (sjå under merknader 1.6). Det vart arbeidd med prosjektet i samarbeid med arkitekt og ein kom fram til løysingar som vart presentert for fylkeskommunen i møte 19.6.2012 og ein vart samde om at planen med desse endringar kunne passera.endringane vart lagt inn i reguleringsføresegnene og nytt illustrasjonsmateriale vart utarbeidd av arkitektfirma Nordic, datert 20.12.2012. Fylkeskonservatoren stadfestar i brev av 17.1.2013 at motsegna er trekt. Jernbaneverket Tryggleiken må vera i fokus ved all bygging nær jernbaneliner og høspentliner. Alle merknader frå JBV er teke til fylgje. ABO Plan og arkitektur på vegne av Kappelansgarden Viser til at det må vurderast ny tilkomst til eit parkeringsanlegg nord for jernbanelina. Det er ikkje mogleg å få til felles tilkomst til p-anlegg for busshaldeplass og taxi med tilkomst til parkeringsanlegg nord for jernbanelina. Trafikkvurderingar (Helge Hopen 16.09.2012) viser minimal auke i trafikksituasjonen som følgje av nytt p-anlegg til 250 bilar. Arbeidsgruppa for Fraktgodsen Peikar på at Fraktgodsen er eit viktig bygg for det frivillige kulturlivet på Voss og at det er sterke krefter i sving for å få til ei vidare drift av Fraktgodsen. Også Voss gymnas. Fleire

Side 8 organisasjonar og lag v/margit Mørkve og KRF v/gunnvor Sønnesyn har peika på at Fraktgodsen ikkje bør rivast, men bevarast som kulturinstitusjon og samlingsplass. Hordaland fylkeskommune Ynskjer at Fraktgodsen vert bevart, men dersom ein vel riving, må bygget dokumenterast for ettertida. Dette er lagt inn som rekkefølgjekrav i føresegnene. Avgrensa høyring av parkeringshus I fleire av høyringsfråsegnene vart det peika på at det var for knapt med parkeringsplassar til pendlarar i det opphavlege framlegget til plan. Utifrå eit ynskje om at Voss skal vera ein del av eit framtidig bu- og pendlarområde til Bergen, er det viktig at ein legg til rette for auka pendling og reiser med tog. Eit nytt planframlegg vart utarbeidd for område nord for jernbanelina med ein auke i parkeringskapasiteen frå 100 til 223 parkeringsplassar. Parkeringsauken vart løyst gjennom å leggja inn eit parkeringshus i 3 plan i staden for overflateparkering aom låg i det opphavlege framlegget. Planendringen medførte i utgangspunktet riving av Fraktgodsen og Pakkhuset som i det opphavlege planframlegget.. I FPL-sak 80/12 om avgrensa høyring på parkeringshus, vart det gjort følgjande tilleggsvedtak i punkt 3: Til andre gongs handsaming skal andre alternativ for parkeringsløysing der ein kan unngå å riva Fraktgodsen visast og vurderast. I høyringsperioden skal det utgreiast om parkeringsbehovet kan løysast ved: a. å gå inn i fjellet b. Om parkeringshuset kan forskyvast vestover, c. slik at Fraktgodsen kan bli ståande Det vart gjennomført ei ny utgreiing med grove kostnadskalkylar og alternative vurderingar i eit eige notat; Kostnadsvurdering Parkeringsanlegg og Parkeringsnotat 2, begge datert 21.11.2012. Notatet vurderer fem alternativ. 1. Parkeringshus som vist i planframlegget lagt ut på avgrensa, ny høyring 2. Parkeringshus i dagen flytta vestover slik at Fraktgodsen kan bestå. 3. Fjellhall. 4. Utvendig parkering rundt Fraktgodsen med mindre terrenginngrep. Ingen auke i parkeringskapasiteten. 5. Overflateparkering til deler av eksisterande pendlarparkering. Føreset at dagens parkering på perrong (restareal på perrongen etter at hotell og svevebane er bygt)) og Fengselstomta vert oppretthaldne som overflateparkeing. I notatet vert det vurdert kostnader med dei ulike løysingane rekna utifrå svært grove gjennomsnittskostnader (Holteprosjektet). Tabellen under viser kostnader pr p-plass ved ulike alternativ. Kostnadene med parkeringshus/fjellhall er stipulert, men kostnadene pr plass vil bli lågare dess fleire overflateparkeringsplassar ein har i tillegg til plassar i hus. Kostnadene med bare fjellhall til

Side 9 150 bilar, vil gje ein pris pr plass på 353 000 kr pr plass (53 mill for 150 plassar, resten er kostnader med utviding og opparbeiding av overflateparkering jf alt 5). Alternativ Tal p-plas- Tal p-plas- Auke ift Kostnader Kostnader Fraktgodsen Merknader sar i hus sar totalt dagens sit. pr plass totalt består 1 214 223 123 360000 80 mill Nei 2 169 221 121 355000 78 mill Ja 3 150 221 121 270000 60 mill Ja 4 120 20 108000 13 mill Ja Føreset bruk av p-plassar på sørsida Overflatep rundt Fraktgodsen 5 100 0 70000 7 mill Ja Føreset bruk av fengselstomta og restareal på perrong. Overfl.p v/f Styringsgruppa for prosjektet diskuterte parkeringsløysingar i sitt møte 27.11.2012 og konkluderte med følgjande:

Side 10 Utifrå vurderingane over, er administrasjonen av den oppfatning at bevaring av Fraktgodsen ikkje er foreinleg med realiserbare planar for etablering av parkeringsplassar med ønska fleksibilitet. Tidspunktet for riving av Fraktgodsen vil vera avhengig av kva tid ein får realisert tiltak på AB1 og AB2. Ved etableing av svevebane og hotell må 60-70 parkeringsplassar erstattast. Desse kan få plass ved mindre terrenginngrep nord for jernbanen rundt Fraktgodsen. Dersom trafikkvekst gjev trong for auka plassar, må Fraktgodsen rivast. Fram til AB2 vert realisert, vil ein framleis kunne nytta dette arealet til overflateparkering.

Side 11 Tilkomst til parkeringsanlegget nord for jernbanelina gjennom ny kulvert, vart føreslått som eit mogleg alternativ til tilkomst via Gullfjordungsvegen. Dette er ikkje mogleg å få til då avkøyring til bussterminalen/drosjehaldeplassen, ikkje let seg kombinera med tilkomst til offentleg parkering. Vidare vil det verta ein urealistisk kostnad å byggja ein ny kulvert under jernbanelinene (jf Jernbaneverket sitt prosjekt som pågår ) Gjennom den ekstra trafikkanalysen gjennomført av Helge Hopen i samband med avgrensa høyring, har ein fått stadfesta at eit pendlarparkeringsanlegg med avkøyring via Gullforungsvegen, ikkje vil ha nemneverdig betydning for trafikksituasjonen verkern i Gullforungsvegen eller i Evangervegen. Fylkeskonservatoren har sett fram krav om dokumentasjon før riving. Dette er lagt inn som rekkjefølgjekrav i føresengnene. Fleischers har i fleire merknader ytra ynskje om å flytte svevebanebygget til Grovendaltomta. Dette ligg utanfor denne reguleringsplanen, men vi vil peike på at styringsgruppa har vore klar på at nettopp ved å samle kollektivfunksjonar i knutepunktet, vil ein oppnå synergieffektar som ein elles ikkje ville fått. Både affeksjonsverdien i å vera einaste kollektivknutepunktet i landet med jernbane, buss, drosje, sykkel og svevebane til fjells, samt det praktiske i at ein kan gå frå tog/buss direkte over i svevebane til fjells, har vore eit viktig moment gjennom heile planarbeidet. Oppsummering og konklusjon Områdereguleringsplanen for kollektivknutepunktet legg viktige overordna føringar for utvikling av eit moderne, funksjonelt og effektivt knutepunkt. Planen legg opp til høg utnyttingsgrad. Vi meiner dette er rett i eit område som ligg så sentralt på Vangen. Deler av planområdet kan byggjast ut direkte med heimel i områdeplanen, men med situasjonsplan som dokumenterer at tiltaket er i tråd med føringane i områdeplanen. Andre deler av planen krev detaljreguleringsplan før utbygging (AB2 og svevebanen). Illustrasjonsplanen datert 20.12.2012 er rettleiiande for utbygging av området. Utgreiingar som planprogrammet stilte krav om, er gjennomført. I tillegg har ein gjennomgått parkeringssituasjonen på nytt og ein avgrensa del av planen som omhandlar parkering, har vore ute på ny, avgrensa høyringsrunde. I tillegg har ein vurdert Fraktgodsen spesielt. Av omsyn til knutepunktet og trongen for å kunna auka parkeringsarealet suksessivt i takt med behovet, har ein konkludert med at ein opprettheld riving av Fraktgodsen for å gje plass til naudsynt og fleksibelt parkeringsareal til pendlartrafikken. Planføresegnene Følgjande rekkefølgjekrav er lagt inn i planen i tillegg som følgje av merknader i høyringsfasen: 2.2.2 Før eksisterande p-plassar kan fjernast, må desse erstattast 2.2.7 ny nettstasjn må byggjast før NS Stasjonsvegen kan fjernast 2.2.8 Ekspressgodsen, pakkgodsen og Fraktgodsen skal dokumenterastfør riving 2.2.9 Før GS1 og P1 kan takkast i bruk, må dei opfylle krav til sikring mot jernbanen og avstand til høgspentanlegg. Det er lagt inn nye punkt i føresegnene: 2.14 Jernbanetryggleik

Side 12 3.1 AB1 Tillegg 2.avsnitt o Endring 3.avsnitt o Endring 4.avsnitt o Maks % BRA = 400% 3.2 AB2 tillegg 2.avsnitt o Endring 4.avsnitt o Maks % BRA = 270% 4.3 Veg o 4.3.4 Gang/sykkelveg offentleg GS1: Nytt 2.avsnitt 4.4 Bane o 4.4.1 Stasjons/terminalbygg ST1 Gondolstasjon. Nye avsnitt: 4.5 Kollektivknutepunkt o Nytt avsnitt 4.5.2 Pendlar/innfartsparkering P1 Plankart Plankartet er endra med nytt parkeringsanlegg nord for jernbanelina. Vidare er område AB1 utvida noko mot aust for å erstatte areal som gjekk vekk ved at byggjehøgden vart redusert og bygningsvolumet delt opp. Planen er justert i tråd med vedtak i fråviksnemnda 21.08.2012. Planomtalen Er justert slik at den er i samsvar med endringar i føresegner og plankart. Det er utarbeidd nytt illustrasjonsmateriell datert 20.12.2012 i tråd med nye føringar for utbygging av AB1. Konklusjon: Administrasjonen rår til at offentleg områdereguleringsplan for Voss knutepunkt vert endeleg godkjent slik den ligg føre med plankart, føresegner og planomtale sist revidert 31.01.2013.