Tysnes kommune. ROS-analyse Reguleringsplan for næringsområde Dalland. 10. desember 2013

Transkript

1 Tysnes kommune ROS-analyse Reguleringsplan for næringsområde Dalland 10. desember 2013

2 INNHALD 2 1. FØREMÅL OG OMGREP Føremål 1.2 Omgrep 2. VURDERING AV MOGLEGE UØNSKA HENDINGAR 2.0 Planføresetnadar Planområdet Kommuneplanen 2.1 Naturgitte forhold Ras/Skred Geoteknikk Flaum Ekstrem nedbør Ekstrem vind Skog- og grasbrannar Plante-, dyreliv og naturtypar 2.2 Infrastruktur Vegar Industri og næringsliv i nærområdet Stråling 2.3 Prosjektgitte tilhøve Utbyggingsrekkjefølgje Tilgang til kollektivtransport Terrengformasjon 3. KRITERIA FOR RANGERING AV SANNSYN OG KONSEKVENSAR RISIKOMATRISE UØNSKA HENDINGAR MED MOGLEGE FØREBYGGANDE TILTAK FOR 15 NÆRINGSOMRÅDE DALLAND Konklusjon

3 1. FØREMÅL OG OMGREP 1.1 Føremål Føremålet med risiko- og sårbarhetsanalysar er å utarbeida eit grunnlag for planleggingsarbeidet slik at beredskapsmessige omsyn kan integrerast i den ordinære planlegginga, og at det kan gi betre grunnlag for beredskaps- og kriseplanlegging i samfunnet. 1.2 Omgrep Risiko uttrykker den faren som uønska hendingar representerer for menneske, miljø, økonomiske verdiar og samfunnsviktige funksjonar. Risiko er eit resultat av sannsynet for (frekvensen) og konsekvensane av uønska hendingar (DSB) Sårbarhet er eit uttrykk for eit system si evne til å fungera og oppnå måla sine når det blir utsett for påkjenningar (DSB) Sannsyn er eit uttrykk for kor hyppig ei hending kan ventast å inntreffa. Vurderinga må bygga på kjennskap til lokale tilhøve, røynsler, statistikk og anna relevant informasjon. Konsekvens er mogeleg verknad av ei hending. 2 VURDERING AV MOGELEGE UØNSKA HENDINGAR 2.0 Planføresetnadar Planområdet Planområdet er lokalisert på Øvre Dalland mellom Våge og Uggdal i Tysnes kommune i Hordaland. Planområdet er ca. 64,8 daa stort og grensar til fv. 49 i vest og LNF- områder i nord, sør og aust. Ca. 1 km nord for området er eit område for bustadutbygging på Øvre Dalland, og eit noverande næringsområde, Tysnes Industri AS i Eredalen ligg ca. 1 km sør for planområdet. Avkøyrsle til området er planlagt via fv. 49 og innbyrdes køyrevegar til eigedommane vil sikre god tilgang for næringsinteressene. Planområdet er i arealdelen til kommuneplanen i hovudsak avsett til framtidig næringsverksemd, med eit LNF- område sør i planområdet

4 2.0.2 Kommuneplanen Areal for næringsområde på Øvre Dalland vart lagt inn i arealdelen i kommuneplanen og godkjent av kommunestyre Området var tidlegare eit LNF- område. I dei generelle føresegnene til kommuneplanen sin arealdel står det fylgjande som kan vere aktuelt for planområdet: Byggeområde og område for LNF-spreidd som ligg innafor aktsemdområde for stein- og snøskred (kjelde- og utløpsområde) er fastsett med omsynssone for fareområde (Heimel: PBL 11-8 pkt.a). Innafor desse områda skal det gjennomførast geologisk undersøking før areal kan vurderast utnytta til nybygg med rom for varig opphald. Dette gjeld bygg til bustad, fritidsbustad, næring og offentlege føremål. Heimel: PBL 11-9 nr. 8. Innafor bygningar og anlegg, næringsverksemd står det fylgjande i føresegnene: Føremålet er næringsverksemd med tilhøyrande teknisk anlegg, vegar, parkering og anna fellesareal. Heimel: PBL 11-7 nr.1. Nye verksemder skal ikkje plasserast slik at dei vert til vesentleg ulempe for kringliggjande busetnad eller offentlege føremål m.o.t. støy, ureining eller andre negative konsekvensar med omsyn til miljøet. Det skal etablerast buffersoner innafor det regulerte næringsområdet mot kringliggjande område. Heimel: PBL 11-9 nr. 6. I framtidige næringsområde skal det leggjast til rette for energireduserande tiltak, som til dømes vassboren varme og biovarme. Heimel: PBL 11-9 nr. 3. I retningslinene for bygningar og anlegg står det fylgjande i føresegnene: Ved planlegging av byggeområde skal det dokumenterast korleis prosjektet tilfredsstiller krav til terrengtilpassing, fjernverknad, byggeskikk og tilpassing til eksisterande bygningar. Nybygg skal ha ei fleksibel energiløysning. I nye større byggefelt skal utbyggjar utgreia minimum eitt alternativ utover elektrisk kraft. I nye byggeprosjekt over 500 m 2 bruksareal skal det lagast eit energi- og effektbudsjett og greiast ut bruk av alternative energikjelder. I samband med utbygging bør det gjerast ei vurdering av trafikksituasjonen i området, med tanke på sanering av farlege eller potensielt farlege avkjørslar

5 Kommunestyret i Tysnes har vedtatt akseptkriteria for ny arealbruk ROS- analysen baserer seg på desse akseptkriteria og er utført i samsvar med «Veileder for kommunal risiko- og sårbarhetsanalyser», utgitt av Direktoratet for sivilt beredskap i Sjekklista for ROS- analyse på arealnivå er nytta, med tilsvarande hending/ situasjon som skal vurderast. ROS- analysen er utført med moment frå «Konsekvensutgreiing nye areal», vedlegg 1 i kommuneplanen sin arealdel , revidert Hending/situasjon Aktuelt? Natur- og miljøforhold Ja Nei Er området utsett for eller kan planen medføre risiko for: 1. Ras/skred (snø, stein, masse mm). x 2. Flaum (elv, bekk), ekstrem nedbør x 3. Stormflo, høgvasstand, store bølgjer, stigning av havnivå, ekstrem x Vind Menneskeskapte forhold Ja Nei Kan planen få konsekvensar for eller kan planområdet verta påverka av: 4. Støy frå veg, næring/industri eller anna x 5. Akutt forureining x 6. Anna forureining (forureining av grunn, deponi etc.) x 7. Transport av/ulukke med farleg gods x 8. Stråling (høgspent linje) x 9. Dambrot x 10. Brann, skogbrann og eksplosjon x 11. Regulerte vassmagasin med spesiell fare for usikker is, endringar i x vasstand mm 12. Naturlege terrengformasjonar som utgjer spesiell fare (stup mm). x 13. Ulukke i kryss og av- / påkjøring x 14. Ulukke med gåande/syklande x 15. Skipstrafikk x 16. Radon x 2.1 Naturgitte forhold Ras/ skred Steinsprang, snø, sørpe og lausmasseskred frå naturleg terreng Planområdet ligg ikkje innafor aktsemdområde steinsprang. Planområdet ligg innafor sone for snøskred både i aust og i vest. Utløysande årsaker til at ei slik hending kan oppstå er ekstreme vêrtilhøve og klimaendringar. I følgje kartbasen til senorge.no er normal årsmaksimum på snødjupna under 0,5 m dei siste ti åra. Dette er lite med tanke på å kunna danna samanhengande, store snødekke i skråningar med normal grad av terrengujamnheiter.

6 I følgje portalen er normalt årsmaksimum av snødjupn ved Dalland mellom 50 og 100 cm for normalperioden I frå planområdet og til Dallandsfjellet er årsmaksimum enda lågare med årsmaksimum mellom 25 og 50 cm. I fjellsida er det skogdekke frå toppen og ned, som vil redusera snøakkumulasjonen og vil avgrensa kor store snøflak som vil kunna losna i sida. Fjellforma er jamn og runda, slik at det ikkje ligg til rette for akkumulasjon av større snøfenner. Kommunen har også konkludert med at dei klimatiske tilhøva gjer at snøskred i praksis ikkje utgjer noko faremoment. Steinsprang (grått) og snøskred (raudt) utløysnings- og utlaupsområde. Kjelde: Kartdatabase, NVE Noregs vassdrags- og energidirektorat, Region Vest, skriv i sin merknad til oppstart av planarbeidet at fareområda for snøskred må innarbeidast i planen og synast som omsynssone. NVE tilrår at det vert gjennomført ei nærare vurdering av skredfaren. Endeleg vurdering og prosjektering av naudsynt sikringsarbeid for fjellskrentar må føretas når byggegroper og fjellskjeringar vert sprengt ut i utbyggingsfasen Geoteknikk I følgje kartbasen til NGU består planområdet av lausmassane tynn morene, som er hardt samanpakka og under 0,5m tjukt, og med bart fjell med stadvis tynt dekke. Planområdet ligg i grensa til torv og myr i Dallandsmyra. Berggrunnen i planområdet og i grensande områder består av meta granodioritt som i hovudsak består av kvarts og feltspat

7 Vi ser det som ikkje naudsynt med vidare geologiske undersøkingar av grunntilhøva, og bygningane kan fundamenterast etter byggtekniske forskrifter. Kombinasjon av snødekke og regn og/eller rask snøsmelting kan gje mindre sørpeskred som vil følgja bekkekløfter og søkk. Kart over lausmassar. Kjelde: Kartdatabase, NGU Flaum Elv, bekk Ei uønska hending på planområdet er ein 200 års flaum, der dei to bekkestrengane som går på planområdet kan verta flauma over og gjere vasskade på byggkonstruksjonar. Desse vert definert i ROS-analysen til kommunen til å delvis vere knytt til avrenninga frå myområdet, Dallandsmyra Ekstrem nedbør Avlaupsnettet kan svikta, og kummar og rister kan tetta seg til innafor planområdet. Dette medfører risiko for at vatnet tar nye vegar og vil kunne gjera materielle skader og øydelegge for verdiar. Store nedbørsmengder råkar Vestlandet årleg, utan at det fører til større skadar på materielle verdiar Ekstrem vind Sterk vind er vanleg langs heile Vestlandet, spesielt i vinterhalvåret, og då er det vind frå sør og søraust som er mest framtredande. Vind som fell trér har mindre tyding på planområdet, då desse er lokalisert langs heile kanten av planområdet. Det er færre og betydelegare mindre trær innafor området. Det er lite sannsynleg at desse fører med seg større skadar. Nye bygningar må dimensjonerast for å tole vindpåkjenningar Skog- og grasbrannar Planområdet ligg i eit småkupert landskap i eit avgrensa landskapsrom. Det er stadvis bart fjell i dagen. Ein eventuell skog- og grasbrann vil kunne råke næringsområde frå nord, vest og sør, og kan føre til store skadar dersom det spreiar seg inn i området. På grunn av storleiken til området, bruken av det, og nærleiken til sløkkjemannskap, vil ein skogbrann kunne kontrollerast før det spreiar seg inn på området. Brannstasjon er lokalisert i Uggdal

8 2.1.7 Plante-, dyreliv og naturtypar Området er i arealfordelinga lagt inn under typen skog, og det er ikkje gjort funn på spesielle dyreartar eller naturtypar i tilgjengelege databasar. Planområdet ligg i eit tilnærma urørt landskapsområde, med unntak av fv. 49 og ei høgspentline. Skogen har i hovudsak særs høg bonitet i tillegg til stadvis høg bonitet. Alderen på skogen er «ung» i store delar av planområdet, men går over til «eldre» og «gammal» skog mot aust. Det er ikkje registrert jordbruksinteresser eller aktiv skogsdrift innafor planområdet. Det er lagt til buffersone mot LNF- områda og mot veg for å dempe synleggjeringa av næringsområdet frå utsida, og for å skjerme mot støy. 2.2 Infrastruktur Vegar Det eksisterer ei avkøyrsle på planområdet i dag frå fv. 49, der vegklasse H2 er lagt til grunn. Denne har ingen eigne avkøyringsfelt mot planområdet, men ligg på ei lang open strekning som gir god sikt inn til, og ut frå området. Fartsgrensa på fv.49 er 80 km/t, og ÅDT er Eksisterande avkøyrsle frå fv. 49. Ulykke i kryss og av- / påkjøring ROS- analysen til kommunen skriv at ein uoppmerksam førar og uforsvarleg køyring kan vere utløysande årsak til ulykke i kryss, og at det må etablerast ny avkøyring frå fv. 49. Denne skal utformast i samsvar med krav i vegnormalane. Det er tidlegare registrert ei ulykke, lettare skadd, i nærområdet. Ulykke med gåande/ syklande ROS- analysen til kommunen skriv at ein smal veg, med ein uoppmerksam førar og uforsvarleg køyring kan vere utløysande årsak til ulykke med gåande/ syklande, då det ikkje er eige felt for mjuke trafikantar og fartsgrensa er 80 km/t. ca. 1 km mot Våge sentrum byrjar eigna felt for mjuke trafikantar. Det er nå lagt inn gang- og sykelveg langs fylkesvegen innafor planområdet

9 Trafikkstøy Det regulerte området ligg innafor raud og gul støysone frå fv. 49. Planområdet vil ha ei buffersone mot veg som vil fjerne noko av støyen utanfrå og inn, men sidan det er snakk om eit næringsområde, vil støyen også kunne gå frå næringsområdet og ut til nærområdet. Ingen bygg vil vere innafor raud eller gul sone grunna byggegrensa mot senterline av veg. Støydempande tiltak i utforming av bygg, eller skjerming langs veg er difor ikkje naudsynt. Støykart Kjelde:Statens vegvesen Industri og næringsliv i nærområdet Forureining og transport av farleg gods I høve til dei enorme mengdene med farleg gods som vert transportert på veg fører denne næringa til relativt få miljøskadelege utslepp. Det er ikkje spesielt mykje transport av farleg gods på denne vegen. Eksplosjonsfare Ein større eksplosjonsfare kan oppstå frå industriverksemdene som er særskilde brannobjekt. Desse har eigne ROS- analysar og tiltak for å hindre dette. Det er ikkje registrert aktivitetar som inneber spesiell eksplosjonsfare i nærområdet til planområdet Stråling Høgspent line Det er ei høgspentline som går gjennom planområdet, og det er ålment kjent at stråling frå høgspent anlegg kan medfare risiko. Med bruk av omsynssoner etter forskriftene vil risikoen for helseproblem grunna stråling verta svært låg, om ikkje usannsynleg. Radon Alle bygningane vert planlagt og bygd i samsvar med krav i TEK 10, forskrift om tekniske krav til byggverk, 13-5 Radon. Bygning skal prosjekterast og utførast med radonførebyggjande tiltak slik at innstrømninga av radon frå grunnen vert avgrensa. Radonkonsentrasjonen i innelufta skal ikkje overstige 200 Bq/m 3. Bygning berekna for varig opphald skal ha radonsperre mot grunnen

10 Bygning berekna for varig opphald skal tilretteleggast for eigna tiltak i byggegrunn som kan aktiverast når radonkonsentrasjon i inneluft overstiger 100 Bq/m 3, dette ledd gjeld ikkje dersom det kan dokumenterast at dette er unaudsynt for å tilfredsstilla kravet om 200 Bq/m Prosjektgitte tilhøve Utbyggingsrekkjefølgje - Det må sikrast akseptabel tryggleik i høve til skredfaren før utbygging finn stad innanfor omsynssona H310_36 og Det skal utarbeidast detaljert utomhusplan innanfor kvart av områda før tiltak etter Pbl 20-1 første ledd kan setjast i verk. - Før det vert gjeve bruksløyve til næringsområde skal frisiktsoner, areal for renovasjonsanlegg, køyreveg og parkeringsareal vera opparbeidd og skrentar ved nivåforskjellar må vere sikra. - Før det vert gjeve byggeløyve for bygningar, skal Tysnes kommune godkjenne plan for tekniske anlegg. - Før det vert gjeve bruksløyve eller ferdigattest for bygningar innanfor BN1 skal gang-og sykkelveg o_sgs1 vere opparbeidd etterkvart som feltet vert utbygd mot fylkesvegen. - Før det vert gjeve bruksløyve eller ferdigattest for bygningar skal avkjørsle til området vere godkjent av Tysnes kommune og Statens vegvesen Tilgang til kollektivtransport Det er haldeplassar for buss ved Hollekjeleitet, ca. 700 m sør for planområdet og ved ein tettare busetnad ved Øvre Dalland, ca. 500 m nord for planområdet. Busstilhøva tur- retur Uggdal Våge er svært gode, og det går bussar gjennom heile arbeidsdagen. Breidda på fylkesvegen varierer mellom 6,9-6,2 meter, noko som tilseier at kantstopp for buss i køyrefeltet er mogeleg, då vegklassen lagt til grunn er klasse H2 Andre hovudveger. Forureining, akutt og anna Akutt forureining vil alltid vere til stades ved transport av miljøskadelege produkt og kjemikalie til og frå eit næringsområde. Anna forureining, som forureining til grunn, deponi og liknande, vil alltid vere til stades på eit næringsområde. Då området er lokalisert utanfor større bustadområder, vil anna forureining vere eit lite potensielt problem. Transport av/ ulykke med farleg gods I høve til dei enorme mengdene med farleg gods som vert transportert på veg fører denne næringa til relativt få miljøskadelege utslepp. Eksplosjonsfare

11 Ein eventuell eksplosjonsfare er avhengig av kva slags næringsverksemder som etablerer seg på området. Ein slik eksplosjonsfare oppstår frå industriverksemder som er særskilde brannobjekt. I ROS- analysen over næringsområde på Øvre Dalland i vedlegg 1 til kommuneplanen legg ein til grunn at heile arealet vert omdisponert og tilrettelagt for tradisjonell næringsverksemd. Noko særleg stor eksplosjonsfare vil difor bli sett på som lite sannsynleg. Støy til omgjevnadene Planområdet ligg ikkje i tilknyting til større og konsentrert bustadområde, og eit potensielt problem med støy til omgjevnadene er svært liten. Dette vart det også konkludert med i ROS- analysen til kommunen. Det vert gjort krav til ny verksemd og at dei ikkje må føre til støy ut over grenseverdiane i føresegnene Terrengformasjon Då planområdet vil verta planert ut i fleire høgder, vil det stadvis vere høge skjeringar i sør og aust mot LNF- område. Resten av planområdet vil i hovudsak ha fyllingar mot LNF- område. Desse terrengformasjonane kan utgjere ein fare, og sikring av stup må innarbeidast på detaljnivå ved byggesøknad. 3. KRITERIA FOR RANGERING AV SANNSYN

12 Tysnes kommune har vedteke akseptkriteria og rangeringar for bruk i ROS-analysar. Inndeling av sannsyn og konsekvens Sannsyn Frekvens 1 Mykje sannsynleg Meir enn ei hending kvart 20. år 2 Sannsynleg Mindre enn ei hending kvart 20. år, men meir enn ei hending kvart 200.år 3 Noko sannsynleg Mindre enn ei hending kvart 200. år, men meir enn ei hending kvart 1000.år 4 Lite sannsynleg Mindre enn ei hending kvart år, men meir enn ei hending kvart 5000.år 5 Usannsynleg Mindre enn ei hending kvart år Konsekvens klassifisering: Konsekvens Liv og helse 1 Ufarleg/ubetydeleg Ingen eller små personskadar. Få og små personskadar som treng medisinsk handsaming. Fråvær avgrensa til bruk av eigenmelding. 2 Ein viss fare Inntil 5 alvorlege person- skadar eller mange små personskadar. Fråvær som krev sjukemelding. 3 Alvorleg/farleg Inntil 10 alvorleg skadde personar eller inntil tre dødsfall 4 Kritisk Inntil 25 alvorleg skadde personar eller inntil ti dødsfall 5 Katastrofal Fleire enn 25 alvorleg skadde personar eller fleire enn ti dødsfall Konsekvens Materielle verdiar/økonomi 1 Ufarleg/ubetydeleg Ingen eller ubetydeleg økonomisk kostnad, inntil 1 mill. kr. 2 Ein viss fare Kortvarig skade eller tap av samfunnsverdiar, mellom mill. kr 3 Alvorleg/farleg Skade eller tap av verdiar av noko varigheit, mellom 10 mill mill. kr 4 Kritisk Skade eller tap av verdi av lengre varigheit, mellom 90 mill. 300 mill. kr 5 Katastrofal Varig skade eller tap av samfunnsverdi, over 300 mill. kr Konsekvens Ytre miljø (luft, vatn og grunn) 1 Ufarleg/ubetydeleg Ingen eller ubetydelege miljøskadar. Utbetra av naturen sjølv etter kort tid 2 Ein viss fare Miljøskadar, kort restitusjonstid

13 3 Alvorleg/farleg Miljøskadar, < 1 års restitusjon 4 Kritisk Alvorlege miljøskadar, > 1 års restitusjon 5 Katastrofal Svært alvorlege miljøskadar, irreversibel skade Konsekvens Samfunnsviktige funksjonar 1 Ufarleg/ubetydeleg Systemet vert midlertidig sett ut av drift. Ikkje trong for reservesystem 2 Ein viss fare Systemet vert midlertidig sett ut av drift. Dersom det ikkje finst reservesystem/alternativ kan det ha konsekvensar for liv og helse, miljø og økonomi. 3 Alvorleg/farleg Driftsstans inntil 1 veke. 4 Kritisk Systemet vert sett ut av drift i fleire veker og månader. 5 Katastrofal Hovud- og avhengige system vert sett permanent ut av drift

14 4. RISIKOMATRISE ROS- analysemal for illustrasjon av kva risiko/ sårbarheit som er lokalisert innan planområdet: HELSE OG LIV MILJØ ØKONOMI SAMFUNN Sannsyn Konsekvens Risikomatrisa har tre soner; grøn, gul og raud. Matrisa er inndelt i 4 matriser for kvart tema (liv og helse, miljø, økonomi og samfunnsviktige funksjonar). Sannsyn og konsekvens er inndelt i 5x5. Akseptkriterier Ved gjennomføring av ROS-analyse for nye utbyggingsområde skal det leggjast til grunn følgjande akseptkriterium: Uakseptabel risiko Middels risiko Akseptabel risiko Tiltak skal settast i verk for å redusera risikoen. På kommuneplannivå vil det bli sett krav om ROS-analyse for alle detaljplanar. Det skal gjennomførast ytterlegare undersøkingar/utgreiingar for å belysa risikoen (ROS-analyse). Risiko bør vurderast med omsyn til tiltak som reduserer risiko. Gjennomføring av tiltak skal vurderast i høve til kost - nytte. På kommuneplannivå vil det bli sett krav om ROSanalyse for alle detaljplanar. Kommunen kan, basert på tiltaket sitt innhald, utforming og lokalisering, også krevje ROS-analyse i byggesak. Risiko er i utgangspunktet akseptabel. Det bør i kvar enkelt byggesak vurderast om det må gjennomførast førebyggjande tiltak. (På kommuneplannivå skal det likevel stillast krav om ROS-analyse for alle detaljplanar.)

15 5. UØNSKA HENDINGAR MED MOGLEGE FØREBYGGANDE TILTAK I REGULERINGSPLAN FOR NÆRINGSOMRÅDE DALLAN HELSE OG LIV MILJØ ØKONOMI SAMFUNN Sannsyn Konsekvens Avsluttande kommentar med førebyggande tiltak 1 og 2. Det vert lagt faresone for byggeareal som overlappar med risiko for snøskred. Faresonene vert innarbeidd i planen og synast som omsynssone med tilhøyrande føresegner. Ei nærare vurdering av skredfaren er tilrådd av NVE, der det må nyttast tilstrekkeleg fagleg kompetanse, og underleggjast kontroll av sidemann eller uavhengig part. 3. Bekken som går langs fv. 49 vest på området vil ligga open, i buffersona til næringsområde, og ligg i urørt terreng med plass for å utvida seg ved ein eventuell flaum. Bekken som går ned på området frå Vågsåsen til Dallandsmyra vil verta lagt i røyr gjennom området, og må dimensjonerast etter forskriftene. Ved opparbeiding av næringsområdet, vil området verte planert på ulike høgder. Avrenninga frå myra, som ligg på eit lågare nivå, vil ikkje verta påverka av utbygginga, slik vi kan sjå. På bakgrunn av dette ser vi det ikkje som naudsynt med byggegrense opp mot bekkane, då desse risikoreduserande tiltaka vil sikre næringsområdet mot øydeleggingar grunna ein 200 års flaum. 4. Fall utenfor høge skrentar. Området er i dag lite nytta av ålmenta og born og unge, det er difor lite sannsynleg at nokon ferdast og fell ned ved skrentar. Skrentar vil også verta sikra med gjerde el.l. Ei sånn hendelse vil i liten grad påverke miljø, økonomi eller samfunn. 5. ROS- analysen til kommunen skriv at ein uoppmerksam førar kombinert med uforsvarleg køyring kan vere utløysande årsak til ulykke i kryss, og at det må etablerast ny avkøyring frå fv. 49. Denne må vere akseptabel i høve til gjeldande krav, der fartsgrensa er 80 km/t, og ÅDT er Eksisterande avkøyrsle vil difor verta dimensjonert etter føremålet på

16 planområdet, med tilhøyrande krav til utforming. Denne typen hending vil i liten grad påverke miljø og samfunn. 6. Det er gode busstilhøve til og frå Våge og Uggdal. Ved å etablere skilta busstopp og eige felt for gåande og syklande i tilknyting til næringsområde, vil ein sikre tilgjenge til området for mjuke trafikantar fram til det vert etablert gjennomgåande gang- og sykkelveg mellom Våge og Uggdal. 7. Akutt og anna forureining vil vere til stades på eit næringsområde. Førebyggjande tiltak vil her vere å ha gode rutinar, korrekt oppbevaring og lagring av miljøskadelege produkt og kjemikalie, til og frå næringsområde. Forureining til grunn og liknande vil vere lokalisert til næringsområde, som ligg utanfor større bustadområde. Førebyggjande tiltak kan vere anlegg for filtrering, avskilling og forbrenning av farlege stoff som vil redusere slik ureining. Det er lagt opp til ei buffersone mot tilgrensande områder, og byggegrense mot veg er satt til 30m. Vi ser det ikkje som tenleg å ha ei byggegrense på 50m, då det tidlegare er nytta 30 meters byggegrense ved bygging av industribygget på næringsområdet til Tysnes Industri as i Eredalen. Vegstrekninga til fv. 49 er rett med få kurvar og krev mindre område for utviding ved ein seinare anledning. Eit poeng som er henta og formulert ut ifrå ROS- analysen til Tysnes kommune, der industriområdet vert framstilt i høve til samfunnet: Næringsarealet vil skapa auka aktivitet i området og kommunen. Det er lokalisert strategisk til langs aksen Uggdal-Våge. Etableringa av nytt næringsområde vil skapa nye arbeidsplassar både i anleggsfasen og driftsfasen. Avhengig av type næring kan nytt næringsareal skape positive ringverknader for Tysnes kommune og andre verksemder i området og regionen. Ny og vidareutvikling av nærings-/industriområde vil vere positivt for Tysnes kommune, både i høve til arbeidsplassar samt potensiale for tilflytting og auke i folketal. Konklusjon Med dette ser vi ikkje at næringsområdet kan ha særlege negative konsekvensar på nærområdet eller Tysnes, og at næringsområdet vil skape positive ringverknader for kommunen og andre verksemder i regionen. Ei nærare vurdering av skredfaren med tilstrekkeleg fagleg kompetanse må utførast før områda med omsynssone kan nyttast til nybygg med rom for varig opphald. Føresegnene set krav til fagleg vurdering av snøskredfare innafor omsynssonene 310_36 og 310_37. Det er sett rekkefølgekrav til opparbeiding og godkjenning av avkjørsle