Reguleringsføresegner Myrkdalen Camping Side 1 av 7 Planid.: 05031 Arkivsak: 05/1709 Arkivkode: PLAN soneinndeling, L12 Sakstittel: REGULERINGSPLAN FOR MYRKDALEN CAMPING Utarbeidd av: Anda & Hirth ANS Datert: 25.05.2007 Saksbehandling: Forslag til reguleringsplan og føresegner datert den 25.05.2007 Revisjon av føresegner den 12.09.2007 Vedtak i planutvalet om utlegging til offentleg ettersyn den 07.06.2007sak 77/07 Utlegging til offentleg ettersyn frå den 18.06.2007 til den 23.07.2007 Vedtak i det faste utval for plansaker den 11.10.07 sak 124/07 Vedtak i Voss kommunestyre den 29.11.07 sak 99/07 Kunngjering 15.12.2007 1.0 GENERELT Det regulerte området er på planen vist med reguleringsgrense. Innanfor denne grensa skal arealet nyttas som vist på planen. Føremålet med planen er å fastleggja tilrettelegging av heilårs campingplass for å styrkja grunnlaget for gardsdrift, og å tilpassa anlegget til landskap og terreng. I samsvar med 25 i plan- og bygningslova (pbl), er området regulert til fylgjande formål: Byggeområde ( pbl 25, første ledd nr. 1 ) Offentlege trafikkområde ( pbl 25, første ledd nr.3 ) Spesialområde ( pbl 25, første ledd nr. 6 ) Føresegner om rekkjefylgje (pbl 26, første ledd) 2.0 FELLES FOR HEILE OMRÅDET Vegetasjon, terreng- og landskapstilpassing Bygningar, anlegg og terrengforming skal tilpassast i landskapet. Fyllingar og terrengskjæringar skal lagast med stabile skråningar som gjev grunnlag for tilgroing med vegetasjon. Nødvendig rydding av vegetasjon og terrengforming kan gjennomførast for å tilretteleggja området til føremålet. Større tre og anna verdifull vegetasjon skal i størst mogeleg grad bevarast.
Side 2 av 7 For å dempa det visuelle intrykket av campingvognene skal det plantast høvleg vegetasjon langs interne vegar og mellom dei ulike sonene på campingplassen. Universell utforming Det skal sikrast godt tilgjenge for alle, etter prinsipp for universell utforming. Alle uteareal og bygningar som skal vera alment tilgjengelege skal utformast slik at dei kan brukast på like vilkår av dei aller fleste. Tilkomst via interne vegar Det skal opparbeidast interne tilkomstvegar fram til dei ulike område for camping, bubilar og teltplassar. Langs vegane skal det setjast av areal for snølager og nødvendige plassar for trafikksikker parkering av bilar. Parkering Det skal tilretteleggjast nødvendige parkeringsplassar til aktuell bruk. 2 % av parkeringsplassane skal vera tilrettelagde med ei god plassering og nødvendig breidde for bruk av rørslehemma. VA-anlegg Sanitæranlegg og kiosk skal koblast til godkjent vassforsyning og offentleg avløpsanlegg. Vassforsyninga skal dimensjonerast for tilstrekkeleg vatn til brannsløkking. Utleigehytter skal koblast til avløpsanlegg dersom det vert innlagt vatn i hyttene. Spikartelt eller campingvogner skal ikkje ha innlagt vatn og avløpsløysing. Avfallsordning Campingplassen skal knytast til godkjent avfallsordning Ved sanitæranlegg og kiosk skal det setjast av rom for bos/avfallsdunkar nok til å dekkja behovet for heile campingplassen. EL-anlegg I områda skal det ikkje nyttast luftstrekk for t.d. straumforsyning og telekommunikasjon. 3.0 BYGGEOMRÅDE, pbl 25, første ledd nr. 1 Generelt Bygningar og anlegg i området skal utformast med tanke på heilskap og gode
Side 3 av 7 arkitektoniske kvalitetar. Bygningane skal berre ha ei høgd, tilpassast terreng og ha god estetisk utforming. Takvinklar skal vera mellom 27 og 34 grader og fargar skal harmonera med omgjevnadene. Byggeområder for kiosk. B 1 Kiosken med uteplass kan ha BRA på 110 m2. Ved kiosken skal det opparbeidast eit parkeringsareal til gjesteparkering for bubilar og campingvogner. Byggeområde for servicebygg. B2 og B3 Servicebygg kan ha BRA inntil 100 m2 på område B2 og inntil 60 m2 på område B3. Byggeområde for utleigehytter B 4 og B5 Utleigehyttene kan ha eit BRA på inntil 40 m2 kvar. 4.0 OFFENTLEG TRAFIKKOMRÅDE, pbl 25, første ledd nr 3 Anna vegareal Området skal vera sideareal til offentleg veg. Utanfor frisiktsona skal det utviklast vegetasjon som skjerming. 5.0 SPESIALOMRÅDER, pbl 25, første ledd nr. 6 Spesialområde - naturvern Områda skal vera avstandareal mot nabo og verneareal mot elv, og oppretthaldast som kulturlandskap. Det skal ikkje setjast i verk tiltak eller anlegg som i vesentleg grad vil endra landskapskarakteren eller er til hinder for friluftsaktivitetar knytte til vassdraget. I områda skal det ikkje fyllast ut, gravast eller oppførast bygg eller anlegg, men eksisterande landbruksveg over området langs vassdraget kan tilpassast til framtidig bruk. Skjøtsel av skog og slåttemark i områda er tillatt, men kantvegetasjon langs vassdraget skal vernast. I avstandsbeltet mot nabo skal det utviklast kantvegetasjon som ei skjerming. Spesialområde privat veg / parkering
Side 4 av 7 Avkøyringa skal opparbeidast etter dei krava som gjeld for avkøyring frå riksveg og dimensjonerast som kryss for lett lastebil. Vegen skal vera tilkomst for bruk av campingplassen og drift av landbrukseigedom Spesialområde frisiktsone ved veg Innanfor frisiktsona som vist på plankartet skal det vera fri sikt 0.5 m over vegbanen. Buskar tre og gjerder m.v. som kan hindra sikt er ikkje tillatt. Spesialområde campingplass Område for spikartelt i tilknyting til campingvogner C Området skal tilretteleggjast for campingvogner som kan ha spikartelt / fortelt. Området skal delast inn i ulike soner med interne vegar. Campingområda er delt inn i parsellar på 20x6 m der det kan plasserast 2 vogner med spikartelt. (10x6x2) Det må så vera 8 m avstand til neste gruppe på 2 vogner. Innanfor kvar gruppe kan det byggjast 75 m2 (Bebygd areal) Det betyr at kvar vogn pluss spikartelt kan vera 37.5 m2. I sona på 8 m kan det lagast terasse på maks 4x6m for kvar vogn. Terassane skal ha ei høgde på maks 50 cm over bakken. Campingvogner med fortelt/spikartelt, terasser etc skal ha ein tiltalande utsjånad. Dette gjeld også når campingvogna er fjerna. Spikartelt skal ha ei høgde som er harmonisk tilpassa den enkelte campingvogn. Maksimal gesimshøgd skal vera 2,5 m og maksimal mønehøgd/høgd på pulttak skal vera 3,0 m. Fundament for spikartelt og terasser skal vera låge og minst mogeleg synleg. Det er ikkje tillete med takoverbygg over campingvognene. Levegger el. liknande skal ikkje vera høgare enn 1,8 m. Det er ikkje tillete å byggja gjerde rundt parsellane, men terrassen kan inngjerdast / sikrast med rekkverk på inntil 0.9 m. Utnytting av delområda er avgrensa til oppstilling av 66 campingvogner fordelt slik: C.vogner 1 C.vogner 2 C.vogner 3 C.vogner 4 C.vogner 5 Her skal det kunna vera inntil 17 vogner. Noverande plassering av campingvogner skal justerast slik at avstandar vert i samsvar med føresegnene. Sjå skisse. Her skal det kunna vera inntil 12 vogner. Her skal det kunna vera inntil 6 vogner. Her skal det kunna vera inntil 6 vogner. Her skal det kunna vera inntil 3 vogner.
C.vogner 6 C.vogner 7 C.vogner 8 Her skal det kunna vera inntil 4 vogner. Her skal det kunna vera inntil 6 vogner. Her skal det kunna vera inntil 12 vogner. Side 5 av 7
Side 6 av 7
Oppstillingsplass for bubilar BU1 og BU2 Områda skal nyttast til oppstilling av bubilar og vera tilrettelagt for dette. Side 7 av 7 Teltplass T1 Området skal nyttast til oppsetting av telt. Leikeområde L 1 Arealet skal opparbeidast som ein leike/ballplass. Det skal vera ein klar avgrensing til nabo, vegar og campingvogner. Mot riksvegen skal det setjast opp sikring i form av gjerde eller liknande. L 2 Arealet skal vera ein mindre leikeplass med diverse leikeapperat etc. Felles opphaldsareal F 1 Området skal vera eit felles opphaldsareal for brukarane av campingplassen. Det skal haldast ryddig og ikkje nyttast til oppstilling av bilar, campingvogner m.v. 6.0 ANDRE FØRESEGNER, pbl 26, første ledd Rekkjefølgjebestemmelser / vilkår for gjennomføring Kryss med offentleg veg og tilkomst til campingplassen skal vera opparbeidd før ny campingplass vert teken i bruk.leikeplass L1 og L2 skal vera opparbeidd når delområde C4, C5, C6, C7 eller C8 vert teke i bruk. Ny vegetasjon skal etablerast langs interne vegar og mellom dei ulike sonene etter kvart som plassen vert opparbeidd.