SVAR PÅ SØKNAD OM OPPSTART AV REGULERINGSPLAN FOR BUSTADOMRÅDE, ØYJORDSVIKA II, ESPELAND GRINDHEIM 14/187 M.FL PLANID

Sak nr D Vår dato: Vår referanse: 07.03.2018 2017/1607 5045942/2018 Vår saksbehandlar: Direkte telefonnr.: Dykkar dato: Dykkar referanse: Njål Gunnar Slettebø 53 42 31 32 GØTZ AS Sæ 132 5417 STORD SVAR PÅ SØKNAD OM OPPSTART AV REGULERINGSPLAN FOR BUSTADOMRÅDE, ØYJORDSVIKA II, ESPELAND GRINDHEIM 14/187 M.FL PLANID 201723 Bømlo kommune, Utval for areal og samferdsel handsama søknad om oppstart av detaljreguleringsplan for bustadområde Øyjordsvika II, Espeland Grindheim gnr. 14, bnr. 187 m.fl. i møte 28.02.2018 sak PS 42/18. Utval for areal og samferdsel gjorde samrøystes slikt vedtak: 1. I samsvar med 12 3 i Plan og bygningslova vil rådmannen rå til at gnr. 12, bnr. 18 og gnr. 14, bnr. 187 m.fl. Øyjordsvika II, Espeland og Grindheim øvre i Bømlo vert teke opp til regulering til bustadføremål med tilhøyrande tilkomstvegar, parkeringsplassar og leikeareal. Forslagsstillar skal melde oppstart av planarbeidet i samsvar med Plan og bygningslova 12 8. 2. Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS analyse i arealplanlegging i Bømlo kommune dato 06.02.2013 gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 3. Bømlo kommune set ikkje krav om konsekvensutgreiing av reguleringsplanen jf. 10 i forskrift om konsekvensutgreiing. Saksutgreiinga ligg ved. Faktura på gebyr vert sendt Landmark Maskin AS v/trygve Landmark i eigen sending. Ber om at kopi av vedtak og saksutgreiing frå politisk møte i areal og samferdsel vert sendt til alle råka partar i forbindelse med oppstartsmelding. Med helsing Bømlo kommune Njål Gunnar Slettebø Landbrukssjef Dette brevet er godkjent elektronisk og har derfor inga underskrift Adresse: Rådhuset, Leirdalen 1, 5430 BREMNES Telefon: 53 42 30 00 Organisasjonsnr.: 834 210 622 postmottak@bomlo.kommune.no Telefax: 53 42 30 01 Bankgiro: 3201.61.51687 www.bomlo.kommune.no Postgiro for skatt: 6345.06.12199

Side 2 av 10 Saksutgreiing til folkevalde organ Dato: Arkivref: 15.01.2018 2017/1607 1136/2018 / 504 Saksbehandlar: Njål Gunnar Slettebø 53 42 31 32 njal gunnar.slettebo@bomlo.kommune.no Sak nr i møte Utval Møtedato 42/18 Utval for areal og samferdsel 28.02.2018 PRINSIPPSØKNAD FOR Å MELDE OPPSTART AV REGULERINGSPLAN FOR BUSTADOMRÅDE, ØYJORDSVIKA II, ESPELAND GRINDHEIM 14/187 M.FL PLANID 201723 Rådmannen sitt framlegg til vedtak: 1. I samsvar med 12 3 i Plan og bygningslova vil rådmannen rå til at gnr. 12, bnr. 18 og gnr. 14, bnr. 187 m.fl. Øyjordsvika II, Espeland og Grindheim øvre i Bømlo vert teke opp til regulering til bustadføremål med tilhøyrande tilkomstvegar, parkeringsplassar og leikeareal. Forslagsstillar skal melde oppstart av planarbeidet i samsvar med Plan og bygningslova 12 8. 2. Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS analyse i arealplanlegging i Bømlo kommune dato 06.02.2013 gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 3. Bømlo kommune set ikkje krav om konsekvensutgreiing av reguleringsplanen jf. 10 i forskrift om konsekvensutgreiing. Saksprotokoll i Utval for areal og samferdsel 28.02.2018 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Gøtz AS v/rommetveit dato 12.02.2018 Bakgrunn for saka: I brevet av 12.02.2018 står det: På vegne av Landmark Maskin AS sender vi med dette prinsippsøknad for å melde oppstart av detaljreguleringsplan for bustadområde Øyjordsvika II, 14/187 og 12/18 m.fl., Grindheim og Espeland, Bømlo kommune (planid: 201723).

Side 3 av 10 Størstedelen av planområdet er ein del av ein større områdereguleringsplan (Områdereguleringsplan for bustadfelt Espeland Grindheim med planid: 200701). I føresegnene for områdereguleringsplanen er det i 2.3.1 stilt rekkjefølgjekrav om at «før utbygging kan skje og byggjeløyve vert gitt, skal det utarbeidast detaljreguleringsplan etter PBL 12 3 for det aktuelle delområdet. Detaljreguleringsplan for bustadområde kan omfatta ein eller fleire stortomter, og skal visa avkjørsler, vegar, leikeplassar og anna felles grøntområde». Den 15.11.17 hadde ein oppstartsmøte med Bømlo kommune. I referatet frå oppstartsmøtet står det at melding om oppstart av planarbeid ikkje kan skje før søknad om oppstart av planarbeid med grunngjeving er sendt inn og spørsmålet om igangsetting deretter har vore lagt fram for politisk handsaming. Planområdet utgjer til saman ca. 66,9 daa. Kart med forslag til plangrense. Planstatus og føremål Størstedelen av området er altså regulert tidlegare i områdereguleringsplan bustadfelt Espeland Grindheim med planid: 200701. I gjeldande plan er området regulert til bustader frittliggjande småhus (B 3, B 4, B 6, B 7 og B 8), bustader konsentrert småhus (del av BK 4, del av BK 5), leikeplass (f_fl 1), friluftsformål (o_of 2, o_of 3, o_of 4, del av o_of 1, o_of 5 og o_of 8), kai (f_fk 1, o_k 1, K 2), Parkeringsplass (f_fp 1, f_fp 2), køyreveg (del av o_veg 01, del av o_veg 02, o_veg 04, o_veg 08, f_fveg 01, f_fveg 02), gangveg (del av o_gveg 3 og del av o_gveg 4), annan veggrunn og friluftsområde i sjø og vassdrag (F 2).

Side 4 av 10 Gjeldande områdereguleringsplan med planid: 200701 I tillegg er delar av planen regulert tidlegare i detaljreguleringsplan for Espeland Grindheim (planid: 201106). Her er området regulert til køyreveg og frittliggjande einebustader (BF9 10).

Side 5 av 10 Detaljreguleringsplan for Espeland Grindheim med planid: 201106. Det er nyleg godkjent ei mindre reguleringsendring for denne planen, men klagefristen har ikkje gått ut enno. Reguleringsendringa påverkar ikkje den delen av reguleringsplanen som inngår i dette nye planområdet. Vidare er eigedomen gnr. 14 bnr. 266 tidlegare regulert i detaljreguleringsplan II, Espeland Grindheim, felt ALM 2, BK 2, B 7 med planid: 201301. Her er denne eigedomen regulert til frittliggjande einebustader (BF1). Gjeldande detaljreguleringsplan II, Espeland Grindheim, felt ALM 2, BK 2, B 7 med planid 201301 Dei delane av planområdet som er regulert i reguleringsplanane med planid: 201106 og 201301 er teke med innanfor plangrensa etter ynskje frå kommunen. Grunngjevinga er for å unngå «hol» i desse planane, og for å få med siktsoner. Parallelt med oppstarten av reguleringsarbeidet, kom det fram at nokre av dei som har fritidsbustader til sjø i nærleiken (gnr. 14 bnr. 176, 177, 178, 179, 180 og 181) ynskjer å kjøpe noko areal i bakkant av tomtene sine, slik at dei kan få parkert på eigen grunn. Det er også nokre bodar som tilhøyrer nokre av desse fritidsbustadane som i dag er ført opp utanfor eigedomsgrensa i bakkant. Sjølve fritidsbustadtomtane er ikkje regulert frå før, men er vist som område for fritidsbustader og naust med tilhøyrande småbåtanlegg i gjeldande kommuneplan.

Side 6 av 10 Utsnitt frå gjeldande kommuneplan. Areala i bakkant som dei ynskjer å kjøpe, er regulert i områdereguleringsplanen (del av o_veg 01, o_of 5, o_k 1, f_fk 1, f_fp 1 og f_fveg 02). Ein tok difor kontakt med kommunen for å høyre om dette kunne handsamast som ei arealoverføring. Svaret frå byggjesak var då at dette ville vere i strid med arealføremåla i områdereguleringsplanen, og dessutan i strid med byggjeforbodet i 100 metersbeltet langs sjø. Vidare kom det fram at kommunen meinte at dei fritidsbustad områda som ligg til sjø som desse tomtane er ein del av, absolutt burde vore ein del av områdereguleringsplanen for å få samanheng i området. Dei fleste av desse fritidsbustadtomtane manglar planavklart parkeringstilhøve m.v.. Ein vart difor oppmoda til å ta med desse områda når ein no skulle til å regulere i nærleiken. For å bidra til å ordne opp i div. tilhøve i området, har ein difor vald å ta med desse områda innanfor plangrensa, og i samråd med kommunen har ein altså kome fram til planavgrensinga som er vist på side 1. Ein måtte også ta med tilkomstvegane som fritidsbustadane brukar i dag, og då meinte kommunen det ville vere best å ta med alt arealet mellom områda for fritidsbustader til sjø og bustadområda. Hovudføremålet med detaljreguleringsplanen er å leggje til rette for bygging av til saman ca. 33 stk. einebustader og ca. 20 stk. konsentrerte bustader med tilhøyrande tilkomstvegar, parkeringsplassar og leikeareal. Ein har utarbeidd ei prinsippskisse over bustadområda som viser korleis ein ser føre seg å byggje ut denne delen av området. Denne ligg vedlagd. Ein gjer merksam på at dette berre er eit utkast, og at det kan koma mindre endringar på vegføring, tomteplassering, tal på einingar osv. i det endelege planforslaget. Tilkomst til bustadområda er tenkt via eksisterande køyrevegar; o_veg 01 og o_veg 04 i områdereguleringsplanen. o_veg4 vil etter vegnormalen bli rekna som ein A1 veg, atkomstveger i boligområder, fartsgrense 30km/t. Vegnormalen slår vidare fast at det ikkje er krav til eigne løysingar for gåande og syklande (fortau) langs slike vegar. Parkering vil skje på eiga tomt. Vidare vil ein regulere inn tilleggsareal til gnr. 14 bnr. 176, 177, 178, 179, 180 og 181 etter ynskje, og omregulere desse områda i tråd med planlagd bruk (parkering og bod). Elles vil ein regulere eksisterande situasjon i dei områda som ikkje er regulert frå før, samt prøve å få på

Side 7 av 10 plass nok parkeringsplassar for desse fritidsbustadane. Gjeldande kommuneplan opnar i 4.8.1 for at det «innanfor føremålet sett av til småbåtanlegg kan etablerast flytebryggje m/landgong og utliggar. Flytebrygga kan ha maks storleik på inntil 15m2 der maks breidde skal vere 2,5m. Den skal ikkje hindre fri ferdsel». Ein vil legge til rette for dette i reguleringsplanen også. Den planlagde utbygginga er stort sett i tråd med overordna planar, men avviker på nokre punkt: - Parallelt med dette reguleringsarbeidet, er Gøtz AS i gong med ei mindre reguleringsendring i reguleringsplan Espeland Grindheim, felt B1, B2, B3, B8, BK3 og FG1, gnr. 14 bnr. 2, 72 og 187, gnr. 12 bnr. 18, gnr. 2 bnr. 12 (planid: 201106). I samband med dette arbeidet har ein sett på at det er ynskjeleg å etablere ein større leikeplass i tilknyting til bustadfeltet. Bakgrunnen for dette er at terrenget innanfor FG 1, som er avsett til felles grøntområde for bustadane innanfor B 2 og BK 3 i områdereguleringsplanen, har vist seg å vere så bratt enkelte stader at det ikkje er så godt eigna for dette formålet. Som erstatning for dette arealet, har ein då sett på at delar av det området som i områdereguleringsplanen er regulert til friluftsområde (OF 8) kan vere aktuelt. Dette området har tidlegare vore nytta til massedepot, og framstår difor ikkje som noko fint friluftsområde i dag. Her ser ein føre seg at delar av området kan planerast og at det der kan førast opp nokre leikeapparat og benker. I tillegg er delar av området godt eigna til å ake på. Ein vil også kunne sikre moglegheit for gjennomgang via sti til framtidig utviding av bustadfeltet i nord. Denne delen av OF 8 vil såleis bli eit mykje betre og finare område for heile planen enn det er i dag. I eit avklaringsmøte med kommunen i samband med reguleringsendringa 15.11.2017, drøfta ein denne løysinga. Planavdelinga var då positive til dette. Ein vart då einige om å ta denne delen av OF 8 med når ein no skal til med ein ny detaljreguleringsplan. - I føresegnene til områdereguleringsplanen er det i 2.3.7 sett rekkefølgjekrav om at «VEG 02 må etablerast før utbygging av byggefelta sør for bekkeløpet (B 5, B 6 og B 7, BK 5, BK 6, BK 7 og BK 8). VEG 04 (eksisterande anleggsveg) skal stengjast for kjøring når VEG 02 er etablert, og opparbeidast som gangveg, slik vist i planen». Problemet er at det er andre grunneigarar som eig storparten av området som o_veg 02 går gjennom. Desse grunneigarane har eigne utbyggingsområde langs denne vegen, men er ikkje klare til å planlegge eller byggje ut områda sine på noverande tidspunkt. Det er difor vanskeleg å få til ei utbygging av denne vegen no. Kostnadane med å byggje ut heile o_veg 02 i samband med den utbygginga ein no ynskjer å starte opp planarbeidet med, vil også verta for høge til at ein kan realisere prosjektet. Ein ynskjer såleis dispensasjon frå 2.3.7 til å få bruke o_veg 04 fram til o_veg 02 vert bygd ut. O_VEG 04 har ei regulert breidd på 4,0m og fungerer fint i dag. I følgje vegnormalen så kan ein 3,5m brei veg nyttast som tilkomstveg for inntil 50 bustader. Etter den planlagde utbygginga, vil o_veg 04 fungere som tilkomstveg for ca. 20 bustader, 8 fritidsbustader, 8 naust og framtidig båthamn. Dette meiner ein må vere greitt. Ein vil sjølvsagt byggje ut den delen av VEG 02 som ligg innanfor det føreslåtte planområdet no. - I gjeldande områdereguleringsplan er det vist ei siktsone på ca. 6x45m frå o_veg 04 inn mot o_veg 01. Det er bygd ein relativt høg natursteinsmur på 14/249 som ligg langt inne i siktsona i områdereguleringsplanen. Muren er godkjend og bygd i tråd med gitt løyve, men er altså i strid med områdereguleringsplanen og sikta i krysset er dårleg i dag. Ein har sett på dette med sikt her, og ut i frå ÅDT og fartsgrense i området, har ein funne ut at ut i frå vegnormalen så kan siktsona i dette krysset vere 4x36m. Den eksisterande muren vil framleis gå litt inn i siktsona, men med mindre justeringar vil ein oppnå tilfredsstillande sikt(4x36m) i dette krysset. Ein har diskutert saka med kommunen, og dei meinte dette ville vere den beste løysinga. Ein vil altså justere siktsona her i områdereguleringsplanen til 4x36m.

Side 8 av 10 - I møte med kommunen har det kome fram at det truleg er satt av for lite parkering i samband med småbåthamna som er regulert i reguleringsplan for Eikeland, del av gnr. 14 bnr. 2 m.fl., Grindheim med planid: 201109. Ein ynskjer difor å sjå på om ein kan utvide eksisterande parkeringsplass f_fp 2 litt i søraustleg retning for å kunne ordne opp i denne situasjonen. Parkeringsplassen vil såleis verta utvida inn i det området som er regulert til offentleg friområde, o_of 1 i områdereguleringsplanen. Ein ser ingen ulemper med denne endringa på noverande tidspunkt, men dette vil ein kunne gå nærare inn på i planprosessen. Som nemnt så er litt av hovudformålet med å ta med dei uregulerte eksisterande fritidsbustadane i vest å få ordna opp i dagens situasjon og få regulert inn parkering for desse einingane i tråd med krav sett i kommuneplanen. For å få plass til dette, vil ein truleg måtte gjere mindre justeringar på formålsgrenser i bakkant av desse fritidsbustadane i områdereguleringsplanen. - Småbåtanlegg (eksisterande) ligg enkelte stadar utanfor området som er avsett til småbåtanlegg i kommuneplanen. Det er nokre eksisterande bryggjeanlegg som ligg i område som er vist som bruk og vern av sjø og vassdrag med tilhøyrande strandsone og LNRF område i gjeldande kommuneplan. Ein vil justere formålsgrensene slik at eksisterande bryggjeanlegg ligg innanfor rett formål. For å unngå at eksisterande fritidsbustader mister den retten dei har til å etablere flytebrygge i dag, så vilein også justere formålsgrensa for småbåtanlegg i framkant av fritidsbustadane noko. Vi kan ikkje sjå nokre store ulemper med desse endringane, og meiner at avviket bør kunne vere akseptabelt. I samband med reguleringsplanarbeidet vil ein også kunne ta ei nærare utgreiing på dette. Slik ein ser det, så vil den nyre reguleringsplanen ordne opp i ein del problematikk som er i dette området i dag, og kommunen vil få eit godt verktøy for å kunne handsame framtidige byggjesaker i dette området. På vegne av Landmark Maskin AS ber vi om at søknaden vert handsama så snart som mogleg. Vurderingar: Det omsøkte arealet er på gnr. 14, bnr. 187, Grindheim øvre, og gnr. 12 bnr. 18 m.fl. Espeland. Hovudføremålet med søknaden gjeld løyve til oppstart av detaljreguleringsplan for å regulere området til bustadføremål med ca. 33 stk. einebustadar og ca. 20 stk. konsentrerte bustadar. Dette området ligg i gjeldande områdereguleringsplan bustadfelt Espeland Grindheim planid 200701. Søknaden gjeld i tillegg endring av arealføremål i bakkant av bygningar på 14/176,177,178,179,180 og 181. Dette gjeld omregulering av vegareal til fritidsføremål. Omsøkt areal grensar til 5 stk. reguleringsplanar: Espeland Grindheim planid 201106 Reguleringsplan for barnehage og bustader m.m. 14/2 187 og 12/18 felt ALM 2, BK2 og B7 planid 201301 R 112 Eikeland Reguleringsplan Eikeland del av gnr. 14, bnr. 2 m.fl. Grindheim planid 201109 Områdereguleringsplan bustadfelt Espeland Grindheim planid 200701 Ny reguleringsplan vil erstatta delar av reguleringsplan Espeland Grindheim planid 201106 og reguleringsplan for barnehage og bustader m.m. 14/2 187 og 12/18 felt ALM 2, BK2 og B7 planid

Side 9 av 10 201301. Det er teke med ei større planavgrensing for å unngå «hol» mellom gjeldande. Planområdet er ca. 67 daa. I gjeldande områdereguleringsplan er området vist som bustadføremål med rekkefølgjekrav til utarbeiding av detaljreguleringsplan etter PBL 12 3 for det aktuelle delområdet, jf. føresegner 2.3.1. Tiltaket er såleis i samsvar med gjeldande områdereguleringsplanplan men fråvik på dette området: I føresegnene til områdereguleringsplanen er det i 2.3.7 sett rekkefølgjekrav om at «VEG 02 må etablerast før utbygging av byggefelta sør for bekkeløpet (B 5, B 6 og B 7, BK 5, BK 6, BK 7 og BK 8). VEG 04 (eksisterande anleggsveg) skal stengjast for køyring når VEG 02 er etablert, og opparbeidast som gangveg, slik vist i planen». Småbåtanlegg vil enkelte stadar verte liggjande utanfor området som er avsett til dette føremålet i kommuneplanen. Dette for å få med eksisterande og framtidige flytebrygger i området. Utbyggjar søkjer om dispensasjon frå rekkefølgjekrav 2.3.7 i føresegner og ynskjer å nytta eksisterande anleggsveg (veg 04) fram til veg 02 vert bygd ut. Etter den planlagde utbygginga, vil VEG 04 fungere som midlertidig tilkomstveg for ca. 20 bustader, 8 fritidsbustader, 8 naust og framtidig båthamn. Veg 04 skal stengast når veg 02 er etablert. Utbyggjar må syne til tiltak som vert retta mot mjuke trafikantar langs veg 04. Det er bygd ein høg natursteinsmur på 14/249 som pr. i dag ligg i siktsona. Muren er ikkje omsøkt. Kommunen har vore på synfaring i området. Tiltakshavar har i møte med kommunen kome med løysing til siktsone. Muren skal senkast slik at ein får ei siktsone på 4 x 36 meter som stettar kravet til vegnormalen. Ved senking av mur på 14/249 og ut frå årsdøgntrafikk (ÅDT) og fartsgrense i området vert såleis kravet til vegnormalen stetta. Vidare har tiltakshavar teke med eit areal vest for veg 4 for å få retta opp i/omregulere desse områda i tråd med planlagd bruk: Fritidsbustader på gnr. 14, bnr. 176, 177, 178, 179, 180 og 181 ynskjer å omregulere deler av vegareal i bakkant av fritidsbustad til fritidsføremål. Eigedomane dette gjeld, innanfor planavgrensing i vest ligg i gjeldande kommuneplan som fritidsføremål. Det skal ikkje byggjast nye einingar innanfor arealet som er medteke i vest. Dette arealet er allereie utbygd. Eigedomane er teke med for å omregulere områda i bakkant av bygningane på eigedom gnr. 14, bnr. 176, 177, 178, 179, 180 og 181. Andre eigedomar som er medteke i planavgrensing vert regulert til same formål som dei er i dag. Det vert ikkje gjort endringar for andre eigedomar innanfor planavgrensinga i vest. Planen skal utarbeidast som detaljregulering jmf. 12 3 i plan og bygningslova. Etter vår vurdering utløyser ikkje detaljreguleringsplanen krav om konsekvensutgreiing etter forskrift om konsekvensutgreiing 10, første ledd bokstav a d, og 10, andre ledd bokstav a h. Kommunen har vurdert denne planen til å ikkje ha vesentleg verknad for miljø og samfunn. Her er ikkje registrert kulturminner, verdifulle naturtypar, viktig landbruksareal eller friluftsområde i planområdet. Føresegner til gjeldande planar skal følgjast i planarbeidet.

Side 10 av 10 Rådmannen rår til at det vert gjeve løyve til oppstart av detaljreguleringsplan for dette området på Espeland og Grindheim øvre som omsøkt. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige viltområder eller naturtypar i området. Planarbeidet er vurdert ut frå kunnskapsgrunnlaget ein har om naturvern i området og søknaden er ikkje i strid med 8 12 i naturmangfaldslova. Kulturminne: Det er registrert eit kulturminne, aktivitetsområde frå steinalderen, Espeland med lokalitetsnr. 144778 som grensar til planen i sør vest. Hordaland fylkeskommune skriv i sin uttale til vedteken områdereguleringsplan: Vidare finn Hordaland fylkeskommune, etter ei samla vurdering, å kunna tillate at reguleringsplanen for delar av Espeland gnr.12 og delar av Grindheim øvre gnr.14,bømlo kommune, kan vedtas utan vilkår om ytterlegare arkeologiske undersøking av det andre automatisk freda kulturminnet i planområdet, aktivitetsområdet Askeladden id.nr.144778 før tiltak etter planen vert realisert. Tilstrekkeleg dokumentasjon er allereie gjennomført i samband med registrering utført av Hordaland fylkeskommune. Kulturminnet Askeladden id.nr. 144778 skal difor ikkje markerast i plankartet. Beredskap og samfunnstryggleik: Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS analyse i arealplanlegging i Bømlo kommune dato 06.02.2013 gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. Folkehelse: Vert omtala i reguleringsplan. Oppsummering og konklusjon: I områdereguleringsplan bustadfelt Espeland Grindheim planid 200701 er det sett av eit område til frittliggjande og konsentrert bustadbygging på Espeland og Grindheim øvre. No har Gøtz AS v/rommetveit på vegne av Landmark Maskin AS søkt om løyve til å starta opp arbeidet med detaljreguleringsplan for området. Sidan området er avsett til bustadføremål i områdereguleringsplan er det ikkje trong for konsekvensutgreiing av reguleringsplan. Rådmannen finn å tilrå oppstart av arbeidet med detaljregulerinsplan for dette området på gnr. 12, bnr. 18 og gnr. 14, bnr. 187 som omsøkt.