ETABLERING AV VASSLEIDNING TIL ENGEBØPROSJEKTET

Transkript

1 ETABLERING AV VASSLEIDNING TIL ENGEBØPROSJEKTET FRAMLEGG TIL PLANPROGRAM Framlegg til planprogram - detaljreguleringsplan for vassleidning Skorva - Engebø Utgåve: 3 Dato:

2 Framlegg til planprogram - detaljreguleringsplan for vassleidning Skorva - Engebø 2 DOKUMENTINFORMASJON Oppdragsgjevar: Nordic Rutlie AS Rapportnamn: Framlegg til planprogram - detaljreguleringsplan for vassleidning Skorva - Engebø Utgåve/dato: 3/ Arkivreferanse: Oppdrag: Oppdragsskildring: Oppdragsleiar: Fag: Tema Leveranse: Skriven av: Kvalitetskontroll: Engebøprosjektet, VA Nordic Mining ASA Planprogram - Prosessvatn, drikkevatn og avlaup i samband med gruveprosjektet på Engebø Karl Erik Johnsen Vassleidning Diana Ekren Grundt Nils Husabø Relevante tidlegare utgreiingar mm. knytt til planlegging av vassleidninga: (dokumenta er tilgjengelege på kommunane sine heimesider) - Skredfarevurdering Asplan Viak 8. februar Vassforsyning Skorven Engebø (skisse av tekniske løysingar, utfordringar.), Asplan Viak 16. februar Førebels vurdering om behov for planprogram og behov for konsekvensutgreiing, Asplan Viak 13. september Detaljregulering for vassleidning Skorva Engebø. Vurdering av trong for konsekvensutgreiing Brev frå Askvoll kommune på vegner av Askvoll og Naustdal kommunar

3 Framlegg til planprogram - detaljreguleringsplan for vassleidning Skorva - Engebø 3 INNHALDSLISTE 1 Innleiing Bakgrunn og føremål med planarbeidet Lokalisering, planavgrensing Planprogrammet Vurdering av utgreiingsplikt etter Plan og bygningslova og Forskrift om konsekvensutredninger Rammer for planarbeidet Statlege og nasjonale føringar Kommunale føringar Planprosess Organisering Medverknad Framdrift- planprosess Planområdet i dag Planområdet Vurdering av alternative løysingar for vassforsyning Vurdering og val av vasskjelde Vurdering av trasé for vassleidning Skorva- Engebø Val av alternative traséar for vassleidninga Utgreiingar som skal gjerast i planprosessen Traséar som skal vurderast vidare Konsekvensutgreiinga og planomtalen Nærare om enkelt- tema Risiko og sårbarheitsanalyse...17

4 Framlegg til planprogram - detaljreguleringsplan for vassleidning Skorva - Engebø 4 1 INNLEIING 1.1 Bakgrunn og føremål med planarbeidet I 2011 vart reguleringsplan for Engebøprosjektet vedteken av Askvoll og Naustdal kommunar, og i 2015 planen vart godkjend i Kommunal- og Moderniseringsdepartementet samstundes som Klima- og Miljødepartementet gav utsleppsløyve. Føremålet med planarbeidet som no er starta, er å leggje til rette for vassforsyning til Engebøprosjektet. Kommunane Askvoll og Naustdal er planmynde, og dei har sett krav om at det vert laga detaljreguleringsplan for tiltaket. I samband med planlagt mineraluttak i Engebøfjellet skal malm takast ut, i fyrste omgang frå dagbrotet, og etterkvart frå underjordsgruver. Frå malmen skal minerala rutil og granat utvinnast. Minerala skal skiljast ut frå andre bergartsmineral som er i malmen. Til denne prosessen, som omfattar mellom anna nedmaling av malmen, rekna ein tidlegare med at det var behov for eit vassforbruk opp mot 3000 kubikkmeter pr.time. På grunn av gjenbruk av vatn, vart behovet for tilført vatn berekna til 300 kubikkmeter pr. time. Nyare vurderingar syner at behovet er på 150 kubikkmeter pr.time. Det er trong for vassforsyningsanlegg utanfor anleggsområdet då tilstrekkeleg mengder vatn ikkje er å finna lokalt, og det vert no lagt opp til å hente vatn frå Skorva kraftstasjon i Askvoll. Mål i forkant av arbeid med denne reguleringsplanen er såleis særleg å avklare kvar leidningstraséen skal leggjast frå Nedre Markevatn kraftstasjon, Skorva til Engebø på nordsida av fjorden. Etter ynskje frå Naustdal kommune vert fleirbruk (brannvatn/drikkevatn) av vassleidninga vurdert i planarbeidet. Inne på anleggsområdet må det etablerast høgdebasseng, og det skal lagast vassbehandlingsanlegg for drikkevatn. Bassenget skal plasserast på eit nivå som gjev tilstrekkeleg trykk ved gravitasjon, dvs. uavhengig av straumforsyninga. Ut frå berekningar som er gjort vil bassenget verta lagt på kote Lokalisering, planavgrensing Engebøfjellet ligg på nordsida av Førdefjorden i Naustdal kommune. Vassforsyninga til Engebø baserer seg frå uttak av vatn frå Sogn og Fjordane Energi (SFE) sin kraftkonsesjon for Nedre Markevatn Kraftstasjon (Skorva), som ligg på sørsida av Førdefjorden i Askvoll kommune.

5 Framlegg til planprogram - detaljreguleringsplan for vassleidning Skorva - Engebø 5 Fig.1. Avgrensing av område for planvarsling (raud stipla line) Utsnittet over syner arealet på om lag 10 km 2 som vert varsla oppstart av planarbeid for. Dette arealet er ynskjeleg for å kunne vurdere ulike traséar for vassleidninga, mellom anna over fjorden. Planområdet vil bli vesentleg redusert gjennom reguleringsprosessen når trasevala vert konkretiserte. Ferdig bygd vassleidning vil truleg bandleggje eit areal på berre om lag 25 daa, men arealet på overflata (landareal eller sjøareal) kan nyttast til andre føremål t.d. landbruk, der det er aktuelt. 1.3 Planprogrammet Det er i samråd med kommunane vurdert som mest hensiktsmessig å varsle planstart gjennom eit planprogram, sjølv om denne planen er vurdert til å ikkje vere omfatta direkte av eit slik krav. Jf. «Førebels vurdering om behov for planprogram og behov for konsekvensutgreiing», Asplan Viak 13. september 2017 og brev frå kommunane Når tiltakshavar har valt å utarbeide slikt program er det for å gje grunnlag for ei mest mogleg grundig vurdering av aktuelle løysingar og konsekvensar. Planprosessen fylgjer reglane i plan og bygningslova. Etter plan og bygningslova 4-1 skal planprogrammet gjere greie for: - Føremålet med planarbeidet - Planprosess med fristar og deltakarar - Opplegg for medverknad, spesielt for grupper som kan bli særskilt råka - Alternativ som vert vurdert - Behov for utgreiingar Planprogrammet tek sikte på at det vert etablert grunnlag for rett plangrense, og skal klargjere prinsipp for detaljreguleringsplanen.

6 Framlegg til planprogram - detaljreguleringsplan for vassleidning Skorva - Engebø Vurdering av utgreiingsplikt etter Plan og bygningslova og Forskrift om konsekvensutredninger Plan og bygningslova 4-2 fastset at for reguleringsplanar som kan få vesentlege verknader for miljø og samfunn, skal planomtala gje ei særskild vurdering og omtalekonsekvensutgreiing av desse verknadane. I samsvar med 9 i KU- forskrifta har forslagsstillar gjort ei førebels vurdering av om planen eller tiltaket kan ha desse verknadane etter 10 i forskrifta. 10 inneheld fleire vurderingskriterier vedkomande om planen kan få vesentlege verknader for miljø og samfunn. Planen eller tiltaket kan kome i konflikt med enkelte av vurderingskriteria. Dette er gjort nærare greie for i notatet: «Førebels vurdering om behov for planprogram og behov for konsekvensutgreiing», Asplan Viak 13. september 2017, og i brev frå kommunane Konklusjon om KU- plikt: Kommunane sitt syn er at planen kan ha vesentlege verknader for miljø eller samfunn og at det er trong for konsekvensutgreiing, jf. KU-forskrifta 8 og 10. Det er mogleg konflikt med kulturminne og trua artar som utløyser kravet. 2 RAMMER FOR PLANARBEIDET 2.1 Statlege og nasjonale føringar Planarbeidet skal ivareta nasjonale og regionale interesser, jf.pbl Regjeringa fastset kvart fjerde år eit dokument med nasjonale forventingar til kommunal planlegging, (pbl. 6-1) med mål om fremjing av ei berekraftig utvikling. Planarbeidet skal også fylgje statlege planretningsliner, jf.pbl Kommunale føringar - Kommuneplanens arealdel for både Askvoll og Naustdal kommunar - Gjeldande reguleringsplan: «Reguleringsplan for utvinning av rutil i Engebøfjellet i Naustdal kommune», vedteken i 2011.

7 Framlegg til planprogram - detaljreguleringsplan for vassleidning Skorva - Engebø 7 Utsnitt av kommuneplanens arealdel: Askvoll kommune: Fig.3. Utsnitt av kommuneplanens arealdel, Askvoll kommune I Askvoll kommune ligg planområdet hovudsakeleg som LNF- område, bruk av vern av sjø og vassdrag generell, og farlei. Det er også område avsett til akvakultur og kaste- og låssettingsplassar. Området der kraftstasjonen i Skorva er, har føremål anna bebyggelse. Elles er det omsynsoner for landbruk, kulturmiljø, naturmiljø og aktsemdsoner for kvikkleireog andre typar skred og faresone høgspenning. I store fjordområde er det føresegner om fiskeområde aktiv reiskap- rekeområde. Naustdal kommune: Fig.4. Utsnitt av kommuneplanens arealdel, Naustdal kommune I Naustdal kommune er hovudsakleg områda avsett til LNF- område, bruk og vern av sjø og vassdrag med tilhøyrande strandsone, fiskeområde, bustadområde og område for råstoffutvinning. Det er omsynssoner for ras- og skredfare og høgspenning.

8 Framlegg til planprogram - detaljreguleringsplan for vassleidning Skorva - Engebø 8 Utsnitt av gjeldande reguleringsplan, Naustdal kommune: «Reguleringsplan med konsekvensutredninger for utvinning av rutil i Engebøfjellet i Naustdal kommune», vedteken i 2011: Fig.5. Plankart, over bakkenivå Fig.6. Plankart, under bakkenivå

9 Framlegg til planprogram - detaljreguleringsplan for vassleidning Skorva - Engebø 9 Gjeldane reguleringsplan for utvinning av rutil i Engebøfjellet i Naustdal kommune går i hovudtrekk ut på at det skal etablerast både dagbrot og underjordsdrift med uttak av rutil. Det skal etablerast deponiområde for avdekkingsmassar (gråberg) og vrakstein på land, samt deponiområde i Førdefjorden for avgangsmassar/restmassar frå produksjonen. Planen omfattar òg opprusting av eksisterande kaiområde, samt tekniske løysingar for ferdsel, kraftforsyning (ny kraftline), sanitæranlegg og inntak og fordeling av industri- og drikkevatn. Eksisterande veg mellom Engebø og Engebøfjellet skal rustast opp. 3 PLANPROSESS 3.1 Organisering er tiltakshavar for planen, og er engasjert for å produsere planmateriell til planprogrammet og reguleringsplanen. Prosessen skjer i samråd med kommunane. - Utarbeide planprogram og plan: Plankonsulent i i samarbeid med - Fastsetje planprogram: Kommunane - Vedtak av reguleringsplan: Politisk i kommunane 3.2 Medverknad Arbeidet fylgjer planprosessen i medhald av plan og bygningslova 5-1 om medverknad. Det vert i planprosessen lagt til rette for brei medverknad for styresmakter, grunneigarar/festarar, naboar og organisasjonar/foreiningar, i samsvar med opplysningar vi har frå kommunane. Det vil verte arrangert offentleg informasjonsmøte i samband med at planen er varsla, før planprogrammet vert fastsett. 3.3 Framdrift- planprosess Tiltakshavar og representantar frå Asplan Viak var i oppstartmøte med kommunane Askvoll og Naustdal 24. mai Det vart der avklara krav til innhald i planen og planprosess. I samband med dette utarbeidde Asplan Viak ei vurdering kring KU-plikt (konsekvensutgreiing) Forskrifta om konsekvensutgreiingar vart endra med verknad frå i år, og kommunane bad difor om at tiltakshavar utarbeidde ei ny utgreiing. Kommunane konkluderte i år, som nemnt over, når det gjeld KU-plikt og planprogram. Dei gjorde det samstundes klårt at det ikkje er behov for nytt oppstartmøte. Planprogrammet: Planstart og handsaming av planprogrammet: I samband med oppstart av planarbeidet vert framlegg til planprogrammet sendt ut på

10 Framlegg til planprogram - detaljreguleringsplan for vassleidning Skorva - Engebø 10 høyring og lagt ut til offentleg ettersyn. Planarbeidet vert varsla i avisa Firda og på kommunane sine nettsider. Grunneigarar innanfor plangrensa og naboar så langt som råd, offentlege intansar og interesseorganisasjonar vert varsla om planarbeidet pr.brev, i samsvar med reglane i plan- og bygningslova. Frist for å gje uttale i samband med at planarbeidet vert varsla, er minimum 6 veker. Det skal gjennomførast eit folkemøte innan høyringsfristen for planprogrammet. Reguleringsplanen: Utarbeiding av reguleringsplanen: Når planprogrammet er fastsett, vil det verte utarbeidd framlegg til reguleringsplan etter plan og bygningslova 12-3, med plankart, planomtale, føresegner, konsekvensvurdering og risiko- og sårbarheitsanalyse. Innspel/merknader til varselet/planprogrammet vert så kommentert og vurdert, og skal takast med i planmaterialet. Etter 1. gongs politisk handsaming vil framlegget verte sendt ut på høyring og lagt ut til offentleg ettersyn i minimum 6 veker. Det er høve til å kome med innspel/merknader til planframlegget desse vekene. Innspela/merknadane vert kommentert og vurdert i det vidare planarbeidet. Etter at framlegg til reguleringsplan har lege ute til offentleg ettersyn, vert planen lagt fram for ny politisk handsaming, med sikte på vedtak i Askvoll og Naustdal kommunar. Etter at planen er godkjend, vil tiltakshavar kunna søke kommunane om løyve for etablering av vassleidning i samsvar med vedteken reguleringsplan. Framdriftsplan: (Framdriftsplanen kan verte endra under vegs) Fase Aktivitet Tid 1 Varsling av planarbeidet og utlegging av framlegg til planprogram, høyring, minimum 6 veker November Fastsetjing av planprogrammet, kommunane Februar Utarbeiding av framlegg til detaljreguleringsplan med konsekvensvurdering og risiko- og sårbarheitsanalyse Februar - mai Politisk vedtak om utlegging til offentleg ettersyn Juni Høyring og offentleg ettersyn av planframlegget til (min.6 veker) detaljreguleringsplanen 6 Handsaming og politisk vedtak Oktober.2018 Tabell 1

11 Framlegg til planprogram - detaljreguleringsplan for vassleidning Skorva - Engebø 11 4 PLANOMRÅDET I DAG 4.1 Planområdet Planområdet omfattar både landareal og sjøareal. Vassforsyninga til Engebø baserer uttak av vatn frå Sogn og Fjordane Energi (SFE) sin Nedre Markevatn kraftstasjon, Skorva i Askvoll. Kraftstasjon ligg mot fjorden, lett tilgjengeleg og utan noko behov for utbetringar av veganlegg. Vidare omfattar planområdet sjøareal over til landforbindelse på Hegreneset- halvøya Planområdet går vidare over fjorden vidare til landareal på Vevring/Engebøsida, ved Blåfjellet og vidare over Vevring og inn til Engebøneset. På nordsida av fjorden ligg fylkesveg 611, som passerer mellom anna Vevring skule. Vevring Kyrkje ligg i nærområdet. Fig.7. Foto frå Nedre Markevatn kraftstasjon retning Engebø 5 VURDERING AV ALTERNATIVE LØYSINGAR FOR VASSFORSYNING 5.1 Vurdering og val av vasskjelde Asplan Viak har gjort vurderingar om vassforsyning for Engebøprosjektet. I mai 2012 vart det laga ein rapport som omhandla tekniske og økonomiske forhold ved alternative løysingar for prosessvatn til Engebø. Rapporten vurderte òg aktuelle ferskvasskjelder med tanke på uttak av prosessvatnet til Engebø. Det vart òg gjort berekningar og vurderingar av tilførslekapasitet. Figuren under illustrerer vurdert behov for vasstilførsle, ut frå dei berekningane som vart gjort i 2012:

12 Framlegg til planprogram - detaljreguleringsplan for vassleidning Skorva - Engebø 12 Fig.8. Prinsippskisse for vassbalanse I juni 2017 vart behov for ferskvatn vurdert på nytt, og med dette vart behov for vasstilførsle utanfrå redusert frå 300 m 3 /t til 150m 3 /t. Vurderte vassforsyningskjelder: 1. Redalsvassdraget, om lag 4 km inn for Engebø 2. Svardalsvatnet i Oselvvassdraget, over fjellet nord til Flora kommune 3. Skorvenvassdraget på sørsida av Førdefjorden 4. Avsalting av sjøvatn Vurdering av alternativa: 1. Redalsvassdraget var i rapport mai 2012 vurdert til å vere for usikkert i høve til kapasitet. Løysinga vil dessutan krevje omfattande regulering/konsesjonshandsaming. 2. Svardalsvatnet med pumping over fjellet vart vurdert som ei vanskeleg løysing både i høve til bygging og drift. 3. Skorvenvassdraget er vurdert som ei realistisk løysing, då Sogn og Fjordane Energi (SFE) kan levere tilstrekkelege vassmengder. SFE har opplyst at gjennomsnittleg avrenning i Skorvenvassdraget er på 5400m 3 /t, og kapasiteten er etter deira vurdering god. Det er føreslege at kraftstasjonen kan byggast om, og at Nordic Rutile etter dette får eit eige uttak

13 Framlegg til planprogram - detaljreguleringsplan for vassleidning Skorva - Engebø 13 før turbinane, som kan føre vatn med trykk frå magasinet til ein trykkaukestasjon som vil kunne pumpe vatnet over til Engebø. Skorvenvassdraget og Nedre Markevatn kraftstasjon står att som truleg beste alternativet for vasskjelde. 4. Avsalting av sjøvatn ville kunne vere aktuelt dersom det ville bli problematisk med dei ovannemnde alternativa. Avsalting er svært energikrevjande. Kartutsnittet nedom syner vurderte alternativ 1-3 for vasskjelde: Fig.9. Vurderte alternativ for vasstilførsle (grøn/lilla/blå illustrerer røyrtraséar ) På bakgrunn av ovannemnde omtalte alternativ for vasskjelder, vil det vidare planarbeidet ta utgangspunkt i at Skorven-vassdraget vert brukt som vasskjelde. 5.2 Vurdering av trasé for vassleidning Skorva- Engebø Det er gjort vurderingar av ulike traséval mellom Skorva og Engebø, jf. rapport Vassforsyning Skorven Engebø (skisse av tekniske løysingar, utfordringar.), Asplan Viak 16.feb Vurderingane vidare i planabeidet er å avklare kvar vassleidning for tilførsle av prosessvatn og vassforsyning til bergverket i Engebøfjellet skal leggjast i fjordkryssinga og på landareal. Det kan vere aktuelt å vurdere ein leidningstrasé gjennom fylkesvegtunnelen inn mot anleggsområdet på Naustdalsida. Kartutsnittet nedom syner alternative traséar som alle har sitt utgangspunkt frå Skorva.

14 Framlegg til planprogram - detaljreguleringsplan for vassleidning Skorva - Engebø 14 Fig.10. Fire alternative traséval, alternativ 1 i nordvest, alternativ 4 i søraust. Grått areal er sjødeponi, svart areal er bergverket, raudt areal er særskild omsynssone for kulturminne, grønt er gyte- og oppvekstområde for fisk. Vurderte alternativ for traséar for vassleidningar (jf. meir informasjon i rapport Asplan Viak ): 1. Kryssar Gjelsvika og Hegreneset og over fjorden til Apalset. Vidare austover nær fylkesvegen og vidare langs Engebøfjellet til Engebø. 2. Kryssar Gjelsvika og Hegreneset (som alt.1) og går i fjorden vidare innover til Indre Vevring og deretter vidare langs Engebøfjellet til Engebø. 3. Går i fjorden innover Gjelsvika og over land (må delvis borast) til Kvammen. Deretter ut Ålesundet mot/langs planlagt sjødeponi. Så vidare i fjorden til Gryta og over land til Engebø. 4. Går som alternativ 3 i fjorden til Gjelsvika og over land til Kvammen. Deretter vidare i fjorden før kryssing av land (må delvis borast) aust for Russeneset. Så vidare i fjorden til Gryta og over land til Engebø. 5.3 Val av alternative traséar for vassleidninga Alternativ 1 og alternativ 2 Av dei fire ulike leidningstraséane som vart vurdert, står alternativ 1 og alternativ 2 att som dei vi ynskjer å gå vidare med. Desse alternativa går utanom gyte- og oppvekstområde for torsk, og vil ikkje koma i konflikt med eit oppdrettsanlegg i fjorden. Det vil dessutan vera ein fordel at leidningar går over Hegreneset med omsyn til forsyningssikkerheit (lettare tilgang til vedlikehald). Ulempe for alternativ 1 og 2 er hovudsakleg bratte fjordsider og kryssing av Engebøfjellet, noko som er utfordrande med omsyn til tekniske løysingar og for gjennomføring i anleggsfasen.

15 Framlegg til planprogram - detaljreguleringsplan for vassleidning Skorva - Engebø 15 Når dette skal detaljplanleggjast, vil det verte gjort vurderingar om å leggja leidningane som «sveveleidningar» i sjø, og i kabel på land, samt vurdere å leggje dei i sjø utan «sveving». Det vil vidare bli teke stilling til om leidninga som kryssar Engebøfjellet bør liggja utanpå fjellet, eller om den bør leggjast i eksisterande fylkesvegtunnel i fjellet. Fjellsida i Engebø er bratt og rasutsett, og leidning som ligg i dagen må tåle frost, og planleggjast slik at den kan motstå steinsprang og ev. skred. Dersom alternativet med leidning i dagen ikkje vert vald, må det gjerast vurderingar i høve til langholsboring i fjellet i området mellom tunnelen og fjorden. Ei løysing med å leggje leidninga i sjø også forbi Engebøfjellet, kan og bli vurdert. Alternativ 3 og alternativ 4 Alternativ 3 og alternativ 4 vil begge gå via Gjelsvika og inn fjorden lenger inne. Førdefjorden er nasjonal laksefjord, og leidningar her vil koma i konflikt med gyte- og oppvekstområdet, samt låssettings-plassar. Desse alternativa har dessutan som ulempe at dei vil verte ein del lengre enn alternativ 1 og 2 i sjøen. Andre konfliktpunkt for desse alternativa er at alternativ 3 vil gå inn i det planlagde sjødeponiet, og det er skredfare frå Gjøringbøfjellet. 6 UTGREIINGAR SOM SKAL GJERAST I PLANPROSESSEN 6.1 Traséar som skal vurderast vidare Alternativ 1 og 2, slik dei er omtala over, skal leggjast til grunn for det vidare planarbeidet og m.a. konsekvensutgreiast I tillegg skal føring i sjøen rundt Hegreneset vurderast for både alternativ 1 og 2. Det er teke omsyn til dei ulike alternative del-traséane ved avgrensinga av varsla planområde. 6.2 Konsekvensutgreiinga og planomtalen I planomtalen vil det bli gjort ei særskild vurdering av planen sin verknad for miljø og samfunn. Som grunnlag for dette vil det bli gjort konsekvensvurderingar for enkelttema, jf 6.3 nedanfor. Konsekvensvurderingane skal utførast parallelt med planarbeidet elles, slik at vi i tidleg planfase får oversikt over viktige tilhøve det skal takast omsyn til. Når tilrådd løysingar for vassleidningar ligg føre, skal konsekvensane og ev. avbøtande tiltak for kvart tema oppsummerast i eigne notat for kvart tema som grunnlag for omtale/vurderingar som skal vera med i planen.

16 Framlegg til planprogram - detaljreguleringsplan for vassleidning Skorva - Engebø Nærare om enkelt- tema Nærmiljø, friluftsliv: Konsekvensar for kvar av desse tema skal omtalast i planen. Relevante organisasjonar (turlag, idrettslag, grendalag) vert kontakta. Klimaendringar: Konsekvensar av venta klimaendringar skal omtalast, som auka nedbørsmengder og havnivåstigning. Dette er alt omtala og i skredfarevurderinga Asplan Viak 8. februar 2017, men vil og bli vurdert i andre samanhengar. Klimaendringar er venta å påverke framtidig risiko- og sårbarheit, dette vert også omtala og gjort greie for i ROS- analysen. Landskapsbilete: Det skal i reguleringsplanen gjerast greie for korleis tiltaket vert tilpassa landskapet sett frå omgjevnadane. - Nær- og fjernverknader - Viktige landskapsformer - Tilpassing av leidning i terreng/utanpå fjell Det skal gjerast greie for den permanente situasjonen, men dersom det vert gjort store inngrep i anleggsfasen, skal desse også omtalast. I all hovudsak meiner vi at tiltaket ikkje vil verta særskild synleg, med unntak dersom røyrleidning vert lagt utanpå Engebøfjellet. Naturmiljø, biologisk mangfald: Utgreingane skal baserast på eksisterande kunnskap, samt nærare undersøkingar, feltarbeid og kartleggingar. Det skal gjerast greie for konsekvensar både på land og for maritimt miljø. Mål og prinsipp i naturmangfaldslova skal vurderast i planomtalen. Kulturminne/kulturmiljø: Konsekvensutgreiingar for fagtema kulturminne- og kulturmiljø skal utførast med utgangspunkt i metodikken for ikkje- prissette konsekvensar i Statens vegvesen si handbok V712, samt etter retningsliner i Riksantikvaren sin rettleiar om «Kulturminne og kulturmiljø i konsekvensutgreiingar». Eksisterande kunnskap skal leggjast til grunn og vil bli supplert med feltbefaringar. Det er traseane over Hegreneset og gjennom Vevring (alt. 1 landtraseen) som potensielt kjem mest i berøring med kulturminne. Geologi/rasfare: Deler av område der vassleidning er vurdert lagt, ligg som aktsemdområde for ulike typar

17 Framlegg til planprogram - detaljreguleringsplan for vassleidning Skorva - Engebø 17 skred. Vurderingar av klassifisering av risiko skal gjerast greie for, dette vert vurdert i risikoog sårbarheitsanalysa. Det skal byggjast vidare på utarbeidd Skredfarevurdering (Asplan Viak 8. februar 2017). Med dei no valde traseane, er det særleg området langs Engebøfjellet som kan vere kritisk med omsyn på skredfare. Dessutan må det takast omsyn ved kryssing av fjorden slik et er omtala i «Vassforsyning Skorven Engebø» (skisse av tekniske løysingar, utfordringar ), Asplan Viak 16. februar 2017 Alternativ bruk av vassleidninga: Gjennom dei innleiande vurderingane som ligg til grunn for dette planarbeidet, har det kome fram at det kan vere aktuelt å nytte vassforsyningsanlegget til å dekke også andre behov enn det som er knytt til gruvedrifta. Det er særleg aktuelt å vurdere om det er mogleg med slik sambruk i Vevringområdet. Gjennom planarbeidet skal det utgreiast korleis slik sambruk er mogleg å få til ved tilpassing av anlegga og kva omfang/nytte denne tilleggsbruken av vassforsyninga kan ha. 6.4 Risiko og sårbarheitsanalyse Kommunane har eit sjølvstendig ansvar å sjå til at samfunnstryggleiken vert ivareteken i alle planar etter plan og bygningslova. For at kravet om ROS- arbeid skal fylgjast rett opp, må det gjerast eit systematisk arbeid som gjev oversikt over risiko og sårbarheit i området. I samband med at reguleringsplanen skal lagast, skal ROS- arbeidet utførast for heile planområdet. Tema for analysen er mellom anna natur- og miljøforhold, menneskeskapte forhold. Analysen skal utførast i samråd med kommunane, mellom anna på grunnlag av brutto sjekkliste. Samandrag av ROS- analysen vert lagt inn i reguleringsplanen. Av positive konsekvensar her vil Nordic Rutile skaffa brann- og redningsbil, jf. eksisterande ROS- analyse for gruvedrifta.