Destinasjon Geirangerfjord Trollstigen AS - søknad om tilskot til pilotprosjekt

Transkript

1 saksframlegg Dato: Referanse: Vår saksbehandlar: /2016 Lillian Sæther Saksnr Utval Møtedato Regional- og næringsutvalet Destinasjon Geirangerfjord Trollstigen AS - søknad om tilskot til pilotprosjekt Bakgrunn I den nasjonale reiselivsstrategien «Destinasjon Norge» som vart vedtatt i april 2012 er reduksjon av talet på destinasjonsselskap eit av tiltaka. Målsettinga med tiltaket er større og meir slagkraftige einingar. Dette har ført til prosessar for å imøtekome dette tiltaket i heile Norge, så også i Møre og Romsdal. I Møre og Romsdal er talet på destinasjonsselskap redusert frå fire til tre. Vi har no følgjande destinasjonsselskap i fylket : Visit Nordmøre & Romsdal AS som dekker heile Nordmøre og Romsdal. Destinasjon Geirangerfjord AS har medlemer/aksjonærar frå heile Stranda og Norddal, men Stranda og Norddal kommunar er medlem i Destinasjon Ålesund & Sunnmøre. Destinasjon Ålesund & Sunnmøre som dekker resten av Sunnmøre, også bedrifter frå Stranda og Norddal. Nokre bedrifter på Sunnmøre er medlem i både Destinasjon Ålesund & Sunnmøre og Destinasjon Geirangerfjord AS. Destinasjon Geirangerfjord Trollstigen AS er det formelle namnet på selskapet (slik det er registrert i Brønnøysund) medan det no er Destinasjon Geirangerfjord AS som nyttast av medlemene og også i marknadssamanheng. Vi vel å bruke Destinasjon Geirangerfjord AS i sjølve saka. Destinasjon Geirangerfjord AS har vore i dialog med fleire destinasjonsselskap for å vurdere samanslåing, men valte å halde fram som eit eige destinasjonsselskap. Dette hovudsakleg fordi Geiranger er ei svært sterk merkevare og dei meiner at lokal styring med vidareutvikling av Geiranger som reisemål er viktig, særleg med tanke på verdsarvstatusen. Området er prega av svært stor trafikk i ein kort og hektisk sesong som set området i ei særstilling. Destinasjon Geirangerfjord Trollstigen AS hadde tidlegare medlemer frå både Stranda og Norddal kommunar og også kommunane var med i destinasjonsselskapet. Medlemer frå begge kommunane har dei for så vidt no også, men no er det to destinasjonsselskap som opererer på same geografiske område. Slik sett kan ein seie at selskapet derfor har gått frå eit forholdsvis lite destinasjonsselskap til eit enda mindre.

2 Om saka Destinasjon Geirangerfjord AS har våren 2016 gjennomført ein strategiprosess som har resultert i ein ny modell for organisering av selskapet. Denne modellen skal bidra til : 1. effektivisering av måten reiselivet organiserast på. 2. sikrer lokal kontroll over korleis sjølve reisemålet/produktet blir vidareutvikla. Tradisjonelt er marknadsføring rekna som kjerneoppgåva til eit destinasjonsselskap. Destinasjon Geirangerfjord AS ønskjer no å organisere og utøve oppgåvene til eit destinasjonsselskap på ein heilt ny måte. Selskapet har delt oppgåvene inn i to områder, sjå nedanfor for utfyllande informasjon om dei to områda : Marknadsføring Produktutvikling, reisemålsutvikling og meirsal Destinasjon Geirangerfjord AS ønskjer å utvikle ein modell for å profesjonalisere og effektivisere drifta i eit destinasjonsselskap for maksimal utnytting av kronene. Det Destinasjon Geirangerfjord AS her legg opp til har ikkje vore gjort tidlegare og er pilot. Hovudmålsettinga til selskapet er å utvikle berekraftig heilårsturisme basert på Innovasjon Norge sine 10 prinsipp for berekraftig reisemål. Marknadsføring Destinasjon Geirangerfjord AS ønskjer å outsource all marknadsføring. Dette hovudsakleg for å effektivisere arbeidet og for å sikre optimal ressursutnytting av selskapet sitt marknadsbudsjett. Det er allereie inngått avtale med landsdelselskapet Fjord Norge AS som skal stå for all internasjonal marknadsføring av reisemålet. Partane skal saman utvikle ein årleg marknadsstrategi som skal ha klare omsetningsmål og konkrete marknadsførings- og salsaktivitetar. Nasjonal marknadsføring vil også bli outsourca, men val av samarbeidspartnar er enno ikkje teken. Møre og Romsdal Reiseliv er mest aktuell og ønskeleg, men strategiprosessen i Møre og Romsdal Reiseliv vil vere avgjerande for om dette let seg gjere. All marknadsføring blir finansiert gjennom serviceavgift frå medlemene. Det blir ikkje søkt om tilskot til denne delen av drifta av selskapet. Produktutvikling, reisemålsutvikling og meirsal Produktutvikling, reisemålsutvikling og meirsal vil no bli dei nye kjerneoppgåvene til Destinasjon Geirangerfjord AS. Dette skal bidra til å vidareutvikle Geiranger som produkt og spydspiss for reiselivet i heile fylket. Geiranger er i ei særstilling i Fjord Norge regionen og i Møre og Romsdal som reiselivsnæringa i heile regionen kapitaliserer på. I Destinasjon Geirangerfjord AS sitt geografiske nedslagsfelt er det pr i dag sommarsesongen som er den desidert viktigaste sesongen. Alle prognoser viser kraftig vekst i internasjonalt reiseliv dei neste åra. Destinasjon Geirangerfjord AS vil

3 ikkje klare å ta imot denne veksten med mindre dei besøkande blir fordelt over fleire sesongar. Utvikling av berekraftig heilårsturisme er heilt avgjerande for dette området med sin verdsarvstatus. I arbeidet med produktutvikling vil det bli inngått eit tett samarbeid med NCE Tourism Fjord Norway. Destinasjon Geirangerfjord AS vil gjennom jamlege møte få tilbakemelding på sine produktutviklingsidéer samtidig som NCE Tourism Fjord Norway vil kunne oppdatere destinasjonsselskapet på trendar samt kome med innspel på produkt som bør utviklast. Det er sett opp følgjande resultatmål for utvikling av nye produkt/attraksjonar i nedslagsfeltet til destinasjonsselskapet : Gjennomføre og kontinuerleg oppdatere / kvalitetssikre produktstrukturering for haust, vinter og vår. Utvikle attraksjonar / produktkonsept for sesongutviding (haust/vår) som gir drakraft for reiselivet i heile fylket. Utvikle heilskapleg produktpakke for reiselivsaktivitet i vintersesongen. Aktivitetar som skal gjerast i prosjektperioden kan delast inn i følgjande tema : Arbeide for å oppnå merket for «berekraftig reisemål» for Geiranger. Oppnå god struktur i samarbeidet mellom destinasjonsselskap og verdsarvstiftinga. Etablere ein prosjektorganisasjon for produktutvikling. Destinasjon Ålesund & Sunnmøre og Visit Nordmøre & Romsdal AS vil bli invitert med i ei referansegruppe for dette arbeidet som skal møtast to gongar årleg. Intensjonen med dette samarbeidet er å få innspel på gode koplingar mellom Geiranger og reiselivet elles i fylket for slik å oppnå god utvikling av reiselivsnæringa i heile fylket. Evaluering og tilbakemelding undervegs på tiltak som blir sett i verk vil også vere viktig i desse møta. Destinasjon Geirangerfjord AS ønskjer å dele sine erfaringar med ein ny måte å organisere eit destinasjonsselskap på. Det vil også vere aktuelt å etablere prosjektgrupper på tvers av destinasjonsselskapa for å arbeide med enkelttiltak. Ved å kople aktørar i fylket som er gode på vår, haust og vinter saman med Geiranger som pr i dag er sterk på sommar, vil ein styrke fylket som heilårs reisemål samtidig som ein også styrker Geiranger som heilårs reisemål. Dette arbeidet vil vere nyttig å gjere i samarbeid med mellom anna dei to andre destinasjonsselskapa i fylket. Denne måten å organisere arbeidsoppgåvene til eit destinasjonsselskap på har ikkje vore utprøvd tidlegare og må karakteriserast som nyskapande. Destinasjon Geirangerfjord AS søkjer no om tilskot til dette pilotprosjektet for ein periode på 3 år. Kostnader og finansiering Det er i søknaden sett opp eit kostnadsoverslag på til saman kroner for ein periode på tre år : År 1 År 2 År 3 Totalt Utvikling av ny kjerneverksemd kr kr kr kr Prosjektorganisasjon ny kjerneverksemd kr kr kr kr

4 Utvikling av ny kjerneverksemd: Kostnadene her vil vere knytt til oppstart av nye produktutviklingsprosjekt der det vil vere behov for å leige inn ekstern bistand som kan leie prosjektgrupper, bistå med kompetanse innan produktutvikling, vidareutvikling/modernisering av vertskapsfunksjonar m.m.. Reisekostnader i samband med produktutvikling ligg også i denne posten samt mindre investeringar i samband med utvikling av nye produkt. Prosjektorganisasjon ny kjerneverksemd: Selskapet skal ha ein tilsett og denne personen skal arbeide med utvikling av dei nye kjerneoppgåvene til selskapet. Kostnadene i denne posten er løn til prosjektleiaren. Pr i dag har selskapet tilsett ein reiselivssjef med kjerneoppgåver knytt til marknadsføring. Denne stillinga skal erstattast med ei stilling som prosjektleiar for omstillingsprosjektet og utvikling av reisemålet. Det inneber i praksis at det er lønsmidlar i budsjettet til ein tilsett. Det er i søknaden sett opp følgjande finansieringsplan for 3-års perioden : År 1 År 2 År 3 Totalt M & R fylkeskommune kr kr kr kr Eigenfinansiering kr kr kr kr Eigeninnsats kr kr kr 0 kr Etter pilotperioden på 3 år, er intensjonen at reiselivsbedriftene om at dette er ein fornuftig og lønsam modell for eit destinasjonsselskap og at desse aktivitetane er sjølvfinansierande. Til orientering kan nemnast at Destinasjon Geirangerfjord AS har søkt Stranda kommune om eit tilskot på kroner som er tenkt nytta til drift av turistinformasjon og marknadsføring. Stranda kommune har hatt saka til politisk vurdering i fleire møte utan at vedtak er fatta. Det er usikkert når endeleg vedtak vil bli tatt i denne saka. Vurdering og konklusjon Det er ein spennande organisasjonsmodell Destinasjon Geirangerfjord AS her presenterer. Tradisjonelt har marknadsføring vore kjerneoppgåva til destinasjonsselskapa. Mange har hevda at produktutvikling og reisemålsutvikling har vore skadelidande som ei følgje av dette då ingen miljø har hatt særskilt ansvar for dette viktige arbeidet. Det er derfor spennande at Destinasjon Geirangerfjord AS grip tak i dette viktige arbeidet og definerer det som si kjerneoppgåve. Målet med prosjektet er å utvikle heilårsturisme i det geografiske nedslagsfeltet til destinasjonsselskapet samt at Geiranger skal vidareutviklast som spydspiss for reiselivsnæringa i fylket heile året. Besøkande med Geiranger som reisemål genererer stor trafikk til heile fylket då dei fleste besøker fleire attraksjonar når dei først har reist til dette området. Potensialet for auka verdiskaping er stor for reiselivet i heile fylket dersom ein lukkast med å utvikle Geiranger til heilårsdestinasjon.

5 Geiranger kan karakteriserast som eit nasjonalt ikon i reiselivssamanheng. Området er derfor heilt klart i ei særstilling. Det er heilt avgjerande for reiselivsnæringa i Møre og Romsdal og elles i landet at ein her kjem fram til ei hensiktsmessig, slagkraftig og effektiv organisering. Ei organisering som kan vidareutvikle området på ein berekraftig måte som slik også tek omsyn til verdsarvstatusen. Modellen som Destinasjon Geirangerfjord AS ønskjer å utvikle og teste, kan på sikt vise seg å vere ein hensiktsmessig organisasjonsmodell også for andre destinasjonsselskap. Etter vår vurdering er dagens organisering av destinasjonsselskapa i Møre og Romsdal ikkje optimal. Det hadde vore ønskeleg at ein klarte å redusere talet frå fire destinasjonsselskap ned til maksimum to. Vi har likevel forståing for Geiranger si særstilling både med tanke på merkevare, verdsarvstatus og talet på besøkande i ein hektisk og krevjande sesong. Det er i søknaden sett opp lønskostnader til ein prosjektleiar. Selskapet har allereie ein tilsett og det er dermed lønsmidlar i selskapet til ein person. Etter gjeldande reglar og innarbeidd praksis kan det ikkje gis tilskot til driftskostnader som mellom anna lønskostnader. Kostnader som kan vere med i grunnlaget for utmåling av eit tilskot må vere ekstraordinære kostnader for selskapet. Vi tilrår derfor at løn til prosjektleiar blir teke ut av grunnlaget for utmåling av eit eventuelt tilskot. Etter vår vurdering kan vi gi tilskot til utvikling av ny kjerneverksemd som er sett til kroner over ein periode på tre år. Normal tilskotssats er 50 prosent og dersom eit prosjekt er særleg nyskapande / pilot med stor nytteverdi for fleire, kan vi i særlege høve gi inntil 80 prosent. Det er svært viktig at Destinasjon Geirangerfjord AS lykkast med denne nye driftsmodellen for eit destinasjonsselskap, ikkje berre for Geirangerregionen men for heile fylket. Geiranger som er det fremste fyrtårnet for reiselivsnæringa i heile fylket. Regional- og næringsavdelinga tilrår at det blir løyvd tilskot til utvikling av ny kjerneverksemd i Destinasjon Geirangerfjord AS. Å ha som primær oppgåve å arbeide med produktutvikling og reisemålsutvikling er å sjå på som ein pilot både når det gjeld måten eit destinasjonsselskap arbeider på og arbeidsoppgåvene som ligg til eit destinasjonsselskap. Geiranger si spesielle stilling i fylket, gjer at vi meiner støtte til dette pilotprosjektet ikkje inneber presedens i høve til eventuelt andre destinasjonsselskap. Som pilot har vi høve til å nytte ein høgare prosentsats ved utmåling av tilskot. Regional- og næringsavdelinga tilrår at det blir løyvd eit tilskot på inntil kroner til utvikling av ny kjerneverksemd i Destinasjon Geirangerfjord AS. Tilskotet utgjer 80,0 prosent av kroner som er kostnadene knytt til utvikling av ny kjerneverksemd.

6 Forslag til vedtak: Møre og Romsdal fylkeskommune v/ regional- og næringsavdelinga løyver Destinasjon Geirangerfjord Trollstigen AS eit tilskot frå dei regionale utviklingsmidlane, kap 551 post 60 i Statsbudsjettet, på inntil kroner til eit treårig pilotprosjekt for utvikling av ein ny modell for destinasjonsselskap med kjerneoppgåvene produktutvikling, reisemålsutvikling og meirsal. Tilskotet er avgrensa til 80,0 prosent av kostnadene knytt til utvikling av ny kjerneverksemd på totalt kroner. Det er ein føresetnad at prosjektet blir fullfinansiert. Til grunn for vedtaket ligg eit kapitalbehov på kroner. Av dette er kostnader på kroner knytt til utvikling av ny kjerneverksemd godkjend som grunnlag for utmåling av tilskot : År 1 År 2 År 3 Utvikling av ny kjerneverksemd kr kr kr kr Grunnlag utmåling tilskot kr kr kr kr Prosjektorganisasjon ny kjerneverksemd kr kr kr kr Prosjektet er planlagt finansiert slik : År 1 År 2 År 3 M & R fylkeskommune kr kr kr kr Eigenfinansiering kr kr kr kr Eigeninnsats kr kr kr 0 kr Ottar Brage Guttelvik fylkesrådmann Bergljot Landstad regional- og næringssjef