SÆRUTSKRIFT AV MØTEBOK

Transkript

1 SENTRALADMINISTRASJONEN Postadresse: Klepp kommune Postboks Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling /19 Saksbehandlar: Peter Willmann Arkiv: L12 Arkivsak: 18/ OMRÅDEREGULERING FOR KOMMUNEHUS, KYRKJE OG AKTIVITETSPARK - KLEPPE SENTRUM 1.gongs behandling Saka gjeld Områdereguleringa skal vise byggjeområde for kommunehus og kyrkje, og avklare grønstrukturen med aktivitetspark. Plassering av eit sentralt mobilitetspunkt, gangsamband mot Jærhagen og flaumvassleidning i Jærvegen er også tema for planarbeidet. Figur 1: Plankart for områdeplan for kommunehus, kyrkje og aktivitetspark. E-post: postmottak@klepp.kommune.no Sentralbord: Organisasjonsnummer: Barna vår framtid

2 Tidlegare behandlingar Vedtak om etablering av aktivitetsparken Formannskapet vedtok i møte den mellom anna følgjande: 1. Arealet for aktivitetsparken blir detaljregulert i områdeplanen. Resten av areala i planen blir detaljregulert i samband med utbygging. 2. Dronninga Landskap sitt konsept for aktivitetspark blir lagt til grunn for prosjektering av parken. 4. Grunnarbeid, gangstruktur, isflate og overbygd område blir sett i gang i 2019 i samsvar med vedtak i økonomiplan KRAV SETT I OVERORDNA PLANAR Regionalplan for Jæren , vedteken av fylkestinget I regionalplanen ligg det forventningar om høg arealutnytting i Kleppe sentrum. Regionalplanen viser at hovudsykkelnettet - med krav om å skilje gåande frå syklande - følgjer Jærvegen gjennom Kleppe. Kommuneplanen sin arealdel for perioden Kommuneplanen viser same innhald som gjeldande kommunedelplan for Kleppe sentrum vedteken i Kommunedelplan for Kleppe sentrum, vedteke 2017 Fylkeskommunen kom med fagleg råd om at Klepp kommune burde gjennomføre moglegheitsstudie for Kleppe sentrum før endeleg vedtak av sentrumsplanen. I 2016 laga tre arkitektkontor ulike forslag for utvikling av Kleppe mellom stadion, Jærhagen og Sirkelen. Det alle forslaga hadde felles var å vise ein sentral park på området mellom rådhuset og Jærhagen. Forslaget om ein park blir vidareført i denne områdeplanen. Sentrumsplanen sette krav om at areala til Klepp energi og byggeområda ved Håland kjøtt og tidlegare Coop landbruk skal inngå i same regulering som området avsett til kommunehus, kyrkje og aktivitetspark. Planen tek og med eit mindre område aust for Jærvegen for å sikre gangsamband mot Kleppe stadion. Figur 2: Alle tre moglegheitsstudier for Kleppe sentrum viste ein sentral park mellom rådhuset og Jærhagen. Gjeldande regulering Gjeldande regulering er omtalt i planomtale. Avklaring i høve til forskrift om konsekvensutgreiing Planarbeidet kjem inn under Forskrift om konsekvensutredninger. Planprogrammet blei godkjent i hovudutval for lokal utvikling i møte den , sak 65/18. Planprogrammet ligg ved saka. 2

3 Planprosess og medverknad Varsel om oppstart av planarbeid Oppstart av planarbeid er varsla i Jærbladet og i brev til grunneigarar, naboar og høyringsinstansar datert Varsel om oppstart er og publisert på kommunen sine nettsider. Fristen for merknader vart sett til Det har kome inn 9 merknader til varsel om oppstart. Planområdet vart utvida til å gjelde eit mindre område aust for Jærvegen, område 8c i sentrumsplanen. Bøkevegen 2 blei og teke inn i planen for å finne alternativ til etablert parkering inntil Jærvegen. Det har kome inn 5 merknader til varsel om utviding av planområdet. Merknadane er referert og kommentert i vedlagt planomtale. Tre ulike skisseprosjekt blei presentert 6. november Hausten 2018 bestilte kommunen ein moglegheitsstudie for framtidig kommunehus, kyrkje og aktivitetspark i sentrum. I ope møte 6. november 2018 presenterte tre arkitektfirma ulike skisseprosjekt: MAD arkitekter viste eit konsept for å erstatte rådhuset med eit nybygg. KAP, Kontor for Arkitektur og Plan, viste eit konsept for rehabilitering av eksisterande bygning med påbygg. Dronninga landskap presenterte eit konsept for aktivitetsparken som inkluderte ein isflate. Gruppearbeid i Barn og unges kommunemøte 6. desember Det var naturleg å ta opp planar om aktivitetsparken på Barn og unges kommunemøte. Representantane fekk utlevert forprosjektet for parken og blei bedt om å velje sin favoritt. Figur 3: Gruppearbeid under Barn og unges kommunemøte. Forprosjekt med tilbakemeldingar. Til høgre: Resultat av gruppearbeidet. Forslag til aktivitetar for eit konkret område. Det runde området har ein diameter på 9,6 m. Elevane blei utfordra til å kome med forslag til aktivitetar og utforming av desse for eit konkret område i planskissa. Det er meininga å kome med ei tilbakemelding til neste Barn og unges kommunemøte om korleis innspela har blitt brukt i den vidare planlegginga av aktivitetsparken. Kommunen ønskjer å få innspel til aktivitetar frå heile kommunen Tidleg i 2019 er det planlagt medverknad med ulike grupper innbyggjarar og i dei ulike tettstadane i kommunen. Prosjektgruppa for aktivitetsparken skal møte innbyggjarane der dei bur, på butikken på Orstad, Klepp stasjon, Orre og Voll. Prosjektgruppa er ute etter innspel frå fleire til den konkrete utforminga av aktivitetsparken. Barnetråkk og ein måte å gje tilbakemeldingar til planleggjarane Våren 2018 vart det gjort barnetråkk-registreringar med elevar på 5. og 9. trinn på alle skulane i Klepp. Elevane kom med mange merknader til planområdet, både positive og negative som det må gjerast noko med. Under utarbeiding av planforslaget har innspel frå elevane blitt sjekka ut og innarbeidd i planen i størst mogleg grad. Meir om dette finn du i planomtalen. Informasjon til direkte berørte grunneigarar Administrasjonen tok kontakt med direkte berørte naboar for å drøfte forslag til planløysingar. Innspel til justeringar er det forsøkt å ta omsyn til. 3

4 Fylkesrådmannen har kome med innspel til rådhuset frå 70-tallet som identitetsbærer Rogaland fylkeskommune har vist engasjement under gjennomføring av moglegheitsstudie om sentrumsutviklinga i Det er naturleg at fylkeskommunen allereie nå kjem med råd om å involvere ekstern kompetanse. Omtale av planforslaget Plan- og bygningslova slår fast at eit forslag til reguleringsplan består av tre element: Plankart, bestemmelsar og planomtale. Sidan det står ein del grunnleggjande informasjon i planomtale, kan det vere ein fordel å lese gjennom vedlagte planomtale med konsekvensutgreiing før ein les vidare i saksutgreiinga. Flaumsikring og oppgradering av Jærvegen frå fylkesveg til gate Figur 4: Opprusting av Jærvegen til gate. Ny flaumvassleidning langs vestsida av Jærvegen. Gatetre, separering av gåande og syklande og etablering av rennande vatn i ein ny og breiare rabatt over flaumvassleidninga gjer at Jærvegen på sikt vil framstå som ei urban gate. Mobilitetspunkt ved parken Figur 5: Ny busshaldeplass ved parken. Infrastrukturen for å køyre buss om Olav Hålands veg og langs Jærhagen er klar og ruta er prøvekøyrt. Planen legg til rette for å kunne reise til aktivitetane i sentrum med buss. Ein ny busshaldeplass rett ved aktivitetsparken er allereie etablert som rekkefølgekrav for utviding av Jærhagen. Kva må til for at bussen kan gå om parken og Jærhagen? Alle bussar frå Verdalen til Klepp stasjon må korrespondere med toget i begge retningar. Først då er det tid til omvegen via Jærhagen. Sykkelstativ for dei elektriske «Bysyklane», ein del av Kolumbus sitt mobilitets-konsept, skal få plass ved aktivitetsparken for å fortsette reisa dit bussen ikkje går. Bysykkelordninga blir utvida til Klepp mot årsskifte 2019/20. 4

5 Kommunehus og kyrkje Områdereguleringa skal avklare «tomta» for framtidig kommunehus med kyrkje. Vidare detaljregulering vil først setjast i gang etter at kommunestyret har vedtatt konsept og dei økonomiske rammene for dette prosjektet. Val av konsept kan tidlegast skje sommaren Aktivitetsparken Dronninga Landskap sitt konsept for aktivitetsparken ligg til grunn for detaljreguleringa av grønstrukturen. Når områdeplanen er vedtatt kan aktivitetsparken med tilhøyrande anlegg, som isflata, opparbeidast med grunnlag i denne reguleringsplanen. Figur 6: Forprosjekt for aktivitetsparken Dronninga Landskap. Til høgre ein illustrasjon av korleis ei isflate med tak over kan sjå ut. Mogleg utviding av Håland kjøtt og Blomsterkvasten Reguleringsplanen for dette delområdet er gått ut på dato. Utvikling av nordre del av eigedomen (Coop landbruk) må sjåast i samanheng med grønstrukturen langs Kvernbekken og kommunehusog kyrkjeprosjektet. Søre del av eigedomen kan med fordel avklarast nå for å få rette samanheng med aktivitetsparken. Køyretilkomst til eksisterande bustadhus Solavegen 5 som i dag har utkøyring via parkeringsplassen til rådhuset må løysast via parkeringsplassen for Håland kjøtt og Blomsterkvasten. Planen opnar for eit mindre forretningsbygg i ein etasje for utviding av eksisterande forretningsverksemd. Bøkevegen 2 må få ny parkeringsløysing Parkeringsplassar i carport kombinert med støyskjerm langs Jærvegen må løysast på ein anna måte når flaumvassleidning blir etablert. Parkeringa er foreslått flytta til nordsida av Bøkevegen der Klepp energi eig. Området sør for Idrettsvegen med Villa Magnolia og Peking Garden Sentrumsplanen viser ein grønstruktur frå Kvernbekken, «bak» Klepp energi og vidare mot Klepp stadion. Grønstrukturen er vist rett gjennom Villa Magnolia og over Braut planteskule. 5

6 Figur 7: Utsnitt av områdeplanen viser forslag til gangdrag langs Idrettsvegen. Til høgre: Gangdraget slik det ligg i kommuneplanen er det sett kryss over. Forslag til gangsamband vist med raud linje er lagt til grunn for områdeplanen. Planen utgreier eit alternativ som ikkje involverer privat eigedom. Jærvegen skal oppgraderast til gate med gatetre og ope vatn i rabatten. Den nye løysinga viser ei oppgradering av Idrettsvegen med eit 3 m breitt fortau og fleire gatetre. Vurdering av planforslaget Om konsekvensutgreiing i denne områdeplanen Konsekvensutgreiingar skal få frem konsekvensane av planmessige endringar for miljø og samfunn. Det er krav om konsekvensutgreiing før gjennomføring av store tiltak eller omfattande endringar av ulike planar, derunder områdereguleringar. I dei fleste tilfelle er det nye tiltak med «ukjente» konsekvensar i ofte «urørte» område som skal utgreiast. Det er krav om utgreiing av alternativa, derunder null-alternativet. Rådmannen har allereie i forslag til planprogram (vedlagt) gjort det klart at det finns ingen aktuelle alternativ for plassering av kommunehuset, kyrkja og aktivitetsparken. Anerkjent metodikk for konsekvensutgreiingar er ikkje utvikla for å skilje mellom ulike alternativ. Den er dårleg eigna til å få fram verdien av å bruke eksisterande infrastruktur og bygningar på nye måtar. Områdereguleringa skal danne grunnlag for den største samla investeringa i Klepp kommune nokon gong. Ressursar, både økonomiske-, areal- og materialressursar skal brukast klokt. Klimagassutslepp og andre miljøbelastningar skal haldast på eit lågast mogleg nivå, både under bygging og når anlegga skal driftast og brukarar skal transporterast til og frå heile kommunen. Ei konsekvensutgreiing bør difor også bidra til å kvantifisere alle positive effektar og vere eit verktøy for å setja høge mål samt vise vegen til korleis desse kan oppnåast. BREEAM NOR preanalyse som konsekvensutgreiingsmetodikk BREEAM NOR sertifisering er ein anerkjent standard for å setje høge mål og sikre at dei blir nådd. BREEAM NOR preanalyse er ein metodikk for å analysere byggjeprosjekt, vurdere potensialet for gode løysingar og kvantifisere desse. Kommunen skal prøve ut BREEAM NOR preanalyse for å kvantifisere konsekvensane for samfunn og miljø som eit alternativ til innarbeidd konsekvensanalysemetodikk. 6

7 Staden sin identitet eller folk sin identitet til staden? Aktivitetsparken vil endre karakteren i området frå å vere ei stor open flate til eit område med mange nye element. Også etablering av kyrkja i sentrum og ombygging av kommunehus eller nybygg vil tilføre nytt i sentrum. Auka bruk av denne delen av Kleppe, både innandørs og utomhus vil styrke identiteten for Kleppsbuen til dette sentrale området. Klima- og miljøpåverknad Klima- og miljømål og verktøy for å sikre at høge mål faktisk blir nådd er allereie omtalt under vurderingspunkt for konsekvensutgreiing. Mobilitet Kleppe sentrum er til for alle innbyggjarar i kommunen. Planforslaget legg til rette for å nå sentrumsaktivitetane med eigen sykkel, gange eller ved bruk av buss og tog frå dei andre tettstadane i kommunen. Ein parkeringsstrategi er under utarbeiding og skal sikra parkering for dei som må bruke bilen til sentrum. Aktiv og trygg for alle Aktivitetsparken skal oppmuntre til fysisk aktivitet i trygge omgjevnader. Dronninga Landskap sitt forslag om ein hundelufteplass overraska mange. Rådmannen meiner ideen er god. Hundeeigarar frå alle samfunnslag og i alle aldrar er ute på alle tider av døgnet. At det er vaksne til stades der ungdomar ferdast gjer det tryggare og hyggjelegare for alle å vere ute. Separering av gåande på eige fortau frå dei som bruker el-sykkelen reduserer fare for kollisjon og ulukker. Midtrabatt ved busshaldeplassar skal hindre at nokon køyrer forbi bussen og kolliderer med gåande som kjem ut av blindsona. Tankar om låge støyskjermar kan samtidig hindre uønska kryssing av gata mellom gangfelta. Det er mange tema i planen som kan føre til både auka aktivitet og betre tryggleik. Grønstruktur og vatn Hovudplan for vatn, avløp og vassmiljø legg grunnlaget for tiltak i Jærvegen for å hindre flaumskadar i Kleppe. Når det først skal leggjast store leidningar langs Jærvegen opnar dette og for å få ei minstevassføring i opne renner langs Jærvegen og over aktivitetsparken. Levande vatn i lag med vegetasjon er ei god oppskrift for å få folk til å opphalde seg i sentrum. Vurdering etter naturmangfaldslova 8-12: 8 krev eit godt kunnskapsgrunnlag om naturmangfaldet. Temakart Rogaland viser ei registrering av grå punktlav (Punctelia subrudecta) med status «Nær truet» frå Registreringa er knytta til Bøkevegen, i eller i nærleiken av planområdet. Figur 8: Grå punktlav. Til høgre: Planforslaget viser omsynssone for å sikre naturmangfald. 9 (føre-var-prinsippet) krev at risiko for vesentleg skade på naturmangfaldet blir vurdert. Det er mogleg at grå punktlav veks på ei eldre trerekke nord for parkeringsplassen ved rådhuset. Trerekka bør uansett takast vare på i planane for aktivitetsparken. Gangvegen er difor lagt utanom 7

8 trerekkene og det lagt inn ei omsynssone H560 for å ta vare på leveområdet for grå punktlav. Å ta vare på trerekka vil ikkje medføra auka kostnader. Risiko- og sårbarhetsvurdering Det er gjort ei risiko- og sårbarhetsvurdering for planområdet og denne ligg ved saka. Konsekvensar for kommunen Planarbeid for kommunehus, aktivitetspark og kyrkje er forankra i ulike kommunestyrevedtak. Etablering av flaumvassleidning er forankra i Hovudplan for vatn, avløp og vassmiljø Arbeid med hovudsykkelrute langs Jærvegen vil måtte skje i samarbeid med vegeigar Rogaland fylkeskommune. Konklusjon Rådmannen fremmer med dette områderegulering for kommunehus, kyrkje og aktivitetspark. Vedlegg: Plankart, datert Bestemmelsar, datert Planomtale med konsekvensutgreiing, datert Planprogram BREEAM NOR preanalyse dokumentet blir ettersendt Notat: Tiltak for å redusere vegtrafikkstøy langs gater gjennom Kleppe ROS-analyse Innstilling: Rådmannen sitt forslag til vedtak: Hovudutval for lokal utvikling vedtek i samsvar med plan- og bygningslova å leggja forslag til områderegulering for kommunehus, kyrkje og aktivitetspark med tilhøyrande planbestemmelsar og planomtale, alle datert , ut til offentleg ettersyn. 8

9 Hovudutval for lokal utvikling den sak 4/19 Behandling: Vedlegg frå BREEAM NOR preanalyse er ikkje blitt ettersendt, men skal leggast ved når saka blir sendt ut på høyring. Gaute Stokka -frp stilte spørsmål omkring parkeringsutfordringane i planen. Kommunalsjef Trine E. Fossmark informerte om at formannskapet i haust bestilte ein plan vedrørande parkering og at denne skal leggast ved når saka blir sendt ut på høyring. Samrøystes VEDTAK: Hovudutval for lokal utvikling vedtek i samsvar med plan- og bygningslova å leggja forslag til områderegulering for kommunehus, kyrkje og aktivitetspark med tilhøyrande planbestemmelsar og planomtale, alle datert , ut til offentleg ettersyn. Rett utskrift, Karin Sandve Vereide møtesekr. 9