Pressemelding. Dyrare Amalie Skram vgs. opnar i 2014 HORDALAND FYLKESKOMMUNE

Transkript

1 Pressemelding HORDALAND FYLKESKOMMUNE Organisasjonsavdelinga Informasjonsseksjonen 5020 Bergen Telefon E-post: Bergen 18. oktober 2011 Hordaland fylkesting sitt møte i Bergen 18. oktober Dyrare Amalie Skram vgs. opnar i 2014 Kostnadsramma for Amalie Skram vidergeående skole i Bergen må aukast med 100 mill. kr. Opninga av skulen vert seinka med eitt år og vert ved skulestart hausten Hordaland fylkesting har godkjent ny kostnadsramme på 830 mill. kr. Amalie Skram videregående skole og Bergen kommune sitt nye symjeanlegg vert bygd som eit felles prosjekt på Nygårdstangen. Det har lenge vore kjent at bassengdelen i prosjektet er forseinka. Dette har også forseinka arbeidet med skulen der fylkeskommunen også har fått ein stor kostnadsauke knytt til grunnarbeida. Grunnarbeida er no avslutta og det er laga ein ny framdriftsplan for prosjektet. Denne syner at byggjearbeida kan avsluttast tidlegast i oktober 2013, og at skulen såleis kan takast i bruk til skuleåret 2014/2015. Det er laga eit nytt kostnadsoverslag med grunnlag i den oversikten som ein no har. Det er postane knytt til risiko og prisstigning som har endra seg. Fylkesrådmannen har difor rådd til at kostnadsoverslaget vert auka med 100 mill. kr. til 830 mill.kr. Kostnadsoverskridingar for grunnarbeida knytt til skuledelen utgjer 30 mill. kr og skuldast at ein måtte fjerna monaleg større mengder ureina massar enn det som var tatt med i kontrakten. Det er også andre utegløymde postar knytte til grunnarbeidet, mellom anna grøftar for leidningar. Alle kontraktane skal regulerast for løns- og prisauke frå tilbod til utføring. Den forseinka framdriften vil føra med seg om lag 40 mill. kr i auka kostnader. Kostnadene knytte til prosjektleiing er også auka. Nils-Olav Nøss (Ap) sette fram forslag om at «Fylkestinget føreset at det vert gjennomført ein prosjektrevisjon av dette byggjeprosjektet.» Nøss ville ha gjennomført revisjonen no. Forslaget fekk 20 røyster (Ap, SV, Raudt.) og fall. Protokolmerknad Terje Søviknes sette fram slik protokollmerknad på vegner av FrP, H, V og KrF:

2 «Fylkestinget meiner prosjektet Amalie Skram videregående skole og symjeanlegg på Nygårdstangen bør vera gjenstand for ein revisjon i etterkant av ferdigstillelse. Fokusområde bør vera grunnlag for prosjektet, kostnadsstyring, prosjektleiing og trekkja lærdom av prosjektorganiseringa.» Vedtok Regional plan for Hardangervidda Hordaland fylkesting vedtok 18. oktober Regional plan for Hardangervidda. Fylkestinget ber om at det i samarbeid med Buskerud og Telemark fylkeskommunar vert lagt fram ei eiga sak om vidare oppfølging av handlingsprogrammet. Vedtaket, som var samrøystes, er gjort under føresetnad av at Buskerud og Telemark fylkeskommunar gjer likelydande vedtak. Magnar Lussand (Sp) har vore Hordaland fylkeskommune sin saksordførar for planen. Eit viktig spørsmål som planen tek stilling til er avgrensing av nasjonalt villreinområde. Det aller meste av snaufjellsområda på Hardangervidda er føreslått innlemma i dette. Føringar for fritidsbusetnad, utmarksnæring og friluftsliv Det er ein føresetnad at planen også skal leggja til rette for næringsutvikling og friluftsliv, men omsynet til villreinen ligg i botn. Viktige prinsipp i planen er mellom anna: Ingen ny fritidsbusetnad skal byggjast innanfor nasjonalt villreinområde eller i snaufjellet Det skal vere mogleg å drive ulike typar utmarksnæring på Hardangervidda, men det må skje med omsyn til villreinen Tyngre utbygging av fritidsbusetnad og reiselivsutvikling skal leggjast til område som allereie er tatt i bruk til føremålet Friluftsliv skal stimulerast, men ferdsel styrast utanom dei viktigaste villreinområde. Sti- og løypeplanar vil vere eit viktig verkemiddel for kanalisering av ferdsel. Styringsgruppa tilrår at Rv 7 skal vere vinteropen, men at den skal kunne stengast når det er villrein i området. Dette er ei vidareføring av dagens rutinar. Føringar for kommunal planlegging Regional plan for Hardangervidda avgjer ikkje detaljerte lokaliseringsspørsmål. Den er grovmaska og ikkje juridisk bindande, og er føresett følgt opp i vidare kommunal planlegging. 2

3 I Hordaland vedkjem planen kommunane Eidfjord, Odda, Ullensvang og Ulvik. Utgangspunkt Utgangspunktet for planarbeidet har vore at Noreg er einaste landet i Europa som har fjellområde med villrein og det er derfor eit nasjonalt mål og ansvar å sikra villreinen i norsk fauna. Fylkeskommunane har på oppdrag frå Miljøverndepartementet fått ansvaret for å utarbeida regionale planar for fjellområde som er spesielt viktige for villreinen si framtid. Handlingsprogram Handlingsprogrammet skisserer ei rekkje oppfølgingspunkt, både av forvaltningsretta, planretta og kunnskapsretta art. Realisering av dette krev både organisering og økonomi. I saka som fylkestignet har bede om, vil det kome ei avklaring i forhold til vidare koordinering og oppfølging av handlingsprogrammet. Handlingsprogrammet, slik der er omtala i plandokumentet, inneheld desse punkta: Etablere Hardangerviddarådet (Fylkeskommunane) Rullere regional plan for Hardangervidda (Fylkeskommunane) Kommunal planoppfølging (Kommunane) Samferdsel over Hardangervidda (Hardangerviddarådet) Fjellandbruket (Hardangerviddarådet) Kommunale stig- og løypeplanar (Kommunane) Kommunale motorferdselsplanar (Kommunane) Utmarksnæringar i Landbruks-, natur og friluftsområde (Fylkeskommunane) Villreinens arealbruk (Fylkeskommunane) Lufsjåtangen (Fylkeskommunane) Friluftsliv som tek omsyn til villrein (Fylkeskommunane) Ferdsel og verknad på villrein (Fylkeskommunane) Kartlegging av fritidsbruk og opplevingar (Fylkeskommunane) Villrein som reiselivsattraksjon (Fylkeskommunane) Miljøsertifisering av reiselivet (Kommunane) Gondolbane ved Odda (Odda kommune) Bompengesøknad for Stord vestside Hordaland fylkesting har vedteke å senda søknad om å krevja inn 40 mill. kr i bompengar til opprusting av Fv 545 mellom Sagvåg og Fitjar til Vegdirektoratet for vidare handsaming. Vedaket vart gjort mot 16 røyster (Frp og Raudt). 3

4 Søknaden som no skal sendast, er identisk med den fylkestinget i juni i år vedtok å senda på høyring. Kommunane Stord og Fitjar stør søknaden om delvis bompengefinansiering av Fylkesveg 545 mellom Sagvåg og Fitjar, medan Os kommune finn det rett å avslutta bompengeinnkrevinga Bompengeinnkrevjinga på ferjesambandet Halhjem-Sandvikvåg går mot slutten. Pengane er nytta til opprusting av E39 over Stord. No skal bompengebruken flyttast frå austsida til vestsida. Planen er å krevje inn bompengar på ferja i to år til og finansiere 40 millionar kroner. Bompengane skal krevjast inn med 20 millionar i 2013 og 20 millionar i Dei siste to åra har bilistane betalt litt over 20 millionar kroner årleg i bompengar på ferjestrekninga. Vedtak i saker i Hordaland fylkesting 18. okotber 2011: 42/11 FORVALTNINGSREVISJON INNAN TANNHELSE I HORDALAND FYLKESKOMMUNE - RAPPORT Fylkestinget ber om at fylkesrådmannen: 1. prioriterer å samarbeide med kommunane om betre system for å sikre rettane til pasientar med heimesjukepleietenester (jf. lov om tannhelsetenester 1-3 c). 2. har fokus på å bidra med gode løysingar for å minske belastninga på dei kommunale tenestene, på bakgrunn av at sentralisering av tannhelsetenesta gjev dei minst mobile brukarane lengre reiseveg når dei treng tannlegebehandling. 3. rettar opp systemsvikten som gjer at ein ikkje får oppdatert informasjon frå Folkeregisteret, slik at prioriterte grupper blir sikra det tilbodet dei skal ha etter lova (lov om tannhelsetenester 1-3). 4. finn fram til tiltak som sikrar at innvandrarar og flyktningar får tilstrekkeleg informasjon om tannhelsetilbodet i samsvar med lov om tannhelsetenester har fokus på godt samarbeid med kommunane om iverksettinga og gjennomføringa av samarbeidsavtalane. 6. vurderer behovet for avklaring av rolla til leiande tannpleiarar. 7. etablerer samla oversikt over aktivitetane i folkehelsearbeidet til bruk i kontinuerleg oppfølging av gjeldande strategi. 8. på bakgrunn av stort utskifting av personell, jamleg vurderer oppdatering av oversikt over personell med bierverv. 9. vurderer nye eller andre tiltak for å sikre rekruttering og stabilitet ved klinikkane i distrikta. 10. sikrar at tannhelsetenesta har eit tilfredsstillande tilbod om narkose, og at ventetida blir forsvarleg for dei pasientane som treng det. 11 Det vert laga ein handlingsplan innan , som syner kva tiltak som skal setjast i verk for å følgja opp tilrådingane i rapporten, når tiltaka skal setjast i verk og kven som skal ha ansvaret for iverksettinga 43/11 AMALIE SKRAM VIDEREGÅENDE SKOLE - REVIDERT FRAMDRIFT OG KOSTNADSRAMME 4

5 Fylkestinget godkjenner ny kostnadsramme på kr 830 mill. for prosjektet Amalie Skram videregående skole. Protokollmerknad frå FrP, H, V og KrF: «Fylkestinget meiner prosjektet Amalie Skram videregående skole og symjeanlegg på Nygårdstangen bør vera gjenstand for ein revisjon i etterkant av ferdigstillelse. Fokusområde bør vera grunnlag for prosjektet, kostnadsstyring, prosjektleiing og trekkja lærdom av prosjektorganiseringa.» 44/11 HJELTNES VIDAREGÅANDE SKULE - SAL AV TO HUSVÆRE - GODKJENNING AV INVESTERINGSTILTAK VATN OG AVLØP 1. Fylkesadministrasjonen får fullmakt til å selje eigedomen Vesttun. Salet skal skje på den opne marknaden, ved bruk av meklar og til marknadspris. Fylkesrådmannen får fullmakt til å godkjenne eller avslå bod. 2. Fylkesadministrasjonen får fullmakt til å selje eigedomen Austtun. Leigetakar skal først få tilbod om å kjøpe huset til takst. Fylkesrådmannen får fullmakt til å godkjenne eller avslå bod. 3. Fylkesadministrasjonen får fullmakt til å setje i gang arbeidet med å utbetre pålegget frå Ulvik kommune om vatn og avløp, til ein kalkulert kostnad på inntil 2 million kroner. Tiltaket vert finansiert med bruk av kapitalfond. 4. Det vert gjort følgjande endringar i budsjettet for Meirutg./ Mindreutg./ Stad Prosjekt Art Tekst mindreinnt. meirinnt Hjeltnes vgs Vatn og avløp Bruk av kapitalfondet /11 TILSTANDSRAPPORT VIDAREGÅANDE OPPLÆRING 2010/2011 FOR HORDALAND FYLKESKOMMUNE Vedtak Fylkestinget tar tilstandsrapport for vidaregåande opplæring 2010/2011 for Hordaland fylkeskommune til etterretning. Kroppsøvingsfaget og rådgjevingstenesta må styrkast. 46/11 VEDTAK AV REGIONAL PLAN FOR HARDANGERVIDDA I medhald av plan- og bygningslova si 8-4 vedtek fylkestinget i Hordaland Regional plan for Hardangervidda, plankart og planrapport datert 9. juni Fylkestinget ber om at det i samarbeid med Buskerud og Telemark fylkeskommunar blir lagt fram ei eiga sak om vidare oppfølging av handlingsprogrammet. 3 Vedtaket blir gjort under føresetnad av at Buskerud og Telemark fylkeskommunar gjer 5

6 likelydande vedtak. 4 Fylkestinget ber rådmannen kome tilbake med sak om oppfølging av planen sitt handlingsprogram. 47/11 DRIFTS- OG VEDLIKEHALDSSTRATEGI FOR FYLKESVEGNETTET I HORDALAND ( ) 1. Fylkestinget vedtek Drifts- og vedlikehaldsstrategi for fylkesvegnettet i Hordaland ( ). 2. Fylkestinget ber om at arbeid med oppfølging av strategien vert rapportert årleg til fylkesutvalet og samferdselsutvalet, mellom anna som grunnlag for budsjettprosessen. 3. Hordaland fylkesting vil på det sterkaste oppmoda regjering og Storting tiil å overføra vesentleg meir statlege midlar for å sikra eit forsvarleg drifts- og vedlikehaldsnivå på fylkesvegnettet. 48/11 BOMPENGEPAKKEN STORD VESTSIDE - ENDELEG SØKNAD Vedtak Fylkestinget gjev tilslutnad til at Søknad om bompengefinansiering av Bompengepakken Stord vestside, datert vert oversendt Vegdirektoratet for vidare handsaming. 49/11 FINANSRAPPORT FOR 2. TERTIAL 2011 Fylkestinget tek finansrapporten for 2. tertial til orientering. 50/11 Avtale om lån til Bystasjonen AS Fylkestinget godkjenner opptak av lån på 50 million kroner, og vidare utlån av 50 million kroner til Bystasjonen AS Vedlagde framlegg til låneavtale mellom Hordaland fylkeskommune og Bystasjonen AS vert godkjent. Fylkesrådmannen får fullmakt til å gjere mindre justeringar i avtalen og til å signere for fylkeskommunen. Det vert gjort følgjande endringar i budsjettet for 2011: Meirutg./ Mindreutg./ Stad Art Prosjekt Tekst mindreinnt. meirinnt Utlån Bystasjonen AS Bystasjonen lån /11 TERTIALRAPPORT PR. 31. AUGUST REKNESKAPSPROGNOSE Fylkestinget tek rekneskapsprognosen til orientering. 6