66/15 Formannskapet Kommuneplanens arealdel - attendemelding frå regionalt planforum og nye innspel til arealdelen

Transkript

1 Vågå kommune Arkivsak: 2011/ Arkiv: Saksbehandlar: Laila Nersveen Utv.saksnr Utval Møtedato 66/15 Formannskapet Kommuneplanens arealdel - attendemelding frå regionalt planforum og nye innspel til arealdelen Vedlegg: Referat frå regionalt planforum KU av alle nye område Saksframlegg: Den 16. juni 2015 vart forslag til ny kommuneplanens arealdel presentert for regionale styresmakter i regionalt planforum. I forkant av møtet vart det gjennomført ein synfaringsdag med regionale styresmakter den 21. mai 2015, der dei fekk høve til å sjå nye område som er spelt inn i samband med revisjon av kommuneplanens arealdel. Alle kommuneplanar som er under revidering skal leggjast fram i regionalt planforum. I regionalt planforum deltar alle statlege og regionale organ og kommunen som er råka av den aktuelle saka. Planforum skal drøfte konkrete plansaker og medverke til gjensidig informasjon og avklaring av konkrete spørsmål og sektorinteresser. Framlegging av nytt forslag til arealdel i regionalt planforum før 1. gongs offentleg ettersyn skal bidra til samordning av ulike interesser og syn, raskare avklaring og ein meir samstemt praksis i plansaker. Regionalt planforum skal styrke planlegging generelt og førebyggje konfliktar. Det er difor viktig å ta omsyn til merknader frå regionale styresmakter som kjem fram i planforumet. Referat frå møtet er vedlagt. Som det kjem fram av møtereferatet så er det fleire merknader og varslar om mogleg motsegn dersom kommunen ikkje tek innspel og merknader frå regionalt planforum til følgje. Vurdering: Rådmannen meiner at det er viktig at kommunen prøver å imøtekome innspel og merknader frå regionalt planforum så langt det er mogleg. Det vil bidra til at raskare avklaringar og kommunen må i si arealplanlegging ta omsyn til nasjonale og regionale føringar.

2 Regulerte bustadfelt langt frå sentrum, B04, B05 og B06 Når det gjeld nye utbyggingsområde for bustader så kjem det klare signal frå regionale styresmakter om at ny arealbruk bør styrast til etablerte sentrumsområde av Vågå, Lalm og grendesentre. Det er difor ei klar tilråding frå regionale styresmakter om at bustadområdane B05 Bårstad, B06 Tolstadløkken og B04 Prestrunningen bør takast ut av planen, ev. blir lagt inn som område for spreidd busetting. Regionale styresmakter meiner at områda har uheldig plassering og manglar trygg skuleveg. Det er god tilgang på andre sentrumsnære bustader som er betre egna. Rådmannen støtter vurderinga frå regionale styresmakter. Alle desse tre område har dårleg vegtilkomst, ikkje gang- og sykkelveg, ikkje tilgang til kommunalt vant- og avløp og det er god tilgang på ledige bustadtomter som ligg meir sentralt. For å tilby eit variert butilbod, ettersom «alle» ikkje ønskjer å bu i sentrum, bør det heller settast av nokre område for spreidd bustadbygging. Bårstad, Tolstadløkken og Prestrunningen bør vere egna for slik formål. For å unngå krav om regulering bør det kunne opnast for at inntil 3 bustadhus kan etablerast innanfor områda. Meir enn tre hus blir rekna som større byggeområde og det er da krav om utarbeiding av reguleringsplan. Dersom område blir avsett som område for spreidd busetting bør dei avgrensast noko meir i areal. Dersom område blir lagt inn som LNF-spreidd, er det også mogleg at tomtene blir meir attraktive. Kommunen har fleire døme på område som er regulert for bustadbygging som ikkje ligg sentrumsnært. Det har ikkje vore stor etterspørsel etter tomter innanfor desse område. Nyleg regulerte bustadfelt som ikkje ligg i sentrumsområde er mellom anna Kvarbergåsen og Randen bustadgruppe. Folk som ikkje ønskjer å bu i sentrum, ønskje ofte også ikkje å bu i konsentrerte byggefelt. Det er da betre å opne for nokre område der det kan etablerast bustadhus spreidd på store tomter. Det er også meir fornuftig å behandle dei få søknadane om bygging av hus utanfor sentrumsområde som dispensasjonssaker. Folk som vil bu i distriktet har ofte tilknyting til ein plass og ønskjer ofte å bygge på heimplassen. Det er da sjeldan eit godt alternativ å tilby bustadtomter innanfor eit regulert bustadfelt som ligg i grenda langt frå sentrum og grendesentre. Dersom det er fleire ledige tomter innanfor regulerte bustadfelt vil det vere vanskelegare å gje løyve til dispensasjon for bygging i LNF-område ettersom det er god tilgang på ledige tomter i nærleiken. Dette vil spesielt vere gjeldande når arealdelen er ny fordi den skal vere førande for arealbruken. Ein dispensasjon frå ein nyleg vedtatt kommuneplan vil undergrave den arealpolitikken som kommunen legg opp til i arealdelen. Ved å regulere konsentrerte bustadfelt som ligg langt frå sentrum, har kommunen ein arealstrategi som er basert på at folk som vil bu utanfor sentrum skal etablere seg innanfor desse bustadfelta. Det har dei siste åra vore behandla få søknader om dispensasjon frå gjeldande kommunedelplanar for frådeling av areal til bustadbygging. Tabellen nedanfor syner tal søknader om dispensasjon til bustadformål som har vore behandla i Som det kjem fram av tabellen har nesten alle som har søkt om dispensasjon fått godkjend søknaden. Det har da vore lagt vekt på at det ikkje er tilgang til ledige tomter i nærleiken og at omsynet til busetting talar for at det bør bli gitt dispensasjon. Dersom ein fortsett med den praksisen, så vil det vere god tilgang på tomter for folk som ikkje ønskjer å bu i sentrum. Dersom det er tilgang på ledige tomter i regulerte bustadfelt i nærleiken vil det ikkje vere tilrådeleg å gå inn for ein dispensasjon. Tabell 1: Oversikt over søknader om dispensasjon til frådeling av areal til bustadformål År Tal søknad Område der det er søkt om Resultat om disp dispensasjon Nedre Nordheradsveg, Kokkehaugen Avslått 2009/ Kveom 2010/642, Storrviksroe Godkjent frådelt

3 2011/452 Finntryu 2010/ Kveom 2011/616, Øygardsvegen 2011/ Godkjent frådelt I kommunal planlegging skal det takast omsyn til nasjonale og regionale føringar og forventningar. Regjeringa har fastsett nasjonale forventningar til kommunal og regional planlegging, vedteken ved kongeleg resolusjon 12. juni Dei nasjonale forventningane samlar mål, oppgåver og interesser som regjeringa forventar at fylkeskommunane og kommunane legg særleg vekt på i planlegginga i åra som kjem. Det er prioritert tre område og det er: Gode og effektive planprosessar Berekraftig areal- og samfunnsutvikling Attraktive og klimavennlege by- og tettstadsområde Dei nasjonale forventningane peiker på at samordna bustad-, areal- og transportplanlegging er særleg viktig i arealplanlegginga for å oppnå attraktive og klimavennlege by- og tettstadsområde. For å få gode og kompakte tettstadsområde må det byggast tett rundt sentrumsområde. Dette gir redusert arealforbruk og transportbehov og styrkjer grunnlaget for kollektivtransport, sykkel og gange. Alle avgjerder om lokalisering, bustader, infrastruktur og tenester påverkar energiforbruket og utslepp i lang tid framover. For å møte overgangen til lågsleppssamfunnet må ein leggje stor vekt på effektiv arealbruk og på å samordne arealbruken og transportsystemet. Det blir også peika på at kompakt tettstadutvikling vil bidra til å auke aktiviteten i sentrum, samtidig som korte avstandar mellom bustad og daglege gjeremål gjer kvardagen enklare. For å styrke by- og tettstadssentera er det derfor viktig at kommunane har ein aktiv og heilskapleg sentrumspolitikk. Merknader og innspel frå regionalt planforum og nasjonale forventningar frå regjeringa viser at det ikkje bør opnast for regulerte konsentrerte bustadfelt som ligg langt frå sentrum. Statesikk og historikk viser også at dette ikkje er attraktivt i Vågå. Folk som vil bu i distriktet har ofte tilknyting til ein plass og ønskjer ofte å bygge på heimplassen. Det er da sjeldan eit godt alternativ å tilby bustadtomter innanfor eit regulert bustadfelt som ligg i grenda langt frå sentrum og grendesentre. Rådmannen foreslår difor at Bårstad, Tolstadløkken og Prestrunningen blir lagt inn som LNF-spreidd bustad. Område må avgrensa meir i storleik og at det blir i føresegnene opna for bygging av inntil 3 bustadhus. Ut frå marknad og etterspørsel vil dette også vere ein stor nok tomtereserve i gjeldande planperiode. B01 Brumoen Fylkesmannen og Fylkeskommunen har varsla motsegn til området ut frå omsynet til jordvernet og husmannsplassen Pressmoen som er nasjonalt viktig. Fylkeskommunen kan vurdere området dersom det blir avsett ei sone mot gardstunet som ikkje blir bygd ut. Må kome tilbake til kva som kan aksepterast. Rådmannen foreslår at det avsettast ei buffersone på 50 meter til gardstunet som ikkje kan byggjast ut. Det er i føresegnene forslått følgjande tekst: «Området skal ha god landskapstilpassing og det skal avsettast ei buffersone på 50 meter til det freda gardstunet Pressmoen». Når det gjeld omsynet til jordvernet så meiner regionale styresmakter at området ikkje kan byggjast ut så lenge det er ein så stor ledig planreserve innanfor B/FO01 Brustugu. Rådmannen har forståing for dette og meiner at formannskapet må sjå nærare på om arealet på Brustugu skal vidareførast i ny arealdel, eller om hele arealet eller delar av arealet skal førast tilbake til LNF-område. Dersom Brustugu vidareførast, slik som den ligg i gjeldande kommunedelplan, vil det truleg bli motsegn til B01 Brumoen ifølgje regionalt planforum.

4 B/T01 Stokstadåsen Område for bustad og tenesteyting (seniorleilegheiter) på Stokstadåsen. Regionale styresmakter sluttar seg til dei vurderingane som er gjort i konsekvensutgreiinga til kommunen og meiner at områdt ikkje er egna for ein slik type utbygging. Området blir ein satellitt og bilbasert. Seniorleilegheiter bør ligge i gangavstand til sentrale funksjonar. Rådmannen vil på nytt foreslå at området blir tatt ut. Arealet er ikkje egna for ei slik utbygging. Nye område for fritidsbusetnad F01 Lemonsjøen I regionalt planforum kom det attendemelding på at arealet innanfor F01 Leomsjøen er brattare enn 1:4 og er lite godt egna for utbygging. Rådmannen støtter denne vurderinga. Området er bratt og slik sett lite egna for utbygging. Det er ikkje ønskjeleg å legge til rette for nye fritidsbustader i eit bratt terreng når det er tilgang til tomter av betre kvalitet i området. Med bakgrunn i eksisterande tomtereserve og at det blir opna for ei utviding på 238 daa innanfor Slombhaugen bør området takast ut. Arealet er bratt og lite egna for utbygging. Utbygging i området vil kunne gje stor landskapsinngrep med skjeringar og fyllingar. Rådmannen forslår at området blir tatt ut. FS/N01 Kortbaneflyplass på Sørem Statens vegvesen gjer merksam på at dei har ingen planar om utbetring av rv. 15, men vil oppretthalde byggjegrensa på 50 meter for området. Det kan difor ikkje byggjast flyplass nærmare vegen enn 50 meter. Tiltaket vil også truleg føre til auka aktivitet på anlegget og mogleg behov for utbetring av avkøyring. Auka aktivitet kan også auke faren for distraksjon som er farleg for bilistar, noko som er uheldig. Rådmannen ser at det vil vere konfliktfylt å få etablert flyplass innanfor området, noko det også blir vist til i regionalt planforum. Arealet bør trekkast 50 meter frå veg og det bør ikkje avsettast areal ute i vassdraget. Flyplassen bør etablerast på dyrka mark. Det er tilstrekkeleg areal til å få etablert flyplassen på dyrka mark, men det vil innebere at fleire grunneigarar blir råka. Det vil da truleg vere behov for ekspropriasjon ettersom alle grunneigarar truleg ikkje ønskjer ein slik aktivitet på arealet. Det vil også vere konfliktfylt med omsyn til dyrka mark og jordvernomsynet. Rådmannen foreslår at området blir fløtt, slik at det ligg på dyrka mark og ikkje ute i vassdraget. Ny avkøyring frå rv. 15 til Vågå næringspark Statens vegvesen har varsla mogleg motsegn til etablering av vegen. Dei skriv at rv. 15 er nasjonal hovudveg og gjennomfartsveg for trafikk mellom nordvestlandet og austlandet. Forbi Vågå vart vegen bygd som avkøyrselsfri veg, og Statens vegvesen vil ikkje akseptere ny avkøyrsel til næringsområdet ut frå tilgjenge og trafikktryggleik på rv. 15. Statens vegvesen meiner at behovet for avkøyrsler til Vågåmo er dekt med to tilkomstar og dei vil vurdere motsegn dersom forslaget blir tatt med vidare i planarbeidet. Rådmannen foreslår at ny avkøyring blir tatt ut av planforslaget. R04 råstoffutvinning Beitelykkja til Øy nedre Det er avsett 6 daa ved utløpet av Finna til råstoffutvinning. Masser som blir tatt ut av Finna skal lagrast innanfor området. Statens vegvesen har signalisert at området må takast ut av planen. Statens vegvesen vil ikkje godkjenne avkøyrsel frå rv. 15 til området. Dei kan heller ikkje tillate slik aktivitet innanfor byggegrensa til rv. 15 som er 50 meter. Med bakgrunn i klare signal frå Statens vegvesen meiner rådmannen at området må takast ut. Ved behov for oppreinsking av elv etter flom må uttaket behandlast som ein dispensasjon. Det vil da dreie seg om eit uttaket som er avgrensa i tid, og det vil da vere mogleg å kunne gje løyve til ein slik

5 aktivitet fordi det berre er ved særleg høve. Området vil difor i all hovudsak bli nytta som innmarksbeite og bør difor visast som LNF-område i arealdelen. SN01 Stokstad nedre, LNF-spreidd næring Område for vindkraftutbygging. Ifølgje regionale styresmakter er tiltaket eit større bygge- og anleggstiltak, jf. plan- og bygningsloven og det er krav om regulering. Areal for etablering av overføringsline til eksisterande kraftline må ligge innanfor området. Det er ikkje avklart kva for overføring det skal vere, luftline eller jordkabel. Det er heller ikkje avklart kor lina skal gå. Ifølgje regionalt planforum kan tiltakshavar arbeide fram privat reguleringsplan for området med full konsekvensutgreiing. På noverande tidspunkt har kommunen for lite informasjon til å gjere konsekvensutgreiing og avsette areal i plankartet. Rådmannen støtter vurderinga frå regionalt planforum. Tiltaket er så omfattande og har så mange moment som ikkje er avklara, slik at det kan vere like fornuftig at området ligg som LNF-området og tiltakshavar utarbeider ein privat reguleringsplan med full konsekvensutgreiing når området er avklart. Rådmannen forslår at området blir vist som LNF. Nye innspel, B07 Blessomvollen Erik Lillebråten, gnr. 24 bnr. 21, ønskjer å legge til rette for bustadtomter innanfor arealet på 16 daa 7,8 daa dyrka mark og 8,2 daa innmarksbeite er foreslått lagt inn. Arealet mot nord skal ha avkøyring frå Skogbygdsvegen. Arealet mot sør skal ha avkøyring frå Kvernvegen. Arealet mellom dyrka mark og innmarksbeite som er tresett er bratt og er ikkje egna for utbygging. Arealet er tenkt avsett til friområde/leikeområde. Når det gjeld øvre del av området som skal ha tilkomst frå Skogbygdsvegen så er det ikkje mogleg å etablere veg til området utan at den må etablerast på annan grunn, noko som vil vere konfliktfylt. Tomtene er også brattare enn 1:4, slik at området er lite godt egna for utbygging. Rådmannen meiner difor at øvre del av området bør takast ut. Det bør ikkje avsettast nye område i arealdelen som ikkje har avklart vegtilkomst. Regionalt planforum og Fylkesmannen viser til omsynet til jordvernet. Dei meiner at området bør reduserast og fulldyrka mark må ikkje byggjast ned. Rådmannen meiner at arealet på om lag 8 daa med tilkomst frå Kvernvegen kan takast med dersom det blir lagt vesentleg vekt på omsynet til sentrumsutvikling og viktigheita av å tilby sentrumsnære bustadtomter. Det er da ein føresetnad at det blir lagt opp til ein effektiv arealutnytting og det må byggjast konsentrert småhus innanfor området. Frittliggjande einebustad er ikkje eit alternativ ettersom arealet er dyrka mark. Delegasjon: Ingen konsekvensar for delegasjonsreglementet. Rådmannens innstilling: Område B05 Bårstad, B06 Tolstadløkken og B04 Prestrunningen blir omgjort til LNF, spreidd bustad og avgrensa meir i areal. Det blir i føresegnene opna for bygging av tre hus innanfor kvart av områda. Område B01 Brumoen blir tatt ut av planen ev. vidareført, men område B/FO01 Brustugu blir da redusert tilsvarande i areal.

6 Område B/T01 Stokstadåsen blir tatt ut av planen. Område F01 Lemonsjøen blir tatt ut av planen. Område FS/N01, Kortbane flyplass, blir trekt 50 meter frå veg og anlagt på dyrka mark. Ny avkøyring frå rv. 15 til Vågå næringspark blir tatt ut. Område R04 Beitelykkja til Øy nedre blir vist som LNF-område i plankartet. Området SN01 Stokstad nedre blir vist som LNF-område i plankartet. B07 Blessumvollen blir redusert i areal, slik at om lag 8 daa med vegtilkomst frå Kvernvegen blir tatt med vidare. Forslag til føresegner blir justert til å tilpasse dei endringane som er gjort i plankartet. Saksprotokoll i Formannskapet Behandling: Forslag frå formannskapet: Området B01 Brumoen blir teke ut av planen Forslag frå Jehans Storvik til pkt FS/N01: Det skal leggjast opp til sambruk i forhold til eksisterande bruk. Formannskapets framlegg var samrøystes vedteke Formannsskapets framlegg: Område B05 Bårstad, B06 Tolstadløkken og B04 Prestrunningen blir omgjort til LNF, spreidd bustad og avgrensa meir i areal. Det blir i føresegnene opna for bygging av tre hus innanfor kvart av områda. Område B01 Brumoen blir tatt ut av planen Område B/T01 Stokstadåsen blir tatt ut av planen. Område F01 Lemonsjøen blir tatt ut av planen. Område FS/N01, Kortbane flyplass, blir trekt 50 meter frå veg og anlagt på dyrka mark. Ny avkøyring frå rv. 15 til Vågå næringspark blir tatt ut. Område R04 Beitelykkja til Øy nedre blir vist som LNF-område i plankartet. Dispensasjonspraksis for uttak blir vidareført Området SN01 Stokstad nedre blir vist som LNF-område i plankartet.

7 B07 Blessumvollen blir redusert i areal, slik at om lag 8 daa med vegtilkomst frå Kvernvegen blir tatt med vidare. Forslag til føresegner blir justert til å tilpasse dei endringane som er gjort i plankartet.