Sogndal kommune Bli med på laget Tertialrapport 1-2014 Framlegg formannskapet 05.06.2014 Sogndal kommune 1-2014
Innhald 1 Innleiing... 3 2 Status på prioriterte område... 3 3 Hovudtal økonom... 7 4 Økonomiske avvik teneste- og støtteiningar... 10 4.1 Felles... 10 4.1.1 Støtteeining økonomi og personal... 10 4.1.2 Støtteeining tenestetorg og ikt... 10 4.1.3 Støtteeining fag og utvikling... 10 4.1.4 Politisk arbeid... 10 4.1.5 Kyrkjeleg fellesråd og andre trussamfunn... 10 4.2 Oppvekst... 10 4.2.1 Barn og unge... 10 4.2.2 Barnehage... 11 4.2.3 Felles skule... 11 4.2.4 Kvåle skule... 11 4.2.5 Trudvang skule... 11 4.2.6 Kaupanger skule... 11 4.2.7 Norane oppvekstsenter... 11 4.2.8 Fjærland oppvekstsenter... 11 4.2.9 Norskopplæringa... 11 4.2.10 Kultur... 12 4.3 Omsorg, helste og sosial tenester... 12 4.3.1 Pleie og omsorg... 12 4.3.2 Helse og sosial... 13 4.3.3 Nav... 13 4.4 Tekniske tenester... 13 4.4.1 Kommunalteknikk... 14 4.4.2 Plan og næring... 14 5 Investeringsprosjekt... 15 6 Oppsummering budsjettavvik... 18 2
1 Innleiing Sogndal kommune har vedteke at administrasjonen skal utarbeide tertialrapportar. Føremålet med rapportane er å gje informasjon om oppfølging av budsjettet gjennom året, med status for prioriterte område (10 på topp) og ressursbruken samanlikna med budsjettet. 2 Status på prioriterte område Vi skal ta i bruk eit kvalitetssystem for alle tenester og forvaltinga i heile kommunen og delta i det nasjonale programmet «Saman om ein betre kommune» Arbeidet med å etablere eit kvalitetssystem er sett i gang i alle delar av kommunen og omfattar tenesteomtalar, prosedyrar, relevante planar og lover, system for avviksmelding, risikoanalyse og internt tilsyn. Alle einingane har fått opplæring i å melde og handsame avvik elektronisk og gjennomføre risikovurderingar, og ordninga er teke i bruk. Det er utarbeidd årshjul for internkontroll, der årleg revisjon av prosedyrar, oppdatering av eininga sitt risikobilete, gjennomføring av risikovurderingar, brukargranskingar og internt tilsyn ligg inne som faste aktivitetar. Det er utarbeidd retningsliner for internt tilsyn. Utprøving og evaluering skjer hausten 2014. I løpet av året er det òg planlagt opplæring i informasjonstryggleik på alle einingane. Kommunen er med i det nasjonale programmet «Saman om ein bere kommune» i regi av KRD. Programmet vil gå over 3 år (2013 2015). Kommunen sitt tema er styrka rekruttering og tilflytting gjennom eit godt omdøme. Vi vil ha særleg fokus på ungdom, innvandrarar, rekruttering til helse- og omsorgssektoren samt partssamarbeid. Konkrete tiltak i 2014 er arbeidet med rekruttering og kompetansestyring/-utvikling, utvikling av lærlingordninga og partsamarbeid. Alle tilsette har registrert kompetansen sin. Dette vert nytta som grunnlag for analyse og utarbeiding av kompetanseplanar einingsvis og samla for kommunen. Det vert arbeidd målretta for å auke talet på lærlingar i kommunen. Her er pleie- og omsorgssektoren prioritert. Vi har kartlagt korleis partssamarbeidet fungerer på dei ulike einingane, og føl opp dei einingane som har behov for det. Vi skal følgje opp samhandlingsreforma ved å regulere og prosjektere utbygging av Songdal helse- og omsorgssenter i løpet av 2014 med sikte på ferdigstilling i 2017. Kommunestyret vedtok reguleringsplan for Sogndal helse- og omsorgssenter (SHOS) i møtet 25. april 2014. Reguleringsplanen vart påklaga, og klagen vart teken til følgje av Fylkesmannen. Kommunestyret har vedteke nye reguleringsplan, som imøtekjem vedtaket Fylkesmannen gjorde i klagesaka. Også den nye reguleringsplanen er påklaga, og klagen ligg no til handsaming hjå fylkesmannen. Kommunestyret har vedteke Solmei som ide for vidare planlegging av utbygging av SHOS. Konsulent har presentert eit nytt framlegg til utbygging av SHOS som ivaretek god lokalisering for alle tenester som skal lokalisertast til SHOS. Forslaget inneber at også delar av 7A vert rive og nytt helsebygg vert ført opp i dette området. Denne løysinga inneber ei noko lengre byggjetid på SHOS-utbygginga, men gjev ei betre 3
løysing på romprogrammet og legg betre til rette for framtidige utbyggingar. Ferdigstillinga vert ved denne løysinga i 2018. Vi skal byggje ut infrastruktur med veg, vatn og avlaup til nytt hytteområde i Hodlekve og vedta ny reguleringsplan for å auke overnattingskapasiteten i Hodlekve. Veganlegg og vatn- og avlaupsanlegget i vegbana er ferdig bygd ut. Utbygging av reinseanlegget og vassforsyningsanlegget er starta opp og skal etter planen vera ferdig i haust. Kommunestyret har i revidert kommuneplan lagt ut eit utvida område i Hodlekve til idrettsanlegg. Utbyggjar i området Sognefjord Utvikling har fremma planprogram for nye reguleringsplan. Formålet med dette planarbeidet er å vidareutvikle området i Hodlekve som eit reisemål. Det er eit mål for selskapet å etablere sportell og servicebygg (varmestove, bygg til sal av heiskort, skiutleige etc), fleire hytteeiningar og telemiks (gondol) innanfor området. Vi skal gjere strandsona i Sogndal sentrum tilgjengeleg for allmenta, ved å leggje til rette for allmenn bruk av friluftsområda på Hagelinnesa og byggje ut fjordstien og elvepark i 2014 og 2015. Det er blitt semje med eigar av Hagelinnesa og kommunen om avtale som sikrar allmenn tilgang til friluftsområda på Hagelinnesa i 40 år framover. Fjordstien er bygd ut frå badelaguna ved Sjøkanten til elveosen og langs elva til Stedje bru, og området ved badelaguna er ferdig opparbeidd. Denne delen vert offisielt opna i juni. Vi har gjort avtale om opparbeiding av elveparken frå Quality Hotel Sogndal til elveosen, og arbeidet er starta opp. Resten av strekninga, frå Rusebakken til Rones vil bli lagt ut i marknaden på ny i 2014, sidan det berre var ein entreprenør som melde seg for utbygging av denne strekninga i 2013. På austsida av elva og på strekninga frå hurtigbåtkaia til Rones er det gjennomførd skjønn i samband med grunnavståing og tilpassing til eigedomane. Skjønnet er enno ikkje ferdig avheimla. Vi skal styrke samhandlinga mellom Sogndal vidaregåande skule, Høgskulen i Sogn og Fjordane, Sogndal fotball, kommunen og private verksemder på Fosshaugane Campus. Eigargruppa for Fosshaugane Campus har vedteke ny organisering av dette arbeidet for å styrke samhandlinga og innovasjonsevna til verksemdene på Fosshaugane Campus. Sogn Næring er sekretær for eigargruppa og leiar innovasjonsgruppa. Det er etablert fleire konkrete samarbeidsprosjekt mellom offentlege og private verksemder på Fosshaugane Campus. Sogndal Fotball AS i lag med private verksemder, vurderer moglegheitene for å auke tilgjengelege areal for private verksemder i området. Vi skal arbeide for utbygging av sykkelfelt langs riksveg 5/55 i samsvar med sykkelplan og i 2014 vurdere alternative løysingar for rv. 5 gjennom Sogndal sentrum for å betra trafikkavviklinga. Statens vegvesen har i samråd med kommunen starta arbeidet med planlegging av sykkelfelt gjennom Sogndal sentrum, frå rundkøyringa ved Kulturhuset til ny 4
rundkøyring ved Stedje bru. Reguleringsplanen vil etter planen bli lagd ut på høyring i juni, med sikte på vedtak i kommunestyret i oktober eller desember. Rådmann har lagd fram drøftingsnotat til formannskapet om alternative løysingar for rv. 5 gjennom Sogndal sentrum. Notatet presenterte ulike måtar å arbeide vidare med saka på. Formannskapet konkluderte med at det vert gjennomførd eit temamøte i kommunestyret om rv. 5 gjennom sentrum. Dette møte er planlagd til hausten 2014. Vi skal i 2014 vedta plan for barnehageutbygging i kommunen. Det er lagt inn to område til ny barnehage i sentrum (Rutlin og Nestangen) i arealdelen av kommuneplanen. Arbeidet med områdereguleringsplan for Rutlin vil bli varsla oppstart før sommaren. Rådmann har sett ned ei administrativ gruppe som skal lage framlegg til plan for barnehageutbygging. Rådmann vil leggje fram saks om plan for barnehageutbygging for politisk handsaming hausten 2014. Vi vil bruke naudsynte verkemiddel som føringar på reguleringsplanar og tilgang på utbyggingsareal, for å få nok tilgang på bustader i alle deler av kommunen. Vi skal delta i Husbanken sitt bustadsosiale program og i løpet av 2014 politisk handsame prosjektplan med mål og tiltak for programmet. Vi har i møte med utbyggjarar og grunneigarar orientert om at alle naudsynte verkemiddel, også oreigning, vil bli nytta for å sikre tilgang på utbyggingsareal for bustader i alle delar av kommunen, der det eit udekka behov for bustadareal. Kommunen har m.a. vedteke reguleringsplan for utbygging av 150 bueiningar for studentar på delar av Nedrehagen. Det er for tida fleire prosjekt for utbygging av bustader i sentrum og på Kjørens, og kommunen har vore i drøftingar med utbyggjar og grunneigar for utbygging av bustader på Kaupanger (Bråtane) og Norane (Nornesfeltet). Kommunen vart teke opp i Husbanken sitt bustadsosiale program frå 2014. Vi har lyst ut stillinga som programleiar og vi vil gjennomføre ein føranalyse hausten 2014. Vi skal i samarbeid med frivillige organisasjonar satse på nyskapande friluftsliv i samsvar med arealdelen av kommuneplanen. Vi har jamleg kontakt med lag og organisasjonar for vidare satsing på nyskapande friluftsliv. Vi er m.a. i dialog med Bratt Moro AS og verksemder om utvikling og etablering av eit senter for aktivitetsturisme m.v. i kaihuset. Vi har i samarbeid med frivillige lag gjennomførd ei omfattande skilting av turstiar i kommunen og vil i 2014 syte for at det vert sett opp informasjonstavler over desse turstiane på sentrale stader i kommunen. I juni vil turstien gjennom Leikanger, Sogndal og Luster, S1, verta offisielt opna. 5
Vi skal lage ein plan for utbygging av fiber ev. anna breibandsdekking og mobiltelefoni i heile kommunen. Kommunen har engasjert Sogn Næring til å lage utkast til plan for utbygging av fiber og anna breidbandsdekking i kommunen. Vi har invitert innbyggjarane til å kome med innspel til planen, og vi vil delta i felles søknad frå fylkes om statlege midlar til utbygging av breiband. 6
3 Hovudtal økonomi Skatt og rammetilskot Skatt og rammetilskot er budsjettert etter prognose frå KS. Ny prognose etter revidert nasjonalbudsjett viser ein auke i rammetilskotet på.2,65 mill. kroner medrekna skjønstilskot. Auken skuldast i hovudsak etterrapportering av personar med psykisk utviklingshemming. Departementet har gjort vedtak om ekstra skjønstilskot på 1,79 mill. kroner 2014. I tillegg er det utbetalt gjennom rammetilskotet eit skjønstilskot frå fylkesmannen med kr. 250 000. Tilskotet gjeld eit samarbeidsprosjekt mellom Florø, Førde, Stryn og Sogndal, om betre digital dialog i ein multikulturell kommune, der Sogndal kommune står som kontakt for samarbeidet. Beløpet vil ikkje bli nytta før i 2015 og må avsetjast til bunde fond. Skatteanslaget for kommunesektoren er redusert i revidert nasjonalbudsjett. Dette skuldast at det vart lagt til grunn for høge skatteinntekter for 2013 ved framlegging av statsbudsjettet for 2014. For Sogndal sin del utgjer reduksjonen i skatteinntektene kr 502 000. Løn og pensjon Det er sett av 9,35 mill. kroner til lønsoppgjeret for 2014 medrekna sosiale utgifter. I revidert nasjonalbudsjett er anslaget for lønsveksten i 2014 nedjustert frå 3,5% til 3,3%. I tillegg til at anslaget er redusert, er det grunn til å tru at avsetjinga til lønsoppgjeret er for høgt budsjettert. Det er vanskeleg å talfeste dette då lønsoppgjeret ikkje er ferdigforhandla og vi kjem difor tilbake til dette i 2 tertial. I tabellen er det estimert med eit mindreforbruk på 1,3 mill. kroner Pensjon er budsjettert ut frå estimat frå KLP og SPK. Det er lagt ut nytt estimat for pensjonskostnaden i KLP pr. 30 april. Det nye estimatet viser auka pensjonskostnad med om lag kr. 350 000 i forhold til førre estimat. I estimatet for reguleringspremie er det lagt til grunn ein lønsvekst på 3,75%, som er noko høgare enn anslag på lønsvekst i revidert nasjonalbudsjett. Det er vanskeleg å seie noko om korleis dette totalt sett vil slå ut for kommunen. Eigedomsskatt Det er budsjettert med eigedomsskatt på 20,99 mill. kroner. Ut frå fakturert eigedomsskatt for 1. halvår er eigedomsskatten for heile året berekna til kr. 20,93 mill. kroner som er kr 60 000 under budsjettet. Renter Renteutgifter Det er budsjettert med ein gjennomsnittleg rentesats på 2,4% på lån som utgjer 8,59 mill. kroner i renteutgifter. Kommunen har hovudtyngda av lån i Kommunalbanken med rentevilkår P.t. rente. P.t. renta er pr. i dag 2,25 % og har vore uendra i løpet av året. Dersom renta held seg like låg ut året, vil kommunen ha ei innsparing på om lag kr. 450 000. 7
Renteinntekter Renter av bankinnskot er budsjettert med 2,6 mill. kroner ut frå ein gjennomsnittleg rentesats på 2,4% og ein gjennomsnittleg saldo på bankkonto på 100 mill. kroner. I dette ligg og renter av fondsmidlar som skal avsetjast med kr 533 400. Renta på driftskontoen pr. 1 januar var 2,52% og har auka til 2,67% i løpet av året. Dersom ein legg til grunn ei gjennomsnittsrente for året på 2,6%, vil kommunen ha ei meirinntekt på i overkant av kr 150 000. Renter på utlån er budsjettert med totalt kr.877 000. Av dette gjeld kr 310 000 renter på utlån Sogndal fotball og kr. 567 000 renter av startlån. Som følgje av lågare rentesats og eit for høgt budsjettanslag for renter av startlån, er renter på utlån forventa å bli kr. 150 000 lågare enn budsjettert. Avdrag Det er budsjettert med 21,7 mill. kroner i avdragsutgifter. Avdragsutgiftene er i samsvar med budsjettet Avkastning verdipapirfond Det er budsjettert med ei avkastning på kr. 364 000. Så langt i år er avkastninga på 2% og utgjer i kr 307 000. Dersom ein legg til grunn ei avkastning på 4% vil samla avsetjing for året bli om lag kr. 620 000, som gir ei meirinntekt på kr 256 000. Auka avsetjing skal avsetjast. Verdi Urealisert Verdi Årets Navn Kostpris* 30.04.2014 Gevinst/Tap Urealisert i % start/kjøp Verdiendring i år I år i % SPV ALFRED BERG NORGE 647 525 807 857 160 332 24,76 % 764 703 43 154 5,6 % SPV DANSKE INVEST NORGE 1 1 400 536 1 687 113 286 578 20,46 % 1 626 736 60 377 3,7 % SPV DI GLOBAL EMERGING MARKET 1 586 195 1 610 864 24 669 1,56 % 1 585 492 25 372 1,6 % SPV HOLBERG LIKVIDITET 2 724 000 2 940 343 216 343 7,94 % 2 914 058 26 285 0,9 % SPV ODIN EUROPA 1 472 196 2 129 581 657 385 44,65 % 2 106 561 23 020 1,1 % SPV ODIN GLOBAL 1 340 716 1 721 486 380 770 28,40 % 1 697 119 24 367 1,4 % HOLBERG KREDITT 1 644 037 1 731 044 87 007 5,29 % 1 689 469 41 576 2,5 % ALFRED BERG OBLIGASJON 2 978 504 3 098 652 120 148 4,03 % 3 035 754 62 898 2,1 % Sum 13 793 709 15 726 940 1 933 231 14,02 % 15 419 892 307 048 2,0 % * Kostpris på rentefond er justert for reinvestert utbytte og solgte andeler. Bokført verdi vil være eks. utbytte og dermed avvike. Utbyte og eigaruttak Det er budsjettert med eit utbyte frå Sognekraft med kr 3 733 000. Det er lagt til grunn ein føresetnad om eit samla utbyte til eigarkommunane på 34 mill. kroner, der Sogndal sin del utgjer 10,98%. Utbyte frå sentrumsbygg er budsjettert med kr 236 000. Det er forventa at samla utbyte vert i samsvar med budsjettet. Overføring til investeringsrekneskapen I økonomiplan var det budsjettert med kr. 4,35 mill. kroner i overføring til investeringsrekneskapen. Beløpet vart auka med 370 000 i samband med disponering av overskotet for 2013. Auken gjeld finansiering av ferdigstilling Mundal sentrum. Overføring til investeringsrekneskapen vert gjord i samsvar med budsjettet. 8
Andre tilskot og overføringar Investeringstilskot sjukeheimar og omsorgsbustader og rentekompensasjon skule- og kyrkjebygg Investeringstilskot sjukeheimar er budsjettert med kr 2 330 933 og rentekompensasjon skule- og kyrkjebygg med kr. 885 082. Dette er budsjettert etter prognose frå Husbanken med ein renteføresetnad på 2,09%. Det ligg ikkje føre opplysningar som skulle tilseie endringar i beløpa. Rentekompensasjon reform 97 er budsjettert etter prognose frå Utdanningsdirektoratet med kr. 587 000. Prognosen er uendra. Statstilskot flyktningar og asylantar Statstilskot flyktningar er budsjettert med 18,9 mill. kroner. Det er då teke utgangspunkt i budsjettet for 2013 og med dei opplysningar som låg føre på budsjetteringstidpunktet. Forventa tilskot er oppjustert til 26,5 mill. kroner som følgje av auka tal busette og betydeleg auka satsar. Dette gir ein auke i inntektene på 7,0 mill. kroner. Vertskommunetilskotet for asylmottak er budsjettert med om lag 1,3 mill. kroner ut frå rekneskapen for 2013 med tillegg for prisvekst. Vertskommunetilskotet vert utbetalt kvartalsvis frå UDI. Frå 2013 har tilskotet auka med kr 105 000 pr. kvartal som gir ein auke for heile året med kr. 420 000. Tilskotet skal nyttast til tolketeneste, helsekontrollar m.m. for asylsøkjarar. Auka tilskot vert fordelt på aktuelle einingar.. Utlån Kaupanger idrettslag søkte om, og har fått innvilga eit lån på 1,5 mill. kroner til nytt garderobeanlegg. Utlånet er i påvente av spelemidlar og mva. kompensasjon og skal finansierast frå Kraftfond II. Ved ein feil vart det i økonomiplan berre budsjettert med 1,3 mill. kroner i utlån. Budsjettet må korrigerast med kr. 200 000 i auka utlån finansiert med bruk av Kraftfond II. Avsetjing og bruk av fond Det vert tilrådd at meirinntekter som gjeld auka tilskot flyktningar kr 7 mill. kroner og kr 256 000 som gjeld auka avkastning verdipapirfond, vert avsett til disposisjonsfond. Skjønstilskotet frå Fylkesmann som gjeld samarbeidsprosjekt med andre kommunar er bundne midlar, og skal avsetjast til bunde driftsfond. 9
4 Økonomiske avvik teneste- og støtteeiningar Tertialrapporten er bygd opp på same måte som økonomiplanen 2014 17, men resultata er presentert pr. tenesteeining. 4.1 Felles Området omfattar oppgåver som gjeld heile organisasjonen. Rapporten omfattar støtteeiningane økonom og personal, tenestetorg og ikt og fag og utvikling. I tillegg omfattar fellesområdet politisk verksemd og kyrkjeleg fellesråd og andre trussamfunn. 4.1.1 Støtteeining økonomi og personal Eininga vil på årsbasis ha eit forventa meirforbruk på kr 280 000, som skuldast at 40% stilling frikjøp tillitsvalde ikkje er lagt inn i budsjettet. Det er sett ned ei arbeidsgruppe med representantar frå dei kommunane vi har eit interkommunalt samarbeid med for å sjå på fordeling av administrative felleskostnader. Rapporten er ikkje klar enno, og vi kjem attende til moglege konsekvensar for Sogndal kommune i 2. tertial. 4.1.2 Støtteeining tenestetorg og ikt Det er ikkje rapportert om avvik for tenestetorg og ikt 4.1.3 Støtteeining fag og utvikling Det er ikkje rapportert om avvik for fag og utvikling. 4.1.4 Politisk arbeid Området vil på årsbasis ha eit forventa meirforbruk på kr. 280 000 som i hovudsak skuldast utgifter til godtgjersle/tapt arbeidsforteneste. 4.1.5 Kyrkjeleg fellesråd og andre trussamfunn Det er ikkje rapportert om avvik for kyrkjeleg fellesråd og andre trussamfunn. 4.2 Oppvekst Oppvekst omfattar følgjande tenesteeiningar/tenesteområde: Barn og unge, barnehage, felles skule, Kvåle skule, Trudvang skule, Norane oppvekstsenter, Fjærland oppvekstsenter, norskopplæringa og kultur. 4.2.1 Barn og unge Det er ikkje meldt om avvik for barn og unge. 10
4.2.2 Barnehage Det er ikkje meldt om avvik for drift av dei kommunale barnehagane. Det er forventa eit meirforbruk på 1 mill. kroner som gjeld tilskot til private barnehagar. Tilskotet til private barnehagar skal reknast ut frå utgiftene til kommunale barnehagar. Denne utrekninga var ikkje klar då budsjettet for 2014 vart vedteke, og det vart då teke utgangspunkt i rekneskapen for 2013 med tillegg for prisvekst. Ved utrekning av tilskotet vert det teke utgangspunkt i kommunen sin pensjonspremie og ikkje pensjonskostnaden. Pensjonspremien varierer mykje frå år til år m.a. som følgje av hovudoppgjer på løn som er annakvart år. I 2014 er det hovudoppgjer på løn som gjer at pensjonspremien og dermed tilskotet til private barnehagar venteleg aukar. Det vil i tillegg bli føreteke ei etterregulering av tilskotet for 2013 og 2014 som truleg gjev noko auka tilskot. Det er difor budsjettert for lite i tilskot. Det er førebels lagt inn 1 mill. kroner i meirforbruk, men vi kjem nærare tilbake til dette i 2. tertial. 4.2.3 Felles skule Det er ikkje rapportert om avvik for felles skule 4.2.4 Kvåle skule Eininga vil på årsbasis ha eit forventa meirforbruk på kr. 500 000. Dette skuldast i hovudsak elevar med rett til heimeundervisning og auka ressursar til spesialundervisning. 4.2.5 Trudvang skule Det er ikkje meldt om avvik for Trudvang skule. 4.2.6 Kaupanger skule Eininga vil på årsbasis ha eit forventa meirforbruk på kr. 100 000 knytt til elevar med ekstra tiltak. 4.2.7 Norane oppvekstsenter Deg er ikkje meldt om avvik for Norane oppvekstsenter. 4.2.8 Fjærland oppvekstsenter Eininga vil på årsbasis ha eit forventa mindreforbruk på kr. 100 000 grunna færre barn i barnehagen og med det redusert bemanning. 4.2.9 Norskopplæringa Pr. i dag er drifta i samsvar med budsjettet. Grunna auke i elevtalet vil vi får ein auke i statstilskotet på kr. 900 000 meir enn budsjettert. Det er behov for å auke undervisningstimetalet med 25 t/v med følgjande grunngjeving: Auke i elevtalet/busetjing av fleire flyktningar. Omlegging av undervisningstida/auke i tal timar pr. veke for å møte introduksjonslova sitt krav om heildag/heilårleg tilbod, jf. Fylkesmannen sitt tilsyn. 11
Fleire innvandrar med rett til grunnskuleopplæring. Ønskje om kjøp av grunnskuleopplæring frå nabokommune. Dette vil òg gje oss inntekter. Auken i undervisningstimetalet vil utgjere kr. 390 000 for 2. halvår 2014 og vert finansiert med auka inntekter. 4.2.10 Kultur I budsjettet for kulturskulen er det ikkje med midlar til vidareføring av den nasjonale ordning med «kulturskuletimen» 1.halvår 2014. Ordninga vart etablert hausten 2013 for skuleåret 13/14, og er ikkje vidareført i statsbudsjettet utover 1. halvår 2014. Dette utgjer kr. 90 000 og kan finansierast over fond for avsetjing av overskot kultur. For dei andre områda på kultur er det ikkje meldt om avvik. 4.3 Omsorg, helste og sosial tenester Dette området omfattar tenesteeiningane pleie og omsorg, helse og sosial og NAV. 4.3.1 Pleie og omsorg Eininga vil på årsbasis ha eit forventa meirforbruk på kr. 2 900 000. Område Mindreforbruk Meirforbruk Løn og sosiale utgifter 7 427 000 Kjøp av varer og tenester 700 000 Refusjonar varer og 1 090 000 tenester Salsinntekter 325 000 Refusjonar sjukeløn 3 812 000 5 227 000 8 127 000 Sum 2 900 000 Pleietyngda i dei ulike tenestene har auka mykje, og det same har innskrivne brukarar. Drifta er lagt mest mogleg rasjonell i høve til rehabilitering, førebygging og for å tilpasse driftseiningane til 2. linetenesta og gjennomføring av «Samhandlingsreforma». Tenesta er tilført midlar for å redusere differansen mellom økonomisk ramme og faktisk drift, men lønsbudsjettet er framleis underbudsjettert i høve til faktisk drift. Prisauken for kjøp av varer og tenester er hatt ein vesentleg større prisvekst enn de som er budsjettert. 12
4.3.2 Helse og sosial Tenesteeininga vil på årsbasis ha eit forventa meirforbruk på kr. 460 000. Det er då teke omsyn til forventa innsparing på kr. 400 000 i økonomiplanen. Område Mindreforbruk Meirforbruk Fysioterapitenesta 210 000 Kommunal 1 100 000 medfinansieringsordning Kommunale husvære 150 000 PU/funksjonshemma 1 300 000 Psykisk helsearbeid 150 000 Personleg assistent 650 000 Omsorgsløn 100 000 1 600 000 2 060 000 Sum 460 000 Avviket for fysioterapitenesta skuldast at reduksjonen å 40% stilling vart gjort både som kutt og overføring til frisklivsentralen. Pr. i dag kan det sjå ut til at kommunal medfinansiering vil få eit meirforbruk på 1.1 mill. kroner, men dette talet er usikkert. Vi vil her ha meir sikre tal i samband med 2. tertial. Rapportering for 2013 på tunge ressurskrevjande tenester syner at vi får eir meirinntekt på om lag kr. 800 000 som vert inntektsførd i 2014. Drift av PU syner ei generell innsparing på løn. Psykisk helsearbeid syner ei generell innsparing på drift. De er blitt ein auke i tal saker som krev brukarstyrt personleg assistent, og det er fatta nye vedtak til brukarar som har tunge omsorgsoppgåver i heimen. 4.3.3 Nav Eininga vil på årsbasis ha eit forventa meirforbruk på 1,7 mill. kroner. Område Mindreforbruk Meirforbruk Økonomisk sosialhjelp 2 200 000 Kvalifiseringsprogrammet 500 000 Sum 1 700 000 Det er ein auke i talet på mottakarar av økonomisk sosialhjelp. Målet er eit mål at ein viss auka i bemanninga ein periode og målretta bruk av kvalifiseringsprogrammet skal redusere behovet for økonomisk sosialhjelp. Utgiftene til administrasjon er i samsvar med budsjettet. 4.4 Tekniske tenester Dette området omfattar tenesteeiningane kommunalteknikk og plan og næring 13
4.4.1 Kommunalteknikk Det er ikkje rapportert om avvik for kommunalteknikk drift. 4.4.2 Plan og næring Pr. i dag ser det ut til at salsinntekter/gebyrinntekter kan verte lågare enn budsjettert. Det vil vi ha betre oversyn over i 2. tertial. Utover dette er det ikkje meldt om avvik for plan og næring. 14
5 Investeringsprosjekt Utbygging av Sogndal helse- og omsorgssenter Det er sett av 14. mill. til planlegging og førebuing av SHOS-utbygginga i 2014. Det er inngått avtale med Sweco om prosjektering av utbygginga på 21,33 mill. kroner, eksl. opsjonar og reisekostnader i planleggings- og utbyggingsperioden. Det er vidare leigd inn byggjeleiar i 60% stilling. I 2014 vil det bli nytta midlar til grunnundersøkingar, omlegging av leidningar i grunnen m.v. Så langt ser det for at kostandene i 2014 ligg innafor løyvingsramma. Ventilasjon og tak Kvåle skule I prosjektet skal det installerast nytt ventilasjonsanlegg og nytt tak på eldste delen av Kvåle skule. Arbeidet er planlagt gjennomført til skulestart 2014/2015. Det er signert kontrakt med ein ventilasjonsentreprenør og ein byggteknisk entreprenør. Totalkostnad i prosjektet er 4 mill. kroner. Dette er betydeleg meir enn det opphavlege budsjettert. Prosjektet vert finansiert slik: - Budsjettmidlar 2014: kr. 2 500 000 - Driftsbudsjett Kvåle skule 2014: kr. 500 000 - FDV-fond 2014: kr. 320 000 - FDV-fond fond 2013: kr. 320 000 - Vedlikehaldsmidlar FDV 2014:kr. 360 000. Prestebustaden Vi har fått løyve frå fylkeskommunen til å gjennomføre naudsynt vedlikehald av prestebustaden. Kostnadene vil vera på om lag 1,5 mill. kroner. Vi vil no hente inn pris for arbeidet i marknaden, og arbeidet vil bli sett i gang så snart som råd er. Kostandene kan på visse vilkår finansierast over refusjonsordninga for prestebustader. Vi vil kome nærare tilbake med framlegg til budsjettvedtak ved 2. tertial. Trafikktrygging 2014 Vi har fått tilskot til følgjande tiltak: - Fartsdump i Einevegen og Strondi, begge på Kaupanger - Oppgradering av Brekkeflata, skuleveg til Kaupanger skule - Sykkelparkering på Campus. Fartsdump i Einevegen er ferdig, oppgradering av Brekkeflata er godt i gang, sykkelparkering på Campus vert starta opp etter ferien, medan fartsdump i Strondi er utsatt til vi får endeleg godkjenning frå grunneigar. VVA Hodlekve Første byggjetrinn er ferdig til fellesferien 2014. Dette inneheld veg til Rindabotn inklusive stikkvegar, parkeringsplass i Rindabot samt vann- og avløpsrøyr i området. For avløpsreinseanlegget er det gjeve utslippsløyve og rammeløyve for bygging. Kontrakt med entreprenør vert signert i løpet av mai 2014. Endeleg ferdigstilling av avløpsreinseanlegget vert våren 2015. Det som står att av bygging før vassforsyning er
vassreinseanlegg og høgdebasseng. For høgdebassenget var det tilbodsfrist 14. mai, medan vi reknar med at vi får tilbod på vassreinseanlegget i løpet av juni 2014. Samstundes vert det jobba med dispensasjon for plassering av vassreinseanlegget og høgdebassenget, samt godkjenning av vassforsyningsanlegget hjå Mattilsynet. Vi reknar med at komplett anlegg for vatn og avløp er klart våren 2015, men at vi kan starte vassforsyning hausten 2014. Dette vert avhengig av om og når det kjem hyttar i området. Førebels held vi oss innaføre budsjettet i prosjektet, men vi har enno ikkje oversyn over kostnadar til vassreinseanlegget og høgdebassenget. Vi vil kome attende til meir detaljert oversyn i samband med tertialrapport 2/14. Hovudplan vatn Midlane sett av i hovudplan for vatn er planlagt nytta til: - Utviding av kapasitet på vassverket - Revurdering av dammen på Breisete - Oppgradering av kummar og røyr. Revurderinga av dammen på Breisete er noko forsinka grunna lang prosjekteringstid. Det vert truleg ikkje satt i gong fysiske tiltak i 2014. Grunna lite bemanning vert det truleg gjort mindre arbeid med oppgradering av kummar og røyrstrekk enn planlagt. Utvidinga av kapasiteten på vassverket er under prosjektering. Anbod vert sendt ut på hausten 2014. Slik dette ser ut vert det noko dyrare enn budsjettert, og det kan verte aktuelt med omdisponering. Hovudplan avløp Midlane i hovudplan for avløp er planlagt nytta til: - Separering av vaskevatn på Vangestad - Separering i Sogndal sentrum. Separeringsprosjektet på Vangestad er godt i gang, og vi får ein første rapport i juni 2014. Tiltak vert prosjektert etter at rapporten er klar, og vi reknar med at fysiske tiltak vert gjennomført i løpet av hausten 2014. Innafor VA vil det bli nytta naudsynte midlar til prosjektering av VA-anlegg for Bråtane bustadfelt på Kaupanger. Fjordsti og elvepark Fjordstien på vestsida av Sogndalselva er ferdigstilt til og med laguna på Hagelin. Det vert opning av dette anlegget i juni 2014. På Saften vert det byggjestart mai 2014, og delstrekninga skal vere ferdig innan november 2014. Bygginga har en kontraktsverdi på kring 3,4 mill. kroner. For fjordstien frå ekspressbåtkaia til Loftesnesbrua er det søkt om dispensasjon frå reguleringsplanen. Dette gjeld for mindre element som båtopptak, vegbredde og riving av private naust. Dispensasjonssaka vert handsama i juni. Når vi veit om dispensasjonssaka vert godkjent, vert anbodet for denne delstrekninga utlyst. Det har vore mykje meir arbeid med omprosjektering enn planlagt. Dette skuldast i hovudsak eit mange prosessar mot grunneigarane. Dette har medført at 16
prosjekteringskostnadene er høgare enn planlagt. Vi vil kome med meir detaljert oversyn over kostnader i prosjektet i samband med tertialrapport 2/14. Mundal sentrum Prosjektet har fått løyvd ekstra midlar våren 2014. Midlane vert nytta til å ferdigstille prosjektet: parkeringsplassar framføre busenteret, kaifronten og plassen mellom kaia og vegen. Dette vert ferdig i løpet av sommaren/hausten. Eigenkapitalinnskot KLP Det er budsjettert med eigenkapitalinnskot til KLP med kr 750 000. I 2013 vart det betalt inn eigenkapitalinnskot med kr 809 484. Med tillegg for prisvekst er innskotet berekna til om lag kr. 835 000. Budsjettet bør difor aukast i samsvar med dette. Utlån Vidareutlån av startlån frå kommunen er ikkje budsjettert. Dette har si årsak i at det er uvisst kor stor del av lånemidlane som vil bli utlånt i løpet av året. Etter tilråding frå revisor bør det budsjetterast med utlån tilsvarande kommunen sitt låneopptak i Husbanken. Kommunestyret har i økonomiplan gitt rådmann fullmakt til eit låneopptak med 8 mill. kroner. Det bør difor leggjast inn i budsjettet eit samla utlån på same beløp finansiert med bruk av lånemidlar. 17
6 Oppsummering budsjettavvik Prognose framskriving budsjettavvik basert på 1. tertial (Beløp i heile 1000 kroner) Område/tenesteeining Mindreforbruk Meirforbruk Støtteeining økonomi og personal 280 Støtteeining tenestetorg og ikt Fag og utvikling Politisk verksemd 280 Fellesråd og andre trussamfunn Barn og unge Barnehage 1 000 Felles skule Kvåle skule 500 Trudvang skule Kaupanger skule 100 Norane oppvekstsenter Fjærland oppvekstsenter 100 Norskopplæringa Kultur Pleie og omsorg 2 900 Helse og sosial 460 NAV 1 700 Kommunalteknikk Plan og næring 100 7 220 Sum tenesteeiningane 7 120 Skatt 502 Rammetilskot/inntektsutjamning 2 650 Avsetjing til lønsoppgjer inkl. sosiale utgifter 1 300 Eigedomsskatt 60 Nettorenter 450 Avdrag Avkasting verdipapirfond 256 Utbyte og eigaruttak Andre tilskot og overføringar * 7420 Avsetjingar** 7 250 12 076 7 812 Sum hovedtal 4 264 Meirforbruk 2856 * Auka tilskot flyktningar 7,0 mill, auka vertskommunetilskot asylmottak kr 420 000 **Skjønsmidlar prosjektsamarbeid kr 250 000 og flykningefondet 7,0 mill. 18