2. Fylkesutvalet er imot mellombelse løysingar som inneber ferje.

Transkript

1 Pressemelding HORDALAND FYLKESKOMMUNE Organisasjonsavdelinga Informasjonsseksjonen 5020 Bergen Telefon E-post: Bergen 13. oktober 2011 Hordaland fylkesutval sitt møte i Bergen 13. oktober Vil utgreia to alternativ for ferjefri E39 Bergen-Stord Bru over Bjørnefjorden (alternativ K4C) og eller kryssing over Ådlandsfjorden og Samnangerfjorden (alternativ K5B) er dei to alternativa som må arbeidast vidare med for å få ferjefri E39 mellom Stord og Bergen, seier Hordaland fylkesutval i høyringsfråsegna si til Statens vegvesen region vest. Fylkesutvalet sitt vedtak: «1. Fylkesutvalet meiner at redusert reisetid mellom Stord og Bergen, betre integrasjon og utviding av arbeidsmarknaden i planområdet samt omsynet til moglege transport- og næringsmessige tilleggsgevinstar må vera sentrale mål for ein ny trasé for E39 mellom Aksdal og Bergen. Fylkesutvalet vil sterkt understreka at trasévalet må vera finansielt akseptabelt og raskt realiserbart. Overordna transportpolitiske og transportøkonomiske omsyn for vestlandsregionen tilseier at ferjefri strekning mellom Stord og Bergen må vera på plass parallelt med eller umiddelbart etter at sambandet i Rogaland vert ferjefritt. Fylkesutvalet syner til dette og går inn for at det vert arbeidd vidare med dei ferjefrie konsepta K5B (kryssing over Ådlandsfjorden og Samnangerfjorden) og K4C (med bru over Bjørnefjorden). 2. Fylkesutvalet er imot mellombelse løysingar som inneber ferje. 3. Det vidare arbeidet med to alternativ må ikkje forseinka framdrifta på KVU Aksdal- Bergen i høve handsaming av neste NTP.» Fylkesutvalet sitt vedtak vart gjort med 14 (H, KrF, Frp, Ap, Sp, V) mot 1 (SV) røyst. Forsalget som vart vedteke, vart sett sett fram av Gisle Handeland (Ap). Magnar Lussand (Sp) røysta primært for eit eige forslag om at fylkesutvalet skulle gå inn for at berre alternativ med kryssing over Ådlandsfjorden og Samnangerfjorden (alternativ K5B), skal utgreiast vidare. Etter at dette forslaget fall, gjekk han subsidiert inn for Arbeidarpartiet sitt forslag. Mette Holmefjord Olsen (SV) røysta for eit eige forslag som m..a. sa at ei fjordkryssing over Bjørnefjorden ikkje kan sameinast med mål som er sette for transportpolitikken i fylkesplanen.

2 Vil ha vurdert flybussanbod Hordaland fylkesutval vil ha vurdert om løyve til å køyra flybuss skal lysast ut på anbod. Etter fellesforslag frå H/KrF/Frp vedtok fylkesutvalet 13. okotber å få lagt fram prinsippsak med vurdering av konkurranseutsetting av tildeling av flybusskonsesjoner i løpet av Forslaget vart sett fram av Tom-Christer Nilsen (H) på vegner av dei tre partia. Forslaget vart teke opp i samband med søknader om fornying av flybussløyve. Vanleg praksis til no har vore å gje konsesjon på flybuss for 10 år. Ved fornyinga no vert konsesjonstida berre lengd med to år im påvente av vurdering av konkurranseutsetjing. Flybussen i Bergen Tide Buss får fornya nogjeldande løyve for flybuss mellom Bergen sentrum og Bergen lufthamn i to år, har Hordaland fylkesutval vedteke. Løyvet skal gjelde til 31. desember Det er eit krav at flybussen skal vera tilpassa alle, uavhengig av funksjonsevne. Fylkesutvalet føreset at Tide Buss vurderer å innføra rabatt for studentar, honnørreisande og tenestepliktige. Ruteplan og takstregulativ skal godkjennast av fylkeskommunen. «Snøggbåtbussen» Bergen Minibuss Service AS får fornya ruteløyve for snøggbåtbussen på strekninga Flesland kai- Bergen lufthamn år. Løyvet skal gjelde for to år på vilkår at drifta vert tilrettelagt for personar med nedsett rørsleevne. Samferdsleavdelinga i fylkeskommunen får fullmakt til å inngå avtale med Bergen Minibuss Service om rydding, brøyting og tilsyn/vedlikehald av lys og lanterner ved Flesland kai. Rår til Herfindalen kraftverk Fylkesutvalet i Hordaland rår til at det vert gjeve løyve til bygging av Herfindalen kraftverk i Vaksdal, går det fram av fylkesutvalet si høyringsfråsegn til Noregs vassdrags- og energidirektorat. Norsk Grønnkraft har søkt om utbygging av Herfindalen kraftverk i Vaksdalsvassdraget. I nedre del av vassdraget er det to eksisterande kraftverk eigd av Norsk Grønnkraft, medan det i fjellet er fleire eldre reguleringsmagasin. To av magasina vil verta nytta i utbygginga, men utan endra reguleringshøgder. Damanlegga må utbetrast, og røyrgata vert graven ned på ei 2 km lang strekning. Utbygginga vil gje 11,8 GWh ny kraft. Fylkesutvalet seier i vedtaket at etablering av røyrgate og anleggsveg bør gjerast med varsemd i terrenget. Det bør setjast krav om minstevassføring i Fossen som sikrar gode opplevingskvalitetar for friluftsliv og landskap, og som samstundes ivaretek det biologiske mangfaldet kring fossen. Fylkesutvalet set som krav at undersøkingsplikta etter 9 i Kulturminneloven vert oppfylt i god tid før iverksetjing av tiltak. Dersom det vert avdekka konflikt med automatisk freda kulturminne, må tiltaka justerast eller eventuelt leggjast fram for Riksantikvaren som rette dispensasjonsmynde. 2

3 Konsesjonssøknad for kraftverk i Herfindalen har vore på vent hos Noregs vassdrags- og energidirektorat (NVE) frå 2006 då det i samband med utarbeiding av vassdragsrapport for samla plan vart avdekka konflikt med BKK planar om overføringar til Samnangervassdraget. Då BKK ikkje har arbeidd vidare med planane, har NVE no valt å opne for vidare konsesjonshandsaming av kraftverk i Herfindalen. Tilrår bompengar til Stord vestside Hordaland fylkesutval går inn for at søknad om å krevja inn 40 mill. kr i bompengar til opprusting av Fv 545 mellom Sagvåg og Fitjar skal sendast til Vegdirektoratet for vidare handsaming. Tilrådinga i fylkesutvalet vart gjort med 11 (H, KrF, Ap, SV, Sp) mot 3 (Frp) røyster. Hordaland fylkesting skal handsama saka på møte 18. oktober. Søknaden som no skal sendast, er identisk med den fylkestinget i juni i år vedtok å senda på høyring. Kommunane Stord og Fitjar stør søknaden om delvis bompengefinansiering av Fylkesveg 545 mellom Sagvåg og Fitjar, medan Os kommune finn det rett å avslutta bompengeinnkrevinga Bompengeinnkrevjinga på ferjesambandet Halhjem-Sandvikvåg går mot slutten. Pengane er nytta til opprusting av E39 over Stord. No skal bompengebruken flyttast frå austsida til vestsida. Planen er å krevje inn bompengar på ferja i to år til og finansiere 40 millionar kroner. Bompengane skal krevjast inn med 20 millionar i 2013 og 20 millionar i Dei siste to åra har bilistane betalt litt over 20 millionar kroner årleg i bompengar på ferjestrekninga. Minikraftverk i verna vassdrag Det bør gjevast klarsignal for bygging av minikraftverket Espeland kraftverk i Odda kommune sjølv om det er lokalisert i eit verna område, meiner eit samrøystes Hordaland fylkesutval. Utbygginga er venta å gje 4,9 GWh årleg. Prosjektet er kostnadsrekna til 14,7 mill. kr som gjev ein utbyggingspris på 3,00 kr/kwh. Det er lagt opp til slepp av minstevassføring. Det er den lokale fallrettseigaren som har søkt om utbygginga. Elva der utbygginga kjem, er del av det verna Opo m/låtefoss vassdraget, og kraftverket er planlagt om lag 0,3 km sør for Låtefossen og 18 km frå Odda tettstad. Utbygginga inneber bygging av ein inntaksdam ved tjørna Loni, og eit 706 m langt nedgrave inntaksrøyr til kraftstasjon som vert liggande i dagen ovanfor Espelandsfossen. Fylkesutvalet seier i vedtaket at dei ikkje kan sjå at utbygginga av Espeland kraftverk vil vera i vesentleg konflikt med viktige regionale interesser eller med vernegrunnlaget for Opo m/låtefoss vassdraget. Ein finn difor ikkje grunn til å rå i frå utbygginga, sjølv om den er lokalisert i eit verna vassdrag. 3

4 Det vert stilt krav om at undersøkingsplikta etter 9 i Kulturminnelova vert oppfylt i god tid før iverksetjing av tiltak. Detaljplan med alt planlagt inngrep av varige og mellombels karakter må sendast på høyring til Hordaland fylkeskommune som regional styresmakt innan kulturminnevern. Dersom det vert avdekka konflikt med automatisk freda kulturminne, må tiltaka justerast eller eventuelt leggjast fram for Riksantikvaren som rette dispensasjonsmynde. Fylkesutvalet vil be om at ein vurderer kor stor del av vassføringa i Espelandselva som kan fråførast før det vert til skade for viktige naturtypar i elva, eventuelt om det er trong for kartlegging av fossesprøytsoner og bekkekløfter dersom kunnskapsgrunnlaget er for dårleg i dag. Her må vurderingar frå fagetatane innan miljø tileggjast stor vekt. (Dette punktet vart vedteke mot 1 røyst (Sp).) Går for utvida hjortejakt Hordaland fylkeskommune støttar høyringsforslaget om å utvida den ordinære jakttida på hjort frå og med 1. september til og med 23. desember, har Hordaland fylkesutval vedteker. Fylkesutvalet går inn for dette for at jakttida ikkje vert ein avgrensande faktor i forhold til å få kontroll med utviklinga i hjortebestanden framover. Hordaland fylkeskommunen rår til at jakttida på rugde i Hordaland vert minst fram til og med 15. november, og viser til den tradisjonsrike jakta på rugde i fylket. Fylkesutvalet rår også til at det framleis kan opnast for jakt på grågås 15 dagar før ordinær jaktstart. Tidsrommet det kan jaktast på i tidlegjakta bør kunne tilpassast lokale forhold, heiter det i fråsegna som vert sendt Direktoratet for naturforvaltning. Krev snøggbåtsvar frå BNR Hordaland fylkesutval ber BNR snarast og seinast innan starta snøggbåt mellom Nordhordland og Bergen slik selskapet har konsesjon for. Fylkesutval ber også om at BNR snarast må gje fylkeskommunen melding om dei ynskjer å starta ruta i tråd med den gjevne konsesjonen. Fylkesutvalet vil ha utgreidd kva handlingsrom fylkeskommunen har til å kunna lysa ei båtrute Nordhordland-Bergen ut på anbod. I utgreiinga skal ein få fram dimensjonering av eit snøggbåttilbod sett i forhold til det eksisterande busstilbodet. Like eins skal korrespondanse mellom buss og båt vurderast. Fylkesutvalet sitt vedtak (samrøystes): «1. Fylkesutvalet tek rapporten frå Synovate Ltd. til orientering. 2. Fylkesutvalet viser til rapporten frå Synnovate Ltd og ber om at konsesjonshavar på båtruta mellom Nordhordland og Bergen startar opp snøggbåtruta snarast råd og seinast innan Fylkesutvalet ber om at konsesjonshavar på strekninga snarast gjev fylkeskommunen tilbakemelding om ein ynskjer å starta opp rute i henhold til gjeven konsesjon. 4

5 4. Det må parallelt arbeidast med å få fram ei sak der ein ser på handlingsrommet i forhold til dimensjonering og korrespondanse med det øvrige kollektivtilbodet, samt utlysing av ny anbodsrunde for båtruta.» Tilskot til Bergen-Os bompengeselskap Hordaland fylkesutval har løyvd kr til drift av Bergen-Os bompengeselskap AS. Fylkeskommunen eig 52 % av aksjane i selskapet og Bergen og Os kommunar 24 % kvar. Bergen-Os bompengeselskap AS har søkt om tilskot på 1,5 mill. kr frå eigarane, fordelt med kr frå fylkeskommunen og frå kvar av kommunane. Fylkesrådmannen har teke opp med Vegdirektoratet om desse midlane kunne dekkast av komande bompengeinntekter, men har fått avslag. Inneklimatiltak ved vg-skular Til inneklimatiltak ved Øystese gymnas har Hordaland fylkesutval løyvd 1,5 mill. kr. Midlane skal gå til nytt ventilasjonsanlegg i festsalen og avdelinga for tilrettelagt opplæring- Arbeidet er det planen å utføra i haust og våren Til betre inneklima ved Manger folkehøgskule har fylkesutalet løyvd kr. Dette er første løyving i ei utbygging som vert planlagt i fleire trinn. Første del er tiltak for å betra inneklimaet i eit øvingsrom i det såkalla Tekstilbygget ved skulen. Noko av summen skal nyttast til planlegging av fleire tiltak, mellom anna i storesalen, med sikte på vidareføring i Til enøk-tiltak ved Manger folkehøgskule er det løyvd kr. Pengane skal finansiera ny varmepumpe og etterisolering av tak i storesalen som vert nytta til konsertar, øving og gymnastikk. Ved Laksevåg videregående skole skal det gjennomførst brannsikringstiltak som det er løyvd kr til. I 2009 vart det løyvd kr til nytt brannalarmanlegg og skifting av nokre branndører. Arbeidet har vorte meir omfattande en føresett, dermed er det nødvendig med denne tilleggsløyvinga. 5