ETNE KOMMUNE SAKSUTGREIING Utval Møtedato Saknr Saksh. Komite Forvaltning 13.06.2013 068/13 ERK Sakshandsamar: Erik Kvalheim Arkiv: N-504 Arkivsaknr: 2012000780 FORSLAG TIL REGULERINGSPLAN - KROKANE HYTTEFELT - KROKAVATNET Vedlegg i saka: Motteke frå Tveit Maskin v/ Harald Stødle 01.05.13: Plankart datert 1.5.13 Planomtale for hyttefelt ved Krokavatnet i Etnefjella. Datert 2.4.13 Reguleringsføresegner for hyttefeltet Krokavatnet i Etnefjella. Datert 28.1.13 Risiko- og sårbarhetsanalyse. Datert 9.1.13 Kommentarer til innkomne merknader til varsel om oppstart av regulering. Datert 30.1.13. Merknader til oppstart: - Frå Johannes Onstein, Litledalen, 5590 Etne. Brev datert 15.4.12, kart 243.4.12 - Uttalelse til nabovarsel, brev frå Haugaland Kraft datert 16.03.12, vedlagt kart. - Fylkesmannen i Hordaland, uttale oppstart, brev datert 17.4.12 Utrykte saksdokument: Ingen Saksgang: Komité Forvaltning til 1. gongs handsaming og offentleg utlegging Komité Forvaltning til 2. gongs handsaming - handsaming av innkomne merknader Kommunestyret til endeleg godkjenning Utskrift til: Byggkonsulenten Stødle v/ Harald Stødle, 5563 Førresfjorden Sakshandsamar for oppfølging
SAKSUTGREIING: 1. Kva saka gjeld: 1.gongshandsaming av framlegg til detaljregulering for Krokavatnet hyttefelt i Etnefjella. 2. Bakgrunn for saka: Byggkonsulent Harald Stødle har utarbeidd framlegg til reguleringsplanen på vegne av Kaldheim fjellgruppe og Berge Sag og Hyttetomter. Planområdet ligg om lag 2,5 km sør for parkeringsplassen på Skarstølen, 575-595 m.o.h. i ei austvendt skråning, på begge sider av anleggsvegen til Haugaland Kraft AS. Grensa mot Grindheim og Litledalen Fjellgruppe sitt område går litt aust for planlagt hyttefelt. 3. Problemstilling: Vedlagt ligg framlegg til plankart, planomtale, -føresegner, ROS-analyse, innkomne merknader til oppstart av planprosessen (3 stk), og kommentarar til desse. Det er gjennomført oppstartmøte med kommunen og fleire arbeidsmøte undervegs. Det vert lagt opp til inntil 26 hytter i eit planområde på om lag 82 dekar, på festetomter i grupper på 1 til 7, med byggareal inntil 100 m2, max. mønehøgd 5,9 m, inntil 20 m2 terrasse i tillegg (kan gjerdast inn av omsyn til beitedyr, men ikkje lov med gjerde rundt hyttene), berre høve til eitt bygg pr. festetomt inkl. uthusdel, krav om torvtak og mørke jordfargar på hyttene, innlagt vatn, gruppevis felles gråvatnreinsing, biodo/tørrklosett, mottak for renovasjon i Litledalen. Ein søkjer å gjere utbygginga så skånsam som mogleg i høve til naturinngrep. Veganlegg skal såast til og få eit grønt preg etter anleggstida. Stikkvegar mot hyttene er tenkt omgjort til 2 m brei gangsti etter anleggsfasen. Det er ikkje tenkt parkering i hyttefeltet i bruksfasen, men nedanfor bom på Skarstøl Friluftslag sin P-plass i enden av Kritlevegen. Ubrøyta vegar innom bommen vinterstid. Kommuneplanens arealdel (vedlagt sist i planomtalen) har sett av eit om lag 2 km langt område for inntil 100 hytter, mellom Hjelpekorpshytta ved Jørnås og det omsøkte planområdet. Omsøkte plan er stort sett i tråd med kommuneplanen, men 7-8 festetomter ligg rett utanfor grensa i sør. Sjølv om føremålsgrensa i kommuneplanen er formell nok, ser vi i ettertid at ho i dette området er noko grovt opptrukket. Av dei 7-8 festetomtene ligg 2 stk. om lag 100 m utanfor føremålsgrensa i kommuneplanen, dei fleste andre ligg mindre enn 50 m utanfor. Alt i alt ser vi ikkje at denne endringa bør utløyse full konsekvensutgreiing for denne delen. Naturgrunnlaget er nokolunde likt i heile området og er skildra i planomtalen. 4. Vurdering: Vi kunne kanskje ønska ei noko meir fagleg skildring av m.a. naturgrunnlag, friluftsliv og beitebruk i området, men det er lagt til grunn at planframlegget er i tråd med kommuneplanen. Det er lagt inn ein del avbøtande tiltak i høve til natur, landskap og beitebruk mm. Området er sjekka i høve til viltinteresser, naturtypar og raudlisteartar, og der er ikkje funne store verdiar her. Tvert imot er området dominert av tradisjonelle artar for landsdelen, med spreidde
innslag av trevegetasjon (mest fjellbjørk) og elles eit beitepåverka feltsjikt. Planområdet ligg i fyllitt-/glimmerskiferbeltet i Etnefjella, som gir relativt gode beite. S. 3 og 4 i planomtalen er tilhøvet til naturmangfaldlova 8, 10, 11 og 12 skildra. 9 om Føre-var-prinsippet er ikkje nemnt, då ein meiner at kravet til kunnskapsgrunnlag i 8 er stetta. På s. 5 i planomtalen følgjer eit par foto som syner typisk landskap i området. På s. 2 er det nemnt at tilgangen til grøntområde blir som før, at det ikkje skal leggjast opp til restriksjonar for ålmenta, men skal vere fri ferdsle i og rundt hyttefeltet for friluftsliv og beitedyr. Like fullt er planføresegn 5.1 Friluftsområde formulert slik: Alle områder utanom festetomtene og veier er friluftsområde og blir å betrakte som fritt for almennheten. Rådmannen meiner der ikkje er heilt samsvar mellom planomtale og føresegn på dette punktet, eller at det i det minste kan misforståast. Sidan føresegna er knytt til dei grøne områda i planen, kan dette lesast som at ferdsle i dei oransje byggjeområda er forbode. Der står ingenting om tilgjenge for ålmenta i føresegnene for byggjeområda. Normalt er det etter friluftslova også lov å gå på private vegar. Rådmannen rår til at det vert lagt inn eit krav om at føresegna må justerast før utlegging, slik at intensjonen i planomtalen vert oppfylt, om fri ferdsle i og rundt hyttefeltet. Då kan det også på same tid leggjast inn eit påkravd arealoversyn fremst i føresegnene, med liste over areal på dei ulike føremåla i planen. Når det gjelder vegrettar og parkering, så har ein ikkje kome heilt i mål med dette. Der har vore kontakt med Skarstølen Friluftslag om parkering nedanfor bommen, men der ligg ikkje skriftlege avtalar ved framlegget. Vi trur også at der trengs avtale for tilkomst til hytteområdet i byggjefasen, og etter behov i driftsfasen. Anleggsvegane i fjellet blei bygd av Haugesund Energi som del av konsesjonen sist på 1950-talet. Haugaland Kraft AS har i dag berre vegrett for eigne føremål. Første del av vegen innanfor bommen ligg på grunnen til Grindheim og Litledalen fjellgruppe. NVE vedtok i 1999 eigne kjørereglar for anleggsvegane i fjellet, men desse kan, slik rådmannen ser det, ikkje nyttast til å gi vegrett til andre enn dei som hadde det frå før. Reglane opnar heller ikkje for vanleg kjøring til privathytter utover i landbrukssamanheng (unnatak for rørslehemma). Vegretten til Kaldheimsgardane kan ikkje dupliserast til å gjelde for 26 nye einingar. Vi forventar innspel om vegrettar i høyringa, inkl. avklaring oppimot dei nemnte NVE-reglane. Det er vanleg å knytte rekkjefølgjekrav til vegrettar, så dette må i alle høve avklarast før byggefasen. Omsøkte plan var første gang fremja i 2007, men vart så lagt på vent. Grindheim og Litledalen Fjellgruppe hadde også konkrete planar på denne tida, men fremja dei ikkje for politisk handsaming då. Det har i mange år vore ønskjeleg med tilbod om private hytter i fjellet i Etne, som ikkje er knytt til gardsbruk. Ein kan sjølvsagt diskutere storleiken på hyttene i det framlagte området, men 100 m2 er ikkje uvanleg i fjellet i dag. Viktigare enn dette synast å vere at det her blir lagt opp til ei heilskapleg utbygging i regi av Berge Sag, med krav om torvtak og jordfargar eller steinmurte veggar, som vi gi eit finare og meir einsarta felt enn om kvar og ein hytteeigar skulle velje seg hyttetype og leverandør sjølve. Når det gjelder kulturminne, så sjekka Hordaland Fylkeskommune området i 2008, utan at der blei funne synlege kulturminne. ROS-analyse ligg ved saka, utarbeidd i tråd med reglane i overordna ROS for Etne kommune. Der er regulerte vatn nær planområdet, men desse er ikkje vurdert å utgjere noko fare utover tilhøva i dag. Der er mykje friluftsliv i området frå før, både sommar og vinter. Haugaland Kraft AS annonserer jamleg om utrygge soner i delar av dei regulerte vatna, og det er også skilta i felt. Der er god beredskap i fjellet, m.a. gjennom arbeidet til Etne Røde Kors
Hjelpekorps. Dei driv også nettsida http://erkh.no/weather/ med verdata og webkamera på Røde Korshytta. Av merknadene til oppstarten av planarbeidet, kan det knytast nokre kommentarar til innspelet frå Johannes Onstein. Merknaden går m.a. på at aukande trafikk på kommunevegen til fjells gjer det vanskeleg å drive med husdyr på bruket i Litledalen (kart vedlagt merknaden). Etter det vi veit var der ikkje stor lokal usemje då kommunen overtok vegen frå Haugesund Energi på 1990-talet. Etter nokre års diskusjon, var der heller ikkje store prostester om å leggje inn areal for hytter i fjellet i kommuneplanen i 2003. Begge fjellgruppene starta som nemnt reguleringsarbeid nokre år etterpå. Det er klart at aukande trafikk til fjells har konsekvensar på fleire måtar, og her må vi som i andre saker vege nytten oppimot ulempene (t.d. vedr. landbruksinteresser, friluftsliv/ folkehelse, verdiskaping, inntekter på gardsbruka, osb.). Høyringa vil truleg gi nye innspel om desse spørsmåla. TILRÅDING FRÅ RÅDMANNEN: datert 1.5.13, planføresegner 28.1.13) lagt ut til offentleg ettersyn i minst 6 veker, så snart som mogeleg etter at føresegnene er justert som omtalt under Vurderingen, vedrørande arealoversyn og tilgjenge for ålmenta i byggeområda. 16.05.2013 KOMITE FORVALTNING Etne Senterparti fremja fylgjande utsetjingsframlegg: «Komite Forvaltning er positive til hyttefelt i fjellet. For å få best mogleg oversikt før 1. gongs utlegging, ber me om at det vert føreteke synfaring. Saka vert difor utsett til neste møte.» RØYSTING: Utsetjingsframlegget vert godkjent med 4 mot 3 røyster. Etter dette ligg det føre slik: FV-055/13 VEDTAK: 4 mot 3 røyster Komite Forvaltning er positive til hyttefelt i fjellet. For å få best mogleg oversikt før 1. gongs utlegging, ber me om at det vert føreteke synfaring. Saka vert difor utsett til neste møte.
NYE OPPLYSNINGAR I SAKA Saksutgreiing: Saka vart utsett på sist møte grunna ønske om synfaring. Vurdering: Ingen nye saksopplysningar, saka vert lagt fram med same tilråding som sist. TILRÅDING FRÅ RÅDMANNEN: datert 1.5.13, planføresegner 28.1.13) lagt ut til offentleg ettersyn i minst 6 veker, så snart som mogeleg etter at føresegnene er justert som omtalt under Vurdering, vedrørande arealoversyn og tilgjenge for ålmenta i byggeområda. 13.06.2013 KOMITE FORVALTNING Komite Forvaltning var på synfaring i saka før møtet. FV-068/13 VEDTAK: samrøystes datert 1.5.13, planføresegner 28.1.13) lagt ut til offentleg ettersyn i minst 6 veker, så snart som mogeleg etter at føresegnene er justert som omtalt under Vurdering, vedrørande arealoversyn og tilgjenge for ålmenta i byggeområda.