Vurdering for utvikling Rapport

Transkript

1 Vurdering for utvikling Rapport Bulandet barnehage / Veke til Tema: Barn sin medverknad i barnehagen Eksterne vurderarar Inger Nyland Marie Hendrix -1-

2 Innhald: Vurdering for utvikling (innleiing) 3 Fakta om barnehagen og val av vurderingstema 4 Kriterium og kvalitetskrav 5 Barnehagen sine sterke sider 6 Barnehagen sine utfordringar 9 Idear til vidare arbeid 12 Oppsummering 13 Vedlegg: Skjema og guidar 15 Spørsmål til barna 16 Påstandsskjema foreldra 17 Spørsmål foreldremøtet 18 Intervjuguide tilsette.. 19 Observasjonsskjema.20 Tidsplan 21-2-

3 1. Vurdering for utvikling For å sikre kvaliteten og stimulere til forbetring i skulane og barnehagane har dei seks kommunane Hyllestad, Askvoll, Fjaler, Solund, Gulen og Høyanger oppretta eit felles vurderingsnettverk som med jamne mellomrom vurderer skulane og barnehagane i regionen. Vurderingsnettverket er mellom 15 og 20 røynde lærararar og førskulelærarar i regionen. Alle vurderer i annan kommune enn der dei arbeider. Fleire av vurderarane har vidareutdanning i kvalitetsvurdering i skule og barnhagane. Ein prosjektkoordinator leier og administrerer arbeidet med vurderingar. Etter Rammeplanen for barnehagane skal også verksemda der vurderast. Arbeidet til barnehagen skal vurderast, det vil seie beskrivas, analyserast og tolkast ut frå kriterium i barnehagelova, rammeplanen og eventuelle lokale retningslinjer og planar. Når regionen fann det rett å starte med ekstern vurdering var det mellom anna for å knytte saman god praksis i regionen, at skulane/barnehagane treng å bli sett utanfrå, og å gje skulane/barnehagane ekstern hjelp i vurderingsarbeidet. I tillegg såg regionen det som viktig å utvikle vurderingskompetanse i regionen. Regionen tok til med ekstern vurdering av skulane i 2007 og i barnehagane i 2009 etter ein metode utvikla i Hardanger/Voss-regionen, Vurdering for utvikling. Utdanningsdirektoratet nyttar ekstern vurdering etter same metoden i samband med rettleiing av skular og skuleeigarar i heile landet. Etter kvart har fleire regionar og kommunar teke i bruk metoden. Vurderingsarbeidet vert gjennomført ved at skulen/barnehagen vel eit tema eller fokusområde for vurderinga. Gjennom eit samarbeid vert skulen/barnehagen og vurderarane samde om kriterium for korleis det bør vere på dette området. Vurderarane hentar så inn informasjon gjennom intervju, observasjon og dokumentanalyse. Det vurderarane finn ser dei så i forhold til dei kriterium som er sett opp på førehand, det såkalla glansbiletet. Dei peika så i ein rapport på skulen/barnehagen sine sterke sider og utfordringar. Arbeidet kan illustrerast på denne måten: Vurderinga har ikkje som mål å gje eit fullstendig bilete av kvaliteten av barnehagen, men skal vere eit bidrag til kva barnehagen må arbeide vidare med innan det temaet som er vurdert. Skulen og barnehagen er forplikta til å følgje opp og rapportere attende til eigar om kva som er gjort i høve utfordringane. Rapporten vert gjort offentleg på kommunen og skuleregionen sin nettstad: ein månad etter vurderinga. Dale, juni 2011 Mobil: Åsmund Berthelsen (prosjektkordinator) E-post: Asmund.Berthelsen@fjaler.kommune.no -3-

4 2. Fakta om barnehagen Bulandet barnehage er ein kommunal barnehage i Bulandet, Askvoll kommune. Barnehagen fekk nye lokalar i 2003 i samband med ny skulebygning.bulandet er ein 1 avdelings barnehage. Vi har ei blanda barnegruppe med barn frå 3-5 år. I dag har vi 10 barn, men er godkjend for 23 plassar. Opningstida er Satsingsområdet dette året er kommunikasjon, språk og tekst i lag med sosial kompetanse. Uteområdet er oversiktleg, variert og har ein fin størrelse. Vi har nokre turstiar i nærmiljøet, og kan med dei eldste gå til butikken og leikeplass. Vi kjører og buss til nabo øya Værlandet, der det er mange gode turstiar og andre aktivitetar. Uti frå ståstad analysen vart temaet: Barn sin medverknad valt 3. Frå vurdering til endring av praksis 4. Glansbilete Kriterium tyder kjenneteikn på god kvalitet. Kriteria er henta frå lov, regelverk, læreplanverk, rammeplan eller skulen/barnehagen sine eigne planar. Når vurderarane gjennomfører ei vurdering, vert kriterium og teikn på god praksis samanlina med informasjonen som er samla om temaet gjennom intervju og observasjon på skulen/barnehagen i tillegg til dei dokument som skulen har lagt fram. Kriteria og teikn på god praksis er utforma i eit samarbeid mellom vurderarane og skulen/barnehagen, og til slutt godkjende av skulen/barnehagen. -4-

5 Glansbilete Tema: Barna sin medverknad i barnehagen Kriterium Borna skal ha rett til medverknad tilpassa alder og føresetningar (Barnehagelova 1 Formål 2. ledd) Den pedagogiske verksemda er organisert og planlagt slik at det er tid og rom for borna til å medverke. (rammeplanen 1.5 s.18) Foreldra er trygge på at barnet deira vert respektert og at det får delta i eit fellesskap som gjer det godt (Rammeplanen 1.6 s. 20) Barnehagen er ein lærande organisasjon Den pedagogiske verksemda er planlagt og organisert slik at det er tid og rom for borna til å medverke. (Rammeplanen 1.5 s.18) Teikn på god praksis Borna sine innspel på den daglege verksemda vert vektlagt Borna deltek i planlegging og vurdering av aktivitetar, temaval, samling, festar m.m. Borna sine kreative uttrykk vert verdsett og synleggjort Borna gjer eigne val i kvardagen (aktivitetar, rom og vener) Borna får leike i fred, utan unødvendig avbryting av vaksne Personalet legg til rette for at det enkelte barn får realisere sitt val Personalet er fleksible i høve planar (dagsrytme) til fordel for borna sine initiativ. Personalet oppfordrar borna til å seie si meining om kvardagen i barnehagen Personalet gjennomfører strukturerte samtalar og intervju med borna/grupper av born. Foreldra vert involvert i barnehagen sitt pedagogiske arbeid Foreldra kjenner til korleis borna får medverke i barnehagen Foreldra ser at det er samsvar mellom barnehagen sine planar om medverknad og det som skjer i praksis. Foreldra vert møtt med respekt og forståing og innspel vert tatt på alvor Foreldra opplever at borna sine initiativ vert ivaretekne Det er sett av tid til jamnleg refleksjon og drøfting av eigen praksis i høve borna sin medverknad i barnehagen Synspunkta til borna vert vektlagde i vurderingsarbeidet Personalet har ein felles forståing av borna sin medverknad Årsplanen konkretiserar kva barnehagen skal gjere for å legge til rette for at borna skal få medverke Leiinga gjev fagleg støtte og rettleiing til personalet -5-

6 5.Barnehagen sine sterke sider Borna skal ha rett til medverknad tilpassa alder og føresetningar (Barnehagelova 1 Formål 2. ledd). Borna sine innspel på den daglege verksemda vert vektlagt Gjennom observasjon har me sett og høyrt at barna sine innspel vert bekrefta. Personalet sa det slik: Prøver å lytte til dei, og prøver å lytte til kvar enkelt, tek oppatt innspel frå borna. Brukar ikkje å planlegge så mykje, prøver å la ungane få lov til det dei har lyst til så langt som muleg. Har prøvd forskjellige ting for å gjere nokre erfaringar. Foreldre: Føler at barna får vere med på det dei har lyst til (t.d. aktivitetar). Borna deltek i planlegging og vurdering av aktivitetar, temaval, samling, festar m.m. Personalet sa m.a.: Vurdering blir av og til gjort dagen etterpå eller etter korte turar. Då hender det at me snakkar om det i lunsjen. Me har snakka mykje om det på personalmøte. Det var vel derfor temaet kom opp. Borna sine kreative uttrykk vert verdsett og synleggjort Vi ser at det heng måleri og stofftrykk rundt omkring på snorer i barnehagen. Teikningar blir samla i borna sine permar. Musikkglede og dans, månadens song og dikt, bursdagstreet er observasjonar som vi har sett og som viser at borna sine kreative uttrykk vert verdsett. Personalet seier: Me heng opp og tek bilete av borna sine produkt. Slik vert borna sine produkt vist fram til dei andre barna og foreldre. Me har lego ståande framme ei stund. Bursdagskalender lagar vi ny kvart år. -6-

7 Borna gjer eigne val i kvardagen (aktivitetar, rom og vener) Vi ser at barna vel aktivitet og rom og kven dei vil leike med. Dei får velje aktivitetar, dei minste får ikkje lov å vere i det vesle rommet for å verne om dei store sine produkt/leik. Borna har ganske mykje fri leik, både inne og ute. Borna får leike i fred, utan unødvendig avbryting av vaksne Me har observert at borna har gode leike økter og at dei vaksne har respekt og skjermar leiken. T.d. får dei 4 eldste gutane vere åleine inne på legorommet, slik får dei leike i fred utan at leiken deira vert avbroten, byggverka deira får stå i fred og slik kan dei fortsette leiken neste dag. Den pedagogiske verksemda er organisert og planlagt slik at det er tid og rom for borna til å medverke. (rammeplanen 1.5 s.18) Personalet legg til rette for at det enkelte barn får realisere sitt val. Personalet seier m.a.: Høyre etter kva borna ynskjer. Vere i møtekommande. Vere på hogget og gjere det borna har lyst til. Gi dei fleire val. Vi har observert at personalet legg til rette for at borna sin val vert realisert. ( musikkstund, lesestund) Personalet er fleksible i høve planar (dagsrytme) til fordel for borna sine initiativ. Personalet seier m.a.: Eg føler at me er ganske fleksible Prøver å tilfredstille barna så langt det går. Me prøver å gripe dagen. Avhengig av vær. Eg liker ofte å ta ting på sparket, Alle treng ikkje gjere likt, ikkje alle liker det same. Kan vere ganske impulsiv både overfor personalet og borna. I Årsplanen (planlegging og dokumentasjon) står det at planane er fleksible og det er rom for spontanitet og medverknad frå borna. Personalet oppfordrar borna til å seie si meining om kvardagen i barnehagen Personalet seier m.a.: Det får dei, og viss dei seier noko som dei ønskjer er vi ganske flinke til å høyre på dei. Eg prater med borna spontant, Snakke er ein ting men å lytte er ein anna ting. Det vert litt feil at dei som snakka høgst blir høyrt mest.. Det er samtale med matbordet, flinke til å prate om dagen. Dette er ein god arena for samtalar. I Årsplanen les vi at barnehagen vil ha fokus på samtalar, snakke om det vi gjer. Personalet gjennomfører strukturerte samtalar og intervju med borna/grupper av born. -7-

8 Foreldra er trygge på at barnet deira vert respektert og at det får delta i eit fellesskap som gjer det godt (Rammeplanen 1.6 s. 20) Foreldra vert involvert i barnehagen sitt pedagogiske arbeid Ut ifra påstandskjemaet svarer foreldra at dei er samd i påstanden. Foreldra kjenner til korleis borna får medverke i barnehagen Ut frå påstandskjema kan me konkludere at foreldra er usikre når det gjeld dette punktet. På foreldremøtet svara foreldra : Dei barna som er glad i å vere ute får kle på seg først og dei som likar seg best inne får gå inn først. Foreldra ser at det er samsvar mellom barnehagen sine planar om medverknad og det som skjer i praksis. Halvparten av foreldra svarer på påstandskjema at dei er samd og halvparten veit ikkje. Foreldra vert møtt med respekt og forståing og innspel vert tatt på alvor På foreldremøtet kom det fram at foreldra meiner at personalet er flinke til å lytte til foreldre sine innspel om td. soving, mat og kler. Foreldra opplever at borna sine initiativ vert ivaretekne Ut ifr påstandskjema kan me konkludere at fleirtalet er einig i påstanden. På foreldremøtet seier foreldra at personalet er flinke til å lytte til kvart enkelt barn og tilpasser seg til kvart enkelt barn sitt behov. (først eller sist ute). På foreldremøtet kom det fram at foreldra opplever at barna få vere med på det dei har lyst til. Barnehagen er ein lærande organisasjon Den pedagogiske verksemda er planlagt og organisert slik at det er tid og rom for borna til å medverke. (Rammeplanen 1.5 s.18) Det er sett av tid til jamnleg refleksjon og drøfting av eigen praksis i høve borna sin medverknad i barnehagen Personalet sa m.a.: Me drøfter det på kvart personalmøte, men kanskje meir etter me tok ståstadanalysen og valte dette tema. Det gjer vi ofte, snakkar om ungane og deira kvardag. I Årsplanen under planlegging og dokumentasjon les vi at verksemda vert vurdert og diskutert på personalmøta. Synspunkta til borna vert vektlagde i vurderingsarbeidet Personalet sa m.a.: Vi kan bli flinkare til å spørje ungane om kva dei syns om dagane. Kva har vi gjort i dag? og skrive ned det borna seier. -8-

9 Personalet har ein felles forståing av borna sin medverknad Personalet sa m.a.: Me har blitt meir bevisste etter me har valt dette temaet. Årsplanen konkretiserar kva barnehagen skal gjere for å legge til rette for at borna skal få medverke Leiinga gjev fagleg støtte og rettleiing til personalet Personalet sa m.a.: Me skal prøve å jobbe meir med det. Ja det føler eg på. Lise er dyktig, kan gå til ho og snakke. Gode diskusjonar på pers møta. 6. Barnehagen sine utfordringar Borna skal ha rett til medverknad tilpassa alder og føresetningar (Barnehagelova 1 Formål 2. ledd). Borna sine innspel på den daglege verksemda vert vektlagt Personalet sa det m.a. slik: Alt for lite flink til det, derfor dette tema. Nokre foreldre synes de var vanskelig å svare på. Borna deltek i planlegging og vurdering av aktivitetar, temaval, samling, festar m.m. Gjennom intervju gir barna uttrykk for at dei vaksne bestemmer. Det same svarer personalet, barna deltek ikkje i strukturert planlegging eller vurdering. Borna sine kreative uttrykk vert verdsett og synleggjort -9-

10 Borna gjer eigne val i kvardagen (aktivitetar, rom og vener) Vi observerar at barna er avhengig av hjelp frå dei vaksne fordi leike utstyr er høgt plassert i hyller. Personalet sa: Dei minste får ikkje lov å velje. Føremiddag må alle ut. Det vil alltid vere ulike handtering av reglar, dette må me prioritere og snakke om. Føler at vi styrer litt mykje, har våre rutinar og at vi vaksne bestemmer t.d. kor borna skal sitt og med kven (måltidet). Borna får leike i fred, utan unødvendig avbryting av vaksne. Den pedagogiske verksemda er organisert og planlagt slik at det er tid og rom for borna til å medverke. (rammeplanen 1.5 s.18) Personalet legg til rette for at det enkelte barn får realisere sitt val Personalet svarar m.a: Det er vel det eg ikkje er så flink til, seier gjerne til barna at me skal prøve å få det til i morgon. I ein travel kvardag skulle ein vore flinkare. Viss den eine får lov så vil andre og. Kva tenker dei andre vaksne då? Føler ikkje at eg er flink nok til å spørje borna. Skulle gitt dei fleire val. Går kanskje litt i same tralten. Vi har observert at barn som er mett og ynskjer å gå frå bordet, ikkje får lov. Dette skapte mykje unødvendig støy. Personalet er fleksible i høve planar (dagsrytme) til fordel for borna sine initiativ. Personalet seier m.a.: Vanskelig å svare på, men me burde vere flinkare. Eg skippar dagsrytma viss eg føler det er rett, men føler meg litt bunden, usikker om det er rom for det. Kunne ønska at det var litt meir fleksibelt. Vi har registrert at personalet held seg lojalt til planane. Personalet oppfordrar borna til å seie si meining om kvardagen i barnehagen Personalet seier m.a.: Me har ikkje snakka så mykje om det i det siste. Somme tider er me flinke, andre ikkje. Vi les i Årsplanen at den gode samtalen er ein del av strategi for å nå målet dei har om Sosial kompetanse.me har ikkje gjort noko observasjonar der barna blir oppfordra til å seie meininga si. Personalet gjennomfører strukturerte samtalar og intervju med borna/grupper av born. Personalet seier m.a.:me har lite av det no. Me snakka med barna, men ikkje sånn at me er bevisst på å få barna sine ynskjer fram. Vurderarar leser i årsplanen under barnsmedverknad at : Barn har, ifølgje FN s barnekonvensjon, rett til å seie kva dei meiner om alt som gjeld dei sjølve og meiningane til barn skal telje. Me har ikkje sett dette i praksis

11 Foreldra er trygge på at barnet deira vert respektert og at det får delta i eit fellesskap som gjer det godt (Rammeplanen 1.6 s. 20) Foreldra vert involvert i barnehagen sitt pedagogiske arbeid Foreldra kjenner til korleis borna får medverke i barnehagen Foreldra ser at det er samsvar mellom barnehagen sine planar om medverknad og det som skjer i praksis. Foreldra vert møtt med respekt og forståing og innspel vert tatt på alvor Foreldra opplever at borna sine initiativ vert ivaretekne Foreldra sa på foreldremøtet: Vi veit ein del om det praktiske (vekeplanane), men ikkje så mykje om det pedagogiske. Står ein del i årsplanen om sosial kompetanse, det er generelt og ikkje om korleis dei jobbar med det i barnehagen. Synest det er litt dårleg til rette lagt for dei minste barna. Golvet hemmar leik og ein god del leik vert stoppa pga dette. Barnehagen er ein lærande organisasjon Den pedagogiske verksemda er planlagt og organisert slik at det er tid og rom for borna til å medverke. (Rammeplanen 1.5 s.18) Det er sett av tid til jamleg refleksjon og drøfting av eigen praksis i høve borna sin medverknad i barnehagen Personalet seier m.a.: På personalmøtene er me for lite flinke til å drøfte eigen praksis m.o.t. barnas medverknad. Synspunkta til borna vert vektlagde i vurderingsarbeidet Personalet seier m.a.: Det veit eg rett og slett ikkje. Det trur eg me gjer, men me spør borna for lite. I den grad me vurderer er me for lite flinke til det. Vi kan bli flinkare til å spørje ungane om kva dei syns om dagane. Vi finn ingen ting om dette punktet i Årsplanen under barns medverknad eller vurdering. Personalet har ein felles forståing av borna sin medverknad Personalet sa m.a.: Nei det trur eg nesten ikkje, er ikkje sikker. Me har ikkje diskutert det.. Ja vi har hatt det oppe til diskusjon og veit så lite om det. Det var fokus på medbestemming i staden for medverknad. Me har registrert at det er stor usikkerheit om korleis ein skal forstå innhaldet i omgrepet: Barnas medverknad. Årsplanen konkretiserar kva barnehagen skal gjere for å legge til rette for at borna skal få medverke I årsplanen står det: Barn har, i følje FN s barnekonvensjon, rett til å seie kva dei skal meinar om alt som gjeld dei sjølve. Meiningane til barn skal telje. Dei vaksne må ta barna sine kjenslemessige og verbale uttrykk på alvor og med respekt. Barn må lære å ta omsyn og

12 forstå at eigne handlingar kan gå ut over andre. Dette er viktig for å bli ein del av eit fellesskap. Årsplanen konkretiserar ikkje kva barnehagen gjer for å legge til rette for at borna skal medverke. Leiinga gjev fagleg støtte og rettleiing til personalet Personalet seier m.a.: Nei eg gir nok ikkje nok faglig støtte. Me har ikkje hatt så mykje om det., men me skal prøve å jobbe meir med det. Nei det syns eg ikkje, det er litt både og. 7. Idear til vidare arbeid Utviklingsområde Borna skal ha rett til medverknad tilpassa alder og føresetningar (Barnehagelova 1 Formål 2. ledd). Den pedagogiske verksemda er organisert og planlagt slik at det er tid og rom for borna til å medverke. (rammeplanen 1.5 s.18) Foreldra er trygge på at barnet deira vert respektert og at det får delta i eit fellesskap som gjer det godt (Rammeplanen 1.6 s. 20) Barnehagen er ein lærande organisasjon Idear Ta borna med i planlegging: (barnemøte, medhjelper ordning mm.) Ta borna med i vurderingsarbeid. (turlogg, barnemøte, samlingsstund, intervju mm.) Slepp borna til i kvardagsaktivitetar. Fysisk tilrettelegging: Utstyr og leikar ned på barna sitt nivå. Vurdere korleis finne tid og rom for at barna kan gjere fleire eigne val. Samarbeide med foreldra om barns medverknad. Innføring av dagbok for å sikre informasjonsflyt. (meldingsbok til kvart barn). Ta i bruk praksisforteljingar for å drøfte eigen praksis i høve barns medverknad. Lese hefte om barns medverknad, som kompetanse heving. Hospitering

13 8. Oppsummering Barnehagelova 3 seier: Barn i barnehagen har rett til å gi uttrykk for sitt syn på barnehagen si daglege verksemd. Barn skal jamleg få høve til aktiv deltaking i planlegging og vurdering av barnehagen si verksemd. Barnas synspunkt skal tilleggast vekt i samsvar med deira alder og modning. Vi ser at borna får velje i frileiken, både inne og ute. Vi saknar at borna vert tatt med i planlegging og systematisk vurdering. Ein kan gjerne ta opp igjen strukturerte samtalar og intervju med barna.(sikrar at stille barn blir høyrt). Det er usikkerheit i personalgruppa når det gjeld tema barn sin medverknad i barnehagen. Det er viktig at heile personalgruppa tileignar seg kompetanse på området for å få ein felles forståing av korleis jobbe med barna sin medverknad. Å innføre barns medverknad i praksis vil gi mange aha opplevingar for personalet. Det er viktig med jamleg refleksjon og drøfting av eigen praksis (praksisforteljingar)for å få til utvikling. Vi fornemme at personalet er avventande og torer ikkje å sleppe borna til så mykje som dei skulle ønska, av usikkerheit for å gjere noko som ikkje vert likt av alle. Dette er ei problemstilling som personalgruppa må gripe tak i. Alle har eit felles ansvar for å skape eit ope og trygt arbeidsmiljø. Foreldra etterlyste informasjon om barnet sitt ved henting, og personalet må finne ei god løysing som sikrar at all viktig informasjon vert registrert. T.d. Dagbok, i den har alle i personalgruppa ansvar for å skrive ned beskjedar og hendingar som er viktige for alle å vite om, og alle har ansvar for å halde seg oppdatert til ein kvar tid. 9. Vidare arbeid Innan ein månad etter vurderinga må vurderarane få melding om eventuelle feil i rapporten. Etter dette vert rapporten offentleggjort på skuleeigar/barnehageeigar og Skuleregion HAFS sine heimesider. Seks månader etter vurderinga skal rektor/styrar rapportera til skuleeigar v/administrasjonen om korleis skulen har arbeidd med utfordringane (pkt. 6). Rapporten frå skulen/barnehagen skal også sendast Skuleregion HAFS v/prosjektkoordinator. I tillegg til vurderingsrapporten er det utarbeidd ein vedleggsrapport som ikkje er offentleg, men som er overlevert rektor/styrar ved. I rapporten står oppsummeringar av påstandsskjema og observasjonar og intervju/samtalar. Stad og dato Inger Nyland Vurderingsnettverket Skulregion HAFS Marie Hendrix Vurderingsnettverket Skuleregion HAFS

14 Vedlegg: Deltakarar i vurderinga Interne: Borna, foreldre, personalet Eksterne: Marie Hendrix og Inger Nyland Tidsbruk Det er sett av ei veke til å vurdere barnehagen. I vurderingsveka er vurderarane i barnehagen i fire dagar. Vurderarane skriv ferdig og presenterer rapporten den siste dagen. Før og undervegs førebur vurderarane intervju og observasjonar og bearbeidar informasjon og lagar oppsummeringar. Metodar Tema og tid til rådvelde verkar inn på val av metodar. Vanlege metodar er dokumentanalyse, spørjeskjema, krysskjema, individuelle og gruppesamtalar, møte og observasjonar. I denne vurderinga er følgjande verktøy og metodar nytta: Ståstadsanalyse Bulandet barnehage har gjennomført ståstadanalysen. Dokumentanalyse Barnehagen sender vurderarane diverse relevante dokument: Årsplan 2011/2012, vekeplanar og Utviklingsplan 2011/2014 og progresjonsplan for fagområda Kriterium og teikn på god praksis - Glansbiletet Vurderarane sende forslag til Glansbilete i veke 6 og barnehagen godkjende Glansbiletet i veke

15 Spørjeskjema I forkant av vurderingsveka sende vurderarane ut påstandsskjema til foreldra og innkalling til foreldremøte. Desse vart fylt ut og returnert til vurderarane for oppsummering. Verktøy for vidare informasjonsinnhenting For å kunna gjera djupdykk i temaet, laga vurderarane samtaleguidar for samtalar med dei tilsette og borna. Vurderarane laga også observasjonskjema utifrå teikna på god praksis. Vurdering Vurderarane føretok ei vurdering, ved å spegla utsegnene frå informasjonskjeldene mot utarbeidde kriterium og teikn på god praksis. Skjema og intervjuguidar 1.Intervju/samtaleguide for borna 2.Påstandsskjema for foreldra 3.Spørsmål til foreldremøtet 4.Samtaleguide for personalet 5.Observersjonsskjema 6. Tidsplan

16 1. Intervju/samtaleguiden for borna. Kriterium: Barna skal ha rett til medverknad tilpassa alder og forutsetningar. (BHL 1, Formål 2.ledd). - Fortel litt om korleis du har det i barnehagen - Fortel om kva du likar å gjera på i barnehagen? - Kven pleier du å leika med? Teikn m/spørsmål: 1. Barna sine innspel på den daglege verksemda vert vektlagde. - Har de barnemøter i barnehagen? - Kan du fortelje litt om de? - Kan du vera med og finna på ting som alle skal gjera, for eksempel kvar de skal gå på tur eller kva de skal eta? - Er det nokon av dei vaksne som spør deke kva de har lyst til å gjere? Dette sa barna: 2. Barna deltek i planlegging og vurdering av aktivitetar. - Får de vere med og planlegge samling? Songar,leikar - Når de har vore på tur, pleier de å snakka om turen etterpå? Dette sa barna: 3. Barna sine kreative uttrykk vert verdsett og synleggjort. - Kva gjer de med teikningar og ting som de lagar i barnehagen? - Er det du sjølv som bestemmer det? - Kva gjer du viss du har ein god ide? Dette sa barna: 4.Teikn: Barna gjer eigne val i kvardagen(aktivitetar, rom og vener) - Kan de bestemme sjølv kor de vil leike her i barnehagen? - Kva tenkje du om å bestemme? - Kva kan du bestemma sjølv når du er i barnehagen? - Er det noko du har lyst til å bestemma? Dette sa barna: 5.Teikn: Borna får leike i fred, utan unødvendig avbryting av vaksne. - Får de lov til å leike i fred? Hender det at nokon øydelegg leiken? Dette sa barna:

17 2.Påstandskjema for foreldre Bulandet barnehage, mars Vurderingstema: barnas medverknad. Kriterium: Foreldra er trygge på at barnet deira vert respektert og at det får delta i eit fellesskap som gjer dei godt. Kan du svare anonymt og individuelt og levere tilbake til styraren innan 26. mars?( Gjerne i lukka konvolutt). Set kryss i ruta som passer for deg. Påstand Usamd 1 samd Veit ikkje 5 Foreldra vert involvert i barnehagen sitt pedagogiske arbeid. Foreldra veit korleis borna får medverke i barnehagen. Heime gir barna uttrykk for at dei får vere med å bestemme i barnehagen. Barna gir uttrykk for at de blir lytta til i barnehagen. Foreldra ser at det er samsvar mellom barnehage sine planer om medverknad og det som skjer i praksis. Foreldra vert møtt med respekt og forståing. Foreldra sine innspel vert tatt på alvor. Foreldra opplever at borna sine initiativ vert ivaretekne. Borna sine kreative uttrykk vert verdsett og synleggjort. Personalet er fleksible i høve planar til fordel for borna sine initiativ. Me takkar for at de fylte ut påstandskjemaet. Inger Nyland og Marie Hendrix

18 3.Foreldremøte i Bulandet barnehage Vurderingstema: Barna sin medverknad i barnehagen 1.Set opp punkt de meiner barnehagen er flink til: 2.Set opp punkt de meiner barnehagen kan verta flinkare til: 3.Set opp punkt som foreldra kan verta flinkare til: Kriterium: Foreldra er trygge på at borna deira vert respektert, og at dei får delta i ein fellesskap som gjer dei godt. Teikn: Vert foreldra involvert i barnehagen sitt pedagogiske arbeid? Dette sa foreldra: Teikn: Opplever foreldra at borna sine initiativ vert ivaretekne? Dette sa foreldra: Teikn: Kjenner foreldra til korleis barna får medverka i barnehagen? Kriterium: Barna skal ha rett til medverknad tilpassa alder og forutsetninger Teikn: Fremmar fysisk tilrettelegging av utstyr inne og ute barna sin medverknad? Dette sa foreldra:

19 4.Intervjuguide- tilsette Bulandet barnehage. 1. Kva gjer du for at borna sine innspel i det daglige blir fanga opp? Kva gjer du/de med desse utspela? 2. Kor fleksible er de i høve planar (dagsrytme) til fordel for barna sine initiativ? 3. Kva slags val får ungane i Bulandet barnehage ta sjølve? 4. Få barna delta i planlegging og vurdering av aktivitetar i barnehagen? 5. På kva måte får de tak i barna sine meiningar? 6. Fortel korleis barna sine kreative uttrykk blir synleggjort i barnehagen? 7. Kva tid på dagen får barna velje kva dei vil leike med og kor? 8. Kva gjer du for å få til at barna får realisere sine val? 9. Har barnehagen rutinar for samtaler eller for intervju med barna? 10. Kven i personalgruppa deltek i desse samtalane? 11. På kva måte blir foreldra engasjert i det pedagogiske arbeidet? 12. På kva måte drøfter de eigen praksis m.o.t. barnas medverknad? 13. Blir barna sine synspunkta vektlagd i vurderingsarbeidet og korleis. 14. Har du og resten av personalet ein felles forståing av borna sin medverknad? 15.Får de nok faglig støtte og rettleiing m.o.t. barnas medverknad? 16. Er det noko du har lyst å fortelje i høve barnas medverknad?

20 5. Observasjon skjema Bulandet barnehage, mars 2012 Borna sine innspel på den daglege verksemda vert vektlagt Borna får leike i fred, utan unødvendig avbryting av vaksne Borna sine kreative uttrykk vert verdsett og synleggjort Personalet er fleksible i høve planar (dagsrytme) til fordel for borna sine initiativ. Borna gjer eigne val i kvardagen (aktivitetar, rom og vener) Personalet oppfordra borna til å seie si meining om kvardagen i barnehagen Borna får leike i fred, utan unødvendig avbryting av vaksne Personalet legg til rette for at det enkelte barn får realisere sitt val

21 6. TIDSPLAN for vurdering av Bulandet barnehage Askvoll Tid Aktivitet Ansvar Feb 12 Vurderarane lagar utkast til glansbildet og barnehagen gir kommentarar. Vurderarar og styrar Feb. 12 Vurderarar besøker barnehagen. vurderarar mars Vurderarane sender innkalling til foreldremøtet og påstandskjema for foreldre. Styraren deler ut dokument. Vurderarar og styrar Veke 12 Styraren samlar inn påstandskjema( foreldre) styrer Vurderingsveke: veke_13 Måndag oppstart, arbeidsfordeling intervju med Gunn Torill observasjon på avdelingen intervju med Lise observasjon samtale med styrer foreldremøte Vurderarar. Tysdag intervju med Asta observasjon på avdelingane intervju med Anita observasjon på avdelingane samtale med styrer Vurderarar. onsdag intervju med Janne observasjon på avdelingane intervju med 5 åringar intervju med 4 åringar samtale med styrer Vurderarar. torsdag førebuing til rapport framlegging framlegging av førebels rapport til styrar framlegging av førebels rapport til personalet. Vurderarar