Plassebakken Barnehage

Transkript

1 Plassebakken Barnehage Plassebakken Post Utigard Januar

2 Godt nyttår Plassebakken Barnehage BA Jula er vel overstått og vi kan sjå tilbake på ein innhaldsrik desember. Julemessa var ein stor suksess, ungane på Utigard er så stolte av at foreldra ville kjøpe dei flotte tinga dei laga. Både i kirka, på julemessa og rundt på dei andre avdelingane har vi gått i Luciatog og hatt opptreden. Kjempe flinke har ungane dykkar vore! Ein av dei siste dagane før jul skulle vi synge ein song før måltid. No treng vi ikkje øve meir på Vi tenner våre lykter, sa den vaksne, kva song vil dokke synge no?. Resultatet blei at ungane stemte i med Vi tenner våre lykter, og song alle tre versa utan hjelp frå dei vaksne. Og bra var det at vi vaksne slapp å synge, for vi stod med klump i halsen og tårer i augene Vi har observert at det er stor interesse for estetiske aktivitetar på avdelinga. Med ein gong ein vaksen setter i gang ein aktivitet stimlar borna rundt bordet. Dette resulterte i fleire fine julegåver. Spesielt toving av julekuler, ein nokså tidkrevjande aktivitet, vart populær. Fleire av borna laga fleire kuler, og vi kunne selje dei på julemessa. Vi bygg vidare på dette utover vinteren, med tegneaktivitetar, vanneksperiment, og vi skal finne på noko spanande til morsdag. Før vi byrja å lese og fortelje frå juleevangeliet, kom det mykje rare svar på kvifor vi feira jul. Men når vi nærma oss jul, visste dei fleste både kvifor vi feira jul, og detaljar som kva dei vise menn hadde med til Jesusbarnet. Her les Siv frå boka med juleevangeliet, før vi skal ete lunsj. Konfekt-verkstad Pynting av pepperkakehus

3 Førskuleklubben Plassebakken Barnehage BA Temaet mattradisjonar blei avslutta til jul med julebord. I desember laga dei julebrød, syltaflesk og julekaker; potetmjølstoppar og kokosmakroner. Dette har vi kosa oss med i adventstida. Syltaflesk fekk ungane og med heim, håper det falt i smak. Blanding av krydder til syltaflesket. Til julebordet laga vi pinnekjøtt og medisterkaker med poteter, kålrabistappe, surkål og ribbefett til. Alle laga egne bordkort og bordet blei pynta med levende lys og dekt fint på. Det blei ei koselig stund på avdelinga med hyggelig prat rundt bordet og julemusikk i bakgrunnen. Gøy med julebord

4 Plassebakken Barnehage BA Tema i førskuleklubben framover er Språk, tekst og kommunikasjon. Under dette temaet vil vi blant anna ha fokus på at borna skal verte meir språkleg bevisste. Vi skal snakke om språket og analysere det, vi vil nytte verktøyet Språksprell i dette arbeidet. Dei konkrete arbeidsmåtane kan dykk lese meir om i Plan for førskuleklubben, som blei delt ut på foreldremøte. Vi har som mål at alle i førskuleklubben skal lære å skrive namnet sitt før skulestart, dette byrja vi å jobbe med i haust. Vi er trygge på at alle vil nå dette målet. Kommunikasjonen og språket skal gi barna ein kjensle av å bli lytta til og tatt på alvor. Vi må ta oss tid og finne ut av kva barnet er opptatt av. Da opplever barnet anerkjenning som skapar gode føresetnader for vidare utvikling av språk og kommunikative ferdigheiter. Samspill er næringsgrunnlaget for alle sider ved språkutviklinga! Førskuleklubben vil og lese boka om Ronny og Julia. Denne kan de lese meir om under info om Tangloppene. I løpet av vinteren, sannsynligvis i februar, skal førskuleklubben på sin store skitur. Turen går frå Fjellstova på Ørskogfjellet, til Mevatnet der vi tek matpause, og ned til Fylling der vi blir henta. Vi skal øve i barnehagen, så ta med ski. Personalet vil vurdere skidugleiken før turen, dette skal ikkje dykk foreldre bekymre dykk for.

5 Tangloppene Plassebakken Barnehage BA Dei yngste vil og ha fokus på Språk, tekst, kommunikasjon framover. Ein dag i veka er det bibliotek-samling. Vi skal ha høgtlesing, dei får velje bøker å lese i sjølve og vi skal spille enkle spill som lotto, memo og kims leik. Denne gruppa treng trening i å sitte stille og lytte. Etter høgtlesing pratar vi om det vi har lest. Vi vil vurdere om vi skal dele dei i to, nokre treng kanskje meir utfordringar og nokre treng meir ro. Den boka vi skal lese framover heiter Ronny og Julia, bestevenner. Dei utfordringane Ronny og Julia møter, trur vi mange av borna kan identifisere seg med. Boka heng godt saman med innhaldet i opplegget Du og jeg og vi to som vi og jobbar med. For eksempel blir dei uvenner fordi begge vil bestemme. Og korleis kan dei bli venner igjen; Seie unnskyld! Dette kunne dei Tangloppene vil og tilbringe litt ekstra tid i fjøset no i vinter. Vi skal lese og utveksle fakta om dei forskjellige dyra, og gå litt grundigare inn i fjøsstellet. Nokre har allereie vore i fjøset og gitt Gisle ormekur, spanande Fjøset er ein god arena for å lære og øve på å vise hensyn, omsorg og empati. Personalet er opptatt av at alle skal bli trygge på dyra, og legg til rette om nokon er skeptiske til Gisle. Vi kjem til å legge opp til heile dagar ved fjøset. Vi smørar med niste og akar i bakken ved sidan av fjøset. Dette er og ein anledning til å bruke kjelke om nokon vil ha med heiman ifrå.

6 Plassebakken Barnehage BA Orden på avdelinga Litt av planleggingsdagen brukte vi til å ommøblere litt på avdelinga. Vi har no bord på begge romma for å kunne dele gruppa i to, dei måltida alle er inne. For å gjere det måtte vi ofre litt av tumleplasen vi hadde til frileik. For å kompensere har vi blant anna tatt i bruk eit telt som kan trekkes over bordet. Den koslige plassen som blir under er allereie ein populær leikeplass. Vi har og laga eit betre system for rydding av leiker, og merka både kasser og hyller med det som skal på plass. I garderoba er ungane flinke til å legge ting på rett plass, nytt av året er vottekassa som blir lagring mellom tørkeskap og hylle. Vi ber om at foreldra hjelper til å følgje opp ryddejobben i garderoba ved levering og henting. Sure vottar må heim oftare, og vaskast! Kuldekrem For at kuldekremen skal virke skikkelig ønsker vi at borna blir smurt på morgonen før dei kjem i barnehagen. Dette er spesielt viktig for dei som er ømfintlige for kulda. Vi ettersmører før vi går ut. Ta gjerne med ski, vi vil formidle skiglede og støtte borna i å få gode mestringsopplevingar i skileiken Helsing Utigard Julevandring

7 Informasjon frå dagleg leiar Plassebakken Barnehage BA Godt nytt år! Håper juleferien var fin og at de er klare til eit nytt halvår i lag med oss her i Plassebakken Barnehage. Vi har mange planar for første halvdel av 2012, og gler oss til mange kjekke aktivitetar som utfordrar kunnskap og ferdighetsnivå. Personalnytt Inger Lill Dalsbø er tilbake etter svangerskapspermisjon og går inn i att i stilling som pedagogisk leiar ved Sørigard i lag med Ingvild. På Sørigard finn de framleis Gunnlaug og Ann Mari som faste tilsette. Isabelle flyttar over til Austigard og blir der ein dag i veka i tillegg til at ho er fast vikar på andre avdelingar. Lisbeth flyttar også over til Austigard og går inn i stilling som assistent no det siste halvåret av førskulelærarutdanninga. Barbara blir fast vikar på huset og blir i starten å finne mest på Sørigard og Austigard. Jorunn, Chi og Kinga held fram på dei avdelingane dei var før jul ut januar. Branntryggleik Personalet har ved ein gjennomgang av våre prosedyrer på brannvernområdet funne det naudsynt å minne dykk på at vi ønskjer at alle foreldre leverer barna på avdelinga. Nokre lar barnet gå inn åleine, men vi ønskjer ansvaret for barnet overlevert. Vi kan ikkje vite at eit barn er på veg inn/ned trappa inne. Dersom alarmen går, forlet vi avdelingane og har eit antal barn vi skal gjere greie for. Om desse tinga inntreff samstundes, kan vi dessverre unngå å få med oss det barnet som framleis er på veg til si avdeling utan følgje av vaksen medan vi er på veg til avtalt møtestad ved brannalarm. Miljøretta helsevern i barnehage og skule Dette er ei forskrift som ofte vert kalla barna si arbeidsmiljølov. Denne forskrifta er viktig for oss å etterleve. I 2011 har vi hatt fokus på tidspress, støy og organisering både for barn og tilsette. Vi held fram arbeidet i 2012 med ei støymåling i samarbeid med bedriftshelsetenesten. Denne kartlegginga dannar grunnlag for tilrettelegging av tilbodet på ein måte som ivaretek barn og vaksne sine behov for variasjon mellom aktivitet og kvile/pausar, og vil gi oss kunnskap om korleis vi skal organisere avdelingane/gruppene på best mogleg måte. Har du spørsmål er det berre å ta kontakt. Resultatet av målinga og evt. tiltak blir informert om når dette er klart. Lån gjerne med bøker heim Vi minner om at barnehagen har eigen bibliotekfilial som er eit samarbeid mellom Skodje Folkebibliotek og barnehagen. Her har alle barn høve til å låne med bøker heim. Vi har eit svært enkelt utlånssystem: Barna er nede på biblioteket i barnehagetida og låner bøker som blir sett i garderoba. Boka har då fått ei blå pingvin med barnets namn på. Då er det berre for dykk å skrive boka inn i utlånspermen som også står i garderoba, ta med boka heim og kose dykk med den. I tillegg vil vi veldig gjerne at de tar dykk tid til å gå ned på biblioteket i lag med barna dykkar når de hentar og låner bøker. Vi vil gjerne låne ut så mykje som mogleg. Vi har ca. 400 bøker til utlån både biblioteket sine (merka med eventyrslott) og barnehagen sine (merka med fargekodar). Spør om du er usikker. Julemesse/førjulsfest Vi har fått nokre tilbakemeldingar på arrangementet vi hadde den 15. desember. Dette var eit samarbeid mellom barnehagen og foreldre til barn som går siste året før skulestart. Tilbakemeldingane seier at dette var kjekt, vellykka og kan gjerne gjerast opp att. Har du meiningar om dette, tar eg gjerne i mot dei på sbn@plassebakken.no mvh Sissel Berg Natvik dagleg leiar

8