Konkurransegrunnlag for open anbodskonkurranse over EØS-terskel ved. anskaffing av:

Transkript

1 Konkurransegrunnlag for open anbodskonkurranse over EØS-terskel ved anskaffing av: HFK Prosjektleiar til prosjektet Rekruttering til marin sektor

2 Innhaldsoversyn 1. Innleiing Bakgrunn Formål med anskaffinga Kunngjering Oppdraget/Spesifikasjon Oppdeling av leveransen Avtalelengd/tidsrom Konkurransegrunnlaget og tilgang til dokumenta Gjennomføring av konkurransen Språk Konkurranseform - anskaffingsprosedyre Framdrift for anskaffinga Informasjonsformidling frå kunngjering til tilbodsfristen Kostnader med å delta i konkurransen Tilbodssynfaring/tilbodskonferanse Offentlegheit Krav til leverandøren (Kvalifikasjonskrav) Krav tilbydar må innfri for å vera kvalifisert til å delta i konkurransen Frist for levering av tilbod Leveringsadresse Merking Opning og handtering av tilbod Krav til tilbodet Tilbodsdokument: Frist for å stå ved tilbodet Alternative tilbod Endring og tilbakekalling av tilbod Vurdering og avgjerd Tildelingskriteria Vurdering Eventuell avvising, avlysning eller forkasting Kontrakttype Atterhald Særlege kontraktvilkår, jf. FOA 3-11 (2) Melding om kontrakt Vedlegg HMT-Eigenfråsegn Konkurransegrunnlag Side 2 av 13

3 1. Innleiing 1.1 Bakgrunn Hordaland fylkeskommune er eigar av dei vidaregåande skulene i fylket. I dei siste åra har talet elevar i dei marine faga gått drastisk ned i fylket. Skal Hordaland fortsett vere eit innovativt og verdiskapande fylke innan desse faga, må rekrutteringa til dei marine næringane aukast. Hordaland fylkeskommune har planar om å starte eit større rekrutteringsprosjekt. Prosjektet ønskjer å auke talet elevar som velgar liner innan dei marine faga (fiskeri, havbruk og sjømatfaga) i dei vidaregåande skulene. Det vil bli starta eit hovudprosjekt i heile fylket samt fleire mindre lokale prosjekt ute i distrikta. I samband med dette ynskjer fylkeskommunen ein aktør til å lede prosjektet. I samband med tildeling av nye løyve til oppdrett av matfisk av laks og aure i 2009, har regjeringa fastsett at delar av vederlaget for desse løyva skal gå til fylkeskommunane som frie midlar. Fylkesutvalet i Hordaland fylkeskommune har sett av 4 mill.kr. til rekruttering til næringa. Den marine sektoren i Hordaland er stor i regional og nasjonal samanheng. Trass i dette har talet på ungdommar som vil inn i næringa minka kraftig. Prosjektet Rekruttering til marin sektor har m.a. som mål at ungdommen skal få god og rett informasjon om dei marine næringane, og at dei vil ønskje å velje ei utdanning og eit yrke innan marin sektor. 1.2 Formål med anskaffinga Prosjektet ønskjer å auke talet elevar som velgar liner innan dei marine faga (fiskeri, havbruk og sjømatfaga) i dei vidaregåande skulene. Det vil bli starta eit hovudprosjekt i heile fylket samt fleire mindre lokale prosjekt ute i distrikta. I samband med dette ynskjer fylkeskommunen ein aktør til å lede prosjektet. 1.3 Kunngjering Anskaffinga er kunngjort i Doffin-basen Oppdraget/Spesifikasjon Antatt volum på avtalen: 1,5 mill. kr. Det vert understreka at oppgitt verdi er basert på budsjettrammer i prosjektet. Sjå vedlegg 1 Kravspesifikasjon og vedlegg 1.1. Nærare om prosjektet Rekruttering til marin sektor og Vedlegg 7 Prisskjema for ytterlegare informasjon. 1.5 Oppdeling av leveransen Det vil ikkje vere høve til å delta på delar av anskaffinga. Konkurransegrunnlag Side 3 av 13

4 Det vert teke atterhald om å: godta heile eller deler av tilbodet inngå avtalar med fleire leverandørar utan at det vert inngått parallelle rammeavtalar 1.6 Avtalelengd/tidsrom Plan for avtalen er om ikkje nye moment kjem til, at den vil gjelda frå til med einsidig opsjon for Oppdragsgjevar til å kunna forlengja med oppdraget til Konkurransegrunnlaget og tilgang til dokumenta I konkurransegrunnlaget er dokumenta opplista under Vedlegg punkt 6 i dette dokumentet. Det er tilgang til alle dokumenta under utlysinga på Doffin.no. 2. Gjennomføring av konkurransen 2.1 Språk All skriftleg og munnleg kommunikasjon i denne konkurransen skal vere på norsk. 2.2 Konkurranseform - anskaffingsprosedyre Anskaffinga skal gjennomførast som konkurranse med forhandling under EØS terskelverdi, i samsvar med Lov om offentlege anskaffingar av 16. juli 1999 nr. 69 (LOA) og forskrift om offentlege anskaffingar av 7. april 2006 nr. 402 (FOA) del I og del II. All dokumentasjon og tilbod skal leverast inn samtidig, og tilbydar må levere sitt tilbod seinast innan oppgitt frist for levering. Oppdragsgjevar set i grense på deltakarar i forhandlingsprosedyren. Dei 5 beste tilboda vil bli invitert til forhandlingsmøte. Forhandlingane vil gå føre etter reglane i FOA Framdrift for anskaffinga Anskaffinga er planlagt gjennomført slik: Aktivitet: Dato: Kunngjering av konkurransen i Doffin og TED Fast Frist for spørsmål som gjeld konkurransen Fast Frist for levering av tilbod Fast Evaluering av tilbod og val av leverandør Medio februar 2011 Estimat Melding til tilbydarar om tildeling Ultimo februar 2011 Estimat Avtalen trer i kraft Estimat Frist for å stå ved tilbodet 3 månader frå tilbodsfrist Fast Konkurransegrunnlag Side 4 av 13

5 2.4 Informasjonsformidling frå kunngjering til tilbodsfristen Oppdragsgjevar har rett til å rette, supplere og endre konkurransegrunnlaget innan tilbodsfristen, i samsvar med FOA 8-2. Dersom oppdragsgjevar rettar, supplerer eller endrar konkurransegrunnlaget, skal endringane meldast og gjerast tilgjengeleg for alle mottakarar av konkurransegrunnlaget og registrerte interessentar. Eventuelle spørsmål tilbydarar har til konkurransegrunnlaget, må stillast innan fristen oppgitt i tabellen i punkt 2.3 slik at oppdragsgjevar kan gje svar i anonymisert form til alle som har fått tilsendt konkurransegrunnlaget/ har registrert seg på Doffin. Alle kontakt skal skje skriftleg på e-post til kontaktperson for denne anskaffinga: Kontaktperson: E-post: Kristian Osen Fagertun Kristian.osen.fagertun@post.hfk.no 2.5 Kostnader med å delta i konkurransen Einkvar kostnad som tilbydar pådreg seg i konkurransen, må dekkast av tilbydar. Det same gjeld kostnader som er pådregne ved demonstrasjonar, testar eller liknande. Deltaking i konkurransen vil ikkje på nokon måte forplikte Oppdragsgjevar til å inngå kontrakt med tilbydar, eller involvere oppdragsgjevar i økonomiske forpliktingar. 2.6 Tilbodssynfaring/tilbodskonferanse Det vil ikkje bli halde tilbodssynfaring eller tilbodskonferanse. 2.7 Offentlegheit Ålmenta har rett til innsyn i tilbod og protokoll etter at val av leverandør er gjort, sjå lov 19. mai 2006 nr. 16 om rett til innsyn i dokument i offentleg verksemd (offentleglova) 23 tredje ledd, jf. forskrift av 7. april 2006 nr. 402 om offentlege anskaffingar (FOA) 3-5. Oppdragsgjevar er pålagt å følgje prinsippet om meirinnsyn, jf. offentleglova 11. Tilbydar skal i Vedlegg G Teiepliktige opplysningar, opplyse om tilbodet inneheld opplysningar som han meiner er underlagt teieplikt etter FOA 3-6. Det må gå fram av vedlegget kva for opplysningar dette er, med tydeleg referanse til kvar dei aktuelle opplysningane er plassert i tilbodet, samt ei grunngjeving. Oppdragsgjevar gjer merksam på at informasjon frå tilbydar berre er rettleiande. Oppdragsgjevar har plikt til å gjere ei sjølvstendig vurdering av eventuelle innsynskrav samanlikna med regelverket, jf. offentleglova. 3. Krav til leverandøren (Kvalifikasjonskrav) 3.1 Krav tilbydar må innfri for å vera kvalifisert til å delta i konkurransen Tilbydar må oppfylle følgjande krav for å kunne delta i konkurransen: NR Krav: Dokumentasjon kravd med tilbodet: Konkurransegrunnlag Side 5 av 13

6 NR Krav: 1 Saman med tilbodet skal det følgja med eit tilbodsbrev. 2 At han har ordna forhold med omsyn til skatteinnbetaling. 3 At han har ordna forhold med omsyn til innbetaling av meirverdiavgift. 4 At han for arbeid som vert utført i Noreg, legg fram eigenfråsegn om at han oppfyller, eller ved eventuell tildeling av kontrakt, vil oppfylle lovbestemte krav i Noreg innan helse, miljø og tryggleik (HMT). 5 Organisatorisk og juridisk stilling at han har ei lovmessig etablert verksemd. 6 Økonomisk og finansiell stilling at han har økonomisk kapasitet, tilstrekkeleg soliditet, til å gjennomføra oppdraget/ kontrakten. 7 At han ikkje er i forhandlingar om gjeldsakkord eller konkurs 8 Tekniske og faglege kvalifikasjonar at han har god erfaring frå levering av tilsvarande oppdrag/prosjekt til verksemd av tilsvarande kompleksitet. Dokumentasjon kravd med tilbodet: Signert tilbodsbrev Skatteattest for skatt utstedt av skatteoppkrevjar for skatt/arbeidsgjevaravgift (skjema RF-1244) der tilbydaren har sitt hovudkontor. Skatteattesten skal ikkje vera eldre enn 6 månader frå utløpet av tilbodsfristen. Utanlandske firma må vedleggja tilsvarande attest frå sitt heimland. Meirverdiavgiftsattest (MVA) frå skattekontoret for meirverdiavgift (skjema RF-1244). Attesten skal ikkje vera eldre enn 6 månader frå utløpet av tilbodsfristen. Utanlandske firma må vedlegge tilsvarande attest frå sitt heimland. HMT-eigenfråsegn, sjå nedanfor i dette dokumentet. Firmaattest eller tilsvarande frå tilbydaren sitt heimland. Resultatrekneskap og balanse med notar, årsmelding og revisorrapport for dei siste to åra. Oppdragsgjevar innhentar kredittvurdering ved behov. Eigenfråsegn Ei oversikt over dei viktigaste relevante oppdraga det siste to (2) åra. Tilbydar skal leggje fram/gjere greie for minimum tre (3) tidlegare utførte arbeider/prosjekter inkludert deira verdi, tidspunkt for gjennomføring, kontaktinformasjon som har relevans til Oppdragsgjevar sitt forretningsområde. Referansar vil bli kontakta ved behov. Konkurransegrunnlag Side 6 av 13

7 NR Krav: 9 Teknisk og faglege kvalifikasjonar at han har god gjennomføringsevne. 10 Tekniske og faglege kvalifikasjonar at han har eit godt og velfungerande system for kvalitet og miljø. Dokumentasjon kravd med tilbodet: Det skal gjevast ei kort og overordna beskriving av verksemda. I denne skal det gjerast greie for føretaket sin forretningsidé og kjernekompetanse, ei oversikt over selskapet sin historikk og ein beskriving av verksemda i dagen. Organisasjonskart og ei oversikt over firmaet sin totale bemanning. Beskriving av korleis leverandøren er organisert ved gjennomføring av tilsvarande oppdrag. Ved bruk av samarbeidspartnarar/ underleverandørar skal dette gjerast greie for. Utgreiing om system for kvalitetssikring/system for kvalitetsstyring, under dette utgreiing om firmaet sitt system for miljøleiing og miljøprestasjonar (miljørapport). Dersom firmaet er sertifisert: Kopi av systemsertifikat frå akkreditert sertifiseringsorgan eller tilsvarande dokumentasjon. Oppdragsgjevar tek atterhald om retten til å søkje ytterlegare informasjon/ opplysningar om det som er nemnt ovanfor, om han finn det naudsynt. Manglande dokumentasjon eller mangelfulle opplysningar kan føre til at tilbydar blir avvist, jf. FOA Frist for levering av tilbod Tilbod må vere oppdragsgjevar i hende innan kl Tilbod som kjem etter denne fristen, vil bli avvist. 3.3 Leveringsadresse Tilbodet skal sendast: Hordaland fylkeskommune Sentralarkivet Postboks Bergen eller leverast til: Hordaland fylkeskommune Sentralarkivet Agnes Mowinckelsgate 5 Bergen Konkurransegrunnlag Side 7 av 13

8 3.4 Merking Tilbodet skal vere i dobbel konvolutt. Ytterkonvolutten skal vera merkt med mottakar og avsendar. Indrekonvolutten skal vera nøytral og lukka. Begge konvoluttane skal vera merkt HFK Prosjektleiar til Rekruttering til marin sektor Opning og handtering av tilbod Det blir halde lukka opning av tilboda rett etter innleveringsfristen. Tilbydarar kan ikkje vera tilstades. Det blir skrive protokoll frå opninga. Tilboda vil ikkje bli returnert. 4. Krav til tilbodet 4.1 Tilbodsdokument: Det skal leverast tilbod på produkt omtalt i Vedlegg B Kravspesifikasjon og Vedlegg E Prisskjema. Avtale vil basere seg på vedlagte kontrakt, og tilbod skal utarbeidast i samsvar med denne. Det vert gjort merksam på at tilbydar må ved formulering av vedlegga, ta omsyn til at disse eventuelt skal brukast som kontraktstekst, og at dei dermed ikkje må innehalde generell informasjon eller salsargumentasjon. Slik informasjon skal stå i tilbodsbrevet. For å sikre alle tilbydarar lik og rettferdig behandling er det viktig at tilboda er likt bygd opp. Vi ber om at tilbodet vert sett i perm og inndelt med følgjande skiljeark: Kontrakt HFK Prosjektleiar til Rekruttering til marin sektor (på framside av 1. skiljeark og på utside av perm både på rygg og omslag). 1. Signert tilbodsbrev med oversikt over dokumenter og vedlegg, samt aksept av vedståelsesfrist. 2. Dokumentasjon på at kvalifikasjonskrava er oppfylt, jf. konkurransegrunnlagets pkt Kravspesifikasjon, ref. vedlegg 1 4. Løysingsbeskrivinga til leverandøren, ref. vedlegg 2 5. Prosjekt- og framdriftsplan, ref vedlegg 4 6. Prisskjema, ref. vedlegg 7 7. Annen relevant informasjon frå tilbydarar 8. Tilbydar skal i eige dokument, opplyse om tilbodet inneheld opplysningar som han meiner er underlagt teieplikt etter FOA 3-6. Det må gå fram av vedlegget kva for opplysningar dette er, med tydeleg referanse til kvar dei aktuelle opplysningane er plassert i tilbodet, samt ei grunngjeving. Oppdragsgjevar gjer merksam på at informasjon frå tilbydar berre er rettleiande. Oppdragsgjevar har plikt til å gjere ei sjølvstendig vurdering av eventuelle innsynskrav samanlikna med regelverket, jf. offentleglova. 4.2 Frist for å stå ved tilbodet Tilbodet skal ha ein vedståingsfrist på minimum 3 månader, rekna frå frist for levering av tilbod. Konkurransegrunnlag Side 8 av 13

9 4.3 Alternative tilbod Det er ikkje høve til å gje alternative tilbod. 4.4 Endring og tilbakekalling av tilbod Eit tilbod kan tilbakekallast eller endrast fram til tilbodsfristen. Tilbakekalling skal skje skriftleg. Endring av tilbodet er å sjå på som eit nytt tilbod, og skal utformast i samsvar med punkt 4.1. Tilbodsdokumentet. 5. Vurdering og avgjerd 5.1 Tildelingskriteria Tildeling av kontrakt vil skje til det økonomisk mest fordelaktige tilbodet med vekt på følgjande kriterium: Nr Tildelingskriterium Vekt 1 Pris V 1 = 1,00 2 Kompetanse og erfaring V 2 = 1,00 3 Forslag til løysing av oppdraget V 3 = 1,00 Tilbydar har eit sjølvstendig ansvar for å dokumentere tildelingskriteria. 5.2 Vurdering Det økonomisk beste tilbodet er det tilbodet som kjem ut med lågast pris (P Ø ) etter at avvik i tilbodet i forhold til høgast mogeleg score i tildelingskriterium 2 og 3 er omrekna til kroner og tillagt tilbydd pris (P). Svar og informasjonar i Vedlegg 2 er grunnlaget for vurdering av tildelingskriteria 2 og 3. Sjå også formel og eksempel nedanfor. Tilbod frå kvalifiserte tilbydarar vil bli evaluert etter følgjande poengskala (s): 5 Framifrå (S m ) 4 Mykje god 3 God 2 Nokså god 1 Lite god 0 Ikkje svart (100 % avvik frå krava) Tilbod med poeng 0 på tildelingskriterium nr. 2 eller nr. 3 vil bli avvist, jf. FOA Avvik frå best oppnåeleg poeng blir berekna slik: «maksimalt oppnåelig poeng (5) minus gitt poeng for kriteriet delt på maksimal oppnåelig poeng (5)». Konkurransegrunnlag Side 9 av 13

10 Matematisk modell for det økonomisk mest fordelaktige tilbodet PØ: P Ø = P. [V 1 +V 2. (S m s 2 )/S m +V 3. (S m - s 3 )/S m ] P = Total pris (summen av alle radene) i tilbodet gitt i rekneark Vedlegg E ark1 og ark3 S m = maks score på vurderingskalaen = 5 s 2 = Score på tildelingskriterium Nr 2 s 3 = Score på tildelingskriterium Nr 3 V 1, V 2, og V 3 er vekt av tildelingskriteria Døme: Tilbydar 1: totalpris: , 4 poeng på kriterium 2 og 5 poeng på kriterium 3 Tilbydar 2: totalpris: , 3 poeng på kriterium 2 og 3poeng på kriterium 3 P Ø tilbydar 1: *[1+ 0,10 * (5-4)/5+ 0,15 * (5-5)/5]= *(1+0,10* 0,2+ 0,15 * 0) = *1,02 = P Ø tilbydar 2: *[1+0,10 * (5-3)/5+0,15 * (5-3)/5]= I dette dømet vinn tilbydar 1 konkurransen. Tilbodet med lågast P Ø er det økonomisk mest fordelaktige tilbodet. Tildelingskriterium 1: Pris (P) er total pris i Vedlegg 7 for prosjektleiartenester. Vi ønskjer fastpris, med høve til indeksregulering, basert på estimert tidsbruk i høve til utarbeidd prosjektplan, jf. Tildelingskriterium 3.. Timepris, med høve til indeksregulering, basert på estimert tidsbruk utover utarbeidd prosjektplan, jf. Tildelingskriterium 3. Denne summen gir karakter på dette kriteriet. Tildelingskriterium 1 har vekt 1,00(v 1 ). Tildelingskriterium 2: Tilbydar skal gjere greie for kompetansen og erfaringa til den som skal utføre oppdraget som prosjektleiar. Det skal leggjast ved CV med oversikt over utdanning og referanseliste frå tidligare prosjekt ressurspersonen har leia eller hatt ei sentral rolle i, erfaring frå evaluering og rapporteringsarbeid og sekretariatfunksjon. Dokumentasjonen må synleggjere god kontakt med næringa, og dedikert ressursperson må ha evne og vilje til å kunne følgje prosjektet gjennom heile prosjekttida. Dette skal dokumenterast i Vedlegg 2. Tildelingskriterium 2 har vekt 1,00(v 2 ). Avvik blir rekna ut frå formel: (S m s 2 )/S m. Tildelingskriterium 3: Tilbydar skal utarbeide et forslag til løysing av oppdraget med ei prosjektplan. I prosjektplanen må det gjerast greie for ei framdriftsplan med milepæler, og gå klart fram kva for strategiar som vert lagt til grunn for gjennomføring av prosjektet. Kritiske suksessfaktorar og risikomoment må synleggjerast. Tidsbruk, tilgjengelegheit og prioritet vert og tillagt vekt i evalueringa av forslaget til løysing av oppdraget. Dette skal dokumenterast i Vedlegg 2. Tildelingskriterium 3 har vekt 1,00(v 3 ). Avvik blir rekna ut frå formel: (S m - s 3 )/S m. Konkurransegrunnlag Side 10 av 13

11 5.3 Eventuell avvising, avlysning eller forkasting I konkurransen vil avvisningsreglane i FOA til kome til bruk. Vi oppfordrar tilbydarane til å gjera seg kjend med desse. Oppdragsgjevar tar atterhald om retten til å avlyse konkurransen eller forkaste alle tilbod dersom det ligg føre sakleg grunn for det, jf. FOA Kontrakttype Kontrakten vil bli basert på vedlagt kontrakt. Det kan ikkje takast vesentlige atterhald mot kontrakten. 5.5 Atterhald Eventuelle atterhald må spesifiserast presist og eintydig i tilbodsbrevet og i eige vedlegg, og vere slik at oppdragsgjevar kan vurdere avviket (prissetje) utan kontakt med tilbydar. På generelt grunnlag vil Oppdragsgjevar minne om at i anbodskonkurransar der det ikkje kan forhandlast med tilbydarane, bør dei vere varsame med å ta atterhald. Regelverket krev avvising av tilbod med atterhald om Oppdragsgjevar ikkje kan evaluere kva atterhalda vil innebere for leveransen. 5.6 Særlege kontraktvilkår, jf. FOA 3-11 (2) Dersom det skal ytast tenester eller bygge- og anleggsarbeid som del av kontrakten konkurransen gjelder, skal følgjande føresegn med krav om gjengs løns- og arbeidsvilkår gjelde, jf. forskrift 8. februar 2008 nr. 112 om lønns- og arbeidsvilkår i offentlege kontraktar: Leverandøren skal sørge for at ansatte i egen organisasjon og ansatte hos eventuelle underleverandører ikke har dårligere lønns- og arbeidsforhold enn det som følger av tariffavtaler, regulativ eller det som er normalt for vedkommende sted og yrke. Dette gjelder bare for ansatte som direkte medvirker til å oppfylle kontrakten. Lederen av virksomheten er ansvarlig for at denne regelen etterleves. Alle avtalar leverandøren inngår som innebere utføring av arbeid under denne kontrakten skal innehalde tilsvarande føresegner. Dersom leverandøren ikkje etterlever klausulen, har oppdragsgjevar rett til å halde tilbake delar av kontraktsummen til det er dokumentert at forhaldet er i orden. Summen som blir haldt tilbake skal tilsvare ca. 2 gonger innsparinga for arbeidsgjevaren. Leverandøren skal på oppfordring leggje fram dokumentasjon om dei løns- og arbeidsvilkåra som blir nytta. Dokumentasjonsplikten omfattar også underentreprenørar (underleverandørar). 5.7 Melding om kontrakt Avgjerd om tildeling av kontrakt vert meldt i samsvar med FOA Vedlegg Oppdragsgjevar sine spesifikasjonar og føresetnader for tilbod og kontrakt: Konkurransegrunnlag Side 11 av 13

12 Oppdragsgjevar sine spesifikasjonar og føresetnader for tilbod og kontrakt: 1 Kontrakt Vedlegg 1: Oppdragsgjevar sin kravspesifikasjon Vedlegg 1.1: Nærare om prosjektet Rekruttering til marin sektor Vedlegg 2: Leverandøren sitt løysningsforslag Vedlegg 4: Prosjekt- og framdriftsplan Vedlegg 7: Prisskjema Konkurransegrunnlag Side 12 av 13

13 Denne fråsegna gjeld: HMT-Eigenfråsegn Verksemda sitt namn Organisasjonsnr/ Fødselsnr Adresse Land * Postnummer Poststad Eg stadfestar med dette at denne verksemda arbeider systematisk for å oppfylle krava i helse-, miljø- og tryggleikslovgivinga og ved det oppfyller krava i forskrift om systematisk helse-, miljø- og sikkerhetsarbeid i virksomheten (intenkontrollforskriften). 1 Eg stadfestar at verksemda er lovleg organisert i samsvar med gjeldande skatte- og arbeidsmiljøregelverk når det gjeld tilsette sine faglege og sosiale rettar. Eg aksepterar at oppdragsgjevar etter førespurnad vil bli gitt rett til å gå gjennom og verifisere verksemda sitt system for ivaretaking av helse, miljø og tryggleik. Dato Dagleg leiar Eg stadfestar med dette at det er satt i verk systematiske tiltak for å oppfylle ovannemde krav i helse-, miljø- og tryggleikslovgivninga. Dato [ ] Ingen tilsette Representant for dei tilsette * For utanlandske oppdragstakarar gjeld følgjande: Eg stadfestar med dette at det ved utarbeiding av tilbodet er tatt omsyn til helse-, miljø- og tryggleikslovgivninga som følgjer av forskrift om systematisk helse-, miljø- og sikkerhetsarbeid i virksomheter (internkontrollforskriften), fastsett ved kgl. res. 6. desember 1996 i medhald av lov 17. juni 2005 nr. 62 om og arbeidsmiljø, arbeidstid og stillingsvern mv. Eg aksepterer at oppdragsgjevar etter førespurnad vil bli gitt rett til å gå gjennom og verifisere verksemda sitt system for ivaretaking av helse-, miljø- og tryggleiksarbeid. 1 Fastsatt ved kgl.res. 6. desember 1996 nr i medhald av lov 17. juni 2005 nr. 62 om arbeidsmiljø, arbeidstid og stillingsvern m.v. Konkurransegrunnlag Side 13 av 13