Godkjenning av forslag til detaljreguleringsplan for Vest Åråhovde - del av gnr/bnr 98/2

Transkript

1 Hjartdal kommune Arkivsaksnr: 2018/24-37 Saksbehandler: Godkjenning av forslag til detaljreguleringsplan for Vest Åråhovde - del av gnr/bnr 98/2 Saksnr Utvalg Møtedato 38/2021 Utval for plan og utvikling /2021 Kommunestyret Vedtak i Kommunestyret : I medhald av PBL godkjenner Hjartdal kommune detaljreguleringsplan for Vest Åråhovde. Handsaming i Kommunestyret : Sondre Bondal tok opp sin habilitet da utbyggar er hans arbeidsgjevar Votering: Sondre Bondal er ikkje habil vedteke med 15 mot 1 stemme. Votering: Utval for plan og utvikling si innstilling samrøystes vedteke.

2 Vedtak i Utval for plan og utvikling I medhald av PBL godkjenner Hjartdal kommune detaljreguleringsplan for Vest Åråhovde. Handsaming i Utval for plan og utvikling : Saksordfører i kommunestyret ble Joar Lofthus. Votering: Rådmannens innstilling einstemmig vedteke. Rådmannens innstilling: I medhald av PBL godkjenner Hjartdal kommune detaljreguleringsplan for Vest Åråhovde. Samandrag: Plankontoret Hallvard Homme AS har utarbeidd forslag til detaljreguleringsplan for Vest Åråhovde, del av gnr/bnr 98/2 tilhøyrande John Bondal. Til saman er det føreslått 16 nye einingar for fritidsbusetnad. Planområdet er sett av til fritidsbusetnad i kommuneplanen og det er lagt opp til tilkopling til Russmarken reinseanlegg. Planforslaget vart handsama i utval for plan og utvikling den og har vore på høyring i seks veker. Saksopplysningar: Vest Åråhovde ligg like under fjellet Åråhovde, vest for Kovstulvatnet på 850 moh og har åtkomst frå Bondalsvegen. Planområdet grenser inntil eksisterande hyttefelt Åråhovde, som vart vedteke i Planområdet er synt med omsynssone H560 bevaring av naturmiljø/biologisk mangfald, og ras- og skredfare H310 i kommunekart. Det vart gjennomført oppstartsmøte med administrasjonen 1. desember Planoppstart vart varsla 13. februar 2018 og er i samsvar med gjeldande kommuneplan frå 2013 der John Bondal sitt område er sett av til framtidig byggjeområde for fritidsbusetnad. Det er føreslått 16 nye einingar for fritidsbustadar.

3 Planarbeidet stoppa opp i 2018 medan ein venta på overordna avklaringar frå fylkesmannen og kommunen om området skulle koplast til det kommunale vass- og avlaupsanlegget i Russmarken, eller om det eksisterande avlaupsanlegget skulle nyttast kombinert med borehol for vatn. Til varsel om oppstart i 2018 kom det inn åtte innspel til planarbeidet. Handsaming av planen vart starta opp att i januar Utval for plan og utvikling vedtok å leggje planen ut til offentleg ettersyn og høyringsfristen gjekk ut Det er utarbeidd ein rapport frå Skred AS Skredfarevurdering i bratt terreng (vedlegg 2), der det vert konkludert med at delar av planområdet kan vere utsatt for skred. Det har kome innspel frå Statsforvaltaren i Vestfold og Telemark, Statens vegvesen, Vestfold og Telemark fylkeskommune, NVE og Åråhovde hytteforening Statsforvaltaren i Vestfold og Telemark: Peikar på at den utarbeidde ROS-analyse er mangelfull, Statsforvaltaren tilrår at kommunen lagar ei ny ROS-analyse basert på nytt rettleiingsmatriell før regulering vert lagt fram til slutthandsaming, og at analysen vert følgd opp i reguleringsplanen. ROSanalysen bør vere basert på DSBs rettleier Samfunnstryggleik i arealplanlegginga til kommunen, frå 2017, og skal som eit minimum innehalde konkrete vurderingar av faremomenta, kva kjelder og opplysningar som er lagt til grunn for vurderingane og kven som har vore involverte i analysearbeidet. Statsforvaltaren meiner temaet ras- og skredfare er følgd opp på ein god måte. Det er laga eigen skredfarevurdering og tilrådinga frå den er følgd opp med omsynssoner og i plankartet med tilhøyrande planføresegn. Det er positivt at området skal koplast til det kommunale vass- og avlaupsanlegget i Russmarken, men det peikast på at det per i dag er utfordringar knytt til dagens anlegg. Statsforvaltaren syner til at det er dialog med kommunen om avvik som kom fram i eigenkontrollrapporten. Vidare syner Statsforvaltaren til at dei er kjent med at kommunen har set i gong ein prosess for å prosjektere og bygge nytt reinseanlegg som er i samsvar med krava i forureiningsforskrifta. Plan- og bygningsloven 27-2 stiller krav til at avlaup skal vere i samsvar med forureiningsregelverket før løyve etter plan- og bygningsloven vert gjeve. Dette inneber at før det vert gjeve løyve må avlaupsanlegget ha tilstrekkeleg kapasitet og overhalde krava i forureiningsregelverket. Kommunen må syte for at drifta av avlaupsanlegget ikkje er ulovleg. Statsforvaltaren tilrår difor at det vert teke inn eit rekkefølgjekrav i føresegnene

4 som òg sikrar at det ikkje kan gjevast løyve etter plan- og bygningsloven før det kan dokumenterast at avlaupshandteringa er i samsvar med forureiningsregelverket. Statens vegvesen: Ingen merknader til den mottekne høyringa. Vestfold og Telemark fylkeskommune: Fylkeskommunen meiner planforslaget har lagt til rette for gode felles opphaldsareal og areal for leik og utfalding. Vidare kommenterer dei at heile planområdet ligg under tregrensa og har store tomter utan alt for stor tettleik mellom bygga. Det peikar òg på at det er bra at store område er set av med omsynssone H310 rasfare. NVE: Syner til Statsforvaltaren si fråsegn i høve til nivået på ROS-analysen. NVE tilrår at det vert laga meir detaljerte føresegn for skredfare, som tek med moglegheita for sikring og fjerning av blokker ved sprengingsarbeid, og moglegheit for å avgrense faresona ved nærmare dokumentasjon av konsulent slik som omtala i rapporten frå Skred AS. NVE peikar på at rett heimel for omsynssone for fare er pbl 12-6 og 11-8 bokstav a. Kode for faresone er Ras- og skredfare H310_1. Vidare skriv NVE: «Det kan bli gitt rekkeføljeføresegner om at tomta må sikrast viss det skal bli bygd S2- tiltak i faresona. Det kan bli gitt føresegner om at sikringstiltak er søknadspliktige og skal detaljprosjekterast. Det kan bli gitt vilkår i rammeløyve om at sikring må vere utført og dokumentert før det blir gitt igangsetjingsløyve utover sikring.» Bekkane i området har lite nedslagsfelt, men NVE rår likevel til at det vert teke omsyn til vatnet ved bygging og plassering av bygg slik at det ikkje vert skader på bygg og vegar. Klimaendringar kan føre til meir intense nedbørhendingar og gje auka problem i hyttefeltet. Om bekkane har heilårsvassføring og er av ein viss storleik bør det leggjast ei omsynssone for flaum i plankartet med føresegner. Åråhovde hytteforening v/andreas Stensvold: Hytteforeininga peikar på to moment som dei meiner er viktige. Det eine gjeld eksisterande veg i øvre del av Åråhovde hyttefelt. Denne vegen er allereie bratt og smal, og det har vore fleire nestenulykker. Dette er spesielt der vegen er brattast mellom Åråhovde 152 og Åråhovde 170. I tillegg vert vegen kryssa av skiløype om vinteren. Foreininga bed utbyggar sjå på ei løysing om ein ny vegtrasé, eller eventuelt pålegg om å utbetre eksisterande veg før utbygging får starte. Det andre gjeld tilkopling til det offentlege leidningsnettet. Primært ynskjast det at noverande hytteeigarar slepp påkopling og sekundært at dei slepp påkoplingskostnadar. Innspelet kan lesast i si heilskap i vedlegg 9. Vurdering/kommentarar: Særutskrifta frå 1.gongs handsaming ligg vedlagt saka (vedlegg 8). Når det gjeld innspel frå Statsforvaltaren om avlaup syner rådmannen til pbl 27-2 som seier at: Før opprettelse eller endring av eiendom til bebyggelse eller oppføring av bygning blir godkjent, skal bortleding av avløpsvann være sikret og i samsvar med forurensningsloven. Rådmannen meiner dette er tilstrekkeleg. Det arbeidast no med ei midlertidig løysing med mobilt reinseanlegg som det skal søkast godkjenning for og ei permanent løysing på sikt. Faresoner for skred med årleg sannsyn større enn 1/1000 er vurdert til å gjelde delar av planområdet som synt i figur 1. Det er ikkje faresoner for skred med årleg sannsyn større enn 1/100. Skredfarevurderinga utarbeidd av Skred AS seier at faresonene kan

5 reduserast ved hjelp av fysiske sikringstiltak. Stipla ellipsar i figur 1 syner to områder der faresona kan fjernast, etter eventuelt sprengingsarbeid og ei geologisk vurdering av dei utsprengte skjeringane. Rådmannen meiner det er føremålstenleg å imøtekome innspelet frå NVE slik at ein kan fjerne desse små omsynsonene, og kan få ei enklare/betre utnytting av tomtene H4, H7 og H8. Innspelet frå Vestfold og Telemark fylkeskommune vert teke til orientering. Figur 1. Figur henta frå skredrapporten som syner faresoner. Administrasjonen har hatt dialog med utbyggjar, og på bakgrunn av NVE si uttale er det innarbeidd eit føresegn under rekkjefølgjekrav 5 c): I den tekniske prosjekteringa av tekniske anlegg kan utbyggjar gjennomføre rasteknisk vurdering og prosjektere med sikte på å avgrense rasfaren på tomter med omsynssone for ras og dermed auke byggbart område. Føresegnet gjev moglegheit for at ein i prosjekteringa kan gjere ytterlegare rastekniske vurderingar og tiltak med sikte på å auke det byggbare arealet pr. tomt. Ein vil òg kunne gjere ei direkte kost nytte vurdering av kva for gevinst ei eventuell rassikring gjev då dette ofte er omfattande og kostbare tiltak. Når det gjeld NVE sitt innspel om å ta omsyn til bekkane i området syner utbyggjar til at dette vert ivareteke ved teknisk prosjektering. I plan for det eksisterande Åråhovde hyttefelt er det eit krav i føresegna at privat veg inn i planområdet skal minimum ha standard tilsvarande vegklasse 3 for landbruksveg. For vegklasse 3 skal vegbreidde vere minimum 4,0 meter. Med vegbreidde meinast køyrebreidde pluss skulder på kvar side. Køyrebanen skal minimum vere 3,5 meter. Rådmannen meiner at spørsmålet om tilkoplingsplikt for det eksisterande hyttefeltet i Åråhovde ikkje er direkte relevant til Vest Åråhovde der dei uansett skal koplast til det

6 offentlege anlegget. Tilkoplingsplikt for det eksisterande hyttefeltet Åråhovde er noko som må handsamast i ein eigen prosess. Konklusjon: Reguleringsplan for Vest Åråhovde er i tråd med overordna plan og følgjer opp denne på ein god måte. Dette er òg i tråd med styringsdokumenter som samfunnsdelen og økonomiplanen ved at det leggjast til rette for fleire hytter i områder kor hyttene kan koplast til det offentlege anlegget. Rådmannen meiner at planen i hovudsak er i tråd med dei overordna føringane i kommuneplanen. Det er kome få innspel ved offentleg ettersyn og desse syner lita grad av konflikt. Rådmannen meiner alt ligg til rette for å godkjenne planen slik den ligg føre. Vedlegg: Plantekst pdf 2 Åråhovde Skredrapp.pdf 3 PLANFØRESEGNER Åråhovde plankart.pdf _Aaraahovde_VEG1 6 Uttale til reguleringsframlegg - Hjartdal - 98_2 Vest Åråhovde - reguleringsplan.pdf 7 NVE sin uttale - Offentleg ettersyn - Reguleringsplan for Vest Åråhovde - Del av gnr. 98 bnr. 2 - Hjartdal kommune.pdf 8 Særutskrift Forslag til reguleringsplan Vest Åråhovde - gnr/bnr 98/2 9 Innspill til reguleringsplanen vest Åråhovde docx