SAKSFRAMLEGG. Sakshandsamar: BSS Arkivsaknr: 2013/7. Utvalsaksnr Utval Møtedato 74/15 Formannskapet Kommunestyret

Transkript

1 Utviklingsavdelinga SAKSFRAMLEGG Sakshandsamar: BSS Arkivsaknr: 2013/7 Arkiv: L12 - Utvalsaksnr Utval Møtedato 74/15 Formannskapet Kommunestyret OFFENTLEG ETTERSYN. DETALJREGULERINGSPLAN FOR GNR. 42, BNR. 1 MFL. (LANTERNEN MARINA) Tilråding frå rådmannen: Formannskapet vedtek i medhald av plan- og bygningslova, 12-10, å leggje framlegg til detaljreguleringsplan for gnr. 42, bnr. 1 mfl. (Lanternen marina), ut til offentleg ettersyn i seks veker. Særutskrift: - AG Plan og Arkitektur AS, Webjørn Svendsensgt. 12, 6150 Ørsta - Kåre Leif Jensholm, 6070 Tjørvåg

2 Vedlegg, prenta: 1. Reguleringsplankart, datert Føresegner, datert Planomtale, datert Vedlegg A1 til planomtalen, datert (Vurdering av innspel/merknader). 5. Vedlegg A2 til planomtalen (innkomne merknader). 6. Vedlegg B1 til planomtalen (sjekkliste ROS), datert Vedlegg B2 til planomtalen (sjekkliste natur-, kultur og samfunnsmessige forhold), datert Vedlegg B3 til planomtalen (sjekkliste naturmangfald), sist datert Bakgrunn: AG Plan og Arkitektur AS søkte på vegne av Kåre Leif Jensholm om oppstart av reguleringsplanarbeid for heile Jensholmen Etter fleire møte vart det fastsett at reguleringsplanarbeidet på Jensholmen skulle delast i to planar, ein for Jensholmen Småbåtlag (vest på Jensholmen) og ein for Lanternen (aust på Jensholmen). Hausten 2014 vart det utarbeidd skisse med forslag til disponering av planområdet med tilhøyrande planfagleg vurdering knytt til inngrep i friområde. Skissene vart lagt fram for formannskapet (f-sak 193/14) og det vart vedteke at ein kunne gå vidare med føreslegne disponering og plangrunnlag. Planarbeidet vart kunngjort igongsett medio november Målet med planarbeidet har vore å utarbeide ein detaljplan med tilrettelegging for fleire naust/sjøbuder på austsida av Jensholmen. Saksopplysningar: Planforslaget: Kåre Leif Jensholm ønskjer å leggje til rette for fleire naust på austsida av Jensholmen i tilknyting til eksisterande naust. Byggjeareala i planframlegget er lagt ut til småbåtanlegg på land (BBS), naust med hems (BKB), og eitt mindre område for serviceanlegg for småbåtanlegg (BAA) som allereie er bygt. I tillegg er det vist parkeringsplassar (SPP), annan veggrunn (SVG), tilplanta vegskjering (GKG) og småbåthamn i sjø (VS). Småbåtanlegg på land (BBS) BBS gjeld landdelen til småbåthamna. Det kan leggjast til rette for kai, brygge, samt tilkomst til tilhøyrande funksjonar. Innanfor området kan det etablerast parkeringsplassar på vilkår av at dei ikkje vert til hinder for nødvendig ferdsel i og gjennom området eller for nausta og servisebygget sin bruk. Naust med hems (BKB) Det er i planen lagt til rette for 10 område for naust (BKB1-BKB10). Seks av desse områda er nye (BKB1-BKB6). Maksimum høgd skal ikkje overskride 5 m. Nausta skal oppførast med grunnflate 5x10 m og byggjast saman med tilstøytande naust. Nausta skal vere i tradisjonell stil med trekledning. Side 2 av 6

3 Naust skal ha ei enkel utforming utan arker, kvistar og andre takopplett, balkongar, karnapp eller andre fasadeelement. Nausta skal ikkje innreiast med sikte på å bli brukt til varig opphald/overnatting/fritidshusføremål. Eksisterande naust innanfor planområdet inngår i planen (BKB7-BKB10). Forslag til reguleringsplan for Lanternen marina Serviceanlegg for småbåtanlegg (BAA) BAA omfattar eksisterande servicebygg for småbåthamn. Bygget inneheld funksjonar som lager, kontor, sanitæranlegg, møterom mm. Parkeringsplassar (SPP1 og SSP2) Det er lagt til rette for to private parkeringsplassar, SSP1 og SSP2. Parkeringsplassane er felles for naustområda BKB1-10 og småbåthamna aust for planområdet. I gjeldande reguleringsplan for Jensholm ( ) er det stilt krav om at det skal vere p-plass til 1 bil pr. 3 båtplassar. Kravet er lagt til grunn i planen som no ligg føre. Konsulent har føresett at dei som kjøper naust eller budareal også har båtplass i småbåthamna. Innanfor SSP1 og SSP2 er det vist til saman 114 plassar, som tilfredsstiller parkeringskrav for 342 båtplassar. Annan veggrunn - grøntareal (SVG) Formålet utgjer del av høgdedrag som vert sprengt vekk for å gi plass til utbygging av parkeringsplass SSP2, og uttak av masser til etablering av molo nordaust for planområdet. Fjellskjeringa skal framstå som grøn og beplantast med stadeigen vegetasjon. Tilplanta fjellskjering (GKG) Område for uttak av masser (sprenging, graving) og planering tilpassa tilgrensande nautsområde. Etter uttak av masser skal området framstå som ei grøn skråning med stadeigen vegetasjon. Småbåthamn (VS) Delar av eksisterande småbåthamn inngår i planen. Det er i dag etablert flytebrygger i området som del av tilgrensande småbåthamn. Arealet skal nyttast til molo, båtopptrekk, landgang og flytebryggjer (med forankring) og tilhøyrande båtferdsel Innspel til planarbeidet ved oppstart: Plankonsulent har vurdert og kommentert innspela til planarbeidet. Nedanfor følgjer ei oppsummering av innspela og plankonsulent sin kommentar. Side 3 av 6

4 Mørenett, datert , varslar at dei har låg- og høgspentkablar og fiberkabel i området. Det må takast omsyn til kablane og om nokon av dei må flyttast/leggjast om, må utbyggjar bere kostnadene. Omsyn til eksisterande anlegg vert avklara nærare i planarbeidet. Kystverket (K), datert , informerer om at strøklengda er meir enn 2 km ved nordvestleg vêrlag. Kystverket oppmodar om å vise spesiell merksemd på faren for stryping av bølgjer i hjørnet mellom rota på moloen og holmen. Plankonsulent har avklara potensiell bølgjehøgd og søkt innarbeidd nødvendige omsyn i planframlegget. Planen si form mot sjø er forsøkt tilpassa bølgjevandring langs molo. Det er vidare lagt til grunn at tiltakshavar i påfølgjande byggjesak tek nødvendige omsyn ihht TEK 10, kap. 7. Stiftelsen Bergens Sjøfartsmuseum (SBS), datert , har ingen merknad til planarbeidet. Dei gjer merksam på at tiltakshavar pliktar å gje melding til museet dersom ein under arbeid i sjøområda finn skipsvrak, keramikk eller andre kulturminne. Dersom kulturminne på sjøbotn blir råka av tiltak, må arbeidet straks stoggast og museet må ev. godkjenne vidare arbeid i området. Det er teke inn eiga føresegn i bestemmelsane til planen, som ivaretek momenta som SBS påpeikar. Fylkesmannen i Møre og Romsdal (FM), datert , meiner det er viktig at ein tek omsyn til landskapskvalitetane og får til ei tilpassa god utbygging på Jensholmen. FM viser til naturmangfaldlova og minner om at det må gå klart fram av planomtale og saksutgreiing korleis prinsippa er tatt omsyn til og vektlagt i vurdering av saka. FM minner vidare om at det må gjennomførast ROS-analyse. Tilhøvet til natur- og miljøvern og samfunnstryggleik er vurdert/belyst. Det er utarbeidd sjekkliste for naturmangfald. Sjekklista viser ingen vesentlege konfliktar. Fylkesmannen si sjekkliste for ROS er fylt ut. Konsulent har utgreidd potensiell signifikant bølgjehøgd for 20 og 200 returperiode for bølgjer. Dette er drøfta mot framtidig havnivå. Møre og Romsdal fylkeskommune (MRF), datert , har ikkje vesentlege merknader til at det vert sett i gang reguleringsplanarbeid for området. MRF minner om at dersom ein under arbeid kjem over noko som kan vere automatisk freda kulturminne, pliktar ein å stoppe arbeidet og ta kontakt med kulturavdelinga i fylket for avklaring. Side 4 av 6

5 Konsulent registrerer at MRF ikkje set fram krav om arkeologisk registrering, men minner om meldeplikta dersom ein under arbeid kjem over noko som kan vere automatisk freda kulturminne. Noregs vassdrags- og energidirektorat, datert , har ingen innspel til planarbeidet. Vurdering og konklusjon: Planmaterialet som ligg føre, er etter rådmannen si vurdering godt gjennomarbeidd og i henhald til kommunen sine krav. Tiltaket vart innleiingsvis i planprosessen vurdert etter «Forskrift om konsekvensutgreiing» etter plan- og bygningslova, og det vart konkludert med at tiltaket ikkje hadde vesentlege konsekvensar for miljø og samfunn, slik at KU var nødvendig. Planomtalen skildrar planen med tilhøyrande problemstillingar på ein god måte. Rådmannen vil særleg trekkje fram to viktige moment i planen: havstigning og bølgjefare. Etter kommunen si vurdering har plankonsulent nytta tilgjengeleg informasjon og gjort ei fagleg god vurdering knytt til temaene. Naturmangfald Det er registrert konflikt i høve til beiteområde for sjøfugl og at det er registrert raudlisteart (strandsnipe)i området. Ornitolog Alv Ottar Folkestad har kome med uttale til saka. Folkestad ser på Jensholmen som eit etablert område med opparbeidd infrastruktur, og ser ikkje at utbygging på det sentrale landarealet vil medføre konsekvensar for hekkande sjøfugl. Barn og unge Forholdet til barn og unge er vurdert og ein kan ikkje sjå at område som i dag vert nytta av barn og unge kjem dårlegare ut i forslag til plan enn ved dagens situasjon. ROS Det er gjennomført ei generell ROS-analyse. Området er sårbart for ekstremvêr/stormflo. Det er teke omsyn til framtidig havnivå og problemstillingar knytt til bølgjeproblematikk er drøfta. Konklusjon: Rådmannen rår i medhald av plan- og bygningslova, 12-10, til at forslag til detaljplan for gnr. 42, bnr. 1 mfl. (Lanternen marina) vert lagt ut til offentleg ettersyn. Fosnavåg, Olaus-Jon Kopperstad Rådmann Jarl Martin Møller Avd.leiar Sakshandsamar: Berit Sandvik Skeide Side 5 av 6