Verksemdplan for Ålvik skule 2008 2009 Ålvik skule Skulevegen 2 5614 Ålvik E post: as@kvam.kommune.no Rektor: 56557177/ 90641401 Rådgivar: 56552774 Personalrom: 56557187 PPT: 56553000 Skulehelsetjenesta: 56557500 V I S J O N "Ålvik skule skal vera ein god lærestad, der foreldre er trygge for borna sine, og der borna likar å vera!"
Hovudmål Skulen vår skal gje elevane best mogeleg føresetnader for å læra og trivast. Ålvik skule vil arbeide for at alle tilsette gjer sitt beste for at alle elevar skal kunna og stadig verta betre til - å kunna uttrykkje seg munnleg - å kunna lese - å kunna uttrykkje seg skriftleg - å kunna rekna - å kunna bruka digitale verktøy I tillegg vil skulen arbeida aktivt med å utvikla vidare den sosiale kompetansen til elevane med ulike program. Elevane skal delta på konserten Korps er gøy som skulemusikken arrangerer. Det vert ulike tilstellingar av den kulturelle skulesekken. Nytt av året er felles samling 4 gonger i løpet av skuleåret. Her vert det klassane som på rundgang har ansvar for program for alle dei andre på skulen. Der får ein øvd både som underhaldar og å vera ein lyttar. I musikkopplegget dette året har me delt alle 10 klassestega inn i tre grupper. Her øver dei på både å lage musikk, utøve og framføre for andre og dans. Det vert eige opplegg med framføring for dette til jul. Skulen vil og satse mykje på elevens opplæring med det digitale verktøyet. Alle stega skal jamnleg ha tilgang og opplæring med datamaskinene. I vinter vil me og lage til ei dataveke på skulen. Resultatmål: Verta god i å nytte datamaskina til eit hjelpemiddel. Me skal dette skuleåret ruste opp att skulebiblioteket vårt. Resultatmål: Auke leseinteressa. Nytt denne hausten er småskulen, 1. 3. klasse som har uteskule kvar tysdag. Her dekkjer dei opp faga naturfag og gym og lærer nærmiljøet å kjenne. Alle 10 stega har felles turdag om hausten. Skidag om vinteren og ute aktivitetsdag om våren. Resultatmål: Alle elevar er fysisk aktive og likar å bruke naturen som ein læringsarena.
Komande skuleår vil me satsa på: Kunnskapsløftet Mykje av arbeidet vert dette året knytt opp mot Kunnskapsløftet. Alle fag skal ha nye læreplanar. Resultatmål: Alle lærarane har teke i bruk nye læreplanar i faga i løpet av skuleåret. Kompetanseheving i personalet. Deltaking på kommunale kurs. Kveldane 14. og 21. oktober 2008. Tema ADHD skulen. Seinare skal me delta på kurs om leseforståing og ulike læringsstrategiar. Andre planleggingsdagar vert nytta på eigen skule til å arbeide med læreplanen. Resultatmål: Alle lærarane tek omsyn til at elevane har ulike læringsstilar, i sine undervisningsopplegg. Let elevane få ulike innfallsvinklar til lærestoffet. Få i gang opplæring for alle i personalet på verktøyet It s learning. Me kjem til å nytta superbrukar for å læra oss dette. Stad: eigen skule. Minst ein samling i hausthalvåret, og naudsynte oppfylgjingar i vårhalvåret. Resultatmål: Alle lærarar kan nytta verktøyet It s learning når skuleåret er slutt. Slik at me neste skuleår kan byrja å lære elevane dette verktøyet. Lærarar og assistentar kan delta på andre kurs, som vert tilbydd utanom 39. skuleveka i løpet av skuleåret. Dette må avgjerast ut frå interesse og behov. Resultatmål: At den som har vore på kurs, kjenner at han / ho verkeleg sit att med noko nytt og brukar tid til å informere ansatte som ikkje har delteke på kurs. Vurdering / evaluering av læringsutbytte. 1. Elevvurdering. Halda fram med hyppige innleveringar og kontrollprøvar. Auka mengda av prøvar frå 3. og 4. klasse og oppover. Auka fokus på eleven si eigenvurdering. På barnesteget er vurderinga i hovudsak prega av munnleg tilbakemelding. Ein gjev også mindre, skriftlege kommentarar på ein del av elevarbeida. Sikra seg at
denne tilbakemeldinga vert nytta til spesifikk innlæring (eleven sitt eige etterarbeid). Dette gjeld både for barne- og ungdomssteget. Her kan ein lett setja fokus på læringsstilar / læringsstrategiar. Foreldra får melding om utvikling og læring minst to gonge årleg (foreldresamtalar). Det er også foreldremøter to gonger i året der ein drøftar klassemiljøet. I tillegg er det ein rubrikk på alle klassar sin vekeplanar/arbeidsplanar der me informerar heimen om aktivitetar og ting som skjer. Skulevurdering Me vil nytta mykje samarbeidstid på teamarbeid og personalmøter. Dette for å kunne bruke kvarandre sine ressursar og utveksle erfaringar, tips og veilede kvarandre for å få ein mest mogeleg positiv og god arbeidsplass. Dette vil og føre til godt samarbeid, heim- skule og lage gode klassemiljø. Resultatmål: At me vågar å sjå på, og evaluera oss sjølve som viktige rollemodellar for born. Skulen vår var med på ekstern skulevudering våren 2008. Denne vart teken av Hardanger og Voss kompetanseregion. Tema for vurderinga vart knytt opp mot trivselstiltak / anti-mobbing. Ut i frå denne vurderinga har Ålvik skule ein del forbetringspunkt. Straks etter vurderinga vart det sett opp ei liste over tiltak.arbeidet starta allereie i vår. Nokre mål for betring sette me i verk no ved nytt skuleår, hausten 2008. Resultatmål: Auke informasjonen heim - skule slik at alle lett kan få innblikk i korleis me arbeider i skuledagen. Synleggjere måla for læringa. Slik at alle lett kan vite kva me arbeider med fagleg. Ha felles ordensreglar som viser og fortel kva som er lov i skulekvardagen. Sikra at personalet er trygge på den oppgåva dei har. Personalsamarbeid I år byrjar arbeidstida for alle lærarane kl 08.00 kvar morgon. Måndag arbeider me til kl 15.30, tysdag til klokka 15.00. Utover dette vert det justert arbeidstid i fht stillingsstorleik. Mandagane er det fast teamarbeidstid. ( Etter stega).
Siste timen måndag er det spesialpedagogisk team. Her er det rom for at alle ansatte kan kome med bekymringsmeldingar etc. og spørsmål om hjelp. Dette skal fungere som eit hjelpeapparat for alle ansatte. Tysdag har me fast personalmøtetid frå kl 14 15. Resultatmål: Alle får høve til å dela tankar kring einskildelevar minst ein gong pr. veke. Medarbeidarsamtale. Dette vil me prøve å ha i oktober/november. Oppfølgingssamtale etter nytt år. ( Mars). Ansvar og gjennomføring: Rektor. Sikra at alle elevane kjenner tryggleik og trivsel. Trivelsplanen Som nemnt ovanfor, vil me auka trykket på dette arbeidet inneverande skuleår. I samarbeid med PPT-kontoret, vil me konkretisera arbeidet for å oppnå auka trivnad for alle elevane. Resultatmål: Ingen alvorlege atferdsepisodar. Resultatmål: At alle elvar skal kjenna seg trygge, og at det er ein roleg atmosfære i elevflokken. Fadderordning. Dette skuleåret har me fadderordning, der elevar i 6. og 7. klasse er fadrar for elevar i 1. klasse. Elevane skal hjelpa fadderbarnet sitt til lettare å tilpassa seg skulemiljøet. At fadrane har oppgåver saman med fadderbarna, og at dette går over noko tid, vert viktig for å gjera ordninga vellukka. Ansvar : heimkunnskapslærar. Resultatmål: Dei yngste elevane kjenner auka grad av tilpassing / tryggleik. Og: fadrane får kjenna seg som nyttige og verdfulle omsorgspersonar. I personalmøte og på team drøftar me korleis me praktisk gjennomfører og får tid til elevsamtalar. Alle elevar hadde førre skuleår samtale med sin kontaktlærar i forkant av foreldresamtalane. Denne praksisen skal me halda fram med komande skuleår. Spørsmålet om trivsel og tryggleik, skal takast opp i desse samtalane. Ansvar: Kontaktlærarane
Resultatmål: Alle elevane får høve til å dela tankane sine med ein vaksen. Samarbeid heim skule Halda fram arbeidet med å nå foreldra med informasjon som kjem i form av arbeidsplanar. Telefonsamtalar og la foreldra føle seg velkomen innom skulen om dei lurar på noko. Resultatmål: Foreldra kjenner til kva som skjer på skulen. Foreldresamtalar: Både klasseforeldremøte og konferansar vert planfesta. Dette arbeidet vert styrd av teamet. Frist for avvikling av ordinære konferansar: 1. november og 1. april. Før foreldresamtalen skal alle elevane ha hatt ein elevsamtale. Dette er oppfølging av vurderinga i vår. Ansvar : kontaktlærarane. Informasjon til foreldre og elevar: Kontaktlærar har ansvaret for å halda foreldremøte, elevsamtalar og foreldresamtalar. Rektor og kontaktlærarar har ansvar for at foreldre/føresette er godt informerte om skulens ordensreglar og gjeremål på skulen. Kvar enkelt faglærar har ansvar for å føre inn på arbeidsplanen lekser og informasjon i dei ulike faga. Men det er kontaktlærar sitt ansvar å levere det ut til elevane/ heimen. 8. kl (haust) Informera om vurdering i ungdomsskulen, både med og utan karakterar. Delta i skriftleg tentamen i dei skriftlege faga. 9. klasse (vår) Presentera dei ulike formene for munnleg og skriftleg eksamen. Jule- og vårprøvar (tentamen). 10. klasse Informera om eksamensformene spesielt med vekt på gjennomføringa av munnleg eksamen, og valmogelegheitene her. I denne samanheng også la elevane få prøva dei ulike eksamensformene og verta kjende med dei. Informera om det "spesielle" prosjektet i 10. klasse som skal førast på vitnemålet. Dette skal gjerast på klasseforeldremøte gjennom året. Resultatmål: Alle involverte partar har kunnskap om evalueringsformene i ungdomsskulen. KOMPETANSEUTVIKLING FOR 2007/08 Me kjem til å fylgja den kommunale planen for kurs, i tillegg til planleggingsdagar på eigen skule.
Innan digital kompetanse vil me hovudsakleg satsa på It s learning. Utanom desse faste innslaga, vil det nok også dette året verta eit tett samarbeid med PPT på opplegg rundt einskildelevar. Det vil også verta aktuelt med rettleiing frå BUP i fleire av desse sakene. Ålvik, 09.09.2008 Ester Aalvik Hauger rektor