LOKAL UTVIKLING Saksnr Løpenr Arkivkode Avd/Sek/Saksh Dykkar ref 18/1695-23 9239/19 L12 LU/LU/RSB Planomtale for Områdeplan bustader i Olav Hålands veg, Kleppe PlanID 1870 Datert 22.3.2019 Revidert: Figur 1: Plankart
1 Samandrag Områdereguleringa viser byggjeområde for offentleg eller privat tenesteyting. o_bop2 skal detaljregulerast på eit seinare tidspunkt. Planforslaget viser nye kollektivhaldeplassar i Olav Hålands veg og sykkelveg med fortau langs vestsida av Jærvegen. 2 Bakgrunn 2.1 Hensikt med planen Planen skal legge til rette for bygging av kommunal barne- og avlastingsbustad og private tilrettelagte bustader. Figur 2: Kart som viser planområdet ved varsel om oppstart av planarbeid. Heile området vil bli områderegulert og delar vil bli detaljert som i ein detaljreguleringsplan. 2.2 Forslagstillar Klepp kommune er forslagstillar for områdeplanen. Planen blir utarbeidd i eigen regi. 2.3 Tidlegare vedtak om lokalisering av barne- og avlastingsbustad og private tilrettelagte bustader: 2
2.5 Avklaring i høve til forskrift om konsekvensutgreiing Klepp kommune har som ansvarleg planmyndigheit vurdert at planarbeidet ikkje kjem inn under Forskrift om konsekvensutredninger. 3. Planprosess og medverknad 3.1 Varsel om oppstart av planarbeid Oppstart av planarbeid er varsla i Jærbladet 8.6.2018 og i brev til grunneigarar, naboar og høyringsinstansar datert 8.6.2018. Varsel om oppstart er og publisert på kommunen sine nettsider. Fristen for merknader vart sett til 10.8.2018. Det har kome inn 7 merknader til varsel om oppstart. Planområdet vart utvida 22.2.2019 for å legge til rette for gang- og sykkelveg heilt fram til Kleppeholen for at det på sikt kan etablerast samanhengande gang- og sykkelveg på vestsida av Jærvegen fram til fv 44. I sør vart det teke med areal langs Olav Hålands veg for å regulere fortau og kollektivhaldeplass. Mot vest går planområdet no heilt fram mot tomtegrensa for å leggje til rette for best mogleg arealutnytting. Eksisterande busslomme og dropsone i Jærvegen som ikkje er tidlegare regulert er teke med i planen. Det har kom inn 4 merknader til varsel om utviding av planområdet. Alle merknader er referert og kommentert i kapittel 8. Planen er varsla som ein detaljplan men blir no lagt fram som områdeplan med detaljering. Delar av planområdet skal detaljregulerast seinare når det ligg føre ei konkret bestilling for nye kommunale bygg på tomta. 4. Planstatus og rammevilkår 4.1 Regionalplan for Jæren 2013-2040, vedteken av fylkestinget 22.10.2013 Regionalplanen viser at hovudsykkelnettet - med krav om å skilje gåande frå syklande - følgjer Jærvegen gjennom Kleppe. 4.2 Kommuneplanen sin arealdel for perioden 2014-2025 Kommuneplanen viser planområdet som byggjeområde for (eksisterande) bustader i søre del og for offentleg og privat tenesteyting i nord. Desse bustader er nå i kommunal eige og tomta skal på sikt brukast til offentleg tenesteyting. Planområdet ligg utanfor kommunedelplan for Kleppe sentrum. 4.3 Gjeldande reguleringsplanar Figur 3: Reguleringsplan for Nordvestre del av Kleppe, planid 1080, vedteke 8.9.1975. I reguleringsplan for Nordvestre del av Kleppe er området i områdeplanen for Olav Hålands veg i hovudsak regulert til jordbruk. 3
Figur 4: Reguleringsplan for gnr 1, bnr 51, Kleppe, planid 1190. Bustader nord for Viervegen er tidlegare regulert med frisiktsoner. Figur 5: Reguleringsendring nr 8, Kleppe, planid 1200. Gang- og sykkelveg på austsida av Jærvegen er tidlegare regulert. 4
Figur 6: Reguleringsplan for Kleppe nord-øst, planid 1360 Planen avklarar frisiktsoner inn i Viervegen og Myrvegen. Figur 7: Reguleringsplan for Kleppe nordvest del A, planid 1390 Figur 7 viser rundkøyringa i Olav Hålands veg og ei avkøyring til bustadene nord for Olav Hålands veg som nå skal stengjast. 5
Figur 8: Reguleringsplan for Kleppehodl, planid 1400 Der fortau og sykkelveg er forlenga på vestsida av Jærvegen er området tidlegare vist som einebustader og busslomme. Denne busslomma blir lagt ned og flytta til Olav Hålands veg. 5. Omtale av planområdet, eksisterande forhold 5.1 Plassering Planområdet ligg vest for Jærvegen mellom Kleppetunet og bustadområdet Kleppeholen. 5.2 Dagens arealbruk Området består av eit tun, fulldyrka jord, der det meste har vore drive som planteskule, og offentleg veg. 5.3 Landskap Landskapet er nesten flatt og ligg mellom kote 35 og kote 37. Der er noko levegetasjon etter ein nedlagt planteskule. Likevel ligg området ope mot vest. Soltilhøva er gode. 5.4 Kulturminne og kulturmiljø Det er ikkje registrerte synlege kulturminne innanfor planområdet. 5.5 Naturverdiar På Temakart Rogaland sin base er planten muserumpe, sårbar, og åkerstorkenebb, trua arter, registrert. 5.6 Rekreasjonsverdi I barnetråkkregistreringane for 2018 er det ein markering i området som fin skog at det er fint å leike der, sjå figur 9. Det er elles ikkje kjent at området er brukt til rekreasjon. 5.7 Trafikkforhold Statens vegvesen sin statistikk seier at ÅDT på Jærvegen er berekna til 3400 for 2018. 5.8 Kollektivtilbod Det er i dag to kollektivhaldeplassar i planområdet. Det går bussrute mellom Bryne og Sandnes på Jærvegen. 6
5.9 Ulukkessituasjon Statens vegvesen har registrert fleire ulukker med personskade langs fv. 254 innafor planområdet. Fleire av ulukkene skjedde før opning av omkøyringsvegen. Trafikksituasjonen blei vesentleg endra etter at Kleppetunnelen opna. Reduksjon av gjennomkøyringstrafikken, nedsett fart til 40 km/t, etablering av fartsdemparar og opphøgde gangfelt, etablering av intensivbelysning på alle overgangar og nye gangfelt har redusert risikoen for ulukker mellom gåande og køyrande vesentleg. Innanfor planområdet blir det regulert eigne felt for gåande og syklande. Summen av alle tiltak, redusert ÅDT, betre og meir tydelege kryssingspunkt og separerte gang- og sykkelfelt vil venteleg medføre redusert tal på og graden av skader etter ulukker mellom bilar og mjuke trafikantar. 5.10 Barns interesser Barnetråkkregistrering våren 2018 Våren 2018 vart det gjort barnetråkkregistreringar med elevar på 5. og 9. trinn på alle skular i Klepp. Heile rapporten finn du her: https://sru.klepp.kommune.no/api/utvalg/349/moter/265189/behandlinger/3/1 I barnetråkkrapporten kan ein m.a. finne konkrete tilbakemeldingar om uoversiktleg kryss til Viervegen og ein fin skog midt i planområdet. Figur 9: Flyfoto med barnetråkkregistreringar. Dei raude prikkane i figur 9 er merkelappar for at det er mørkt og trafikk og at det er vanskeleg å krysse Viervegen frå nord mot sør. Dette er skuleveg for mange born. Den grøne prikken midt i planområdet er merkelapp for fin skog ein fin skog å leike i. Eit barn har registrert merkelappen «fin skog» i planområdet i Barnetråkk 2018. «Skogen» er planta som levegetasjon for planteskulen som har vore her i mange år. Det vil vere vanskeleg å integrere denne vegetasjonen i området som skal regulerast til omsorgsbustader, særleg med tanke på høg grad av universell tilrettelegging og utnytting av byggjeområdet. Delar av trafikktilhøva som er kommentert i Barnetråkk 2018 blir teke omsyn til i planforslaget. Krysset mellom Jærvegen og Viervegen blir stramma opp og ei endring her vil gje betre sikt og kryssingstilhøve for mjuke trafikantar som kjem frå nord. 7
Figur 10: Til venstre: utsnitt av planforslaget i krysset mellom Jærvegen og Viervegen. Til høgre: utsnitt av gjeldande reguleringsplan. Det er utfordringar med køyring av barn til Kleppe skule. Skulen oppfordrar foreldra å la vere å køyre inn i Viervegen og Myrvegen og heller bruke eksisterande to-sidig busshaldeplass som droppsone. Når busshaldeplassen nå skal flyttast i Olav Hålands veg kan dropsona blir merka tydelegare og få auka bruk. Dette kan bidra til auka tryggleik for mjuke trafikantar. 5.6 Universell tilgjenge Området er tilnærma flatt og det er ingen utfordringar med stigningsforhold. Dei fleste kryssingspunkta over køyrevegane er bygd om med varselfelt. Intensivbelysning på kryssingspunkt er på plass og er til god hjelp for svaksynte. 5.7 Teknisk infrastruktur Figur 11: Til venstre: 200 års flaum utan tiltak. Raud strek viser planområdet. Lys blå farge på deler av planområdet indikerer at det kan bli ståande nokre centimeter med vatn på dagens terreng ved 200 års nedbørshending. Dette kan lett løysast under opparbeiding av byggjeområdet. Kjelde: Kartvedlegg til Hovudplan for vatn, avløp og vassmiljø 2019-2028, vedteken av Klepp kommunestyre 17.12.2018. 8
5.8 Støyforhold Ein ÅDT langs Jærvegen på 3400 medfører vegtrafikkstøy over gul grense. Det er stilt krav i planbestemmelsane at bustader og uteopphaldsareal skal ha tilfredstillande støyforhold etter T- 1442. 5.9 Luftforureining Luftkvaliteten er tilfredsstillande. Oljefyring i kommunale bygg på Kleppe slutta for 15 år sidan då fjernvarmenettet blei etablert. Både Jærhagen og alle dei store kommunale bygga i området er kobla til. Svevestøv går ned i takt med redusert bruk av piggdekk. Vegvedlikehald med jamn støvsuging av vegane, ikkje bare etter vintersesongen, samt nedsett fart gir effekt. 6 Omtale av planforslaget 6.1. o_bop2 Område med krav om detaljregulering Byggjeområde o_bop2, på 4,3 daa skal detaljregulerast seinare når det ligg føre ei konkret bestilling for nye kommunale bygg på tomta. Figur 12: Illustrasjonen viser området der det er krav om eigen detaljregulering. 6.2 Utbyggingsområde 6.2.1 o_bop1 Leilegheiter og kommunale barne- og avlastingsbustader Klepp kommune skal stå for bygginga av 12 tilrettelagte leilegheiter. Kommunen skal også byggje barne- og avlastingsbustader med treningsbustad. Kommunen har engasjert ein arkitekt til å planlegge heile området under eitt. Etter ein omfattande medverknadsprosess med mellom anna dei som skal bu i leilegheitene har rådmannen kome fram til at alle bustadfunksjonar skal etablerast på eit plan. Byggjehøgder o_bop1 har tre ulike bestemmelsesområde som definerer kva høgde bygg i dei ulike områda kan ha. Bestemmelsesområde 1 kan ha bygg med maksimal konstruksjonshøgde på 9 meter. Bestemmelsesområde 2 og 3 har maksimal konstruksjonshøgde på 3,5 meter for å ta omsyn til naboar i nord og vest og til Jærvegen. 6.3 Teknisk infrastruktur Jærvegen og Olav Hålands veg er teke med i planforslaget for å få ein samanheng i strukturen for gåande og syklande i heile området. Eksisterande gang- og sykkelveg på sørsida av Olav Hålands veg og på austsida av Jærvegen blir regulert på nytt. På vestsida av Jærvegen er det planlagt sykkelveg med fortau, i tråd med krava i regionalplanen om å separere gåande frå syklande sidan 9
dette er del av den regionale sykkelvegen mellom Bryne og Sandnes. På nordsida av Olav Hålands veg viser planforslaget gang- og sykkelveg, og fortau langs den nye køyrevegen til o_bop1 og o_bop2. Kollektivtrafikk Busshaldeplassen ved Kleppeholen blir flytta i Olav Hålands veg. 7 Verknad av planforslaget 7.1 Stadens karakter Stadens karakter vil bli endra frå dagens planteskule med tilhøyrande levegetasjon til eit bebygd område. 7.2 Vurdering etter naturmangfaldslova 8-12: 8 krev eit godt kunnskapsgrunnlag om naturmangfaldet. Temakart Rogaland viser registreringar av muserumpe (Myosurus minimus) med rødlistestatus sårbar, frå 2014. Det er også gjort eit enkeltfunn av åkerstorkenebb (Geranium dissectum) med rødlistestatus sterkt trua, frå 2017. 9 (føre-var-prinsippet) krev at risiko for vesentleg skade på naturmangfaldet blir vurdert. Registreringane av muserumpe er gjort i søre del av planområdet i hovudsak innanfor delfelt o_bop2. Delfeltet skal detaljregulerast før det kan byggjast ut. Planbestemmelsane har eit eige punkt om at detaljplan for o_bop2 skal beskrive korleis ein vil forsøke å ta vare på arten muserumpe. Som enkeltståande funn av åkerstorkenebb vil det vere vanskelegare å finne igjen planten og ta vare på den. Rådmannen meiner det er viktigare og meir gjennomførbart å ta vare på muserumpe som er observert over tid og vil prioritere å ta vare på denne. Figur 13: Muserumpe, bilete frå agrobaseapp.com. Til høgre: Kartutsnitt frå artskart, artsdatabanken, viser registreringane av muserumpe i planområdet. 7.3 Bukvalitet 10
I området som blir detaljregulert skal det etablerast omsorgsbustader for både fastbuande og for korttidsopphald. Det må leggjast til rette for ulike behov og ulike aldersgrupper. Dette krev ei samordna planlegging og utbygging av gode uteopphaldsareal i området. Planforslaget tek omsyn til dei etablerte bustadene i Kleppholen. Nærast naboane i nord og aust sikrar bestemmelsesområde ei redusert byggjehøgde for å sikre at soltilhøve til naboane blir teke vare på. 7.4 Parkering Bestemmelsane legg opp til maksimalt 1 parkeringsplass for bil for kvar bueining/institusjonsplass. Det kan byggjast carport/garasje på parkeringsplass. Bilar til tilsette skal parkere ved Kleppetunet. Det skal opparbeidast tilstrekkeleg parkeringsplass for sykkel for bebuarar, tilsette og besøkande. 7.5 Støy Området er utsett for støy frå Jærvegen. Det er krav i bestemmelsane om støy, punkt 2.9. Alle bustader og uteopphaldsareal skal ha tilfredstillande støyforhold før innflytting. Plankartet viser plassering av støyskjerm langs Jærvegen og Olav Hålands veg. 7.6 Sol- og skuggetilhøve Planområdet si orientering og flatt terreng gjer at det i utgangspunktet blir gode soltilhøve. Det vil vere tilgang til gode solrike uteplassar for alle bebuarar. Figur 14: Til venstre: Sol-/skugge-, 22.03. kl 15. Til høgre: Sol-/skugge 23. juni kl. 18. 11
7.7 Grønstruktur Planområdet ligg nær turvegar og grønstruktur som er vist i sentrumsplanen. Figur 16: Utsnitt av kommunedelplan for Kleppe sentrum med planområde for Olav Hålands veg. 7.8 Fysisk aktivitet Nærleiken til sentrumsfunksjonar gjer at dei som bur og arbeider i området i stor grad kan forflytte seg til mange av målpunkta i kvardagen utan å vere avhengig av biltransport. 7.9 Trafikktilhøve/Mjuke trafikantar Planforslaget viser no av gang- og sykkelveg på begge sider av Olav Hålands veg og langs Jærvegen. Det er også planlagt to nye gangfelt ved rundkøyringa. Trafikksituasjonen blei vesentleg endra etter at Kleppetunnelen opna. Reduksjon av gjennomkøyringstrafikken, nedsett fart til 40 km/t, etablering av fartsdemparar og opphøgde gangfelt og, i fjor, etablering av intensivbelysning på alle overgangar og nye gangfelt, har redusert risikoen for ulukker mellom gåande og køyrande vesentleg. Innanfor planområdet blir det nå regulert eigne felt for gåande og syklande. Summen av alle tiltak, redusert ÅDT, betre og meir tydelege kryssingspunkt og separerte gang- og sykkelfelt vil kunne medføre redusert tal på og graden av skader etter ulukker mellom bilar og mjuke trafikantar. Samla sett vil planforslaget gje betre tilhøve for mjuke trafikkantar. 7.10 Kollektivtilbod Planforslaget viser flytting av busshaldeplassar frå Jærvegen til Olav Hålands veg og er eit grep som på sikt vil kunne gje eit betre busstilbod i området. 7.11Barn og unge Føremålet med planen er å bygge barne- og avlastingsbustader for barn og tilrettelagte bustader. Planforslaget ivaretar derfor særleg denne gruppa. 7.12 ROS Risiko- og sårbahetsanalyse ligg ved som eige dokument. 7.13 Universell tilgjenge Klepp, i lag med Time har vore pilotkommune for universell utforming. Området vil bli tilrettelagt for alle. 7.14 Økonomiske konsekvensar for kommunen Det er rekkefølgekrav om opparbeiding av infrastruktur i og langs Olav Hålands veg, gang- og sykkelveg, busshaldeplass og gangfelt før bygningane i planområdet kan takast i bruk. 12
8 Innkomne merknader til varsel om oppstart av planarbeid 8.1 Fylkesmannen i Rogaland, i brev datert 20.6.2018: Kommentar: Planforslaget er i tråd med kommuneplanen. Byggeområda blir regulert til offentleg eller privat tenesteyting. Byggegrenser og byggehøgder er sett med tanke på at det skal vere nok plass til bygg og uteområde. Ved utbygginga av bustadane vil det bli lagt vekt på etablering gode uteopphaldsareal. 8.2 Fylkesrådmannen, regionalplanavdelinga i brev datert 21.6.2018 Kommentar: Planforslaget er i tråd med kommuneplanen. Byggeområda blir regulert til offentleg eller privat tenesteyting. Byggegrenser og byggehøgder er sett med tanke på at det skal vere nok plass til bygg og uteområde. Ved utbygginga av bustadane vil det bli lagt vekt på etablering gode uteopphaldsareal. 8.3 Statens vegvesen, i brev datert 26.6.2018: 13
Kommentar: Planforslaget ivaretar, etter kommunen sitt syn, innspela i merknaden. 8.4 Lyse Elnett AS i brev 8.6.2018: Ingen merknader. 8.5 Avinor AS i e-post 17.7.2018: Ingen merknader. 8.6 Fylkesrådmannen, seksjon for kulturarv, i uttale etter befaring, datert 9.1.2019: Fylkesrådmannen har ingen merknader til at tiltaket kan gjennomføres. 8.7 Rogaland Brann og Redning IKS i brev datert 12.6.2018: Kommentar: Planforslaget ivaretar, etter kommunen sitt syn, innspela i merknaden. Merknader til utviding av planområdet 8.7 Lyse Elnett AS i brev datert 13.3.2019: Ingen merknader til utviding av planområdet. 8.8 Fylkesmannen i Rogaland i brev 22.3.2019: Kommentar: Planforslaget ivaretar, etter kommunen sitt syn, innspela i merknaden. 14
8.9 Fylkesrådmannen, regionalplanavdelingen, i brev datert 8.3.2019: Kommentar: Planforslaget ivaretar, etter kommunen sitt syn, innspela i merknaden. 8.10 Statens vegvesen i brev datert 28.2.2019: Kommentar: Planforslaget ivaretar, etter kommunen sitt syn, innspela i merknaden. Fylkesrådmannen, seksjon for kulturarv, har så langt ikkje kome med merknad etter utviding av planområdet. 15