VURDERINGSRAPPORT. Olderdalen barnehage mai Sidsel Anita Ekblad Itland Åsmund Berthelsen Marie Hendrix

Transkript

1 VURDERINGSRAPPORT Olderdalen barnehage Olderdalen barnehage, Sæbø, 6993 Høyanger, tlf mai 2010 Sidsel Anita Ekblad Itland Åsmund Berthelsen Marie Hendrix Tema: I møte mellom barn og vaksne, i kor stor grad har barna innflytelse i her og nå situasjonar? Vurderingsnettverket for barnehagar i HAFS skuleregion 1

2 1:Føreord Regionalt samarbeid om vurdering og kvalitetsutvikling Med bakgrunn i gode erfaringar med skulevurdering og ynskje om noko tilsvarande for barnehage, vart det sett i gang eit liknande prosjekt for barnehage i HAFS skuleregion våren. HAFS er eit samarbeid mellom seks kommunar, Hyllestad, Fjaler, Askvoll, Solund, Gulen og Høyanger. Grunngjevinga finn ein også i Rammeplan for barnehagen (2006), Kap.4.3 Vurdering av arbeidet i barnehagen. Her heiter det mellom anna: «Vurdering som blir gjort tilgjengeleg for andre, kan bidra til ein open og brei debatt om måla, innhaldet, oppgåvene og kvaliteten i barnehagen.» Og vidare «Systematisk vurderingsarbeid legg grunnlaget for barnehagen som lærande organisasjon.» Dei skule- og barnehageansvarlege i HAFS-kommunane og Høyanger har oppretta eit vurderingsnettverk for barnehagar. Kvar kommune maktar ikkje å gjennomføre ekstern vurdering åleine. Difor har ein gått saman om å nytte personressurssar og økonomi på tvers av kommunegrensene på ein god og effektiv måte. Regionen har tilsett ein prosjektkoordinator som administrerer arbeidet og er arbeidsleiar for vurderingsgruppene. Vurderingsprosjektet vert økonomisk støtte av Fylkesmannen i Sogn og Fjordane. Vurderingsgruppa skal vere til hjelp i arbeidet med pedagogisk kvalitetsutvikling i barnehagane. Føremålet er mellom anna: sikre kvalitetsutvikling knyte saman god praksis i regionen erkjenne at barnehagen treng, og kjem til å få «auge utanfrå» ekstern hjelp i vurderingsarbeidet og utvikle vurderingskompetanse oppfylle kravet i Lov om barnehagar 10 om kommunen sitt ansvar for tilsyn. Kven er vurderarar? Åtte personar i HAFS skuleregion er med i vurderingsnettverket for barnehagar. Nettverket er under oppbygging, og det er sett saman av pedagogar frå barnehagar i kommunane i samarbeidet. Dei har brei og variert bakgrunn. Vurderarane har fått opplæring i metoden, og dei har vore med som hospitantar på skulevurderingar. Ingen vurderar barnehagar i eigen kommune. Framdrifta i vurderingsarbeidet: Barnehagen gjennomfører Ståstadsanalysen i god tid før vurderingsarbeidet tek til. Barnehagen vel eit fokusområde for vurdering i samsvar med resultat av Ståstadanlysen. Barnehagen sender resultata av Ståstadanalysen og bakgrunnsmateriell til vurderarane. Vurderarane førebur sjølve vurderinga i samråd med barnehgaen, med utarbeiding av kriterium, metodeval og verktøy, tilpassa det barnehagen ynskjer fokus på. Sjølve vurderinga vert gjennomført. Rapporten frå vurderinga vert offentleggjort etter ein månad. Seks månader etter barnehagevurderinga skal styrar rapportere til barnehageansvarleg i kommunen og prosjektkoordinator i HAFS skuleregion om korleis barnehagen har arbeidd med utviklingsområda. Vurderingsnettverket for barnehagar i HAFS skuleregion 2

3 Rapporten Vurderarane skriv ein rapport om resultatet av vurderinga. Rapporten trekker fram verksemda sine sterke sider, og kva utfordringar barnehagen har. Han gjev også informasjon om rammene for vurderinga, tidsbruk, metodeval, verktøy m.m. Vurderinga gjev ikkje eit fullstendig bilete av barnehagen, men skal peike på kva barnehagen skal arbeide vidare med innafor dei områda som er vurdert. 2: Fakta om barnehagen Olderdalen barnehage er ein 4 avdeling barnehage for barn frå 0-6 år. Barnehagen er ein kommunal barnehage som ligger i Høyanger kommune. Pr dags dato har vi 64 barn i barnehagen som er fordelt på fire avdelingar som består av følgjande: Tyrihans 17 barn fødd i 2004, Askeladden 19 barn fødd i 2005/2006, Rødhette 18 barn fødd i 2006/2007 Veslefrikk 10 barn fødd i 2007/2008. Olderdalen barnehage ligger på Øvre Sæbø. Det er ca 10 min gange til sentrum av Høyanger der vi blant anna har tilgang til fasilitetar som bibliotek, idrettshall/kunstgrasbane og symjehall. I tillegg til uteområdet vårt som inneheld huskestativ, borg, sklier, fire sandkasser,store steinar og eit multihus ligger barnehagen like ved naturstien som gjer at vi har god tilgjengelighet til natur og skogsområde. Vi har også ei grusbane like ved barnehagen som vi kan nytte. Olderdalen barnehage arbeider utifra ein felles visjon som vart utarbeidd/utvida i personalgruppa 2008/09. JA! VI VIL! Lære, kreativitet og humor! 3: Vurderingstema I møte mellom barn og vaksne, i kor stor grad har barna innflytelse i her og nå situasjonar? 4: Kriterium/kvalitetskrav Kriterium tyder her krav til kjenneteikn på god kvalitet. Dei fastsette kriteria er henta frå lov, regelverk, Rammeplan for barnehagen 2006, lokale planar og barnehagen sine eigne planar. Når vurderarane gjennomfører ei vurdering, vert kriterium samanlikna med den informasjon som vert samla inn om temaet, gjennom intervju og observasjon i barnehagen. I tillegg til dei dokument som barnehagen har lagt fram. Kriterium i denne rapporten er utforma av vurderarane, og godkjende av barnehagen. Glansbilete for Olderdalen barnehage: Bakgrunnen for omgrepet glansbilete er at det tidlegare var vanleg å samla på glansbilete. Englar med glitter på vengene var spesielt vakre. Ingen veit eksakt korleis englar ser ut, men men ein kunne vel ynskje at dei ser slik ut som på gamle glansbilete. Vurderingsnettverket for barnehagar i HAFS skuleregion 3

4 Kriterium Barnehagen er prega av anerkjennande kommunikasjon mellom personalet og barna Personalet viser respekt for barna sine ulike perspektiv, meiningar og opplevingar. Barna deltek aktivt i planlegging, gjennomføring og vurdering av aktivitetar Barnehagen er prega av anerkjennande kommunikasjon mellom personalet og føresette Barnehagen er ein lærande organisasjon Teikn på god praksis personalet er gode lyttarar personalet er flinke til å tolke kroppsspråk personalet tar seg tid til samtalar med barna personalet er medvitne om og har kompetanse om barn sine uttrykksmåtar i ulike aldersgrupper personalet utfordrar barna til å ta eigne val personalet er fleksible og imøtekomande ovanfor einskildbarn og deira behov personalet framhever og påpeiker ulike meiningar personalet rettleiar i konfliktsituasjonar personalet legg vekt på demokratiske avgjerder personalet prøver å finne høve til å oppfylle ynskja til barna barna sine innspel viser att i barnehagen sine planar og aktivitetar personalet sett av tid til samtaler barna får høve til å velje aktivitetar Barna er aktive deltakarar i kvardagsrutinane Det er sett av tid til at barn kan vere med og vurdere innhaldet i barnehagen informasjon og innspel frå føresette vert tatt på alvor føresette får informasjon om aktivitetar og planar i barnehagen føresette er velkomne i barnehagen og vert møtt med respekt føresette viser interesse i innhaldet i barnas kvardag i barnehagen føresette deltek i vurdering av barnehagen personalet gjennomfører foreldresamtaler Det er jamnlege diskusjonar kring praksis Personalet delar kunnskap og erfaringar med kvarandre Evaluering og vurdering gjev grunnlag for ny praksis Barns innflytelse i høve til vaksenrolla er tema på møter Dagsrytmen er fleksibel nok til at barn slipper til 5: Deltakarar i vurderinga Interne: Personalet, barna og foreldra i Olderdalen barnehage. Eksterne: Sidsel Anita Ekblad Itland og Åsmund Berthelsen. Marie Hendrix har vore med og utarbeidd førehandsmateriale Fokusområde for vurderinga har handla om barnas innflytelse. Det var då naturleg å velje informantar som står barna nær. 6: Tidsbruk Det var avsett ei veke til å vurdera barnehagen. Vurderarane møtte barnehagen for avklaringar og planlegging før dei gjennomførte intervju, samtalar og observasjonar i tre dagar. Den fjerde dagen i vurderingsveka skreiv vurderarane rapporten og overleverte han til barnehagen same dagen. Vurderingsnettverket for barnehagar i HAFS skuleregion 4

5 Tidsplan for vurdering av Olderdalen barnehage Dag Aktivitet Ansvar Første kontakt med barnehagen, avtale besøk vurderarane Besøk i barnehagen, møte med pedagogar, avtale nærare vurderarane framdrift Første utkast til glansbilete ferdig vurderarane Tilbakemelding frå barnehagen Styrar Revidert utkast til glansbilete Vurderarane Endeleg glansbilete Styrar Påstandsskjema sendast barnehagen Vurderarane Postlegge påstandsskjema til vurderarane Styrar Intervjuguider, observasjonsskjema m.m. ferdig Vurderarane Lage intervjugrupper, vaksne og born Styrar/ped. leiarar Vurderingsveka: veke nr. Dag Tidspunkt og akivitet Ansvar Måndag ; Oppstart og arbeidsfordeling ; Intervju med pedagogar; 2 og ; Observasjonar, måltid, pausar ; Intervju med born, 3 grupper a 4 barn, ; Observasjonar, samtale med styrar ca 16.30; Middag 18-19; Foreldremøte Tysdag ; Observasjonar 9-11; Intervju med born, 3 grupper a 4 barn, ; Observasjonar, måltid, pausar ; Intervju med assistentar, grupper på 3 og ; Observasjonar, samtale med styrar ca 16.30; Middag Onsdag 9-10; Intervju med assistentar, gruppe på ; Observasjonar, måltid, pausar 13- Intervju med styrar Torsdag -15 Arbeid med rapporten 15-16; Førebels framlegg og samtale med styrar Framlegg av rapporten til eit samla personale, barnehageeigar og foreldrerepresentant vurderarar/styrar vurderarar/styrar vurderarar vurderarar/ped.l. vurderarar vurderarar vurderarar vurderarar/styrar vurderarar vurderarar/ped.l. vurderarar vurderarar/styrar vurderarar vurderarar vurderarar vurderarar vurderarar/styrar Vurderingsnettverket for barnehagar i HAFS skuleregion 5

6 7: Metodar For å sikra god forankring og at alle røyster vert høyrde, henta vurderarane inn data frå fleire kjelder (kjeldetriangulering). Vurderarane plukka ut informantane, og ønskte å møta: Dei pedagogiske leiarane som vi intervjua i grupper på to. Assistentane som vi intervjua i grupper på tre og to. Barna (fødd 2004 og 2005) som vi intervjua i grupper på fire og fem. Styraren som vi intervjua til slutt. Foreldra som vi møtte på foreldremøte der dei svarte på spørsmål i grupper. For å styrka kvaliteten på dei data vi fann, brukte vi ulike metodar for datainnsamling (metodetriangulering). Gjennom eit breitt spekter av metodar tok vurderarane temperaturen på den pedagogiske praksisen i barnehagen, og på korleis barnehagen fungerar som organisasjon. Tema og tid til rådvelde verkar inn på val av metode. I prosessen i denne barnehagen er fylgjande metodar nytta: Dokument- og resultatanalyse På førehand, etter at barnehagen hadde gjennomført ståstadsanalyse og før vurderarane vitja barnehagen, sende barnehagen relevante dokument til vurderarane. Dette var årsplan, vaktplan, resultat av brukarundersøking, plan for satsingsområde i barnehagane i Høyanger kommune og ståstadsanalyse. Kriterium og teikn på god praksis ( Glansbilete ) Vurderarane utarbeidde forslag til eit glansbilete med kriterium og teikn på god praksis. Utgangspunktet henta vi frå Rammeplan for barnehagen - 06, barnehagelova med forskrift, kommunen sine planar og barnehagen sine planar. Framlegg til kriterium med teikn på god praksis vart drøfta i barnehagen. Barnehagen kom med framlegg til endringar. Glansbiletet er godkjent av barnehagen. Påstandsskjema Før barnehagebesøket sende vurderarane ut påstandsskjema til personalet i vurderinga. Desse vart fylt ut av alle tilsette, og deretter returnert til vurderarane for oppsummering. Samtaleguidar/intervju For å fanga lik tematikk, hadde vurderarane i førekant utarbeidd ulike guidar til hjelp for samtalar med høvesvis born, assistentar/fagarbeidarar, pedagogar og styrar. Møte med føresette Ein føresetnad for god barnehageutvikling er god dialog mellom heim og barnehage. Føresette må få høve til å involvera og engasjera seg. I løpet av denne vurderinga har vi hatt møte med føresette for heile barnehagen. Møte med styrar Styrar har ei nøkkelrolle i utviklingsarbeidet som barnehagen skal drive utifrå konklusjonane i rapporten. Ein god dialog med styrar dannar grunnlag for gjensidig forståing av barnehagen sin no-situasjon og for vidare arbeid. Observasjon Vi observerte i kvardagssituasjonar: Hente- og bringesituasjonar, leik ute og leik inne, måltid, samlingsstund, lesing og tur. Vurderingsnettverket for barnehagar i HAFS skuleregion 6

7 8:Barnehagen sine sterke sider innan vurderingsområdet Kriterium 1: Barnehagen er prega av anerkjennande kommunikasjon mellom personalet og barna P ersonalet er gode lyttarar Vi har sett tilsette som brukar aktiv lytting som verkemiddel, set seg ned på huk for å få augekontakt, fylgjer barns innspel med oppfølgjingsspørsmål og syner interesse for det barn er opptekne av. Ungane gjev også uttrykk for at tilsette er gode lyttarar: Nokon gonger, når dei synest det er spennande, så seier dei oj. Både barn og tilsette gjev uttrykk for at når vaksne ser at ungane er konsentrerte om det dei er opptekne av, vert planar endra eller utsett. Utsegn: Viss vi skal måle eller gjere sånne lekseoppgåver, bare venter dei på oss, for vi leiker så fint. P ersonalet er flinke til å tolke kroppsspråk Vi har sett tilsette som ser og høyrer kva ungane prøver å seie og uttrykke. Dei tilsette tek tak i det ungane prøver å få fram, og dei er undrande og spørjande slik at ungane kan korrigere eller stadfeste om den vaksne har oppfatta rett. Dei vaksne set også ord på dette. P ersonalet tar seg tid til samtalar med barna Vi har sett fleire gode døme på tilsette som brukar tid på å samtale med ungar, både ein til ein og i små grupper. Både assistentar og pedagogar seier at dei er medvitne om å bruke ulike kvardagssituasjonar spontant til samtalar. P ersonalet er medvitne om og har kompetanse om barn sine uttrykksmåtar i ulike aldersgrupper Vi har sett stor kompetanse på å møte barn sine ulike uttrykk, særleg mellom dei minste barna. Kriterium 2: Personalet viser respekt for barna sine ulike perspektiv, meiningar og opplevingar. Personalet utfordrar barna til å ta eigne val Vi har sett og høyrt fleire døme på at barn vert bevisstgjort på å stå for sine val. Dei tilsette gjev også uttrykk for dette i intervju. Og påstandsskjema syner at dei tilsette meiner det er viktig at barn tar eigne val. Dei tek også individuelle omsyn og er fleksible. Personalet er fleksible og imøtekomande ovanfor einskildbarn og deira behov Dei tilsette fortel at dei let ungar vere i barnehagen om dei absolutt ikkje vil på tur. Dei fortel også om at dei somme gonger kan få velje om dei vil vere ute eller inne. Dagsrytma vert regulert etter ungane sine behov. Spespedtiltak vert lagt til tider på dagen som passar ungane. Dette kjem fram gjennom observasjonar og intervju. Vurderingsnettverket for barnehagar i HAFS skuleregion 7

8 Personalet rettleiar i konfliktsituasjonar Vi har sett tilsette som er aktive rettleiarar i her og no situasjonar, t.d ved konflikt om kven som er fyrst i køen. Tilsette gjev barn høve til å velge korleis dei vil ha hjelpa. Tilsette fortel i intervju at dei er opptekne av å finne ut av årsaksamanhengar og snakkar med begge partar. Barn fortel at dei ofte vel strategiar som å Då gjer vi noke anna som begge to vil. Påstandsskjema syner at personalet har noke å gå på når det gjeld kompetanseoppbygging og sams praksis. Personalet legg vekt på demokratiske avgjerder Ungane vert opplært til avstemming. Fleirtalet avgjer kva for eit ynskje som skal gjennomførast. Tilsette går i dialog med barna for å oppnå semje dersom det er mogeleg. Andre ynskjer vert gjerne gjennomført ved seinar høve. Dei tilsette legg vekt på å forklare kvifor. Ungane får og lære at det er ikkje alltid dei kan få det som dei ynskjer. Dei største ungane opplever at når det ynskjet som får fleirtal er gjennomført, får dei velge mellom dei resterande ynskja. På denne måten vert alle imøtekomme og mindretalet vert høyrt. Personalet prøver å finne høve til å oppfylle ynskja til barna Askeladden har spontandag der dei let ungane velje kva dei vil gjere og dei tilsette finn fram det dei treng til aktivitetane. Når ungane ynskjer å gå på to ulike turar gjer dei det, om det er nok vaksne. Både tilsette og ungar fortel at bursdagsbarnet får velje mat etter ein meny aktivitet for den dagen. Kriterium 3: Barna deltek aktivt i planlegging, gjennomføring og vurdering av aktivitetar Barna sine innspel viser att i barnehagen sine planar og aktivitetar Barn får høve til å delta i fleire situasjoner, t.d. innhald i idrettshall, handling av mat, planlegge bursdagfeiring. Barnehagen dokumenter i noko grad ved bilete, oppslag/whiteboardtavle og nyhetsbrev. Dette kjem fram gjennom dokumentanalyse, intervju, foreldremøte og observasjon. Personalet set av tid til samtaler Styrar fortel i intervju at dei eldste ungane har to strategisamtalar i året. Barna får høve til å velje aktivitetar Dagsrytmen legg opp til val av aktivitetar fram til halv ti. Og etter mat er det også fritt val av aktivitetar, ute eller inne. Det er eit gjennomgåande trekk at det er få må-aktivitetar. Det observerte vi, og det vart sagt i intervju med dei tilsette. I intervju kom det fram at to avdelingar har open vekeplan som gjev rom for at barna kan velje aktivitetar. Ei avdeling nyttar visuell støtte for å bevisstgjere barna på vala dei har. Det vert opplevd positivt. Barna er aktive deltakarar i kvardagsrutinane Vi såg at barn deltok i opprydding etter aktivitet og før mat. Det var eit system med kjøkkenvakt kvar dag.vakta var med å dekke på bordet og rydde av. Ungane var også med og handla. På bursdagar var bursdagsbarnet med på førebu bursdagsfeiringa. Dette kom også fram i intervju med dei tilsette. Kriterium 4: Barnehagen er prega av anerkjennande kommunikasjon mellom personalet og føresette Vurderingsnettverket for barnehagar i HAFS skuleregion 8

9 Informasjon og innspel frå føresette vert tatt på alvor Både i det som kjem fram i gruppesvar på foreldremøtet og i intervju med tilsette er det generelle inntrykket at innspel frå føresette vert behandla seriøst og skikkeleg. Er det mogleg får dei føresette svar med ein gong. Barnehagen har eit system for å skrive ned, formidle vidare, drøfte og gje tilbakemelding til dei føresette. Føresette får informasjon om aktivitetar og planar i barnehagen Det vert nytta både nettsider, whiteboardtavler, oppslag, nyhetsbrev og vekeplanar. Det vert også Gjeve munnleg informasjon ved henting og bringing. Ein del foreldre er likevel ikkje nøgd med informasjonen. Føresette er velkomne i barnehagen og vert møtt med respekt Vi har snakka med fleire foreldre som har nytta barnehagen i mange år og er svært nøgd med korleis dei vert møtt. Foreldra fortel at dei vert høyrt og at innspel vert arbeidd med både negative og positive. Det er ikkje vanskeleg å ta opp ting i Olderdalen barnehage. Føresette viser interesse i innhaldet i barnas kvardag i barnehagen Foreldre og tilsette fortel at foreldre kjem med innspel helst i høve til eigne barn. Foreldra etterspør informasjon ved behov. Føresette deltek i vurdering av barnehagen Det vert gjennomført brukarundersøking ein gong i året. Undersøkinga er no flytta frå juni til april for å kunne drøfte den og eventuelt gjere endringar før sommarferien. Det vert halde foreldremøte med godt frammøte. Styrar uttalar og på foreldremøtet fekk vi inntrykk av aktive foreldrerepresentantar. Foreldre kjem også med innspel i hente- og bringesituasjonen og i foreldresamtalar. Personalet gjennomfører foreldresamtaler Barnehagen har tilbod om minimum to foreldresamtalar i året, fleire ved behov. Foreldreamtalane vert mellom anna nytta til viktig informasjon om kva behov og interesser det einskilde barnet har, noko som og får konsekvensar for val av innhald i barnehagen. Kriterium 5: Barnehagen er ein lærande organisasjon Barnehagen viser kollektive ambisjonar om å ville ta til seg ny kunnskap og ville utvikle og endre praksis. Dei har rutinar for å ta tak i problemstillingar som vert reist på kurs og planleggingsdagar. Kommunen og barnehagen har satsingsområde, og tilsette får tilbod om kompetanseheving på dei områda. Barnehagen har utviklingspotensiale i å setje dette i system (jfr kapittel 9) Dagsrytmen er fleksibel nok til at barn slepper til Tilsette er heile tida i dialog med kvarandre og med det dei ser hjå barna. Dette pregar dagsrytma. To avdelingar har open vekeplan. Noko som opnar for å vere fleksible. Vurderingsnettverket for barnehagar i HAFS skuleregion 9

10 9: Barnehagen sine utviklingsområde innan vurderingsområdet Kriterium 1: Barnehagen er prega av anerkjennande kommunikasjon mellom personalet og barna P ersonalet er gode lyttarar Vi ser ein sprik mellom det barna fortel og det dei vaksne meiner at dei gjer. Barna meiner at det er dei vaksne som bestemmer heile tida. Observasjonar viser at det er både og, dei tilsetter lytter til barn ved mange høve. Barneintervjua syner ein tendens til at vaksne vert nytta til problemløysing når noko skjer, men at barna ikkje opplever at vaksne lytter når alt glir godt. Personalet kan verte betre på å synleggjere for ungane at dei verkeleg lytter til dei. P ersonalet er medvitne om og har kompetanse om barn sine uttrykksmåtar i ulike aldersgrupper Personalet syner gjennom praksis at dei har kompetanse på å møte ulike uttrykksmåtar, men at dei ikkje er så medvitne om det. Intervju og observasjonar syner at det kan vere ulik praksis på korleis ungane vert møtt. Fleire tilsette gjev uttrykk for at dei har hatt lite eller inga opplæring i dette. Kriterium 2: Personalet viser respekt for barna sine ulike perspektiv, meiningar og opplevingar. Personalet framhevar og påpeikar ulike meiningar Personalet legg vekt på demokratiske avgjerder Observasjonar og intervju viser at Olderdalen barnehage legg vekt på demokratiske avgjerder, men dei tilsette treng å verte meir medvitne om dei demokratiske prosessane dei legg opp til. Barnehagen kan med fordel setje ord på og setje dette i system på ein måte som sikrar grunnlaget for deltaking i eit demokratisk samfunn (jfr Rammeplan for barnehagar, s 25). Barnehagen må tydeleggjere for seg sjølv kva dei legg i dei demokratiske prinsippa, så som å gje uttrykk for eigne meiningar, kunne inngå kompromiss og finne felles løysingar, vere med og påverke og oppleve at meiningane deira tel. Personalet rettleiar i konfliktsituasjonar Vi har observert at vaksne er aktivt med på å løyse konfliktsituasjonar. Ungane har og strategier for å løyse situasjonar. Personalet har eit ynskje om at ungane sjølv skal løyse konfliktane. Vi sit likevel att med eit inntrykk av at barna ikkje får rettleiing slik at dei kan gjere det. Ungane snakka mykje om ein benk dei må sitje på ved ulike høve, men seier lite om kva dei lærer av det Kriterium 3: Barna deltek aktivt i planlegging, gjennomføring og vurdering av aktivitetar Barna sine innspel viser att i barnehagen sine planar og aktivitetar Barna sine ynskjer og innspel er i stor grad med og pregar aktivitetane i barnehagen. Barna har høve til å planlegge der og då. Dette viser likevel ikkje att i etterkant, det vert som enkeltståande tilfeller. Barnehagen må synleggjere korleis dei legg opp til deltaking og korleis dette virkar inn på planlegging av innhaldet. Vurderingsnettverket for barnehagar i HAFS skuleregion 10

11 Personalet set av tid til samtaler Dei tilsette fortel at dei tar seg tid til dei spontane samtalane, men at dette er lite planlagd eller sett i system. Dei har gode metodar for innhenting av informasjon frå dei stille barna, dette kunne med fordel vore synleggjort og setla i systemet for å sikre at det skjer. Dei eldste ungane har to samtalar i året som er planlgt og avsett tid til. Andre samtalar førekjem i fylgje intervju berre spontant. Vi har likevel observert døme på at det har vore sett av tid til samtalar ved behov. Barna er aktive deltakarar i kvardagsrutinane Påstandsskjema og intervju fortel at ungane er med i ulike kvardagsrutinar. Dette har vi likevel sett lite til. Ved fleire høve har vaksne ordna det praktiske medan ungane har drive på med sitt åleine. Det er sett av tid til at barn kan vere med og vurdere innhaldet i barnehagen De er ikkje sett av tid til at barn kan vere med og vurdere innhaldet. Det førekjem i spontane og ustrukturerte situasjonar, men kjem ikkje til syne i særleg grad. Tilsette fortel at det i stor grad er observasjonar av barn som utgjer vurderingsgrunnlaget for vidare planlegging. Dette må Olderdalen barnehage setje i system og synleggjere. Barn skal jevnlig få mulighet til aktiv deltakelse i planlegging og vurdering av barnehages virksomhet (Rammeplan for barnehager, s 13). Kriterium 4: Barnehagen er prega av anerkjennande kommunikasjon mellom personalet og føresette Informasjon og innspel frå føresette vert tatt på alvor Storparten av foreldra melder om at innspel vert teke tak i og handsama, og at dei får tilfredsstillande tilbakemelding på kva som vert gjort. Einskilde saker går likevel att. Foreldra er misnøgde med vedlikehaldet av barnehagen, og spesielt det som går på sikkerhet (gjerde og portar). Dei har og ved gjentekne høve tatt opp både med kommuneleiing og barnehagen usikker veg til idrettshall. Barnehagen har fått brev om alternativ trasse, men ifylgje foreldra vert den ikkje nytta. Ein del foreldre er misnøgde med prosessane i høve overflytting av born frå anna barnehage i kommunen. Ein del foreldre er misnøgde med at dei tilsette ikkje alltid prioriterer å kome ut i garderoben ved levering og at dei ikkje alltid får nok informasjon om dagen ved henting. Dette må sjåast i samanheng med andre mål og tiltak i barnehagen si verksemd, noken gonger må den einskilde sine interesser vike for fellesskapet. Foreldra vil og gjerne ha eit system for vakthold ved port og gjerde slik at ungane ikkje får høve til å stikke av. Føresette får informasjon om aktivitetar og planar i barnehagen Foreldra er generelt sett svært fornøgde med informasjonen, men meiner at heimesida kan verte betre. Det vart stilt spørsmål om felles system for vekeplanar og nyhetsbrev, men det vart og påpeika at vekeplanane måtte gje rom for fleksibilitet i høve til for eksempel ver. Dei sakna informasjon om personalbyte og vikarbruk. Nye personar må presentere seg slik at ein veit kven dei er. Er dette vikar eller? Kriterium 5: Barnehagen er ein lærande organisasjon Barnehagen viser kollektive ambisjonar om å ville ta til seg ny kunnskap og ville utvikle og endre praksis. Dei har rutinar for å ta tak i problemstillingar som vert reist på kurs og planleggingsdagar. Kommunen og barnehagen har satsingsområde, og tilsette får tilbod om kompetanseheving på dei områda. Barnehagen har utviklingspotensiale i å setje dette i system. Vurderingsnettverket for barnehagar i HAFS skuleregion 11

12 Det er jamnlege diskusjonar kring praksis Personalet delar kunnskap og erfaringar med kvarandre Personalet fortel at dei brukar personalmøta, avdelingsmøta og planlegingsdagar til å diksutere korleis dei skal løyse utfordringar. Dei søkjer råd hos kvarandre i noko grad; assistentar hos pedagogiske leiarar og pedagogar hos andre pedgogar. Dei seier ingenting om korleis dei lærer god praksis av kvarandre. Barnehagen har ingen plan for systematisk rettleiing eller bruk av praksisforteljingar som grunnlag for å setje ord på den tause kunnskapen. Personalet syner stor grad av engasjement og refleksjon, men han framstår ikkje som felles. Barnehagen har 4 avdelingar der det å byte avdeling kan kjennest som å kome inn i ein heilt ny verden. Noko kan forklarast med at det er ulike aldersgrupper. Olderdalen barnehage vil proffitere på å jobbe fram meir felles praksis gjennom deling av erfaringer og utveksling av kunnskap. Evaluering og vurdering gjev grunnlag for ny praksis Intervju med tilsette syner at praksis vert evaluert og vurert både uformelt og dagleg og på avdelingsmøte, personalmøte og planleggingsdagar. Tilsette viser til døme på at praksis er endra etter diskusjonar og kurs, men endringane verkar tilfeldige og gjeld truleg ikkje alle. Tilsette fortel også om at dei må minnast på ting som er avtala. Barns innflytelse i høve til vaksenrolla er tema på møter Tilsette opplyser at dette har vore tema på møte, men det er uvisst kva ein har kome fram til og om ting er fylgd opp. Oppsummering Olderdalen barnehage har vore gjennom store omstillingsprosessar med overflytting av ungar og personale frå andre barnehagar i tillegg til skifte av styrar i same perioden. Dette er ein viktig bakgrunn for dei vurderingar som er gjort. Olderdalen barnehage gjer mykje bra og rett på vurderingsområdet både i høve anerkjennande kommunikasjon mellom personalet og barna og å ha respekt for barna sine ulike perspektiv, meiningar og opplevingar. Barnehagen har også god kommunikasjon med forelda som generelt er svært fornøgde med barnehagen. Den største utfordringa har Olderdalen barnehage på å verte medvitne om det dei gjer og systematisere og dokumentere at barna har medverknad og får opplæring i demokratiske prosessar. På nokre område er det behov for å få ein meir felles praksis i Olderdalen barnehage. Og barnehagen har ei utfordring i å verte ein meir lærande organisasjon, gjennom meir systematisk refleksjon kring praksis og å prøve ut ulike måtar å gjere ting på. I tillegg til vurderingsområdet har vurderarane registrert fylgjande: Det er stort behov for vedlikehald i Olderdalen barnehage. Vidare er det behov for ei vaktmeisterordning. Barnehagen må også arbeide med å styrke det fleirkulturelle arbeidet. Høyanger kommune bør stimulere assistentar som ynskjer å ta utdanning som førskulelærarar, for på den måten å auke pedagogtettleiken og rekruttere kompetanse. Vurderingsnettverket for barnehagar i HAFS skuleregion 12

13 10: Idear til vidare arbeid Utviklingsområde Barnehagen er prega av anerkjennande kommunikasjon mellom personalet og føresette. Barnehagen er ein lærande organisasjon Idear Ta bilete av dei tilsette OG vikarane med namn og heng opp. Lage eit standardskriv med informasjon om den nye avdelinga barnet skal begynne på med kven som jobbar der, kva for barn som går der og kva dei viktigaste endringane går ut på. Betre vedlikehald av gjerder og portar. Ta i bruk praksisforteljingar som grunnlag for diskusjon av korleis de gjer ting. Endre innhald/opplegg for personalmøta. Ha eventuelt fleire personalmøte og sett saman grupper på tvers av profesjon og avdeling. Bruk tid på å øve på nye måtar å gjere det på i forpliktande semje. Seks månader etter at barnehagevurderinga finn stad, vil styrar rapportera attende til barnehageansvarleg i kommunen korleis barnehagen har arbeidd med utviklingsområda sine. Det politiske fagutvalet vil få ei orientering. Ein månad etter vurderinga vert rapporten offentleggjort ved å bli lagt ut på nettstaden til Skuleregion HAFS og Høyanger kommune. Høyanger 6. mai 2010 Sidsel Anita Ekblad Itland Vurderingsnettverket Skuleregion HAFS Åsmund Berthelsen Vurderingsnettverket Skuleregion HAFS 6 vedlegg Vedlegg: 1. Påstandsskjema for personalet 2. Gruppespørsmål foreldremøte 3. Intervju/samtaleguide for borna 4. Intervjuguide assistentar 5. Intervjuguide styrar og pedagogiske leiarar 6. Observasjonsskjema Vurderingsnettverket for barnehagar i HAFS skuleregion 13

14 Vedlegg 1: Påstandsskjema personalet 1 = heilt einig, 5 = heilt ueinig i påstanden Eg lytter til barn sine innspel Eg tar hensyn til barn som vil noke anna enn dei andre Eg endrer planar når barnet ikkje har lyst til å fylgje mitt opplegg Eg har god kjennskap til barnas ulike måtar å vise meininga si på Eg har kunnskaper om ulike uttrykksmåtar for dei ulike aldersgruppene Eg lar meg begeistre av barns innspel Eg har god tid til å samtale med barn Eg tar meg tid til å samtale med barn Eg har ein god dialog med alle barn på mi avdeling Eg vil at barn skal ta sjølvstendige val Eg respekterer barns eigne val Det er rom for barn til å ta ulike val i Olderdalen barnehage Det er rom og plass til at barn kan halde på med ulike aktivitetar samstundes Eg kan gjere ulike meiningar tydelege for barna Det er rom for ulike meiningar Eg er ein aktiv rettleiar i konfliktsituasjonar mellom barn Eg kan ulike konfliktløysingsmetodar Me legg vekt på gode argument, og tar ikkje alltid hensyn til fleirtalet Eg er fleksibel i høve til barns ulike ynskje Eg er kreativ når det gjeld å finne høve til å møte barn sine ynskje Barn sine innspel vert dokumentert Barn sine innspel viser att i planar og andre dokument Barn sine innspel viser att i val av aktivitetar Barn får velgje fritt kva dei vil gjere Det er tydeleg for barn kor tid dei kan velge sjølv og kor tid eg bestemmer Barn deltek i rutinesituasjonar som å dekke bord, halde samling, kle av og på, lage mat etc Barn deltek i vurdering av barnehagen Barn vert spurt om kva dei meiner om barnehagen Eg tar hensyn til foreldres ulike innspel Vi har gode rutinar for informasjonsutveksling vedkommande barna Vi bruker praksisfortekjingar som grunnlag for diskusjonar rundt korleis vi arbeider med barn Eg tar hensyn til vurderingane før nye planar vert lagt Barns innflytelse er ofte tema på møter Dagsrytma er rettleiande, ikkje fast Vurderingsnettverket for barnehagar i HAFS skuleregion 14

15 Vedlegg 2: Gruppespørsmål foreldremøte 1. Kva meiner de er bra med den informasjonen de får av barnehagen - om planar, om barnet, om aktivitetar? 2. Kva meiner de kunne ha vore betre med informasjonen? 3. Korleis vil de bli informert? 4. Kva meiner de om den måten barnehagen følgjer opp det de tek opp, som eiskildforeldre og som foreldregruppe? 5. Korleis vert de som foreldregruppe trekt inn i planlegging og i vurdering av barnehagen? 6. På kva måte viser de interesse for innhaldet og opplegget i barnehagen? 7. Anna de ynskjer å ta opp? Vurderingsnettverket for barnehagar i HAFS skuleregion 15

16 Vedlegg 3: Intervju/samtaleguide for barna Kriterium 1: Barnehagen er prega av anerkjennande kommunikasjon 1. Kva gjer dei vaksne når de vil fortelje noko? Oppfølgjing: Høyrer dei på dykk? 2. Får de fortalt ferdig utan å bli forstyrra av andre? 3. Kven snakkar du med når du blir lei deg? (Kva skjer? Ser dei vaksne det?) 4. Korleis oppfører dei vaksne seg når du viser at du er glad og ler? 5. Kva gjer dei vaksne når du blir sint? 5b. Barna lurte på kor tid vi skulle spørre om kva er det som gjer oss sure : Kriterium 2. Personalet viser respekt for barna sine ulike perspektiv, meiningar og opplevingar. 6. Spør dei vaksne om kva du meiner om forskjellige ting i barnehagen? 7. Kva gjer du om det er noko du ikkje likar å gjere i barnehagen? Oppfølgjing: Seier du det til dei vaksne? 8. Kva skjer om de barn meiner forskjellige ting) Snakkar om de med dei vaksne om å meine ulikt, å vere ueinige? Kriterium 3 Barna deltek aktivt i planlegging, gjennomføring og vurdering av aktivitetar 9. Kva er det kjekkaste med å vere i barnehagen? 10. Kva anna kunne du ha tenkt deg å gjere i barnehagen? 11. Kven er det som bestemmer i barnehagen? 12.Kven er det som bestemmer kva de leiker med? 13. Er det nokon som bestemmer meir enn andre? Vurderingsnettverket for barnehagar i HAFS skuleregion 16

17 Vedlegg4: Intervjuguide assistentar Kriterium nr 1 Barnehagen er prega av anerkjennande kommunikasjon mellom personalet og barna. Korleis set de av tid til samtalar med barn i ein traval kvardag? Kva samtaler de om og kven bestemmer innhaldet i desse samtalane? Kva for opplæring får de når det gjeld å samtale med barn og forstå ulike uttrykksmåtar hos barn? Kriterium nr 2 meiningar Personalet viser respekt for barna sine ulike perspektiv, og opplevingar Korleis legg de til rette slik at barn kan ta eigne val? Kva gjer de når barna vil noko anna enn de har planlagd? Når barn vil ulike ting, korleis rettleier de då? Kva opplæring har de fått i konflikthandtering mellom barn? Rammeplanen legg vekt på oppdraging til demokrati. Kva gjer de i Olderdalen barnehage? Korleis vert mindretalet ivareteke? Kriterium nr 3 Barna deltek aktivt i planlegging, gjennomføring og vurdering av aktivitetar Korleis gjer de det når barna skal vere med å planlegge? Korleis får de tak i informasjon frå dei barna som ikkje kjem fram med meiningane sine av seg sjølv? Når barn har vore med og planlagt, kor viser det att? Kva får barn velge mellom og kva får dei ikkje velge? Vurderingsnettverket for barnehagar i HAFS skuleregion 17

18 Kva tid får dei velge og kor tid får dei ikkje velge? Kva gjer de med dei barna som fyrst velger ein aktivitet og deretter ombestemmer seg og vil velge noke anna? Er dei vaksne samde i når, kva og korleis barn skal få velge? Korleis er barna med og vurderer innhaldet i barnehagen; aktivitetar, kvardagsrutinar m.m.? Kriterium nr 4 Barnehagen er prega av anerkjennande kommunikasjon mellom personalet og føresette Korleis vert foreldra dratt med i barnehagens kvardag? Kva rutinar har de for korleis innspel frå foreldra vert teke imot? Kva rutinar har de for tilbakemelding til foreldra om kva som vert gjort med innspela? Korleis og kor ofte deltek foreldra i vurdering av barnehagen? Korleis handterar de innspela frå dei misnøgde foreldra? Kriterium nr 5 Barnehagen er ein lærande organisasjon Korleis og kor ofte vert arbeidsmåtar drøfta i personalgruppa? Korleis brukar de resultat frå brukarundersøkingar og vurderingar frå tilsette, foreldre og barn? Kor hen og kor tid snakkar de om barns innverknad? Forandrar de på korleis de gjer ting etter diskusjonane? Kven er med og bestemmer dagsrytma? De har vore på kurs med Kari Pape om vaksenrolla. Kva gjer de med det i etterkant? Er det noko anna viktig de vil ha formidla til Olderdalen barnehage og Høyanger kommune? Vurderingsnettverket for barnehagar i HAFS skuleregion 18

19 Vedlegg 5: Intervjuguide styrar og pedagogiske leiarar Kriterium nr 1 Barnehagen er prega av anerkjennande kommunikasjon mellom personalet og barna. Korleis set de av tid til samtalar med barn i ein travel kvardag? Kva samtaler de om, og kven bestemmer innhaldet i desse samtalane? Kva for opplæring får de i å samtale med og forstå barns tankar barn? Kva gjer barnehagen i høve til kompetansenivå (opplæringsplan/kompetanseplan)? Korleis får de kompetanse på barn sine ulike uttrykksmåtar? Kriterium nr 2 Personalet viser respekt for barna sine ulike perspektiv, meiningar og opplevingar Korleis legg de til rette slik at barn kan ta eigne val? Kva gjer de når barna vil noko anna enn de har planlagd? Rammeplanen legg vekt på oppdraging til demokrati. Kva gjer de i Olderdalen barnehage? Når barn vil ulike ting, korleis rettleiar de då? Korleis vert mindretalet ivareteke? Korleis rettleier de barn når dei er i konflikt? Kva opplæring har de fått i konflikthandtering mellom barn? Kriterium nr 3 Barna deltek aktivt i planlegging, gjennomføring og vurdering av aktivitetar Korleis gjer de det når barna skal vere med å planlegge? Korleis får de tak i informasjon frå dei barna som ikkje kjem fram med meiningane sine av seg sjølv? Når barn har vore med og planlagt, kor viser det att? Vurderingsnettverket for barnehagar i HAFS skuleregion 19

20 Kva får barn velge mellom? Kva får dei ikkje velge? Kva tid får dei velge? Kor tid får dei ikkjej velge? Kva gjer de med dei barna som fyrst velger ein aktivitet og deretter ombestemmer seg og vil velge noke anna? Er dei vaksne samde i når, kva og korleis barn skal få velge? Korleis er barna med og vurderer innhaldet i barnehagen; aktivitetar, kvardagsrutinar m.m.? Kriterium nr 4 Barnehagen er prega av anerkjennande kommunikasjon mellom personalet og føresette Korleis vert foreldra involvert i barnehagens kvardag? Kva rutinar har de for korleis innspel frå foreldra vert teke imot? Kva rutinar har de for tilbakemelding til foreldra om kva som vert gjort med innspela? Korleis og kor ofte deltek foreldra i vurdering av barnehagen? Korleis handterer de innspel frå dei misnøgde foreldra? Kriterium nr 5 Barnehagen er ein lærande organisasjon Korleis og kor ofte vert praksis drøfta i personalgruppa Korleis brukar de resultat frå brukarundersøkingar og vurderingar frå tilsette, foreldre og barn? I kva fora vert barns innverknad drøfta og korleis verkar det inn på praksis? Kven er med og bestemmer dagsrytma? De har vore på kurs med Kari Pape om vaksenrolla. Kva gjer barnehagen med kunnskapane i etterkant? Er det noko anna viktig de vil ha formidla til Olderdalen barnehage og Høyanger kommune? Vurderingsnettverket for barnehagar i HAFS skuleregion 20

21 Vedlegg 6: Observasjonsskjema Barnehagen er prega av anerkjennande kommunikasjon mellom personalet og barna Personalet er gode lyttarar Personalet er flinke til å tolke kroppsspråk Personalet tar seg tid til samtaler med barna Personalet viser respekt for barna sine ulike perspektiv, meiningar og opplevingar Personalet utfordrar barna til å ta eigne val Personalet er fleksible og imøtekommande ovanfor einskildbarn og deira behov Personalet framhever og påpeiker ulike meiningar Personalet rettleiar i konfliktsituasjonar Vurderingsnettverket for barnehagar i HAFS skuleregion 21

22 Barna deltek aktivt i planlegging, gjennomføring og vurdering av aktivitetar Barna får høve til å velje aktivitetar Barna er aktive deltakarar i kvardagsrutinane Personalet sett av tid til samtalar Barnehagen er ein lærande organisasjon Dagsrytmen er fleksibel nok til at barn slepper til Vurderingsnettverket for barnehagar i HAFS skuleregion 22