Plassebakken Barnehage

Transkript

1 Plassebakken Barnehage Plassebakken Post Nordigard Februar

2 Ååå, herlige vinter! Plassebakken Barnehage Jeg snører min sekk, jeg spenner mine ski. Nå lyser det så fagert i heien. Frå ovnskroken vekk, så glad og så fri Mot store, hvite skogen tar jeg veien. Januar har vore ein kvit månad, og utetida har vore prega av mykje aking og litt skigåing. Ungane storkosar seg i akebakken, både i barnehagen og når vi er på tur. Nokre har hatt med seg ski, og øvd seg ein del på å gå på desse, men i korte periodar av gongen. Vi håpar på å mestre betre skiutstyret utover vinteren. Vi har planlagt å ha ein snøaktivitetsdag oppe på Ola-marka ilag med Utigard iløpet av februar. Kva dag dette blir veit vi ikkje endå. For at dette skal bli ein god opplevelse er vi avhengig av passande vér; vindstille, litt sol og ikkje altfor monge kuldegrader. De skal få beskjed eit par dagar på førehand. Denne dagen kjem vi til å lage til skiløyper, hoppbakke og kanskje kulekjøringsbane, så ungane må gjerne ta med seg ski om dei har. Dei som ikkje har med ski får renne på akebrett og/eller lage snøfigurar. Grilling høyrer selvfølgelig også med ein slik dag. Sivert på akebrett. Audun kosar seg i snøven ved grillhyttene Sofie HL på skitur på Ola-marka Vi har endra vekeplanen vår litt etter jul. No har vi to fellesturar i veka. Målet med dette er at vi skal komme oss på tur uannsett om ein er tre eller fire vaksne på jobb. Dei dagane vi er fire på jobb tenkjer vi å dele gruppa når vi har komme til turmålet, for å ha ulike planlagte aktivitetar. Vi har no varmmat på tur på torsdagar. Sjølv om ungane ikkje alltid vil ha det vi lagar til(vi tek alltid med oss eit alternativ, for eksempel knekkebrød, men alle MÅ smake), virkar det som dei set stor pris på dette med varmmat på tur. Dei spør ofte undervegs: Skal vi ha middag i dag?, også når vi ikkje skal ha det. Når det er kaldt ute er det nok ekstra godt med noko varmt i magen. Leiken Fang Torill!

3 Plassebakken Barnehage BA Inne har vi fokusert på ein del formingsaktivitetar i januarmånad. For det første har vi som mål for den førre og dei neste månadane at ungane skal forbetre teiknekunnskapane sine. Mange har vore lite konsentrert når dei teiknar, og teiknar kun rabbel. Dei er no så gamle at ein skal kunne forvente at dei greier å teikne noko som liknar på noko dei ser føre seg i hovudet; for eksempel teikne ein hodefoting. Ein hodefoting(hovud+føter) kan for eksempel sjå slik ut: forestille eit menneske. og skal Vi har byrja med å trene på å få kontroll på blyanten, ved å prøve å fargelegge innanfor strekane på diverse kopiar. Dette har vore ein populær aktivitet, og fleire har vist store forbetringar. Enkelte er ikkje så interessert i denne aktiviteten, men blir likevel sett til å halde på med det. Det er viktig at ungane lærer seg å ha eit variert leikerepertoar, og vi ser at når dei berre tek seg tid til å setje seg ned så kan dei sitje ei god stund. Ungane har fått tilgang på både kritt, blyantar og tusj. Tusj er nok det mest populære redskapet, både fordi det er nytt og fordi ungane nok merkar at det er lettare å ha full kontroll på kvar streken skal gå. Blyant og kritt forandrar form etter kvart som dei blir brukt. Dette er erfaringar ungane skal gjere seg. Kreative sjeler! Tema for perioden vi er inne i heiter akkurat det. Tusjane går og ann å byggje med har Casper og Sivert funne ut. Snart nærmar det seg morsdag, og ungane har selvfølgelig arbeidd med å lage ei lita oppmerksamheit til mor si. Dette får de lese meir om seinare, anten i posten eller i permen til ungane. 28. februar skal vi feire karneval i Plassebakken barnehage. I den forbindelse har Nordigard fått ansvar for å lage det vi tidlegare har kalla Katta i sekken. Dette har vore ein papirsekk, pynta, fylt med snop og hengt i taket, som borna har bytta på å slå på til godteriet har dette i golvet. Vi har endra litt på denne tradisjonen og held på med å ferdigstille fleire nydelege piñata er. Vi har brukt pappmasjé til å forme ei løve, ei ku, ein gris og ein elefant som vi skal fylle med godteri og henge opp. Det virkar som ungane gler seg til å slå på dei, for kvar ein dag er det nokon som spør kva tid vi skal bruke dei. Når vi feirar karneval kjem alle saman utkledt til barnehagen, vi samlast ilag med dei andre avdelingane(ikkje alltid dei aller yngste) i gymsalen og har fest der med ymse innslag. Vi synes det er viktig å formidle at kostyma absolutt ikkje treng å vere dyre Disney(e.l) kostymer. Ein kan lett lage kostyme sjølv av det ein har heime. På nettet finn ein mange forslag.

4 Andre ting som har hendt i januar: Niklas fylte 3 år den 20. januar, og det feira vi som seg hør og bør med Spiderman -muffins(litt mindre sunt denne gongen), bursdagssangen Gratulerer med dagen(sjølvvalgt) og rakettoppskyting. Plassebakken Barnehage Vi har vore i gymsalen og boltra oss, og som de ser på bilda er det ein kjekk plass å vere: Mandagar har vi fast bibliotek dag. Då får ei lita gruppe vere med ned på biblioteket i kjellaren, og bytte ut bøker som ikkje er så populære på avdelinga og velje ut nye. Vi oppfordrar fortsatt alle til å låne med bøker heim og lese om kvelden eller i helga. Høgtlesing er veldig bra for utvikling av språket! Vi les mykje på avdelinga, men det er ikkje alle som synes lesing er så kjekt når det sit seks andre og skal sjå i same boka. Nokre er derfor mindre interessert i bøker i barnehagen, men kanskje kan de foreldre fange interessa deira heime.

5 Framover i februar månad Plassebakken Barnehage Det er allereie blitt nemnd ein god del av planane våre framover, men vi har meir i tankane. Ein del av borna har behov for å trene på å vente på tur. Vi har derfor tenkt å jobbe ein del med spel framover. Som ein del av det skal vi lage vårt eige memory og lotto spel. Ungane skal få tilgang til fotoapparat og ta bilde av ting dei vil ha i spelet vårt, anten ute eller inne. Så skriv vi ut bilda og laminerer dei. På denne måten får borna også erfaring med digitale og tekniske verktøy Vi kjem til å arbeide videre med teiknekunnskapane. Målet er at alle skal greie å teikne noko som kan ligne på eit menneske. Vi kjem derfor til å snakke ein del om kropp framover; korleis den ser ut, likskapar og ulikskapar. Vidare trenar vi på akkurat det å teikne eit menneske. Vi kjem selvfølgelig til å fortsette med turar på tirsdagar og torsdagar. Veit vi har masa om det mange gonger før, men SJEKK SEKKANE til ungane. Dei må ha fullt skift i sekken! Det er så kjedelig å måtte gå tilbake til barnehagen tidlegare enn planlagd fordi nokon er våt og ikkje har skift. Vi har ikkje kapasitet til å sjekke og fylle 24 sekkar kvar gong vi skal på tur. Vi gledar oss til nok ein humørfylt vintermånad med kjekke born på Nordigard! Helsing Maria, Sigurd, Monica, Torill og Chi

6 Informasjon frå dagleg leiar Plassebakken Barnehage BA Personalnytt Sidan forrige post har Iselin Holte som gjekk inn i vikariat for Eirin Algrøy Nybø fått seg fast stilling i heimkommunen, og dessverre sagt opp her. Ho har allereie hatt sin siste dag, og vi jobbar no for å finne ei løysing for leiing av avdelinga i lag med Anett som er pedagogisk leiar på Austigard. Barnehageplass frå 15. august 2012 Vi går straks i gang med opptak av barn for kommande barnehageår. Nye søkarar, dei som ønskjer plass til søsken eller ønskjer å endre plassen dei har i dag (reduksjon eller auke) må søkje om dette innan 1. mars her Husk at om du ikkje søker før 1. mars kjem du ikkje med på førsteopptaket og kan misse evt. prioritet! Ferieavvikling Minner om innlevering av ferieskjema til reidunn@plassebakken.no innan 15. februar. Ta kontakt om de har spørsmål eller noko er uklart. Når kjem barnet ditt til barnehagen? Vi vil vere fleksible i høve tidspunkt barn blir levert og henta i barnehagen. Det er du som bestemmer dette. Vi minner likevel om at alle aktivitetar startar kl. 9 30, så om de kjem etter dette må vi få beskjed. Veit du at barnet ditt skal ha fri eller er sjuk, sei frå så tidleg som mogleg. Dagen før om du veit det eller så tidleg om morgonen som du klarer. Grunnen til dette er at vi kan ha behov for å endre personalkabalen pga sjukdom. Dersom vi då har fått beskjed om barn som skal ha fri/er sjuke, lettar dette arbeidet vårt. På denne måten kan vi unngå unødig vikarinnleige som kostar barnehagen mykje. Ønskjer du kontakt med barnehagen? Både i høve punktet over og andre henvendelsar, opplever foreldre at det ikkje er like lett å få svar på telefonen når ein ringer direkte til avdelingane. Personalet tar telefonen så sant dei kan, men det kan skje at dei må la vere. I slike tilfelle er dei gjerne opptekne med barna på avdelinga og må prioritere merksemda om det dei held på med. Om de ikkje får svar på avdelinga, ber vi om forståing for dette. Viss det skulle skje kan de ringe (Sissel) eller (Reidunn/Tone Ellen). De kan også sende mail til sbn@plassebakken.no Utigard tar ikkje telefonen under frukosten ( ), men send sms så svarar dei på den så snart som råd. Karneval 28. februar Tradisjonen tru arrangerar vi karneval i barnehagen i år også. Barna kjem ferdig utkledd om morgonen, og vi har god mat, karnevalsopptog, piñata og moro. Meir informasjon får du hos personalet på avdelinga. mvh Sissel Berg Natvik dagleg leiar

7